لاہور:اپوزیشن میں صادق سنجرانی کو چیئرمین سینٹ کے عہدے سے ہٹانے کا دم خم نہیں ہے۔ وزیراعلی پنجاب سردار عثمان بزدار کا کہنا ہے کہ تحریک انصاف چیئرمین سینیٹ صادق سنجرانی کے ساتھ تھی اور رہے گی.

عثمان بزدار نے میڈیا سے گفتگو رکتے ہوئے کہا کہ چیئرمین سینٹ صادق سنجرانی کیخلاف تحریک عدم اعتماد پراپوزیشن جماعتوں کو منہ کی کھانا پڑیگی،عثمان بزدار کا کہنا تھا کہ جمہوری ملکوں میں اپوزیشن کاکردار انتہائی اہم ہوتا ہے،مگر بدقسمتی سے پاکستان میں اپوزیشن جماعتوں نے ہرموقع پر منفی سیاست کو پروان چڑھایا،

عثمان بزدار نے میڈیا سے بات کرتے ہوئے کہا کہ اپوزیشن جماعتوں کو منفی ہتھکنڈوں سے توبہ کر لینی چاہئے،انتشاراور فراتفری کی سیاست کی علمبرداراپوزیشن جماعتیں ذاتی ایجنڈے لیکرچل رہی ہیں۔ انہوں نے مزید کہا کہ چیئرمین سینیٹ صادق سنجرانی کوایوان کی اکثریت کی حمایت حاصل ہے،تحریک عدم اعتماد کی ناکامی نوشتہ دیوار ہے۔

لاہور:وفاقی وزیر تعلیم شفقت محمود نے لاہو رمیں ایک تقریب سے خطاب کرتے ہوئے یہ بات پھر دہرادی کہ جو ٹیکس دے گا وہی کاروبار کرسکے گا، کسی ٹیکس نادہندگان کو چھوٹ نہیں دی جائے گی۔وفاقی وزیر تعلیم شفقت محمود نے خطاب کرتے ہوئے کہا کہ اس میں کوئی شک نہیں کہ ملک میں مہنگائی بڑھ رہی ہے لیکن سرکار جو فیصلے لے رہی ہے وہ قوم کیلئے فائدہ مند ثابت ہوں گے۔

وفاقی وزیر تعلیم کو کوٹھا پنڈ کے شہریوں کی طرف سے تقریب میں‌دعوت دی گئی تھی اہلیان کوٹھا پنڈ ملک برادرز محمد حفیظ اور الیاس لاڈا کی جانب سے سعید جعفری کے اسسٹنٹ ایڈووکیٹ جنرل بننے کی خوشی میں شاندار تقریب کا اہتمام کیا گیا، تقریب میں وفاقی وزیر تعلیم شفقت محمود نے خصوصی شرکت کی ،

اس موقع پروفاقی وزیر تعلیم کا کہنا تھا کہ ملک کی اس وقت جو صورت حال ہے وہ پچھلی حکومتوں کا نتیجہ ہے،لیکن عوام نے گھبرانہ نہیں انشااللہ ہم سرخروں ہوں گے,ملکی سیاسی صورتحال کے سوال پر وفاقی وزیر شفقت محمود بولے سیاست پر بات نہیں کروں گا۔وفاقی وزیر نے کہا پریشان ہونے کی کوئی بات نہیں حالات بہت جلد ٹھیک ہوجائیں گے

لاہور:باغی ٹی وی سے بات کرتے ہوئے مصطفیٰ شیخ نے کہا ہے کہ جو لوگ اس پر کرپشن اور سرکاری امور میں بے جا مداخلت کا الزام لگارہے ہیں‌ یہ اصل میں اس مافیا کا حصہ ہیں جن کے خلاف محکمہ کی ہدایت پر کارروائی کی اور سالوں سے دونمبر جعلی موبل آئیل بیچنے والے دوکانداروں کی دوکانیں سیل کی گئیں.

باغی ٹی وی سے بات کرتے ہوئے مصطفیٰ‌شیخ کا کہنا تھا کہ ان لوگوں نے جو دستاویزات پیش کی ہیں یہ بھی جعلی ہیں کسی پر میرا شناختی کارڈ نمبر نہیں‌ہے ان لوگوں نے خود یہ دستاویزات تیار کرکے عوام الناس کو گمراہ کرنے کی کوشش کی ہے.

مصطفیٰ شیخ نے مزید بتایا کہ اس کے خلاف یہ سازش اس لیے کی جارہی ہے کیونکہ اس نے محکمہ کی ہداہت پرجعلی موبل آئیل کی دوکانوں کو سیل کیا .بعد ازاں یہ جعل ساز دوکاندار اس کے خلاف ہائی کورٹ گئے .مصطفیٰ شیخ‌ نے بتایا کہ ہائی کورٹ نے کہ صرف ان کی درخواست مسترد کی بلکہ مجھے ان جعل سازوں‌کی سالوں پرانی دونمبری ختم کرنے پر شاباش دی.مصطفیٰ شیخ نے باغی ٹی وی سے بات کرتے ہوئے کہا ہے کہ وہ بہت جلد اس مافیا کی جعل سازیوں کے متعلق انکشافا ت کریں گے.

لاہور:کہیں تقرریاں تو کہیں تبادلے ،اسی سلسلے میں لاہور ڈویلپمنٹ اتھارٹی کے ڈائریکٹر جنرل محمد عثمان معظم کی جانب سے محکمانہ پرموشن کمیٹی کے فیصلوں پر عمل درآمد، 2 ڈپٹی ڈائریکٹرز کو ریگولر جبکہ تین کو ایکٹنگ چارج کی بنیاد پر گریڈ 19 میں ڈائریکٹر کے عہدے پر ترقی دے دی گئی۔

ایل ڈی اے ذرائع کے مطابق ڈی جی محمد عثمان معظم نے ڈپٹی ڈائریکٹر جنرل کیڈر احمد ممتازعلی خان کو ریگولر بنیادوں پر ڈائریکٹر جنرل کیڈر کے عہدے پر ترقی دی گئی ہے،جبکہ انہیں بدستور ڈائریکٹر لینڈ ڈویلپمنٹ فور کے طور پر اپنی ذمہ داریاں انجام دینے کی ہدایت کی ہے،ان ذمہ داریوں کے علاوہ ان پاس ڈائریکٹر ایڈمنسٹریشن کا اضافی چارج بھی ہوگا۔

ڈی جی ایل ڈی اے نے ڈپٹی ڈائریکٹر ٹاؤن پلاننگ طارق محمود کو بھی ریگولر بنیاد پر بطور ڈائریکٹر ٹاؤن پلاننگ ترقی دے دی گئی ہے، انہیں ڈائریکٹر ٹاؤن پلاننگ فور کے طور پر بدستور اپنی ذمہ داریاں انجام دینے کی ہدایت کی گئی ہے۔

اسی طرح ڈپٹی ڈائریکٹر لاء محمد ریاض سعدی کو بھی گریڈ 19 میں بطور ڈائریکٹر یونیفائیڈ گروپ ایکٹنگ چارج کی بنیاد پر ترقی دی گئی ہے۔جنرل کیڈر کے دو ڈپٹی ڈائریکٹرز محمد اسلم اور مدثر مجید کو ایکٹنگ چارج پر گریڈ 19 میں بطور ڈائریکٹر ترقی دی ہے، انہیں ایڈمنسٹریشن میں رپورٹ کرنے کی ہدایت کی گئی ہے۔ یاد رہے کہ یہ تقرریاں اور تبادلے محکمانہ طور پر کئے گئے ہیں