Category: لاہور

لاہور:ایل ڈی اے جیسے ادارے میں بائیومیٹرک حاضری نہ ہونے کے انکشاف پر ڈائریکٹر ایڈمن غصے میں آگئے ،بائیومیٹرک حاضری نہ لگانے والوں کے خلاف سخت ایکشن کرنے کا اعلان کردیا .تفصیلات کے مطابق ایل ڈی اے کے 513 بائیومیٹرک پر رجسٹرڈہی نہ ہونے کا انکشاف ہوا ہے ۔

ذرائع کے حوالے سے یہ معلوم ہوا ہے کہ ڈائریکٹر ایڈمنسٹریشن ایل ڈی اے احمد ممتاز خان نے مراسلہ جاری کردیا ہے، مراسلے میں ڈائریکٹر کمپیوٹر سروسز کو بائیومیٹرک رجسٹریشن لازمی کرنے کی ہدایت کی گئی ہے، مراسلے میں کہا گیا ہے کہ ساڑھے نوبجے کے بعد حاضری لگانے والوں سے رعایت نہیں برتی جائے گی، بائیو میٹرک سسٹم مکمل ورکنگ نہ ہونا ڈی جی کے احکامات کو نظر انداز کرنے کے مترادف ہے۔

لاہور:اب نیب کے قیدیوں سے ملاقات کے لیے آنے والوں کو اپنا ڈیٹا بھی دینا ہوگا . نیب کے بڑے قیدیوں سے ملاقات کاتمام ریکارڈ محکمہ داخلہ کو بھجوانے کا حکم،تمام ملاقاتیوں کے نام اور شناختی کارڈ نمبرزکی لسٹیں بھجوائی جائیں گی۔آئی جی نے یہ فیصلہ کسی بھی مشکل صورت حال سے بچنے کے لیے کیا ہے.

پنجاب پولیس ذرائع کے مطابق آئی جی جیل خانہ جات مرزاشاہدسلیم بیگ کی جانب سے دونوں جیلوں کے سپرنٹنڈنٹس کوملاقاتیوں کا ریکارڈ مرتب کر نے کے احکامات دے دیئے گئے، کوٹ لکھپت جیل میں حکومتی ایم پی اے سابق وزیرسبطین خان جبکہ کیمپ جیل میں خواجہ برادران، آصف ہاشمی سمیت دیگر رہنماؤں کے ملاقاتیوں کی تمام تفصیلات بھجوائی جائیں گی، میاں محمد نوازشریف اور رانا ثناءاللہ کی عام ملاقات پر پابندی عائد کی گئی ہے، اس سے پہلے سپیشل برانچ کے اہلکاربھی ریکارڈ مرتب کرتے ہیں۔

احمد پور شرقیہ:تبدیلی والی سرکار پولیس کے رویے تبدیل کرنے میں‌ناکام ، جنوبی پنجاب کے علاقہ احمد پور شرقیہ میں شادی کے گھر میں پولیس کی مبینپ دھمکیوں کے باعث دولہے کا دادا جاں بحق ہوگیا ہے۔یہ واقعہ احمدپورشرقیہ کے علاقہ کلاب میں پیش آیا، جہاں پولیس نے شادی والے گھر دھاوا بولا اور دولہے کے دادا عبدالرحمن پرمبینہ تشدد کیا،اس کے علاوہ دیا۔ پولیس نے عبدالرحمن کی بہت ہی زیادہ بے عزتی کی ، جسے وہ برداشت نہ کرسکے اور صدمہ سے جاں بحق ہوگئے۔

احمد پور شرقیہ سے ذرائع کے مطابق لواحقین نے اے ایس آئی منظور اور دیگر پولیس اہلکاروں کے خلاف کارروائی کا مطالبہ کرتے ہوئے بتایا کہ پولیس اہلکاروں نے دولہے کے دادا پر مبینہ تشدد کیا اور دھمکیاں دینے کے بعد مبینہ رشوت بھی لی۔دوسری جانب پولیس کا کہنا ہے کہ ون فائیو پر اطلاع پر چھاپہ مارا۔،اطلاع جھوٹی ہونے پر اطلاع دینے والے پر مقدمہ درج کرلیا ہے اور کسی قسم کا تشدد کا واقعہ پیش نہیں آیا.پولیس نے حسب روایت زیادتیوں کے باوجود تمام الزامات بے بنیاد قرار دیئے.

لاہور:ریسرچر کی بھی عید ہوگئی عید سے پہلے، پنجاب یونیورسٹی کے ریسرچ سکالرز کے اعزازیے میں اضافہ کردیا، ریسرچ سکالرز کا معاوضہ 15 ہزار سے بڑھا کر 35 ہزار روپے تک ماہانہ کر دیا گیا ہے۔

ذرائع کے مطابق یونیورسٹی کی فنانس اینڈ پلاننگ کمیٹی کی سفارشات پر ریسرچ سکالرز کے اعزازیے میں اضافہ کیا گیا ہے۔ تفصیلات کے مطابق اے ایم ایس سی ڈگری رکھنے والے ریسرچ سکالرز کا ماہانہ اعزازیہ 15 ہزار سے بڑھا کر 30 ہزار روپے کر دیا گیا جبکہ ایم فل ڈگری یافتہ ریسرچ سکالرز کا اعزازیہ 20 ہزار سے بڑھا کر 35 ہزار روپے کر دیا گیا ہے۔

یہ بھی معلوم ہو اہے کہ دوسری جانب ریسرچ سکالرز کی نشستوں میں بھی کمی کر دی گئی ہے، پنجاب یونیورسٹی نے ریسرچ سکالرز کی تعداد 75 سے کم کر کے 40 کر دی ہے۔ ریسرچ سکالرز کی بھرتیوں کی حتمی منظوری سنڈیکیٹ سے حاصل کی جائے گی۔

لاہور: محکمہ ایکسائز مشکلات میں‌ ، محکمہ ایکسائز کو نمبر پلیٹس ، سمارٹ کارڈز اور فائلیں سکینگ کا کنٹریکٹ پرائیویٹ کمپنیوں کو دینا گلے پڑگیا، 6 لاکھ سے زائد نمبر پلیٹس ، ساڑھے 3 لاکھ سمارٹ کارڈز اور 12 ہزار سے زائد فائلیں التواء کا شکار ہیں۔

اطلاعات کے مطابق محکمہ ایکسائز کو چیزیں آؤٹ سورس کرنا مہنگا پڑگیا ہے جبکہ دن بدن پرائیویٹ کمپنیوں کی ناقص کارکردگی اور بروقت چیزوں کی ڈلیوری نہ ہونے کی وجہ سے ایکسائز اور شہریوں کی مشکلات میں اضافہ ہوتا جارہا ہے۔ گزشتہ برس دسمبر میں رجسٹریشن بک ختم کرکے سمارٹ کارڈ متعارف کروایا گیا جسکا کنٹریکٹ پرائیویٹ کمپنی کو دیا گیا تھا۔

ایکسائز ذرائع کے مطابق موجودہ حالات کے مطابق ساڑھے 3 لاکھ سمارٹ کارڈ بروقت ڈلیوری نہ ہونے کی وجہ سے التوا کا شکار ہیں جبکہ اگلے چند روز میں مزید کارڈز کی کمی کا سامنا کرنا پڑسکتا ہے۔ 2006 سے نمبر پلیٹس کا کنٹریکٹ بھی پرائیویٹ کمپنی کو دیا گیا ہے لیکن اب کنٹریکٹ ختم ہونے کے باعث پچھلے چھ ماہ سے 6 لاکھ سے زائد نمبرپلیٹس التواء کا شکار ہیں۔

محکمہ تاحال فیصلہ نہیں کر پارہا کہ نیا کنٹریکٹ دیا جائے یا پرائیویٹ کمپنیوں کو لائسنس جاری کیے جائیں۔ گاڑیوں اور موٹرسائیکلوں کی فائلیں سکین کیلئے بھی پرائیویٹ کمپنی کو کنٹریکٹ دیا گیا تھا کم سٹاف ہونے کی وجہ سے صرف فرید کورٹ ہاؤس میں رواں ماہ کے دوران 12 ہزار فائلیں التوا کا شکار ہیں۔

یاد رہےکہ محکمہ ایکسائز کا یہ ٹھیکہ پرائیویٹ کمپنیوں کو دینے پر شدید تنقید کی گئی تھی اور اس وقت انہی خدشات کا اظہار کیا گیا تھا جن کا آج سامنا کرنا پڑ رہا ہے.