Category: لاہور

لاہور اور گردونواح میں آنے والے شدید طوفان کے سبب آپ نیوز دفتر کی چوتھی منزل سے لوہے اور سٹیل کا سٹرکچر نیچے آن گرا،

باغی ٹی وی کی رپورٹ‌ کے مطابق جمعرات کے دن 120 کلومیٹر کے رفتار سے آنے والی آندھی اور طوفان کے باعث کئی درخت گر گئے، اسی طرح‌ آپ نیوز دفتر کی چوتھی منزل سے لوہے اور سٹیل کا سٹرکچر گرنے سے 92 نیوز کی نیچے موجود ڈی ایس این جی اور ایک گاڑی تباہ ہو گئی ہے.

رپورٹ کے مطابق لاہور اور گردونواح میں تیز آندھی سے موسم خوشگوار ہو گیا ہے تاہم مختلف علاقوں‌ میں درخت اور بورڈ وغیرہ گرنے سے گاڑیوں‌ وغیرہ کا نقصان بھی ہوا ہے.

وزیراعظم پاکستان عمران خان کی طرف سے قائم کردہ ٹاسک فورس برائے متروکہ وقف املاک بورڈ کا دوسرا اہم اجلاس آج ہوا ہے جس میں‌ بورڈ کی موجودہ کارکردگی سے متعلق آگاہ کیا گیا،

باغی ٹی وی کی رپورٹ کے مطابق یہ اجلاس وزیر اعظم کے معاون خصوصی ڈاکٹر عشرت حسین کی زیر صدارت ہوا جس میں‌ چیئرمین متروکہ وقف املاک بورڈ ڈاکٹر عامر احمد، وزارت مذہبی امور کے سینئر جوانٹ سیکرٹری طاہر احسان ،وزارت قانون سے بیرسٹر ظہور احمد سمیت سردار مہندر پال ایم پی اے ،سردار بشن سنگھ ،ڈاکٹر منور چاند ،دیوان چند چاولہ ،سنتوک سنگھ ،روی کمار سمیت دیگر ممبران نے شرکت کی ۔

رپورٹ کے مطابق اجلاس کے دوران چیئرمین متروکہ وقف املاک بورڈ ڈاکٹر عامر احمد نے بورڈ کی موجودہ کارکردگی کے حوالہ سے کمیٹی کو آگاہ کیا، اس دوران ٹاسک فورس نے چیئرمین کی کارکردگی کو سراہا اورانہیں موجود ہ رفتار سے کام جاری رکھنے کی ہدایت کی۔

ڈآکٹر عشرت حسین کی زیر صدارت ہونے والے اس اجلاس میں پہلی میٹنگ کے فیصلوں بارے جائزہ لیا گیا اورمتعلقہ سب کمیٹی ممبران کو جلد از جلد سفارشات پیش کرنے کی ہدایت کی گئی تا کہ اگست کے پہلے ہفتے میں منعقد ہونے والی ٹاسک فورس کی تیسر ی میٹنگ میں سفارشات کو حتمی شکل دے کر وزیر اعظم کی ہدایا ت کے مطابق انکو حتمی رپوٹ پیش کی جا سکے۔

واضح رہے کہ یہ وزیر اعظم عمران خان کی طرف سے قائم کردہ ٹآسک فورس برائے متروکہ وقف املاک بورڈ کو دوسرا اہم اجلاس تھا جس میں‌ بورڈ‌کی موجودہ کارکردگی کا جائزہ لیتے ہوئے آئندہ کیلئے اہم فیصلے کئے گئے.

چمڑہ فیکٹریوں کی طرف سے بھی ملک بھر میں کاروبار بند کرنے کا اعلان کیا گیا ہے. چیئرمین ٹینریز ایسوسی ایشن نے واضح‌ طور پر کہا ہے کہ 5 جولائی یعنی کل سے تمام فیکٹریاں کھالوں کی خریداری بند کر دیں‌ گی.

باغی ٹی وی کی رپورٹ‌ کے مطابق چیئرمین ٹینریز ایسوسی ایشن آغا سیدین کی طرف سے جاری کردہ بیان میں کہا گیاہے کہ زیروریٹ کی سہولت ختم ہونے کے بعد سرمایہ حکومت کے پاس نہیں پھنساسکتے، بجٹ میں چمڑا سازی کے کیمکلز پر بھی اضافی ڈیوٹی عائد کردی گئی ہے لہٰذا ملک بھر کی800 سے زائد چمڑہ فیکٹریوں میں تالے لگانے کا فیصلہ کرلیا ہے۔ آغا سیدین نے کہا کہ عید قرباں سے حاصل ہونے والی کھالیں بھی نہیں خریدسکیں گے جس سے اربوں روپے کی کھالیں ضائع ہونے کا خدشہ پیدا ہوگیا ہے۔

واضح رہے کہ تقریبا ڈیڑھ ماہ بعد عید الاضحٰی آ رہی ہے اور ملک بھر میں‌ لاکھوں‌ جانور قربان کئے جائیں‌ گے. اگر چمڑہ فیکٹریوں‌ کے مسائل حل نہ ہوئے اور وہ احتجاج پر مجبور ہوئیں‌ تو لاکھوں‌ کھالیں‌ ضائع ہونے سے اربوں‌ روپے مالیت کے نقصان کا خدشہ ہے. واضح رہے کہ خیبرپختونخوا میں ماربل کی صنعت سے وابستہ مل مالکان نے بھی گزشتہ روز ہڑتال کا اعلان کردیا تھاجس کے باعث ملک بھر میں ماربل کی سپلائی روک دی گئی تھی۔ بجٹ میں لگائے گئے ٹیکسوں‌ پر کاروباری طبقہ سخت پریشان ہے.

پاکستان مسلم لیگ ن کے صدر شہباز شریف نے کہا ہے کہ نوازشریف کو لوگوں سے ملاقات سے منع کردیا گیا ہے. خاندان کے بھی صرف پانچ افراد کو ملنے کی اجازت دی گئی، ہم نے بجٹ میں عوام دشمن شقوں کی بھرپور مخالفت کی، حکومت مخالف جماعتیں چیئرمین سینیٹ کیلیے مشترکہ نام پرمتفق ہو جائیں گی.

باغی ٹی وی کی رپورٹ کےمطابق شہباز شریف نے کہاکہ دوائیوں کی قیمتیں دوگنی ہوگئیں،کسان،مزدوروں کیخلاف بجٹ شقوں کی مخالف کی، گزشتہ5سال میں خیبرپختونخوا میں کتنی یونیورسٹیاں اور اسپتال بنائے گئے؟، پنجاب میں 72 کلومیٹر میٹرو100 ارب روپے میں بنا، پشاورمیٹروابھی بھی کھنڈرات کی شکل میں ہے ،تکمیل کا امکان نہیں، عمران خان تاریخ کے جھوٹے ترین وزیراعظم ،دن رات سبز باغ دکھاتے ہیں، ڈنڈے کے زور پر روپے کی قدرگروائی گئی ،آج ڈالر 160پر پہنچ چکا ہے، یوریا پر سبسڈی ختم ،غریب کے وظائف ختم،تنخوا ہ دار کو چھوٹ ختم،

میڈیا رپورٹس کے مطابق شہباز شریف نے کہاکہ آئی ایم ایف کو غرض نہیں کہ غریب زندگی کیسے بسر کرتاہے،عمران خان یو ٹرن کے ماسٹر ہیں، عمران خان جس ایمنسٹی اسکیم کی مخالف کرتے تھے آج گلے لگالیا، عمران خان نے مشرف کی ایمنسٹی اسکیم کے تحت فلیٹ ڈکلیئرکیا، شاہد خاقان کی ایمنسٹی اسکیم کی عمران خان نے مخالفت کی تھی. ہماری ایمنسٹی اسکیم میں 124ارب روپے آئے تھے،

امیر جماعت اسلامی سراج الحق نے کہا ہے کہ سیاست بند گلی کی طرف جارہی ہے، عوام مہنگائی اوربےروزگاری سےنجات چاہتےہیں،

باغی ٹی وی کی رپورٹ کے مطابق سراج الحق نے کہاکہ حکومت کےپاس معاشی مسائل کاحل نہیں، حکومت شورمچاکرعوام کی توجہ مسائل سےہٹانےکی کوشش کررہی ہے، جماعت اسلامی سابقہ اورموجودہ کرپٹ عناصرکامحاسبہ چاہتی ہے.

ان کا کہنا تھا کہ پی ٹی آئی ایڈہاک بنیادوں پر زیادہ عرصہ حکومت نہیں چلا سکتی ۔مستقبل کے لیے حکومت کے پاس کوئی مستقل نظام ہے نہ وژن ۔ مہنگائی کو کنٹرول نہ کیا گیا تو سیاسی جماعتیں احتجاج کریں یا نہ کریں ، عوام حکومت کے خلاف سڑکوں پر آنے میں دیر نہیں کریں گے ۔

سینیٹر سراج الحق نے کہاکہ معاشی نظام کی تباہی کی بنیاد سودی نظام ، مس مینجمنٹ اور بے انتہا کرپشن ہے ۔