Category: لاہور

مسلم لیگ ن کی رکن پنجاب اسمبلی عظمیٰ بخاری نے کہا ہے کہ حکومت نے حمزہ شہباز کو پبلک اکاونٹس کمیٹی کا چیئرمین بنانے سے یوٹرن لے لیا ہے.

باغی ٹی وی کی رپورٹ کے مطابق عظمیٰ بخاری نے میڈیا سے گفتگو کرتے ہوئے کہا کہ تحریک انصاف کی حکومت نے حمزہ شہباز کو پبلک اکاونٹس کمیٹی کا چیئرمین بنانے کا وعدہ کا تھا لیکن بعد میں حکومت نے ہمیشہ کی طرح یوٹرن لے لیا، انہوں نے مزید کہا کہ ہم احتجاجا قائمہ کمیٹیوں کے الیکشن میں شامل نہیں ہوں گے. اگرحمزہ شہبازکوپی اے سی کاچیئرمین بنایا گیا توکسی بھی حد تک جانے کو تیارہیں ،عظمیٰ بخاری نے مزید کہا کہ پنجاب کو بنی گالہ سے چلانے کی اجازت نہیں دے سکتے.

پنجاب کے صوبائی وزیر اطلاعات صمصام بخاری نے پنجاب کی عوام کو نوید سنائی ہے کہ اگلے چھ ماہ مشکل ہیں اور مہنگائی میں مزید اضافہ ہو سکتا ہے.

باغی ٹی وی کی رپورٹ کے مطابق صمصمام بخاری نے کہا کہ گزشتہ ادوار میں وسائل کی تقسیم غیرمنصفانہ ہوئی ،انہوں نے کہا کہ ہر سیاستدان کو خوداحتسابی کے عمل سے گزرنا ہوتا ہے،کوئی بھی احتساب سے بالاتر نہیں، ہر ایک کو اس عمل سے گزرنا ہوگا، احتساب کا فائدہ کسی پارٹی کو ہو نہ ہو ملک کو ضرور ہوگا. انہوں نے مزید کہا کہ سندھ میں پیپلزپارٹی کا مسلسل تیسرا دور حکومت مایوس کن ہے ،تھر میں بھوک اور لاڑکانہ میں ایڈز سے بچے مر رہے ہیں لیکن سندھ حکومت کو کوئی پرواہ نہیں.

واضح رہے کہ سندھ میں ایڈز کے ہزاروں کیسز رپورٹ ہوئے ہیں بلاول کے آبائی حلقہ لاڑکانہ میں بھی ایڈز کے سینکڑوں کیسز سامنے آئے ہیں.

الیکٹرانک میڈیا رپورٹر ایسوسی ایشن نے لاہور پریس کلب کے ملازمین کے لئے پچاس ہزار روپے کلب کے حوالے کر دئیے.

باغی ٹی وی کی رپورٹ کے مطابق الیکٹرانک میڈیا رپورٹر ایسوسی کے صدر محمد آصف بٹ ،سیکرٹری سلیم شیخ ،فنانس سیکرٹری ارشد چودھری نے لاہورپریس کلب کو پچاس ہزار روپے کی رقم دی، لاہور پریس کلب کے صدر ارشد انصاری و دیگر نے ایمرا باڈی کی جانب سے دی گئی رقم وصول کی، اس موقع پر لاہور پریس کلب کے صدر ارشد انصاری نے ایمرا باڈی کا شکریہ ادا کیا، ارشد انصاری نے کہا کہ کلب ملازمین کے لئے پچاس ہزار روپے دینے پر ایمرا باڈی کے مشکور ہیں.

تحریک انصاف کے رہنما علیم خان کی درخواست ضمانت پر محفوظ فیصلہ سناتے ہوئے رہا کرنے کا حکم دے دیا

باغی ٹی وی کی رپورٹ کے مطابق لاہور ہائیکورٹ میں تحریک انصاف کے رہنما علیم خان کی ضمانت کی درخواست پر سماعت ہوئی، عدالت نے کیس کی سماعت مکمل ہونے کے بعد فیصلہ محفوظ کیا تھا جسے سناتے ہوئے عدالت نے علیم خان کو رہا کرنے کا حکم دیا دیا درخواست ضمانت پر سماعت جسٹس علی باقر نجفی کی سربراہی میں 2 رکنی بنچ نے سماعت کی تھی. عدالت میں علیم خان نے کہا تھا کہ نیب نے میرے اوپربے بنیاد الزامات لگائے ہیں. عدالت نے علیم خان کی درخواست ضمانت منظور کر لی ہے اور ایک کروڑ کے مچلکے جمع کروائے کا حکم دیا ہے

واضح رہے کہ نیب نے علیم خان کو آمدن سے زائد اثاثوں کے کیس میں گرفتار کیا ہوا تھا.

تحریک انصاف کے رہنما عبدالعلیم خان کی رہائی کی درخواست پر عدالت میں سماعت ہوئی

باغی ٹی وی کی رپورٹ کے مطابق جسٹس علی باقر نجفی اورجسٹس سردار نعیم پر مشتمل بنچ نے درخواست ضمانت پر سماعت کی، عدالت نے نیب سے عبدالعلیم خان کی آف شور کمپنیوں اور ناجائز اثاثوں کا رکارڈ طلب کررکھا ہے . عبدالعلیم خان نے عدالت میں کہا کہ تمام اثاثے اور کمپنیاں گوشواروں میں ظاہر کر چکے ہیں، نیب کی جانب سے لگائے گئے تمام الزامات بے بنیاد ہیں

پنجاب اسمبلی میں بہاولپور صوبے کے لئے قراردار جمع کروا دی گئی

باغی ٹی وی کی رپورٹ کے مطابق پنجاب اسمبلی میں مسلم لیگ ن کی رکن حنا پرویز بٹ نے قرارداد جمع کروائی جس کے متن میں کہا گیا کہ جنوبی پنجاب کے ساتھ صوبہ بہاولپور بھی بنایا جائے. تبدیلی سرکار اگر صوبے بنانے میں سنجیدہ ہے تو بہاولپور صوبے کو بھی تسلیم کرے. قرارداد کے متن میں مزید کہا گیا کہ نئے صوبوں کے قیام سے وسائل اور اختیارات برابری کی سطح پر تقسیم ہوں گے .انہوں نے کہا کہ الیکشن سے قبل حکومتی جماعت نے نئے صوبوں کے قیام کا وعدہ کیا تھا،اب حکومت کی ذمے داری ہے کہ نئے صوبوں کے قیام کا وعدہ وفا کرے،

واضح ہے کہ صوبہ جنوبی پنجاب کے لئے قومی اسمبلی میں بل منظورہو چکا ہے ،مسلم لیگ ن نے قومی اسمبلی میں بھی بہاولپور صوبے کا مطالبہ کیا تھا

اے آر وائی ٹی وی کے بیورو چیف لاہور نے چینل چھوڑ دیا

باغی ٹی وی کی رپورٹ کے مطابق سینئر اینکر پرسن اور اے آروائی لاہور کے بیورو چیف عارف حمید بھٹی کے اے آر وائی کے اسلام آباد میں موجود اینکر صابر شاکر سے اختلافات ہو گئے تھے. وہ دونوں اے آر وائی میں پروگرام دی رپورٹر کرتے تھے. اختلافات کی وجہ سے عارف حمید بھٹی نے آے آر وائی گروپ کو چھوڑ دیا اور انہون نے جی این این چینل کو جوائن کر لیا ہے،. عارف حمید بھٹی جی این این میں بطور ایم ڈی کام کریں گے.

وزیراعلیٰ پنجاب کے مشیر اکرم چودھری نے استعفیٰ دے دیا ہے.

باغی ٹی وی کی رپورٹ کے مطابق اکرم چودھری نے استعفیٰ وزیر اعلیٰ پنجاب کو بھجوا دیا ہے. اس کے بعد اکرم چوھدری کو چیئرمین پنجاب فوڈ اتھارٹی بنانے کی پیشکش کی گئی ہے. قانون کے مطابق ایک وقت میں وزیر اعلیٰ 5 مشیر رکھ سکتا ہے. اب حکومت نے وفاق کے بعد پنجاب میں نیا معاشی ماہر لانے کا فیصلہ کیا ہے جس کو وزیر اعلیٰ کا مشیر بنایا جائے گا.

وزیر اعلیٰ پنجاب نے اعلان کیا ہے کہ کسانوں کو آسان اقساط پر ٹریکٹر فراہم کریں گے

باغی ٹی وی کی رپورٹ کے مطابق وزیر اعلیٰ پنجاب عثمان بزدار نے بھکر کے دورہ کے دوران میڈیا سے گفتگو کرتے ہوئے کہا کہ بارانی اضلاع کے کاشتکاروں کوآسان اقساط پرٹریکٹر فراہم کر رہے ہیں،زرعی علاقوں میں کسانوں کی بہتری پرخصوصی توجہ دے رہے ہیں، وزیر اعلیٰ نے مزید کہا کہ دوردرازعلاقوں کا خود دورہ کرنے کی وجہ سہولیات کاجائزہ لینا ہے ،وزیر اعلیٰ پنجاب عثمان بزدار نے منکیرہ میں سستا رمضان بازار اور ٹی ایچ کیو کا دورہ کیا، وزیر اعلیٰ نے عوام کو ریلیف دینے اور سستا رمضان بازار میں اشیاء کی فراہمی کو یقینی بنانے کا حکم دیا، انہوں نے دانش پبلک سکول کا بھی دورہ کیا .