لاہور پولیس کی نا اہلی . گرمی کی شدت سے 20 ملزمان بے ہوش ہو گئے.ملزمان کو عدالت پیش کرنے کے بجائے ہسپتال منتقل کرنا پڑا.
باغی ٹی وی رپورٹ کے مطابق.لاہور پولیس کی نا اہلی کی وجہ اورگرمی کی شدت سے 20 ملزمان بے ہوش ہو گئے.ملزمان کو عدالت پیش کرنے کے بجائے ہسپتال منتقل کرنا پڑا.ملزمان جیل کے بجائے ہستال منتقل کر دیا گیا جہاں ان کو ابتدائی طبی امداد دی جا رہی ہے.
برطانوی بزنس مین انیل مسرت نے پنجاب حکومت کے اشتراک سے ہر ڈویژن میں ہسپتال بنانے کا اعلان کیا ہے
باغی ٹی وی کی رپورٹ کے مطابق وزیراعلیٰ پنجاب سے انیل مسرت نے ملاقات کی ہے، اس موقع پر انیل مسرت نے پنجاب کے ہر ڈویژن میں ہسپتال بنانے کا اعلان کیا ہے، انیل مسرت کا کہنا تھا کہ پنجاب کے 9 ڈویژن میں جدید اسپتال بنائیں گے،ان اسپتالوں کی اونرشپ کیلیے کمیونٹی کو بھی شامل کیا جائے گا،
اس موقع پر وزیراعلیٰ پنجاب عثمان بزدار نے کہا کہ پنجاب حکومت عام آدمی کو بہتر طبی سہولتیں دینےکےجامع پروگرام پرعمل پیرا ہے،ہمارا مقصد عام آدمی کو علاج معالجے کی معیاری سہولتیں دینا ہے، انیل مسرت کی جانب سے ہر ڈویژن میں اسپتال بنانےکا فیصلہ خوش آئند ہے، شعبہ صحت میں نجی شعبےکی شراکت داری اورسرمایہ کاری کاخیرمقدم کریں گے.
وزیراعلیٰ پنجاب نے مزید کہا کہ ملتان میں اربوں روپے کی لاگت سے نشتر2 اسپتال بنایا جا رہا ہے،ڈیرہ غازی خان میں کارڈک اسپتال کے منصوبے پر کام جاری ہے،دور دراز علاقوں میں مدر اینڈ چائلڈ اسپتال بنائے جا رہے ہیں،سرمایہ کارپنجاب میں سرمایہ کاری کےمواقع سےفائدہ اٹھائیں،ہرممکن سہولتیں دیں گے.
واضح رہے کہ انیل مسرت پاکستان کے وزیراعظم عمران خان کے دوست ہیں،
منشیات کیس میں گرفتار مسلم لیگ ن پنجاب کے صدر رانا ثناء اللہ کو گھر کا کھانا دینے کی درخواست عدالت نے مسترد کر دی
باغی ٹی وی کی رپورٹ کے مطابق لاہور کی سیشن عدالت میں رانا ثناء اللہ کو گھر کا کھانا دینے کے حوالہ سے کیس کی سماعت ہوئی، سیشن جج لاہور قیصر نذیر بٹ نے کیس کی سماعت کی، عدالت نے رانا ثناء اللہ کے وکیل کو حکم دیا کہ اس ضمن میں جیل کے سپریڈنٹ سے رجوع کیا جائے.
جیل حکام کی جانب سے عدالت میں کہا گیا کہ رانا ثناء اللہ کو بہترین کھانا دیا جا رہا ہے، رانا ثناء اللہ کا جیل میں روزانہ چیک اپ ہوتا ہے اور اسی بنیاد پر کھانا دیا جاتا ہے، جیل حکام نے اپنی رپورٹ میں یہ بھی کہا کہ رانا کی طبیعت بالکل ٹھیک ہے. رانا ثناء اللہ کے وکیل فرہاد علی شاہ نے عدالت میں موقف اپنایا تھا کہ رانا ثناء اللہ کی صحت ٹھیک نہیں اس لئے انہیں گھر کا کھانا جیل میں دینے کی اجازت دی جائے،.عدالت نے وکیل کو متعلقہ فورم پر رجوع کرنے کا حکم دیتے ہوئے کہا کہ اس ضمن میں جیل حکام سے رابطہ کیا جائے.
واضح رہے کہ رانا ثناء اللہ کو اے این ایف نے گرفتار کیا تھا، گرفتاری کے بعد انہیں عدالت میں پیش کیا گیا ،عدالت نے جوڈیشل ریمانڈ پر رانا ثناء اللہ کو جیل بھجوا دیا تھا. رانا ثنا اللہ کو جیل میں عام قیدی کی سہولیات میسر ہیں ،رانا ثنااللہ کو منشیات فروشوں کے مخصوص سیل میں رکھا گیا ہے ، منشیات فردوشوں کو جیل میں سہولیات میسر نہیں ہوتیں ،جیل قوانین کے مطابق منشیات فروشوں کو بی کلاس نہیں دی جاتی .
رانا ثناء اللہ کے خلاف درج ایف آئی آر میں لکھا گیا ہے کہ جب رانا ثناء اللہ کو روکا گیا تو انہوں نے بدتمیزی کی اور گریبان پکڑے، رانا ثناء اللہ نے ناجائز اختیارات کا استعمال کرتے ہوئے منشیات سمگل کرنے کی کوشش کی، رانا ثناء اللہ کی گاڑی سے 21 کلو منشیات ملی جس میں سے 15 کلو ہیروئن بھی شامل تھی، رانا ثناء اللہ کے خلاف مخبر کی اطلاع پر کاروائی کی گئی خبرنےاطلاع دی راناثنااللہ کی گاڑی میں منشیات ہے راناثنااللہ کی گاڑی کوروکنے کیلئےحکمت عملی مرتب کی گئی موٹروے سےآنیوالی تمام گاڑیوں کی چیکنگ کی گئی
مسلم لیگ ن کی ترجمان مریم اورنگزیب نے کہا ہے کہ 126 دن کے دھرنے میں بجلی گیس کے بل جلائے گئے،
باغی ٹی وی کی رپورٹ کے مطابق دھرنے میں سول نافرمانی کا اعلان، شہروں کا لاک ڈاؤن کیاگیا، آپ کے ڈر میں فرق صرف اتنا ہے کہ نواز شریف منتخب وزیراعظم تھے ، آپ کی وزارت عظمیٰ کی کرسی عوام کے ووٹوں سے نہیں جڑی،
مریم اورنگزیب نے کہاکہ ان شاءاللہ نوازشریف پھررہا ہونگے اور منھگائی بے روزگاری کا خاتمہ ہوگا،
لاہور: چھوٹی چھوٹی بات پر بہت زیادہ پریشان ہونےوالے بعض اوقات بڑی غلطیاں کرجاتے ہیں جس کا خمیازہ پیچھے رہنے والے بھگتتے ہیں. ایسا ہی ایک واقعہ لاہور کے علاقہ ہربنس پور ہ میں پیش آیا جہاں 21 سالہ لڑکی نے مبینہ طور پر گلے میں پھندا ڈال کر موت گلے لگا لی۔
تفصیلات کے مطابق ہربنس پورہ میں 21 سالہ پری میڈیکل کی طالبہ نے گلے میں پھندہ ڈال کر خودکشی کر لی، پولیس ذرائع کے مطابق 21 سالہ مروا امتحانات میں کم نمبر آنے پر ذہنی دباؤ کا شکار تھی۔ مروا کے ورثا نے قانونی کارروائی اور پوسٹ مارٹم سے انکار کر دیا جبکہ پولیس کا کہنا ہے کہ لاش قانونی کارروائی پر ورثا کے حوالے کر دی جائے گی۔
اداکار اور میزبان محسن عباس نے اپنی اہلیہ فاطمہ سہیل کی جانب سے تشدد اور بے وفائی کے الزامات عائد کئے جانے سے متعلق پریس کانفرنس کرتے ہوئے کہا ہے کہ میں ایسے گھرانے سے تعلق رکھتا ہوں جہاں خواتین کی عزت کی جاتی ہے، کئی جھوٹ بھی سامنے آئے وہ مجھے کہیں کا بتا کر کہیں اور چلی جاتی تھیں، شادی کے چند روز بعد ہی ان کے جھوٹ سامنے آنے لگے تھے، میری والدہ کے انتقال پر یہ میرے پاس فیصل آباد آئی تھیں،
باغی ٹی وی کی رپورٹ کے مطابق محسن عباس نے کہاکہ شادی کے چند ماہ بعد ہم دونوں کو احساس ہوگیا تھا یہ شادی نہیں ہونی چاہیےتھی، ان کے والد بھی اس کے گواہ ہیں، اپنی بیٹی کاجھوٹ پکڑےجانےپروہ مجھےکہتےپترایک گناہ تےخداوی معاف کردیندااے، ان کو غلط بیانی کرنے اور جھوٹ بولنے کی عادت تھی،
محسن عباس نے کہاکہ میں نے کبھی اپنی پرسنل لائف کو کبھی میڈیا پر نہیں اچھالا، ان کی طرف سے اکثر یہ حرکتیں ہوتی رہتی تھیں، میں بتانا چاہتا ہوں کہ ہم طلاق کے دہانے پر کیوں کھڑے ہیں، 4سال کی شادی میں ہم میاں بیوی ایک سال ہی ساتھ رہے ہیں،
محسن عباس کا کہنا تھا کہ انھوں نے جو تصاویر شیئر کی ہیں وہ 2018 کے ہیں، یہ تصاویر سیڑھیوں کے پھسل کر گرنے کے بعد کی ہیں، جہاں انھوں درخواست دی ہے وہ تھانا ان کو بلا رہا ہے، وہ وہاں پیش نہیں ہورہیں، میں تھانےسےہوکرآرہاہوں اپنابیان رکارڈ کراکےآرہا ہوں، وہ تھانے میں اپنی میڈیکل رپورٹ پیش کردیں، پولیس میرے خلاف کاروائی کردیگی ، میرا سوشل میڈیااکاونٹ ہیک کرنے کی کوشش کی جارہی ہے، میرے فیس بک اکاونٹ سےجوکچھ بھی ہورہا ہے وہ میں نہیں کررہا، میں نے ہمیشہ یہ سیکھا ہے کہ گھر کی بات گھر میں رہنی چاہیے، اب ساتھ رہنے کا کوئی جوازنہیں بچا ، طلاق ہی آخری حل نظر آتا ہے، جب جھوٹ بولا جائے تو غصہ بھی آتا ہے اور بدزبانی بھی ہوجاتی ہے،
پاکستان مسلم لیگ ن کے صدر اور اپوزیشن لیڈر شہباز شریف کل وفاقی دارالحکومت اسلام آباد پہنچیں گے، رہبر کمیٹی کا اجلاس بھی کل بلایا گیا ہے،
باغی ٹی وی کے ذرائع کے مطابق شہباز شریف کی اسلام آباد آمد پر چیئرمین سینیٹ صادق سنجرانی کے خلاف تحریک عدم اعتماد کے حوالہ سے حکمت عملی کو حتمی شکل دی جائے گی. ان کی آمد پر اہم اجلاس منعقد ہو گا اور وہ سینیٹ اجلاس کی حکمت عملی سے متعلق اجلاس کی صدارت کریں گے، اجلاس میں مسلم لیگ (ن) کے اجلاس میں لیگی اراکین سینیٹ و قومی اسمبلی بھی شرکت کریں گے،
مسلم لیگ ن کے صدر شہباز شریف کی آمد پر ہونے والے اہم اجلاس میں نیب کی کارروائیوں اور دیگر اہم امور سے متعلق بھی غور کیا جائے گا، شہباز شریف سینیٹ میں اپوزیشن کے مشترکہ اجلاس میں بھی شرکت کریں گے، اجلاس میں منگل کو سینیٹ کے اجلاس سے متعلق امور پر مشاورت ہوگی،
ذرائع کے مطابق مسلم لیگ ن کے صدر شہباز شریف کل اراکین پارلیمنٹ کے اعزاز میں پارلیمنٹ ہاؤس میں ظہرانہ بھی دیں گے، شہباز شریف کی اسلام آباد پر اہم فیصلے کئے جانے کی توقع ہے، واضح رہے کہ حکومت مخالف تحریک کے حوالہ سے رہبر کمیٹی کا اجلاس بھی کل اکرم درانی کی رہائش گاہ پر ہو گا،
وزیراعلیٰ پنجاب سردار عثمان بزدار سے نارووال سے تعلق رکھنے والے تحریک انصاف کے رہنماؤں امجد خان کاکڑ او رنعیم اللہ خان کاکڑ نے ملاقات کی ہے،
باغی ٹی وی کی رپورٹ کے مطابق وزیراعلیٰ سردار عثمان بزدار نے گفتگو کرتے ہوئے کہا کہ پی ٹی آئی ملک کی مقبول ترین جماعت بن چکی ہے، وزیراعظم عمران خان نے پاکستان کی تقدیر بدلنے کا عزم کر رکھا ہے، سابق ادوار میں ہونے والی لوٹ مار کا دور کبھی واپس نہیں آئے گا، سابق ادوار میں حکمران جماعتوں نے عوام کے وسائل پر ڈاکہ ڈالا، جنہوں نے اقتدار میں آکر عوام کو نظر انداز کیا آج عوام نے انہیں فراموش کر دیا ہے،
انہوں نے کہاکہ تحریک انصاف ہی واحد جماعت ہے جو ملک کو مسائل کی دلدل سے نکالے گی، امجد کاکڑ نے ملاقات کے دوران گفتگو کرتے ہوئے کہاکہ تحریک انصاف کی حکومت عوام کی اپنی حکومت ہے-تحریک انصاف کی قیادت پر بھرپور اعتماد کا اظہار کرتے ہیں -عوام کی خدمت کے سفر میں وزیراعلی عثمان بزدار کے شانہ بشانہ چلیں گے، ملاقات کے دوران صوبائی وزیر اوقاف پیر سید سعیدالحسن شاہ بھی موجود تھے-
وزیراعلیٰ پنجاب سردارعثمان بزدار نے کہاہے کہ پاکستان تحریک انصاف کی حکومت نے خیبر پختونخوا میں شامل قبائلی اضلاع میں پرامن انتخابات کرا کے اپنا ایک اور وعدہ پورا کیا ہے،
باغی ٹی وی کی رپورٹ کے مطابق وزیر اعلیٰ پنجاب نے کہاکہ پاکستان کی تاریخ میں پہلی بار قبائلی لوگوں کو ان کاجمہوری حق ملا ہے جس پر قبائلی عوام بھی خوش ہیں، انہوں نے کہاکہ قبائلی اضلاع میں ہونے والے انتخابات موجودہ حکومت کی بڑی کامیابی ہے، تحریک انصاف کی حکومت نے قبائلی عوام کو ان کے جمہوری حقوق دے کر ایک تاریخ رقم کی ہے، پرامن الیکشن پر سکیورٹی فورسز بھی مبارکباد کی مستحق ہیں،
انہوں نے کہاکہ قبائلی عوام نے اپنا جمہوری حق استعمال کر کے تاریخ رقم کی ہے، قبائلی اضلاع میں عام انتخابات کاانعقاد امن کی جیت ہے، انہوں نے کہاکہ ماضی کی حکومتوں نے ہمیشہ فاٹا کے عوام کو نظر انداز کیا-تحریک انصاف کی حکومت قبائلی اضلاع کے لوگوں کو ترقی کے سفر میں شامل کررہی ہے، واضح رہے کہ قبائیلی علاقوں میں ہونے والے الیکشن میں پی ٹی آئی اور آزاد امیدواروں نے میدان مار لیا ہے،
صوبائی دارلحکومت لاہور میں مزنگ چونگی کے قریب جیل روڈ پرکار پرفائرنگ کا واقعہ پیش آیا ہے،
باغی ٹی وی کی رپورٹ کے مطابق نامعلوم افراد کی جانب سے کی گئی فائرنگ میں 3 افراد زخمی ہوئے ہیں، زخمیوں کو فوری طور پر ہسپتال منتقل کر دیا گیا ہے جہاں انہیں طبی سہولیات فراہم کی جارہی ہیں،
پولیس کا کہنا ہے کہ حملہ آور موٹر سائیکلوں پر تھے جو فائرنگ کے بعد فرار ہو گئے ہیں، پولیس نے اس واقعہ کی تحقیقات شروع کر دی ہیں اور ملزمان کی تلاش جاری ہے،