ترجمان پنجاب پولیس نایاب حیدر نے کہا ہے کہ آئی جی پنجاب نےحوالات میں بھی سی سی ٹی وی کیمرےلگانےکافیصلہ کیاہے،

باغی ٹی وی کی رپورٹ‌کے مطابق ترجمان پنجاب پولیس نے کہاکہ جن اہلکاروں نےشہریوں پر تشددکیاان پرمقدمات بنائےگئے، تبدیلی کے آغاز میں مشکلات آتی ہیں ،جنہیں دورکرلیاجائےگا، 70 سال پرانا پولیس نظام آہستہ آہستہ تبدیل ہورہاہے ، ساہیوال واقعے کے ملزمان کے خلاف ٹرائل جاری ہے، ڈیڑھ سال میں 39ہزارپولیس ملازمین کومختلف سنگین سزائیں دی گئی ہیں،

ترجمان پنجاب پولیس نے کہاکہ پولیس انویسٹی گیشن کےجدیدطریقےسےمتعلق بھی انسٹیٹیوٹ قائم کیاگیاہے ، پولیس کےتربیتی نصاب میں تبدیلی کرکےاخلاقیات پر خصوصی کورس شامل کیا ہے،

وزیراعظم ہفتہ کوکراچی کادورہ کرکےشہرکی صورتحال کاجائزہ لیں گے،

وزیراعظم کی زیر صدارت اجلاس، کراچی کے مسائل حل کرنے کیلئے کمیٹی تشکیل دے دی

باغی ٹی وی کی رپورٹ‌ کے مطابق وزیراعظم نےکراچی کی صفائی کےحوالےسےفوری اقدامات کرنےکی ہدایت دےدی ہے، وہ اسی سلسلہ میں کراچی کا دورہ کر رہے ہیں، وفاقی وزیر علی زیدی کا وزیراعظم عمران خان کی زیر صدارت گفتگو کرتے ہوئے کہنا تھا کہ شہرکے کئی مقامات سےکچرااٹھایا،نالےصاف کئے،ابھی بہت کچھ کرناباقی ہے،

واضح‌ رہے کہ وزیر اعظم عمران خان کی طرف سے کراچی کے مسائل حل کرنے کیلئے کمیٹی بھی تشکیل دے دی گئی ہے،

ترجمان ڈی پی او شیخوپورہ نے کہا ہے کہ ابھی تک لیڈی کانسٹیبل کا تحریری استعفیٰ موصول نہیں ہوا،

باغی ٹی وی کی رپورٹ کے مطابق ترجمان ڈی پی اوشیخوپورہ نے کہاکہ زبانی یاویڈیو پیغام کے ذریعے استعفیٰ نہیں دیا جا سکتا، لیڈی کانسٹیبل فائزہ وکلاکی جانب سے ذہنی دباؤ کا شکار ہے، واضح رہے کہ آج ہی لیڈی کانسٹیبل نے ویڈیو پیغام جاری کرتے ہوئے کہا تھا کہ سمجھ نہیں‌ آ رہا کہ میں خودکشی کروں یا کیا کروں؟ انہوں نے اپنے ویڈیو پیغام میں کہا تھا کہ انصاف نہ ملنے پر میں مستعفی ہو رہی ہوں ،

میڈیا رپورٹس کے مطابق لیڈی کانسٹیبل کو وکیل نے غلط گاڑی پارکنگ کرنے سے منع کرنے پر تھپڑ مارا تھا، خاتون اہلکار کا مؤقف ہے کہ مجھے ذہنی ٹارچر کیا جارہا ہے، نوکری عوام کی خدمت کرنے کے لیے کر رہی تھی،

آئی جی پنجاب نے کہا ہے کہ حساس اضلاع میں جلوسوں اورمجالس کو 4 حصار والی سیکیورٹی فراہم کی جائے،

باغی ٹی وی کی رپورٹ کے مطابق آئی جی پنجاب نے کہاکہ یوم عاشورپرڈیڑھ لاکھ سےزائدپولیس افسران،اہلکاراورقومی رضاکارڈیوٹی دینگے، مرکزی جلوسوں کی ڈرون کیمروں سےفضائی مانیٹرنگ اورریکارڈنگ کی جائے، زیر حراست ملزم کی ہلاکت پرایس ایچ اوبلیک لسٹ،آیندہ کسی تھانےمیں تعینات نہ کیاجائے،

آئی جی پنجاب نے کہاکہ غیرقانونی حراست نظرآئےتوذمہ داراہلکاروں کواسی تھانےکی حوالات میں بندکیا جائے،

وکیل کی بدسلوکی کا شکارلیڈی کانسٹیبل کا وڈیو بیان منظر عام پر آیا ہے جس میں متاثرہ لیڈی کانسٹیبل نے کہا ہے کہ میں اپنے عہدے سےاستعفادے رہی ہوں،

باغی ٹی وی کی رپورٹ کے مطابق ویڈیو بیان میں لیڈی کانسٹیبل فائزہ نواز نے کہاکہ مجھے انصاف ملتا نظر نہیں آ رہا، میرے اپنے ہی محکمے کے لوگوں کی وجہ سے ایف آئی آر کمزور ہوئی ، طاقت کے زور پر وکیل نے مجھ پر تشدد کیا، وکلا نے پہلے تو بدکلامی کی اب توانتہا کردی، میں سسٹم سےبیزارہوگئی ہوں خودکشی کرلوں،کیا کروں،سمجھ نہیں آرہا، میں ذہنی طور پر بہت زیادہ پریشان اورخوفزدہ ہوں ، میں اپنی عزت اورمستقبل کےحوالے سےبھی بہت پریشان ہوں،

لیڈی کانسٹیبل فائزہ نواز نے کہاکہ میرے وکیل بھائی ہی میری کردارکشی کر رہے ہیں، میں اس غیرمنصفانہ اور ظالم نظام سے دلبرداشتہ ہو چکی ہوں، میں پاور فل مافیا کا سامنا نہیں کر سکتی ،

یو ای ٹی لاہور میں طلبا و طالبات کے کینٹین میں اکٹھے بیٹھنے پرپابندی لگا دی گئی ہے،

باغی ٹی وی کی رپورٹ کے مطابق یو ای ٹی لاہور میں طلبا و طالبات کےکینٹین میں الگ الگ بیٹھنےکےانتظامات کانوٹی فکیشن جاری کر دیا گیا ہے، یو ای ٹی کی کینٹین میں طلبااورطالبات کے الگ الگ پارٹیشن کے فوری انتظامات کیے جائیں گے،

اس سلسلہ میں جاری کردہ نوٹیفکیشن میں‌ کہا گیا ہے کہ وائس چانسلر اور ریزیڈینٹ افسرحکم پرعمل درآمدکیلیےاچانک دورہ کرسکتےہیں، واضح‌ رہے کہ کچھ عرصہ سے مختلف حلقوں کی جانب سے کہا جارہا تھا کہ کنٹین میں طلباء و طالبات کے اکٹھے بیٹھنے پر پابندی ہونی چاہیے جس کے بعد اب یہ فیصلہ کیا گیا ہے،