چوری نہیں کی تو پھر تلاشی دینے پر اتنا غصہ کیوں؟ ایاز صادق کی تنقید

باغی ٹی وی کی رپورٹ کے مطابق ن لیگی رہنما سردار یا صادق نے فرخ حبیب کی پریس کانفرنس پر ردِ عمل دیتے ہوئے کہا کہ سرکاری خرچ پر جھوٹ بولنے کے بجائے پی ٹی آئی الیکشن کمیشن میں رسیدیں جمع کرائے،مسلم لیگ (ن) اپنے تمام دستاویزات الیکشن کمیشن میں جمع کرا چکی ہے،پی ٹی آئی اور اس کی قیادت فارن فنڈنگ مقدمے میں مفرور ہے،

ایاز صادق نے مزید کہا کہ مسلم لیگ (ن) پر جھوٹے الزامات لگا کر پی ٹی آئی اپنی چوری چھپا نہیں سکتی،چوری نہیں کی تو پھر تلاشی دینے پر اتنا غصہ کیوں؟

مسلم لیگ ن کے رہنما احسن اقبال کا کہنا ہے کہ ن لیگ نے 5.8 فیصد شرح سے ترقی کرتا اورکم ترین 3 فیصد منہگائی کی شرح والا پاکستان حوالے کیا تھا،نالائق ٹولے نے اپنی نااہلی کی وجہ سے منہگائی کی اس شرح کو 14 فیصد پر پہنچادیا،ایک سال میں آپ نے ملکی معیشت کا جنازہ نکال دیا،ترقی کی شرح آج ڈھائی فیصد پر ہے ،ایشیاکی تیزترین ابھرتی معیشت کو15ماہ میں جنوبی ایشیاکی سست ترین معیشت میں ڈھالناپی ٹی آئی حکومت کاکارنامہ ہے

دس دن میں نواز شریف کو وزن کتنے کلو کم ہوا؟ ڈاکٹر بھی حیران

نوازشریف و زرداری کو چھوڑنے کا اعلان، پاکستانی سیاست میں ہلچل مچ گئی

فنڈنگ کیس،تحریک انصاف نے ایسا وار کر دیا کہ نواز و زرداری کے لئے بڑی مشکل کھڑی ہو گئی

احسن اقبال کا مزید کہنا ہے کہ مشیر خزانہ کو جتنی ٹماٹر کی قیمت معلوم ہے، اتنے ہی ان کے اعدادوشمار معتبر ہیں،الزام تراشیوں سے ملکی معیشت ٹھیک نہیں ہوا کرتے،بیڑہ غرق اور ستیاناس کا بیانیہ بول بول کر معیشت کا بیڑہ غرق کر دیا ہے،مشیر خزانہ ڈھٹائی سے جھوٹ بول رہے ہیں عالمی ریٹنگ ایجنسیز نے تسلیم کیاتھا کہ پاکستان6 فیصد ترقی کی شرح حاصل کرلے گا،

فارن فنڈنگ کیس، شیخ رشید نے بھی بڑا مطالبہ کر دیا

باغی ٹی وی کی رپورٹ کے مطابق وفاقی وزیر ریلوے شیخ رشید احمد نے لاہور میں میڈیا سے گفتگو کرتے ہوئے کہا ہے کہ امریکہ کو مسئلہ یہ ہے کہ چین پاکستان کی معاشی ترقی میں مدد کیوں کر رہا ہے ،امریکہ کا جب مقصد ہو دوست بن جاتا ہے،فضل الرحمان تو استعفی لینے آئے تھے لیکن خالی ہاتھ گئے،فارن فنڈنگ کیس میں تمام پارٹیوں کا احتساب ہونا چاہیے،میاں صاحب جائیں کھائیں پئیں موج کریں

شیخ رشید احمد کا مزید کہنا تھا کہ ڈاکٹر عدنان واپس آئیں تو ان کا احتساب ہونا چاہیے،پہلے ہی کہا تھا کہ نواز شریف باہر جا رہا ہے،دوردور تک الیکشن نہیں دیکھ رہا،چیئرمین نیب نےاچھی بات کی کہ احتساب سب کاہوناچاہیے،تحریک انصاف سرخرو اور 2پارٹیاں پھنس جائیں گی، میں کہہ رہا تھا نوازشریف کو جانے دیں،آصف زرداری کے خلاف5کیسز میں پلی بارگین ہوچکی ہے

فارن فنڈنگ کیس سماعت سے قبل وزیراعظم عمران خان کے لئے ایک اور مشکل

غیر ملکی فنڈنگ کیس میں تحریک انصاف کو ملی عدالت سے ملی بڑی کامیابی

فارن فنڈنگ کیس، مریم اورنگزیب نے الیکشن کمیشن سے بڑا مطالبہ کر دیا

فارن فنڈنگ کیس،الیکشن کمیشن نے سنایا بڑا فیصلہ

تحریک انصاف اپنی مرضی کے نتائج حاصل کرنا چاہتی ہے، ایسا کس نے کہہ دیا

شیخ رشید احمد نے مزید کہا کہ حکومت میں جو کرپٹ ہوگا اس کو ڈبل سزا ہوگی،عمران خان نے کسی کو این آر او نہیں دیا، مریم نواز لاہور میں ہی رہیں گی، کہا تھا نواز شریف کو جانے دیں، لندن میں کفن سے منہ نکالیں گے، دوسرا بھی جانا چاہتا ہے تو اس کو بھی جانے دیں، وزیراعظم نہ گئے تو شیخ رشید دورہ کشمیر پر جائے گا، بھارت پاکستان کی سرحدوں کو نہیں چھیڑ سکتا، نیست و نابود ہو جائے گا۔

شیخ رشید احمد نے مزید کہا کہ بھارت پاکستان کو نقصان نہیں پہنچا سکتا،پاکستان کو اندرونی طورپر نقصان ہوگا،نئے آرمی چیف قمر جاوید باجوہ صاحب ہوں گے،عمران خان جلد مہنگائی پر قابو پالیں گے،

سینما گھروں سے کونسا ٹیکس نہیں لیا جا رہا؟ عدالت کا برہمی کا اظہار

باغی ٹی وی کی رپورٹ کے مطابق لاہور ہائیکورٹ میں قانون کے باوجود سینما گھروں سے تفریحی ٹیکس وصولی نہ کرنے خلا ف درخواست پر سماعت ہوئی، جواب داخل نہ کروانے پر عدالت نے ایکسائز آفسران پر برہمی کا اظہار کیا،عدالت نے سیکرٹری ، ڈی جی ایکسائز اور محکمہ کے تمام ڈیریکٹرز کو جواب داخل کروانے کی آخری مہلت دے دی

عدالت نے کہا کہ محکمہ پابند ہے کہ یکم جنوری 20107 سنیما گھروں سے تفریحی ٹیکس وصول کرے، لاہور ہائیکورٹ کے جسٹس جواد حسن نے ایڈووکیٹ شہباز اکمل جندران کی درخواست پر سماعت کی .

سینما گھروں کے خلاف ٹیکس، عدالت نے سینما مالکان کو حکم دے دیا..

درخواست گزار نے لاہور ہائیکورٹ میں دائر درخواست میں کہا کہ قانون کے مطابق ڈی جی ایکسائز یکم جنوری 2017 سے سنیما گھروں سے تفریحی کرنے کا پابند ہے ،محکمہ ایکسائز کے ڈیریکٹرز تحریری طور پر قبول کر چکے ہیں کہ سنیما گھروں سے ٹیکس وصول نہیں کیا جا رہا،تفریحی ٹیکس وصول نہ کرنے سے قومی خزانے کو سالانہ کروڑوں کا نقصان پہنچایا جا رہا ہے،

درخواست گزار نے عدالت سے استدعا کی کہ عدالت سینما گھروں سے قانون کے مطابق تفریحی ٹیکس وصول کرنے کا حکم صادر فرمائے، عدالت قانون کی دانستا” خلاف ورزی کرنے والے ایکسائز اہلکاروں کے خلاف کارروائی کا حکم جاری کر ے۔

سی پیک کے خلاف امریکی سازشیں، امریکی سفیربھی بول پڑے، کیا کہا؟

باغی ٹی وی کی رپورٹ کے مطابق امریکی سفیر پال جانز نے لاہور میں جامع مسجد وزیر خان کا دورہ کیا،اس موقع پر امریکی سفیر کا کہنا تھا کہ سی پیک پر ایلس ویلز کا بیان امریکی پالیسی کے مطابق ہے، پاکستانیوں کو ایلس ویلز کا بیان سمجھنا چاہیے ۔

سی پیک بارے امریکی بیان اندرونی معاملات میں مداخلت ،امریکہ باز آ جائے، رضا ربانی

امریکی سفیر پاؤل جانز نے مزید کہا کہ ایلس ویلز کے بیان کو مثبت لیا جانا چاہیے، اس بیان کے مختلف پہلوؤں پر غور کی ضرورت ہے، امریکہ پاکستان میں ترقی اور خوشحالی دیکھنا چاہتا ہے۔

امریکہ نے سی پیک بارے ایسی کیا بات کی کہ چینی سفیر ناراض ہو گئے

صدر مملکت ڈاکٹر عارف علوی نے سی پیک اتھارٹی آرڈیننس پر دستخط کردیئے

سی پیک میں ایران بھی اہم کردار ادا کرنے کو تیار

امریکی نائب معاون وزیرخارجہ ایلس ویلز کا کہنا ہے کہ چین مختلف ممالک کو ایسے معاہدے کرنے پر مجبور کررہا ہے جو ان کےمفاد میں نہیں۔ پاکستان کو چین سے چائنا پاکستان اقتصادی راہداری (سی پیک) منصوبے کی شفافیت سمیت سخت سوالات کرنے ہوں گے۔ اگر چین اس بڑے منصوبے کو جاری رکھتا ہے تو اس سے پاکستان کی معیشت کو طویل مدتی نقصانات ہوں گے کیوں کہ اس منصوبے سے پاکستان کو کم چین کو زیادہ فائدہ ہے۔ سی پیک سے صرف بیجنگ کو فائدہ ہوگا، امریکا نے پاکستان کو اس سے بہتر ماڈل کی پیشکش کی تھی۔

سی پیک کے خلاف امریکی سازشیں، اسد عمر میدان میں آ گئے،ایسا جواب دیا کہ….

پرویز مشرف غداری فیصلہ کیخلاف درخواست ،عدالت نے وکیل سے کئے سوالات

باغی ٹی وی کی رپورٹ کے مطا بق لاہور ہائیکورٹ میں سابق صدر پرویز مشرف کی خصوصی عدالت میںٕ فیصلہ محفوظ ہونے کیخلاف درخواست پر سماعت ہوئی،لاہور ہائیکورٹ کےجسٹس مظاہر اکبر نقوی نےکیس کی سماعت کی,لاہور ہائیکورٹ کے پرویز مشرف کی درخواست کے قابل سماعت ہونے پر دو سوالات کئے اور پرویز مشرف کے وکیل کو کل مزید دلائل دینے کی مہلت دےدی،

عدالت نے سوال کئے کہ یہ بتائیں پرویزمشرف اسلام آباد کےرہائشی ہیں تولاہورہائیکورٹ کیسے کیس سن سکتی ہے؟ کوئی فیصلہ بتائیں کہ درخواست گزار جس جگہ کا رہائشی ہو اس کاکیس کوئی اور عدالت سن سکے

سابق صدرپرویزمشرف کی جانب سےدرخواست دائرکی گئی ہے،‏درخواست میں حکومت،وزارت قانون،ایف آئی اے اور خصوصی  عدالت کے رجسٹرارکوفریق بنایا گیا ہے، درخواست گزار پرویز مشرف نے درخواست میں کہا کہ خصوصی عدالت  نے 19نومبرکوموقف سنے بغیرغداری کیس کافیصلہ محفوظ کیا،بیماری کی وجہ سےبیرون ملک مقیم ہوں،

درخواست میں پرویز مشرف نے استدعا کی کہ سپریم کورٹ کے فیصلوں کے مطابق کیس کودوبارہ سماعت کے لئےشروع کیا جائے ،خصوصی عدالت کا فیصلہ محفوظ کرنے کا حکم معطل کیا جائے،عدالت غداری کیس کی سماعت تندرست ہونے تک ملتوی کرنے کاحکم دے،

خصوصی عدالت میں پرویز مشرف سنگین غداری کیس کی سماعت کا فیصلہ محفوظ کر لیا گیا، فیصلہ 28 نومبر کو سنایا جائے گا.

واضح رہے کہ سنگین غداری کیس میں پرویز مشرف کی بریت اورالتواء کی درخواستیں مسترد.کرنے ہوئے عدالت نے فیصلہ سنایا تھا جس میں کہا گیا تھا کہ وزارت قانون ان وکلا کے فیس شیڈول کے بارے میں رپورٹ پیش کرے،ملزم پیش نہیں ہوتا تو کیس ختم کرنےکی درخواست کوناقابل سماعت سمجھتے ہیں،سپریم کورٹ کے احکامات پرعمل درآمد کیا جائےگا ملزم خرابی صحت کے باعث پیش نہیں ہوپارہا.درخواستوں پر فیصلہ رجسٹرارراؤجبار نے پڑھ کر سنایا.

پرویز مشرف کے خلاف سنگین غداری کیس، عدالت نے کس کو وکیل مقرر کیا؟ اہم خبر

پرویز مشرف کے خلاف سنگین غداری کیس ،روزانہ سماعت کا حکم

وزیراعظم عمران خان کیخلاف توہین عدالت کی درخواست پر کب ہو گی سماعت؟ اہم خبر

باغی ٹی وی کی رپورٹ کے مطابق عدلیہ مخالف تقاریر،وزیراعظم عمران خان کے خلاف توہین عدالت کی درخواست سماعت کیلئے مقرر کر دی گئی ،ن امزد چیف جسٹس مامون رشید شیخ آج توہین عدالت کی درخواست پر سماعت کریں گے ،لاہور ہائیکورٹ  میں درخواست ایڈووکیٹ فیضان نصیر چوہان اور طاہر مقصود بٹ نے دائر کی.

درخواستگزار نے عدالت میں دائر درخواست میں موقف اپنایا کہ وزیراعظم نے عدلیہ کی کارکردگی پر تقریر کی اور اپوزیشن کے خلاف زیر سماعت مقدمات پر اثر انداز ہونے کی کوشش کی ہے۔ اعلیٰ عدلیہ کے ججز اور ان کے فیصلے پر تنقید کرنا توہین عدالت زمرے میں آتا ہے، سپریم کورٹ نے 2013 میں بھی عمران خان کو عدلیہ مخالف تقاریر کرنے پر توہینِ عدالت کا نوٹس جاری کیا تھا۔

فردوس عاشق اعوان کو معافی نہ ملی، عدالت نے کیا حکم دیا؟

آج معافی دے دیں آئندہ ایسا نہیں کروں گی، فردوس عاشق اعوان کی عدالت میں دہائی

درخواست میں مزید کہا گیا کہ عدلیہ مخالف بیان دینے پر سپریم کورٹ نے طلال چوہدری اور نہال ہاشمی سمیت دیگر سیاست دانوں کو سزائے دی۔ عدلیہ مخالف بیان دینے پروزیراعظم عمران خان کو پارلیمنٹ سے نااہل قرار دیا جائے، وزیراعظم کے خلاف توہین کی کارروائی کا حکم دیا جائے اور وزیر اعظم عمران خان کو ذاتی حیثیت میں طلب کرکے وضاحت طلب کی جائے۔

فردوس عاشق اعوان توہین عدالت کیس، فیصلہ کب سنایا جائے گا؟

واضح رہے کہ وزیراعظم عمران خان نے 18 نومبر کو اپنی تقریر میں عدلیہ اور ججوں کو براہ راست مخاطب کرتے ہوئے کہا تھا کہ ملک میں یکساں نظام انصاف کو یقینی بنایا جائے۔انھوں نے کہا ’میں اپنے جسٹس کھوسہ اور جسٹس گلزار کو کہنا چاہتا ہوں کہ حکومت پوری مدد کرے گی، جس طرح کی مدد ہمارے سے چاہیے۔ ہم آپ کی مدد کرنے کے لیے تیار ہیں۔

وزیراعظم عمران خان کے خلاف توہین عدالت کی درخواست پرپہلے بھی ایک عدالت میں سماعت ہو چکی ہے، عمران خان خود پیش ہوئے اور معافی مانگی جس کے باعث توہین عدالت کی درخواست ختم کر دی گئی

واضح رہے کہ وزیراعظم عمران خان کی مشیر برائے اطلاعات ڈاکٹر فردوس عاشق اعوان اور وفاقی وزیر غلام سرور کے خلاف توہین عدالت کی درخواست پر اسلام آباد ہائیکورٹ میں سماعت ہو چکی ہے، عدالت نے سماعت کے بعد فیصلہ محفوط کر دیا ہے.