Category: لاہور

لاہور ہائیکورٹ نے درخت نہ لگانے والی ہاوسنگ سوسائٹیز کا این او سی منسوخ کرنے کا حکم دے دیا

باغی ٹی وی کی رپورٹ کے مطابق لاہور ہائیکورٹ میں آلودگی کے خلاف کیس کی سماعت ہوئی. درخواست گزار کی درخواست پر جسٹس جواد الحسن نے شیراز ذکا ایڈوکیٹ نے درخواست پر سماعت کی. دوران سماعت عدالت نے حکم دیا کہ ہرنئی ہاؤسنگ سوسائٹی میں گھر بنانے والے 2درخت لگائیں،درخت نہ لگانے والی ہاؤسنگ سوسائٹی کا این او سی منسوخ کردیاجائے،لاہور ہائیکورٹ نے درخت کاٹنے والوں کے خلاف بھی کاروائی کا حکم دیا.

صوبائی دارالحکومت لاہور میں داتا دربار کے قریب ایلیٹ فورس پر ہونے والے خود کش حملے کے حوالہ سے اہم پیشرفت ہوئی ہے

باغی ٹی وی کی رپورٹ کے مطابق داتا دربار میں ایلیٹ فورس کی گاڑی پر خود کش حملے کے حوالہ سے اہم پیشرفت ہوئی ہے. سی ٹی ڈٰ کے مطابق بھاٹی گیٹ سے خود کش حملہ آور سہولت کار محسن خان کو گرفتار کیا گیا ہے.محسن خان کا تعلق شب قدر چارسدہ سے ہے اور خود کش حملہ آور کی شناخت بھی ہو گئی ہے. خود کش حملہ آورکی شناخت صادق اللہ مہمند کے نام سے ہوئی .

واضح رہے کہ داتا دربار کے قریب ایلیٹ فورس کی گاڑی کے قریب جو داتا دربار کے گیٹ نمبر 2 کے پاس کھڑی تھی دھماکا ہواتھا ،جس سے گاڑی مکمل طور پر تباہ ہو گئی. داتا دربار کے قریب ہونے والے دھماکے میں پانچ پولیس اہلکار،ایک سیکورٹی گارڈ اور ایک راہگیر شہید ہواتھا.

سینئر صحافی و اینکر پرسن مبشر لقمان کی جانب سے پاکستان کی سڑکوں پر لاکھوں روپے مالیت کی انسانی جانوں کی قاتل گاڑیوں کے خلاف آواز بلند کرنے پر شہریوں نے سماجی رابطے کی ویب سائٹ ٹویٹر پر ٹویٹ کرنا شروع کئے جس کے بعد #کباڑ_نہیں_کار ٹویٹر پر ٹاپ ٹرینڈ بن گیا

قاتل گاڑیاں سڑکوں پر، مبشر لقمان نے‌ آواز اٹھائی تو شہریوں نے دعائیں دیں

باغی ٹی وی کی رپورٹ کے مطابق پاکستان میں ایسی گاڑیاں فروخت کی جا رہی ہیں جن میں ائیر بیگز سمیت انسانی جانوں کی حفاظت کے لئے دیگر سہولیات نہیں ہوتی اور ان گاڑیوں کی قیمت لاکھوں روپے ہوتی ہے. ان گاڑیوں کی وجہ سے پاکستان میں آئے روز حادثات میں اموات زیادہ ہوتی ہیں، پیپلز پارٹی کے رہنما قمرالزمان کائرہ کا بیٹا کار حادثے میں جاں بحق ہوا، مسلم لیگ ن کے رہنما بلیغ الرحمان کی بیوی اور بیٹے کی بھی کار حادثہ میں چند دن قبل موت ہوئی تھی. سینئر صحافی و اینکر پرسن مبشر لقمان کی جانب سے کار حادثوں میں اموات پر ناقص گاڑیوں کے خلاف آواز اٹھانے پر شہریوں کی طرف سے نہ صرف انہیں خراج تحسین پیش کیا گیا بلکہ سماجی رابطے کی ویب سائٹ ٹویٹر پر #کباڑ_نہیں_کار ٹاپ ٹرینڈ بن گیا جس میں شہریوں نے کار کمپنیوں کے خلاف اپنے جذبات کا اظہار کیا.

ٹویٹر پر ایک صارف جویریہ صدیق لکھتی ہیں کہ پاکستان میں بیچی جانے والی مہنگی گاڑیوں میں ائیر بیگ اور دیگر سیفٹی فیچرز نہیں میری حکومت سے گزارش ہے اس پر فوری طور پر ایکشن لے اور مہنگی گاڑیوں کے ساتھ متوسط طبقے کی گاڑیوں مہران کلٹس ویگن آر دیگر میں یہ ائیر بیگ انسٹال کئے جائیں

پاکستان میں بیچی جانے والی مہنگی گاڑیوں میں ائیر بیگ اور دیگر سیفٹی فیچرز نہیں میری حکومت سے گزارش ہے اس پر فوری طور پر ایکشن لے اور مہنگی گاڑیوں کے ساتھ متوسط طبقے کی گاڑیوں مہران کلٹس ویگن آر دیگر میں یہ ائیر بیگ انسٹال کئے جائیں #کباڑ_نہیں_کار

— Javeria Siddique (@javerias) May 20, 2019

ایک شہری قاسم ظہور نے ایسی گاڑیوں جن میں ائیر بیگز نصب نہیں انکے بائیکاٹ کی اپیل کی

Boycott these Big 3 to subotize their Monoply…#کباڑ_نہیں_کار pic.twitter.com/QeeFRfHHzT

— Qasim Zahoor (@QasimZahoor13) May 20, 2019

ٹویٹر پر صارفین نے حکومت سے مطالبہ کیا کہ حکومت کار کمپنیوں کو اس بات کا پابند بنائے کہ گاڑیوں میں سیفٹی فیچرز کا خاص خیال رکھا جائے اور ایسی کمپنیز پر پابندی لگائے جائے جو گاڑیوں میں سیفٹی فیچرز کا خیال نہیں رکھتی.

قاتل گاڑیاں پاکستان کی سڑکوں پر پھر رہی ہیں لیکن کوئی پوچھنے والا نہیں، قمر الزمان کائرہ کے بیٹے کی گاڑی میں ائیر بیگ ہوتا تو اس کی جان بچ سکتی تھی.

باغی ٹی وی کی رپورٹ کے مطابق پاکستان میں لاکھوں روپے مالیت کی گاڑیاں بیچی اور خریدی جا رہی ہیں لیکن ان گاڑیوں میں انسانی جان کی حفاظت کے لئے کوئی انتظامات نہیں . لاکھوں روپے کی گاڑیوں میں ائیر بیگ نہ ہونے کی وجہ سے حادثات میں اموات کی شرح زیادہ ہوتی ہے. پیپلز پارٹی کے رہنما قمر الزمان کائرہ کے بیٹے کی کار حادثے میں موت ہوئی تو پاکستان کے سینئر تجزیہ نگار، صحافی و اینکر پرسن مبشر لقمان نے گاڑیوں میں ائیر بیگ نہ ہونے کے معاملہ پر آواز بلند کی تو سوشل میڈیا پر ایک تحریک بن گئی. سوشل میڈیا پر لوگوں کا کہنا ہے کہ اگر گاڑی میں ائیر بیگ ہوتا تو اسامہ کائرہ اور اس کے دوست کی جان بچ سکتی تھی.

سماجی رابطے کی ویب سائٹ ٹویٹر پر سینئر صحافی و اینکر پرسن مبشر لقمان کی جانب سے ناقص گاڑیوں کے حوالہ سے آواز بلند کرنے پر ایک صارف جاوید بدر نے لکھا کہ مُبشرلقمان بھائی نے اپنے صحافی ہونے کی ذمے داری پوری کر دی ہے ایک بھیانک مافیا کی طرف نشاندہی کر کے جو روز ہمارے اپنوں کو قتل کررہے ہیں اب یہ کام حکومت کا ہے اس مافیا کو قانون کے دائرے میں کس طرح لاتی ہے.

مُبشرلقمان بھائی نے اپنے صحافی ہونے کی ذمے داری پوری کر دی ہے ایک بھیانک مافیا کی طرف نشاندہی کر کے جو روز ہمارے اپنوں کو قتل کررہے ہیں اب یہ کام حکومت کا ہے اس مافیا کو قانون کے دائرے میں کس طرح لاتی ہے @ImranKhanPTI @mubasherlucman pic.twitter.com/6pXlwUexvC

— Javed Badar🇵🇰🇵🇰🇵🇰 (@jkhanbadar) May 19, 2019

ایک صارف حافظ حسن نے ٹویٹر پر لکھا کہ یہ اتنی کمزور اور فضول گاڑیاں ہیں جو گاڑی کا حال ہوا ہے اگر اس میں ائیر بیگز بھی ہوں بھی وہ نہیں بچ سکتا جب ساری گاڑی ہی کچلی جائے گی تو وہاں ائیر بیگز کیا کریں گے ۔

یہ اتنی کمزور اور فضول گاڑیاں ہیں جو گاڑی کا حال ہوا ہے اگر اس میں ائیر بیگز بھی ہوں بھی وہ نہیں بچ سکتا جب ساری گاڑی ہی کچلی جائے گی تو وہاں ائیر بیگز کیا کریں گے ۔

— Hafiz Hasan (@pakistan_khan12) May 19, 2019

ایک اور صارف اسامہ گجر نے لکھا کہ مبشر لقمان صاحب میں آپ کو سلام پیش کرتا ہوں آپ ہیں وہ پہلے اینکر جنہوں نے اس المیہ پر آواز اٹھاٸی اللہ پاک آپ کو اس مشن میں کامیاب کرے(آمین)

مبشر لقمان صاحب میں آپ کو سلام پیش کرتا ہوں آپ ہیں وہ پہلے اینکر جنہوں نے اس المیہ پر آواز اٹھاٸی اللہ پاک آپ کو اس مشن میں کامیاب کرے(آمین)

— Ch Usama (@GujjarUsama5) May 19, 2019

ایک اور صارف عثمان نے ٹویٹر پر لکھا کہ یہاں بکنے والی مہنگی گاڑیوں میں ائیر بیگ , پچھلے حصوں میں حفاظتی بیلٹ بیک کیمرہ ABS آٹوبریک ریڈار نہیں ، گاڑی کے نام پر کباڑ فروخت ہورہا ہے حکومت کو چاہیے کہ وہ جاپانی گاڑیوں کی امپورٹ کی اجازت تاکہ عوام کم قیمت میں محفوظ اور معیاری گاڑی خرید سکیں.

یہاں بکنے والی مہنگی گاڑیوں میں ائیر بیگ , پچھلے حصوں میں حفاظتی بیلٹ بیک کیمرہ ABS آٹوبریک ریڈار نہیں
گاڑی کے نام پر کباڑ فروخت ہورہا ہے حکومت کو چاہیے کہ وہ جاپانی گاڑیوں کی امپورٹ کی اجازت تاکہ عوام کم قیمت میں محفوظ اور معیاری گاڑی خرید سکیں

— Usman (@usm795) May 18, 2019

24 ٹی وی پر رات دس بجے ہونے والے پروگرام میں سینئر صحافی و اینکر پرسن مبشر لقمان نے ائیر بیگز اور ناقص گاڑیوں پر بات کی جسے باغی ٹی وی نے بھی ٹویٹر پر شئیر کیا.

کار ایکسیڈنٹس کا زمہ دار کون ہے؟ ائر بیگ کیوں نہیں کھلتا؟ 35، 35 لاکھ کی قاتل گاڑیاں…

دیکھیں مبشر لقمان کی کھری باتیں@mubasherlucman @QamarKairaPPP#QamarZamanKaira #NoMercyForLooters pic.twitter.com/oHpx4lm3BG

— Baaghi TV باغی ٹی وی (@BaaghiTV) May 18, 2019

واضح رہے کہ گزشتہ دنوں پیپلز پارٹی کے رہنما قمر الزمان کائرہ کا 18 سالہ بیٹا اسامہ قمر جو لاہور کے مقامی کالج کا طالب علم تھا اپنے دوست کے ہمراہ کھاریاں سے گاڑی پرلالہ موسیٰ سفر کر رہا تھا کہ ٹراما سنٹر کے قریب نامعلوم موٹر سائیکل سوار کو بچاتے ہوئے گاڑی کو قابو میں نہ رکھ سکا اور ان کی گاڑی درخت سے جا ٹکرائی جس کے نتیجہ میں اسامہ قمر اور اس کے دوست حمزہ بٹ کی موت ہوگئی تھی.

وزیراعلیٰ پنجاب سردار عثمان بزدارسے صوبائی مشیر اقتصادی امورڈاکٹر سلمان شاہ کی ملاقات ہوئی ہے جس میں‌ پنجاب کی معیشت کومضبوط بنانےکےلیے اقدامات پر تبادلہ خیال کیا گیا.

باغی ٹی وی کی رپورٹ کے مطابق سردار عثمان بزدار نے کہاکہ موجودہ حکومت نےہر سطح پر شفافیت کو فروغ دیا ہے. پنجاب ترقی کرے گاتو معیشت بھی پھلے پھولے گی. صوبائی مشیر اقتصادی امور ڈاکٹر سلمان شاہ نے کہاکہ پنجاب پاکستان کے لیےترقی کا انجن ہے.

سردار عثمان بزدار کا کہنا تھا کہ سرکاری وسائل کےشفاف استعمال کوہر سطح پر یقینی بنائیں گے.

سابق وزیر اعلیٰ پنجاب میاں منظور احمد وٹو نے کہا ہے کہ اگر یوٹیلٹی سٹورز کے ملازمین کا تعلیمی معیار درست نہیں تو انہیں پچھلے دس برسوں میں کیوں نہیں ہٹایا گیا

باغی ٹی وی کی رپورٹ کے مطابق نیب ہیڈ کوارٹر کے باہر میڈیا سے گفتگو کرتے ہوئے سابق وزیر اعلیٰ پنجاب میاں منظور احمد وٹو نے کہا کہ میری ڈی جی نیب سے ملاقات ہوئی ہے ملاقات میں نیب اتھارٹی کو بتایا کہ اُن کے خلاف غلط کیس بنایا گیا میرے وزارت کے دوران یوٹیلٹی سٹورز کارپوریشن میں کنٹریکٹ کی بنیاد پر ملازمتیں دی گئیں۔ جو ہر سال ری نیو ہوتی ہیں اگر اُن ملازمین کا تعلیمی معیار درست نہ تھا تو پچھلے دس سالوں سے اُن کو ہٹایا کیوں نہیں گیا۔ میاں منظور احمد وٹو نے مزید کہا کہ موجودہ نیب مہذب اور شائستہ ہے عزت سے پیش آتی ہے اور نیب اہل کار احترام سے بات کرتے ہیں . موجودہ نیب اور سیف الرحمن والی نیب میں بہت فرق ہے سیف الرحمن میاں صاحبان کا ذاتی ملازم تھا جس کو نیب کا چیئرمین لگا دیا تھا جس کو سیاسی مقاصد کے لئے استعمال کیا جاتا تھا۔ اس دور میں میرے بیٹے معظم خان وٹو کے خلاف کیمرہ چوری کا کیس بنا کر چوہدری ظہور الہیٰ کے خلاف بھینس چوری کے کیس کی یاد تازہ کی گئی۔ غرضیکہ میرے خاندان کے ہر فرد کے خلاف کیس بنایا گیا اور پنجاب کے وزیر اعلیٰ بننے کی سزا دی گی .

تحریک انصاف کے رہنما جہانگیر ترین کی سرکاری اجلاسوں میں شرکت کے حوالہ سے درخواست پر سماعت 16 ستمبر کو ہو گی

باغی ٹی وی کی رپورٹ کے مطابق سپریم کورٹ سے نااہل ہونیوالے جہانگیرترین کو سرکاری اجلاسوں میں شرکت سے روکنے سے متعلق درخواست کی سماعت ہوئی،درخواست شعیب سلیم ایڈووکیٹ کی جانب سے دائر کی گئی جس میں تحریک انصاف کے رہنما جہانگیر ترین کی سرکاری اجلاس میں شرکت کو چیلنج کیاگیا تھا، درخواست گزارنے درخواست میں موقف اختیار کیا کہ نااہل شخص حکومت کے کسی سرکاری اجلاس میں شرکت نہیں کر سکتا ،جہانگیر ترین سرکاری اجلاس میں شرکت کرکے سپریم کورٹ فیصلے کی خلاف ورزی کررہے ہیں۔لاہور ہائیکورٹ نے درخواستگزار کو سننے کے بعد جہانگیر ترین کیخلاف زیرسماعت آئینی درخواست سماعت کیلئے مقرر کر دی، جسٹس عابد عزیز شیخ 16 ستمبر کودرخواست پر سماعت کریں گے ۔

واضح رہے کہ جہانگیر ترین کو سپریم کورٹ نے نااہل قرار دیا ہے، سرکاری اجلاسوں میں شرکت کے حوالہ سے تحریک انصاف میں بھی اختلاف پایا جاتا ہے، جہانگیر ترین اس وقت تحریک انصاف میں متحرک ہیں اور روزانہ اراکین اسمبلی سے ملاقاتیں کر رہے ہیں.

وزیر اعظم عمران خان کی نااہلی کے متعلق درخواست عدالت نے آئندہ ہفتے سماعت کے لئے مقرر کرنے کا حکم دے دیا

باغی ٹی وی کی رپورٹ کے مطابق لاہور ہائیکورٹ میں درخواست کی سماعت جسٹس شاہد وحید خان نے کی، درخواست میں کہا گیا ہے کہ سابق وزیر اعظم نواز شریف کی حکومت کے دوران موجودہ وزیر اعظم عمران کان نے عوام کو سول نافرمانی کے لئے اکسایا ،عدالت وزیراعظم کو نااہل قرار دے، عدالت نےوزیر اعظم کی نااہلی کی درخواست آئندہ ہفتے سماعت کے لئے مقرر کرنے کا حکم دے دیا.