پاکستان مسلم لیگ ن کی نائب صدر مریم نواز نے الزام عائد کیا ہے کہ جیل میں ان کے والد نواز شریف کی بجلی 17 گھنٹے تک بند رکھی گئی،

نوازشریف کی بلڈ شوگر دس روز سے چیک نہیں کی گئی، میڈیکل رپورٹس بھی نہیں دی جارہیں، مریم نواز

باغی ٹی وی کی رپورٹ‌کے مطابق آج پریس کانفرنس کے دوران مریم نواز کا کہنا تھا کہ مجھے جمعرات کو میاں‌ نواز شریف نے بتایا تھاکہ 17 گھنٹے ان کی بجلی بند رکھی گئی، یہ چھوٹے پن کی انتہا ہے کہ سلیکٹڈ وزیراعظم کہہ رہے ہیں کہ میں ان کا اے سی بند کردونگا جبکہ انکے اہنے سرکاری ڈاکٹرز کہہ رہے ہیں کہ انکے کمرے کا ٹیمپریچر مینٹین ہوناچاہیے،

انہوں نے کہاکہ جیل میں‌ میاں صاحب کے ڈاکٹر اور فیملی کو بغیر کنسلٹ کیے ہوئے نہ صرف ان کی انسولین بند کردی گئی بلکہ انکو نئی ٹیبلٹ دے دی اور نئی انسولین ایڈ کردی ہے، ڈاکٹرز کافی مرتبہ کہہ چکے ہیں کہ نیاں صاحب کو ہسپتال داخل کروانے کی ضرورت ہے نہ صرف انکے ٹیسٹ ہونے چاہیے بلکہ ان کے بلڈشوگر بلڈ پریشر اور انجائنا کی منیجمنٹ ہسپتال میں رکھ کر کی جانی چاہیے لیکن کوئی بات نہیں‌ سنی جارہی،

پاکستان مسلم لیگ ن کی نائب صدر مریم نواز نے کہا ہے کہ آخری جمعرات کو نوازشریف سے ملاقات میں جیل کے سرکاری ڈاکٹر آئے تو رپورٹ دکھا کر پریشان لگ رہے تھے، نوازشریف کی بلڈ شوگر دس روز سے چیک ہی نہیں کی گئی،

باغی ٹی وی کی رپورٹ‌ کے مطابق مریم نواز نے جاوید ہاشمی، ڈاکٹر عدنان، پرویز رشید اور عظمی بخاری کے ہمراہ ماڈل ٹاؤن میں پریس کانفرنس کرتے ہوئے کہاکہ تین جولائی کی رپورٹ لکھی جس میں درج تھاکہ نوازشریف کی طبیعت خراب ہے اور فورا ہسپتال منتقل کیاجائے، نوازشریف کا آئینی قانونی حق ہےکہ بلڈ ٹیسٹ سمیت دیگر رپورٹس دکھانی چاہیے تھی، بیٹی کو بھی نہیں بتایا کہ گردوں اور شوگر میں مسئلہ ہے،

مریم نواز نے کہاکہ نوازشریف کو صحت کی رپورٹ پر بہانہ لگایا فوٹو کاپی مشین خراب ہے، جیل آفس انچارج نے نواز شریف صحت پر رپورٹ مجھے نہیں دی گئی، آئی جیل خانہ جات کو خط لکھا ڈاکٹر عدنان نے بھی خط لکھا رپورٹ کی کاپی جاری کی جائےکسی نے جواب نہیں دیا، فیملی کو نہیں پتہ میاں نوازشریف کی طبیعت خراب رہی اور میڈیکل بورڈ نے بھی کیا علاج کیا نہیں بتایاگیا یہ مجرمانہ غفلت ہے،

مسلم لیگ ن کے لئے ایک اور مشکل، حکومت نے بلدیاتی اداروں کا آڈٹ کروانے کا اعلان کر دیا

پنجاب کا نیا بلدیاتی نظام ، الیکشن کمیشن نےا عتراضات لگا دئیے

باغی ٹی وی کی رپورٹ کے مطابق پنجاب کے وزیر اطلاعات میاں اسلم اقبال نے کہا ہے کہ بلدیاتی اداروں کا گزشتہ 10 برسوں کا جلد آڈٹ ہوگا، خادم اعلیٰ اوراُن کےحواریوں کی صحیح تصویرعوام کےسامنے لائیں گے .

لوکل گورنمنٹ بل پنجاب اسمبلی سے منظور،مسلم لیگ ن ناکام

میاں اسلم اقبال کا مزید کہنا تھا کہ لیگیوں کی لوٹ ماراوربندربانٹ عوام کے سامنے لائیں گے ،پنجاب میں بلدیاتی اداروں کوسیاسی مقاصد کیلیے استعمال کیا گیا ،لیگی حکومت نےشہری اداروں کامالیاتی ڈسپلن تباہ کردیا.

پنجاب میں نیا بلدیاتی نظام، لاہور ہائیکورٹ نے بڑا حکم دے دیا

واضح رہے کہ میاں اسلم وزیر تجارت تھے جنہیں چند روز قبل وزیراعظم عمران خان کے دورہ لاہور کے بعد صوبائی کابینہ میں تبدیلی کی گئی تھی، اور میاں اسلم کو وزارت اطلاعات کا اضافی چارج دیا گیا تھا.

سزامعطل ہونےسے نااہل شخص الیکشن کیلیےاہل نہیں ہو سکتا،سپریم کورٹ کا بڑا فیصلہ

سپیکر پنجاب اسمبلی چودھری پرویز الہیٰ سے کوریا کے پارلیمانی وفد نے ملاقات کی ہے

مسلم لیگ ق نے بھی وزیراعظم سے ایک اور وزارت مانگ لی

باغی ٹی وی کی رپورٹ کے مطابق سپیکر پنجاب اسمبلی چودھری پرویز الہیٰ سے کوریا کے پارلیمانی وفد نے ملاقات کی ہے، کورین وفد کو پنجاب اسمبلی کی تاریخ اور ورکنگ سے متعلق تفصیل سے آگاہ کیا، اسپیکر پنجاب اسمبلی سے ملاقات کرنے والوں میں جنوبی کوریا کے سفیر سنگ کی کواک کے علاوہ قومی اسمبلی کے ارکان محترمہ بی سُک چُو،وون چن چنگ اور دیگرسفارت کار شامل تھے .

قطری خط کے بعد قطری ڈیل، کتنے ارب ڈالر کے عوض رہا ہو گا نواز شریف؟ اہم خبر

اس موقع پر سپیکر پنجاب اسمبلی چوہدری پرویز الٰہی کا کہنا تھا کہ پاکستان اور کوریا کے درمیان شعبوں میں بہترین دوستانہ اور تاریخی تعلقات ہیں، جن سے دونوں ممالک کو فائدہ پہنچ رہا ہے۔

لوکل گورنمنٹ بل پنجاب اسمبلی سے منظور،مسلم لیگ ن ناکام

چودھری پرویز الہیٰ جو مسلم لیگ ق کے مرکزی رہنما اور حکومت کے اتحادی ہیں نے کورین پارلیمانی وفد سے ملاقات میں کہا کہ تجارت، سرمایہ کاری، آئی ٹی، زراعت، توانائی و دیگر شعبوں میں باہمی تعاون بڑھانادونوں ملکوں کے لیے فائدہ مند ہو گا، کیونکہ وزیر اعظم عمران خان سرمایہ کاری کے لیے سازگار اور پرامن ماحول اور ترقیاتی حکمت عملی پر زور دیتے ہیں۔

واضح رہے کہ کورین پارلیمانی وفد پاکستان کے دورے پر ہے، وفد نے سپیکر قومی اسمبلی سے بھی ملاقات کی تھی ،اس موقع پر سپیکر قومی اسمبلی اسد قیصرکا کہنا تھا کہ زراعت کے شعبے کو ترقی دینے کے لیے کوریا کے ساتھ تعاون میں وسعت دی جائے گی، کوریا اور پاکستان کے مابین ایگریکلچر کے شعبوں میں باہمی مطابقت کی بدولت ہم ایک دورسرے کے تجربات سے مستفید ہو سکتے ہیں، کور یا میں مقیم پاکستان کوریا کی تعمیر و ترقی میں اہم کردار ادا کررہے ہیں،کوریا میں موجود پاکستانی ورکرز کوہر ممکن سہولیات فراہم کی جائیں.

محکمہ ماحولیات پنجاب نے پلاسٹک بیگز پر پابندی کی تجویز چیف سیکرٹری پنجاب کو ارسال کر دی،

تفصیلات کے مطابق صوبائی وزیر ماحولیات بارضوان نے کہا ہے کہ پلاسٹک بیگز سے متعلق ہائیکورٹ کے احکامات پر عملدرآمد کیا جائے گا، پلاسٹک بیگز کے خلاف قانون سازی کیلئے پنجاب اسمبلی میں بل لے کر آئیں گے، رواں برس کے آخر تک پلاسٹک بیگز کے استعمال پر مکمل پابندی عائد کردی جائے گی۔

واضح رہے کہ اس سے قبل بھی محکمہ ماحولیات نے پولیتھین بیگز کی بندش کا معاملہ اٹھایا تھا مگر قانون میں ترمیم سازی نہ ہونے کی وجہ سے التوا کا شکار ہو گیا، پولیتھین پروڈکشن کے کاروبار سے وابستہ افراد نے محکمہ ماحولیات کے قوائد وضبط ماننے سے انکار کر دیا تھا۔

واضح رہے کہ اس سے قبل وفاق میں بھی یہ پابندی کا حکم جاری ہو گیا تھا .ایک روز قبل وزیرمملکت برائے ماحولیاتی تبدیلی زرتاج گل نے کہا کہ 14 اگست سے پلاسٹک بیگز پر پابندی لگائی جا رہی ہے، وفاقی دارالحکومت میں روزانہ کی بنیاد پر ہر فرد 3سے 4بیگز استعمال کرتے ہیں، تمام افراد جو مینوفیکچرز ہیں وہ 14 اگست سے پہلے ختم کر دیں اور ہمارے ساتھ مل کر اس مہم میں شامل ہو جائیں، خلاف ورزی کرنے والے انڈسٹری کو پہلی بار ایک لاکھ،دوسری بار خلاف ورزی پر2 لاکھ اور تیسری بار خلاف ورزی پر 5لاکھ روپے جرمانہ ہو گی اور سزا دی جائے گی، پلاسٹک بیگز کی وفاقی دارالحکومت پر پابندی پر میڈیا، سول سوسائٹی اور تمام ادارے مل کر ہمارا ساتھ دیں تا کہ وفاقی دارالحکومت کو دوبارہ سے گندگی سے پاک اور پلاسٹک بیگز سے پاک شہر بنائیں