Category: لاہور

نیب نے بد عنوانی کے مقدمات میں ملزمان سے لوٹی گئی رقم برآمد کر کے قومی خزانے میں جمع کروا دی دوسری جانب متاثرین میں بھی چیک تقسیم کر دئیے گئے،ڈائریکٹر جنرل نیب لاہور نے 10 کروڑ 73 لاکھ مالیت کے چیک متعلقہ حکام کے حوالے کئے ،رقوم سابق وائس چانسلر یونیورسٹی آف سرگودھا، ملزم ڈاکٹر محمد اکرم اور لاہور ڈویلپمنٹ اتھارٹی کمرشلائزیشن کیس میں ایل ڈے اے افسران سے برآمد کروائی گئی ،دیگر کیسز میں پنجاب ہائی وے ڈیپارٹمنٹ، گجرانوالہ اریگیشن ایمپلائیز کوآپریٹو ہائوسنگ سوسائٹی اور ناردن پاور جنریشن کمپنی لمیٹڈ شامل ہیں

باغی ٹی وی کی رپورٹ کے مطابق ڈی جی نیب لاہور نے سرگودھا یونیورسٹی حکام کو 9 کروڑ 41 لاکھ اور ایل ڈی اے حکام کو 34 لاکھ 42 ہزار مالیت کا چیک حوالے کیا ،ناردرن پاور جنریشن کمپنی حکام نے 45 لاکھ مالیت پر مشتمل چیک وصول کیا ،پنجاب ہائی وے ڈیپارٹمنٹ اور گجرانوالہ اریگیشن سوسائٹی حکام نے بالترتیب 37لاکھ 87 ہزار اور 14 لاکھ مالیت کے چیک وصول کئے ،سرگودھا یونیورسٹی کیس میں ملزمان نے آپس کی ملی بھگت سے لاہور اور منڈی بہائودین میں غیرقانونی کیمپس بنائے اور طلباء سے کروڑوں روپے وصول کئے. غیر قانونی کیمپسز میں ملزمان نے طلباء سے مختلف کورسز کی متعین کردہ فیس سے زائد وصولیاں کیں اور کامیاب طلباء کو ڈگریاں بھی جاری نہ کی گئیں.

سپریم کورٹ کی ہدایات پر نیب لاہور نے ملزمان کی گرفتاری عمل میں لاتے ہوئے لوٹی گئی رقوم کی برآمدگی ممکن بنائی، برآمد کردہ مجموعی رقم سے 5کروڑ 93 لاکھ روپے یونیورسٹی آف سرگودھا کے طلباء کو واپس لوٹائے جائینگے جسکی نگرانی نیب لاہور حکام کرینگے ،یونیورسٹی کے انتظامی معاملات میں غبن کی گئی 5 کروڑ سے زائد مالیت کی رقم برآمدگی کے بعد یونیورسٹی انتظامیہ کو واپس کر دی ،

ڈی جی نیب کا کہنا ہے کہ نیب کی ترجیح صرف کیس بنانا نہیں بلکہ ملزمان سے لوٹی گئی قومی دولت کی واپسی ہے ،ماضی میں بھی کرپشن کیسز میں ملزمان سے اربوں روپے برآمد کرواتے ہوئے حکومتی خزانے میں جمع کروائے گئے ،نیب قانون کی شق پلی بارگین ملزمان سے لوٹی گئی مکمل رقوم کی واپسی کا واحد اور منفرد زریعہ ہے،چیئرمین نیب کی ہدایات کی روشنی میں بدعنوان عناصر کیخلاف جہاد جاری رکھیں گے.

صوبائی دارالحکومت لاہور کی اہم ترین شاہراہ پر جلسے اور احتجاج کے حوالہ سے عدالت نے بڑا حکم دے دیا

باغی ٹی وی کی رپورٹ کے مطابق لاہور ہائیکورٹ کے جسٹس امین الدین خان نے مال روڈ ٹریڈرز ایسوسی ایشن نائب صدر ناصر احمد انصاری کی جانب سے دائر کی گئی درخواست پر سماعت کی، دائر دارخواست میں موقف اختیار کیا گیا کہ مال روڈ پر احتجاج کرنا اور ریلی نکالنا عدالتی فیصلے کی خلاف ورزی ہے، مال روڈ پر دفعہ 144 پہلے سے ہی نافذ ہے۔

عدالت نے سماعت کے بعد مال روڈ پر احتجاج اور ریلی نکالنے پر پابندی کے عدالتی فیصلہ پر چیف سیکرٹری پنجاب، ڈی سی لاہور اور چیف ٹریفک پولیس آفیسر کو عمل درآمد کا حکم دے دیا۔

درخواست گزار کے وکیل نے عدالت میں کہا کہ کہ مال روڈ پر احتجاج سے کاروبار تباہ ہوچکا ہے جبکہ احتجاج کے باعث ٹریفک کی روانگی بھی بری طرح متاثر ہوتی ہے، آٹھ برس قبل 2011 میں سابق چیف جسٹس اعجاز چوہدری نے مال روڈ پر احتجاج اور جلسے جلوس پر پابندی لگائی تھی،.

جسٹس امین الدین خان نے درخواست سماعت کے لیے منظور کرتے ہوئے چیف سیکرٹری پنجاب، ڈی سی لاہور اور چیف ٹریفک پولیس آفیسر کو مال روڈ پر احتجاج، جلسے جلوس کرنے پر پابندی سے متعلق عدالتی فیصلہ پر من عن عمل درآمد کا حکم دے دیا۔ عدالت نے فریقین سے عمل درآمد کی رپورٹ 24 ستمبر کو طلب کرلی ۔

واضح رہے کہ اپوزیشن جماعتوں نے آج یوم سیاہ کا اعلان کیا ہوا ہے، مال روڈ پر مسلم لیگ ن جلسہ کرے گی جس سے شہباز شریف، قمر زمان کائرہ، ساجد میر و دیگر خطاب کریں گے، حکومت نے مال روڈ پر تاحال جلسہ کی اجازت نہیں دی.

مال روڈ پر احتجاج کرنے اور جلسے کرنے پر پابندی عائد ہے، تاجروں کی ہی درخواست پر عدالت نے پابندی عائد کی تھی لیکن سیاسی جماعتیں پابندی کی خلاف ورزی کرتی رہتی ہے، تاجروں‌ کا کہنا ہے کہ جلسوں سے ان کا کاروبار متاثر ہوتا ہے

رمضان کے بعد اپوزیشن جماعتوں کی مولانا فضل الرحمان کی سربراہی میں ہونے والی اے پی سی میں 25 جولائی کو یوم سیاہ ،یوم احتجاج منانے کا فیصلہ کیا گیا تھا بعد ازاں رہبر کمیٹی نے بھی اس کی توثیق کی تھی، گزشتہ برس ہونے والے الیکشن میں مبینہ دھاندلی کا الزام لگا کر اپوزیشن ایک سال بعد یوم سیاہ منائے گی

یوم سیاہ کے حوالہ سے اپوزیشن جماعتوں کے لاہور، کراچی، پشاور، کوئٹہ میں بڑے جلسے ہوں گے جبکہ دیگر شہروں میں بھی ریلیاں نکالی جائیں گی. لاہور میں مال روڈ پر ہونے والے جلسے سے قومی اسمبلی میں قائد حزب اختلاف شہباز شریف، کراچی میں پی پی کے چیئرمین بلاول زرداری، پشاور میں مولانا فضل الرحمان اور اسفند یار ولی، کوئٹہ میں مسلم لیگ ن کی رہنما مریم نواز خطاب کریں گی

مسلم لیگ ن کی رہنما مریم نواز نے سماجی رابطے کی ویب سائٹ ٹویٹر پر وزیراعظم عمران خان کی ایک تصویر شیئر کی ہے اور ساتھ پیغام میں لکھا ہے کہ اس نے آپ کے ووٹ چوری کئے، اس چہرے کو مت بھولنا

باغی ٹی وی کی رپورٹ کے مطابق مسلم لیگ ن کی رہنما مریم نواز نے سماجی رابطے کی ویب سائٹ ٹویٹر پر پاکستان کے وزیراعظم عمران خان کی ایک تصویر شیئر کی ہے جس میں وزیراعظم عمران خان وزیراعظم ہاؤس میں کرسی پر بیٹھے ہیں، مریم نواز نے تصویر پر لفظ سیلکٹڈ لکھا ہوا ہے ،مریم نواز نے تصویر کے ساتھ انگریزی میں پیغام بھی لکھا ہے ،مریم کا کہنا ہے کہ اس نے آپ کے ووٹ چوری کیے، اس چہرے کو مت بھولنا ،

He stole your vote. Don’t forget the face. pic.twitter.com/ZCQTUeuCad

— Maryam Nawaz Sharif (@MaryamNSharif) July 25, 2019

قبل ازیں مریم نواز نے ایک اور ٹویٹ میں کہا کہ
25 جولائی یوم سیاہ
عوامی رائے کے قتل عام کا دِن
اس دن سے پہلے اور اس دن کے بعد کے پاکستان پر نظر دوڑائیں
اس دن ناصرف مہنگائی ،بے روزگاری اور بدترین حکمرانی کا آغاز ہوا بلکہ اس کے خلاف بولنے کی اظہار رائے پر بھی پابندی کا آغاز ہوا۔ اللّہ کرے پھر کبھی پاکستان کے ساتھ یہ ظلم نہ ہو

واضح رہے کہ اپوزیشن آج الیکشن کے ایک سال بعد مبینہ دھاندلی کے خلاف یوم سیاہ منا رہی ہے، مریم نواز کوئٹہ میں اپوزیشن کے جلسہ سے خطاب کریں گی.

اپوزیشن کا یوم سیاہ اور احتجاج، لاہور کے تاجروں نے ایسا فیصلہ کیا کہ اپوزیشن پریشان ہو گئی

باغی ٹی وی کی رپورٹ کے مطابق لاہور کی تاجر برادری نے شہر کی تاریخی شاہراہ مال روڈ پر جلسوں اور احتجاج کے خلاف عدالت میں درخواست دائر کر دی ہے. انجمن تاجران لاہور کی جانب سے لاہورہائیکورٹ میں دائر درخواست میں کہا گیا ہے کہ مال روڈ پر احتجاج اور ریلی عدالتی فیصلے کی خلاف ورزی ہے،مال روڈ پر احتجاج سے کاروبار تباہ ہوچکا ہے،عدالت مال روڈ پر احتجاج کرنے والوں کے خلاف کارروائی کا حکم دے۔

اپوزیشن جماعتوں نے آج یوم سیاہ کا اعلان کیا ہوا ہے، مال روڈ پر مسلم لیگ ن جلسہ کرے گی جس سے شہباز شریف، قمر زمان کائرہ، ساجد میر و دیگر خطاب کریں گے، حکومت نے مال روڈ پر تاحال جلسہ کی اجازت نہیں دی.

واضح رہے کہ مال روڈ پر احتجاج کرنے اور جلسے کرنے پر پابندی عائد ہے، تاجروں کی ہی درخواست پر عدالت نے پابندی عائد کی تھی لیکن سیاسی جماعتیں پابندی کی خلاف ورزی کرتی رہتی ہے، تاجروں‌ کا کہنا ہے کہ جلسوں سے ان کا کاروبار متاثر ہوتا ہے

رمضان کے بعد اپوزیشن جماعتوں کی مولانا فضل الرحمان کی سربراہی میں ہونے والی اے پی سی میں 25 جولائی کو یوم سیاہ ،یوم احتجاج منانے کا فیصلہ کیا گیا تھا بعد ازاں رہبر کمیٹی نے بھی اس کی توثیق کی تھی، گزشتہ برس ہونے والے الیکشن میں مبینہ دھاندلی کا الزام لگا کر اپوزیشن ایک سال بعد یوم سیاہ منائے گی

یوم سیاہ کے حوالہ سے اپوزیشن جماعتوں کے لاہور، کراچی، پشاور، کوئٹہ میں بڑے جلسے ہوں گے جبکہ دیگر شہروں میں بھی ریلیاں نکالی جائیں گی. لاہور میں مال روڈ پر ہونے والے جلسے سے قومی اسمبلی میں قائد حزب اختلاف شہباز شریف، کراچی میں پی پی کے چیئرمین بلاول زرداری، پشاور میں مولانا فضل الرحمان اور اسفند یار ولی، کوئٹہ میں مسلم لیگ ن کی رہنما مریم نواز خطاب کریں گی

مسلم لیگ ن کی رہنما مریم نواز اپوزیشن جماعتوں کے جلسے سے خطاب کرنے کے لئے کوئٹہ روانہ ہو گئیں

باغی ٹی وی کی رپورٹ کے مطابق مریم نواز لاہور ایئرپورٹ سے کوئٹہ روانہ ہوئیں، مریم نوازنجی ایئرلائن کی پرواز 543سے کوئٹہ روانہ ہوئیں ،مسلم لیگ ن کے رہنما پرویز رشید اور کیپٹن (ر)صفدر بھی مریم نواز کے ہمراہ ہیں،

یوم سیاہ کے حوالہ سے اپوزیشن جماعتوں کے لاہور، کراچی، پشاور، کوئٹہ میں بڑے جلسے ہوں گے جبکہ دیگر شہروں میں بھی ریلیاں نکالی جائیں گی. لاہور میں مال روڈ پر ہونے والے جلسے سے قومی اسمبلی میں قائد حزب اختلاف شہباز شریف، کراچی میں پی پی کے چیئرمین بلاول زرداری، پشاور میں مولانا فضل الرحمان اور اسفند یار ولی، کوئٹہ میں مسلم لیگ ن کی رہنما مریم نواز خطاب کریں گی.

کراچی میں ہونے والے جلسہ سے بلاول بھٹو زرداری سمیت اہم رہنما قائدین خطاب کریں گے۔ کراچی کے جناح گراؤنڈ میں ہونے والے جلسے ميں پيپلز پارٹی، ن ليگ، جے يو آئی اور اے اين پی سميت ديگر جماعتوں کے کارکن شريک ہوں گے۔

خیبر پختونخواہ کے صوبائی دارالحکومت پشاور میں اپوزیشن جماعتوں کے مشترکہ جلسے سے اے این پی کے سربراہ اسفندیار ولی، پیپلز پارٹی کے رہنما فرحت اللہ بابر، قومی وطن پارٹی کے چیئرمین آفتاب احمد شیرپاؤ سمیت دیگر قائدین خطاب کریں گے.

جمعیت علماء اسلام ف ملین مارچ کے سلسلے میں اپنا الگ جلسہ رنگ روڈ پر کرے گی جس سے مولانا فضل الرحمٰن خطاب کریں گے۔

باقی شہروں میں بھی ریلیاں نکالی جائیں گی، مسلم لیگ ن نے لاہور جلسہ کے لیے کارکنان سے فنڈ بھی جمع کیا ہے.

سابق وزیراعظم نواز شریف سے آج جمعرات کو ملاقات کا دن ہے

باغی ٹی وی کی رپورٹ کے مطابق آج شریف خاندان کا کوئی فرد نواز شریف سے ملاقات نہیں کرے گا، مریم نواز کوئٹہ جا رہی ہیں وہ اپوزیشن کے جلسہ میں شرکت کریں گی، شہباز شریف بھی احتجاجی جلسوں کی وجہ سے مصروف ہیں. وہ بھی آج ملاقات نہیں کریں گے.

واضح رہے سابق وزیراعظم نواز شریف کوٹ لکھپت جیل میں قید ہیں وہ العزیزیہ ریفرنس کیس میں سات برس قید کی سزا کاٹ رہے ہیں، جیل میں نواز شریف سے ملاقات کا دن جمعرات کا مقرر ہے، نواز شریف کی طبیعت کی خرابی کی وجہ سے خاندان کے 5 افراد کو ملاقات کی اجازت دی جاتی ہے ،گزشتہ جمعرات کو مریم اور شہباز شریف نے ملاقات کی تھی. تاہم آج شریف خاندان کا کوئی بھی فرد مریم نواز سے ملاقات نہیں کرے گا.

مریم نواز اپوزیشن جماعتوں کے جلسے میں شرکت کے لیے کوئٹہ جا رہی ہیں، شہباز شریف بھی جلسے کے حوالہ سے مصروف ہیں اس لئے وہ بھی اپنے بھائی سے ملاقات کرنے جیل نہیں جائیں گے