Category: لاہور

آئی جی پنجاب ڈاکٹر عثمان انور کی ہدایت پر لاہور سمیت صوبہ بھر میں بجلی چوروں کے خلاف کریک ڈاؤن جاری ہے،

لاہور سمیت صوبہ بھر میں بجلی چوروں کے خلاف 24758 مقدمات درج، 15031 ملزمان گرفتار کر لئے گئے،گذشتہ روز صوبہ بھر میں 1193 مقدمات درج، 46 ملزمان کو گرفتار کیا گیا۔صوبائی دارالحکومت لاہور میں بجلی چوروں کے خلاف 238 مقدمات درج کئے گئے۔ بجلی چوروں کے خلاف10451 مقدمات چالان، 10062 زیر تفتیش ہیں، آئی جی پنجاب ڈاکٹر عثمان انور نے صوبہ بھر میں بجلی چوروں کے خلاف جاری کریک ڈاؤن مزید کرنے کا حکم دیا اور کہا کہ متعلقہ محکموں کے اشتراک سے نجی و کمرشل بجلی چور صارفین کے خلاف بلا تفریق کاروائیاں کی جائیں، سپروائزری افسران بجلی چوروں کے خلاف کریک ڈاؤن کی خود نگرانی کریں ۔بجلی چوروں کے خلاف کریک ڈاؤن کی رپورٹس باقاعدگی سے سی پی او بھجوائی جائیں۔ ملکی وسائل کو نقصان پہنچانے والے عناصر کے خلاف سخت قانونی کاروائی میں تاخیر نہ کی جائے۔

لاہور،7 روز کے دوران بجلی چوری میں ملوث 115 ملزمان گرفتار
لاہورپولیس کا بجلی چوروں کے خلاف کریک ڈاؤن کامیابی سے جاری ہے،گذشتہ7 روز کے دوران 115 ملزمان گرفتارکئے گئے ،کینٹ ڈویژن 54، سول لائنز23، صدر ڈویژن سے 3 ملزمان گرفتارکئے گئے،اقبال ٹاؤن سے 28 اور ماڈل ٹاؤن ڈویژن سے7بجلی چور گرفتارکئے گئے .ڈی آئی جی آپریشنز نے لیسکو، ضلعی انتظامیہ کے ساتھ مل کر بجلی چوروں کے خلاف کریک ڈاؤن مزید تیز کرنے کا حکم دیا، بجلی چوری کی روک تھام کیلئے ڈی ایس پی لیگل فوکل پرسن مقرر کر دیئے گئے،فوکل پرسن متعلقہ اداروں کو قانونی معاونت فراہم کر رہے ہیں،

کنگن پور کے 50 شہری بجلی چوری میں ملوث
چونیاں: کنگن پور کے علاقے میں لیسکو اہلکاروں نے رات گئے بجلی چوروں کے خلاف گرینڈ آپریشن کیا،کنگن پور کے 50 شہری بجلی چوری میں ملوث پائے گئے، بجلی منقطع کر دی گئی، بجلی چوروں کے خلاف 50 مقدمات درج، 18 افراد موقع پر گرفتار کر لئے گئے، پکڑے گئے درجنوں بجلی چوروں کو لاکھوں روپے کے جرمانے عائد کئے گئے، سب ڈویژن چونیاں میں پکڑے گئے بجلی چوروں کی تعداد 531 ہوگئی، 180 مقدمات درج ہو چکے ہیں، گرفتار کیے گئے عادی بجلی چوروں کی تعداد 41 ہوگئی ،

گیپکو کی ریجن بھر میں بجلی چوروں کیخلاف بھرپور کاروائیاں
گیپکو کی ریجن بھر میں بجلی چوروں کیخلاف بھرپور کاروائیاں دسویں روز بھی جاری ہے ، اب تک ریجن بھر سے 466 بجلی چور پکڑ لیے گئے ۔ پکڑے جانے والوں میں انڈسٹریل 3، زرعی25، کمرشل13اور425 ڈومیسٹک شامل ہیں ۔ تمام کنکشنز منقطع کر کے 10لاکھ سے زائد ڈٹیکشن یونٹس چارج کئے گئے ہیں جن کی مالیت تقریباََ 3کروڑ57لاکھ ہے۔ بجلی چوری میں ملوث 328 کے خلاف ایف آئی آرز درج کی گئی اور 12 لوگوں کو گرفتار کر لیا گیا ۔ کریک ڈاؤن میں اب تک سٹی سرکل سے 103بجلی چوروں کو 59لاکھ،کینٹ سرکل کے 141بجلی چوروں کو ایک کروڑ 7لاکھ روپے کے جرمانے کئے گئے، گجرات سرکل کے 48بجلی چوروں کو 58لاکھ، سیالکوٹ کے 67بجلی چوروں کو 53لاکھ روپے کے جرمانے کیے گئے ، نارووال سرکل کے 57بجلی چوروں کو 29لاکھ روپے جبکہ منڈی بہاوالدین سرکل میں پکڑے گئے50بجلی چوروں کو 11لاکھ روپے سے زئد کے ڈیٹکشن بل جاری کئے گئے ہیں۔ چیف ایگزیکٹو گیپکو انجینئر محمد ایوب کا کہنا ہے کہ بجلی چوری مہم کو کامیاب بنانے میں کمشنر گوجرانولہ اور پولیس کے تعاون کے مشکور ہیں، بجلی چوری کے مکمل خاتمے تک پوری طاقت سے گرینڈ آپریشن جاری رہے گا، آپریشن کے دوران بجلی چوروں کے ساتھ ساتھ ان کی سرپرستی میں ملوث پائے جانے والے گیپکو افسران و ملازمین کو بھی نوکری سے فارغ کرکے قانون کے کٹہرے میں لایا جائے گا،

دوسری جانب پنجاب، خیبر پختونخواہ اور اسلام آباد میں گیس چوری کے خلاف کریک ڈاؤن جاری ہے،سوئی ناردرن کی بڑی کارروائی، مردان میں پانچ کلومیٹر طویل غیر قانونی نیٹ ورک پکڑا گیا ،لاہور میں فارم ہاؤس کا غیر قانونی گیس کنکشن منقطع کر دیا گیا،لاہور میں تجارتی مقاصد کے لیے گھریلو کنکشن کے استعمال پر گیس کنکشن منقطع کیا گیا،پنجاب، خیبر پختونخواہ اور اسلام آباد میں مزید 241 گیس کنکشن منقطع کردیے گئے ،گیس چوری میں ملوث افراد سے 27 لاکھ روپے وصول کیے جائیں گے،پشاور اور مردان میں گیس غیر قانونی استعمال پر پچاس کنکشن منقطع کئے گئے،راولپنڈٖی، اسلام آباد میں 19گیس کنکشن منقطع کئے گئے،گجرات، سیالکوٹ، سرگودھا میں گیس کے غیر قانونی استعمال پر43 گیس کنکشن منقطع کئے گئے،گوجرانوالہ، فیصل آباد، لاہور، ساہیوال میں 62 گیس کنکشن منقطع کئے گئے،بہاولپور، ملتان میں 49 گیس کنکشن منقطع کر دیئے گئے،

بجلی کے بھاری بلوں کیخلاف پہیہ جام ہڑتال جاری

مہنگائی، بچوں کو بھوکا دیکھنا مشکل کام خود کشیاں، احتجاج، بجلی بل موت کا پروانہ

نگران حکومت سے عوام کی توقعات ، تحریر:ڈاکٹر سبیل اکرام

سیاستدان سیاست پر ملک کے مفاد کو ترجیح دیں، ڈاکٹر سبیل اکرام

پاکستان کا زرعی ومعاشی مستقبل نئے ڈیموں کی تعمیر سے وابستہ ہے ،ڈاکٹر سبیل اکرام

حکومت بھارت کی آبی جارحیت کا فوری سدباب کرے،ڈاکٹر سبیل اکرام

پنجاب حکومت کا بجلی چوروں کیخلاف کریک ڈاؤن شروع کرنے کا فیصلہ

پیٹرولیم مصنوعات کی قیمتوں میں اضافے کے بعد سیاسی رہنماؤں کا ردعمل سامنے آیا ہے تو ہیں لاہور ہائیکورٹ میں بھی درخواست دائر کر دی گئی ہے،

پیٹرولیم مصنوعات کی قیمتوں میں اضافہ پر امیر جماعت اسلامی سراج الحق نے کہا ہے کہ قیمتوں میں اضافے کو مسترد کرتے ہیں ،حکومت نے آئی ایم ایف کے کہنے پرپٹرولیم مصنوعات میں اضافہ کر کے عوام کا جینا مزید مشکل بنا دیا ،جماعت اسلامی بجلی اور پٹرولیم مصنوعات کی قیمتوں میں اضافے کے خلاف احتجاجی تحریک چلا رہی ہے، چاروں صوبوں میں گورنر ہاؤسز کے باہر عوامی دھرنے دیں گے عوام سے اپیل کرتا ہوں ،کہ اس صورتحال میں خاموش رہنا موت ہے ، موت کا انتظار کرنے کی بجائے گھروں سے نکلیں اور جماعت اسلامی کی تحریک کا حصہ بنیں

امیر تحریک لبیک پاکستان علامہ سعد حسین رضوی کا کہنا ہے کہ ملک کو معاشی مشکلات سے نکالنے کیلئے سارا بوجھ عوام پر ڈالنا ظلم ہے ،پیٹرولیم مصنوعات کی قیمتوں میں اضافے سے ملک میں مہنگائی کا طوفان آئے گا ،اس کا اثر براہ راست روزمرہ استعمال کی اشیاء ضروریہ پر پڑے گا

بڑھتی ہوئی مہنگائی کیخلاف عوامی ردّعمل کو مزید روکنا اب ممکن نہیں، تحریک انصاف
پاکستان تحریک انصاف کی جانب سے پٹرول اور ڈیزل کی قیمتوں میں اضافے کی شدید مذمت کی گئی، اور نگران حکومت سے ناکام معاشی پالیسیوں کی قیمت عوام سے وصول کرنے کا ظالمانہ سلسلہ ترک کرنے کا مطالبہ کیا گیا، ترجمان تحریک انصاف کے مطابق عوام کی قوّت خرید سلب کرنے کے بعد یہ اضافہ ملک میں خانہ جنگی کو ہوا دینے کی سوچی سمجھی سازش معلوم ہوتی ہے،نگران حکومت ہر لحاظ سے پی ڈی ایم کی مجرمانہ حکومت ہے کی توسیع و تسلسل ہے،امید تھی انوارالحق کاکڑ مجرموں کے وارث بننے کی بجائے کسی بہتر راہ کا انتخاب کریں گے،مجرموں نے معیشت کا جنازہ نکالا، نالائق اور برائے نام نگران عوام کو دفن کرنے کی کوششوں میں مصروف ہیں،پٹرول اور ڈیزل کی قیمتوں میں اس تازہ اضافے سے مہنگائی کی تباہ کن لہر کی شدت بڑھے گی،آئین و قانون کی بجائے ملک کو اپنی منشاء کے تابع چلانے والوں کے پاس مزید تجربوں کی کوئی گنجائش باقی نہیں،پٹرولیم مصنوعات میں اضافہ فوری واپس لیکر بھتہ خوری کا حکومتی سلسلہ بند کیا جائے، بڑھتی ہوئی مہنگائی کیخلاف عوامی ردّعمل کو مزید روکنا اب ممکن نہیں،

نگران حکومت کا پیٹرول کی قیمتوں میں اضافہ عوام پر ایک اور شب خون،خالد مسعود سندھو
پاکستان مرکزی مسلم لیگ کے صدر خالد مسعود سندھو نے پیٹرولیم مصنوعات کی قیمتوں میں اضافے پر شدید ردعمل دیتے ہوئے کہا ہے کہ نگران حکومت کا رات کے اندھیرے میں مہنگائی کی پسی عوام پر ایک اور شب خون ، نگران وزیراعظم نے عوام کو ریلیف دینے کی بجائے پیٹرولیم مصنوعات کی قیمتوں میں اضافہ کرکے قوم کی امیدوں پر پانی پھیر دیا ہے۔ رات کے اندھیرے میں پٹرول کی قیمت میں اضافہ کسی صورت قبول نہیں ہے۔ حکومت فی الفور پٹرولیم مصنوعات کی قیمتوں میں کمی کرے اور عوام کو ریلیف دے وگرنہ پاکستان مرکزی مسلم لیگ ملک گیر احتجاج کی کال دینے پر مجبور ہوگی۔

دوسری جانب پیٹرولیم مصنوعات کی قیمتوں میں اضافے کے اقدام کو لاہور ہائیکورٹ میں چیلنج کردیا گیا ہے۔جوڈیشل ایکٹوزیم پینل کے سربراہ اظہر صدیق ایڈووکیٹ نے درخواست دائر کی ہے، جس میں نگراں وفاقی حکومت سمیت دیگر کو فریق بنایا گیا ہے۔درخواست میں کہا کہ پیٹرولیم مصنوعات کی قیمتوں میں 26 روپے کا اضافہ کردیا ہے، مصنوعات کی قیمتوں کا تعین کرنے کیلئے کوئی میکنزم نہیں ہے ، پیٹرولیم مصنوعات کی قیمتوں میں اضافے سے مہنگائی کا نیا طوفان آئے گا، استدعا کی کہ عدالت قیمتوں میں حالیہ اضافے کے اقدام کو کالعدم قرار دیا جائے

پٹرول بم نے عام شہری کی زندگی میں دہشت برپا کر دی ہے،میاں خالد محمود
جنرل سیکرٹری لاہور ڈویژن آئی پی پی میاں خالد محمود نےپٹرولیم مصنوعات کی قیمتوں میں اضافے پر رد عمل میں کہا ہے کہ استحکام پاکستان پارٹی پٹرول کی قیمت میں 26 روپے فی لیٹر اضافے کو مسترد کرتی ہے ،پٹرولیم مصنوعات کی قیمتیں بڑھا کر عوام کی زندگی کو اجیرن بنایا گیا ہے۔پٹرول بم نے عام شہری کی زندگی میں دہشت برپا کر دی ہے۔ دو وقت کی روٹی کمانے والوں کے لئے موٹر سائیکل کی ٹینکی فل کروانا خواب بن چکا ہے۔ ایسے فیصلوں سے بے بس عوام کو چیخنے چلانے پر مجبور کیا جا رہا ہے۔ استحکام پاکستان پارٹی عوام کی مشکلات حل کرنے کے لئے ہمہ وقت عوام میں موجود ہے۔ ہماری پارٹی کا منشورآدھی قیمت پر پٹرول کی فراہمی ہی اس مسئلے کا حل ہے۔

مسافروں کو مہنگائی نے مار دیا روٹی پوری کریں یا سفر کریں،ٹرانسپورٹر بھی پھٹ پڑے
پٹرولیم مصنوعات کی قیمتوں میں اضافہ پر آل پاکستان پبلک ٹرانسپورٹرز اونرز فیڈریشن نے ہنگامی اجلاس طلب کر لیا،ٹرانسپورٹرز کا ہنگامی اجلاس بند روڈ پر ریجنل آفس میں ہو گا ،اجلاس میں تمام بس ٹرمینلز کے مالکان اور پبلک ٹرانسپورٹرز کو شرکت کی دعوت دے دی گئی ،اجلاس میں ڈیزل کی قیمتوں میں اضافے پر لائحہ عمل بنائے جانے پر غور ہو گا ،ٹرانسپورٹر کا کہنا ہے کہ ان حالات میں پبلک ٹرانسپورٹ چلانا محال ہے،مسافروں کو مہنگائی نے مار دیا روٹی پوری کریں یا کسی سے ملنے کے لئے سفر کریں۔ پٹرول کی قیمت میں اضافہ کئی گھروں کو فاقہ کشی پر مجبور کر دے گا۔

مسافر اور مال بردار ٹرینوں کے کرایوں میں اضافہ متوقع
ریلوے حکام نے بھی مسافر اور مال بردار ٹرینوں کے کرایوں میں اضافے پر کام شروع کر دیا ، مسافر ٹرینوں کے کرایوں میں 10 سے 14 فی صد اضافہ متوقع ہے، مال بردار ٹرینوں کے کرائے میں 15 سے 20 فی صد تک اضافہ ہو سکتا ہے، پٹرولیم مصنوعات کی قیمتوں میں دو ماہ کے دوران چوتھی بار اضافہ ہوا ،اربوں روپے کے خسارے کا شکار ریلوے پر مزید اضافی بوجھ پڑ سکتا ہے ،پاکستان ریلوے کے سسٹم پر روزانہ اوسطا ساڑھے 3 لاکھ لیٹر ڈیزل استعمال ہوتا ہےڈیزل کی قیمت بڑھنے سے ایک ماہ کے دوران 20 کروڑ روپے کا اضافہ ہو گا۔دو ماہ کے دوران ڈیزل کی مد میں 75 روپے51 پیسے اضافہ ہوا ،15 اگست کو ڈیزل کی قیمت میں اضافہ ہونے سے ریلوے حکام نے 16 اگست کو ریل کرایوں میں اضافہ کیا تھا۔مسافر ٹرینوں کے کرایوں میں 10 فیصد ،گڈز ٹرینوں کے کرایوں میں 5 فیصد اضافہ کیا گیا تھا۔۔

واضح رہے کہ حکومت نے پیٹرولیم مصنوعات کی قیمتوں میں بڑا اضافہ کر دیا، جبکہ حکومت نے پیٹرول کی قیمت میں 26 روپے 2 پیسے فی لیٹر جبکہ ہائی اسپیڈ ڈیزل کی قیمت میں 17 روپے 34 پیسے فی لیٹر اضافہ کیا ہے، اضافے کے بعد پیٹرول کی نئی قیمت 331 روپے 38 پیسے فی لیٹر جبکہ ڈیزل کی نئی قیمت 329 روپے 18 پیسے فی لیٹر ہوگئی۔

بشری نے بچوں سے نہ ملنےدیا، کیا شرط رکھی؟ خان کیسے انگلیوں پر ناچا؟

ہوشیار،بشری بی بی،عمران خان ،شرمناک خبرآ گئی ،مونس مال لے کر فرار

بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

تحریک انصاف میں پھوٹ پڑ گئی، فرح گوگی کی کرپشن کی فیکٹریاں بحال

عمران خان، تمہارے لئے میں اکیلا ہی کافی ہوں، مبشر لقمان

عمران ریاض کو واقعی خطرہ ہے ؟ عارف علوی شہباز شریف پر بم گرانے والے ہیں

لاہور ہائیکورٹ: عدالتی حکم کے باوجود چوہدری پرویز الٰہی کی گرفتاری کا معاملہ،ڈی آئی جی انویسٹیگیشن اور ڈی آئی جی آپریشن اور ایس ایس پی آپریشنز کیخلاف توہین عدالت کی درخواست سماعت کے لیے مقرر کر دی گئی،

جسٹس چوہدری وقاص روف پرویز الٰہی کی اہلیہ قیصرہ الٰہی کی توہین عدالت کی درخواست پر 18 ستمبر کو سماعت کریں گے ،عدالت نے پیش نہ ہونے پر ائی جی اسلام آباد کے ورانٹ گرفتاری جاری کر رکھے ہیں .عدالت نے ڈسٹرکٹ اینڈ سیشن جج اسلام آباد کو ائی جی کو پیشکرنے کا حکم دے رکھا ہے ، لاہور ہائیکورٹ میں دائر درخواست میں موقف اختیار کیا گیا ہے کہ لاہور ہائیکورٹ نے چوہدری پرویز الٰہی کی تمام کیسز میں ضمانت منظور کی، نیب حراست سے بازیاب کراکے چوہدری پرویز الٰہی کو رہا کرایا گیا عدالت نے ڈی آئی جی آپریشن اور ڈی آئی جی انویسٹیگیشن کو طلب کرکے تحریری حکم نامہ دیا،

عدالت نے پولیس افسران کو بحفاظت گھر پہنچانے کا حکم دیا دونوں پولیس افسران کی موجودگی میں چوہدری پرویز الٰہی کو اٹھایا گیا دونوں پولیس افسران نے عدالتی حکم کے برعکس چوہدری پرویز الٰہی کی حفاظت نہیں کی عدالت ڈی آئی جی انویسٹیگیشن اور ڈی آئی جی آپریشن کیخلاف توہین عدالت کی کارروائی کرے

واضح رہے کہ پرویز الہیٰ کو اسلام آباد ہائیکورٹ کے حکم پر رہائی کے بعد پولیس لائن سے ایک بار پھر گرفتار کرلیا گیا تھا سادہ لباس اہلکار پرویز الہیٰ کووکیل کی گاڑی میں گھرجاتے ہوئے گرفتار کرکے لے گئے،صدر پی ٹی آئی کو اسلام آباد پولیس کے انسداد دہشت گردی ڈویژن نے گرفتار کیا-

ترجمان پولیس کا کہنا ہے کہ پرویزالہیٰ کو تھانہ سی ٹی ڈی میں درج مقدمہ نمبر 3/23 میں گرفتار کیا گیا پرویزالہیٰ کو جوڈیشل کمپلیکس حملہ کیس میں گرفتار کیا گیا ہے، 18 مارچ کو جوڈیشل کمپلیکس پر ہنگامہ آرائی کا مقدمہ پرویزالہیٰ کے خلاف ایس ایچ او تھانہ رمنا کی مدعیت میں درج ہوا تھا مقدمے میں انسداد دہشتگردی سمیت 11 دفعات شامل ہیں، اور جوڈیشل کمپلیکس حملہ کیس میں چوہدری پرویز الٰہی کی گرفتاری ڈالی گئی، جبکہ اٹھارہ مارچ جوڈیشل کمپلیکس پیشی پر ہنگامہ آرائی کا مقدمہ درج ہوا تھا اور چوہدری پرویز الٰہی کو گرفتار افراد کے ریکارڈ بیان گرفتار کیا گیا-

پرویز الہی رہائی کے بعد دوبارہ گرفتار

پولیس میری گاڑی بھی ساتھ لے گئی،پرویز الہی کے وکیل کا دعویٰ

پولیس نے پرویز الٰہی کو دوبارہ گرفتار کرلیا

پی ٹی آئی کی اندرونی لڑائیاں۔ فواد چوہدری کا پرویز الٰہی پر طنز

خدشہ ہے کہ پرویز الٰہی کو گرفتار کر لیا جائیگا

پرویز الہیٰ کے خلاف ایک اور مقدمہ درج کر لیا گیا ،

پرویزالہٰی کی حفاظتی ضمانت پر تحریری فیصلہ 

زمان پارک سے اسلحہ ملنے کی ویڈیو

امیر جماعت اسلامی سراج الحق نے بجلی کے بلوں میں اضافے کے خلاف تحریک کے اگلے مرحلے میں 21 ستمبر کو گورنرہاؤس کے سامنے 3 روزہ دھرنا دینے کا اعلان کردیا۔ ان کا کہنا ہے کہ آئی ایم ایف کے حکم پر کیے گئے اضافے کو قبول نہیں کریں گے۔ عوام کو بلوں میں ریلیف نہ دیا گیا تو اگلے مرحلہ میں اسلام آباد میں دھرنا ہوگا۔

جبکہ فیصل آباد کے گھنٹہ گھر چوک میں جلسہ سے خطاب کرتے ہوئے امیر جماعت اسلامی سراج الحق کا کہنا تھا کہ آج پاکستان کو چلانے والا پاکستان کا وزیر اعظم نہیں ہے بلکہ وہ آئی ایم ایف کا کلرک ہے، نگران وزیر اعظم نے کہا کہ بجلی اور مہنگائی کا کوئی ایشو ہی نہیں ہے لیکن آپ نے آئی ایم ایف کی غلامی سے باہر نہیں نکلنا، 16 ارب کے ٹیکس عوام پر ڈالے گئے ہیں، بجلی کے ایک بل میں مختلف قسم کے ٹیکس ڈالے جاتے ہیں۔

علاوہ ازیں سراج الحق کا کہنا ہے کہ 1991 سے 2015 تک 4 کھرب روپے قرضے معاف کرائے گے، اسٹیٹ بینک بتائے یہ قرضے تمہارے باپ کا مال ہے، چیف جسٹس فائز عیسی ان قرضوں کو معاف کرانے والوں کا سو موٹو لیں، نیب قوانین میں ممبران اسمبلی کو 50 کروڑ کرپشن کا اختیار دیا گیا جبکہ امیر جماعت اسلامی کا کہنا تھا کہ سابق حکومت نے نیب قوانین میں ترامیم اپنے مفادات کے لیے کیں اور پورا فائدہ اٹھایا، المیہ یہی ہے کہ پارلیمنٹ میں قانون سازی عوام کے نہیں طاقتور افراد یا خاندانوں کے لیے ہوتی ہے، عدالتیں چہرے دیکھ کر فیصلے کرتی ہیں۔امید ہے نئے چیف جسٹس انصاف کے پلڑے برابر اور ججز کے سیاسی جھکاؤ کے تاثر کو ختم کریں گے۔
مزید یہ بھی پڑھیں؛
ڈالر کے مقابلے میں روپے کی قدر میں اضافہ جاری
جمہوریت کا مطلب صرف انتخابات نہیں بلکہ شمولیت ہے. چیئرمین سینیٹ
انتخابی عمل کو پاکستان کے قوانین کے مطابق آگے بڑھایا جائے،امریکا
پوری قوم دہشت گردی کے خلاف جنگ میں متحد ہے،نگران وزیر داخلہ
ڈیفالٹرز سے ریکوری مہم ،لیسکو نے دوسرے روز21.26ملین کی وصولی کرلی
اسٹیٹ بینک نے مانیٹری پالیسی کا اعلان کر دیا
انہوں نے مزید کہا کہ نگران حکومت کا اصل کام صاف و شفاف الیکشن کے انعقاد کے بعد اختیار منتخب نمائندوں کے سپرد کرنا ہے مگر انہوں نے سوائے الیکشن کے ہر موضوع پر بات کی، پیپلزپارٹی اور پی ڈی ایم نے آخری وقت میں قومی مفادات کونسل کا اجلاس بلا کر الیکشن کے التوا کا جواز فراہم کیا تاہم جماعت اسلامی سمجھتی ہے کہ آئین کی رو سے اسمبلیوں کی تحلیل کے بعد 90 دن میں انتخابات کرانا الیکشن کمیشن کی ذمہ داری ہے۔

نگراں پنجاب حکومت نے صوبے کے 8 ڈویژنز کے کمشنرز سے میونسپل کارپوریشن کے اختیارات واپس لینے کا فیصلہ کرلیا گیا، پنجاب حکومت نے صوبے کے 8 ڈویژنز کے کمشنرز سے میونسپل کارپوریشن کے اختیارات واپس لینے کا فیصلہ کرلیا گیا ہے تاہم ذرائع کا کہنا ہے کہ گوجرانوالا، گجرات، روالپنڈی، سرگودھا، فیصل آباد، ملتان ڈویژن، ساہیوال، بہاولپور، ڈی جی خان، سیالکوٹ، مری اور لاہورڈویژن شامل ہیں۔ میونسپل کارپوریشن کے سربراہ اب ڈپٹی کمشنر ہوں گے۔

واضح رہے کہ 2022 میں اختیارات کمشنر کو دیئے گئے تھے، اور یہ تبادلے معمول کا حصہ ہیں اور اکثر اوقات انہیں ایک وقت کے بعد تبدیل کیا جاتا ہے اور مختلف علاقوں کی ذمہ داریاں سونپی جاتی ہیں.
مزید یہ بھی پڑھیں؛
پاکستان اسٹاک ایکسچینج میں آج کاروبار کا مثبت دن رہا
ڈالر کے مقابلے میں روپے کی قدر میں اضافہ جاری
جمہوریت کا مطلب صرف انتخابات نہیں بلکہ شمولیت ہے. چیئرمین سینیٹ
انتخابی عمل کو پاکستان کے قوانین کے مطابق آگے بڑھایا جائے،امریکا
پوری قوم دہشت گردی کے خلاف جنگ میں متحد ہے،نگران وزیر داخلہ
ڈیفالٹرز سے ریکوری مہم ،لیسکو نے دوسرے روز21.26ملین کی وصولی کرلی
اسٹیٹ بینک نے مانیٹری پالیسی کا اعلان کر دیا

اس سے قبل سندھ میں بھی تبادلے کیئے گئے تھے جنہیں نگران حکومت نے تبادلوں کے احکامات روکے تھے.

پاکستان پیپلزپارٹی کے چیئرمین بلاول بھٹو زرداری کی سربراہی میں پی پی سینٹرل ایگزیکٹو کمیٹی کا اجلاس آج دوسرے روز بھی ہوا، اجلاس میں ملک کی سیاسی اور معاشی صورت حال کے علاوہ عام انتخابات کے حوالے سے اہم فیصلے کئے گئے

اجلاس کے بعد پریس کانفرنس کرتے ہوئے بلاول کا کہنا تھا کہ سی ای سی اجلاس میں آئینی بحران پر بحث ہوئی ،سی ای سی میں سب نے اپنی رائے دی ،پاکستان پیپلز پارٹی جمہوریت کے استحکام اور اس کی حفاظت کے حوالے سے نہ کبھی مصلحت کا شکار ہوئی نہ آئندہ ہو گی۔ ہم جمہوریت کو مضبوط اور قانون و آئین و پارلیمان کی بالا دستی نا قابل تسخیر بنانے کے لیے پر عزم ہیں. سیاسی عدم استحکام کو ختم کرنے کیلئے الیکشن شیڈول اور تاریخ کا اعلان کیا جائے، الیکشن کمیشن کی ذمہ داری ہے کہ انتخابات کی تاریخ کا اعلان کرے، لیول پلیئنگ فیلڈ نہ دینے پر تشویش ہے،عوام بجلی کے بلوں سے پریشان ہیں،

بلاول کا کہنا تھا کہ لاہور پاکستان کا وہ شہر ہے جس میں پیپلز پارٹی نے جنم لیا وہ جماعت جو معاشرے کے پسے طبقات کی نمائندگی کرتی ہے اسے سازش کے ساتھ دیوار سے لگایا گیا ،پیپلز پارٹی کے انتخابات تاریخ اور لیول پلیئنگ فیلڈ کے حوالے سے اعتراضات سابق صدر آصف زرداری حل کرائیں گے۔میاں صاحب سے کبھی نہیں پوچھا جاتا کہ آپ نے کبھی کراچی میں رات نہیں گزاری تو سندھ سے آپ کا کیا تعلق ہے؟ 2013 میں چیف جسٹس، جنرل پاشا اور ایک سیاسی جماعت نے مل کر پنجاب سے پی پی کو نکالا آج وہ خود پچھتا رہے ہیں.الیکشن کے حوالے سے ہمارا جو آئینی موقف ہے اس پر بات کی گئی الیکشن کمیشن سے درخواست کرتے رہیں گے کہ 90دن میں الیکشن کروائے جائیں تاکہ ملک میں جمہوریت چلتی رہے

بلاول کا کہنا تھا کہ ہمارے لیے نیب نئی چیز نہیں،آمر کے بنائے قانون کو تبدیل ہونا چاہیئے،سپریم کورٹ کا آج کافیصلہ متوقع تھاملک میں 60 فیصد آبادی 30 سال سے کم ہے، سپریم کورٹ کے فیصلوں سے متعلق تاریخ اپنا فیصلہ دے گی، ہمارا مؤقف ہے کہ احتساب سب کا ایک جیسا ہونا چاہیئے، نو مئی سے پہلے میری کوشش تھی کہ سیاسی طور پر الیکشن کی تاریخ کا حل نکالیں ،کاش وہ کوشش کامیاب ہوتی تمام سیاسی جماعتوں اور جمہوریت کے لیے بہتر ہوتا، مگر تحریک انصاف کے کچھ لوگوں نے فیصلہ کیا انہوں نے جناح ہاؤس اور آرمی تنصیبات پر حملہ کرنا ہے وہ معاملہ پھر بیچ میں ہی رہ گیا ،ڈائیلاگ کے دروازے غیر عسکریت پسند جماعتوں کے لیے کھلے ہیں،ہمارے ایک اتحادی کے بارے میں کہا جاتا ہے جب مشکل میں ہوں تو پاؤں پڑتے ہیں جب وہ مشکل میں نہ ہوں تو گردن پکڑتے ہیں

عام آدمی کو معاشی طور پر مضبوط کریں گے

بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

جو لوگ غلط فیصلے میں ملوث تھے ان کا احتساب ہونا چاہیئے،بلاول

 بلاول بھٹو زرداری نے کہا ہے کہ کوئی چاہے یا نہ چاہے، کوئی نہیں روک سکتا، الیکشن ہوں گے۔

 پیپلز پارٹی کا مطالبہ ہے کہ الیکشن نوے دن کے اندر ہوں

مفتی عزیز الرحمان کو دگنی سزا ملنی چاہئے، پاکستان کے معروف عالم دین کا مطالبہ

وزیر اطلاعات و ثقافت عامر میر نے کہاہے کہ اکتوبر کے آخری ہفتے میں پنجاب میں لہور لہور ہے کہ نام سے دس روزہ ثقافتی میلہ منعقد کیا جائے گاجس میں مختلف ممالک سے سفارتکار خصوصی شرکت کریں گے۔ لاہور میں منعقد ہونے والے ثقافتی میلے میں پورے پنجاب سے مقامی ثقافتوں کو بھر پور نمائندگی دی جائے گی۔”لہور لہور ہے” دنیا بھر میں پاکستان کی پہچان بنے گا۔

ان خیالات کا اظہار صوبائی وزیر نے الحمراء آرٹس کونسل میں لاہور میں ثقافتی میلے کے انعقاد کے لیے وزیر اعلیٰ کی تشکیل کردہ کمیٹی کے پہلے اجلاس کی صدارت کے دوران کیا۔ اجلاس کا مقصد ثقافتی میلے کی کامیابی کے لیے تجاویز کا جائزہ تھا۔صوبائی وزیر نے اجلاس کو بتایا کہ پنجاب حکومت صوبے میں ثقافتی سرگرمیوں کے ساتھ ساتھ سیاحت کے فروغ کے لیے بھی پر عزم ہے۔ثقافتی سرگرمیاں صوبے میں سیاحوں کی آمد و رفت کو یقینی بنائیں گی۔لاہور کا ثقافتی میلہ پوری دنیا میں پاکستان کی پہچان بنے گا۔ عامر میر کا کہنا تھاکہ اس وقت جب عالمی سطح پر ثقافتی سرگرمیوں کو سیاحت کا ذریعہ بنایا جا رہا ہے اور سیاحت ایک باقاعدہ صنعت بن چکی ہے ضروری ہے کہ ہم بھی سیاحت سے اسی طرح استفادہ کریں۔لاہور مرکز کی حیثیت سے پنجا ب کی ثقافتی و تجارتی سر گرمیوں کا گڑھ تسلیم کیا جاتاہے۔لاہور میں ثقافتی میلے کے ذریعے دنیا کو پنجاب کی ثقافت کے مختلف رنگوں اور سیاحتی اہمیت سے متعارف کروایاجائے گا۔ثقافتی میلے میں شاپنگ فیسٹول کا اہتمام صوبے میں کاروبار سرگرمیوں کے فروغ کا سبب بنے گا۔ مقدس مقامات پر محافل سماع مذہبی سیاحت میں دلچسپی رکھنے والوں کی شرکت کو یقینی بنائیں گی۔میلے میں میوزک نائیٹس کا اہتمام بھی کیا جائے گا

اس ضمن میں لاہور کے تاریخی مقامات پر پرفارمنگ آرٹ اور دیگر فنون لطیفہ کی نمائش عمارتوں کی طرز تعمیر اور تاریخی اہمیت سے آگاہی کا سبب بنیں گی۔ میلے میں آ ن لائن کاروبار کرنے والوں کو سٹالز کی شکل میں پلیٹ فارم کی فراہمی کی تجویز بھی سود مند ثابت ہو گی۔ اسی طرح فوڈ کورٹس، مقامی دستکاریوں اور کپڑوں کے سٹال سیاحوں اور ریٹیلز دنوں کی توجہ کا مرکز بنیں گے۔ ثقافتی میلے میں تمام سرگرمیوں کی بھر پور برینڈنگ مقاصد کے حصول میں معاون ہو گی۔ عامر میر نے تمام متعلقہ محکموں کے نمائندگان کو ہدایت کی کہ وہ اپنی مجوزہ سرگرمیوں کے ساتھ مقام اور بجٹ کے تخمینہ بھی تیار کریں۔ کمیٹی میں پیش کی جانے والی تجاویز کی منظوری کابینہ کے آئندہ اجلاس میں دی جائے گی۔ اجلاس میں سیکرٹری اطلاعات و ثقافت علی نواز، سیکرٹری ٹورازم آصف بلال لودھی، کمشنر لاہور محمد علی رندھاوا اور ڈی جی فورڈ اتھارٹی اور متعلقہ محکموں کے نمائندگان شریک تھے

ہم نئی نسل کو تباہ کررہے ہیں. روکیئے، اس سے پہلے کہ دیر ہوجائے

ہمیں اپنی تاریخ اور ہیروز کو تلاش کرنا چاہیئے ارطغرل غازی کو پی ٹی وی پر نشر کرنے پر شان شاہد کی تنقید

ترک ڈرامہ’ارطغرل’دیکھنا جائزنہیں ہے ، جامعۃ‌العلوم الاسلامیہ بنوری ٹاون، فتوے سے نئی بحث چھڑگئی سچا،کون جھوٹا کون ؟

ترک سیریز ارطغرل غازی یکم رمضان سے پی ٹی وی پر نشر کی جائے گی

فلمساز اپنی فلموں کے ذریعے بحثیت قوم اپنے ذاتی تشخص کی بحالی کو یقینی بنائیں۔ سیکرٹری اطلاعات

صوبائی وزیر ٹرانسپورٹ ابراہیم مراد نے طلباء و طالبات کے لئے میٹرو بس اور اورنج لائن ٹرین کی مفت سفری سہولت سکیم کا افتتاح کر دیا ہے۔

انہوں نے سکیم کا افتتاح اورنج لائن میٹرو ٹرین انارکلی سٹیشن پر کیا۔ افتتاح کے موقع پر صحافیوں سے گفتگو کرتے ہوئے صوبائی وزیر نے کہا کہ وزیر اعلیٰ پنجاب کی خصوصی ہدایت پر طلباء و طالبات کے لئے اورنج لائن میٹرو ٹرین اور میٹرو بس کی سروس آج 15 ستمبر سے فری کی جا رہی ہے۔ وہ طالبعلم جو یونیفارم میں ملبوس ہوں گے یا جن کے پاس سٹوڈنٹ کارڈز ہوں گے وہ مفت سفر کی سہولت سے مستفید ہو سکیں گے۔ یہ حکومت پنجاب کا ایک بہت بڑا قدم ہے۔ صوبائی وزیر نے کہا کہ پیٹرول عوام کے لئے ایک بہت بڑا مسئلہ ہے اور بڑھتی مہنگائی نے عوام کا سفر کرنا بھی مشکل بنا دیا ہے۔ مالی وسائل کی کمی کے باعث پبلک ٹرانسپورٹ پر عوام کی اب ایک بہت بڑی تعداد سفر کرنے لگ گئی ہے۔ یہ عوام کی فلاح و بہبود کا ایک میگا پراجیکٹ ہے جسے مزید آگے بڑھایا جائے گا۔ یہ سروس سکول کے بچوں کے لئے سکول کے یونیفارم اور سکول کے اوقات میں میسر ہو گی۔ابراہیم مراد نے کہا کہ اورنج لائن پر 8 ارب کے قریب سبسڈی دی جاتی ہے۔ ہماری کوشش ہے کہ اشتہارات اور سپانسر شپ سے ریوینیو جنریٹ کریں اور اس سروس کو مزید بہتر کریں۔ حکومت کا کام عوام کو ریلیف دینا اور ٹیکس اکٹھا کرنا ہے اور ہم اپنے فرائض کی انجام دہی بھرپور انداز میں کر رہے ہیں۔ صوبائی وزیر نے مزید کہا کہ معذور افراد کو بھی مستقبل میں مفت سفری سہولیات فراہم کی جائیں گی۔ یہ ایک تعلیم دوست اقدام ہے اس سے تعلیمی اداروں میں ڈراپ آؤٹ کی شرح میں کمی آئے گی۔

اس موقع پر سیکرٹری ٹرانسپورٹ احمد جاوید قاضی نے گفتگو کرتے ہوئے کہا کہ کوشش کی جائے گی کہ لاہور میں الیکٹرانک بسیں چلائی جائیں۔ جو بسوں کو کھڑے رکھنے کی جگہ ہے وہاں ہم نے بڑے پیمانے پر سولر سسٹم لگانا ہے جس سے کہ ہماری بسیں چارج ہوں گی۔ علاؤہ ازیں کوشش کی جائے گی کہ الیکٹرانک رکشے بھی متعارف کروائے جائیں جن سے پیٹرول کی کھپت کم ہو جائے گی اور سفری سہولیات مزید سستے داموں میں میسر ہوں گی

اپنا ہیلی کاپٹر گرانے والے بھارتی آفیسر کے ساتھ بھارت نے کیا سلوک کیا؟

پاکستان کو دھمکیاں دینے والے بھارت کا ہیلی کاپٹر کیسے تباہ ہوا؟ جان کر ہوں حیران

بریکنگ.بھارتی فضائیہ کا جنگی طیارہ تباہ، کیپٹن ہلاک

بھارتی فضائیہ کا جنگی طیارہ تباہ،پائلٹ ہلاک، رواں برس کتنے طیارے تباہ ہو چکے؟

لاہور میں ڈرون کے ذریعے منشیات کی منتقلی کا سلسلہ بڑھ گیا ہے

لاہور ہائیکورٹ: آئی جی پنجاب پولیس ،ہوم سیکرٹری اور آئی جی جیل خانہ جات کو جرمانے اور شوکاز نوٹس کے فیصلے کے خلاف حکومتی درخواست پر سماعت ہوئی

عدالت نے فریقین کے وکلا کو حتمی دلائل کیلئے 18 ستمبر کو طلب کر لیا ،عدالت نے تینون افسران کو جرمانہ کرنے اور شوکاز نوٹس پر عمل درآمد معطل کرنے کے حکم میں توسیع کر دی ،جسٹس سلطان تنویر احمد نے حکومت پنجاب کی درخواست پر سماعت کی ،سرکاری وکیل نے کہا کہ پرویز الٰہی کو قانون کے مطابق مقدمات میں گرفتار کیا گیا سپیشل جج سنٹرل نے پرویز الٰہی کی ضمانتیں کو منظور کر لیا حکومت پنجاب نے قانون کے تحت پرویز الٰہی کو نظر بند کرتے ہوئے اڈیالہ جیل منتقل کر دیاسپشل جج سنٹرل نے درخواست آنے پر پرویز الٰہی کو عدالت پیش کرنے کا حکم دے دیا,اڈیالہ جیل حکام نے پرویز الٰہی کو پولیس کے حوالے کرنے سے انکار کر دیا۔ٹرائلز کورٹ نے برہمی کا اظہار کرتے ہوے تینون افسران کو 50.50ہزار جرمانہ کرتے ہوئے شوکاز دے دیے ٹرائل کورٹ نے جرمانہ کی رقم انکی تنخواہوں سے کاٹنے کا حکم دیا ٹرائل کورٹ ایسا حکم جاری کرنے کا قانونی اختیار نہ رکھتی ہے عدالت ٹرائل کورٹ کے جرمانہ اورشوکاز نوٹس پر عمل درآمد معطل کرے

درخواست میں پرویز الہی سمیت دیگر کو فریق بنایا گیا ،اسپیشل جج سنٹرل کورٹ نے عدالتی حکم کے باجود پرویز الٰہی کو پیش نہ کرنے پر تینوں افسران کے خلاف فیصلے جاری کیا تھا ،درخواست میں موقف اختیار کیا گیا تھا کہ چوہدری پرویز الہی کو قانون کے مطابق لاہور سے راولپنڈی جیل منتقل کیا گیا پرویز الہی کو نظر بندی کا نوٹیفکیشن کے بعد روالپنڈی جیل منتقل کیا گیا اسپیشل سینٹرل عدالت کے جج نے غیر قانونی طور پر شوکاز نوٹس جاری کیا عدالت تین افسران کو جاری شوکاز نوٹس کا حکم کالعدم قرار دے عدالت درخواست کے فیصلے تک شوکاز نوٹس کے احکامات کو معطل کرے

پی ٹی آئی کی اندرونی لڑائیاں۔ فواد چوہدری کا پرویز الٰہی پر طنز

خدشہ ہے کہ پرویز الٰہی کو گرفتار کر لیا جائیگا

پرویز الہیٰ کے خلاف ایک اور مقدمہ درج کر لیا گیا ،

پرویزالہٰی کی حفاظتی ضمانت پر تحریری فیصلہ 

زمان پارک سے اسلحہ ملنے کی ویڈیو

واضح رہے کہ  چوہدری پرویز الٰہی کے خلاف منی لانڈرنگ کے مقدمے کی سماعت ہوئی،پولیس نے پرویز الہی کو عدالت کے روبرو پیش نہ کیا ،عدالت نے آئی جی پنجاب ،آئی جی جیل خانہ جات اور ہوم سیکرٹری کی تنخواہ بند کرنے کا حکم دے دیا ،عدالت نے پرویز الہی کو عدالتی احکامات کے باوجود پیش کہ کرنے پر تںخواہ بند کرنے کا حکم دیا عدالت نے پرویز الہی کو اجازت کے بغیر روالپنڈی جیل منتقل کرنے پر تین افسران کو پچاس پچاس ہزار روپے جرمانہ کردیا ،عدالت نے ہوم سیکرٹری ، آئی جی پنجاب ، آئی جی جیل خانہ جات کو 50ہزار روپے جرمانہ کردیا ،عدالت نے تین افسران کو شوکاز نوٹس بھی جاری کردیا