لاہور: پنجاب حکومت نے عوام کو بجلی کے بلوں سے نجات دلانے کے لیے ایک نیا منصوبہ متعارف کروایا ہے۔ اس منصوبے کے تحت، گھریلو صارفین کو سستے اور آسان اقساط پر سولر سسٹم فراہم کیا جائے گا۔حکومتی ذرائع کے مطابق، اس پروگرام میں شامل ہونے کے لیے کچھ شرائط رکھی گئی ہیں۔ صارفین کو ٹیکس فائلر ہونا ضروری ہے اور ان کے گھر میں صرف ایک بجلی کا میٹر ہونا چاہیے۔ابتدائی طور پر، یہ سہولت 45 لاکھ گھرانوں کو دی جائے گی۔ دلچسپی رکھنے والے صارفین کو اپنا شناختی کارڈ نمبر اور بجلی کے بل کا حوالہ نمبر 8800 پر بھیجنا ہوگا۔
منصوبے کے تحت، 200 یونٹ تک استعمال کرنے والے صارفین کو مفت سولر پینل دیے جائیں گے۔ 200 سے 500 یونٹ استعمال کرنے والوں کو بغیر سود کے قرض دیا جائے گا، جبکہ 500 یونٹ سے زیادہ استعمال کرنے والوں کے لیے حکومت 75 فیصد بلا سود قرض فراہم کرے گی۔حکومت کا کہنا ہے کہ یہ سسٹم ستمبر یا اکتوبر تک نصب ہونا شروع ہو جائیں گے۔ تاہم، بجلی چوری کرنے والے صارفین اس سکیم سے مستفید نہیں ہو سکیں گے۔یہ اقدام ماحول دوست توانائی کو فروغ دینے اور عوام کو بجلی کے بڑھتے ہوئے بلوں سے نجات دلانے کی ایک کوشش ہے۔ حکومت کا خیال ہے کہ اس سے نہ صرف لوگوں کے معاشی بوجھ میں کمی آئے گی، بلکہ ملک کی توانائی کی ضروریات کو پورا کرنے میں بھی مدد ملے گی۔
Category: لاہور
-
پنجاب حکومت کا بڑا اقدام: گھریلو صارفین کو ملے گا سستا سولر سسٹم
-
وزیر اعلیٰ پنجاب نے ٹی وی اینکر عائشہ جہانزیب پر شوہر کےتشدد کا نوٹس لے لیا
وزیر اعلیٰ پنجاب نے ٹی وی اینکر عائشہ جہانزیب پر شوہر کےتشدد کا نوٹس لیتے ہوئے آئی جی سے واقعہ کی رپورٹ طلب کر لی.وزیر اعلیٰ پنجاب ۔ وزیر اعلیٰ مریم نواز شریف نے عائشہ جہانزیب کو بہترین طبی سہولتیں فراہم کرنے کی ہدایت کی۔وزیر اعلیٰ مریم نواز نے کہا کہ خواتین میری ریڈ لائن ہے، گھریلو یا ورکنگ وویمن پر کسی قسم کا تشدد برداشت نہیں کیا جائے گا،
دوسری جانب معروف ٹی وی اینکر پرسن عائشہ جہانزیب پر تشدد کرنے کے کیس میں ان کے شوہر حارث کوتحویل میں لے لیاہے ۔ اینکر پرسن عائشہ جہانزیب کی شکایت پر تھانہ سرور روڈپولیس نے مقدمہ درج کر کے اینکر پرسن کے شوہر کو حراست میں لے لیاہے ،عائشہ جہانزیب نے مؤقف اپنایا کہ شوہر نے رواں سال3 سے4 بار تشدد کا نشانہ بنایا تاہم میاں بیوی کے رشتے کو بچانے کیلئے بڑی کوشش کی، ان کا کہنا تھا کہ شوہر نے خفیہ نکاح کررکھا ہے، مجھے شوہر کے تشدد سے شدید چوٹیں آئی ہیں اور میں قانونی جنگ لڑ رہی ہوں۔ اس سے قبل عائشہ جہانزیب نے اپنی ذاتی زندگی سے متعلق درد ناک انکشافات کرتے ہوئے بتایا تھا کہ ان کے پہلے شوہر جوانی میں انتقال کر گئے تھے، جس کے بعد انہوں نے والدہ کی ضد پر دوسری شادی کی،ان کے مطابق انہوں نے پہلی شادی جہانزیب سے کی تھی، جن سے انہیں بچپن سے محبت تھی، دونوں ایک ساتھ پلے اور بڑھے تھے،
انہوں نے بتایا کہ شوہر کے انتقال کے بعد ان کی والدہ میں بھی کینسر کی تشخیص ہوئی لیکن انہوں نے والدہ کو آخر تک یہ معلوم ہونے نہیں دیا کہ انہیں کیا بیماری لاحق ہے۔ خاتون اینکر کے مطابق شوہر حارث سے جھگڑا ہوا جس پر اس نے تشدد کا نشانہ بنایا، عائشہ نے طبی معائنے کے بعد شوہر حارث کے خلاف جان سے مار دینے کی دفعات کے تحت مقدمہ درج کرا دیا،پولیس کے مطابق عائشہ جہانزیب کے شوہر کے خلاف مقدمہ درج کرلیا گیا ہے، پولیس نے بتایاکہ عائشہ جہانزیب کے شوہر حارث کو گرفتار کر لیا گیا اور تفتیش جاری ہے۔یاد رہے کہ حارث عائشہ جہانزیب کے دوسرے خاوند ہیں جبکہ ان کے پہلے خاوند جہانزیب کا انتقال ہوچکا ہے۔ -
متوسط طبقے کو بجلی کے بلوں میں ریلیف دیا جائے،نواز شریف
مسلم لیگ ن کے قائد نواز شریف نے ہدایت کی ہےکہ مہنگائی پر قابو پا کر عوام کو ریلیف دیا جائے مسلم لیگ ن کے قائد نواز شریف سے ڈپٹی وزیراعظم اسحاق ڈار نے ملاقات کی۔ ملاقات کے دوران قائد ن لیگ نواز شریف نے کہا کہ متوسط طبقے کو بجلی کے بلوں میں ریلیف دیا جائے، انہوں نے اسحاق ڈار کو ہدایت کی کہ مہنگائی پر قابو پا کر عوام کو ریلیف دیا جائے۔ذرائع کے مطابق دونوں رہنماؤں کے درمیان ملاقات میں ملکی سیاسی صورتحال پر تبادلہ خیال کیا گیا، ملاقات میں حکومتی فلاحی اقدامات پر بھی بات چیت کی گئی۔ذرائع کے مطابق ملاقات میں اسحاق ڈار نے اپنے حالیہ غیر ملکی دوروں میں ہونے والی پیش رفت پر بریفنگ دی۔ قائد ن لیگ نے دوست ممالک کے ساتھ تعلقات میں حالیہ پیشرفت پر اطمینان کا اظہار کیا۔
-
مریم نواز کا مزدوروں کے لئے بڑا اعلان
وزیراعلیٰ پنجاب مریم نواز نے ٹیکسلا اور سندر لیبر کالونیوں میں مزدوروں کےلیے 1224 فلیٹ مفت دینے کا اعلان کردیا۔ وزیراعلیٰ پنجاب کی زیر صدارت اجلاس میں لیبر ڈیپارٹمنٹ کی کارکردگی کا جائزہ لیا گیا، اس دوران وزیراعلیٰ کو بتایا گیا کہ گزشتہ دور حکومت میں 29 ہزار ورکرز کو ڈیتھ اور میرج گرانٹ ادا نہیں کی گئی جس پر مریم نواز نے مزدوروں کےلیے 6 ارب روپے کی واجبات الادا، ڈیتھ اور میرج گرانٹ ادا کرنے کا حکم دیا۔ وزیراعلیٰ پنجاب نے اجلاس میں گارمنٹ سٹی میں خواتین ورکرز کےلیے 2 ہاسٹل بنانے کی منظوری دی اور شیخوپورہ میں 704 خواتین ورکرز کو مفت رہائش فراہم کرنے کا فیصلہ بھی کیا گیا ہے جب کہ ٹیکسلا اور سندر لیبر کالونیوں میں مزدوروں کےلیے 1224 فلیٹس مفت دینے کا اعلان بھی کیا،مریم نواز نے محکمہ لیبرمیں اصلاحات، آکوپیشنل سیفٹی اینڈ ہیلتھ اور کم ازکم اجرت کے قوانین پر عملدرآمد کا حکم بھی دیا۔ اجلاس میں گفتگو کرتے ہوئے وزیراعلیٰ نے کہا کہ پنجاب کے ہر مزدور کے حقوق کا تحفظ ہماری ذمہ داری ہے، پنجاب حکومت نے رواں بجٹ میں کم از کم اجرت 37 ہزار روپے مقرر کی ہے، اسٹیک ہولڈرز کو اعتماد میں لے کر کم از کم اجرت نافذ کی جائے۔
-
وہاب ریاض اور عبدالرزاق کی برطرفی پر شاہد آفریدی کا بیان سامنے آگیا
لاہور: قومی ٹیم کے سابق کپتان شاہد آفریدی نے وہاب ریاض اور عبدالرزاق کو سلیکشن کمیٹی سے ہٹائے جانے پر کہا کہ اتنا کھلا چانس کسی کو نہیں ملا جتنا کپتان بابراعظم کو ملا ہے۔
باغی ٹی وی : تفصیلات کے مطابق ورلڈ چیمپئین شپ آف لیجنڈز ٹورنامنٹ میں شریک پاکستانی ٹیم کے رکن شاہد آفریدی نے جنوبی افریقہ کیخلاف میچ کے بعد میڈیا سے گفتگو کرتے ہوئے کہا کہ پاکستان کی تاریخ میں کسی کپتان اتنے موقعے نہیں ملے جتنے بابراعظم کو ملے، ورنہ ہماری روایت ہے کہ میگا ایونٹ میں ناقص فارم کے بعد کپتان پہلے گھر جاتا ہے۔
سلیکشن کمیٹی سے رزاق اور وہاب کی برطرفی سابق کرکٹر نے کا کہنا تھا کہ یہ اقدام تھا جس کو “سرجری” قرار دیا گیا تھا، ایمانداری کے ساتھ یہ سرجری میری سمجھ سے باہر ہےمیں نے مصباح، یونس نے پاکستانی ٹیم کی قیادت کی لیکن اتنے مواقعے کبھی نہیں ملے، اتنا سب کچھ ملنے کے بعد بھی بابراعظم خود کو ثابت نہیں کرسکے۔
واضح رہے کہ قومی کرکٹ ٹیم کی سلیکشن کمیٹی سے وہاب ریاض اور عبدالرزاق کو سبکدوش کردیا گیا،جس کی تصدیق پی سی بی نے بھی کی ہے،پاکستان کرکٹ بورڈ (پی سی بی) کی جانب سے جاری کردہ بیان میں کہا گیا کہ سابق کرکٹرز وہاب ریاض اور عبدالرزاق کو سلیکشن کمیٹی سے ہٹادیا گیا ہے، اب قومی ٹیم کیلئے اِن خدمات کی ضرورت نہیں،دونوں سابق کرکٹرز ٹی20 ورلڈکپ سمیت نیوزی لینڈ اور انگلینڈ دورے کے دوران مینز سلیکشن کمیٹی کے رکن تھے۔
-
حساس ادارے کو فون ٹیپ کرنے کا اختیار لاہور ہائیکورٹ میں چیلنج
لاہور: حساس ادارے آئی ایس آئی کو فون ٹیپ کرنے کا اختیار دینے کو لاہور ہائیکورٹ میں چیلنج کردیا گیا۔
باغی ٹی وی : لاہور ہائیکورٹ میں شہری فہد شبیر کی جانب سے درخواست دائر کی گئی،شہری کی جانب سے دائردرخواست میں وزیراعظم ، وفاقی حکومت اور پاکستان ٹیلی کمیونیکیشن سمیت دیگرکو فریق بنایا گیا ہے۔
درخواست میں موقف اختیار کیا گیا ہے کہ حکومت پاکستان نے ایک نوٹیفکیشن میں آئی ایس آئی کو لوگوں کے فون ٹیپ کرنے کی اجا زت دی ہے، پی ٹی اے ایکٹ کے جس سیکشن کے تحت نوٹیفکیشن جاری کیا گیا ہے اس کے ابھی تک رولز نہیں بنے پاکستا ن کا آئین شہریوں کو پرائیویسی اور آزادی اظہار رائے فراہم کرتا ہے۔
درخواست میں کہا گیا کہ بھارتی سپریم کورٹ کے مطابق بھی لوگوں کے فون ٹیپ کرنا آئین کی خلاف ورزی ہے، عدالت حکومت کا آئی ایس آئی کو فون ٹیپ کرنے کی اجازت دینے کا نوٹیفکیشن غیر قانونی قرار دے اور درخواست کے حتمی فیصلے تک مذکورہ نوٹیفکیشن کی کارروائی معطل کرے، حکومت کو ہدایت جاری کی جائے کہ پی ٹی اے ایکٹ کے سیکشن 56 کے رولز بنائے جائیں۔
-
صدر مملکت کی چودھری شجاعت سے ملاقات، خیریت دریافت کی
صدر مملکت آصف علی زرداری اور وفاقی وزیر داخلہ محسن نقوی گلبرگ میں مسلم لیگ ق کے سربراہ چودھری شجاعت حسین کی رہائش گاہ گئے۔صدر آصف زرداری اور وزیر داخلہ محسن نقوی نے چودھری شجاعت حسین کی عیادت کی اور خیریت دریافت کی، آصف زرداری اور محسن نقوی نے چودھری شجاعت حسین کے لئے نیک خواہشات کا اظہار کیا، ملکی اور سیاسی صورتحال پر بھی تبادلہ خیال کیا گیا۔آصف علی زرداری نے کہا کہ پاکستان کی بہتری اور ترقی کیلئے تمام سٹیک ہولڈرز کو ایک صفحے پر آنا ہو گا، پاکستان ہم سب کا سانجھا ہے، محسن نقوی نے کہا کہ شجاعت حسین سینئر سیاستدان ہیں اور پاکستان کے لئے ان کی گراں قدر خدمات ہیں۔چودھری سالک حسین، چودھری شافع حسین اور چودھری موسیٰ الہٰی بھی اس موقع پر موجود تھے۔
-
ٹی وی نہیں دیکھتا ،میری غیبت ہوتی ہے تو مجھے ثواب ملتا ہے،صدر مملکت
صدر مملکت آصف علی زرداری نے کہا کہ زندگی میں ہر قسم کی آزمائشیں آتی ہیں سامنا کرنا پڑتا ہے، بے نظیر بھٹو نے بھی اپنی زندگی میں آزمائشوں کا سامنا کیا .
وارث میر فاؤنڈیشن کے زیر اہتمام سیمینار سے خطاب کرتے ہوئے صدر مملکت آصف زرداری کا کہنا تھا کہپروفیسر وارث میر دانشور،جمہوریت پسند انسان تھے، پروفیسر وارث میر کی صحافتی خدمات کو ہمیشہ یاد رکھا جائے گا،زندگی میں ہر طرح کی آزمائشوں کا سامنا کرنا پڑتا ہے،سوشل میڈیا کے دور میں اپنی رائے دنیا کے سامنے رکھنے میں آسانی ہے، سوشل میڈیا کو اپنی مرضی کے مطابق رائے قائم کرنے کیلئے استعمال کیا جا رہا ہے، بدقسمتی سے سوشل میڈیا میں گروپنگ نظر آتی ہے،سوشل میڈیا میں حقائق کے منافی کسی بھی بات کو نہیں مانتے، سوشل میڈیا کو معاشرے کی بہتری کیلئے استعمال کیا جانا چاہیے،میں آزادی صحافت کے ساتھ ہوں، سیلف آزادی کے ساتھ نہیں، مقصد حاصل کرنے کیلئے آزادی صحافت کا حامل نہیں، بھارتی الیکشن میں آپ نے مودی میڈیا کا نام سنا ہوگا، مودی میڈیا گروپ ان کے سپورٹرز سہولت کاروں نے بنایا،
صدر آصف علی زرداری کا کہنا تھا کہ شہادتیں پیپلز پارٹی کی تاریخ کا حصہ ہیں،پیپلز پارٹی نے جمہوریت کیلئے قربانیاں دیں، کارکنوں نے جیلیں کاٹیں،شہادتیں پیپلز پارٹی کا اثاثہ ہیں،ہمارا ایمان ہے کہ ہر کسی نے اپنے وقت پر جانا ہے،جتنی تنقید مجھ پر ہوئی کسی اور پر نہیں ہوئی ،میں ٹی وی نہیں دیکھتا ہوں ،میری غیبت ہوتی ہے تو مجھے ثواب ملتا ہے، بینظیر بھٹو، مرتضیٰ بھٹو، شاہنواز بھٹو کو قتل کیا گیا ،ملک کی ترقی کا دارومدار زرعی ترقی پر ہے اور زراعت کو ترقی دینے کیلئے ہم اپنا کردار ادا کررہے ہیں۔
صدر مملکت آصف زرداری کا کہنا تھا کہ حامد میر کے جیو والے بچپن سے میرے ساتھ پڑھے ہیں،پر میں انکو کہتا نہیں کیوں کہ اسکی قیمت بہت بڑی ہے،اور میں اب کیوں آزمائش میں ڈالوں
موسمیاتی شعبے میں سرمایہ کاری سے ماحولیات کے تحفظ میں مدد ملے گی، صدر مملکت
مارگلہ ہلز میں آتشزدگی،سینیٹ قائمہ کمیٹی برائے موسمیاتی تبدیلی کانوٹس
موسمیاتی تبدیلی،پرواز میں ہچکولے،رخ موڈ دیا گیا، 30 مسافر زخمی
سپریم کورٹ، موسمیاتی تبدیلی کیلئے اٹھائے گئے اقدامات کی تفصیلات طلب
سابق سینیٹر جمال خان لغاری کی رومینہ خورشید عالم سے ملاقات
ہم ماحولیاتی تحفظ کے لیے اپنے عزم پر قائم ہیں،رومینہ خورشید عالم
امن کی فاختہ میڈیا ، چھوٹی سی خبر کسی کی زندگی تباہ بھی کر سکتی ، بچا بھی سکتی ، رومینہ خورشید عالم
موسمیاتی ایکشن میں صنفی شمولیت کیلیے پاکستان کا عزم غیر متزلزل ہے۔رومینہ خورشید عالم
موسمیاتی تبدیلی پردنیا سے امداد نہیں تجارت چاہیے،رومینہ خورشید عالم
گرمی کی لہر،مون سون کیوجہ سے سیلاب کے خطرات،عوامی آگاہی مہم شروع کرنیکا حکم
-
500یونٹ تک 45لاکھ صارفین کے لئے سولر سسٹم لا رہے ہیں،وزیراعلیٰ پنجاب
وزیراعلی پنجاب مریم نوازشریف کی زیر صدارت صوبائی کابینہ کا 11واں اجلاس منعقد ہوا،صوبائی کابینہ نے پہلی مرتبہ آٹے کے نرخ مقرر کرنے پر وزیراعلی مریم نوازشریف کو خراج تحسین پیش کیا-
وزیراعلی مریم نوازشریف نے کابینہ اجلاس کی صدارت کرتے ہوئے کہا کہ 500یونٹ تک خرچ کرنے والے 45لاکھ صارفین کے لئے سولر سسٹم لا رہے ہیں – بجلی کے بل بڑھنے کی وجہ سے عوام میں بے چینی ہے، اپنی ٹیم سے مل کر اس کاحل تلاش کیا -پنجاب کی سوشل اکنامک رجسٹری کام شروع کررہی ہے-پروٹیکٹڈ صارفین کے لئے ٹیکس واپس لینا خوش آئند امر ہے- وزیراعلی مریم نوازشریف نے کہاکہ گندم نہ خریدنے کے باوجود آٹے کے نرخ کنٹرول کرنا آسان امر نہیں -آٹے کے نرخ 200روپے بڑھنے پر اپنی ٹیم کو فوراً بلا لیا -آٹا سستا رکھنے کے لئے مانیٹرنگ اور عملدرآمدضروری امر ہے -فوڈ منسٹر 16گھنٹے بنیادی اشیاء خوردونوش کے نرخ کنٹرول کرنے پر صرف کریں -فوڈ منسٹر کی انفرادی کارکردگی پوری کابینہ پر بھاری ہے – وزیر اعلیٰ مریم نوازشریف نے کہاکہ غریب ملک میں رہتے ہیں عوام کے مفادات کا تحفظ بہت ضروری ہے -یہ نہیں ہونا چاہیے کہ سرمایہ کار امیر ہوجائیں اور غریب آدمی اپنی چھت بنانے سے بھی رہ جائے۔ مل جل کر محنت کے ساتھ سب نے آگے بڑھناہے -4ماہ میں پنجاب کی ینگ کابینہ نے بہترین کارکردگی کامظاہرہ کیا-اجلاس میں متعدد اہم فیصلوں کی منظوری دی گئی جس کے مطابق قرآن مجید کے معیاری نسخے کے بارے میں نوٹیفکیشن کے اجراء اورایم ڈی کیٹ 2024 کے انعقاد کے لیے یونیورسٹی آف ہیلتھ سائنسز کی خدمات حاصل کرنے کی منظوری دی گئی-کابینہ نے سرکاری کالجوں میں ڈویژنل ڈائریکٹرز آف ایجوکیشن (کالجز) اور پرنسپلز کی تقرری اورپوسٹنگ کے نئے طریقہ کا رکوبھی منظور کرلیا-کابینہ نے فارمیسی ایکٹ 1967 کے تحت دو سالہ فارمیسی اسسٹنٹ کورس (فارمیسی اپرنٹس کی رجسٹریشن) کو ختم کرنے کی منظوری دے دی اورماحولیات کے تحفظ کو یقینی بنانے کے لئے حکومت پنجاب نے اہم اقدام اٹھاتے ہوئے بوائلرز اور پریشر ویسلز آرڈیننس 2002 میں ترمیم کو بھی منظور کر لیا گیا جس کے تحت غیر معیاری تیل استعمال نہیں کیاجاسکے گا- اجلاس میں پنجاب مائننگ کنسیشن رولز 2002 میں ترامیم اورقانون و پارلیمانی امور کے محکمہ میں مانیٹرنگ اور ایویلیوایشن ڈائریکٹوریٹ کے قیام کی منظوری دی گئی-حکومت پنجاب اور ورلڈ فوڈ پروگرام کے درمیان مفاہمتی یادداشت پر دستخط کی منظوری دی گئی-
کابینہ نے پنجاب پولیس ڈپٹی سپرنٹنڈنٹس اور سپرنٹنڈنٹس سروس رولز 2020 میں ترامیم اور سب انسپکٹرز اور انسپکٹرز رولز 2013 میں ترامیم کی منظوری دی- انٹرنل اکاؤنٹ بیلٹی برانچ میں فرائض سرانجام دینے والے پولیس افسران بھی ترقی کے حقدار ہوں گے- والڈ سٹی آف لاہور اتھارٹی کا دائرہ کار پنجاب کی سطح تک بڑھانے کی منظوری دی گئی-پنجاب پراونشل کوآپریٹو بینک لمیٹڈ کے موجودہ صدر استعفی منظور کیاگیااورادارے کے عبوری اور مستقل صدر کی تقرری کی منظوری دی گئی-کے ایف ڈبلیو ڈ ویلپمنٹ بینک، جرمنی سے ”گرین انرجی پروجیکٹ” کے لیے15ملین یورو گرانٹ حاصل کرنے کی منظوری دی گئی جس کے تحت پنجاب کے سکولوں او رہسپتالوں کی سولر رائیزیشن کی جائے گی -اجلاس میں پنجاب انرجی ایفیشنسی اینڈ کنزرویشن ایجنسی (PEECA) کے قیام کے لیے قانون سازی کی منظوری دی گئی-اجلاس میں عالمی ادارہ برائے خوراک او رزراعت کے تعاون سے زمین کے کٹاؤاور لائیوسٹاک مینجمنٹ کے منصوبے کی منظوری دی گئی۔ اس منصوبے سے دیہی سطح پر روزگار بڑھنے کا امکان ہے-
پنجاب کابینہ اجلاس،ڈی جی پی آر کے ڈیجیٹل میڈیا ونگ کی خالی آسامیوں پر بھرتیوں کی منظوری
ڈی جی پی آر کے ڈیجیٹل میڈیا ونگ کی خالی آسامیوں پر بھرتیوں کی منظوری بھی دی گئی- محتسب پنجاب کی رپورٹ 2023 اورپنجاب کمیشن آن سٹیٹس آف ویمن کی رپورٹ برائے سال 2022 اور2023پیش کی گئی- پنجاب پاور ڈویلپمنٹ کمپنی لمیٹڈ (PPDCL) کے سی ای او کی دوبارہ تقرری کی منظوری دی گئی-جسٹس (ر) سردار احمد نعیم کی بطور ممبر پنجاب لیبر اپیلٹ ٹریبونل، ملتان کی تقرری کی شرائط و ضوابط کی منظوری دی گئی-کابینہ نے آئین پاکستان 1973 کے آرٹیکل 154 کے نفاذ کی منظوری دی- پنجاب فنانس ایکٹ 1977 میں ترمیم کی منظوری دی گئی- کابینہ نے اجلاس میں پنجاب ہیلتھ فیسیلیٹیز مینجمنٹ کمپنی (PHFMC) کے بورڈ آف ڈائریکٹرز کی آئندہ مدت کے لیے تشکیل نو کی منظوری دی -چیئرمین، ڈرگ کنٹرول، گوجرانوالہ اور راولپنڈی کے لیے نامزدگیوں کی منظوری دی گئی-پنجاب صاف پانی کمپنیز (نارتھ اورساؤتھ) کے بورڈ آف ڈائریکٹرز پرانڈیپنڈنٹ ڈائریکٹرز کی تقرری کی منظوری دی گئی-کابینہ کے اجلاس میں صوبائی وزراء،معاونین خصوصی، چیف سیکرٹری اور متعلقہ سیکریٹریز نے شرکت کی-صوبائی وزراء مجتبیٰ شجاع الرحمن، خواجہ سلمان رفیق، بلال اکبر، سید عاشق حسین اور آئی جی پنجاب ڈیرہ غازی خان سے ویڈیو لنک کے ذریعے شریک ہوئے۔موسمیاتی شعبے میں سرمایہ کاری سے ماحولیات کے تحفظ میں مدد ملے گی، صدر مملکت
مارگلہ ہلز میں آتشزدگی،سینیٹ قائمہ کمیٹی برائے موسمیاتی تبدیلی کانوٹس
موسمیاتی تبدیلی،پرواز میں ہچکولے،رخ موڈ دیا گیا، 30 مسافر زخمی
سپریم کورٹ، موسمیاتی تبدیلی کیلئے اٹھائے گئے اقدامات کی تفصیلات طلب
سابق سینیٹر جمال خان لغاری کی رومینہ خورشید عالم سے ملاقات
ہم ماحولیاتی تحفظ کے لیے اپنے عزم پر قائم ہیں،رومینہ خورشید عالم
امن کی فاختہ میڈیا ، چھوٹی سی خبر کسی کی زندگی تباہ بھی کر سکتی ، بچا بھی سکتی ، رومینہ خورشید عالم
موسمیاتی ایکشن میں صنفی شمولیت کیلیے پاکستان کا عزم غیر متزلزل ہے۔رومینہ خورشید عالم
موسمیاتی تبدیلی پردنیا سے امداد نہیں تجارت چاہیے،رومینہ خورشید عالم
گرمی کی لہر،مون سون کیوجہ سے سیلاب کے خطرات،عوامی آگاہی مہم شروع کرنیکا حکم
-
حضرت داتا گنج بخشؒ کا سالانہ عرس،تقریبات کا اعلان
حضرت داتا گنج بخشؒ کے عرس کی تقریبات کا آغاز دربار کے غسل مبارک سے کیا جائے گا-دربار کے 981 واں سالانہ غسل مبارک کی تقریب 9 محرم الحرام 16 جولائی بروز منگل کو ہو گی -غسل مبارک کی تقریب میں وفاقی اور صوبائی حکومتوں کی اہم شخصیات شرکت کریں گی –
ان خیالات کا اظہار ڈائریکٹر جنرل اوقاف پنجاب خالدمحمود سندھو نے آج 981 واں سالانہ غسل مبارک دربار حضرت داتا گنج بخش ؒ کے انتظامات کے جائزہ اجلاس کی صدارت کرتے ہوئے کیا- اجلاس میں ایس ایس پی آپریشن لاہور، ایڈمنسٹریٹر اوقاف داتا دربار توقیر محمود وٹو، خطیب داتا دربار مسجد مفتی محمد رمضان کے علاوہ سیف سٹی اتھارٹی، فوڈ اتھارٹی، لیسکو، میونسپل کارپوریشن، ہیلتھ، ایجوکیشن، ٹریفک، ریسکیو1122، واسا، سول ڈیفنس سمیت کئی دیگر محکموں کے افسران نے شرکت کی-
ایڈمنسٹریٹر اوقاف نے سالانہ غسل مبارک دربار سمیت عرس کی دیگر تقریبات پر مبنی اقدامات سے متعلق بریفنگ میں بتایا کہ عرس میں زائرین کی سیکورٹی اور سہولیات کے لئے فول پروف انتظامات کئے جائیں گے اورداتا دربار کے مرکزی راستوں کو تجاوزات سے پاک اور لائٹس اور صفائی کے خصوصی انتظامات ہوں نگے- مزید برآں عام زائرین کی انٹری گیٹ نمبر 1 اور 5 جبکہ خواتین زائرین کا داخلہ گیٹ نمبر 4 سے ہو گا – انہوں نے بتایا کہ متعلقہ ادارے اہم شخصیات اور زائرین کی سیکورٹی سمیت دیگر ذمہ داریاں احسن انداز میں ادا کریں گے اورسیکیورٹی ادارے، سی سی ٹی وی کیمرے، میٹل ڈیٹکٹراور دیگر جدید آلات کی مدد سے عرس تقریبات کی مانیٹرنگ کو یقینی بنائیں گے -فوڈ اتھارٹی کا عملہ خصوصی میکنزم کے تحت لنگر چیک کرنے کا ذمہ دار ہو گا-انہوں نے کہا کہ رضا کاروں، میڈیا نمائندوں اور دیگر خدمات دینے والے افراد کو خصوصی پاس جاری کئے جائیں گے -لیسکو حکام نے اجلاس کو بتایا کہ عرس تقریبات کے دوران داتا دربار اور ملحقہ علاقے 2 روز کے لئے لوڈ شیڈنگ سے مستثنی ہونگے-
ڈائریکٹرجنرل اوقاف خالد محمود سندھو نے اجلاس کے شرکاء کو ہدایت دیتے ہوئے کہا کہ تمام محکموں کے افسران ایک مربوط نظام کے تحت عرس کی تقریبات کے لئے 24 گھنٹے فرائض سرانجام دیں گے اور اس ضمن میں کسی قسم کی غفلت برداشت نہیں کی جائے گی-انہوں نے مزید کہا کہ زائرین کی 3 لائنیں ہو ں گی اور متعلقہ حکام کسی قسم کی بھگدڑ اور بد نظمی کی روک تھام کیلئے اپنی پیشہ وارانہ خدمات بہتر انداز میں انجام دینے کے پابند ہو ں گے-
کچھ ججز دانا ہوں گے، میں اتنا دانا نہیں، پاکستان کو ایک بار آئین کے راستے پر چلنے دیں، چیف جسٹس
نشان نہ ملنے پر کسی امیدوار کا کیسے کسی پارٹی سے تعلق ٹوٹ سکتا؟ چیف جسٹس
انتخابات بارے کیا کیا شکایات تھیں الیکشن کمیشن مکمل ریکارڈ دے، جسٹس اطہر من اللہ
سنی اتحادکونسل کی مخصوص نشستوں سے متعلق اپیل پر سماعت 24 جون تک ملتوی
سپریم کورٹ، سنی اتحاد کونسل کو مخصوص نشستیں نہ ملنے کیخلاف کیس کی سماعت ملتوی
مخصوص نشستیں، فیصلہ پی ٹی آئی کے حق میں نظر نہیں آ رہا، مبشر لقمان