Category: لاہور

آج 23 دسمبر کو برصغیر کی مشہور و مقبول گلوکارہ، "ملکہ ترنم” نورجہاں کی 24ویں برسی منائی جا رہی ہے۔ نورجہاں، جن کا اصل نام اللہ وسائی تھا، 1926 میں قصور، پنجاب کے ایک موسیقار خاندان میں پیدا ہوئیں۔ انہوں نے اپنے فنی سفر کا آغاز نو برس کی عمر میں کلکتہ سے بطور چائلڈ سنگر کیا اور جلد ہی اپنی آواز اور گائیکی کے منفرد انداز سے ایک نئی پہچان حاصل کر لی۔

پیدائش کے وقت نور جہاں کی خالہ نے نومولود بچے کے رونے کی آواز سن کر کہا، اس بچے کے رونے میں موسیقی ہے۔ نورجہاں کے والدین تھیٹر میں کام کرتے تھے۔ گھر میں فلمی ماحول کی وجہ سے نور جہاں بچپن سے ہی موسیقی کی طرف مائل تھیں،نور جہاں نے فیصلہ کیا کہ وہ بطور پلے بیک سنگر اپنی شناخت بنائیں گی۔ ان کی والدہ نے نورجہاں کے ذہن میں موسیقی کی طرف بڑھتے ہوئے جھکاؤ کو پہچان لیا، اس راستے پر آگے بڑھنے کی ترغیب دی اور گھر پر موسیقی سیکھنے کا انتظام کیا۔

نور جہاں نے موسیقی کی ابتدائی تعلیم کجن بائی سے اور کلاسیکی موسیقی کی تعلیم استاد غلام محمد اور استاد بڑے غلام علی خان سے حاصل کی، 1930 میں نور جہاں کو انڈین پکچر کے بینر تلے بننے والی خاموش فلم ’ہند کے تارے‘ میں کام کرنے کا موقع ملا، کچھ عرصے بعد ان کا خاندان پنجاب سے کلکتہ چلا گیا، اس عرصے کے دوران انہیں تقریباً 11 خاموش فلموں میں اداکاری کرنے کا موقع ملا، 1931 تک نور جہاں نے بطور چائلڈ آرٹسٹ اپنی پہچان بنا لی تھی۔ 1932 میں ریلیز ہونے والی فلم ششی پنوں نورجہاں کے سینما کیرئیر کی پہلی ٹاکی فلم تھی، اس عرصے میں نورجہاں نے کوہ نور یونائیٹڈ آرٹسٹ کے بینر تلے بننے والی کچھ فلموں میں کام کیا۔ کولکتہ میں ان کی ملاقات فلم پروڈیوسر پنچولی سے ہوئی،پنچولی نے نورجہاں کو فلم انڈسٹری کی ابھرتی ہوئی اسٹار کے طور پر دیکھا اور انہوں نے انہیں اپنی نئی فلم گل بکاولی کے لیے منتخب کیا،اس فلم کے لیے نورجہاں نے اپنا پہلا گانا ’سالا جوانیاں مانے اور پنجرے دے وچ‘ ریکارڈ کروایا۔ تقریباً تین سال کولکتہ میں رہنے کے بعد نور جہاں واپس لاہور چلی گئیں۔ وہاں ان کی ملاقات مشہور موسیقار جی اے چشتی سے ہوئی، جو اسٹیج پروگراموں میں موسیقی دیا کرتے تھے۔ انہوں نے نورجہاں کو اسٹیج پر گانے کی پیشکش کی جس کے بدلے میں نورجہاں کو فی گانا ساڑھے سات آنہ دیا گیا۔ ان دنوں ساڑھے سات آنہ اچھی رقم سمجھی جاتی تھی۔1939 میں پنچولی کی میوزیکل فلم گل بکاولی کی کامیابی کے بعد نور جہاں فلم انڈسٹری کی ایک مقبول شخصیت بن گئیں۔ اس کے بعد سنہ 1942 میں پنچولی کی پروڈیوس کردہ فلم خاندان کی کامیابی کے بعد نور جہاں نے بطور اداکارہ فلم انڈسٹری میں اپنی جگہ بنائی۔

نورجہاں نے اپنی زندگی کے 35 سال سے زائد عرصے تک پاکستان اور ہندوستان کی فلم انڈسٹری پر اپنی آواز کا جادو چلایا اور اپنے دور کی سب سے اہم گلوکارہ کے طور پر شہرت حاصل کی۔ انہوں نے اردو، پنجابی، سندھی اور دیگر زبانوں میں تقریباً 10,000 گانے ریکارڈ کیے، جو آج بھی موسیقی کی دنیا میں اہم مقام رکھتے ہیں۔1965 کی پاک بھارت جنگ کے دوران، نورجہاں کے ملی نغموں نے پاکستانی عوام اور فوج میں ایک نیا جوش و جذبہ پیدا کیا۔ ان کے گانے "ہمتِ مردانہ”، "دل دل پاکستان” اور دیگر نغمے آج بھی پاکستان کی تاریخ کا ایک ناقابلِ فراموش حصہ ہیں۔ ان کی آواز نے فوجیوں میں حوصلہ پیدا کیا اور عوامی جذبات کو مضبوط کیا۔

نورجہاں کی فنی زندگی میں بے شمار ایوارڈز اور اعزازات شامل ہیں۔ 1957 میں انہیں بہترین گلوکاری اور اداکاری کے لیے صدر پاکستان ایوارڈ سے نوازا گیا۔ اس کے علاوہ، انہوں نے نگار ایوارڈ، پرائیڈ آف پرفارمنس، لائف ٹائم اچیومنٹ ایوارڈ، ستارہ امتیاز، پی ٹی وی لائف ٹائم اچیومنٹ ایوارڈ اور ملینیم ایوارڈ جیسے اہم اعزازات بھی اپنے نام کیے۔ان کے گانے نہ صرف پاکستان بلکہ دنیا بھر میں سنے جاتے ہیں، اور ان کا اثر آج بھی موجود ہے۔ نورجہاں کی آواز کی مٹھاس اور گائیکی کے جذباتی رنگ ہمیشہ ان کے مداحوں کے دلوں میں زندہ رہیں گے۔

2000 میں آج ہی کے دن نورجہاں کراچی میں انتقال کر گئیں اور انہیں رمضان المبارک کی ستائیسویں رات کو دفن کیا گیا۔ ان کی وفات ایک ایسا لمحہ تھا جس سے پاکستانی قوم اور موسیقی کی دنیا ہمیشہ کے لیے غمگین ہو گئی۔نورجہاں کا فن اور ان کی شخصیت آج بھی مداحوں کے دلوں میں زندہ ہیں۔ ان کی آواز کی جادوگری، ان کے ملی نغمے اور ان کی بے شمار موسیقی کی تخلیقات انہیں ہمیشہ یاد رکھا جائے گا۔ ان کی برسی پر مداحوں نے انہیں خراج عقیدت پیش کیا اور ان کی یاد میں محافل منعقد کیں، جہاں ان کے گانے سن کر لوگوں نے اپنے پسندیدہ گانے دوبارہ سنے۔نورجہاں کا نام ہمیشہ گلوکاری کی دنیا میں ایک سنہری باب کے طور پر زندہ رہے گا اور ان کی گائیکی ہمیشہ نسلوں تک منتقل ہوتی رہے گی۔

پاکستان کے معروف ،سینئر صحافی، اینکر پرسن مبشر لقمان نے انکشاف کیا ہے کہ ہم ٹی وی میں درید قریشی کے بعد نئے سی ای او آ رہے ہیں،

سماجی رابطے کی ویب سائٹ ایکس پر ایک پوسٹ میں سینئر صحافی و اینکر پرسن مبشر لقمان نے ہم ٹی وی کے سی ای او درید قریشی کے بارے میں نیک خواہشات کا اظہار کیا اور کہا کہ وہ ہم ٹی وی چھوڑنے کی تیاری کر رہے ہیں درید قریشی نے ٹیلی ویژن انڈسٹری کو ایک جدید کاروباری نقطہ نظر سے چلایا، جس سے یہ ثابت ہوا کہ ٹی وی کو ایک کارپوریٹ ہاؤس کی طرح چلایا جا سکتا ہے۔درید قریشی نے ٹی وی انڈسٹری میں شفافیت لاتے ہوئے کاروبار کو قانونی طور پر مستحکم کیا اور کمپنی کے لیے اضافی آمدنی کے نئے ذرائع تخلیق کیے۔درید قریشی کا فیصلہ کمپنی سے دستبردار ہونے کا ایک سنگ میل ہے، کیونکہ اس سے ہم ٹی وی میں آئندہ کچھ بڑی تبدیلیاں آ سکتی ہیں۔ تاہم اس دوران کمپنی کی ساخت میں کچھ معمولی تبدیلیاں کی جائیں گی، لیکن یہ کوئی بڑی تبدیلی نہیں ہو گی۔

مبشر لقمان نے مزید بتایا کہ ہم ٹی وی نے اپنے نئے سی ای او کا انتخاب کر لیا ہے، جو جلد ہی اپنے عہدے کا چارج سنبھال لیں گے۔ اطلاعات کے مطابق، نئے سی ای اوکا تقرر جولائی 2025 تک مکمل ہو جائے گا اور وہ اس دوران درید قریشی کی جگہ کمپنی کی قیادت سنبھالیں گے۔

درید قریشی کے استعفے اور نئے سی ای اوکی تقرری کے اعلان کے بعد ہم ٹی وی میں نئی تبدیلیوں کا امکان ہے، جو کمپنی کو مزید مستحکم اور کامیاب بنانے کی جانب ایک قدم اور آگے بڑھنے میں معاون ثابت ہو سکتی ہیں۔

لاہور بیورو کیخلاف بغاوت کی خبر کیسےباہر آئی؟ اکرم چوہدری سیخ پا،ذاتی کیفے میں اجلاس میں تلخی

اکرم چوہدری کی نااہلی،چینل مالک خودمتحرک،اہم ہدایات

اکرم چوہدری کی مذہبی منافرت پھیلانے کی کوشش ،ہم نے چینل ہی چھوڑ دیا،ایگریکٹو پروڈیوسر بلال قطب

وزیراعلیٰ پنجاب مریم نواز نے پاراچنار کے عوام کو ادویات کی فراہمی کا وعدہ پورا کردیا۔

باغی ٹی وی کے مطابق مریم نواز نے پاراچنار کے عوام کے رابطہ کرنے پر 19 دسمبر کو کابینہ اجلاس میں ادویات اور دیگر ضروری سامان بھجوانے کی ہدایت کی تھی، صوبائی وزرائے صحت خواجہ سلمان رفیق، خواجہ عمران نذیراورسیکرٹری ایمرجنسی سروسز ڈاکٹر رضوان نصیر نے ادویات کی پاراچنار منتقلی کے عمل کی نگرانی کی۔وزیر اعلیٰ پنجاب مریم نواز کی ہدایت پر ادویات اور ضروری سامان سمیت41ضروری آئٹمز کی دوسری کھیپ پارا چنا روانہ کردی گئی، وزیر اعلیٰ مریم نواز نے مزید 5 ٹرک کی فراہمی کیلئے ضروری اقدامات کا حکم دے دیا۔حکام کے مطابق مزید ادویات پاراچنار بھجوائی جارہی ہیں، ضروری ادویات میں انسولین، کتے کے کاٹنے کی ویکسین، جان بچانے والی دیگر ادویات اور ضروری سامان سمیت24 آئٹمز شامل ہیں، اب تک ضروری ادویات کے 12 بڑے کاٹن پاراچنار پہنچ چکے ہیں جبکہ مزید ادویات کی ترسیل کے انتظامات مکمل کرلیے گئے ہیں۔وزیر اعلی مریم نوازشریف کی ہدایت پرپاراچنار کی بزرگ مریضَہ کو فوری آپریشن کے لئے پنجاب ایئرایمبولینس سروس کے ذریعے اسلام آباد منتقل کردیا گیا، ضلع کرم سے تعلق رکھنے والی 60 سالہ مریضَہ کے بیٹے ذیشان حید ر نے وزیر اعلیٰ مریم نوازشر کا شکریہ ادا کیا اور ایئر ایمبولینس سروس کو سراہا۔مریم نواز نے کہا کہ کرم کے عوام مشکل میں ہیں، یہ سیاست نہیں خدمت کا وقت ہے ،دعا ہے حالات جلد نارمل ہوں اور زندگی اپنی معمولات کی طرف لوٹ آئے، پارا چنار کے عوام ہمارے اپنے ہیں، مصیبت اور مشکل میں تنہا نہیں چھوڑ سکتے، عوام کی ضرورت کے مطابق موبائل ہیلتھ یونٹ بھی کرم بھیجا جائے گا۔ان کا کہنا تھا کہ ضرورت پڑی تو مزید مریضوں کو پاراچنار سے ایئر ایمبولینس سروس کے ذریعے راولپنڈی منتقل کیا جائے گا، قائد نوازشریف نے مجھے خصوصی طور پر پاراچنار کے لوگوں کی مدد کی ہدایت کی ہے، پارا چنار کے بہن بھائیوں کی ہر ممکن مدد فراہم کی جائے گی۔ ایئر ایمبولینس سروس شروع کرنے کا مقصد ہی بروقت اور جلد امداد کی فراہمی تھا، مصیبت زدہ لوگوں کی مدد ہمارا نصب العین ہے۔

آن لائن فراڈ سے شہری پریشان، اذیت کا شکار ہوگئے

ایک اور ملک کا ٹک ٹاک پر پابندی کا اعلان

سندھ حکومت کا صوبے کے اسکولوں کو سولرائزڈ کرنے کا اعلان

عمران خان شوکت خانم ڈونر کے پیسے کھاتا ہے، خواجہ آصف

لاہور: وفاقی وزیر اطلاعات عطا اللہ تارڑ نے کہا ہے کہ سیاست کی آڑ میں ملک پر حملے نہیں ہونے دیں گے، ہمارے امن و سکون سے سونے کے پیچھے قربانیوں کی داستان ہے،پی ٹی آئی نے دفاعی تنصیات پر حملے کر کے دشمن کا خواب پورا کیا-

باغی ٹی وی : وفاقی وزیر اطلاعات عطا اللہ تارڑ نے عوامی اجتماع سے خطاب کرتے ہوئے کہا کہ پاکستان ہے تو ہم سب ہیں، 9 مئی کے 25 ملزمان کو کل سزا دی گئی ہے کیونکہ انہوں نے ملکی دفاعی تنصیبات پر حملے کیے تھے اور پاکستان کی سالمیت کو نقصان پہنچا نے کی کوشش کی، شہدا نے ملک کے لیے اپنی جان کا نذرانہ دیا، اور ہمارے امن و سکون سے سونے کے پیچھے قربانیوں کی داستا ن ہے سیاست تہذیب و تمدن کے دائرے میں رہ کر کرو، اور اختلاف سیاستدانوں سے کرو شہدا سے تمہاری کیا دشمنی ہے، تم نے دفاعی تنصیات پر حملے کر کے دشمن کا خواب پورا کیا۔

عطا اللہ تارڑ نے کہا کہ سیاسی دہشت گردی نہیں چل سکتی اور 9 مئی کے ماسٹر مائنڈ کو بھی سزا ہو گی کیونکہ 9 مئی ناقابل معافی جرم ہے ہم سیاسی لوگ ہیں مذاکرات کے قائل ہیں جبکہ ہم بات کرنا جانتے اور چاہتے بھی ہیں تاہم سیاست کی آڑ میں ملک پر حملے نہیں ہونے دیں گے پی ٹی آئی نے باہر لابیز ہائیر کیں اور ملک کے خلاف ٹرینڈ چلائے سیاسی جماعتیں بعد میں ہیں ملک پہلے ہے۔

بجلی بلوں سے متعلق بات کرتے ہوئے عطا تارڑ نے کہا کہ گرمیوں میں وزیر اعظم نے بجلی بلوں میں 50 ارب روپے کی سبسڈی دی اور وزیر اعلیٰ پنجاب مریم نواز نے بجلی بلوں میں 45 ارب روپے کی سبسڈی دی تھی اور ابھی بجلی بلوں پر ونٹر پیکج بھی لے کر آئے ہیں، ہم نے جو وعدے کیے ان کی تکمیل ہو رہی ہے اور مہنگائی ہمیشہ ن لیگ کے دور میں کم ہوئی ہے جب کہ ہمیشہ ترقی بھی ن لیگ کے دور میں ہوتی ہے دوست ممالک پاکستان میں اربوں روپے کی سرمایہ کاری کر رہے ہیں، کیونکہ دوست ممالک کو پاکستان کی قیادت پر اعتماد ہے۔

لاہور: جماعت اسلامی پاکستان کے امیر حافظ نعیم الرحمان نے کارکنان کو بڑی کال کے لیے تیار رہنے کی ہدایت کی ہے-

باغی ٹی وی : امیر جماعت اسلامی حافظ نعیم الرحمان نے کہا کہ 26ویں ترمیم کے بعد عدلیہ اور جج حکمرانوں کے انگوٹھے کے نیچے آ گئے ہیں جبکہ ملک میں غریب کو انصاف نہیں ملتا اور لاکھوں مقدمات زیر التوا ہیں،جماعت اسلامی عدل کے نظام کے قیام کے لیے جدوجہد کر رہی ہے۔

حافظ نعیم الرحمان کا کہنا تھا کہ حکومت کو بتا دیا ہے بجلی کی قیمتیں کم کرو ورنہ سڑکوں پر آئیں گے اورعوامی مسائل کے حل کے لیے احتجاج جاری رہے گا کارکنان بڑی کال کے لیے تیار رہیں اور گلی محلوں کی سطح پر کمیٹیاں تشکیل دی جائیں، کسانوں کے مسائل کے حل کے لیے 25دسمبر سے تحریک کا آغاز کر رہے ہیں، حکومت جاگیرداروں پر ٹیکس عائد کرے اور چھوٹے کسانوں کو ریلیف دے۔

پاکستان کی مشہور ٹک ٹاکر اور سوشل میڈیا ایکٹوسٹ مناہل ملک، نے نازیبا ویڈیو وائرل ہونے کے بعد دوبارہ سوشل میڈیا پر اپنی سرگرمیاں شروع کر دی ہیں۔

گزشتہ ماہ مناہل ملک کی مبینہ نامناسب ویڈیوز سوشل میڈیا پر وائرل ہو گئیں، جس کے بعد ان کی شہرت میں کچھ مشکلات آئیں اور انہوں نے سوشل میڈیا سے مکمل طور پر کنارہ کشی کا اعلان کیا تھا۔ ان ویڈیوز کے پھیلنے کے بعد، مناہل ملک نے اپنے مداحوں سے معافی مانگتے ہوئے کہا تھا کہ وہ لوگوں کے رویوں سے اتنی تنگ آ چکی ہیں کہ وہ اندر سے مر چکی ہیں اور اس صورتحال نے ان کو سوشل میڈیا کو چھوڑنے پر مجبور کر دیا تھا۔اس دوران، مناہل ملک نے اپنی ذہنی صحت اور ذاتی زندگی کی اہمیت پر بھی بات کی تھی اور اپنے مداحوں سے درخواست کی تھی کہ وہ ان کے فیصلے کا احترام کریں۔ ان کا کہنا تھا کہ ’’میں نے جو فیصلہ کیا وہ میری ذاتی بہتری کے لیے تھا اور میں چاہتی ہوں کہ اس مشکل وقت میں مجھے اکیلا چھوڑا جائے۔‘‘

لیکن حالیہ دنوں میں، مناہل ملک نے اپنے انسٹاگرام سٹوری پر ایک پیغام جاری کیا، جس میں انہوں نے سوشل میڈیا پر دوبارہ واپس آنے کا اعلان کیا۔ مناہل ملک نے کہا کہ ’’کبھی کبھی انسان کو تھوڑا وقفہ لینا پڑتا ہے تاکہ وہ اپنی زندگی اور سمت کا دوبارہ جائزہ لے سکے، لیکن اب میں واپس آ چکی ہوں اور نئی توانائی کے ساتھ کام کرنے کے لیے تیار ہوں۔‘‘مجھے امید ہے کہ آپ سب خیر خیریت سے ہوں گے، بہت لوگوں سے غلطیاں ہوتی ہیں لیکن سب نے بس میری غلطیوں کو دیکھا، یہ نہیں دیکھا کہ میں کیسی انسان ہوں،خیر میری وجہ سے میرے فینز بہت ڈسٹرب تھے کہ مناہل تم کو واپس آنا ہوگا اور میری فیملی بھی کہتی تھی کہ مجھے واپس آنا چاہیے، یہ دُنیا کسی کو جینے نہیں دے گی، بس شریف وہ ہیں جن کے گناہ چھپے ہوئے ہیں،مجھے اس کی کوئی پرواہ نہیں کہ کوئی میرے بارے میں کیا سوچ رہا ہے، مجھے بہت لوگ باتیں کریں گے لیکن اب میں وہ مناہل ہوں جو بہت مضبوط ہے، اس کو کسی کی بکواس باتوں سے اب فرق نہیں پڑتا،

مناہل ملک کی واپسی کے اعلان نے سوشل میڈیا پر ہلچل مچا دی ہے اور ان کے مداحوں نے خوشی کا اظہار کیا ہے۔ مناہل ملک نے اپنی واپسی کے ساتھ ہی یہ بھی واضح کیا کہ وہ اب اپنی سوشل میڈیا سرگرمیوں کو زیادہ محتاط اور مثبت انداز میں جاری رکھیں گی۔ان کی واپسی نے ایک بار پھر یہ ثابت کیا کہ سوشل میڈیا کی دنیا میں اتار چڑھاؤ آنا معمول کی بات ہے، اور کئی بار اس میں ایک نئی شروعات کی ضرورت ہوتی ہے۔ مناہل ملک کی یہ واپسی اس بات کا بھی غماز ہے کہ ذاتی زندگی اور ذہنی سکون کی اہمیت کو تسلیم کیا جانا چاہیے، اور کسی بھی مشکل کا سامنا کرنے کے بعد انسان کو خود کو دوبارہ کھڑا کرنے کا حق حاصل ہے۔

طیارے میں جوڑےکا "جنسی عمل”فلائٹ کریو نے ویڈیو لیک کر دی

ٹک ٹاکر مریم فیصل کی بھی نازیبا ویڈیو لیک

ٹک ٹاکر کنول آفتاب کی بھی "نازیبا” ویڈیو لیک

برہنہ ویڈیو لیک کا سلسلہ نہ تھم سکا، ایک اور ٹک ٹاکر کی ویڈیو لیک

17 ملین سے زائد لائکس والی ٹک ٹاکر سومل کی بھی نازیبا ویڈیو لیک

ویڈیو لیک کا خطرہ،بچاؤ کیسے؟آپ کی حفاظت آپ کے اپنے ہاتھ میں

ٹک ٹاکرز خواتین کی نازیبا ویڈیو لیک،کاروائی کیوں نہیں ہو رہی

ٹک ٹاکر مسکان چانڈیو کی بھی نازیبا،برہنہ ویڈیو لیک

پاکستان مرکزی مسلم لیگ کے ترجمان تابش قیوم نے امریکہ کی جانب سے پاکستان کے میزائل پروگرام پر لگائی گئی پابندیوں اور امریکی ڈپٹی نیشنل سیکیورٹی ایڈوائزر جوناتھن فائنر کے حالیہ بیان کی سخت مذمت کرتے ہوئے کہا ہے کہ امریکہ ماضی میں بھی پاکستان کی محب وطن شخصیات پر پابندیاں اور قومی سلامتی کے معاملات میں مداخلت کی کوشش کرتا رہا ہے، امریکہ کی جانب سے بھارتی جنگی جنون، کشمیر میں ریاستی جبروظلم اور بھارت میں جوہری مواد کی مسلسل چوری پر تو کبھی کوئی عملی اقدام نہیں کیا گیا، پاکستان کے میزائل پروگرام کے خلاف حالیہ جھوٹے پروپیگنڈے اور پابندیوں کے پیچھے بھارت اور اسرائیل کا گٹھ جوڑ کارفرما ہے۔

تابش قیوم کا مزید کہنا تھا کہ پاکستان مرکزی مسلم لیگ نے دو سال پہلے ہی اس خطرے سے آگاہ کر دیا تھا کہ پاکستان کے میزائل اور ایٹمی پروگرام کے خلاف سازشیں جاری ہیں، اور آج یہ بات کھل کر سامنے آگئی ہے۔28مئی 2023 کو مینارِ پاکستان گراؤنڈ اور 28 مئی 2024 کو لیاقت باغ راولپنڈی میں منعقدہ تاریخی تکبیر کانفرنسز کے ذریعے پاکستان مرکزی مسلم لیگ نے عوامی سطح پر ایٹمی پروگرام کے دفاع کی مہم چلائی۔پاکستان مرکزی مسلم لیگ واضح کرتی ہے کہ پاکستان ایک ذمہ دار ایٹمی ریاست ہے اور اپنے دفاع اور خودمختاری پر کسی بھی قسم کا سمجھوتہ نہیں کرے گا، ترجمان تابش قیوم نے مزید کہا کہ ایٹمی پروگرام کے خلاف اندرونی اور بیرونی سازشوں کے خلاف پاکستان مرکزی مسلم لیگ سیسہ پلائی دیوار بن کر کھڑی ہے، اور اس ضمن میں ملک گیر تحریک چلانے پر بھی غور کیا جا رہا ہے۔

پاکستانی میزائل پروگرام،امریکی دھمکیاں،قوم یکجا

میزائل پروگرام،پابندیاں،امریکہ پاکستانی خود مختاری کا پاس رکھے،تجزیہ:شہزاد قریشی

پاکستانی میزائل پروگرام سے امریکہ بھی محفوظ نہیں، نائب مشیر قومی سلامتی امریکہ

میزائل پروگرام،امریکی پابندیاں پاکستانی خود مختاری پر حملہ

ہم اپنے دفاع اور خودمختاری پر کسی بھی قسم کا سمجھوتہ نہیں کریں گے،مرکزی مسلم لیگ
پاکستان کا میزائل اور ایٹمی پروگرام ہمارے امن اور تحفظ کی ضمانت ہے،پاکستان کے میزائل پروگرام کے خلاف امریکی پابندیوں پر پاکستان مرکزی مسلم لیگ نے اعلامیہ جاری کیا ہے جس میں کہا گیا ہے کہ امریکہ ماضی میں بھی پاکستان کی محب وطن شخصیات پر پابندیاں اور قومی سلامتی کے امور میں مداخلت کی کوشش کرتا رہا ہے۔ پاکستان مرکزی مسلم لیگ، پاکستان کے میزائل پروگرام پر امریکی پابندیوں اور امریکی ڈپٹی نیشنل سیکیورٹی ایڈوائزر جوناتھن فائنر کے بیان کی شدید مذمت کرتی ہے۔ امریکہ نے بھارتی جنگی جنون، کشمیر میں ریاستی جبروظلم اور ہندوستان میں جوہری مواد کی مسلسل چوری کے خلاف کبھی کوئی اقدامات نہیں کیے۔ پاکستان کے میزائل پروگرام کے خلاف جھوٹے پروپیگنڈے اور پابندیوں کے پیچھے بھارت-اسرائیل گٹھ جوڑ کارفرما ہے۔ پاکستان مرکزی مسلم لیگ نے اس خطرے سے دو سال پہلے آگاہ کیا تھا کہ پاکستان کے میزائل اور ایٹمی پروگرام کے خلاف سازشیں ہو رہی ہیں۔ اور ابھی وہ بات کھل کر سامنے بھی آ گئی ہے، پاکستان مرکزی مسلم لیگ نے 28 مئی 2023 کو مینارِ پاکستان گراؤنڈ اور 28 مئی 2024 کو لیاقت باغ راولپنڈی میں تاریخی تکبیر کانفرنس منعقد کیں اور پورے ملک میں عوامی سطح پر پاکستان کے ایٹمی پروگرام کے دفاع کے لیے مہم چلائی ہم یہ باور کروا دینا چاہتے ہیں کہ پاکستان ایک ذمہ دار ایٹمی ریاست ہے اور ہم اپنے دفاع اور خودمختاری پر کسی بھی قسم کا سمجھوتہ نہیں کریں گے۔ ایٹمی پروگرام کے خلاف کسی بھی اندرونی و بیرونی سازش کے خلاف پاکستان مرکزی مسلم لیگ سیسہ پلائی دیوار بن کر کھڑی ہو گی اور اس کیلئے ملک گیر تحریک چلانے پر بھی غور کر رہے ہیں۔ امریکہ میں موجود صیہونی اور بھارتی لابی، ٹرمپ انتظامیہ کو گمراہ کر کے پاک-امریکہ تعلقات کو خراب کرنا چاہتی ہے۔ پاکستان کے اندرونی سیاسی معاملات میں مداخلت اور پاکستانی کمپنیوں پر پابندی سے ظاہر ہوتا ہے کہ ٹرمپ انتظامیہ کو گمراہ کرنے اور خطے کی سیکیورٹی صورتحال کو متاثر کرنے کیلئے بہت سی اندرون اور بیرونی ملک دشمن قوتیں سرگرم ہیں ۔ پاکستان کا ایٹمی پروگرام بھارتی جارحیت کے مقابلے میں دفاع اور خطے میں طاقت کے توازن کو برقرار رکھنے کے لیے ہے، ماضی میں بھی پاکستان کے میزائل پروگرام پر تنقید اور پروپگنڈا کیا جاتا رہا ہے جبکہ یہ بات واضح ہے کہ پاکستان کے جوہری ہتھیار اور میزائل نہ غیر محفوظ ہیں اور نہ ہی ان کا ہدف کوئی مخصوص ملک ہے۔ پاکستانی عوام قومی خودمختاری اور دفاع پر کسی قسم کا سمجھوتہ قبول نہیں کرے گی۔ پاکستان مرکزی مسلم لیگ یہ سمجھتی ہے کہ یہ کمزور حکومت کی ناکامی ہے جو دنیا کی بدلتی صورتحال میں پاکستان کا مقدمہ لڑنے میں ناکام ہو رہی ہے۔ جب وزیر دفاع خود اپنی تاریخ اور شناخت کو مسخ کریں گے تو بیرونی قوتوں سے کیا شکوہ کیا جائے، خواجہ آصف کا سلطان محمود غزنوی کو "لٹیرا” کہنا ہندوستان نوازی ہے، جس سے یہ تاثر ملتا ہے کہ موصوف بھارت کے وزیر دفاع ہیں

خواجہ آصف کو وزارت دفاع کے عہدے سے ہٹایا جائے،مرکزی مسلم لیگ

پاکستان مرکزی مسلم لیگ کا ملک گیر ممبر سازی مہم کا باقاعدہ آغاز

حکومت واپوزیشن عوامی مسائل پر توجہ دیں ،خالد مسعود سندھو

پولیوٹیموں پر حملے نہ صرف بزدلانہ بلکہ قومی جدوجہد پر حملہ ہیں،خالد مسعود سندھو

سانحات سے سبق لیتے ہوئے اتحاد و یکجہتی کو فروغ دینا ہوگا۔خالد مسعود سندھو

سرکاری ملازمین کے حقوق کا تحفظ کرنا حکومت کی ذمہ داری ہے۔رانا جبران

احتجاج،مزدور طبقے کے مفادات کو مقدم رکھا جائے،رانا جبران