Category: لاہور

جماعت اسلامی کے امیر سراج الحق نے کہا ہے کہ بہت شورتھا کہ کیا ہوگا،کیاہوگا اورپھرآئی ایم ایف سےمعاہدہ ہوگیا

باغی ٹی وی کی رپورٹ کے مطابق سراج الحق نے موجودہ حکومت کی پالیسیوں کو شدید تنقید کا نشانہ بناتے ہوئے کہا ہے کہ اسٹیٹ بینک کو آئی ایم ایف کی دسترس میں دے دیا گیا،. آئی ایم ایف اور ورلڈ بینک کا ملازم اپنی ترجیحات پر کام کرے گا. آئی ایم ایف روپے کی قدر کو مزید کم کرنے کے لئے دباو ڈال ہے، حکمرانوں نے معیشت تباہی کے دہانے پر لا کھڑی کی. انہوں نےکہا کہ حکومت نےاسٹیٹ بینک کو آئی ایم ایف کے حوالے کرکے ملکی معیشت داؤپرلگادی،حفیظ شیخ،رضاباقراوراحمدمجتبیٰ کاٹرائیکا آئی ایم ایف کےمفادات کاتحفظ کرےگا.

پاکستانی تحقیقاتی ادارے نے پنجاب بھر سے 8 چینی باشندے گرفتار کر لئے ہیں جن پر الزام ہے کہ وہ پاکستانی لڑکیوں سے شادی کر کے ان سے جسم فروشی کا دھندہ کرواتے ہیں

باغی ٹی وی کی رپورٹ کے مطابق اڈائریکٹر جنرل ایف آئی اے بشیر میمن کی ہدایت پر ڈپٹی ڈائریکٹر جمیل میو کی سربراہی میں ٹیم نے کارروائی کرتے ہوئے لاہور میں واقع ڈیوائن ہومز سے مزید 8 چینی باشندوں کو گرفتار کر لیا ہے۔جن میں ایک لڑکی بھی شامل ہے ایف آئی اے کے مطابق چینی باشندے پاکستانی میرج بیور اور ایجنٹس سے مل کر پاکستانی لڑکیوں سے شادی کراتےہیں۔ شادی کے بعد پاکستانی لڑکیوں سے جسم فروشی کا دھندہ کروایا جاتا تھا، ایف آئی اے نے یہ بھی کہا ہے کہ ان لڑکیوں کے اعضاء بھی نکال کر فروخت کئے جاتے ہیں. ایف آئی اے نے اس ضمن میں ابتک دس چینی باشندے گرفتار کئے ہیں جن سے تحقیقات جاری ہے. واضح رہے کہ ایف آئی اے نے منڈی بہاؤالدین میں پاکستانی لڑکی سے شادی کرنے والے چینی باشندے کے خلاف تحقیقات شروع کر رکھی ہیں.

واضح رہے کہ پاکستان میں چین کے سفیر یاوجنگ نے کہا ہے کہ پاکستانی لڑکیوں سےچینی لڑکوں کی شادیاں رضا مندی سے ہوتی ہیں،چینی اورپاکستانیوں کی شادیوں میں کچھ غیرقانونی ایجنٹس بھی شامل ہیں ،ایسے غیرقانونی ایجنٹس چین پاکستان کے تعلقات کو خراب کرنا چاہتے ہیں،زبردستی کی شادیاں ہمارے قوانین کے بھی خلاف ہیں .

سابق وزیر اعظم نواز شریف نے طبی بنیادوں پر ضمانت کی مدت ختم ہونے کے بعد خود جیل جانے کا فیصلہ کر لیا ہے.

باغی ٹی وی کی رپورٹ کے مطابق مسلم لیگ ن کے رہنما رانا مشہور نے میڈیا سے گفتگو کرتے ہوئے کہا کہ کل افطاری کےبعد نواز شریف جیل جانے کے لیے نکلیں گے، افطاری کے بعد لاہور کی سڑکوں‌ پر لیگی کارکنوں کا ایک سمندر ہو گا، جگہ جگہ استقبالیہ کیمپ لگائے جائیں گے جہاں کارکنان اپنے قائدکا استقبال کریں گے. انہوں نے کہا کہ جاتی امراسے کوٹ لکھپت جیل تک جگہ جگہ کیمپ لگائےجائیں گے،کارکن اپنی محبت سےنکل رہا ہےپارٹی ان کی کال پرلبیک کہہ رہی ہے .

نواز شریف کا چھبیس مارچ کو سپریم کورٹ نے طبی بنیادوں پر علاج کے لئے ضمانت دی تھی. رہائی کے دوران نواز شریف نے اپنی سیاسی سرگرمیاں جاری رکھیں لیکن علاج پر کوئی توجہ نہیں دی. نواز شریف نے دوران رہائی مولانا فضل الرحمان سے بھی ملاقات کی جبکہ پارٹی رہنمائوں اور اراکین اسمبلی سے بھی ملتے رہے. نواز شریف دوران رہائی نو بار ہسپتال تو گئے لیکن ٹیسٹ کروا کر واپس آتے رہے ان کی ایک ہی ضد تھی کہ پاکستان میں میرا علاج نہیں ہو سکتا.نواز شریف طبی معائنے کیلئے شریف میڈیکل سٹی میں آٹھ بار اور الرازی ہسپتال میں ایک بار گئے،نواز شریف کا نیفرولوجسٹ، کارڈیالوجسٹ اورنیورولوجسٹ نےطبی معائنہ کیا .پنجاب کے ہسپتالوں اور ڈاکٹروں‌ پر عدم اعتماد کے بعد آغا خان ہسپتال کراچی کے ڈاکٹرز کی خصوصی ٹیم نے بھی نواز شریف کا طبی معائنہ کیا اور انکو ذہنی دباؤ نہ لینے کا مشورہ دیا ،ضمانت پر رہائی کی معیاد ختم اور سپریم کورٹ کی جانب سے توسیع نہ ملنے پرسابق وزیر اعظم نواز شریف کو کل دوبارہ کوٹ لکھپت جیل میں قید کردیا جائے گا۔

جیل منتقلی کے موقع پر ن لیگ نے نواز شریف سے اظہار یکجہتی کیلئے 10 کیمپ لگانے کا فیصلہ کیا ہے۔ اس حوالہ سے مسلم لیگ ن کا ایک اجلاس ماڈل ٹاون میں آج ہو گا. جس کی‌صدارت حمزہ شہباز کریں گے. نواز شريف سے اظہار یکحيہتی کے لئے مختلف مقامات پر 10 کيمپ لگائے جائیں گے، مسلم لیگ ن نے پٹرول کی قيمتوں ميں اضافے کے خلاف صوبائی دارالحکومت لاہور ميں بينرز آويزاں کرنيکا بھی فيصلہ کیا ہے۔ ترجمان مسلم لیگ نون مریم اورنگ زیب نے سماجی رابطے کی ویب سائٹ ٹویٹر پر ٹویٹ کرتے ہوئے کہا ہے کہ وزیر اعظم ایک گھنٹہ تقریر کرنے کے بجائے پارلیمنٹ میں صرف ایک منٹ کے لئے آکر یہ وضاحت دیں کہ رمضان سے قبل عوام پر پٹرول بم کیوں گرایا گیا ؟ مریم اورنگ زیب نے سوال اٹھایا کہ ملک کو کس دام میں آئی ایم ایف میں گروی رکھوایا ؟ آئی ایم ایف کے ملازم کو کیوں راتوں و رات سٹیٹ بنک کا گورنر لگایا ؟

تحریک انصاف کے رہنما عبدالعلیم خان کی آف شور کمپنیوں اور آمدن سے زائد اثاثوں کے کیس میں درخواست پر سماعت ہوئی

باغی ٹی ٰ وی کی رپورٹ کے مطابق عبدالعلیم خان کی آف شور کمپنیوں کی تفصیلات عدالت میں پیش کردی گئیں ،عدالت نے عبدالعلیم خان کی آف شور کمپنیوں کی تفصیلات عدالتی رکارڈ کا حصہ بنانے کا حکم دے دیا، نیب کے وکیل نے عدالت کو بتایا کہ عبوری ریفرنس دائر کیا جائے گا مگر مکمل ریفرنس کیلیے وقت درکار ہو گا،تحقیقات مکمل ہو رہی ہیں، جسٹس باقر علی نجفی نے استفسار کیا کہ کیا آپ نے ملزم کیخلاف کافی مواد اکٹھا کر لیا ہے؟ جس پر تفتیشی افسر نے کہا کہ عبدالعلیم خان کیخلاف کافی ثبوت اکٹھے کر لیے ہیں ،جسٹس باقر علی نجفی نے کہا کہ سپریم کورٹ کے فیصلے کی روشنی میں ضمانت تب ہی مل سکتی ہے جب معاملہ بہت ناگزیر ہو،آپکو انتظار کرلینا چاہیے اگر نیب آپ کے خلاف ریفرنس دائر نہیں کرنےجا رہا، پراسیکیوٹر نیب نے کیس ملتوی کرنے کی استدعا کی ، لاہور ہائیکورٹ نے ڈی جی نیب سے 13 مئی کو رپورٹ طلب کر لی.

مسلم لیگ ن کی رہنما عظمیٰ بخاری نے کہا ہے کہ وزیر اعلیٰ کوتبدیل کرنےکیلیے جہانگیرترین انٹرویوکررہےہیں، صمصام بخاری اسکاجواب دیں.

باغی ٹی وی کی رپورٹ کے مطابق عظمیٰ بخاری نے کہا کہ پنجاب کے وزیراطلاعات کی معلومات انہائی ناقص ہیں. پرویزمشرف ایک ڈکٹیٹرتھا اس کا بلدیاتی نظام جمہوریت کےلیے کیسے بہترہوسکتا ہے ،انہوں نے کہا کہ پنجاب کا نیا بلدیاتی نظام کے پی کے کا بلدیاتی نظام ہے،کے پی کے کا بلدیاتی نظام پنجاب کے بارہ کروڑ کےلیے کبھی بہتر نہیں ہو سکتا،عظمیٰ بخاری نے مزید کہا کہ صمصام بخاری کی معلومات کے مطابق اسمبلیوں میں کرپشن ہوتی ہے،اسمبلیوں میں کرپشن کا الزام ادارے کی ساکھ کو متاثر کرنے کی کوشش ہے .

واضح رہے کہ پنجاب کے صوبائی وزیر اطلاعات صمصام بخاری نے سابق صدر جنرل پرویز مشرف کے بلدیاتی نظام کی تعریف کرتے ہوئے کہا ہے کہ مشرف کے بلدیاتی سسٹم نے زیادہ بہتر طور پر ڈیلیور کیا،بلدیاتی نظام مضبوط ہوتا تو اسمبلیوں پر کرپشن کے نشان نہ ہوتے.پنجاب میں تاریخ کا بہترین لوکل باڈیز سسٹم لا رہے ہیں ، پی ٹی آئی صاف و شفاف بلدیاتی نمائندے سامنے لائے گی ، پنچایت سسٹم اور نیبرہڈ کونسلز مکمل با اختیار ہوں گی ،نیا بلدیاتی سسٹم کسی لحاظ سے آڈٹ سے مبرا نہیں ہوگا ،چیک اینڈ بیلنس یقینی بنائیں گے،کوئی انگلی نہیں اٹھا سکے گا . وزیر اطلاعات نے مزید کہا کہ نواز لیگ اور پیپلز پارٹی نے کبھی بلدیاتی نظام میں دلچسپی نہیں لی ، اپوزیشن جماعتیں ہر قیمت پر اپنی کرپشن بچانا چاہتی ہیں ، صوبائی وزیر صمصام بخاری نے مزید کہا کہ رمضان المبارک میں کسی کو مہنگائی کی اجازت نہیں دیں گے ،وزرا کی ڈیوٹیاں لگ گئی ہیں،کوتاہی پر انتظامیہ ذمے دار ہوگی.

سابق وزیر اعظم نواز شریف کی طبی بنیادوں پر ضمانت کل سات مئی کو ختم ہو رہی ہے. نواز شریف کل خود کو جیل حکام کے حوالے کریں گے ،از خود جیل نہ جانے پر انہیں گرفتار کر کے جیل منتقل کیا جائے گا

باغی ٹی وی کی رپورٹ کے مطابق نواز شریف کا چھبیس مارچ کو سپریم کورٹ نے طبی بنیادوں پر علاج کے لئے ضمانت دی تھی. رہائی کے دوران نواز شریف نے اپنی سیاسی سرگرمیاں جاری رکھیں لیکن علاج پر کوئی توجہ نہیں دی. نواز شریف نے دوران رہائی مولانا فضل الرحمان سے بھی ملاقات کی جبکہ پارٹی رہنمائوں اور اراکین اسمبلی سے بھی ملتے رہے. نواز شریف دوران رہائی نو بار ہسپتال تو گئے لیکن ٹیسٹ کروا کر واپس آتے رہے ان کی ایک ہی ضد تھی کہ پاکستان میں میرا علاج نہیں ہو سکتا.نواز شریف طبی معائنے کیلئے شریف میڈیکل سٹی میں آٹھ بار اور الرازی ہسپتال میں ایک بار گئے،نواز شریف کا نیفرولوجسٹ، کارڈیالوجسٹ اورنیورولوجسٹ نےطبی معائنہ کیا .پنجاب کے ہسپتالوں اور ڈاکٹروں‌ پر عدم اعتماد کے بعد آغا خان ہسپتال کراچی کے ڈاکٹرز کی خصوصی ٹیم نے بھی نواز شریف کا طبی معائنہ کیا اور انکو ذہنی دباؤ نہ لینے کا مشورہ دیا ،ضمانت پر رہائی کی معیاد ختم اور سپریم کورٹ کی جانب سے توسیع نہ ملنے پرسابق وزیر اعظم نواز شریف کو کل دوبارہ کوٹ لکھپت جیل میں قید کردیا جائے گا۔

جیل منتقلی کے موقع پر ن لیگ نے نواز شریف سے اظہار یکجہتی کیلئے 10 کیمپ لگانے کا فیصلہ کیا ہے۔ اس حوالہ سے مسلم لیگ ن کا ایک اجلاس ماڈل ٹاون میں آج ہو گا. جس کی‌صدارت حمزہ شہباز کریں گے. نواز شريف سے اظہار یکحيہتی کے لئے مختلف مقامات پر 10 کيمپ لگائے جائیں گے، مسلم لیگ ن نے پٹرول کی قيمتوں ميں اضافے کے خلاف صوبائی دارالحکومت لاہور ميں بينرز آويزاں کرنيکا بھی فيصلہ کیا ہے۔ ترجمان مسلم لیگ نون مریم اورنگ زیب نے سماجی رابطے کی ویب سائٹ ٹویٹر پر ٹویٹ کرتے ہوئے کہا ہے کہ وزیر اعظم ایک گھنٹہ تقریر کرنے کے بجائے پارلیمنٹ میں صرف ایک منٹ کے لئے آکر یہ وضاحت دیں کہ رمضان سے قبل عوام پر پٹرول بم کیوں گرایا گیا ؟ مریم اورنگ زیب نے سوال اٹھایا کہ ملک کو کس دام میں آئی ایم ایف میں گروی رکھوایا ؟ آئی ایم ایف کے ملازم کو کیوں راتوں و رات سٹیٹ بنک کا گورنر لگایا ؟

پنجاب اسمبلی میں اپوزیشن لیڈر حمزہ شہباز کی ضمانت خارج کروانے کے خلاف نیب نے تیاری کر لی.

باغی ٹی وی کی رپورٹ کے مطابق نیب نے مسلم لیگ ن کے رہنما حمزہ شہباز کے خلاف چارج شیٹ تیار کر لی ہے. حمزہ شہباز نے اثاثہ جات اور مبینہ منی لانڈرنگ کیس میں لاہور ہائیکورٹ سے ضمانت کروا رکھی ہے. نیب نے ضمانت کی منسوخی کے لئے تیاری کر لی ہے. نیب آئندہ سماعت پر عدالت کو حمزہ شہباز سے کی جانے والی تحقیقات سے بھی آگاہ کرے گا، اور تحقیقات میں عدم تعاون کا بھی عدالت کو بتایا جائے گا.

پنجاب کے صوبائی وزیر اطلاعات صمصام بخاری نے سابق صدر جنرل پرویز مشرف کے بلدیاتی نظام کی تعریف کرتے ہوئے کہا ہے کہ مشرف کے بلدیاتی سسٹم نے زیادہ بہتر طور پر ڈیلیور کیا،بلدیاتی نظام مضبوط ہوتا تو اسمبلیوں پر کرپشن کے نشان نہ ہوتے.

باغی ٹی وی کی رپورٹ کے مطابق پنجاب کے صوبائی وزیر اطلاعات صمصام بخاری نے کہا کہ پنجاب میں تاریخ کا بہترین لوکل باڈیز سسٹم لا رہے ہیں ، پی ٹی آئی صاف و شفاف بلدیاتی نمائندے سامنے لائے گی ، پنچایت سسٹم اور نیبرہڈ کونسلز مکمل با اختیار ہوں گی ،نیا بلدیاتی سسٹم کسی لحاظ سے آڈٹ سے مبرا نہیں ہوگا ،چیک اینڈ بیلنس یقینی بنائیں گے،کوئی انگلی نہیں اٹھا سکے گا . وزیر اطلاعات نے مزید کہا کہ نواز لیگ اور پیپلز پارٹی نے کبھی بلدیاتی نظام میں دلچسپی نہیں لی ، اپوزیشن جماعتیں ہر قیمت پر اپنی کرپشن بچانا چاہتی ہیں ، صوبائی وزیر صمصام بخاری نے مزید کہا کہ رمضان المبارک میں کسی کو مہنگائی کی اجازت نہیں دیں گے ،وزرا کی ڈیوٹیاں لگ گئی ہیں،کوتاہی پر انتظامیہ ذمے دار ہوگی.

پنجاب اسمبلی کی سپیشل کمیٹی نے ڈی جی فوڈ اتھارٹی کو طلب کر لیا، اجلاس میں عبدالعلیم خان اور خواجہ سلمان رفیق بھی شریک ہوں گے

باغی ٹی وی کی رپورٹ کے مطابق پنجاب اسمبلی کی اسپیشل کمیٹی 4 کا اجلاس آج ہوگا ،خصوصی کمیٹی کے اجلاس کی صدارت وزیر قانون راجہ بشارت کریں گے ،کمیٹی کا اجلاس مسلم لیگ ق کے رہنما سپیکر پنجاب اسمبلی چودھری پرویز الہیٰ کی ہدایت پر طلب کیا گیا ہت ،پرویز الہیٰ نے فوڈ اتھارٹی کی جانب سے کئے جانے والے جرمانوں پر اظہار برہمی کیا تھا. سپیشل کمیٹی کے اجلاس میں ڈی جی فوڈ اتھارٹی جرمانوں کے حوالہ سے جواب دیں گے. اجلاس میں پنجاب فوڈ اتھارٹی کے دیگرمعاملات بھی زیر بحث آئیں گے.

واضح رہے کہ پنجاب اسمبلی کے ایک اجلاس میں سپیکرپنجاب اسمبلی پرویز الٰہی نے پنجاب فوڈ اتھارٹی کے جرمانوں پر اظہار برہمی کرتے ہوئے استفسار کیا تھا کہ ڈی جی فوڈ اتھارٹی کس اختیار کے تحت چھاپے مارتے ہیں، کس اختیار کے تحت لاکھوں روپے کے جرمانے کرتے ہیں؟ فوڈ اتھارٹی والے صوبے کا نقصان کررہے ہیں، کیا جنگل کا قانون ہے کہ کوئی پوچھنے والا نہیں .