Category: لاہور

ضلع کونسل ایبٹ آباد نے رواں مالی سال 2019-20ء کیلئے 9 ارب 9 کروڑ 16 لاکھ 5ہزار روپے کا بجٹ منظور کر لیا

ایبٹ ;200;باد ۔ 2 اگست (اے پی پی) ضلع کونسل ایبٹ آباد نے رواں مالی سال 2019-20ء کے لیے 9 ارب 9 کروڑ 16 لاکھ 5 ہزار روپے کا بجٹ منظور کر لیا جس میں سے97 کروڑ 53 لاکھ 73 ہزار روپے ترقیاتی کاموں پر خرچ کیے جائیں گے ۔ ضلع کونسل ایبٹ آباد کا بجٹ اجلاس کونسل کے کنوینئر کامران گل ایڈووکیٹ کی صدارت میں منعقد کیا گیا جس میں ضلع ناظم کرنل) ر) سردار شبیر احمد نے رواں سال کے لئے ڈسٹرکٹ کونسل کا9 ارب روپے سے زیادہ کا بجٹ پیش کیا جسے ایوان کی اکثریت نے منظور کر لیا ۔ ضلع ناظم نے اپنی بجٹ تقریر میں رواں مالی سال کے لئے بجٹ تخمینہ جات کی تفصیلات پیش کرتے ہوئے بتایا کہ نئے مالی سال میں ترقیاتی اخراجات کے لئے97 کروڑ 53 لاکھ73 ہزار روپے، غیر ترقیاتی اخراجات کے لئے85 کروڑ 34 لاکھ 90 ہزار روپے اور تنخواہوں کے لئے7 ارب 14 کروڑ 63 لاکھ 60 ہزار روپے مختص کئے گئے ہیں جبکہ لوکل کونسل گرانٹ کی مد میں 11 کروڑ 63 لاکھ 82 ہزار روپے خرچ کئے جائیں گے ۔ مجوزہ ترقیاتی بجٹ کی تفصیلات بیان کرتے ہوئے ضلع ناظم نے بتایا کہ ترقیاتی بجٹ کے تحت 10 کروڑ 78 لاکھ 56 ہزار روپے شعبہ تعلیم، 5 کروڑ 39 لاکھ 28 ہزار روپے محکمہ صحت اور 8 کروڑ 8 لاکھ 92 ہزار روپے زراعت، یوتھ، سپورٹس، وومن ڈویلپمنٹ کے محکموں پر خرچ کئے جائیں گے جبکہ صوابدیدی اخراجات کے لئے 29 کروڑ 60 لاکھ 3 ہزار روپے رکھے گئے ہیں ۔ ضلع ناظم نے بجٹ تقریر میں ضلعی انتظامیہ اور محکموں کی مجمو عی کارکردگی کو سراہتے ہوئے بجٹ کی تیاری میں محکمہ خزانہ و منصوبہ بندی اور ضلع کونسل کے عملہ کی کوششوں کی بھی خصوصی تعریف کی اور ان محکموں کے افسروں اور اہلکاروں کے لئے ایک ماہ کی بنیادی تنخواہ کے برابر اعزازیہ کا اعلان کیا ۔

پلانٹ فار پاکستان موجودہ حکومت کا ایک بڑا اقدام ہے،کمشنرسرگودھا

سرگودھا ۔ 2اگست(اے پی پی)کمشنرسرگودھا ڈویژن ظفر اقبال شیخ نے کہا ہے کہ پلانٹ فار پاکستان خوشحال، مستحکم اور صحت مند ملک کی نوید ہے اور موجودہ حکومت کا ایک بڑا اقدام ہے ۔ اس پروگرام کے تحت ملک کا بچہ بچہ پاکستان کی ترقی اور خوشحالی میں اپنا کردار ادا کر سکتا ہے ۔ پاکستان کو ماحولیاتی آلودگی کے چیلنجوں کا سامنا ہے ۔ درخت آکسیجن کا قدرتی ذریعہ ہیں جس سے ماحول کو انسان دوست بنایا جا سکتا ہے ۔ ان خیالات کا اظہار انہوں نے پلانٹ فار پاکستان ڈے کے حوالہ سے کمشنر آفس کے لان میں پودا لگانے کے بعد اظہار خیال کرتے ہوئے کیا ۔ اس موقع پر قائم مقام ڈپٹی کمشنر کےپٹن (ر)شعےب علی،ڈوےژنل فارےسٹ ;200;فےسر نثارالحق چوہدری اور سب ڈویژنل فارسٹ آفیسر اسد علی بھی موجود تھے ۔ انہوں نے کہا کہ جاری موسم کے دوران اس پروگرام کے تحت سرگودہا ڈویژن میں 12 لاکھ50ہزارسے زائد پودے لگانے کا ہدف مقرر کیا گیا ہے جبکہ بلین ٹری سونامی5 سالہ پروگرام کے تحت ڈویژن بھر میں 17 لاکھ سے زائد پودے لگائے جائیں گے ۔ انہوں نے محکمہ جنگلات کو ہدایت کی کہ وہ لگائے جانے والے پودوں اور درختوں کی بڑھوتری کی طرف توجہ دیں ۔ ان کی نشوو نما کےلیے عوامی شعور بیدار کریں یہ جاندار ہمارے خوشحال اور پھلتا پھولتا پاکستان کےلیے ہمارے بچوں کی طرح اہم ہیں ۔ انہوں نے کہا کہ پاکستان کو پانی کی جس کمی کا سامنا ہے اس سے عہدہ برا ہونے کے لیے ان پودوں کو پروان چڑھانا ہے ۔ یہ ہ میں مستقبل میں درپیش خشک سالی اور بدحالی سے محفوظ رکھیں گے ۔ اپنی بریفنگ میں ڈویژنل فاریسٹ آفیسر نثار الحق چوہدری نے بتایا کہ سونامی بلین ٹری تحت 1594ایوینیو میل پر بر لب انہار 1327802 درخت ، 160 اےوےنےو کلومےٹر برلب سڑک 52800 ،گملوں مےں 70لاکھ اور نرسرےوں مےں 40اےکڑ پر 16لاکھ پودا لگانے کا ہدف مقرر کےاگےاہے ۔ انہوں نے بتاےاکہ سرگودہا ڈسٹرکٹ مےں محکمہ جنگلات کے تحت5لاکھ 70 ہزار، دوسرے محکموں کے تحت 70ہزار، دفاعی اداروں مےں 40 ہزار کا ہدف مقرر کےاگےاہے ۔ انہوں نے مزےد بتاےا کہ نجی شعبہ مےں 4 لاکھ50 ہزار سے زائد پودے لگائے جائےں گے ۔ قبل ازےں کمشنر سرگودہا ڈوےژن ظفر اقبال شےخ اور قائم مقام ڈپٹی کمشنر کےپٹن (ر) شعےب علی نے پودے لگائے او رمون سون شجرکاری مہم و پلانٹ فار پاکستان ڈے کی کامےابی کےلئے دعا کی ۔

صادق سنجرانی کو ووٹ دینے والوں نے عوامی نمائندگی کی راہ ہموار کردی، ایسے سینیٹرز قابل تحسین ہیں ،ممتاز اختر کاہلوں

سرگودھا ۔ 02اگست(اے پی پی) چیئرمین سرگودھا ڈویلپمنٹ اتھارٹی و سینئر رہنما پاکستان تحریک انصاف ممتاز اختر کاہلوں نے کہا ہے کہ سینیٹ کے انتخابات میں صادق سنجرانی کی کامیابی نے ثابت کردیا ہے کہ عوام نے اپوزیشن جماعتوں کے ہر ایجنڈے کو مسترد کردیا ہے30 سال تک اقتدار میں رہنے والی ان سیاسی جماعتوں نے عوام کے لیے کچھ نہیں کیا جن سینیٹرز نے صادق سنجرانی کو ووٹ دیئے ہیں وہ قابل تحسین ہیں ۔ ان خیالات کا اظہار انہوں نے صحافیوں سے بات چیت کرتے ہوئے کیا ۔ انہوں نے کہا کہ اس سے نہ صرف جمہوری قوتیں مضبوط ہوں گی بلکہ عوامی مسائل حل کرنے پر بھی مدد ملے گی ۔ انہوں نے کہا کہ اپوزیشن جماعتیں لوٹی گئی دولت کو بچانے کے لیے اوچھے ہتھکنڈے استعمال کررہی ہیں ۔ جن لوگوں نے سنجرانی کو ووٹ دیئے ہیں انہوں نے عوامی نمائندگی کی راہ کو ہموار کرتے ہوئے اپنی جماعتوں کو یہ واضح پیغام دیا ہے کہ اب پاکستان میں احتجاج کی سیاست کی کوئی جگہ نہیں ۔

کراچی سرکلر ریلوے کے 38 کلومیٹر ٹریک کو کلئیر کردیا گیا ہے ۔ شیخ رشید احمد

کراچی ۔ 2 اگست (اے پی پی) وفاقی وزیر ریلوے شیخ رشید احمد نے کہا ہے کہ کراچی سرکلر ریلوے کے بحالی کے لئے اقدامات اٹھائے جارہے ہیں اور 38 کلومیٹر ٹریک کو کلئیر بھی کرایا گیا ہے، آئندہ 90 روزہ میں کراچی اور لاہور میں نئے واشنگ لائنز جبکہ ایم ایل- 1منصوبہ کے تحت نئے سگنلز اور ٹریکس بھی تعمیر کئے جائیں گے،گزشتہ سال کے مقابلے میں امسال ریلوے کے حادثات میں کمی آئی ہے، پرانے ٹریکس اور سگلنز حادثات کے اہم وجوہات میں سے ہیں ، ایم ایل- 1 ان تمام مسائل کا حل ہیں ۔ ان خیالات کا اظہار انہوں نے جمعہ کو اپنے کیمپ آفس میں پریس کانفرنس سے خطاب کرتے ہوئے کیا ۔ وفاقی وزیر نے کہا کہ روزانہ کی بنیاد پر 138 ریل گاڑیاں ٹریک پر چل رہی ہیں ۔ وفاقی وزیر شیخ رشید احمد نے کہا ہے کہ لوگ ریلوے ٹریکس پر بیٹھ کر کارڈز کھیلتے ہیں جبکہ سکھر میں ریلوے ٹریک کے اطراف میں مساجد، مزارات اور قبرستان بنائے گئے ہیں جس پر توجہ دینے کی ضرورت ہے ۔ انہوں نے کہا کہ ریلوے تقریباً 70 فیصد آبادی سے گزرتا ہے، موجودہ حکومت کے دوران ریلوے کے مسافروں اورمال گاڑیوں کی تعداد میں اضافہ ہوا ہے ۔ وفاقی وزیر نے کہا ہے کہ کراچی سرکلر ریلوے کی بحالی کے لئے اقدامات اٹھائے جارہے ہیں اور 38 کلومیٹر ٹریک کو کلئیر بھی کرایا گیا ہے ۔ انہوں نے کہا کہ باقی چار سے پانچ کلومیٹر ٹریک سندھ حکومت کے تعاون کے بغیر کلئیر نہیں کیا جاسکتا ۔ انہوں نے کہا کہ کراچی کے عوام کے لئے ٹرانسپورٹ کے اس منصوبے کی بحالی میں حکومت سندھ کو مدد کرنے کے لئے آگے بڑھنا چاہئے ۔ وفاقی وزیر نے کہا کہ اس مہینے کے 10 تاریخ سے سندھ ایکسپریس کے روٹ میں ملتان تک توسیع کرنے کا بھی اعلان کردیا ۔ وفاقی وزیر نے کہا کہ ریلوے ٹریک پر تعمیر کئے گئے تمام اسکولز اور انسٹی ٹیوشن کو بند کرایا گیا ہے ۔ وفاقی وزیر نے کہا کہ ان کی کچھ پرانی ویڈیوز سوشل میڈیا پر گردش کررہی ہے لیکن بد قسمتی کچھ نیوز چینلز بھی ان کو چلارہے ہیں ۔ انہوں نے کہا کہ میں میڈیا سے اپیل کرتا ہوں کہ وہ اس طرح کی پرانی ویڈیوز کو نہ چلائے کیونکہ ان ویڈیوز کا ریلوے کے معاملات سے کوئی تعلق نہیں ہے ۔ انہوں نے کہا کہ یہ ویڈیوز اس وقت کی ہے جب وہ اپوزشن میں تھے ۔ اس موقع پر وفاقی وزیر نے10 اگست سے فریٹ کے کرایوں میں 20 اضافہ کرنے کا بھی اعلان کیا تاہم مسافر گاڑیوں کے کرائے برقرار رہیں گے ۔ وفاقی وزیر نے کہا کہ ریلوے کے آمدن میں اضافہ ہوا ہے جبکہ خسارے میں کمی آئی ہے ۔

بلدیاتی سہولیات کی فراہمی کے لئے تمام محکمہ جاتی سربراہان اپنے اپنے محکمے کی کارکردگی کو بہتر بنا ئے، چیئرمین بلدیہ

کراچی ۔ 2 اگست (اے پی پی) چیئرمین بلدیہ ملیر جان محمد بلوچ وائس چیئرمین بلدیہ ملیر عبدالخالق مروت نے کہا ہے عوام کو بلدیاتی سہولیات ان کی دہلیز پر فراہم کرنے کے لئے تمام محکمہ جاتی سربراہان اپنے اپنے محکمے کی کارکردگی کو مزید بہتر بنا ئے، صفائی ستھرائی اور نکاسی آب کے حوالے سے تمام یوسیز کے منتخب نمائندوں سے کو آرڈنیشن برقرار رکھا جائے، عید الاضحی اور جشن آزادی کے موقع پر عوام کو بلدیاتی سہولیات کی فراہمی کے حوالے سے منصوبہ بندی کو حتمی شکل دی جائے، اسکولوں ، ڈسپنسریز، پارک اور کھیل کے میدانوں میں جاری تزین و آرائش جلد مکمل کی جائے، ترقیاتی کاموں میں کسی بھی قسم کی غفلت برداشت نہیں کی جائے گی، تمام کچرا کنڈیوں سے بروقت کچرا اٹھایا جائے ۔ جاری اعلامیہ کے مطابق ان خیالات کا اظہار انہوں نے میونسپل کمشنر عمران اسلم کے ہمراہ محکمہ جاتی کارکردگی جائزہ اجلاس کی صدارت کرتے ہوئے کیا ۔ اس موقع پر سپرنٹنڈنٹ انجینئر نصراللہ میمن، سپرنٹنڈنٹ انجینئر ایم اینڈ ای اقبال ڈاہری، ڈائریکٹر انفارمیشن سلیم خان، ڈائریکٹر ایڈ منسٹریشن واثق ظفر، ڈائریکٹر پارک نسیم اختر اور دیگر محکمہ جاتی سربراہان بھی موجود تھے ۔ سپرنٹنڈنٹ انجینئر بی اینڈ آر نے بریفنگ دیتے ہوئے بتایا کہ بلدیہ ملیر میں جاری ترقیاتی منصوبوں کو اپنے مقررہ وقت پر پایا تکمیل تک پہنچانے کیلئے تمام محکمہ جاتی تجربات بروئے کار لائیں جارہے ہیں ، ڈائریکٹر پارک نے بتایا کہ تمام پارکوں کی تزین و آرائش مرحلہ وار مکمل کی جارہی ہیں ، سینٹرل آئر لینڈ، گرین بیلٹ، قبرستان اور عوامی سفارشات کو مد نظر رکھتے ہوئے جھاڑیوں کی کٹائی کو یقینی بنایا جارہا ہے، سپر نٹنڈنٹ انجینئر ایم اینڈ ای نے بتایا کہ مرکزی و ذیلی شاہراہوں ، مساجد و امام بارگاہوں اور دیگر عوامی مقامات پر روزانہ کی بنیاد پر خراب اسٹریٹ لاءٹس کی درستگی اور تبدیلی کی جارہی ہے، محکمہ سالڈ ویسٹ کے افسران نے بتایا کہ بلدیہ ملیر کی یوسیز کی کچرا کنڈیوں سے صبح و شام کچرا اٹھایا جارہا ہے، مرکزی و ذیلی شاہراہوں پرسے روزانہ کی بنیادوں پر سوءپنگ کی جارہی ہیں ۔ چیئرمین بلدیہ ملیر جان محمد بلوچ نے متعلقہ افسران کو ہدایت دیتے ہوئے کہا کہ بلدیہ ملیر کی تیرہ یوسیز میں شروع ہونے والے ترقیاتی منصوبوں کی تمام محکمہ جاتی افسران نگرانی کریں تاکہ کسی بھی قسم کی کوتاہی نہ ہو، تمام مرکزی و ذیلی سینٹرل آئی لینڈ اور پارک میں موسمی اور سایا دار درخت لگائے جائیں ۔

عارف اعوان کا ’’حضرت لال شہباز قلندر شوٹنگ بال ٹورنامنٹ‘‘ کے انعقا پر منتظمین کومبارک باد

کراچی ۔ 2 اگست (اے پی پی) سندھ شوٹنگ بال ایسوسی ایشن کے جوائنٹ سیکریٹری عارف اعوان ایڈوکیٹ نے ضلع کورنگی میں ’’حضرت لال شہباز قلندر ;231; ایس ایس بی ٹرافی شوٹنگ بال ٹورنامنٹ ‘‘ کے شاندار انعقاد پر فردوس اتحاد، واحد شوٹنگ بال کلب اور ڈسٹرکٹ شوٹنگ بال ایسوسی ایشن کورنگی کو مبارکباد پیش کی ہے، سندھ کے رواءتی کھیل شوٹنگ بال کے فروغ کے حوالے سے کاوشوں پر سندھ اسپورٹس بورڈ حکومت سندھ کو بھی خراج تحسین پیش کیا ہے ۔ واحد اسپورٹس شوٹنگ بال کمپلیکس کورنگی میں ٹورنامنٹ میں شرکت کرنے والے مختلف اضلاع کے کھلاڑیوں سے گفتگو کرتے ہوئے عارف اعوان ایڈوکیٹ نے کہا کہ یہ امر قابل مسرت ہے کہ سب سے زیادہ ایونٹ کے انعقاد میں ضلع کورنگی بازی لے گیا، کراچی کے6 اضلاع سمیت اندورن سندھ اور بلوچستان کی ٹیموں نے اس ضلع میں آکر ٹورنامنٹس میں حصہ لیا ۔ عارف اعوان ایڈوکیٹ نے کہا کہ ایسے کاوشوں سے نہ صرف کھیل کو فروغ حاصل ہوگا بلکہ ایک صحت مند معاشرے کے قیام کو بھی ممکن بنایا جاسکتا ہے ۔

پنجاب یونیورسٹی شعبہ انفارمیشن مینجمنٹ کے زیر اہتمام دو روزہ ورکشاپ کا انعقاد

لاہور ۔ 2 اگست(اے پی پی )پنجاب یونیورسٹی شعبہ انفارمیشن مینجمنٹ کے زیر اہتمام کے موضوع پر دو روزہ ورکشاپ منعقد ہوئی ، اس موقع پر چیئرمین شعبہ انفارمیشن مینجمنٹ پروفیسر ڈاکٹر خالد محمود، اسسٹنٹ پروفیسر ڈاکٹر ڈاکٹر سیدہ حنا بتول، غلام مرتضیٰ ، فیکلٹی ممبران سمیت لاہور کالج فار ویمن یونیورسٹی ، نمل، لاہور گیریژن، یونیورسٹی آف نارووال، یونیورسٹی آف ایجوکیشن ، یونیورسٹی آف سنٹرل پنجاب اور دمام یونیورسٹی سے ایم فل ;47;پی ایچ ڈی سکالرز نے بڑی تعداد میں شرکت کی، ورکشاپ کے ریسورس پرسنز ڈاکٹر خالد، ڈاکٹر حنا اور غلام مرتضیٰ نے چار معلوماتی سیشنز میں کوالیٹیٹو ریسرچ میں ;7886;ivoسافٹ ویئر کے استعمال کا تعارف پیش کیا ۔

پی ایم اے قصور کے وفد کی پرنسپل پی جی ایم آئی و جنرل ہسپتال پروفیسر سردار الفرید ظفر سے ملاقات . بلھے شاہ انٹر نیشنل پی ایم اے کانفرنس میں شرکت و تعاون کی دعوت،تعیناتی پر وفد کی پرنسپل کو مبارکباد

لاہور ۔ 2 اگست(اے پی پی )پاکستان میڈیکل ایسو سی ایشن ضلع قصور کے وفد نے صد ر ڈاکٹر شفیق احمد کی قیادت میں پوسٹ گریجویٹ میڈیکل انسٹیٹیوٹ اور لاہور جنرل ہسپتال کے پرنسپل پروفیسر ڈاکٹر سردار محمد الفرید ظفر سے ملاقات کی اورانہیں بطور پرنسپل تعیناتی پر مبارکباد دیتے ہوئے اپنے بھرپور تعاون کا یقین دلایا ۔ ڈاکٹر گل عاصم ، ڈاکٹر مسعوداقبال اور ڈاکٹر محمد خالد بھی ملاقات کرنے والوں میں شامل تھے ۔ وفد نے پرنسپل کو بتایا کہ ضلع قصور سے اکثر مریض بالخصوص حادثاتی صورتحال میں لاہور جنرل ہسپتال کا ہی رخ کرتے ہیں ۔ پی اےم اے کے عہدیداران نے دسمبر میں ہونے والی انٹر نیشنل بابا بلھے شاہ پی اےم اے کانفرنس میں پرنسپل پروفیسر ڈاکٹر الفرید ظفر کو شرکت کی دعوت دی اور اُن سے تعاون کی بھی اپیل کی ۔ انہوں نے بتایا کہ اس کانفرنس میں دنیا بھر سے وفودشرکت کریں گے اور انہیں باہم ایک دوسرے کے تجربات سے مستفید ہونے کا موقع ملے گا اور بالخصوص نوجوان ڈاکٹرز اپنے تجربے میں اضافہ کر سکیں گے ۔ وفد سے گفتگو کرتے ہوئے پرنسپل پی جی ایم آئی و امیر الدین میڈیکل کالج پروفیسر ڈاکٹر سردار محمد الفریدظفر کا کہنا تھا کہ ہم سب کا واحد نصب العین مریضوں کو علاج معالجے کی بہترین سہولتوں کی فراہمی ہونا چاہئے ۔ موجودہ حکومت اس مقصد کےلئے بھاری رقوم خرچ کر رہی ہے اور ہمارا فرض ہے کہ ہم اپنے فراءض منصبی بہتر سے بہتر انداز میں ادا کریں ۔ انہوں نے پاکستان میڈیکل ایسو سی ایشن کے پلیٹ فارم سے ڈاکٹروں کی فلا ح و بہبود کےلئے ہونے والی سرگرمیوں میں دلچسپی کا اظہار کیا اور اپنے بھرپور تعاون کا یقین دلایا اور بابا بلھے شاہ انٹر نیشنل کانفرنس میں شرکت کا وعدہ کیا ۔ انہوں نے کہا کہ قصور اُن کا دوسرا گھر ہے اور وہ وہاں کے شہریوں کو جنرل ہسپتال میں زیادہ سے زیادہ سہولتیں دینے میں ہمیشہ پیش پیش رہیں گے ۔

خوشخبری- ٹھنڈی ٹھنڈی عیدالاضحی اور جشن آزادی??

❤ ? پاکستان میں بارشیں ہی بارشیں ⛈ ❤

موسم کی تازہ ترین صورتحال کے مطابق #اگست کے پورے مہینے میں پاکستان میں ایک بار پھر مون سون ہوائیں زیادہ شدت کے ساتھ مسلسل داخل ہوتی رہیں گی اور انکی مدد کے لئے مغربی ہوائیں بھی وقفے وقفے سے آتی رہیں گیں اور 31 اگست تک بارشوں کے 5 سے 6 سلسلے پاکستان کے مختلف علاقوں میں گرج چمک کے ساتھ مزید موسلا دھار بارشوں کا سبب بنیں گے ۔۔انشاءاللہ ?

#عید_الاضحی کے موقع پر صرف بلوچستان کے مغربی اور جنوبی علاقوں کو چھوڑ کر ملک کے تقریبا تمام علاقوں میں بارش کا امکان موجود رہے گا اور عید کی چھٹیوں کے دوران خنجراب سے لے کر کراچی تک بارش ہو گی۔
جس کے نتیجے میں ملک بھر میں موسم خوشگوار رہے گا اور درجہ حرارت معمول سے کم رہیں گے ۔۔ انشاءاللہ

اگست کے پورے مہینے میں وقفے وقفے سے #…