Baaghi TV

Category: لاہور

  • نگران وزیراعلی پنجاب کا آرپی او راولپنڈی کی چھٹی کے حوالے سے اہم بیان

    نگران وزیراعلی پنجاب کا آرپی او راولپنڈی کی چھٹی کے حوالے سے اہم بیان

    لاہور: نگران وزیراعلی پنجاب محسن نقوی نے آرپی او راولپنڈی سید خرم علی کی چھٹی کے حوالے جاری بیان میں کہا ہے کہ –

    باغی ٹی وی : سماجی رابطے کی ویب سائٹ ایکس پر نگران وزیراعلی پنجاب محسن نقوی نے آرپی او راولپنڈی کے چھٹی کا نوٹیفکیشن شیئر کیا اور کہا کہ آر پی او راولپنڈی سید خرم علی کی چھٹی 30 جنوری 2024 کو منظور کی گئی تھی اور 31 جنوری 2024 کو مطلع کیا گیا تھا، مثبت کو فروغ دیں اور غیر ضروری تنازعات سے پرہیز کریں، آر پی او راولپنڈی ایک پیشہ ور افسر ہیں جو ہمارے احترام کے مستحق ہیں۔

    واضح رہے کہ ترجمان آر پی او راولپنڈی کے مطابق ریجنل پولیس آفیسر (آر پی او) راولپنڈی سید خرم علی 15 روز کی چھٹی پر بیرون ملک گئے ہیں ، آر پی اور 16 فروری کو ہی رخصت پر چلے گئے تھے گزشتہ روز کی پریس کانفرنس میں آر پی او کا نام شامل ہونے پر پوچھ گچھ کی جا رہی ہے، آرپی او سید خرم علی فیملی کے ہمراہ برطانیہ گئے ہیں، وہ 2 مارچ کو واپس آئیں گےخرم علی نے انتخابات سے قبل چھٹی کی درخواست دی تھی۔

    پی ٹی آئی اور سنی اتحاد کونسل کے درمیان معاملات طے پا گئے

    ادھرراولپنڈی پولیس نے وضاحت میں کہا کہ آر پی او سید خرم علی پہلے سے منظور شدہ چھٹی پر 18 فروری سے 02 مارچ تک ایکس پاکستان لیو پر ہیں، آر پی او راولپنڈی نے بیرون ملک برطانیہ جانے کے لئے ایک ماہ قبل چھٹی اپلائی کی تھی جو دو ہفتے قبل منظور ہوئی تھی، چھٹی کےعرصہ میں آر پی او کےعہدے کا چارج سی پی او سید خالد ہمدانی کے پاس ہے۔

    بابا وانگا کی 2024 کئلیے کی گئیں 2 پیشگوئیاں سچ ثابت ہو گئیں

  • پی ایس ایل 9: کوئٹہ نے پشاور کو 16 رنز سے شکست دے دی

    پی ایس ایل 9: کوئٹہ نے پشاور کو 16 رنز سے شکست دے دی

    لاہور: پاکستان سپر لیگ کے نویں ایڈیشن کے دوسرے میچ میں کوئٹہ گلیڈی ایٹرز نے پشاور زلمی کو جیت کے لیے 207 رنز کا ہدف دیا تھا، کوئٹہ گلیڈی ایٹرز نے پشاور زلمی کو 16 رنز سے شکست دے دی۔

    باغی ٹی وی : میچ لاہور کے قذافی اسٹیڈیم میں کھیلا جارہا ہے جہاں زلمی کے کپتان بابر اعظم نے کوئٹہ گلیڈی ایٹرز کو بیٹنگ کی دعوت دی، گلیڈی ایٹڑز کے اوپنرز نے ٹیم کو شاندار آغاز فراہم کیا اور مقررہ 20 اوورز میں 5 وکٹوں کے نقصان پر 206 رنز بنائے، جیسن رائے 75، سعود شکیل 74 رنز بناکر آؤٹ ہوئے۔

    اس کے علاوہ کپتان رائیلی روسو 13، شیرفن ردرفورڈ20 اور محمد وسیم 4 رنز بناسکے، خواجہ نافع 6 رنز بناکر ناٹ آؤٹ رہے،پشاور کی جانب سے سلمان ارشاد نے 3 وکٹیں حاصل کیں، لُوک ووڈ اور محمد ذیشان نے ایک ایک کھلاڑی کو آؤٹ کیا۔

    دوسری جانب کوئٹہ گلیڈی ایٹرز کے 207 رنز کے ہدف کے تعاقب میں پشاور زلمی کی ٹیم مقررہ 20 اوورز میں 190 رنز بنا سکی، بابر 68 رنز بناکر نمایاں رہے،207 رنز کے ہدف کے تعاقب میں پشاور زلمی کا آغاز جارحانہ رہا، اوپنر بابر اعظم اور صائم ایوب کے درمیان 91 رنز کی شراکت داری قائم ہوئی،پھر صائم ایوب 26 گیندوں پر 42 رنز بناکر رن آؤٹ ہوگئے۔

    ایچ بی ایل پی ایس ایل میں آج دوسرا میچ ملتان سلطانز اور کراچی کنگز کی ٹیموں کے درمیان ملتان کرکٹ اسٹیڈیم میں ہوگا۔

    پشاور زلمی

    کپتان بابراعظم، صائم ایوب، محمد حارث، ٹام کوہلر کیڈمور، روومین پاول، آصف علی، ڈین موسلی، عامر جمال، لیوک ووڈ، محمد ذیشان، سلمان ارشاد

    کوئٹہ گلیڈی ایٹرز

    کپتان ریلی روسو، جیسن رائے، سعود شکیل، خواجہ نافے، سرفراز احمد، شیرفین رتھرڈورڈ، عقیل حسین، محمد وسیم جونیئر، محمد حسنین، محمد عامر، ابرار احمد

    واضح رہے کہ گزشتہ روز ایونٹ کے افتتاحی میچ میں اسلام آباد یونائیٹڈ نے لاہور قلندرز کو 8 وکٹوں سے شکست دی تھی۔

  • بابا وانگا کی 2024 کئلیے کی گئیں 2 پیشگوئیاں سچ ثابت ہو گئیں

    بابا وانگا کی 2024 کئلیے کی گئیں 2 پیشگوئیاں سچ ثابت ہو گئیں

    بلغاریہ سے تعلق رکھنے والی مشہورِ زمانہ نابینا نجومی آنجہانی بابا وانگا نے اپنی موت سے قبل گزشتہ سالوں کی طرح 2024 کے لیے بھی کچھ پیشگوئیاں کی تھیں جن میں سے کچھ 2 ماہ سے کم عرصے میں سچ ثابت ہوگئی ہیں۔

    باغی ٹی وی : بابا وانگا نے 2024 کیلئے پیشگوئیاں کی تھیں بابا وانگا کے مطابق2024 میں روسی صدر ولادیمیر پیوٹن پر اپنے ہی ملک کے باشندے کی جانب سے قاتلانہ حملہ کیا جائے گا،ایک پیشگوئی یہ تھی کہ یورپ میں دہشت گرد حملوں کی تعداد بڑھ جائے گی جبکہ ایک بڑا ملک 2024 میں بائیولوجیکل ہتھیاروں کے تجربے یا حملے کرے گا۔

    بابا وانگا کے مطابق 2024 میں ایک بہت بڑا معاشی بحران آئےگا جو عالمی معیشت کو بری طرح متاثر کرے گا جب کہ قرضوں کی شرح اور بڑھتے ہوئے جغرافیائی سیاسی تناؤ میں اضافہ ہوگا،جبکہ دنیا کو خوفناک موسمیاتی تباہ کاریاں اور قدرتی آفات کا سامنا کرنا پڑے گا۔

    بابا وانگا کے مطابق 2024 میں دنیا میں سائبر حملوں میں اضافہ ہوگا، اعلیٰ درجے کے ہیکرز پاور گرڈز اور واٹر ٹریٹمنٹ پلانٹس جیسے اہم انفراسٹرکچر کو نشانہ بنائیں گے، جس سے قومی سلامتی کو خطرہ لاحق ہو گا اور الزائمر اور کینسر سمیت لاعلاج بیماریوں کے نئے علاج دریافت ہوجائیں گے،علاوہ ازیں ایک پیشگوئی یہ تھی کہ 2024 میں کوانٹم کمپیوٹنگ میں ایک اہم پیشرفت ہوگی۔

    ان میں سے دو پیشگوئیاں سچ ثابت ہو گئیں ہیں،آنجہانی بابا وانگا نے پیشگوئی کی تھی کہ 2024 میں الزائمر اور کینسر سمیت لاعلاج بیماریوں کے نئے علاج دریافت ہوجائیں گے،بابا وانگا کی یہ پیشگوئی اس وقت سچ ثابت ہوگئی جب روسی صدر ویلادیمیر پیوٹن نے اعلان کیا کہ روسی سائنسدان کینسر کی ویکسین بنانے کے بہت قریب پہنچ چکے ہیں اور یہ ویکسین مریضوں کے لیے جلد دستیاب ہوگی۔

    بابا وانگا نے مبینہ طور پر یہ بھی پیشگوئی کی تھی کہ 2024 میں ایک بہت بڑا معاشی بحران آئے گا جو عالمی معیشت کو بری طرح متاثر کرے گا، قرضوں کی بڑھتی ہوئی شرح اور بڑھتے ہوئے جغرافیائی سیاسی تناؤ میں اضافہ جیسے عوامل اس کی وجہ ہوں گےبابا وانگا کی یہ پیشگوئی جاپان اور برطانیہ جیسے ترقی یافتہ ممالک میں حالیہ معاشی بحران کی صورت میں سچ ثابت ہوگئی ہیں۔

    برطانیہ گزشتہ سال کے آخر میں بلند افراط زر اور زندگی کی لاگت کے بحران کی وجہ سے کساد بازاری میں ڈوب گیا، سال 2023 کے آخری 6 ماہ میں برطانیہ کی جی ڈی پی مسلسل 0.4 فیصد تک سکڑ گئی ہے جس کے باعث برطانوی وزیر اعظم رشی سونک کو اس سال کے انتخابات سے قبل بڑا نقصان پہنچا ہے۔

    دوسری جانب جاپان کی معیشت بھی زوال کا شکار ہے، برطانیہ کی طرح جاپان کی جی ڈی پی بھی 2022 کے مقابلے 2023 میں 0.4 فیصد تک سکڑ گئی ہے، جس کے باعث یہ معاشی اعتبار سے دنیا کے سب سے طاقت ور ممالک کی فہرست میں تیسرے سے چوتھے نمبر پر آگیا ہے۔

  • بے وفا اور باغی مصنفہ ،تہمینہ درانی

    بے وفا اور باغی مصنفہ ،تہمینہ درانی

    بے وفا اور باغی مصنفہ ،تہمینہ درانی

    آغا نیاز مگسی
    ۔۔۔۔۔۔۔۔۔۔۔۔۔۔۔۔۔۔۔۔

    18 فروری 1953ًً کو پیدا ہونے والی مصنفہ تہمینہ درانی پاکستان کے جاگیردارانہ سماج کی پہلی حوصلہ مند خاتون ہیں جنہوں نے اپنی سوانح حیات پر مشتمل تصنیف ” مائی فیوڈل لارڈ ” جس کا اردو ترجمہ ” میڈا سائیں ” کے عنوان سے کیا گیا ہے ، میں نہ صرف اپنے اس سنگین اخلاقی جرم کا اعتراف کیا ہے کہ انہوں نے اپنے پہلے شوہر انیس احمد سے بیوفائی کر کے پنجاب کے سابق گورنر و سابق وزیر اعلیٰ ملک غلام مصطفیٰ کھر سے ناجائز تعلقات قائم کرتے ہوئے انیس سے طلاق لے کر ملک غلام مصطفیٰ کھر سے ان کی ساتویں بیوی کی حیثیت سے نکاح کیا اور پھر اپنے ہونے والے محبوب شوہر غلام مصطفیٰ کھر کے ہاتھوں نہ صرف جسمانی تشدد کا نشانہ بنتی رہیں بلکہ اپنی چھوٹی بہن عدیلہ کے حوالے سے تذلیل اور تضحیک آمیز مناظر دیکھنا بھی گوارا کرتی رہیں ۔ تہمینہ درانی اسٹیٹ بینک آف پاکستان کے سابق گورنر اور پاکستان انٹر نیشنل ایئر لائنز (پی آئی اے) کے سابق مینجنگ ڈائریکٹر شاکر اللہ درانی کے گھر میں 18 فروری 1953 میں پیدا ہوئیں۔ 18سال کی عمر میں ان کی شادی لاہور کے انیس احمد سے ہوئی لیکن 3 برس کے مختصر عرصے کے بعد انہوں نے پنجاب کے ایک معروف جاگیردار اور ذوالفقار علی بھٹو کے قریبی ساتھی ملک غلام مصطفیٰ کھر کو اپنا ” ہیرو” بنا لیا جن کے درمیان عمر کے لحاظ سے 20 سال کا فرق موجود تھا جس سے 1975 میں شادی کر لی لیکن تہمینہ درانی کو بہت جلد ہی معلوم ہو گیا بلکہ اپنی غلطی کا احساس ہو گیا کہ وہ اپنے پہلے خاوند کو چھوڑ کر غلام مصطفےٰ کھر سے شادی کرنے کا غلط فیصلہ کر چکی ہے۔ غلام مصطفیٰ کھر تہمینہ درانی سے شادی سے کچھ ہی عرصے بعد ان کی چھوٹی بہن عدیلہ درانی پر فریفتہ ہو گئے اور اس پر ڈورے ڈالنے لگے جس پر غلام مصطفی کھر اور تہمینہ درانی کے مابین شدید اختلافات پیدا ہو گئے اور بالاآخر دونوں کے مابین علیحدگی ہو گئی۔ تہمینہ درانی نے ہمت اور حوصلے کا مظاہرہ کرتے ہوئے ملک غلام مصطفیٰ کھر کا اصل چہرہ بے نقاب کرنے کی غرض سے اپنی آپ بیتی پر مشتمل کتاب ” میڈا سائیں ” لکھ ڈالی جس میں انہوں نے بہت سے سنسنی خیز اور دلچسپ انکشافات کیے اور پاکستان میں جاگیرداروں اور سیاستدانوں کے ظاہری اور باطنی کردار کو عوام کے سامنے لانے کی بھرپور کوشش کی جس سے تہمینہ درانی کو جاگیردارانہ سماج کے خلاف بلند حوصلہ عورت لکھاری کی حیثیت سے بین الاقوامی سطح پر شہرت حاصل ہوئی۔ ایک ایسی عورت جس نے اپنے محبوب شوہر کی خاطر کئی برس جلاوطنی اختیار کی اور بےشمار مسائل اور مشکلات کا سامنا کیا لیکن پھر بھی وہ اپنے جاگیردار خاوند کی اخلاقی اور جسمانی زیادتیوں کا نشانہ بنتی رہی ۔ ملک غلام مصطفی کھر سے علیحدگی کے کافی عرصے بعد افغان قبیلے کی عورت تہمینہ درانی نے پنجاب کے سابق وزیر اعلیٰ اور سابق وزیر اعظم پاکستان میاں محمد شہباز شریف سے تیسری شادی کی اور پاکستان کی وزیر اعظم کی اہلیہ کی حیثیت سے خاتون اول کا قابل فخر اعزاز کیا تاہم شریف خاندان نے تہمینہ درانی کو دل سے قبول نہیں کیا ہے ۔ تہمینہ درانی نے اپنی تصانیف کے ذریعے ایک معتبر و باغی مصنفہ اور ناول نگار کی حیثیت سے اہم مقام حاصل کر لیا ہے اور اب تک ان کی 4 کتابیں شائع ہو چکی ہیں ۔

  • پاکستان واحد ملک ہے جہاں پہلے سلیکشن اور پھر الیکشن ہوتے ہیں، سراج الحق

    پاکستان واحد ملک ہے جہاں پہلے سلیکشن اور پھر الیکشن ہوتے ہیں، سراج الحق

    سراج الحق نے کہا کہ دنیا میں پہلے الیکشن اور بعد میں حکومت بنتی ہے، پاکستان واحد ملک ہے جہاں پہلے حکومت بنتی ہے، فیصلے ہوتے ہیں پھر الیکشن ہوتے ہیں۔
    انہوں نے کہا کہ الیکشن جس ماحول میں ہوا ہے اس سے پولرائزیشن میں اضافہ ہوا، جب تک نتائج پر قوم کا اعتماد نہ ہو تو کوئی نظام اور حکومت مسلط کریں وہ چلنے والی حکومت نہیں ہوتی۔سراج الحق نے کہا کہ دنیا میں جہاں الیکشن ہو جائے وہاں استحکام اور پرامن ماحول نصیب ہوتا ہے، پاکستان واحد ملک ہے جہاں الیکشن کے بعد انتشار میں اضافہ ہوتا ہے۔سراج الحق نے کہا کہ 1970ء میں الیکشن ہوا، نتائج تسلیم نہیں کیے گئے، 1977ء میں الیکشن ہوا، دھاندلی کی گئی اور پھر قوم کو 11 سال مارشل لاء برداشت کرنا پڑا، اسی طرح یہ کھیل آج بھی جاری ہے۔
    سراج الحق نے کہا کہ دھاندلی کے خلاف 23 فروری کو پشاور میں احتجاج کریں گے، 25 فروری کو اسلام آباد میں کانفرنس بلا رہے ہیں، عبوری حکومت نے رات کے اندھیرے میں قیمتوں میں اضافےکا اعلان کیا۔ راتوں رات بجلی، پیٹرول اور گیس کی قیمتوں میں اضافہ کیا، پوری قوم کا المیہ ہے جو اس حکومت نے عوام کے ساتھ کیا۔
    انہوں نے کہا کہ اس الیکشن کے نیتجے میں ہمارے 5 سال مزید ضائع ہوگئے، ہماری جمہوریت 8 فروری کے الیکشن کے نیتجے میں زمین میں دب گئی، جماعت اسلامی نے کل اپنی شوریٰ کا اجلاس بلایا اور حالات کا جائزہ لیا، ہم ان حالات میں اپنا فرض ادا کرنا چاہتے ہیں۔سراج الحق نے کہا کہ پاکستان کا نظام عجیب ہے، یہاں الیکشن ہوتا ہے بجلی نہیں ہوتی، اس دن نیٹ کام نہیں کرتا، الیکشن کا دن لوگوں کے لیے خوف کا دن ہوتا ہے، لوگ ایک دوسرے سے بات نہیں کرسکتے، 2024ء کا الیکشن پاکستانی تاریخ کا آلودہ ترین الیکشن تھا۔
    امیر جماعت اسلامی نے کہا کہ لوگ عدالتوں میں گئے لیکن جلدی جلدی فائلیں بند کی گئیں، الیکشن میں تاخیر کی گئی، آر اوز عدلیہ سے لینے کے بجائے انتطامیہ سے لیے گئے، راولپنڈی کا کمشنر دیگ کا ایک چاول ہے، ساری دیگ ایسی ہی ہے۔سراج الحق نے کہا کہ جو مردم شماری ہوئی ہے وہ بھی غلط تھی، جہاں آبادی زیادہ تھی کم دکھائی گئی، جہاں کم تھی بغیر کسی وجہ کے زیادہ دکھائی گئی، حلقہ بندیوں پر بھی لوگوں کے تحفظات تھے۔انہوں نے کہا کہ الیکشن کا دن غیر شفاف الیکشن کے لیے پُرامن دن تھا، کوئی خون خرابہ نہیں ہوا، کوئی حادثہ نہیں ہوا، یہ تاریخ کا غیر شفاف الیکشن کا دن لکھا جائے گا، جعلی نتائج کے نتیجے میں بننے والی حکومت چلتی نہیں، وہ عوام کی حکومت نہیں ہوتی، فراڈ حکومت ہوتی ہے۔
    سراج الحق نے کہا کہ نا باہر کی دنیا اس کو سنجیدہ لیتی ہے، الیکشن کے بعد بین الاقوامی بڑے اداروں نے تحفظات کا اظہار کیا، یورپی یونین نے تحفظات کا اظہار کیا ہے، ٹھیک ہے ہماری حکومت کہتی ہے کہ یہ ہمارے اندرونی معاملات میں مداخلت ہے، یہ آزاد ادارے ہیں یہ ہر ملک کے الیکشن پر تبصرے کرتے ہیں۔امیر جماعت اسلامی نے کہا کہ انہوں نے جو رپورٹ دی ہے وہ یہی ہے کہ یہ جعلی الیکشن تھا، آئین اور قانون کی حکمرانی کے علاوہ کوئی راستہ نہیں ہے، نہ مارشل لاء اور نہ ایمرجنسی ہمارے مسائل کا حل ہے، وقت آ گیا ہے ملک کو بحران سے نکالنے کے لیے مل کر جدوجہد کریں، جس کو وقتی طور پر دودھ کی بوتل ملتی ہے وہ خاموش ہوتا ہے۔

    سراج الحق نے کہا کہ وقتی خوشی کو قبول کیا تو قوم کو کبھی بھی اچھی جمہوریت نصیب نہیں ہوگی، جماعت اسلامی نے دھاندلی کے خلاف تحریک کا اعلان کیا ہے، چاہتے ہیں شفاف الیکشن کی خواہاں جماعتیں ایک پیج پر آجائیں، ہر جگہ دھاندلی ہوئی ہے لیکن وہ خاموش ہیں جو بینیفشری ہیں۔ سراج الحق نے کہا کہ عوام اس حکومت کے فیصلے قبول نہیں کرتی، فلسطین میں شہادتیں ہوئیں لیکن اس قتل عام پر ساری دنیا خاموش ہے، 58 اسلامی ممالک ہیں، پونے دو ارب مسلمان ہیں، عالم اسلام اس وقت بالکل قبرستان کی طرح ہے، انہوں نے رسمی اجلاس بھی نہیں کیا کہ یہ ظلم بند کیا جائے۔امیر جماعت اسلامی نے کہا کہ وقت آیا ہے کہ فلسطینیوں کو بچانے کے لیے اپنا کردار ادا کریں، کشمیر میں ظلم ہو رہا ہے اور وہاں ظلم و جبر کی نئی لہر ہے، وہاں جماعت اسلامی کے دفاتر، اسکول، اسپتال بند کیے گئے، جماعت اسلامی کی ساری قیادت اور چار ہزار لوگ جیلوں میں ہیں، ان کا جرم یہی ہے کہ وہ آزادی مانگ رہے ہیں، افسوس ہے کہ حکومت خاموش تماشائی کی طرح کچھ نہیں کر رہی، حکومت نے مجرمانہ خاموشی اختیار کر رکھی ہے۔

  • پی ایس ایل9: پشاور زلمی کا کوئٹہ گلیڈی ایٹرز کیخلاف ٹاس جیت کر پہلے بولنگ کا فیصلہ

    پی ایس ایل9: پشاور زلمی کا کوئٹہ گلیڈی ایٹرز کیخلاف ٹاس جیت کر پہلے بولنگ کا فیصلہ

    پاکستان سپر لیگ کے دوسرے میچ میں پشاور زلمی نے کوئٹہ گلیڈی ایٹرز کے خلاف ٹاس جیت کر پہلے بولنگ کرانے کا فیصلہ کیا ہے۔دونوں ٹیمیں لاہور کے قذافی اسٹیڈیم میں مدِ مقابل ہیں۔ٹاس کے بعد گفتگو کرتے ہوئے پشاور زلمی کے کپتان بابر اعظم نے کہا کہ کوئٹہ کی ٹیم کو 160 رنز تک محدود کرنے کی کوشش کریں گے، دوسری بیٹنگ میں موسم سے فائدہ اٹھانے کی کوشش کریں گے۔کوئٹہ گلیڈی ایٹرز کے کپتان رائیلی روسوو نے کہا کہ ہم ٹیم میں ہائی پرفارمنس ماحول بنانا چاہتے ہیں۔
    یاد رہے کہ گزشتہ روز قذافی اسٹیڈیم لاہور میں کھیلے گئے پاکستان سپر لیگ (پی ایس ایل) کے نویں ایڈیشن کے افتتاحی میچ میں اسلام آباد یونائیٹڈ نے لاہور قلندرز کو 8 وکٹ سے شکست دی تھی۔

  • پی ایس ایل 2024: آج دو میچیز کھیلے جائے گے

    پی ایس ایل 2024: آج دو میچیز کھیلے جائے گے

    پاکستان سپر لیگ (پی ایس ایل) نائن کا دوسرا میچ آج کوئٹہ گلیڈی ایٹرز اور پشاور زلمی کے درمیان قذافی اسٹیڈیم لاہور میں کھیلا جائے گا۔ کوئٹہ گلیڈی ایٹرز اور پشاور زلمی 21 میچوں میں آمنے سامنے ہو چکے ہیں، کوئٹہ گلیڈی ایٹرز نے نو اور پشاور زلمی نے بارہ میں کامیابی حاصل کی ہے۔ لاہور پی ایس ایل 2024ء سیزن 09 کے دوسرے دن آج 02 میچ کھیلے جائیں گے، پہلے میچ میں کوئٹہ گلیڈی ایٹرز اور پشاور زلمی کی ٹیمیں قذافی سٹیڈیم میں دوپہر آمنے سامنے ہوں گی دوسرے میچ میں ملتان سلطان اور کراچی کنگز کی ٹیمیں ملتان میں آمنے سامنے ہوں گی۔
    آئی جی پنجاب ڈاکٹر عثمان انور نے کھلاڑیوں، آفیشلز، شائقین کرکٹ کو بھرپور سیکورٹی فراہم کرنے کی ہدایت کی ہے ، سی سی پی او لاہور، آر پی او ملتان سکیورٹی اور ٹریفک سمیت تمام انتظامات کا خود جائزہ لیں،انہوں نے ہدایت کی کہ پنجاب پولیس نے پی ایس ایل میچز کی سکیورٹی کے لئے پہلے سے زیادہ بہتر حکمت عملی اپنائی ہے، پی ایس ایل میچز کے پرامن انعقاد کے لئے ضلعی انتظامیہ، سکیورٹی ایجنسیز سمیت تمام اداروں سے کوارڈینیشن میں ہیں، ڈولفن سکواڈ، پولیس ریسپانس یونٹ، ایلیٹ فورس ٹیموں کے روٹس، سٹیڈیم کے اطراف موثر پٹرولنگ کریں۔ آئی جی پنجاب نے ہدایت کی ہے کہ ٹیموں کے روٹ، سٹیڈیم، قیام گاہ سمیت اہم مقامات کی سی سی ٹی وی کیمروں سے ہمہ وقت مانیٹرنگ کی جائے، ڈیوٹی پوائنٹس پر پولیس جوان انتہائی الرٹ رہیں،مشکوک سرگرمیوں پر کڑی نظر رکھیں، شہریوں کی آگاہی،ٹریفک روانی کے لئے ٹریفک ایڈوائزری جاری کی گئی ہے۔

  • کمشنر راولپنڈی 8 دن کے بعد جاگے،تو ثبوت بھی سامنے لے آئے،عطا تارڈ

    کمشنر راولپنڈی 8 دن کے بعد جاگے،تو ثبوت بھی سامنے لے آئے،عطا تارڈ

    رہنما مسلم لیگ ن عطاتارڑ کا کہنا ہے ہم نے خندہ پیشانی سے شکست کو قبول کیااور پیچھے نہیں ہٹے ، آپ نے وقتی طور پر کچھ نشستوں پر فتح حاصل کی ہے، آنے والا دور مسلم لیگ ن کا دور ہے، آئندہ چند روز میں پنجاب میں حکومت بنانے جارہے ہیں۔ عطا تارڈ نے کہا کہ کمشنر صاحب آپ آراو نہ ڈی آر او ہیں اور نہ ہی کوئی ثبوت پیش کیے گئے، جن حلقوں سے پی ٹی آئی جیتی وہاں دھاندلی نہیں ہوئی؟۔انہوں نے مزید کہا کہ خواجہ سعد رفیق نے سب سے پہلے لطیف کھوسہ کو مبارکباد دی، الزام لگانے والوں کو ہمیں جواب دینا آتا ہے، جن حلقوں سے مخالف جماعتوں کو شکست ہوئی اسے تسلیم کریں۔عطا تارڑ کا مزید کہنا تھا کہ ہماری مخالف جماعت نے سوشل میڈیا کو جھوٹا بیانیہ بنانے کیلئے استعمال کیا گیا، ان لوگوں نے سائفر لہرا کر ملکی مفاد کو داؤ پر لگادیا۔ ن لیگ کے رہنما عطاء تارڑ نے کہا ہے کہ ایک کمشنر کو الیکشن کے 8 دن بعد بیداری نصیب ہوئی، وہ نہ آر او ہیں، نہ ڈی آراو اور نہ ہی کوئی ثبوت پیش کرسکے، آئندہ چند دنوں میں پنجاب میں حکومت بنانے جارہے ہیں، ہمارا دشمن مکار اور فریبی ہے، اسے ایک دن شکست ضرور ہوگی۔

  • 9 مئی والوں نے کوئی سبق نہیں سیکھا، ان کی سازش اور ملک دشمن مہمات کو روکنا ہوگا، ملک احمد خان

    9 مئی والوں نے کوئی سبق نہیں سیکھا، ان کی سازش اور ملک دشمن مہمات کو روکنا ہوگا، ملک احمد خان

    ماڈل ٹاؤن سیکرٹریٹ لاہور میں لیگی رہنما عظمیٰ بخاری کے ہمراہ پریس کانفرنس کرتے ہوئے ملک احمد خان کا کہنا تھا کہ کل سے ملک میں ایک ہیجان سی صورتحال بنائی ہوئی ہے، پی ٹی آئی کی تاریخ ہے انہوں نے کبھی انتخابی نتائج کو تسلیم نہیں کیا، یہ حکومت میں ہوں تب بھی انتخابات کے نتائج کو نہیں مانتے۔ انہوں نے کہا کہ
    کہ 9 مئی کے ذمہ داروں نے کوئی سبق نہیں سیکھا، بیرون ملک سے پروپیگنڈا مہم چلائی جا رہی ہے، جو پروپیگنڈا کیا جا رہا ہے یہ بلا سبب نہیں ہے ، یہ اسی سازش کی ایک کڑی ہے جو ہم پہلے دیکھتے آ رہے ہیں، ملک دشمن مہم رکنے کا نام نہیں لے رہی۔ ن لیگ کے رہنما کا مزید کہنا تھا کہ 2014 کے دھرنے کے پیچھے بھی انتخابی دھاندلی کو جواز بنایا گیا، کہا گیا الیکشن ٹربیونل کی کوئی ضرورت نہیں بس 4 حلقے کھول دیں، پھر 35 پنکچر پر بھی صدرعارف علوی کی جانب سے معافی مانگی گئی۔

    انہوں نے کہا کہ کمشنر راولپنڈی کا الیکشن پراسس سے کوئی تعلق نہیں، کمشنر راولپنڈی کا الیکشن کمیشن آف پاکستان سے کوئی تعلق نہیں، کمشنرراولپنڈی آر او ہیں نہ ہی ڈی آر او نہ ہی ان کا کوئی تعلق ہے۔ملک احمد خان نے کہا کہ کل کی صورتحال کے بعد خوفناک مہم شروع کی گئی، یہ لوگ اپنی انتشاری مہم سے بعض نہیں آرہے، ان لوگوں نے 9 مئی کو بھی افواج پاکستان کے خلاف مہم چلائی، 9 مئی کے دن ایئربیس پر حملے ہوئے، ایمبولینسز تک جلائی گئیں۔انہوں نے کہا کہ کل سے ملک میں ایک ہیجان کی کیفیت بنائی ہوئی ہے، ڈسکہ الیکشن کی مثال آپ کے سامنے ہے، انتخابی نتائج تسلیم نہ کرنا پی ٹی آئی کا وطیرہ ہے، الزام لگانے والوں کو جواب دینا ہمیں آتا ہے، کمشنر راولپنڈی کا الیکشن کمیشن یا انتخابی عمل سے کوئی تعلق نہیں ہے۔

  • خیبرپختونخوا سے مزید دو آزاد اراکین مسلم لیگ ن میں شامل

    خیبرپختونخوا سے مزید دو آزاد اراکین مسلم لیگ ن میں شامل

    لاہور: مسلم لیگ ن کو خیبرپختونخوا اسمبلی کی دومزید نشستیں مل گئیں-

    باغی ٹی وی : خیبرپختونخوا کے حلقہ پی کے 106 سے سابق وزیر ہشام انعام اللہ خان اور پی کے 82 سے ملک طارق اعوان نے شہباز شریف اور دیگر لیگی قیادت سے ملاقات میں مسلم لیگ (ن) میں شمولیت کا اعلان کردیا، مسلم لیگ ن کے صدر اور نامزد وزیراعظم شہباز شریف سے آزاد منتخب اراکین اسمبلی نے ملاقات کی،اس موقع پر صوبائی صدر انجینئر امیر مقام اور اویس خان لغاری بھی موجود تھے،نامزد وزیراعظم شہبازشریف نے آزاد اراکین اسمبلی کا خیر مقدم کیا-

    آزاد اراکین کا کہنا تھا کہ نواز شریف اور مسلم لیگ (ن) ہی پاکستان کو مشکلات سے نکال سکتے ہیں، شہباز شریف نے کہا کہ عدم استحکام کسی کے مفاد میں نہیں معاشی خطرات کا تقاضا ہےسب مل کر پاکستان کے لئے کام کریں پہلے بھی ملک کو ڈیفالٹ سے بچایااب بھی یہی ترجیح ہے،جن کا ایجنڈا انتشار ہے وہ اب بھی انتشار پھیلا رہے ہیں،نواز شریف اپنی ذات اورسیاست کا نہیں،ہمیشہ پاکستان اورعوام کا مفاد سوچتے ہیں، ہم پاکستان کو کسی نئی مصیبت اور بحران سے بچانے کی کوشش کر رہے ہیں۔

    کمشنر کے تانے بانے پی ٹی آئی سے مل رہے ہیں،رہنما پیپلز پارٹی

    کمشنر راولپنڈی لیاقت علی چھٹہ کو عہدے سے ہٹا دیا گیا

    قوم نے بانی پی ٹی آئی کو ووٹ دئیے،ہمارا مینڈیٹ واپس کیا جائے،علی محمد خان