Category: لاہور

وزیر اعلیٰ پنجاب سردار عثمان بزدار اور وفاقی وزیر ریلوے شیخ رشید احمد کے مابین ملاقات ہوئی ہے جس میں ملک کی سیاسی صورتحال اور فلاحی منصوبوں سے متعلق بات چیت ہوئی ہے۔

باغی ٹی وی کی رپورٹ کے مطابق شیخ رشید سے ملاقات کے دوران سردار عثمان بزدار نے کہاکہ ماضی کی حکومتوں نے میرٹ کے نام پراقرباءپروری کے کلچرکوفروغ دیا۔ سابق ادوار کی غلط پالیسیوں کے باعث قومی خزانے کونقصان پہنچا اور ملک میں مہنگائی، بے روزگای اور غربت بڑھی۔

انہوں نے کہاکہ تحریک انصاف قانون کی بالادستی پر یقین رکھتی ہے۔ میرٹ اور انصاف کے تقاضوں کے مطابق حکومتی امور سرانجام دے رہے ہیں۔ ہمارا عوام سے تعلق ہے اورعوام کے مینڈیٹ پر آنچ نہیں آنے دیں گے۔ ہم نے خدمت کے جس سفر کا آغاز کیا ہے اس میں کسی کو حائل نہیں ہونے دیں گے۔ نئے پاکستان میں ہر شہر اور علاقے کویکساں ترقی دی جائے گی۔

سردار عثمان بزدار کا کہنا تھا کہ وزیراعظم عمران خان کا ”کرپشن فری پاکستان“ قوم کے دل کی آواز بن چکا ہے،موجودہ حکومت نے مختصر عرصے میں ہر سطح پر بچت،سادگی اورکفایت شعاری کو فروغ دیا ہے۔ ملک میں کرپشن کرنے والوں کا مستقبل تاریک ہو چکا ہے۔ کرپٹ عناصر کیلئے ملک میں کوئی جگہ نہیں ہے۔

سردار عثمان بزدار اور شیخ رشید احمد کے مابین ملاقات میں اس امر پر اتفاق کیا گیا کہ عوامی خدمت کیلئے تمام وسائل بروئے کار لائیں جائیں گے اور فلاح عامہ کی سرگرمیوں کو ہر صورت جاری رکھا جائے گا۔

لاہور ہائی کورٹ میں ایک پاکستانی شہری نے حفاظتی ضمانت کیلئے درخواست دائر کی ہے جسے ناقابل سماعت قرار دیتے ہوئے خارج کر دیا گیا ہے.

باغی ٹی وی کی رپورٹ کے مطابق سرائے عالمگیر کے رہائشی محمد علی کی طرف سے ہائی کورٹ میں درخواست دی گئی کہ وہ ہم جنس پرست ہے اور اس وقت برطانیہ میں رہائش پذیر ہے. وہ پاکستان آنا چاہتا ہے لیکن اس کی جان کو سخت خطرہ لاحق ہے اس لئے پاکستان واپسی کیلئے اس کی حفاظتی ضمانت منظور کی جائے.

درخواست گزار محمد علی کا کہنا تھاکہ اسلامی قوانین کو مدنظر رکھتے ہوئے اس کے مخالفین اس کی جان کے دشمن بن گئے ہیں اور اسے ڈر ہے کہ وہ پاکستان آیا تو کہیں ایسا نہ ہو مخالفین اسے قتل کر دیں.

لاہور ہائی کورٹ آفس نے پاکستانی شہری محمد علی کی درخواست اعتراض لگا کر خارج کر دی ہے. یاد رہے کہ پاکستان میں بھی سازش کے تحت بے راہ روی عام کرنے کی کوششیں کی جارہی ہیں.

پنجاب حکومت کی طرف سے یوم علی رضی اللہ عنہ کی مناسبت سے صوبائی دارالحکومت لاہور میں‌ دو دن کیلئے موٹر سائیکل پر ڈبل سواری پر پابندی لگا دی ہے.

باغی ٹی وی کی رپورٹ کے مطابق ڈبل سواری پر پابندی سکیورٹی انتظامات کو مدنظر رکھتے ہوئے لگائی گئی ہے. پابندی کل 27 مئی تک رہے گی. یہ حکم نامہ ایڈیشنل چیف سیکرٹری ہوم نے جاری کیا ہے.

یاد رہے کہ اس سے قبل بھی اہم مواقع پر ڈبل سواری پر پابندی لگائی جاتی رہی ہے.

صوبائی دارالحکومت لاہور کے ڈیفنس علاقہ سے ایک ازبک خاتون مبینہ طور پر اغواکر لی گئی ہے.

باغی ٹی وی کی رپورٹ کے مطابق یلینا نامی ازبک خاتون ایک پاکستانی شہری کی بیوی ہے اور وہ چینی خاتون لیڈی گاگا کے گھر آیا کا کام کرتی تھی۔ پاکستانی شہری کی خالہ نے الزام عائد کرتے ہوئے کہا ہے کہ ازبک خاتون کو ڈرائیور سہیل نے مالکن کی مدد سے ورغلایا اور ساتھ لے گیا ہے.

بتایا گیا ہے کہ یلینا نامی ازبک خاتون تقریبا ایک ماہ قبل قانونی پاسپورٹ اور ویزے پر بطور آیا لاہور آئی تھی. تھانہ ڈیفنس میں اس واقعہ کا مقدمہ درج کروادیا گیا ہے. مقامی پولیس کا کہنا ہے کہ وہ اس واقعہ کی تحقیق اور ازبک لڑکی کی تلاش کر رہی ہے.

نیب کی ٹیم سابق وزیر اعظم نوازشریف سے کوٹ لکھپت جیل میں پیر کو تحقیقات کرے گی

باغی ٹی وی کی رپورٹ کے مطابق سابق وزیر اعظم نواز شریف پر 33 قیمتی سرکاری بلٹ پروف گاڑیوں کی خریداری کے معاملہ پر نیب تحقیقات کرے گی ،نیب نے اس ضمن میں عدالت سے اجازت لے لی ہے. احتساب عدالت کے جج ارشد ملک نےنیب راولپنڈی کی تفتیشی ٹیم کو باقاعدہ اجازت دیدی ہے. نیب کا کہنا ہے کہ تفتیشی افسرعبدالماجدسابق پرنسپل سیکرٹری فواد حسن فواد سے کیمپ جیل میں پوچھ گچھ کرچکے ہیں، نیب ٹیم نے نوازشریف سے تھقیقاے کیلیے اجازت نامہ لے لیا ہے،نیب کی تفتیشی ٹیم سابق وزیراعظم نوازشریف سےکوٹ لکھپت جیل میں تحقیقات کرے گی.

واضح رہے کہ سابق وزیراعظم نوازشریف پر33قیمتی سرکاری گاڑیاں سال16-2015 میں خریدنےکا الزام ہے،سابق وزیراعظم نواز شریف سےدستیاب رکارڈکی روشنی میں پوچھ گچھ کی جائے گی ، بلٹ پروف گاڑیاں نواز شریف اور مریم نواز نے بھی استعمال کیں، جرمنی سے 34 بلٹ پروف گاڑیاں ڈیوٹی ادائیگی کے بغیر خریدی گئیں، بلٹ پروف گاڑیاں سارک کانفرنس 2016 کے مہمانوں کے لیے منگوائی گئیں، نواز شریف نے 34 میں سے 20 بلٹ پروف گاڑیاں اپنے قافلے میں شامل کرلی تھیں. سرکاری بلٹ پروف گاڑیاں نواز شریف کے اہلخانہ نے استعمال کیں۔

وزیراعلیٰ پنجاب کے ترجمان شہباز گل نے کہا ہے کہ سیاسی مخالفین کی کردار کشی مسلم لیگ ن کا پرانا کام ہے.

باغی ٹی وی کی رپورٹ کے مطابق وزیرا علیٰ پنجاب کے ترجمان شہباز گل نے سماجی رابطے کی ویب سائٹ ٹویٹر پر کہا کہ سیاسی مخالفین کی کردار کشی مسلم لیگ ن کا پرانا کام ہے۔ بینظیر صاحبہ سے لاکر جمائمہ صاحبہ عمران خان صاحب تک سب کو پتہ ہے کہ یہ جب مقابلہ نا کر سکیں تو کردار کشی کی کوشش کرتے ہیں۔ یہی کام چیئرمین نیب کے ساتھ کر رہے ہیں۔ اب ایک دوسرے کے بیان رد کر کے نیا کھیل کھیل رہے ہیں

سیاسی مخالفین کی کردار کشی مسلم لیگ ن کا پرانا کام ہے۔ بینظیر صاحبہ سے لاکر جمائمہ صاحبہ عمران خان صاحب تک سب کو پتہ ہے کہ یہ جب مقابلہ نا کر سکیں تو کردار کشی کی کوشش کرتے ہیں۔ یہی کام چیئرمین نیب کے ساتھ کر رہے ہیں۔ اب ایک دوسرے کے بیان رد کر کے نیا کھیل کھیل رہے ہیں

— Dr. Shahbaz GiLL (@SHABAZGIL) May 25, 2019