پیمرا کی جانب سے ٹی وی چینل کو کیبل پر بند کرنے کے خلاف لاہور میں آج تمام صحافتی تنظیموں نے مشترکہ اجلاس طلب کر لیا ہے، اجلاس کی‌صدارت لاہور پریس کلب کے صدر ارشد انصاری کریں گے

نئے پاکستان میں میڈیا بھی آزاد نہیں، مولانا فضل الرحمن کی چینلز کی نشریات بند کرنے کی مذمت

باغٰی ٹی وی کی رپورٹ کے مطابق لاہور پریس کلب کے صدر ارشد انصاری، سینئر نائب صدر ذوالفقار مہتو، نائب صدر ناصره عتیق ، سیکرٹرى زاهد عابد، جوائنٹ سکریٹری حافظ فیض احمد، خزانچى سالک نواز اور اراکین گورننگ باڈى نے کہا ہے کہ چینل 24،ابتک ٹی وی اور کیپیٹل نیوز ٹی وی کی نشریات کو بلا نوٹس معطل کرکے پاکستان الیکٹرانک میڈیا ریگولیٹری اتھاٹى (پیمرا) نے فاشزم کی بدترین مثال قائم کی ہے اور یہ اقدام آزادی صحافت پر کاری ضرب اور بہیمانہ حملہ ہے۔ جمہوریت میں اس قسم کےاقدام ناقابل قبول ہیں اور آزادیء صحافت کا گلا گھونٹنا برداشت نہیں کیا جائے گا۔ٓ

ٹی وی چینلز کی نشریات بحال نہ کی گئیں تو ملک گیر احتجاج کریں‌ گے، صدر لاہور پریس کلب و دیگر

لاہور پریس کلب کے صدر ارشد انصاری نے آج 9 جولائی منگل کوشام 6 بجے پی ایف یو جے،پی یو جے،فوٹو جرنلسٹ ایسوسی ایشن،ایمرا،اینکا اور دیگر تنظیموں کا ہنگامی مشترکہ اجلاس طلب کر لیا ہے جس میں آزادی صحافت پر پیمرا کی "دہشت گردی” کے خلاف احتجاجی پروگرام ترتیب دیا جائے گا۔

ابتک، 24 نیوز اور کیپیٹل ٹی وی کی کیبل پر نشریات بند، بلاول بھٹو، مریم اورنگزیب و دیگر کی مذمت

صحافی رہنمائوں کا کہنا تھا کہ "تبدیلی سرکار ” کی جانب سے صحافیوں اور صحافتی اداروں کے خلاف مسلسل کارروائیوں سے پوری صحافتی انڈسٹری میں بے چینی پھیل رہی ہے اور پیمرا کو ایسے اقدامات کے لئے کھلا چھوڑ دیا گیا ہے جو جمہوری نظام کے خلاف سازش کے مترادف ہیں، وزیر اعظم عمران خان اور وفاقی مشیر اطلاعات ڈاکٹرفردوس عاشق اعوان کو پیمرا کو لگام ڈالنی چاہئے بصورت دیگر صحافی سڑکوں پر ہوں گے اور جب اہل قلم سڑکوں پر آجائیں تو ملک میں جاری ظالمانہ اقدامات نشانی ہوتی ہے ،اور ظلم کی حکومت زندہ معاشروں میں زیادہ دیر نہیں چلا کرتی۔

واضح رہے کہ گزشتہ شام کیبل پر ابتک ٹی وی، کیپیٹل اور 24 ٹی وی کو بند کر دیا گیا ہے

سابق وزیراعظم نواز شریف کے بعد مسلم لیگ ن کے ایک اور رہنما جیل میں بیمار ہو گئے، ہسپتال منتقلی کے لئے درخواست دے دی

پیپلز پارٹی کو زور لگا کر ہم دفن نہیں کر سکے، خواجہ سعد رفیق کا اسمبلی میں خطاب

خواجہ برادران کے خلاف احتساب عدالت میں ریفرنس دائر

باغی ٹی وی کی رپورٹ کے مطابق پیراگون سوسائٹی اسکینڈل میں گرفتارخواجہ سلمان رفیق بھی بیمارہو گئے، سابق صوبائی وزیرخواجہ سلمان رفیق نے علاج کے لئے اسپتال داخل کروانے کی درخواست احتساب عدالت میں جمع کروائی جس پر احتساب عدالت نے جیل حکام کو قانون کےمطابق کارروائی کا حکم دے دیا ،خواجہ سلمان نے علاج کے لئے جیل حکام کی وساطت سے احتساب عدالت میں درخواست دائرکی.

واضح رہے کہ خواجہ برداران کو نیب نے گرفتار کر رکھا ہے ، عدالت نے خواجہ برادران کی ضمانت کی درخواست مسترد کر دی تھی ،

خواجہ برادران کی جانب سے ضمانت کے لئے دائر درخواست میں موقف اختیار کیا گیا تھا کہ نیب کی تفتیش میں ہرممکن تعاون کررہے ہیں، پیراگون ہاؤسنگ اسکینڈل میں گرفتار کیا گیا لیکن نیب کرپشن کے الزامات ثابت کرنے میں ناکام رہا۔ خواجہ برادران نے موقف اختیار کیا کہ نیب تفتیش میں تعاون اور تمام ریکارڈ فراہم کیا، عدالت سے استدعا ہے کہ درخواست ضمانت منظور کرکے رہائی کا حکم دیا جائے۔ عدالت نے ضمانت کی درخواست مسترد کر دی تھی.

واضح رہے کہ 11 دسمبر کو لاہور ہائی کورٹ نے مسلم لیگ ن کے رہنماؤں خواجہ سعد رفیق اور ان کے بھائی سلمان رفیق کی عبوری ضمانت خارج کردی تھی، جس کے بعد نیب نے دونوں بھائیوں کو حراست میں لے لیا تھا۔ خواجہ برادران کو پیراگون ہاؤسنگ اسکینڈل میں گرفتار کیا گیا ہے جبکہ دونوں بھائی پیراگون ہاؤسنگ اسکینڈل سمیت 3 مقدمات میں نیب کو مطلوب تھے۔

پاکستان مسلم لیگ ن کی نائب صدر مریم نواز نے کہا ہے کہ میرے پاس دو تین آڈیوز اور ہیں، بے گناہ کو سزا دینے کابوجھ بہت بڑا ہوتاہے،

باغی ٹی وی کی رپورٹ‌ کے مطابق مریم نواز نے کہاکہ جج نے دو بار میسیج دیے کہ دو بار عمرے کیلیے گئے ، ہم نے بار بار عدالت کا دروازہ کھٹکھٹایا،ہر دفعہ فیصلہ نئی سزا کی صورت میں سامنے آیا ، قانونی مشاورت جاری ہے ،معاملہ سپریم کورٹ یا کسی بھی فور م پرہوا تولے کر جاؤں گی،

مریم نواز نے کہاکہ حکومت نے ویڈیو کی فارنزک کرالی ہے جس سے انہیں پتا چل گیا کہ یہ اصلی ہے. واضح رہے کہ آج مریم نواز نے نواز شریف کا گھر سے آنے والا کھانا بند کرنے کا بھی دعویٰ‌کیا اور کہا ہے کہ اگر اس کی اجازت نہ دی گئی تو وہ کوٹ لکھپت جیل کے باہر بھوک ہڑتال کریں گی.

ںلاہور پریس کلب کے صدر ارشد انصاری، صدر پی یو جے شہزاد حسین بٹ اور جنرل سیکرٹری اشرف مجید نے مختلف نیوز چینلز کی نشریات بند کئے جانے کی شدید مذمت کی ہے.

باغی ٹی وی کی رپورٹ کے مطابق لاہور پریس کلب، پی ایف یو جے اور پی یو جے نے پیمرا کی جانب سے کیبل آپریٹرز سے
ابتک نیوز، کپیٹل نیوز اور ٹوئنٹی فور نیوز کی نشریات کی زبردستی بندش کروانے کی بھر پور مذمت کی ہے.

لاہور پریس کلب کے صدر ارشد انصاری، صدر پی یو جے شہزاد حسین بٹ اور جنرل سیکرٹری اشرف مجید نے کہا ہے کہ ٹی وی چینلز کی نشریات کی بندش آزادی صحافت پر حملہ ہے. ان تمام چینلز کی نشریات کو فی الفور بحال کیا جائے اگر نشریات فوری بحال نہ کی گئی تو ملک بھر میں احتجاجی تحریک چلائی جائے گی ۔

پاکستان مسلم لیگ ن کی نائب صدر مریم نواز نے کوٹ لکھپت جیل کے باہر بھوک ہڑتال کرنے کی دھمکی دی ہے اور کہا ہے کہ ‏جعلی حکومت نے نواز شریف کے گھر کے کھانے پر پابندی لگا دی ہے۔

جعلی حکومت نے نواز شریف صاحب کے گھر کے کھانے پر پابندی عائد کر دی ہے۔ کھانا لے جانے والا سٹاف پچھلے 5 گھنٹے سے جیل کے باہر کھڑا ہے۔ میاں صاحب نے جیل کا کھانا کھانے سے انکار کر دیا ہے۔ اگر انھوں نے اگلے 24 گھنٹے میں یہ پابندی واپس نا لی تو میں عدالت سے رجوع کروں گی۔

— Maryam Nawaz Sharif (@MaryamNSharif) July 8, 2019

باغی ٹی وی کی رپورٹ کے مطابق سوشل میڈیا سائٹ ٹویٹر پر اپنے پیغام میں انہوں‌ نے لکھا ہے کہ جعلی حکومت نے نواز شریف صاحب کے گھر کے کھانے پر پابندی عائد کر دی ہے۔ کھانا لے جانے والا سٹاف پچھلے 5 گھنٹے سے جیل کے باہر کھڑا ہے۔ میاں صاحب نے جیل کا کھانا کھانے سے انکار کر دیا ہے۔ اگر انھوں نے اگلے 24 گھنٹے میں یہ پابندی واپس نا لی تو میں عدالت سے رجوع کروں گی۔

عدالت سے بھی مدد نا ملی تو میں کوٹلکھپت جیل کے باہر جا کر بیٹھوں گی۔ بھوک ہڑتال بھی کرنا پڑی تو کروں گی۔ ان ظالموں پر مجھے بھروسہ نہیں ہے۔ یہ میاں صاحب کے کھانے میں کچھ بھی ملا سکتے ہیں۔ اس بات کو دھمکی نا سمجھا جائے کیونکہ میں یہ کر گزروں گی۔ https://t.co/it4AIFvuM7

— Maryam Nawaz Sharif (@MaryamNSharif) July 8, 2019

مریم نواز نے لکھا ہے کہ عدالت سے بھی مدد نا ملی تو میں کوٹلکھپت جیل کے باہر جا کر بیٹھوں گی۔ بھوک ہڑتال بھی کرنا پڑی تو کروں گی۔ ان ظالموں پر مجھے بھروسہ نہیں ہے۔ یہ میاں صاحب کے کھانے میں کچھ بھی ملا سکتے ہیں۔ اس بات کو دھمکی نا سمجھا جائے کیونکہ میں یہ کر گزروں گی۔

واضح رہے کہ سابق وزیر اعظم شاہد خاقان عباسی نے بھی آج دعویٰ کیا ہے کہ نواز شریف کیلئے گھر سے کھانا لانے پر پابندی عائد کر دی گئی ہے.

ایمرا کے صدر شوکت علی , نائب صدر, ریاض اعوان ,سیکرٹری عدنان شیخ , جوائنٹ سیکرٹری افضال سعید , خزانچی و سیکرٹری انفارمیشن عباس نقوی سمیت گورننگ باڈی نے کپیٹل , ابتک نیوز اور 24 نیوز کی نشریات زبردستی بند کروانے کی شدید مذمت کی ہے .

باغی ٹی وی کی رپورٹ کے مطابق صدر ایمرا شوکت علی نے کہا کہ زبردستی نیوز چینل.کو بند کروانا آزادی صحافت پر حملہ ہے جو کسی صورت قابل قبول نہیں . انہوں نے کہا کہ ایسے اقدام سے میڈیا کی آواز کو دبایا نہیں جا سکتا . میڈیا دشمنی پر مبنی پر ایسے اقدامات سے پورے ملک کے صحافیوں میں شدید بے چینی پائی جا رہی ہے حکومت اور پیمرا میڈیا کے خلاف ایسے اقدامات سے گریز کرے اور فوری طور پرتینوں چینلز کی نشریات فوری طور پر بحال کرے،

انہوں‌ نے کہاکہ اگر ایسا نہ کیا گیا تو پورے ملک کے صحافی سراپا احتجاج ہوں گے

پاکستانی آرمی چیف جنرل قمر جاوید باجوہ نے موٹاپے کا شکار نورالحسن کی آج وفات پر گہرے رنج و غم کا اظہا رکیا ہے.

نورالحسن کی وفات پر اہلیہ کا آپریشن کی تحقیقات کا مطالبہ

باغی ٹی وی کی رپورٹ کے مطابق آئی ایس پی آر کی طرف سے جاری کردہ بیان میں کہا گیا ہے کہ جنرل قمر جاوید باجوہ نے کہا ہے کہ ہم صرف کوشش کرسکتےہیں باقی جواللہ تعالیٰ کی مرضی، اللہ تعالیٰ نورالحسن کےدرجات بلندکرے، واضح رہے کہ صادق آباد کے رہائشی موٹاپے کے شکار نورالحسن کی جانب سے آرمی چیف کو ہیلی کاپٹر کے ذریعہ لاہور منتقل کرنے کی اپیل پر کچھ عرصہ قبل علاج کیلئےلاہورمنتقل کیا گیا تھا،

ادھر موٹاپے کا شکار شخص نور حسن کی وفات کے بعد ان کی اہلیہ نے آپریشن کی آزادانہ تحقیقات کا مطالبہ کر دیا ہے اور کہا ہے کہ آرمی چیف معاملے کی تحقیقات کرائیں . نورحسن کے بیٹے اوربھتیجے نے آرمی چیف سے اپیل کی ہے کہ نورحسن کی میت کوایئرایمبولینس کے ذریعے صادق آباد منتقل کیا جائے، نورحسن کے انتقال کی خبرسن کر صادق آباد میں سوگ کی فضا ہے، صادق آباد کے شہری نور حسن کے گھر کے باہر جمع ہونےلگے ، نور حسن کی آج ہسپتال میں وفات ہوئی ہے.

نورالحسن کے معالج ڈاکٹر معاذ کا کہنا ہے کہ نور الحسن کی موت ہارٹ اٹیک کی وجہ سے ہوئی، آج ہسپتال کے آئی سی یو میں خاتون مریضہ کی ہلاکت کے بعد مریضہ کے لواحقین نے ہسپتال میں ہنگامہ آرائی کی جس کے بعد ہسپتال کے آئی سی یو سے ڈاکٹر اور عملہ بھاگ گیا، آئی سی یو میں 2 گھنٹے تک کوئی موجود نہ تھا، آکسیجن کی کمی کے باعث نورحسن کی موت واقع ہوئی.

واضح رہے کہ نورالحسن کو 17 جون کو صادق آباد سے شالامار ہسپتال لایا گیا، 10 روز تک شالامار ہسپتال میں نور الحسن کے میڈیکل فٹنس ٹیسٹ لیے گئے، میڈیکل بورڈ کی اجازت کے بعد 11 ویں روز نور الحسن کا آپریشن کیا گیا، آپریشن کے بعد نور الحسن کو آئی سی یو میں منتقل کر دیا گیا تھا۔ ڈاکٹرز کی جانب سے نور الحسن کا آپریشن کامیاب قرار دیا گیا تھا، آپریشن کے 10روز بعد نور الحسن انتقال کر گئے۔

نور الحسن کا وزن330 کلوگرام تھا، وہ گزشتہ 10 سال سے اس بیماری میں مبتلا تھےاوران کا موٹاپا بڑھتا جارہاتھا۔

پنجاب کے صوبائی وزیر فیاض الحسن چوہان نے کہا ہے کہ مریم صفدردھمکیاں دینا بند کریں،سلیکٹڈ کہنے والی مریم نوازخود کنوکٹڈ سزا یافتہ ہیں

فیاض الحسن چوہان کو ایک بار پھر بڑا عہدہ مل گیا

باغی ٹی وی کی رپورٹ کے مطابق فیاض الحسن چوہان نے پریس کانفرنس سے خطاب کرتے ہوئے کہا کہ پریس کانفرنس کا مقصد ریاستی اداروں پر حملوں کا جواب دینا ہے .

فیاض الحسن چوہان کا کہنا تھا کہ مریم صفدر کیساتھ پریس کانفرنس میں مسلم لیگ ن کے صدر شہباز شریف خاموش بیٹھے تھے ،مریم صفدر صاحبہ نے ایک انٹرویو میں باقاعدہ کہا تھا کہ ان کی کوئی جائیداد نہیں ،مریم صفدر نے دعویٰ کیا تھا کہ لندن یا پاکستان میں ان کی کوئی جائیداد نہیں ،مریم صفدرحقیقت میں ابو بچاؤ تحریک چلانا چاہتی ہیں

فیاض الحسن چوہان نے مزید کہا کہ پنجاب حکومت نے نوازشریف کیلئے پچھلے10ماہ میں5میڈیکل بورڈبنائے.

صوبائی وزیر کا مزید کہنا تھا کہ عوام وزیراعظم عمران خان کے ساتھ کھڑی ہے

واضح رہے کہ مریم نواز نے نواز شریف کی سزا کے حوالہ سے ایک ویڈیو پریس کانفرنس میں شیئر کی ہے، نواز شریف کوٹ لکھپت جیل میں العزیزیہ ریفرنس میں سات سال قید کی سزا کاٹ رہے ہیں. نواز شریف سے ملاقات کے لئے جمعرات کا دن طے ہے

وفاقی وزیر ریلوے شیخ رشید احمد نے کہا کہ دس ارب کا ریلوے خسارہ کم کیا ہے،

قومی اسمبلی میں بھی بنے گا فارورڈ بلاک، شیخ رشید نے کر دیا اعلان

اپوزیشن جماعتوں کی اے پی سی جمعہ بازار کی بیٹھک ہے، شیخ رشید

امیر قطر نے ڈیل کی یا نہیں، شیخ رشید نے بتا دیا

باغی ٹی وی کی رپورٹ کے مطابق وفاقی وزیر ریلوے شیخ رشید احمد وزیراعظم عمران‌ خان کے آبائی حلقہ میں پہنچے ہیں، میانوالی میں پریس کانفرنس کرتے ہوئے شیخ رشید احمد نے کہا کہ ریلوے کی تین اہم جائیدادوں کے کیس عدالتوں میں ہیں ،فیصلہ حق میں آنے پر دو سال میں ریلوے کو خسارے سے نکال لیں گے .

شیخ رشید کے لئے مشکل، ریلوے ملازمین کا 15 جولائی کو ریل کا پہیہ جام کرنے کا اعلان

شیخ رشید احمد نے مزید کہا کہ دس مہینوں میں ریلوے کا خسارہ 4 ارب روپے کم کیا ہے ،وزیر اعظم عمران خان 19 جولائی کو میانوالی ایکسپریس کا افتتاح کریں گے، افتتاحی تقریب کی جگہ کا انتخاب ابھی طےنہیں ہوا،10ماہ کی قلیل مدت میں یہاں سےدوسری ٹرین کا افتتاح ہوگا،

دوسری جانب وزیر ریلوے شیخ رشید احمد کی جانب سے ریلوے ملازمین کے وعدے پورے نہ ہونے پر ریلوے ملازمین نے لاہور میں احتجاج کیا ہے، ریلوے لوکو ورکشاپ مغل پورہ میں مزدورں کے احتجاجی مظاھرے سے خطاب کرتے ھوئے قائد ریلوے لیبر یونین محمد سرفراز خان نے اعلان کیا کہ اگر مطالبات تسیلم نہ ھوا تو احتجاجی مظاھروں کو بڑے احتجاجی مظاھرے میں تبدیل کر کے 15 جولائی 2019 کو ریلوے ھیڈ کواٹرار میں ھزاروں مزدورں کے ساتھ دھرنے دیں گے.