Category: لاہور

وزیراعظم پاکستان کی مشیر برائے اطلاعات فردوس عاشق اعوان نے وزیر اعلیٰ پنجاب سے ملاقات کی ہے

باغی ٹی وی کی رپورٹ کے مطابق فردوس عاشق اعوان نے ایوان وزیر اعلیٰ میں وزیر اعلیٰ پنجاب عثمان بزدار سے ملاقات کی ہے. اس موقع پر فردوس عاشق اعوان نے گفتگو کرتے ہوئے کہا کہ دہائیوں سے پنجاب کےعوام پر مسلط شخصیت پرستی کاخاتمہ عمران خان کی جدوجہد سے ممکن ہوا، شہباز شریف کی کارکردگی ٹی وی ہیڈلائنز اوراخبارات کے اشتہارات تک محدود تھی ، فردوس عاشق اعوان نے مزید کہا کہ گروتھ اسٹریٹجی 2023وزیراعظم کےمشن اور وژن کی تکمیل کی جانب اہم اقدام ہے، گروتھ اسٹریٹجی 2023 سے ترقی کے ثمرات صوبے کے ہر شہری تک پہنچیں گے،صوبے میں غربت کی سطح کم کرنے،پسماندہ علاقوں کی ترقی پر توجہ دی جائیگی، زراعت کی ترقی اور بے روزگاری کےخاتمےپر خصوصی توجہ دیں گے ،صوبے میں تعلیم و صحت کےشعبوں پر خصوصی توجہ دی جائیگی .

واضح رہے کہ پنجاب حکومت نے آئندہ چار سال کے ترقیاتی اہداف کو پورا کرنے کے لیے پنجاب گروتھ اسٹریٹیجی(بڑھوتری کی حکمت عملی) 2023 لانچ کر دی ہے، نئی پالیسی کے تحت ترقی کی شرح کا ہدف چھ اعشاریہ پانچ فیصد مقرر کیا گیا ہے۔ بیروزگاری میں آٹھ اعشاریہ آٹھ فیصد کمی لائی جائے گی۔ حکومت پنجاب نے آئندہ چار سال میں تیس لاکھ نئے گھر بنانے، غربت میں چھ فیصد کمی اور نجی شعبے کی سرمایہ کاری کو تین اعشاریہ دو ٹریلین روپے تک لے جانے کا ہدف مقرر کیا ہے۔

پنجاب اسمبلی میں قائد حزب اختلاف حمزہ شہباز نے کہا ہے کہ چیئرمین نیب کا معاملہ سپریم جوڈیشل کونسل میں لےکر جانا چاہیے.

باغی ٹی وی کی رپورٹ کے مطابق حمزہ شہباز نے احتساب عدالت میں پیشی کے بعد میڈیا سے گفتگو کرتے ہوئے کہا کہ چیئرمین نیب کے معاملے پر اسمبلی کا اجلاس بلوایا جائے اور چیئرمین نیب اور عمران نیازی اسمبلی میں آکرعوام کو بتائیں ،انہوں نے مزید کہا کہ ملکی معیشت ڈوب رہی ہے نیب کاروباری افراد کو ڈرا رہا ہے ،حمزہ شہبازکا مزید کہنا تھا کہ یہ ثابت ہوچکا ہے کہ عمران خان نیازی نااہل وزیراعظم ہیں .

واضح رہے کہ رمضان شوگر مل کیس میں احتساب عدالت نے سماعت 28 مئی تک ملتوی کر دی ہے اور شہباز شریف کو جون میں ٹیسٹوں کے فوری بعد پیش ہونے کا حکم دے دیا ہے.

واضح رہے کہ نیوز ون چینل نے ایسی ویڈیو اور آڈیو نشر کی جس میں مبینہ طور پر چیئرمین نیب جسٹس (ر) جاوید اقبال کو ایک خاتون سے نازیبا گفتگو کرتے ہوئے سنا جا سکتا ہے۔ قومی احتساب بیورو کے ترجمان نے چیئرمین نیب جسٹس ریٹائرڈ جاوید اقبال کے خلاف چلنے والی خبر کی تردید کردی۔ترجمان نیب کی جانب سے جاری ہونے والے اعلامیے میں بتایا گیا ہے کہ نیوز ون پر چیئرمین نیب کے حوالے سے حقائق کے منافی، من گھڑت ، بے بنیاد اور جھوٹی خبر چلائی گئی جس کا مقصد جسٹس (ر) جاوید اقبال کی ساکھ کو مجروح کرنا ہے۔

چیئرمین نیب کے ویڈیو سیکنڈل کے حوالہ سے مسلم لیگ ن تقسیم ہو گئی، اختلافات سامنے آ گئے

باغی ٹی وی کی رپورٹ کے مطابق نیوز ون نے چئیرمین نیب کے حوالہ سے خاتون سے گفتگو کی ویڈیو چلائی جس پر نیب نے تردید جاری کی بعد ازاں نیوز ون نے بھی معذرت کر لی، اس ویڈیو کو لے کر مسلم لیگ ن کے صدر قومی اسمبلی میں اپوزیشن لیڈر شہباز شریف نے سماجی رابطے کی ویب سائٹ ٹویٹر پر ٹویٹ کرتے ہوئے کہا تھا کہ نیب سے متعلق اپنے موقف کا اظہار ہر فورم پر کریں گے، اپنے سیاسی بیانیے پر قائم ہیں مگر ن لیگ کا کسی کی ذاتی زندگی سے کوئی لینا دینا نہیں۔

PML-N to stay out of the recent Chairman Nab issue.

Our viewpoint on NAB is principled—which is legal in nature and we will keep voicing our concerns on all forums.

PML-N has nothing to do with anybody’s private life and will stick to its political and legal narrative!

— Shehbaz Digital Media (@ShehbazDigital) May 23, 2019

اس کے اگلے روز مسلم لیگ ن کے سینئر نائب صدر سابق وزیراعظم شاہد خاقان عباسی نے پریس کانفرنس کرتے ہوئے کہا کہ پارلیمنٹ کے فورم کے ذریعےاس معاملے پرتحقیقات ہونی چاہیے،چیئرمین نیب پردباؤ ڈالا جارہا ہے کہ اپوزیشن کے خلاف کارروائی کی جائے،چیئرمین نیب پردباؤ ڈالا جارہا ہے کہ حکومت کے اتحادیوں کی کرپشن چھپائی جائے یہ مسئلہ انتہائی سنگین اورسنجیدہ ہے اس میں چیئرمین نیب اوران کے ادارے کوملوث کیا گیا ہے، شاہد خاقان عباسی نے مزید کہا کہ عمران خان، چیئرمین نیب دونوں کوحق حاصل ہےکہ اپنی بےگناہی ثابت کریں ،جب تک جرم ثابت نہیں ہوتا اس وقت بندہ معصوم ہوتا ہے ،پارلیمان کی خصوصی کمیٹی کی تشکیل کیلیے پیرکوخواجہ آصف ایوان میں تحریک پیش کرینگے، قومی اسمبلی کےرول244بی کےتحت پارلیمان کی خصوصی کمیٹی بنائی جائے،ہم چاہتے ہیں کہ چیئرمین نیب کو بھی انصاف ملے اوروزیراعظم کوبھی،آج جن پرالزام لگاجس نے لگایا وہ شخص بھی اپنے حقائق کمیٹی میں رکھے،

شاہ خاقان عباسی کی پریس کانفرنس کے بعد شہباز شریف نے ایک اور ٹویٹ کی جس میں کہا کہ چئیرمین نیب کےگزشتہ روزواقعہ پرکل رات میں بہت واضح موقف دے چکا ہوں۔اس معاملے میں وزیراعظم کےدوست کے چینل سےویڈیو نشر ہونے کے نئے انکشافات کی روشنی میں ہمارا مطالبہ ہے کہ ایک پارلیمانی کمیٹی بنائی جائے جو وزیراعظم اور چئیرمین نیب سے اِن سوالوں کے جواب لے اورحقائق عوام کےسامنے لائے

چئیرمین نیب کےگزشتہ روزواقعہ پرکل رات میں بہت واضح موقف دے چکا ہوں۔اس معاملے میں وزیراعظم کےدوست کے چینل سےویڈیو نشر ہونے کے نئے انکشافات کی روشنی میں ہمارا مطالبہ ہے کہ ایک پارلیمانی کمیٹی بنائی جائے جو وزیراعظم اور چئیرمین نیب سے اِن سوالوں کے جواب لے اورحقائق عوام کےسامنے لائے

— Shehbaz Digital Media (@ShehbazDigital) May 24, 2019

پنجاب کے وزیر اطلاعات صمصام بخاری نے کہا ہے کہ پنجاب میں کالعدم تنظیموں کے خلاف آپریشن کیا ہے، ہم کسی ایک تنظیم نہیں بلکہ کالعدم تنظیموں کے خلاف کاروائی کر رہے ہیں.

باغی ٹی وی کی رپورٹ کے مطابق صمصام بخاری نے پریس کانفرنس کرتے ہوئے کہا کہ کالعدم تنظیموں کے ادارے پنجاب حکومت چلائے گی، تعلیم اور صحت کے ادارے تحویل میں لے لئے ہیں. صمصام بخاری نے مزید کہا کہ پنجاب حکومت نے چند ہفتوں میں متعدد افراد کو حراست میں لیا ہے. ہر تنظیم کے اکاونٹ کی تفصیل نہیں معلوم، انہوں نے مزید کہا کہ 4 مارچ کو کالعدم تنظیموں کیخلاف آپریشن شروع کیا گیا ،گوجرانوالہ سےکالعدم تنظیم کےکارکنوں زاہداورعرفان کوحراست میں لیا گیا ہے. کالعدم تنظیموں کے چندہ اکٹھا کرنے والےافراد کوسی ٹی ڈی نےحراست میں لیاہے، 581 اثاثہ جات قبضے میں لے کر متعلقہ سرکاری محکموں کے حوالے کر دیے،انہوں نے کہا کہ پنجاب نے دیگر صوبو ں کی نسبت بہتر کارکردگی دکھائی . صمصام بخاری نے ایک سوال کے جواب میں کہا کہ جو نیب کا ترجمان کہتا ہے وہ نظر کیوں نہیں آتی .چیرمین نیب کے حوالہ سے جو خبر آئی اس پر تردید آ گئی اسلئے اس پر کوئی سوال نہیں بنتا.

وزیر اعلیٰ پنجاب عثمان بزدار نے سعودی عرب کی جانب سے پاکستان کو تیل کی فراہمی پر سعودی عرب کا شکریہ ادا کیا ہے

باغی ٹی وی کی رپورٹ کے مطابق وزیر اعلیٰ پنجاب نے کہا کہ سعودی حکومت، سعودی فرمانروا شاہ سلمان بن عبدالعزیز اورولی عہد محم بن سلمان کاشکریہ ادا کرتے ہیں . وزیر اعلیٰ نے مزید کہا کہ سعودی عرب نےایک بار پھرپاکستان کا ساتھ دے کردوستی نبھائی ہے، سعودی عرب کی بروقت مدد سے پاکستانی کرنسی کی قدربھی مستحکم ہوگی،سعودی عرب کی معاونت سےتجارتی ومعاشی سرگرمیوں کوفروغ ملے گا،وزییر اعلیٰ نے مزید کہا کہ سعودی عرب کی کریڈٹ پرتیل کی فراہمی معیشت کیلئےتازہ ہوا کا جھونکا ہے، اس سے معیشت کے بارے میں غیریقینی کے بادل چھٹ جائیں گے.

واضح رہے کہ پاکستان میں ڈالر کی قیمت دن بدن بڑھنے اور مہنگائی میں زبردست اضافہ پر برادر ملک سعودی عرب ایک بار پھر وطن عزیز پاکستان کی مدد کیلئے تیار ہو گیا ہے. سعودی عرب کے پاکستان کی امداد کیلئے تیار ہونے پر اس خبر کو ڈآلر کی ذخیرہ اندوزی کرنے والوں‌کے لئے بری خبر قرار دیا جارہا ہے. برادر اسلامی ملک نے ہر مشکل وقت میں پاکستان کا ساتھ دیا ہے. ایک مرتبہ پھر وہ پاکستان می مشکلات کم کرنے کیلئے تیار ہے.ڈالر کی بڑھتی قیمتیں‌ کنٹرول نہ ہونے پر پاکستان اور سعودی عرب کے حکام کے درمیان اعلیٰ‌سطحی رابطے جاری ہیں اور یہ بھی کہا جارہا ہے کہ سعودی عرب پاکستان کو ادھار تیل کی فراہمی بھی شروع کر دے گا. یا درہے کہ سعودی عرب پاکستان کو تین ارب روپے کا تیل دے گا اور اس سلسلہ میں‌ دونوں‌ ملکوں‌کے مابین پہلے ہی معاہدہ ہو چکا ہے.

مسلم لیگ ن پنجاب کے صدر رانا ثناء اللہ نے کہا ہے کہ حکومت کی نااہلی کی وجہ سے ڈالر کی اونچی اڑان جاری ہے، نواز شریف کو پاکستان کے لئے کئے گئے کاموں پر سزا دی جا رہی ہے.

باغی ٹی وی کی رپورٹ کے مطابق سابق وزیر اعظم نواز شریف سے کوٹ لکھپت جیل میں ملاقات کے لئے آنے والے رانا ثناء اللہ نے میڈیا سے گفتگو کرتے ہوئے کہا کہ شہبازشریف نےمیثاق معیشت کی پیشکش کی تھی جسے تحریک انصاف نے این آراو سمجھ لیاتھا۔ رانا ثناء اللہ نے مزید کہا کہ تبدیلی سرکار نے پاکستان کو آئی ایم ایف کے پاس گروی رکھ دیا ہے، اب نالائق اعظم اور یہ ملک ایک ساتھ نہیں چل سکتے۔ اگ حکومت کی بات مان لی جائے کہ ڈالر ہماری وجہ سے ایک سو پینتیس کاہوا تو یہ نالائق حکومت یہ بتائے کہ ڈالرایک سو پچپن تک کیسے پہنچا۔

بے نظیر قتل کی تحقیقات دوبارہ کرنے کا فیصلہ ،زرداری کیلئے ایک اور مشکل

واضح رہے کہ نواز شریف کوٹ لکھپت جئل میں قید ہیں اور جمعرات کو نواز شریف سے ملاقات کا دن ہے، جمعرات کو لیگی رہنما ملاقات کرتے ہیں، نواز شریف نےاسلام آباد ہائیکورٹ میں طبی بنیادوں پر ضمانت کی درخواست بھی دے رکھی ہے.