Category: لاہور

وزیر اعظم عمران خان اوروفاقی کابینہ کو کام سے روکنے کے لیے لاہور ہائیکورٹ میں دائر درخواست کی سماعت ہوئی ہے

باغی ٹی وی کی رپورٹ کے مطابق لاہورہائیکورٹ نے درخواست کو مرکزی مقدمے کے ساتھ اگلے ہفتے سماعت کے لئے مقرر کرنے کا حکم دیا ہے. دوسری درخواست میں وفاقی کابینہ کے اراکین کی تقرری کو عدالت میں چیلنج کیا گیا ہے. درخواست گزار کی جانب سے عدالت میں دائر درخواست میں وفاقی حکومت،ڈاکٹرعبدالحفیظ شیخ سمیت 4 اراکین کابینہ کو فریق بنایا گیا ،درخواست میں کہا گیا ہے کہ
درخواست میں نئی وفاقی کابینہ کے اراکین کی تقرری پر اعتراضات اٹھائے گئے ہیں
ایسا شخص وفاقی وزیر کے اختیارات استعمال نہیں کر سکتا جو قومی اسمبلی کا ممبر نہ ہو، آئین کی رو سے صرف عوام کا منتخب کردہ نمایندہ ہی وفاقی وزیر کے اختیارات استعمال کر سکتا ہے، وزیر اعظم عمران خان کی موجودہ کابینہ غیر آئینی ہے کیونکہ اس میں غیر منتخب لوگوں کو وزیر بنایا گیا ہے، عدالت کابینہ کو کالعدم قرار دے اور وزیر اعظم اور کابینہ کو کام کرنے سے روکے

امیر جماعت اسلامی سراج الحق نے بلاول بھٹو کی آج زرداری ہاؤس میں‌ ہونے والی افطار پارٹی میں شریک نہ ہونے کا فیصلہ کیا ہے.

باغی ٹی وی کی رپورٹ کے مطابق سراج الحق کی جگہ جماعت اسلامی کا وفد چیئرمین پیپلز پارٹی کے افطار پروگرام میں‌ شریک ہو گا. کہا گیا ہے کہ جماعت اسلامی پی ٹی آئی حکومت گرانے کیلئے چلائی جانے والی کسی تحریک کا حصہ نہیں‌ بنے گی. امیر جماعت اسلامی چاہتے ہیں کہ عمران خان اور ان کی کابینہ کو اپنی کارکردگی دکھانے کیلئے مزید وقت دینا چاہیے.

جماعت اسلامی کی طرف سے افطار پروگرام سے چند گھنٹے قبل کئے جانے والے اس اعلان نے سبھی سیاسی جماعتوں‌ کو پریشان کر دیا ہے. یاد رہے کہ اس افطار پروگرام میں مولانا فضل الرحمن ، محمود اچکزئی ، اختر مینگل سمیت دیگر سبھی اپوزیشن جماعتوں‌کے لیڈر شریک ہو رہے ہیں. مسلم لیگ نون کی جانب سے مریم نواز اور دیگر لیڈر شریک ہوں‌گے.

پنجاب کے وزیر اطلاعات صمصام بخاری نے کہا ہے کہ مسلم لیگ نون اور پیپلز پارٹی کا اتحاد غیر فطری ہو گا. حقیقت یہ ہے کہ اپنی کرپشن بچانے کیلئے اپوزیشن جماعتیں‌ اکٹھی ہو رہی ہیں،

باغی ٹی وی کی رپورٹ کے مطابق انہوں نے کہاکہ یہ سب لوگ اپنی کرپشن بچانے کیلئے لوگوں‌ کو بے وقوف بنا رہے ہیں. انہیں عوام کا مفاد کسی طور عزیز نہیں‌ ہے. نون لیگ کا بیانیہ مکمل طور پر ناکام ہو چکا ہے. انہوں نے رینالہ خورد میں سستے رمضان بازار کا دورہ کیا اور چینی، آٹے اور دوسری اشیا کے وزن خود چیک کئے،صوبائی وزیر اطلاعات نے انتظامیہ کو ہدایت کی کہ صارفین کو ایک کے بجائے 2کلو چینی دی جائے،عوام کو زیادہ سے زیادہ سہولتیں دیناموجودہ حکومت کی اولین ترجیح ہے۔

صوبائی وزیر اطلاعات صمصام بخاری نے کہاکہ نون لیگ اور پیپلز پارٹی کا غیر فطری سیاسی اتحاد ہونے جا رہا ہے. ذاتی مفادات کیلئے سیاسی دسترخوان سجانے والوں کو عوام کا مفاد عزیز نہیں ہے. نون لیگ اور پی پی اپنے کرتوتوں‌ کے پھل کاٹ رہے ہیں.

انہوں نے کہاکہ پی پی اور نون لیگ سڑکوں‌ پر آنے کا شوق پورا کر لیں کچھ حاصل نہیں‌ہو گا. یاد رہے کہ آج بلاول بھٹو کی طرف سے افطار ڈنر میں مریم نواز اور دیگر سیاسی لیڈروں‌ کو شرکت کی دعوت دی ہے.

وفاقی وزیر ریلوے شیخ رشید احمد نے کہا ہے کہ قوم کےظالمو،ہماری ماں کا جنازہ گھرمیں پڑا تھا لیکن 7 سال کیلیے جیل بھیج دیا گیا

باغی ٹی وی کی رپورٹ کے مطابق وفاقی وزیر ریلوے شیخ رشید احمد نے لاہور ریلوے ہیڈ کوارٹر میں پریس کانفرنس کرتے ہوئے کہا کہ عمران خان آج نواز شریف اور زرداری کو باہر جانے دین ان کا اتحاد ایک گھنٹے میں ختم ہو سکتا ہے اصل میں ان کا اتحاد این آر او کے لئے ہیں. مہنگائی کے ذمہ دار چالیس سال حکومت کرنے والے ہیں.انہوں نے کہا کہ سندھ کو ایڈ زدہ کر دیا گیا ہے،یہ لوگ چلو بھر پانی میں ڈوب مریں،انہیں شرم نہیں آتی،70 برسوں میں غریب سندھیوں کیلیے کچھ نہیں کیا گیا .شیخ رشید احمد نے مزید کہا کہ 21،22 گریڈ کے افسران سے مایوس ہو چکا ہوں ،میں تنگ آ چکا ہوں ، بڑے افسران کام نہیں کرتے ،میں چاہتا ہوں کہ 18،19 گریڈ کے افسران سے کام کراؤں .انہوں نے مزہد کہا کہ سالہاسال سے حکومت کرنیوالے ڈکیت ملک کی موجودہ صورتحال کے ذمےدارہیں ،

مسلم لیگ ن نے وزیر اعظم عمران خان کے اسعتفیٰ کا مطالبہ کر دیا

باغی ٹی وی کی رپورٹ کے مطابق مسلم لیگ ن نے وزیر اعظم عمران خان کے استعفیٰ کا مطالبہ کر دیا اس ضمن میں ن لیگ کی رکن پنجاب اسمبلی عظمیٰ بخاری کی جانب سے اسمبلی میں قرارداد جمع کروائی گئی ہے جس میں کہا گیا ہے کہ پاکستا ن خطرناک معاشی بحران کا شکار ہے، روپے کی قدر مسلسل گر رہی ہے، ملکی تاریخ میں پہلی بارڈالر 150 سے کراس کر گیا، اسٹاک ماکیٹ 3 سال میں سب سے کم سطح پر آ گئی، قرارداد میں مزید کہا گیا کہ حکومتی ناکام معاشی پالیسیون کی وجہ سے مہنگائی میں اضافہ ہو رہا ہے اور ساتھ ڈالر کی قیمتوں میں اضافے سے قرضے میں بھی اضافہ ہو رہا ہے. ایسی صورتحال میں وزیر اعظم عمران خان مہنگائی اور قرضوں میں مزید اضافہ کرنے کی بجائے استعفیٰ دیں.

عید سے قبل صحافیوں کی تنخواہوں کو ادائیگی کی جائے، اس ضمن میں پنجاب اسمبلی میں قرارداد جمع کروا دی گئی

باغی ٹی وی کی رپورٹ کے مطابق پنجاب اسمبلی میں مسلم لیگ ن کی رکن پنجاب اسمبلی حنا پرویز بٹ کی جانب سے قرارداد جمع کروائی گئی ہے جس میں کہا گیا ہے کہ موجودہ حکومت کے آنے کے بعد سے میڈیا انڈسٹری میں خطرناک بحران ہے ،بروقت ادائیگی نہ ہونے سے صحافیوں کو تین تین ماہ سے تنخواہیں نہیں مل سکیں. جس کی وجہ سے میڈیا ورکرزکے گھروں کے چولہے ٹھنڈے ہوچکے ہیں. قرارداد کے متن میں مزید کہا گیا کہ حکومت ریاست کے چوتھے ستون میڈیا میں بحران پیدا کرنے کی پالیسی ترک کرے اورعید سے قبل میڈیا ہاؤسزکی ادائیگیاں کلیئر کی جائیں، قرارداد میں مطالبہ کیا گیا کہ حکومت میڈیا ہاؤسز کی تمام واجبات کی ادائیگی فی الفور یقینی بنائے تا کہ میڈیا ورکرز کو تنخواہیں مل سکیں.

واضح رہے کہ میڈیا ہاوسز ورکرز کو تنخواہیں نہیں دے رہے جس کی وجہ سے آئے روز میڈیا مالکان کے خلاف صحافی احتجاج کرتے رہتے ہیں .

وفاقی وزیر ریلوے شیخ رشید احمد نے کہا ہے کہ بلاول کے بارے میں آج نہیں بولوں گا، آج روزہ ہے ،بلاول نے مجھ سے صلح کر لی، لاہوریے جلتے ہیں ،دو دلوں کی پاکیزہ محبت کے درمیان لاہوریے قیدو بن گئے ہیں .

باغی ٹی وی کی رپورٹ کے مطابق وفاقی وزیر ریلوے شیخ رشید احمد نے لاہور ریلوے ہیڈ کوارٹر میں پریس کانفرنس کرتے ہوئے کہا کہ سندھ کو ایڈ زدہ کر دیا گیا ہے،یہ لوگ چلو بھر پانی میں ڈوب مریں،انہیں شرم نہیں آتی،70 برسوں میں غریب سندھیوں کیلیے کچھ نہیں کیا گیا .شیخ رشید احمد نے مزید کہا کہ 21،22 گریڈ کے افسران سے مایوس ہو چکا ہوں ،میں تنگ آ چکا ہوں ، بڑے افسران کام نہیں کرتے ،میں چاہتا ہوں کہ 18،19 گریڈ کے افسران سے کام کراؤں .
ریلوے کی آمدن میں کتنا اضافہ ہوا
وفاقی وزیر ریلوے نے مزید کہا کہ سالہاسال سے حکومت کرنیوالے ڈکیت ملک کی موجودہ صورتحال کے ذمےدارہیں قوم کےظالمو،ہماری ماں کا جنازہ گھرمیں پڑا تھا لیکن 7 سال کیلیے جیل بھیج دیا گیا ،
شیخ رشید نے ایسا اعلان کیا کہ ریلوے ملازمین دعائیں دینے لگ گئے
وفاقی وزیر ریلوے نے مزید کہا کہ ریلوے کے مسافروں میں 60 لاکھ افراد کا اضافہ ہوا،5 ارب روپے کی لاگت سے نئی ٹرینیں چلائی گئیں ،آیندہ ہفتے سے میں خود جمعہ اورہفتہ کے دن ہیڈکوارٹرزمیں بیٹھا کروں گا، اس حکومت کے بارے میں یہ گمان ہے کہ کرپشن سے پاک ہے .

اداکارہ میشا شفیع کے خلاف ہتک عزت کے درخواست پر سماعت کے د ورا ن علی ظفر وکیل کی درخواست پر عدالت نے سماعت ملتوی کر دی

باغی ٹی وی کی رپورٹ کے مطابق ایڈیشنل سیشن جج امجد علی شاہ نے گلوکار علی ظفر کی درخواست پر سماعت کی ،علی ظفر کے وکیل نے کہا کہ سپریم کورٹ کے حکم کے مطابق ہم بیان حلفی جمع کروائیں گے ،تمام گواہان کی شہادتوں کو بیان حلفی کی صورت میں جمع کروائیں گے، جس کے بعد فریقین کے وکیل جرح کر سکیں گے . علی ظفر کے وکیل نے مزید کہا کہ ہمارے تین گواہ کراچی میں ہیں،بیان حلفی کراچی میں دستخط ہونے گئے ہیں وقت دیا جائے جس پر عدالت نے علی ظفر کےوکیل کی استدعا منظور کرتے ہوئے سماعت 21 مئی تک ملتوی کردی .عدالت نے آئندہ سماعت پر سپریم کورٹ کا حکم نامہ اور تمام گواہان کے بیان حلفی عدالت میں جمع کرانےکا حکم دے دیا.