لاہور:40 روپے میں لاہورکی سیر،اورلائن ٹرین چلے گی تو ہوگا مسافرکوسکون،اطلاعات کے مطابق اورنج لائن ٹرین کا ایک طرف کا کرایہ 40 روپے رکھنے کی تجویز پر اتفاق ہوگیا ہے۔ حتمی فیصلہ وزیراعلیٰ پنجاب عثمان بزدار کی منظوری کے بعد کیا جائے گا۔

ذرائع کے مطابق پنجاب حکومت نے حکومتی بجٹ اور سبسڈی کو بنیاد بناتے ہوئے تجویز کیا کہ کم از کم یکطرفہ کرایہ 50 روپے مقرر کیا جائے، دوسری جانب محکمہ خزانہ نے کہا کہ منصوبے پر زیادہ سبسڈی نہیں دے سکتے۔محکمہ خزانہ حکام نے بتایا کہ اگر کرایہ 40 روپے کیا گیا تو سالانہ 6 ارب روپے سبسڈی دینا ہوگی، مشاورت کے بعد یکطرفہ کرایہ 40 روپے کی فی کس طے پا گیا۔

واضح رہے کہ سیکرٹری خزانہ پنجاب عبداللہ سنبل نے کہا کہ اورنج ٹرین پر سبسڈی دینے اور ٹکٹ طے کرنے سے متعلق اہم تجاویز سامنے آئیں ہیں تاہم کرایے سے متعلق حتمی فیصلہ وزیراعلیٰ پنجاب کریں گے۔

لاہور:لاہور ہائیکورٹ نے ملک بھر میں فحش ویب سائٹس کی بندش نہ ہونے پروفاق سے دو ہفتوں میں جواب طلب کیا ہے، لاہورہائی کورٹ نے وفاقی حکومت سے فحش ویب سائٹس سے متعلق ایڈوکیٹ شہباز اکمل جندران کی درخواست پرجواب طلب کیا ہے

نقیب اللہ کے والد سے کیے وعدے کو نبھائیں گے،آرمی چیف

باغی ٹی وی کے مطابق جسٹس مظاہر علی اکبر نے ایڈوکیٹ شہباز اکمل جندران کی درخواست پر سماعت کی جس میں دائر درخواست میں وفاقی حکومت ،پی ٹی اے اور ایف آئی اے کو فریق بنایا گیا ہے درخواستگزار نے موقف اختیار کیا کہ وفاقی حکومت اور ادارے فحش ویب سائٹس کی بندش میں ناکام رہے ہیں فحش ویب سائٹس کی بندش نہ ہونے سے بچوں بڑوں او رہر عمر کے افراد سمیت سوسائیٹی پر منفی اثرات مرتب ہو نے لگے ہیں۔

پاکستان میں ایڈز کے حوالے سے وزیراعظم کے معاون خصوصی نے خطرے کی گھنٹی بجادی

درخواست گزار وکیل نےنقطہ اٹھایا کہ غیر اخلاقی ویب سائٹس کے خلاف کاروائیاں نہ ہونے نوجوان نسل پع برا اثر پڑ رہا ہے درخواست گزار نے عدالت سے استدعا کی کہ فحش ویب سائٹس بند کرنے کا حکم دیا جائےلاہور ہائیکورٹ نے نوٹس جاری کرتے ہوئے پی ٹی اے اور ایف آئی اے سے دو ہفتوں میں رپورٹ طلب کر لی ہے

ایف اے ٹی ایف کی سفارشات پرعمل ، 7 دسمبرکواجلاس بلالیاگیا

ہیپاٹائٹس کا تدارک ،ماڈل پلان پنجاب میں کس ضلع سے شروع ہو گا؟ یاسمین راشد نے بتا دیا

باغی ٹی وی کی رپورٹ کے مطابق صوبائی وزیرصحت پنجاب ڈاکٹریاسمین راشد نے آج مقامی ہوٹل میں عالمی ادارہ صحت کی جانب سے ہیپاٹائٹس کے تدارک کے حوالہ سے بین الاقوامی کانفرنس میں بطورمہمان خصوصی شرکت کی۔ اس موقع پرپروگرام منیجرپنجاب ہیپاٹائٹس کنٹرول پروگرام ڈاکٹرخالدمحمود، عراق، اومان، فلسطین، عالمی ادارہ صحت کے نمائندگان، آغاخان یونیورسٹی، دی ہیلتھ فاؤنڈیشن، ایسوسی ایشن فارسوشل ڈویلپمنٹ، ایمروکے نمائندگان ودیگرفلاحی تنظیموں کے نمائندگان نے شرکت کی۔

عالمی ادارہ صحت کے نمائندگان نے صوبائی وزیرصحت کی ہیپاٹائٹس پرقابوپانے کیلئے کی جانے والی کاوشوں کوسراہا۔

صوبائی وزیر صحت ڈاکٹریاسمین راشد نے کہا کہ یونیورسل ہیلتھ کوریج کے اہداف کوحاصل کرنے کیلئے کوشاں ہیں۔ ضلع ننکانہ سے ہیپاٹائٹس کے تدارک کے سلسلہ میں ماڈل پلان شروع کیاجائے گا۔ وزیر صحت پنجاب نے مزید کہا کہ ہیپاٹائٹس میں کمی لانے کیلئے ایس او پیز پرعملدرآمدکیلئے سخت قانون سازی بھی کی جارہی ہے۔پنجاب ہیپاٹائٹس کنٹرول پروگرام کے تحت مریضوں کوادویات، ٹیسٹوں اورعلاج معالجہ کی مفت سہولت فراہم کی جارہی ہے۔

صوبائی وزیر صحت نے انتہائی اہم موضوع پرکانفرنس منعقدکروانے پرعالمی ادارہ صحت اوراتحادی فلاحی تنظیموں کی کاوش کوبے حد سراہا.

لاہور:جہاں لوگ ایک ایک لاکھ کے جوتے پہنتے ہوں وہاں لوگوں کی شاہانہ زندگی کا انداز کیا ہوگا، اطلاعات کے مطابق لاہور کی ایک مسجد سے شہری کے ایک لاکھ روپے مالیت کا جوتوں کا جوڑا چوری ہو گیا۔

لاہورپولیس کے مطابق ڈیفنس کا رہائشی شیراز بشیر گنگا رام اسپتال سے میسن روڈ کی ایک مسجد میں نماز مغرب ادا کرنے گیا تھا جہاں اس کے ایک لاکھ روپے کی مالیت کا جوتوں کا جوڑا چوری ہوگیا۔

ذرائع کے مطابق متاثرہ رہائشی نے تھانہ سول لائنز میں اپنے جوتے چوری ہونے کی درخواست جمع کرواتے ہوئے کہا ہے کہ سی سی ٹی وی کی مدد سے چور کو تلاش کرکے میرے جوتے برآمد کیے جائیں۔مذکورہ درخواست پر پولیس کا کہنا ہے کہ قانون کے مطابق کارروائی کی جائے گی۔

فیاض الحسن چوہان نے اطلاعات کا دوبارہ وزیر بنتے ہی ایسی بات کہہ دی کہ…….

باغی ٹی وی کی رپورٹ کے مطابق صوبائی وزیر اطلاعات فیاض الحسن چوہان نے پریس کانفرنس سے خطاب کرتے ہوئے کہا کہ بے سہارالوگوں کیلئے شیلٹرہومزبنائے گئے، پنجاب میں ضلعی،صنعتی،اسپیشل ایجوکیشن پالیسی منظورہوئی، پہلے سال ہی پنجاب میں 9 یونیورسٹیوں کی تعمیرشروع ہوئی، شیرشاہ سوری کی طرح عثمان بزدارکی بھی تعریف ہونی چاہیئے، پہلےسال ہی 9اسپتالوں کی تعمیرشروع ہوگئی،

فیاض الحسن چوہان نے مزید کہا کہ پہلی بارپنجاب میں سرکاری لنگرخانے کھولے گئے،ہماری حکومت میں دونمبری نظرنہیں آئے گی، شہبازشریف دورمیں مہمان نوازی کیلئے 11کروڑروپے مختص تھے،موڈیزنے بھی کہا پاکستان کی معیشت مستحکم ہورہی ہے، سابق حکومت نے ملک کو 21ارب ڈالرکا نقصان پہنچایا،عثمان بزدارنے پہلےسال 55کروڑکے اخراجات کم کیے،

فیاض الحسن چوہان نے مزید کہا کہ سوا 9 لاکھ کنال سرکاری اراضی واگزارکرائی، طلال چودھری،دانیال عزیز،جاویدلطیف جیسے لوگ قابض تھے،ایک سال میں ساڑھے 10ارب روپے قرض واپس کیا، جنوبی پنجاب کیلئے35فیصد بجٹ مختص کیا گیا، وزیراعلیٰ پنجاب نے صوبے میں ترقیاتی کام کیے،گزشتہ حکومت نے ملکی معیشت کونقصان پہنچایا،وزیراعلیٰ پنجاب نے 60فیصد اخراجات کم کیے، شہباز شریف کے8،8کیمپ دفاتر ہوتے تھےوزیراعلیٰ عثمان بزدار کا ایک بھی کیمپ آفس نہیں، شہبازشریف کے رشتے داروں پر 2 ہزار سے زائد اہلکارتعینات تھے،

فیاض الحسن چوہان نے مزید کہا کہ پہلی باردیہات کے اسپتالوں میں 24گھنٹے سروس کا آغاز ہوا،وزیراعلیٰ عثمان بزدار نے ایک آنا بھی منی لانڈرنگ نہیں کی،وزیراعلیٰ پنجاب عثمان بزدار کا مقابلہ اپوزیشن سے نہیں ہوسکتا ،شہباز شریف 1200 ارب روپے کا مقروض صوبہ چھوڑ کر گئے تھے،عثمان بزدار کی قیادت میں 104فیصد ٹیکس وصولی ہوئی،

فیاض الحسن چوہان کا مزید کہنا تھا کہ فضل الرحمان کو دن میں بھی تارے کم اور عمران خان زیادہ نظرآتے ہیں، فضل الرحمان ناکام ہو کر واپس چلے گئے،فضل الرحمان کو اپنوں نے ہی یہاں تک پہنچادیا ہے،بلاول بھٹو زرداری بچے من کے کچے ہیں

رانا مشہود کا نام ای سی ایل سے نکالنے کی درخواست پر عدالت نے کیا حکم دیا؟

باغی ٹی وی کی رپورٹ کے مطابق لاہور ہائیکورٹ میں لیگی رہنما رانا مشہود احمد خان کا نام ای سی ایل میں ڈالنے اور نیب کے طلبی نوٹس کے خلاف درخواست پر سماعت ہوئی،عدالت نے سماعت 17 دسمبر تک ملتوی کر دی ،عدالت نے رانا مشہود کی نیب گرفتاری روکنے کے حکم امتناعی میں بھی توسیع کر دی

عدالت نے کیس کے دیگر ملزمان کی درخواستوں کو بھی یکجا کرکے لگانے کی ہدایت کر دی ،عدالت کو اگاہ کیا گیاکہ کیس کے ایک ملزم نے نیب میں پلی بارگینگ کئ درخواست دے دی ،جسٹس علی باقر نجفی کی سربراہی میں دورکنی بینچ نے کیس کی سماعت کی

درخواست گزار نے عدالت میں کہا کہ نیب نے پہلے نام بلیک لسٹ میں شامل کروایا تھا اب نام ای سی ایل میں شامل کر لیا گیا،نیب کے وکیل نے کہا کہ علیحدہ درخواست دائر کریں انہوں نے طلبی کے نوٹسز کے خلاف درخواست دائر کی تھی،ہم اس کا جواب داخل کروائیں گے، درخواست گزار نے کہا کہ نیب نے 2017 میں انکوائری بند کرنے کا لیٹر جاری کیا، اب نیب نے دوبارہ انکوائری کهول کر کردار کشی کی مہم شروع کر رکهی ہے، صرف انکوائری کی بنیاد پر نام بلیک لسٹ اور اب ای سی ایل میں ڈالوایا گیا ہے،

درخواست گزار نے مزید کہا کہ نیب میں کئی برسوں سے جاری انکوائری میں مسلسل پیش ہوتا رہا ہوں، نیب نے دوبارہ انکوائری شروع کروا کر طلبی کے نوٹسز بهجوا دیئے ہیں، عدالت نیب کے نوٹسز کالعدم قرار دے، ای سی ایل سے نام نکالنے کا حکم دے .

شہباز شریف نیب کے ریڈار پر، مزید کونسے اثاثے منجمد کرنے کا حکم دے دیا؟

باغی ٹی وی کی رپورٹ کے مطابق نیب نے شہبازشریف فیملی کے مزید اثاثے منجمد کردیئے نیب نے شہبازشریف کے اثاثے منجمد کرنے سےمتعلق خط لکھ دیا، شہبازشریف کے 96 ایچ ماڈل ٹاؤن گھرکومنجمد کرنےسے متعلق خط لکھا ہے، نیب نے شہبازشریف کے ایبٹ آبادمیں 9 کنال کے گھرکو بھی منجمد کردیا

نیب نے تہمینہ درانی کے نام بھی جائیدادوں کومنجمد کرنے کے احکامات جاری کر دیئے،نیب کے مطابق شہبازشریف فیملی کے اثاثے ٹی ٹی کے پیسوں سے بنانے کا الزام ہے.

نیب نے شہبازشریف، حمزہ شہباز اور سلمان شہباز کی ماڈل ٹاون، ڈونگا گلی اور ہری پور میں جائیدادیں منجمند کرنے کا حکم دیا. منجمد کیے جانے والے اثاثوں میں لاہور کی 96 ایچ اور 86 ایچ ماڈل ٹاؤن کی پراپرٹی سمیت ایبٹ آباد ڈانگہ گلی میں 9 کنال کا پلاٹ اور ہرہ پور میں 2 پراپرٹیاں شامل ہیں۔ اس کے علاوہ جوہر ٹاؤن میں تیرہ پراپرٹیاں، چنیوٹ میں 2 پراپرٹیاں اور ڈیفنس فیز 5 لاہور میں پلاٹ بھی شامل ہیں۔

قبل ازیں گزشتہ ماہ نیب لاہور کی جانب سے شہباز شریف فیملی کے خلاف زیر تحقیقات آمدن سے زائد اثاثہ جات ودیگر کیسز میں مختلف انڈسٹریز کو منجمد کرنے کے احکامات جاری کئے گئے تھے، احکامات ڈی جی نیب لاہور کی جانب سے جاری کیے گئے، جن پر فوری عمل درآمد کیے جانے کی تاکید کی گئی ہے۔مراسلے میں کہا گیا کہ چنیوٹ انرجی لمیٹڈ، رمضان انرجی، شریف ڈیری، کرسٹل پلاسٹک انڈسٹری، العریبیہ، شریف ملک پروڈکٹس، شریف فیڈ ملز، رمضان شوگر ملز اور شریف پولٹری کے حصص منجمد کیے گئے۔

نیب کی جانب سے مراسلہ ایس ای سی پی اور شریف خاندان کےافرادکےعلاوہ ان کے فائنینشل ایڈوائزرز کو بھجوائے گئے ہیں، مراسلے کے مطابق مستقبل میں فریز کردہ انڈسٹریز سے شہباز شریف، حمزہ شہباز، سلمان شہباز، نصرت شہباز اپنے کاروبار سے منافع کے حصول کے حقدار نہیں ہوں.

واضح رہے کہ سابق وزیراعلیٰ پنجاب شہباز شریف، پنجاب اسمبلی میں قائد حزب اختلاف حمزہ شہباز اور دیگر فیملی ارکان کے خلاف نیب میں مختلف کیس اور تحقیقات کی جارہی ہیں تاہم اس کے علاوہ بھی شہباز شریف فیملی پر سرکاری فنڈز میں سے خُردبرد کے الزامات عائد کیے گئے ہیں۔ حمزہ شہباز اِن دنوں جوڈیشل ریمانڈ پر کوٹ لکھپت جیل میں قید ہیں جبکہ شہباز شریف بھی ضمانت پر ہیں اور اسوقت اپنے بڑے بھائی نواز شریف کے ہمراہ لندن میں ہیں ،نواز شریف علاج کی غرض سے لندن گئے ہیں.

گھی ملز مالکان کی بھی سن لی گئی، عدالت نے کونسا نوٹفکیشن معطل کر دیا

باغی ٹی وی کی رپورٹ کے مطابق لاہور ہائیکورٹ کے جسٹس سید مظاہر علی اکبر نقوی نے 25 گھی ملز مالکان کی درخواستوں پر سماعت کی۔ درخواست گزاروں کی جانب سے ایڈووکیٹ ابو ذر سلیمان نیازی نے دلائل دئیے، درخواستوں میں گھی کی سرکاری قیمت مقرر کرنے کے اقدامام کو چیلنج کیا گیا۔

درخواست گزار گھی کمپنیوں کے وکیل ابو ذر سلمان نیازی ایڈووکیٹ نے کہا کہ حکومت نے گھی ملز مالکان سے مشاورت کے بغیر ہی گھی کی قیمتوں کے تعین کر کے سرکاری نوٹفکیشن جاری کر دیا، حکومتی نوٹفکیشن بدنیتی پر مبنی ہے۔حکومت نے مینوفیکچرنگ کے اخراجات کا تخمینہ لگائے بغیر ہی گھی کی قیمتوں کے تعین کا نوٹفکیشن جاری کیا اور حکومتی طے کردہ نرخ کے مطابق گھی فروخت ہونے سے ملز مالکان کو شدید نقصان ہوگا۔ وکیل نے استدعا کی کہ حکومتی نوٹیفکیشن کو کالعدم قرار دیا جائے۔

پانچ کمپنیوں میں 19 کروڑ کی منتقلی،حمزہ شہباز نیب کو مطمئن نہ کر سکے

شہباز شریف کو لائف ٹائم ایوارڈ برائے کرپشن دیا جائے: شہباز گل

حمزہ شہباز کے پروڈکشن آرڈر کے خلاف درخواست دائر

عدالت ںے ابوذر سلیمانی نیازی ایڈووکیٹ کی درخواست سماعت کے لیے منظور کرتے ہوئے گھی کے سرکاری نرخ مقرر کرنے کے نوٹفکیشن پر عمل درآمد روکتے ہوئے وفاقی اور صوبائی حکومت سے جواب طلب کرلیا۔

گھی ملز مالکان کی درخواست میں وفاقی و صوبائی حکومت کو فریق بنایا گیا تھا،

ایمرا ایگزیکٹو باڈی کا اجلاس،صحافی برادری کی فلاح و بہبود کے لئے کئے اہم فیصلے

باغی ٹی وی کی رپورٹ کے مطابق ایمرا کی ایگزیکٹو باڈی کا پہلا باقاعدہ اجلاس صدر ایمرا آصف بٹ کی زیر صدارت ایمرا سنٹر میں ہوا، سیکرٹری ایمرا سلیم شیخ کی غیر موجودگی کی وجہ سے اجلاس کی کاروائی سنئیر جوائنٹ سیکرٹری کنور عزیر نے شروع کی۔

اجلاس میں صحافیوں کی فلاح و بہبود اور آئندہ کے لائحہ عمل بارے گفتگو کی گئی۔ ایگزیکٹو باڈی نے گورننگ باڈی اور انتظامی کمیٹیوں کی منظوری دیتے ہوئے تمام زیر تکمیل منصوبوں پر گفتگو کی ،صدر ایمرا آصف بٹ نے ایک ماہ کے اندر ایمرا ٹی وی کا آغاز کرنے کی خوشخبری سناتے ہوئے کہا کہ تمام انتظامات کو حتمی شکل دے دی گئی ہے،

صدر ایمرا آصف بٹ نے اعادہ کیا کہ ایمرا اپنے صحافیوں بھائیوں کے حقوق کا تحفظ کرنے کے لئے ہر ممکن اقدامات کرے گی ۔۔ تنخواہیں نہ دینے اور ڈاون سائزنگ کے نام پر صحافیوں کامعاشی قتل کرنے والے چینلز مالکان کے خلاف بھرپور احتجاج کیا جائے گا اور میڈیا مالکان کے گھروں اور دفاتر کے باہر دھرنے دینے کے ساتھ ساتھ اب کی بار تمام یونینز کے ساتھ ملکر ان چینلز کی نشریات بھی بند کی جائے گی۔

ایمرا الیکشن میں دنیا نیوز انتظامیہ کی جانب سے صحافیوں کو جمہوری حق استعمال کرنے سے روکنے کے خلاف اجلاس میں مذمتی قرارداد پیش کی گئی جس کو متفقہ طور پر منظور کیا گیا، اور دنیا نیوز انتظامیہ کے اپنے ادارے میں کام کرنے والے صحافی بھائیو کو ووٹ کے حق سے محروم کرنے کی شدید مذمت کی گئی۔

ایمرا باڈی کی جانب سے اسلام آباد میں ڈان نیوز آفس پر حملہ کو آزادی صحافت پر حملہ قرار دیا گیا، جبکہ لاہور میں احتساب عدالت میں میڈیا کوریج پر پابندی کی بھی مذمت کی گئی۔اجلاس کے آخر میں بیورو چیف ایکسپریس نیوز محمد الیاس کی صحت یابی کے لیے خصوصی دعا کی گئی۔۔

ایمرا باڈی اجلاس میں صدر ایمرا آصف بٹ ، سنئیر نائب صدر جواد ملک ، نائب صدر عرفان ملک ، فنانس سیکرٹری ارشد چوہدری ، سینئر جوائنٹ سیکرٹری کنور عزیر، جوائنٹ سیکرٹری خواجہ قادر ، آفس سیکرٹری افضل سیال ، انفارمیشن سیکرٹری شفیق شریف نے شرکت کی

میں بھی بیمار ہوں، شریف فیملی کیلئے اربوں کی منی لانڈرنگ کرنیوالا بھی عدالت پہنچ گیا

باغی ٹی وی کی رپورٹ کے مطابق شریف فیملی کےلیے اربوں روپے کی منی لانڈرنگ میں ملوث گرفتار شعیب قمر نے طبعی بنیادوں پر ضمانت کےلیے لاہور ہائیکورٹ سے رجوع کر لیا، عدالت میں دائر درخواست میں چیرمین نیب، ڈی جی نیب سمیت دیگر کو فریق بنایا گیا ہے.

کیا نواز شریف صحتیاب ہو گئے؟ شہباز شریف کی پارٹی کو جشن منانے کی ہدایت

درخواست گزار نے درخواست میں موقف اپنایا کہ درخواست گزار دل کامریض ہے ،حالت دن بدن تشویشناک ہو رہی ہے، درخواست گزار کی اوپن ہارٹ سرجری بھی ہو چکی ہے جس کے باعث وہ تکلیف میں رہتا ہے، درخواست گزار شوگر کا مریض بھی ہے اور بائیں آنکھ بھی خراب ہے،درخواست گزار کو دوران جسمانی ریمانڈ طبعی سہولیات نہیں دیں گئیں،

پانچ کمپنیوں میں 19 کروڑ کی منتقلی،حمزہ شہباز نیب کو مطمئن نہ کر سکے

شہباز شریف کو لائف ٹائم ایوارڈ برائے کرپشن دیا جائے: شہباز گل

حمزہ شہباز کے پروڈکشن آرڈر کے خلاف درخواست دائر

لاہور ہائیکورٹ میں دائر درخواست میں مزید کہا گیا کہ درخواست گزار کی آنکھوں کا علاج موجود ہے لیکن تاخیر سے آنکھ دن بدن بگڑ رہی ہے، درخواست گزار کا سابقہ ریکارڈ صاف ستھرا ہے کسی بھی جرم میں ملوث نہیں رہا، شعیب قمر 81 دن تک نیب ریمانڈ میں رہا لیکن منی لانڈرنگ کے کوئی بھی شواہد پیش نہیں کیے جا سکے، شعیب قمر پر شریف فیملی کے 3 ارب 30 کروڑ کے اثاثوں اور 3 ارب کی منی لانڈرنگ میں ملوث ہونے کا الزام لگایا گیا،

شہباز شریف خاندان کی جائیدادیں اور دو گاڑیاں‌ منجمند کرنے کا حکم، نیب لاہور کا بڑا فیصلہ

شریف فیملی مشکلات کا شکار،شہباز شریف کے بعد کس کی جائیداد ضبط ہونے جا رہی ہے؟

چیئرمین نیب کی کردار کشی کرنیوالی طیبہ گل عدالت پیش، عدالت نے بڑا حکم دے دیا

درخواست میں موقف اہنایا گیا کہ شعیب قمر شریف گروپ میں کیش آفیسر ہے اور رقم جمع اور نکلواتا تھا،شعیب قمر شریف گروپ آف انڈسٹری کے سئنیرز کی طرف سے جو ہدایات ملتی اس پر عمل کرتا تھا، عدالت ٹرائل مکمل ہونے تک شعیب قمر کی درخواست ضمانت منظور کرے.