Category: لاہور

وزیر اعلیٰ پنجاب عثمان بزدار نے سعودی عرب کی جانب سے پاکستان کو تیل کی فراہمی پر سعودی عرب کا شکریہ ادا کیا ہے

باغی ٹی وی کی رپورٹ کے مطابق وزیر اعلیٰ پنجاب نے کہا کہ سعودی حکومت، سعودی فرمانروا شاہ سلمان بن عبدالعزیز اورولی عہد محم بن سلمان کاشکریہ ادا کرتے ہیں . وزیر اعلیٰ نے مزید کہا کہ سعودی عرب نےایک بار پھرپاکستان کا ساتھ دے کردوستی نبھائی ہے، سعودی عرب کی بروقت مدد سے پاکستانی کرنسی کی قدربھی مستحکم ہوگی،سعودی عرب کی معاونت سےتجارتی ومعاشی سرگرمیوں کوفروغ ملے گا،وزییر اعلیٰ نے مزید کہا کہ سعودی عرب کی کریڈٹ پرتیل کی فراہمی معیشت کیلئےتازہ ہوا کا جھونکا ہے، اس سے معیشت کے بارے میں غیریقینی کے بادل چھٹ جائیں گے.

واضح رہے کہ پاکستان میں ڈالر کی قیمت دن بدن بڑھنے اور مہنگائی میں زبردست اضافہ پر برادر ملک سعودی عرب ایک بار پھر وطن عزیز پاکستان کی مدد کیلئے تیار ہو گیا ہے. سعودی عرب کے پاکستان کی امداد کیلئے تیار ہونے پر اس خبر کو ڈآلر کی ذخیرہ اندوزی کرنے والوں‌کے لئے بری خبر قرار دیا جارہا ہے. برادر اسلامی ملک نے ہر مشکل وقت میں پاکستان کا ساتھ دیا ہے. ایک مرتبہ پھر وہ پاکستان می مشکلات کم کرنے کیلئے تیار ہے.ڈالر کی بڑھتی قیمتیں‌ کنٹرول نہ ہونے پر پاکستان اور سعودی عرب کے حکام کے درمیان اعلیٰ‌سطحی رابطے جاری ہیں اور یہ بھی کہا جارہا ہے کہ سعودی عرب پاکستان کو ادھار تیل کی فراہمی بھی شروع کر دے گا. یا درہے کہ سعودی عرب پاکستان کو تین ارب روپے کا تیل دے گا اور اس سلسلہ میں‌ دونوں‌ ملکوں‌کے مابین پہلے ہی معاہدہ ہو چکا ہے.

مسلم لیگ ن پنجاب کے صدر رانا ثناء اللہ نے کہا ہے کہ حکومت کی نااہلی کی وجہ سے ڈالر کی اونچی اڑان جاری ہے، نواز شریف کو پاکستان کے لئے کئے گئے کاموں پر سزا دی جا رہی ہے.

باغی ٹی وی کی رپورٹ کے مطابق سابق وزیر اعظم نواز شریف سے کوٹ لکھپت جیل میں ملاقات کے لئے آنے والے رانا ثناء اللہ نے میڈیا سے گفتگو کرتے ہوئے کہا کہ شہبازشریف نےمیثاق معیشت کی پیشکش کی تھی جسے تحریک انصاف نے این آراو سمجھ لیاتھا۔ رانا ثناء اللہ نے مزید کہا کہ تبدیلی سرکار نے پاکستان کو آئی ایم ایف کے پاس گروی رکھ دیا ہے، اب نالائق اعظم اور یہ ملک ایک ساتھ نہیں چل سکتے۔ اگ حکومت کی بات مان لی جائے کہ ڈالر ہماری وجہ سے ایک سو پینتیس کاہوا تو یہ نالائق حکومت یہ بتائے کہ ڈالرایک سو پچپن تک کیسے پہنچا۔

بے نظیر قتل کی تحقیقات دوبارہ کرنے کا فیصلہ ،زرداری کیلئے ایک اور مشکل

واضح رہے کہ نواز شریف کوٹ لکھپت جئل میں قید ہیں اور جمعرات کو نواز شریف سے ملاقات کا دن ہے، جمعرات کو لیگی رہنما ملاقات کرتے ہیں، نواز شریف نےاسلام آباد ہائیکورٹ میں طبی بنیادوں پر ضمانت کی درخواست بھی دے رکھی ہے.

نئی بات میڈیا نیٹ ورک نے اپنے تمام ملازمین کے سب بقایاجات ادا کردیے جبکہ مئی کی تنخواہ بھی ایڈوانس ادا کر دی گئی ہے.

باغی ٹی وی کی رپورٹ‌ کے مطابق نئی بات میڈیا نیٹ ورک نے اپنے ادارے نیو ٹی وی، لاہور رنگ اور نئی بات کے ملازمین کو تمام بقایا جات ادا کر دیے ہیں اور اس کے ساتھ عیدالفطر کی وجہ سے مئی کی تنخواہ بھی ایڈوانس دے دی گئی ہے. نئی بات میڈیا نیٹ ورک نے ایک ماہ میں فروری، مارچ، اپریل اور مئی یعنی چار ماہ کی تنخواہیں ادا کی ہیں جس پر ملازمین میں خوشی کی لہر دوڑ گئی ہے.

واضح رہے کہ پاکستان کے کئی بڑے نیوز چینلز نے ابھی تک ملازمین کو پچھلے کئی ماہ کی تنخواہیں‌ ادا کرنی ہیں. جیو ٹی وی کی طرف سے تین ماہ کی تنخواہ ادا نہیں‌کی گئی، پبلک ٹی وی نے پانچ ماہ کی تنخواہ تاحال ملازمین کو دینی ہے جبکہ اے پلس ٹی وی کی طرف سے پچھلے 9 ماہ کی تنخواہیں ابھی ادا کرنا باقی ہیں.

نیو ٹی وی نے عیدالفطر سے قبل چار ماہ کی تنخواہ ایک ساتھ ادا کر کے قابل ذکر مثال قائم کی ہے. صحافتی تنظیموں نے نئی بات میڈیا نیٹ ورک کے اس اقدام کو سراہا ہے اور کہا ہے کہ دیگر صحافتی اداروں‌ کو بھی نئی بات میڈیا نیٹ ورک کی پیروی کرنی چاہیے اور اپنے ملازمین کو جلد سے جلد بقایا واجبات ادا کرنے چاہئیں.

لاہور میں جعلی دودھ سپلائی کرنے کی ایک بڑی کوشش ناکام بنا دی گئی ہے. ڈیری سیفٹی ٹیموں نے ڈائریکٹر جنرل پنجاب فوڈ اتھارٹی کیپٹن (ر) محمد عثمان کی سر براہی میں چھاپہ مارکر جعلی دودھ کا ٹینکر پکڑا.

باغی ٹی وی کی رپورٹ‌کے مطابق جعلی ٹینکر میں 10 ہزار لیٹر سے زائد دودھ تھا جسے تلف کر دیا گیا ہے. پنجاب فوڈ اتھارٹی کی طرف سے خفیہ اطلاع ملنے پر یہ کاروائی کی گئی. جعلی دودھ کا یہ ٹینکر قصور کے نواحی گاؤں سے تیار کر کے لاہور لا کر بیچا جانا تھا تاہم پنجاب فوڈ اتھارٹی نے چھاپہ مار کر جعلی دودھ کا ٹینکر قابو میں‌لے لیا.

باغی ٹی وی کی رپورٹ کے مطابق فوڈ اتھارٹی کی ٹیم کے پہنچنے سے پہلے ہی جعلی دودھ کے ٹینکر مالک کے وہاں‌ سے فرار ہونے کی اطلاعات ہیں. اس موقع پر بھاری مقدار میں پاؤڈر، گھی اور دیگر خام مال برآمد کرتے ہوئے ملزمان کیخلاف مقدمہ درج کروا دیا گیا ہے۔

یاد رہے کہ اس سے قبل بھی کئی مرتبہ جعلی دودھ تیار کرتے ہوئے پکڑا جاتا رہا ہے تاہم ابھی تک اس مذموم عمل کو مکمل طور پر روکا نہیں‌جا سکا ہے.

فتح مکہ اسلامی تاریخ کا ایک اہم باب ہے لیکن افسوسناک امر ہے کہ آج یہ انتہائی اہم دن خاموشی سے گزر جاتا ہے لیکن اس عظیم واقعہ سے متعلق بہت کم دیکھنے اور سننے کو ملتا ہے.

باغی ٹی وی کی رپورٹ‌ کے مطابق سینئر صحافی اور نامور اینکر پرسن مبشر لقمان کا فتح مکہ سے متعلق اہم پروگرام آج رات دس بج کر تین منٹ پر 24 نیوز پر نشر ہو گا.

مبشر لقمان نے اس پروگرام میں معروف اور جید عالم دین مولانا طارق جمیل کو مدعو کیا ہے. اس پروگرام میں مسلمانوں‌ کو جھنجھوڑا گیا ہے کہ ویلنٹائن ڈے آ جائے تو کتنا شور مچایا جاتا ہے لیکن اسلامی تاریخ کا انتہائی اہم دن فتح مکہ خاموشی سے گزر جاتا ہے لیکن اس جانب کوئی خاص توجہ نہیں‌ دی جاتی.

وزیر اعلیٰ پنجاب کے ترجمان شہباز گل نے کہا ہے کہ حمزہ شہباز اداروں کی تضحیک کی بجائے اپنی چوری کا جواب دیں

باغی ٹی وی کی رپورٹ کے مطابق وزیر اعلیٰ پنجاب کے ترجمان شہباز گل نے حمزہ شہباز کی گفتگو پر رد عمل دیتے ہوئے کہا کہ حمزہ شہباز کی بے چینی بتا رہی ہے کہ آپ کو اپنی پارٹی میں سائید لائن کر دیا گیاہے،. انہوں نے کہا کہ احتساب سے بچنے کے لئے آپ کے والد، بھائی اور بہنوئی ملک سے بھاگ گئے ہیں. اور ایسا پہلی بار نہیں ہوا، ماضی میں بھی شریف خاندان ملک سے بھاگ چکا ہے.

واضح رہے کہ حمزہ شہباز نے کہا تھا کہ چیئرمین نیب کا انٹرویو حقیقت ہے توبڑا شرمناک ہے ،چیئرمین نیب نےپریس کانفرنس کرنی ہےتونیب سیاسی جماعت بنا لے اور عمران نیازی سے الحاق کر لے، حمزہ شہباز نے مزید کہا کہ نیازی خان آپ کا یوم حساب آنےوالا ہے،ہم گھبرانے والے نہیں.

تحریک انصاف کی حکومت کے خلاف اپنی ہی جماعت کے رہنما پھٹ پڑے، جاوید بدر کا کہنا ہے کہ جب تک حکومتی وزیر سرکاری خرچہ اپنی جیب سے ادا نہیں کرتے تب تک یوٹیلٹی بل ادا نہیں کروں گا

باغی ٹی وی کی رپورٹ کے مطابق تحریک انصاف کی حکومت کے خلاف تحریک انصاف کے مقامی رہنما و کارکن جاوید بدر ہی بول پڑے، جاوید بدر نے اعلان کیا ہے کہ جب تک حکومتی عہدیدار سرکاری خرچ کی بجائے جیب سے خرچ نہیں کریں گے تب تک اپنے گھر کے یوٹیلٹی بل ادا نہیں کروں گا. جاوید بدر کا مزید کہنا تھا کہ میں اپنے ٹیکس کے پیسوں سے اپنے وزیروں کو پال نہیں سکتا ،عوام کے پیسے پر تو سابقہ حکومت بھی عیاشی کرتی تھی. جاوید بدر کا مزید کہنا تھا کہ اگر ہم نے بھی وہ ہی طرز عمل اپنا نا ہے تو ہم میں اور اُن میں کیا فرق رہا وزیراعظم صاحب قوم تب قربانی دے گی جب آپ قربانی دیں گے ،خاں صاحب اس قوم کے لیڈر بنیں نہ کہ صرف پی ٹی آئی کے.

واضح رہے کہ جاوید بدر تحریک انصاف کے رہنما ہیں جنہوں نے حکومتی پالیسیوں سے تنگ آ‌کر اعلان کیا ہے، موجودہ حکومت کو نو ماہ ہوئے ،مہنگائی میں شدید اضافہ ہوا، پٹرول، بجلی، گیس کے نرخوں میں اضافہ ہوا.

پنجاب اسمبلی میں اپوزیشن لیڈر حمزہ شہباز نے کہا ہے کہ نیب اپنی سیاسی جماعت کا نام نیب رکھے اورعمران نیازی سےالحاق کرلے.

باغی ٹی وی کی رپورٹ کے مطابق لاہور ہائیکورٹ سے عبوری ضمانت میں توسیع کے بعد حمزہ شہباز نے میڈیا سے گفتگو کرتے ہوئے کہا کہ چیئرمین نیب کا انٹرویو حقیقت ہے توبڑا شرمناک ہے ،چیئرمین نیب نےپریس کانفرنس کرنی ہےتونیب سیاسی جماعت بنا لے اور عمران نیازی سے الحاق کر لے، حمزہ شہباز نے مزید کہا کہ نیازی خان آپ کا یوم حساب آنےوالا ہے،ہم گھبرانے والے نہیں،شہبازشریف واپس آئیں گے ،ہم مشرف دورمیں بھی نہیں بھاگے تھے .انہوں نے کہا کہ اپوزیشن جماعتیں مل بیٹھی ہیں،ذاتی ایجنڈا نہیں ملکی مفادعزیز ہے،رمضان کےبعد اے پی سی بلائیں گے،عوام کے ساتھ آوازملائیں گے. حمزہ شہباز نے مزید کہا کہ پاکستانی روپیہ انتہائی نچلی سطح تک گر گیا ہے، قوم سےجھوٹ بولاجارہا ہے،یہاں کچھ بھی ٹھیک نہیں ہورہا ملک معاشی طورپرکمزورہوتےہیں توقومیں ڈوب جاتی ہیں