وزیرصحت پنجاب ڈاکٹریاسمین راشد نے پنجاب ہیپاٹائٹس کنٹرول پروگرام کے تمام تر انتظامی امور محکمہ پرائمری اینڈ سیکنڈ ہیلتھ کیئر کے سپرد کرنے کا حکم دے دیا ہے, انہوں نے یہ حکم محکمہ سپیشلائزڈ ہیلتھ کیئر اینڈ میڈیکل ایجوکیشن میں پنجاب ہیپاٹائٹس کنٹرول پروگرام کے حوالہ سے اعلیٰ سطح اجلاس میں دیا, اس موقع پر صوبائی سیکرٹری محکمہ پرائمری اینڈ سیکنڈری ہیلتھ کیئر زاہد اختر زمان، سپیشل سیکرٹری میاں شکیل احمد و دیگر افسران موجود تھے,

باغی ٹی وی کی رپورٹ کے مطابق ڈاکٹر یاسمین راشد نے بلڈ ٹرانسفیوژن سروسز پنجاب کی استعدادکار کو بڑھانے کے حوالہ سے بھی انتظامی امور کا جائزہ لیا۔ اس موقع پر صوبائی وزیر صحت ڈاکٹریاسمین راشد نے کہا کہ محکمہ پرائمری اینڈ سیکنڈری ہیلتھ کیئر آئندہ ہیپاٹائٹس کی ادویات کی خریداری، سکریننگ اور علاج معالجہ کا مکمل ذمہ دار ہوگا۔محکمہ پرائمری ہیلتھ 116ڈی ایچ کیو اور تحصیل ہیڈ کوارٹرز، محکمہ سپیشلائزڈ ہیلتھ کیئر 23ہسپتالوں جبکہ پی کے ایل آئی 23اضلاع کے ڈسٹرکٹ ہیڈکوارٹرزمیں ہیپاٹائٹس کی روک تھام کے سلسلہ میں مریضوں کو طبی سہولیات فراہم کر رہا ہے۔

انہوں نے کہا کہ محکمہ پرائمری اینڈ سیکنڈری ہیلتھ کیئر میں پنجاب ہیپاٹائٹس کنٹرول پروگرام کے اعداد وشمار سے متعلق ڈیش بورڈ بنایا جائے گا۔ پنجاب ہیپاٹائٹس کنٹرول پروگرام کی تمام تر انتظامی سرگرمیاں یکجا کرنا سسٹین ایبل گولز 2030کے ہدف کو حاصل کرنے کی ایک کڑی ہے۔

واضح رہے کہ حکومت ان دنوں ہیپا ٹائٹس کنٹرول کرنے کیلئے اہم اقدامات کر رہی ہے جبکہ ڈآکٹر یاسمین راشد بھی اس سلسلہ میں‌ کافی متحرک ہیں‌.

لاہور کے علاقے شاہدرہ میں ناخلف بیٹے کی طرف سے اپنی ماں کو کلہاڑی کے وار کرکے زخمی کرنے کا انتہائی افسوسناک واقعہ پیش آیا ہے.

باغی ٹی وی کی رپورٹ کے مطابق پولیس نے ماں کو زخمی کرنے والے ملزم کو حراست میں لیا تو ماں کی ممتا جاگ اٹھی اور اس نے پولیس سے کہا کہ اسے کچھ نہ کہیں، زخمی ماں نے اپنے بیٹے کے خلاف کسی قسم کی قانونی کارروائی سے بھی انکار کیا ہے.

شاہدرہ کے علاقہ میں بیٹے کی طرف سے ماں‌ کو کلہاڑی سے زخمی کرنے پر اہل علاقہ میں سے ہر کوئی سننے والا غم کی کیفیت میں ہے جبکہ ماں‌ کے جذبات دیکھ کر لوگوں‌ کی آنکھوں‌ میں‌ آنسو آ گئے اور ہر کوئی یہ کہنے پر مجبور ہو گیا کہ ماں کا کوئی نعم البدل نہیں ہے اور ماں، ماں ہی ہوتی ہے.

وزیراعلیٰ پنجاب نے شدید بارشوں‌ کے سبب نکاسی آب کا جائزہ لینے کے لیے سیف سٹیزاتھارٹی کا دورہ کیا اور خصوصی ہدایات جاری کیں.

وزیر اعلیٰ پنجاب نے بچوں اور خواتین کو بارش میں پھنسے دیکھ کر ایسا کیا کیا کہ ان کی خوشی کی انتہا نہ رہی؟

باغی ٹی وی کی رپورٹ کے مطابق وزیر اعلی ٰ نے مانیٹرنگ روم سے مختلف مقامات پر پانی کی نکاسی کا جائزہ لیا، زیراعلیٰ نے سیف سٹیز کیمروں کی مددسےشہرکاجائزہ لیا اورانتظامیہ کوہدایات دیں، متعلقہ افسران فیلڈ میں جائیں اور لوگوں کی سہولت کیلیے اقدامات کریں،

وزیر اعلیٰ‌ پنجاب نے اس سے قبل شدید بارش میں مختلف علاقوں‌ کا دورہ کیا اور بارش میں پھنسے بچوں اور خواتین کو بھی لفٹ دیکر انہیں محفوظ مقام پر پہنچایا. اس موقع پر ترجمان وزیر اعلیٰ‌ ڈاکٹر شہباز گل بھی ان کے ہمراہ تھے. وزیر اعلیٰ‌پنجاب بارش کے آغاز سے ہی کافی سرگرم نظر آرہے ہیں.

وزیراعلی پنجاب سردار عثمان بزدار نے لاہور شہر میں موسلا دھار بارش کے بعد نکاسی آب کے انتظامات کا جائزہ لیا. اس دوران وزیراعلی نے بارش کے پانی میں پھنسی خواتین اور بچوں کو اپنی گاڑی میں لفٹ دی، ترجمان وزیراعلی پنجاب ڈاکٹر شہباز گل وزیراعلی پنجاب کے ہمراہ تھے. بچوں اور خواتین نے وزیر اعلیٰ پنجاب کی طرف سے لفٹ دینے اور محفوظ‌ جگہ تک پہنچانے پر زبردست خوشی کا اظہار کیا اور انہیں‌ دعائیں دیں.

وزیراعلی پنجاب کا لاہور شہر میں موسلا دھار بارش کے بعد نکاسی آب کے انتظامات کا جائزہ۔ وزیراعلی نے بارش کے پانی میں پھنسی خواتین اور بچوں کو اپنی گاڑی میں لفٹ دی۔ ترجمان وزیراعلی پنجاب ڈاکٹر شہباز گل وزیراعلی پنجاب کے ہمراہ ہیں۔👇🏻👇🏻https://t.co/6prjNUBdzU

— Dr. Shahbaz GiLL (@SHABAZGIL) July 16, 2019

باغی ٹی وی کی رپورٹ کے مطابق ترجمان وزیر اعلیٰ پنجاب شہباز گل نے سوشل میڈیا سائٹ ٹویٹر پر لکھا کہ جب حکمران عوام کے ساتھ مشکل میں کھڑے ہوں تو عوام بھی ساتھ کھڑی ہوتی ہے. وزیر اعلیٰ پنجاب کی طرف سے شدید بارش کے دوران مختلف علاقوں‌کا دورہ کرنے پر مقامی لوگوں‌نے ان کے اس اقدام کو سراہا ہے.

جب حکمران عوام کے ساتھ مشکل میں کھڑے ہوں تو عوام بھی ساتھ کھڑی ہوتی ہے pic.twitter.com/1Gcd6GuoXC

— Dr. Shahbaz GiLL (@SHABAZGIL) July 16, 2019

سردار عثمان بزدار کو سخت بارش کے دوران لوگوں‌ نے اپنے پاس دیکھا تو اس پر انہوں‌ نے خوشی کا اظہا رکیا اور گاڑی کے قریب پہنچ کر ان سے ہاتھ بھی ملاتے رہے. سوشل میڈیا پر بھی لوگوں‌ نے سردار عثمان بزدار کے اس اقدام کو خوش آئندہ قرار دیا اور ان کی انسانی ہمدردی کی تعریف کی ہے.

سوشل میڈیا پر پچھلے کئی دنوں سے ایسی پوسٹیں‌ گردش کر رہی ہیں کہ قبرستان میں نئی قبر کھودنے پر پندرہ سو سے دو ہزار روپے تک ٹیکس لگایا جارہا ہے تاہم وزیر اعلیٰ پنجاب کے ترجمان نے ان افواہوں‌ کی سختی سے تردید کی ہے.

ایک بہت ہی فضول قسم کی افواہ پھیلائی گئی کہ قبرستان ہو ٹیکس لگ رہا ہے۔ یہ غلط خبر ہے

— Dr. Shahbaz GiLL (@SHABAZGIL) July 16, 2019

باغی ٹی وی کی رپورٹ کے مطابق وزیر اعلیٰ پنجاب کے ترجمان ڈاکٹر شہباز گل نے سوشل میڈیا سائٹ ٹویٹر پر اپنے پیغام میں کہا ہے کہ ایک بہت ہی فضول قسم کی افواہ پھیلائی گئی کہ قبرستان میں‌ ٹیکس لگ رہا ہے، یہ غلط خبر ہے،

ٹویٹر پر ان کے اس پیغام کے بعد سوشل میڈیا پر پھیلائی جانے والی یہ خبریں‌ دم توڑ گئی ہیں کہ قبرستان میں نئی قبر کھودنے پر ڈیڑھ سے دو ہزار روپے ٹیکس لگ رہا ہے. سوشل میڈیا صارفین نے سیاسی مخالفت کی بنیاد پر ایسی افواہیں‌ پھیلائے جانے کی شدید مذمت کی ہے.

مسلم لیگ ن کی رہنما مریم نواز نے حکومت کے‌ خلاف بڑا فیصلہ کر لیا

باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر ٹویٹ کرتے ہوئے مریم نواز نے تحریک انصاف کی حکومت کے خلاف ملک بھر میں احتجاج کرنے کا اعلان کیا ہے.

ٹویٹر پر ٹویٹ کرتے ہوئے مریم نواز نے کہا کہ ملک بھر میں ہونے والے احتجاج میں نواز شریف کے لئے انصاف مانگوں گی، منتخب لوگوں کو سزائیں دینے کیلئے سسٹم کے غلط استعمال روکنے کا مطالبہ کروں گی

مریم نواز کی جانب سے جج کی مبینہ ویڈیو جعلی، فرانزک رپورٹ

ایک اور ٹویٹ میں مریم نواز نے کہا کہ قوم کا مینڈیٹ چرانے، سلیکٹڈ کو لگائے جانے کے خلاف آواز اٹھاؤں گی،جو آزاد، جمہوری اور انصاف پر مبنی پاکستان میں رہنا چاہتا ہو وہ میرا ساتھ دے،یہ وطن امانت ہے، اور تم امیں لوگو۔

واضح رہے کہ مسلم لیگ ن کے پنجاب میں ورکرز کنونشن جاری ہیں، شاہد خاقان عباسی، مریم اورنگزیب ،احسن اقبال نے پنجاب کے مختلف شہروں میں کنونشن کئے.

دوسری جانب ایف بی آر نے مریم نواز اور نصرت شہباز پر ٹیکس عائد کرکے نوٹسز جاری کردیئے. ایف بی آر نےمریم نوازپر 12 لاکھ 57 ہزار 907 روپےٹیکس عائدکردیا،مریم نوازکے سال 2013 کے اثاثہ جات 13کروڑ14لاکھ44ہزار578 روپے پرٹیکس عائدکیا گیا تھا .

معاملہ کسی جج کو فارغ کرنے کا نہیں………مریم نواز نے کیا کہہ دیا

نصرت شہبازپر بھی ایک لاکھ 72 ہزار 659 روپےکاٹیکس عائد کیا گیا ہے، نصرت شہباز پرانکم سپورٹ لیوی ٹیکس 2013 میں90ہزار210روپے ٹیکس عائد کیا گیا تھا،ایف بی آرنے مریم نوازاورنصرت شہبازکو ٹیکس ادائیگی کیلئے23جولائی تک کی مہلت دے دی .

واضح رہے کہ مریم نواز نے احتساب عدالت نے بھی 19 جولائی کو طلب کیا ہوا ہے.احتساب عدالت کے جج محمد بشیر نے مریم نواز کو نوٹس جاری کیا۔ نیب نے مریم نواز کیخلاف جعلی دستاویزات پر ٹرائل کیلئے درخواست دی۔ نیب کے مطابق ایون فیلڈ ریفرنس میں مریم نواز کی پیش کردہ ٹرسٹ ڈیڈ جعلی ثابت ہوئی۔

تمہیں شرم نہیں آتی، مریم نواز وزیراعظم عمران خان پر برس پڑیں

نواز شریف کے لئے ایک اور مشکل، ن لیگی ہوئے پریشان

جج ویڈیو، مریم نواز سمیت سب کو ہو گی دس سال قید،نواز کی سزا میں ہو گا اضافہ

5 جولائی 2018 کو احتساب عدالت نے ایون فیلڈ ریفرنس میں سابق وزیراعظم نواز شریف کو 10 برس قید بامشقت، مریم نواز کو 7 برس قید جب کہ داماد کیپٹن (ر) صفدر کو ایک سال قید بامشقت کی سزا سنائی تھی۔ 19 ستمبر کو اسلام آباد ہائی کورٹ نے نواز شریف، مریم نواز اور کیپٹن (ر) صفدر کی سزا معطل کرتے ہوئے ان کی رہائی کا حکم دیا تھا۔

احتساب عدالت کی جانب سے طلبی کی خبروں کے بعد مریم نواز کا کہنا تھا کہ سوشل میڈیا سائٹ ٹویٹر پر اپنے پیغام میں انہوں نے لکھا کہ میں عوام سے پوچھتی ہوں کہ میرے سوالات کے جواب ملنے کی بجائے کیا مجھےاس NAB میں پیش ہونا چاہیئے جو آڈیو/ویڈیو کے زریعے یرغمال ہو؟