لاہور پولیس نے پی ٹی آئی رہنما خالد گجر کو گرفتار کرلیا، وہ 9 مئی کے بعد سے روپوش تھے۔

باغی ٹی وی: ذرائع کے مطابق رہنما پی ٹی آئی خالد گجر نو مئی کے واقعات کے بعد روپوش تھے، تاہم پولیس نے آج انہیں گرفتار کرلیا ہے خالد گجر کو ان کے گھر سے گرفتار کیا گیا ہے۔

واضح رہے کہ 16 اگست کو لاہور کی انسداد دہشتگردی عدالت نے زمان پارک کے باہر پولیس کی گاڑیاں جلانے کے کیس میں حماد اظہر، زبیر خان نیازی، اور خالد گجر کے اشتہار جاری کرنے کا حکم دیا تھاپولیس نے عدالت کو بتایا کہ ملزمان حماد اظہر، زبیر خان نیازی اور خالد گجر گرفتاری سے بچنے کے لیے روپوش ہیں، پولیس تحقیقات میں بھی پیش نہیں ہوئے-

عثمان ڈار کی گمشدگی کا مقدمہ درج کرنے کا حکم

ملزمان پر زمان پارک کےسامنے پولیس کی گاڑیاں جلانےکا الزام ہےعدالت ملزمان کو اشتہاری قرار دینے کی کاروائی کے لیے ملزمان کے خلاف اشتہار دینے کا حکم جاری کرے، ملزمان کے خلاف تھانہ ریس کورس میں مقدمہ نمبر 852/23 درج ہے عدالت نے 3 پی ٹی آئی رہنماؤں کے خلاف اشتہاری قرار دینے کی کارروائی شروع کرنے کی اجازت دیتے ہوئے اشتہار جاری کرنے کا حکم دے دیا-

سرکاری ملازمین کو مفت بجلی فراہم نہیں کر سکتے،وزارت توانائی

لاہور: پاکستان مسلم لیگ ن نے 21 اکتوبرکو مینارپاکستان پرجلسے کا فیصلہ کر لیا-

باغی ٹی وی: نوازشریف کی وطن واپسی والے روز 21 اکتوبر کو مسلم لیگ ن لاہور میں بڑا جلسہ کرے گی،نوازشریف نے ائیرپورٹ پر صرف سینئیرقیادت کو آنے کی ہدایت کی ہے،لندن سے واپس آنے والے نوازشریف حفاظتی ضمانت ملنے کی صورت خود عوامی استقبال سے خطاب کریں گے ۔

پارٹی فیصلے کے مطابق نوازشریف بذریعہ ہیلی کاپٹر ایئرپورٹ سے مینارپاکستان جائیں گے اور ان کے جیل جانے کی صورت میں مینار پاکستان پراحتجاجی جلسہ ہوگا ملک بھر سے آنے والے رہنما و لیگی کارکنان مینارپاکستان پر جمع ہوں گے پروگرام کے مطابق نواز شریف مینار پاکستان جلسے سے خطاب کے بعد داتا دربار پر حاضری دیں گے-

پرویز الٰہی کو اینٹی کرپشن نے ضلع کچہری پیش کر دیا گیا

قبل ازیں پارٹی کے مشاورتی اجلاس سے ویڈیولنک خطاب میں نواز شریف کا کہنا تھاکہ ملک کو تباہی کی حالت پر پہنچانے والے سب سے بڑے مجرم ہیں، 70 سال میں اتنا بڑا جرم کسی نے نہیں کیا ہوگا کہ ملک کو ڈیفالٹ کے کنارے کھڑا کردیاگیا، ہم نے اپنا سیاسی سرمایہ داؤ پر لگاکرپاکستان کو ڈیفالٹ سے بچایا ہے۔

یا تواردومیں بتائیں یا پوری انگریزی بولیں،چیف جسٹس وکیل پر برہم

انہوں نے کہا کہ کوئی زخمی پڑا ہو تو کیا اسے نہیں بچانا چاہیے؟ اسی طرح ہم نے ملک کو ڈیفالٹ سے بچایا، پاکستان کو ڈیفالٹ سے بچانے کی قیمت ہم نے ادا کی ہے، پاکستان کے درد کی خاطر ہم نے خلوص سے یہ قربانی دی ہے، پی ڈی ایم ملک کو ڈیفالٹ سے نہ بچاتی تو آج ملک میں پیٹرول ایک ہزار روپے لیٹر ہوتا، لکھ کر دیتا ہوں، انتخابات میں کامیاب بھی آپ ہی ہوں گے، میں نے پہلے بھی معاملہ اللہ تعالیٰ پر چھوڑا تھا، اب بھی اللہ تعالیٰ پر چھوڑا ہے، اللہ تعالیٰ آپ کویہ صلہ کامیابیوں کی صورت میں دے گا۔

الیکشن کمیشن نے ووٹرز کا ڈیٹا جاری کردیا

لاہور: سابق وزیر اعلی پرویز الٰہی کو اینٹی کرپشن نے ضلع کچہری پیش کر دیا گیا۔

باغی ٹی وی: محکمہ اینٹی کرپشن نے سابق وزیراعلیٰ پنجاب اور صدر پی ٹی آئی پرویزالٰہی کو لاہور کی ضلع کچہری میں پیش کر دیا ہے جوڈیشل مجسٹریٹ عمران عابد نے سمعت کی، اور اینٹی کرپشن کی جانب سے پرویزالٰہی کے جسمانی ریمانڈ کی درخواست کی-

پرویز الٰہی کے وکیل رانا انتظار نے اعتراض کیا کہ پراسیکیوٹر دلائل نہیں دے سکتے، ان کے پاس اتھارٹی لیٹر نہیں ہے۔ کل انہوں نے ہی یہ فیصلہ چیلنج کردینا ہے جبکہ اینٹی کرپشن پراسیکیوٹر نے عدالت میں بتایا کہ پہلے والے بیل آرڈر میں بھی میرے دستخط موجود ہیں میں عدالت میں انڈرٹیکنگ دینے کو تیار ہوں کہ ان کیسز میں پیش ہونے کے لیے میرا آرڈر ہوا ہے۔

بعد ازاں چوہدری پرویز الٰہی نے کمرہ عدالت میں صحافیوں سے غیر رسمی گفتگو کی، جس میں انہوں نے کہا کہ پریس کانفرنس ابھی نہیں کرنی، آج کی مہنگائی کے ذمے دار نواز شریف اور شہباز شریف ہیں دونوں بھائیوں نے آئی ایم ایف سے غلط شرائط پر قرضے لیےچیئرمین پی ٹی آئی نے آئی ایم ایف سے ایسا کوئی معاہدہ نہیں کیا تھا۔

انہوں نے کہا کہ ملک میں مزید بے روز گاری ہونے جارہی ہے اس ملک کو بہتر کرنا ہوگا لوگ خودکشیوں پر اتر آئے ہیں،نگراں حکومت کے پیچھے نواز شریف اور شہباز شریف فارمولا ہے افغانستان جیسا ملک ہم سے آگے جارہا ہے چیئرمین پی ٹی آئی کے دور حکومت میں پیٹرول کی یہ قیمت نہیں تھی ۔

گزشتہ روز محکمہ اینٹی کرپشن نے سابق وزیراعلیٰ پنجاب کے خلاف محمد خان بھٹی کو غیر قانونی طور پر پرنسپل سیکرٹری لگانے کے الزام میں مقدمہ درج کیا تھا،ایف آئی آر کے متن کے مطابق پرویز الہٰی نے محمد خان بھٹی کو غیر قانونی طور پر پرنسپل سیکرٹری لگایا، پرنسپل سیکرٹری ٹو سی ایم کے طور پر کسی اسپیشل سروسز کے افسر کو نہیں لگایا جاسکتا،پرویز الہٰی نے مالی فائدے کے لیے محمد خان بھٹی کو اسپیشل سیکرٹری لگایا۔

پرویز الہٰی کو جوڈیشل ریمانڈ پرجیل بھیج دیا گیا

خیال رہے کہ وزیراعلیٰ پنجاب بننے کے بعد پرویز الٰہی نے اُس وقت کے سیکرٹری پنجاب اسمبلی محمد خان بھٹی کو اپنا پرنسپل سیکرٹری بنایا تھا۔ تاہم دوسری جانب چوہدری پرویزالہٰی کو اینٹی کرپشن ہیڈ کوارٹرز منتقل کردیا گیا، پی ٹی آئی کے مرکزی صدر کو سخت سیکیورٹی میں منتقل کیا گیا۔

پرویز الہٰی کیخلاف ایک اور مقدمہ درج

لاہور: ریلویز پولیس اہلکاروں نے گم ہونے والا 5 لاکھ 60 ہزار روپے مالیت کا موبائل فون برآمد کرکے مسافر کے حوالے کردیا۔

باغی ٹی وی:ترجمان ریلویز کے مطابق ریلویز پولیس لاہور ڈویژن نے بے مثال کارروائی کرتےہوئے 5 لاکھ 60 ہزار مالیت کا موبائل فون ڈھونڈ کر مسافر کے حوالے کردیا ہے محمد علی نامی مسافر لاہور سے کراچی سفر کر رہا تھا، اور دوران سفر اس کا 5 لاکھ 60 ہزار روپے مالیت کا موبائل فون ٹرین کی بوگی میں گم ہوگیا تھا، تاہم پولیس اہلکاروں نے مسافر کا موبائل فون ڈھونڈ نکالا، اور اسے متعلقہ مسافر کے حوالے کردیا۔

عید میلادالنبی پر اسپیشل میلاد ٹرین چلائی جائیگی

دوسری جانب پیٹرولیم مصنوعات کی قیمتوں میں اضافے کے بعد پاکستان ریلوے نے بھی کرایوں میں 5 فیصد اضافہ کردیا اور ملک بھر میں پیٹرولیم مصنوعات کی قیمتوں میں اضافے کے بعد پاکستان ریلوے نے بھی کرایوں میں اضافہ کردیا ہےجبکہ پاکستان ریلوے نے ٹرینوں کے کرایوں میں 5 فیصد اضافہ کردیا، 5 فیصد کرایوں میں اضافے کا اطلاق 19 ستمبر سے ہوگا کرایوں میں اضافے کا نوٹی فیکیشن جاری کردیا گیا، جس کے مطابق کرایوں میں اضافہ تمام مال گاڑیوں اورایکسپریس ٹرینوں ہوگا، نوٹیفکیشن کے مطابق 250 کلو میٹر تک چلنے والی شٹل اور پسنجر ٹرینوں کے کرایوں میں اضافہ نہیں ہوگا۔

ریلوے کے کرایوں میں اضافہ

واضح رہے کہ پاکستان ریلویز نے عید میلادالنبی صلی اللہ علیہ وآلہ وسلم کی مناسبت سے اسپیشل میلاد ٹرین چلانےکا فیصلہ کیا ہے،محکمہ ریلوے کے مطابق میلاد اسپیشل ٹرین 19 ستمبر کو کراچی سے راولپنڈی کےلیے روانہ ہوگی میلاد اسپیشل ٹرین کراچی سےبراستہ لودھراں، فیصل آباد اور لالا موسیٰ سے ہوتے ہوئے 20 ستمبر کو راولپنڈی پہنچے گی پاکستان ریلوے کی جناب سے نوٹیفیکیشن جاری کر دیا گیا ہے-

گوشت کا کھانے میں کم استعمال کرکے موسمیاتی تغیر میں کمی لائی جا سکتی ہے،تحقیق

لاہور ہائیکورٹ پنڈی بینچ نے سابق وزیر داخلہ شیخ رشیدکو حراست میں لیے جانے پر آئی جی پنجاب سے رپورٹ طلب کرلی۔

باغی ٹی وی : لاہورہائیکورٹ راولپنڈی بینچ میں شیخ رشید کی حراست کے خلاف درخواست کی سماعت ہوئی سماعت میں شیخ رشید کے وکیل ایڈووکیٹ سردار عبدالرازق خان عدالت میں پیش ہوئے،دوران سماعت عدالت نے آر پی او، سی پی او، آئی جی پنجاب اوروفاقی حکومت سے رپورٹ طلب کرلی اور حکم دیا کہ شیخ رشید کی حراست سے متعلق فریقین 22 ستمبر تک رپورٹ جمع کرائیں۔

واضح رہے کہ چند روز قبل پنجاب پولیس نے شیخ رشید احمد کو راولپنڈی کی نجی ہاؤسنگ سوسائٹی سے گرفتار کر کے نامعلوم مقام پر منتقل کردیا تھا، شیخ رشید کے بھتیجے شیخ شاکر اور ملازم عمران کو بھی حراست میں لیا گیا تھا ،شیخ رشید کے وکیل سردار عبدالرازق نے ان کی گرفتاری کی تصدیق کی تھی وکیل سردار عبدالرازق خان کے مطابق شیخ رشید کے دو بھتیجوں کو بھی گرفتار کیا گیا ہے۔

جناح ہاؤس کیس:اسد عمراورعلیمہ خان سمیت دیگر ملزمان کی ضمانتوں میں توسیع

انہوں نے کہا تھا کہ شیخ رشید کے خلاف پنجاب میں کوئی مقدمہ درج نہیں، چیئرمین پی ٹی آئی کی گرفتاری پر10 مئی کو پی ٹی آئی نے ریلی نکالی تھی، احتجاجی ریلی کےخلاف تھانہ کوہسارمیں مقدمہ درج کیاگیا اور مقدمے میں شیخ رشید کو بھی نامزد کیا گیا ہے، شیخ رشید کو سادہ کپڑوں میں ملبوس افراد نے گرفتار کیا۔

معمول کے کیس سننا شروع،نئے چیف جسٹس نے 3 کیسز نمٹا دیئے

لاہور: چیئرمین پی ٹی آئی کی بہن علیمہ خان کا کہنا ہے کہ میں جناح ہاؤس نہیں گئی مگر مجھے نامزد کردیا گیا-

باغی ٹی وی: لاہور کی انسداد دہشت گردی عدالت جلاؤ گھیراؤ کیسز کی سماعت ہوئی، اسدعمر، چیئرمین پی ٹی آئی کی بہنوں سمیت دیگر کی عبوری ضمانتوں پر سماعت جج عبہر گل نے کی ملزمان نے عدالت پیش ہوکر حاضری مکمل کروائی، چیئرمین پی ٹی آئی کی بہن علیمہ خان نے عدالت میں بیان دیا کہ میں جناح ہاؤس نہیں گئی مگر مجھے نامزد کردیا گیا،عدالت انصاف کے لیے آئے ہیں، ہمیں انصاف دیا جائے۔

عدالت نے پولیس سے تفتیش کا ریکارڈ طلب کرتے ہوئے ملزمان کی ضمانتوں میں 4 اکتوبر تک توسیع کردی۔

اقوام متحدہ کی جنرل اسمبلی کا 78 واں اجلاس آج سے شروع ہو گا

واضح رہے کہ اس سے قبل بھی چیئرمین پی ٹی آئی کی بہنیں علیمہ خان اور عظمیٰ خان 9 مئی کو جناح ہاوس اور دیگر سرکاری املاک پر حملہ کے معاملے پر بیان ریکارڈ کرانے جے آئی ٹی کے سامنے پیش ہو ئیں اور 4 مقدمات کی تفتیش میں اپنے بیان ریکارڈ کروائے تھے دونوں نے جناح ہاوس پر توڑ پھوڑ اور دیگر سرکاری املاک کو نقصان پہنچانے پر لاتعلقی کا اظہار کیا تھا-

پرویز الہٰی کیخلاف ایک اور مقدمہ درج

چیئرمین پی ٹی آئی کے بہن عظمی خان نے اعتراف کیا تھا کہ وہ جناح ہاؤس کے سامنے ہونے والے مظاہرے میں شریک تھی تاہم عظمی ٰخان نے جناح ہاوس میں ہونیوالی توڑ پھوڑ اور جلاو گھیراو سے لاعلمی کا اظہار کیا چیئرمین پی ٹی آئی کی دوسری بہن علیمہ خان نے جے آئی ٹی کو بیان دیا تھا کہ وہ اُس وقت زمان پارک میں موجود تھیں۔

کراچی سمیت ملک بھر میں کل تک مزید بارشوں کا امکان

اینٹی کرپشن پنجاب نے سابق وزیراعلیٰ پنجاب اور پی ٹی آئی کے صدر چوہدری پرویز الہٰی کے خلاف محمد خان بھٹی کو غیرقانونی طور پر سیکرٹری لگانے پر ایک اور مقدمہ درج کرلیا ہے اور اینٹی کرپشن پنجاب نے چوہدری پرویز الہٰی کے خلاف ایک اور مقدمہ درج کرلیا، سابق وزیراعلیٰ پنجاب پر محمد خان بھٹی کو غیر قانونی طور پر پرنسپل سیکرٹری لگانے کے الزام میں مقدمہ درج کرلیا گیا۔

خیال رہے کہ مقدمے میں محمد خان بھٹی اور سابق سیکرٹری سروسز کو بھی نامزد کیا گیا ہے، ایف آئی آر کے متن کے مطابق پرویز الہٰی نے محمد خان بھٹی کو غیر قانونی طور پر پرنسپل سیکرٹری لگایا، پرنسپل سیکرٹری ٹو سی ایم کے طور پر کسی اسپیشل سروسز کے افسر کو نہیں لگایا جاسکتا۔
مزید یہ بھی پڑھیں؛
حلقہ بندی کمیٹیوں ہر صورت 26 ستمبر تک کام مکمل کرنے کی ہدایت
سانحہ بلدیہ ٹاؤن:طلبی کے باوجودعدالت سیکرٹری داخلہ اور آئی جی کے پیش نہ ہونے پر برہم
پیٹرول کی بڑھتی قیمتوں پر فنکاروں کا رد عمل
جبکہ ایف آئی آر کے متن میں کہا گیا ہے کہ پرویز الہٰی نے مالی فائدے کے لیے محمد خان بھٹی کو اسپیشل سیکرٹری لگایا جبکہ خیال رہے کہ وزیراعلیٰ پنجاب بننے کے بعد پرویز الٰہی نے اُس وقت کے سیکرٹری پنجاب اسمبلی محمد خان بھٹی کو اپنا پرنسپل سیکرٹری بنایا تھا۔ تاہم دوسری جانب چوہدری پرویزالہٰی کو اینٹی کرپشن ہیڈ کوارٹرز منتقل کردیا گیا، پی ٹی آئی کے مرکزی صدر کو سخت سیکیورٹی میں منتقل کیا گیا۔

پنجاب میں پہلی بار مفلوج افراد کے بحالی مراکز کا قیام عمل میں لایا جارہا

فالج سے متاثرہ افراد اور جسمانی معذوروں کیلئے اچھی خبر آگئی۔ پنجاب میں پہلی بار مفلوج افراد کے بحالی مراکز کا قیام عمل میں لایا جارہا ہے اور وزیر پرائمری و سیکنڈری ہیلتھ کیئر ڈاکٹر جمال ناصر کا کہنا ہے کہ پنجاب کے 5 شہروں میں خصوصی بحالی مراکز قائم کئے جا رہے ہیں۔

جبکہ انہوں نے بتایا کہ پنجاب میں ایک مرکزی بحالی سینٹر اور 4 سیٹلائٹ سینٹرز قائم کئے جائیں گے اور ڈاکٹر جمال ناصر کا کہنا تھا کہ مرکزی بحالی سینٹر ڈسٹرکٹ ہیڈ کوارٹرز اسپتال ملتان میں قائم کیا جائیگا جو 30 بیڈز پر مشتمل ہوگا۔ باقی 4 سیٹلائٹ بحالی مراکز لاہور، فیصل آباد، تونسہ اور واہ کینٹ میں بنائے جائینگے۔

علاوہ ازیں ان کا کہنا تھا کہ مرکزی بحالی سینٹر ریڑھ کی ہڈی کے آپریشن سمیت جدید سہولتوں سے لیس ہوگا اور وزیر پرائمری و سیکنڈری ہیلتھ کیئر نے مزید کہا کہ ٹی ایچ کیو اسپتال سمن آباد لاہور میں پہلے پیرا پلیجک سینٹر کا افتتاح بہت جلد کردیا جائیگا۔
مزید یہ بھی پڑھیں؛
پاک آئی ایم ایف مذاکرات کو کوئی اور رنگ دینا مضحکہ خیز. دفترخارجہ
حلقہ بندی کمیٹیوں ہر صورت 26 ستمبر تک کام مکمل کرنے کی ہدایت
سانحہ بلدیہ ٹاؤن:طلبی کے باوجودعدالت سیکرٹری داخلہ اور آئی جی کے پیش نہ ہونے پر برہم
پیٹرول کی بڑھتی قیمتوں پر فنکاروں کا رد عمل
اسلام آباد پولیس اور غیر ملکی شہریوں کے درمیان جھگڑا؟
خیال رہے کہ انہوں نے بتایا کہ بحالی مراکز پر مریضوں کو اسپیچ تھراپی کی سہولت بھی مہیا کی جائے گی، معذور افراد کیلئے مصنوعی اعضاء کی ورکشاپ بھی قائم کی جائیگی۔

مسلم لیگ ن پنجاب؛ گرینڈ مشاورتی اجلاس میں تنظیمی عہدیداروں کو ٹاسک سونپ دیے گئے

سابق وزیراعظم نواز شریف کی وطن واپسی کے معاملے پر مسلم لیگ (ن) پنجاب کے گرینڈ مشاورتی اجلاس میں تنظیمی عہدیداروں کو ٹاسک سونپ دیے گئے۔ چیف آرگنائزر نون لیگ مریم نواز کا کہنا ہے کہ 21 اکتوبر کو کسی فرد کا نہیں بلکہ پاکستان کے روشن مستقبل کا استقبال کریں گے۔

https://twitter.com/pmln_org/status/1703752829045776656
لاہور کے مقامی ہوٹل میں نواز شریف کی وطن واپسی کی تیاریوں کے حوالے سے مسلم لیگ نون پنجاب کے اہم مشاورتی اجلاس کی صدارت چیف آرگنائزر مریم نواز نے کی، ن لیگ کے قائد نواز شریف ویڈیو لنک کے ذریعے اجلاس میں شریک ہوئے۔ سابق وزیراعظم کے اجلاس میں شرکت پر شرکاء نے کھڑے ہو کر اور بھرپور تالیوں سے اپنے قائد کا استقبال کیا۔

جبکہ پاکستان مسلم لیگ (ن) کے نائب صدر حمزہ شہباز شریف، سیکریٹری جنرل احسن اقبال، پنجاب کے صدر رانا ثناء اللہ، پنجاب سے سابق ارکان قومی و صوبائی اسمبلی اور ٹکٹ ہولڈرز نے اجلاس میں شرکت کی جبکہ پنجاب کے پی پی سطح کے تمام ڈویژنز اور اضلاع کے عہدیدار بھی اجلاس میں شریک ہوئے۔ اجلاس میں سابق اراکین اسمبلی، پنجاب کے تمام ڈویژنز اور اضلاع کے عہدیداران کو 21 اکتوبر کی تیاریوں کے حوالے سے ذمہ داریاں سونپی گئیں۔ چیف آرگنائزر مریم نواز نے اجلاس سے گفتگو کرتے ہوئے کہا کہ نواز شریف کے استقبال کے لیے پارٹی کے مرکزی سیکریٹریٹ میں سینٹرل فسیلی ٹینشن کنٹرول سینٹر قائم کر دیا گیا ہے، 21 اکتوبر کو وطن واپسی پر میاں نوازشریف کا پُرتپاک استقبال کیا جائے گا، عوام پاناما اور اقاما کے ڈرامے کو ہمیشہ کے لیے دفن کردیں گے۔

علاوہ ازیں سابق وزیراعلی حمزہ شہباز کا کہنا تھا کہ نوازشریف نے زخم کھا کر بھی پاکستان کے زخموں پر مرہم رکھا ہے، نواز شریف نے پاکستان کو ایٹمی ملک بنایا لیکن آج اسے بھکاری ملک بنا دیا گیا جو باعث شرم ہے۔ حمزہ شہباز نے کہا کہ نوازشریف کو وزیراعظم بناکر عوام اپنے بچوں کا مستقبل محفوظ بنائیں گے، قائد ن لیگ کے وزیراعظم بننے کا مطلب مہنگائی کے عذاب کم کرنا ہے، ملک کی بہتری کے لیے قائد نواز شریف پاکستان آ رہے ہیں، ان کا شاندار استقبال کریں گے، ترقی اور خوش حالی کا استقبال کریں گے۔

انہوں نے مزید کہا کہ کسان ، محنت کش، دیہاڑی دار، طالب علم، استادسب نوازشریف کی راہ دیکھ رہے ہیں، قوم کو سوال پوچھنا چاہیے کہ نوازشریف کے دور کے بعد مہنگائی کیوں ہوئی؟ نوازشریف نے عوام کو ریلیف دیا تھا، پھر کس نے عوام کو تکلیف دی ؟ سابق وفاقی وزیر احسن اقبال نے کہا کہ نواز شریف کی قیادت میں 2013 سے 2018 پاکستان کی تیز ترین ترقی کا دور تھا، پاکستان کی ترقی کے عمل کو ایک سازش کے تحت روکا گیا، نواز شریف ہی نہیں، پاکستان کی ترقی، سی پیک اور پاکستان کے دوست ممالک کے خلاف بھی سازش ہوئی، عوام کا مضبوط مینڈیٹ پاکستان کے خلاف ہونے والی سازش کے اثرات ختم کرنے میں مددگار ثابت ہو گا۔

جبکہ سابق وفاقی وزیر داخلہ رانا ثناء اللہ نے کہا کہ نوازشریف کی سیاست پاکستان کی ترقی اور عوام کی خوش حالی ہے، نوازشریف کے خلاف سازش اصل میں عوام اور پاکستان کے خلاف سازش ہوتی ہے، جب پاکستان ترقی کرتا ہے، اسے گرایا جاتا ہے۔ رانا ثناء اللہ کا کہنا تھا کہ پاکستان کی ترقی سے چند کرداروں کو تکلیف ہوگئی، نوازشریف حکومت ختم نہ ہوتی تو مہنگائی ختم ہوچکی ہوتی، جمہوریت ناکام نہیں ہوئی، جمہوریت کو ناکام بنایا گیا، سازش نہ ہوتی تو آج پاکستان بھیک مانگنے پر مجبور نہ ہوتا، پاکستان لوٹنے والے صداقت اور امانت کے سرٹیفکیٹ بانٹتے رہے۔