کراچی: وزیر خارجہ بلاول بھٹو زرداری نے چیئرمین پی ٹی آئی عمران خان کی گرفتاری پرتبصرہ کرتے ہوئے اسے مکافات عمل قرار دیا ہے-
باغی ٹی وی : چیئرمین تحریک انصاف عمران خان کی گرفتاری پر وزیر خارجہ بلاول بھٹو زرداری نے اسے مکافات عمل قرار دیا دوسری جانب وفاقی وزیر اطلاعات مریم اورنگزیب نے کہا کہ ایک چور کی گرفتاری پر سیاسی انتقام کا بیانیہ بنانے کی کوشش کی جارہی ہے، وہ چور پکڑا گیا ہے جو 15 ماہ سے بھاگ رہا تھا۔
پریس کانفرنس میں مریم اورنگزیب نے سوال اٹھایا کہ الیکشن میں تین ماہ رہ جائیں تو کیا چوروں کو گرفتار کرنا بند کردیا جاتا ہے؟چیئرمین پی ٹی آئی کےخلاف تحقیقات ایک سال سے جاری تھیں،پی ٹی آئی چیئرمین کی گرفتاری سیاسی نہیں ہےقانونی تقاضےپورے ہونے پر عدالت نے فیصلہ سنایا، ٹرائل کورٹ نے تفصیلی فیصلہ جاری کیاہے۔
واضح رہے کہ اسلام آباد کی مقامی عدالت نے عمران خان کو توشہ خانہ فوجداری کیس میں 5 برس کے لئے نا اہل اور 3 سال قید کی سزا سنائی ہے عدالت نے ایک لاکھ جرمانہ بھی کر دیاعدالت نے فیصلےمیں کہا کہ ملزم نے جان بوجھ کرالیکشن کمیشن میں جھوٹی تفصیلات دیں، ملزم کو الیکشن ایکٹ کی سیکشن 174 کے تحت 3 سال قید کی سزا سنائی جاتی ہے-
عدالتی فیصلے کے بعد چیئرمین تحریک انصاف کو ان کی لاہور میں رہائشگاہ زمان پارک سے گرفتار کیا گیا جس کے خلاف احتجاج کرنے پر تین کارکنان کو بھی حراست میں لیا جا چکا ہے عمران خان کی گرفتاری اور نا اہلی کے فیصلے پر ن لیگ کے کارکنان نے سڑکوں اور اور پارٹی دفاتر میں مٹھائیاں تقسیم کرنا شروع کردیں ن لیگ کے علاوہ پشاور میں بھی عوامی نیشنل پارٹی (اے این پی) کے ورکرز نے جگہ جگہ مٹھائیاں بانٹی، جس کی ویڈیوز سوشل میڈیا پر وائرل ہو رہی ہیں۔
ترجمان جے یو آئی اسلم غوری نے کہا ہے کہ چئیرمین پی ٹی آئی کا صادق اور امین ہونے کا سرٹیفیکیٹ جعلی ثابت ہوگیا
عمران خان کو سزا اور گرفتاری پر ردعمل میں ترجمان جے یو آئی اسلم غوری کا کہنا تھا کہ سائیکل پر وزیر اعظم ہاؤس جانے والوں کی مثالیں دینے والا توشہ خانہ کے تحائف چوری کرتا رہا ۔جرم یہ ہے کہ ایک بیرونی ایجنٹ نے پاکستان کے مفاد کو داؤ پر لگایا ۔ایک ذہنی بیمار نی ایٹمی قوت رکھنے والے ملک کی بقاء کو داؤ پر لگایا ملک میں جاری بدامنی ،معیشت کی زبوں حالی ، کشمیر فروشی اور اخلاقی گراوٹ کا ذمہ دار عمران نیازی ہے چئیرمین پی ٹی آئی نااہل ،نالائق اور کرپشن کا بادشاہ ہے نااہلی ،قید اور جرمانہ اس کے قومی جرائم کے مقابلے میں کچھ نہیں ۔
واضح رہے کہ عمران خان کو عدالتی فیصلے کے بعد گرفتار کر لیا گیا ہے، توشہ خانہ کیس ،عمران خان کو نااہل کردیا گیا عدالت نے عمران خان کو تین سال قید ہی سزا سنا دی عدالت نے ایک لاکھ جرمانہ بھی کر دیا، عدالت نے فیصلے میں کہا کہ ملزم نے جان بوجھ کر الیکشن کمیشن میں جھوٹی تفصیلات دیں، ملزم کو الیکشن ایکٹ کی سیکشن 174 کے تحت 3 سال قید کی سزا سنائی جاتی ہے
تحریک انصاف کے چیئرمین عمران خان کو توشہ خانہ کیس میں عدالت کی جانب سے تین سال کی سزا سنا ئے جانے پر توشہ خانہ کی گھڑی خریدنے والے عمر فاروق ظہور کا ردعمل آیا ہے،
سماجی رابطے کی ویب سائٹ ٹویٹر پر ٹویٹ کرتے ہوئے عمرفاروق ظہور کا کہنا تھا کہ الحمداللہ میں درست ثابت ہو گیا ،عمران خان کرپشن کے مرتکب قرار پائے عدالت نے میرا مؤقف درست تسلیم کر لیا کہ چیئرمین پی ٹی آئی نے 20 لاکھ ڈالرز میں مجھے گھڑی فروخت کی عدالت نے میرا مؤقف درست تسلیم کر لیا کہ گھڑی فرح گوگی کے ذریعے دبئی میں بیچی گئی عدالت اور شواہد سے میرے مؤقف کی تصدیق ہوئی .
Alhamdullilah. I am vindicated. Imran Khan found guilty of corruption. The court accepts my account that imran khan sold Graff watch to me for $2 million via Farah Gogi in Dubai. The court and evidence confirmed my facts. pic.twitter.com/VWdu0hi0Ww
واضح رہے کہ توشہ خان کے حوالہ سے عمر فاروق ظہور کا کہنا تھا کہ میں نے دبئی میں ایک لین دین کے دوران سابق وزیر اعظم عمران خان کی توشہ خانہ کی قیمتی گراف گھڑی فرح خان سے تقریباً 2 ملین ڈالرز میں خریدی تھی جب فرح میرے پاس آئی تو انہوں نے مجھے ایک خاص گھڑی دکھائی جسے دیکھ کر میں حیران ہوگیا جبکہ ان سے کہا کہ میں اسے چیک کروا لوں اور جب مارکیٹ لے گیا تو انہوں نے دیکھتے ہی حیرانی ظاہر کی کہ یہ گھڑی آپ کے پاس کیسے آئی کیونکہ یہ تو سعودی شہزادہ نے دو ٹکڑے بنوائے تھے خصوصی طور پر تو خیر انہوں نے مجھے کہا کہ آپ کو اگر ملتی ہے تو لے لو پھر میں نے ساڑھے سات ملین درہم میں یہ گھڑی خرید لی. ان کا مزید کہنا تھا کہ وہ صاحبہ (فرح گوگی) پیسے لیکر چلی گئیں اور پھر کچھ عرصے بعد میرے خلاف پاکستان میں وارداتیں شروع ہوگئیں، کیونکہ اس وقت کے مشیر برائے احتساب شہزاد اکبر نے پہلے مجھ سے ناجائز فرمائشیں کی لیکن جب انہیں منع کیا گیا تو انہوں نے جھوٹے مقدمات بنوا دیئے، جبکہ میری سابقہ اہلیہ کے ساتھ مل کر میرے بچوں کے میرے خلاف جھوٹے مقدمات قائم کروا دیئے، اور پھر مجھے انٹرپول پر ڈال دیا جبکہ بچوں کو کہا گیا وہ گم شدہ ہیں جبکہ یہ سب حقیقت نہ تھا.
واضح رہے کہ عمران خان کو عدالتی فیصلے کے بعد گرفتار کر لیا گیا ہے، توشہ خانہ کیس ،عمران خان کو نااہل کردیا گیا عدالت نے عمران خان کو تین سال قید ہی سزا سنا دی عدالت نے ایک لاکھ جرمانہ بھی کر دیا، عدالت نے فیصلے میں کہا کہ ملزم نے جان بوجھ کر الیکشن کمیشن میں جھوٹی تفصیلات دیں، ملزم کو الیکشن ایکٹ کی سیکشن 174 کے تحت 3 سال قید کی سزا سنائی جاتی ہے
تحریک انصاف کے چیئرمین عمران خان کو توشہ خانہ کیس میں عدالت نے تین سال کی سزا سنا دی جس کے بعد عمران خان کو گرفتار کر لیا گیا،
عمران خان کی گرفتاری کے بعد صحافی و اینکر نصراللہ ملک نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ "عمران خان کو وہم ہو گیا تھا کہ وہ پورا پنڈ مار کر اکیلا چودھری بن کر گھومے گا۔ نہ کوئی مقدمہ بنا سکے گا اور نہ کوئی گرفتار کر سکے گا۔ جسے چاہے گا رسوا کرے گا اور جسے چاہے گا نا اہل کروا کر اکیلا سیاست کرے گا۔ کسی نے کبھی گرفتار کرنا چاہا تو پورا ملک ہلا کر رکھ دے گا۔ ایسی ہی غلط فہمی پہلے بھی کسی اور کو ہوا کرتی تھی۔ یہ طاقت اختیار اور مشہوری کا نشہ بہت خطرناک ہوتا ہے۔ خود پرستی اور انا پرستی مار دیتی ہے مگر بہت کم سیکھ پاتے ہیں۔ کرپشن اور اختیارات سے تجاوز ہمارے ہاں بکثرت پایا جاتا ہے مگر ایسا نہیں کہ پورا پاکستان کرپٹ ہے مگر عمران خان نے غلط روایت ڈالی اور یہ کہ اس سے اختلاف کرنے والا بھی کرپٹ ہے کا نعرہ اپنے فالورز کے دماغ میں ڈال دیا۔ انہیں انتہا پسند بنا دیا اور خود تمام خرابیوں کے باوجود واحد صادق اور امین بننے کا دعویٰ کر ڈالا۔عدالتی فیصلہ کیا ہے اور کیا اثرات ہوں گے اس سے قطع نظر “ ”اللہ ہی کے لیے بڑائی اور کِبریائی ہے آسمانوں اور زمینوں میں اور وہی زبردست اور حکمت والا ہے“
عمران خان کو وہم ہو گیا تھا کہ وہ پورا پنڈ مار کر اکیلا چودھری بن کر گھومے گا۔ نہ کوئی مقدمہ بنا سکے گا اور نہ کوئی گرفتار کر سکے گا۔ جسے چاہے گا رسوا کرے گا اور جسے چاہے گا نا اہل کروا کر اکیلا سیاست کرے گا۔ کسی نے کبھی گرفتار کرنا چاہا تو پورا ملک ہلا کر رکھ دے گا۔ ایسی ہی غلط…
واضح رہے کہ عمران خان کو عدالتی فیصلے کے بعد گرفتار کر لیا گیا ہے، توشہ خانہ کیس ،عمران خان کو نااہل کردیا گیا عدالت نے عمران خان کو تین سال قید ہی سزا سنا دی عدالت نے ایک لاکھ جرمانہ بھی کر دیا، عدالت نے فیصلے میں کہا کہ ملزم نے جان بوجھ کر الیکشن کمیشن میں جھوٹی تفصیلات دیں، ملزم کو الیکشن ایکٹ کی سیکشن 174 کے تحت 3 سال قید کی سزا سنائی جاتی ہے
سیشن عدالت کے جج ہمایوں دلاور نے توشہ خانہ کیس کا 4 صفحات پر مشتمل تحریر فیصلہ جاری کر دیا
عدالت کی جانب سے تحریری فیصلے میں کہا گیا ہے کہ ثابت ہوتا ہے کہ چیئرمین تحریک انصاف عمران خان نے جھوٹا ریکارڈ الیکشن کمیشن میں جمع کروایا 2018-19 ، 2019-20 میں توشہ خانہ سے لیے تحائف کا جھوٹا ریکارڈ جمع کروایا گیا 2020-21 میں فارم بی سے متعلق ریکارڈ جھوٹا جمع کروایا گیا عمران خان نے قومی خزانے سے لیے تحائف کا غلط فائدہ اٹھایا،عمران خان نے توشہ خانہ سے متعلق بے ایمانی کی توشہ خانہ سے لیے گئے تحائف کا ریکارڈ جھوٹا ثابت ہوا عمران خان کی بے ایمانی پر کوئی شک نہیں سابق وزیراعظم کو تین سال قید کی سزا سنائی جاتی ہے اور ایک لاکھ روپے جرمانہ عائد کیا جاتا ہے جرمانہ نہ بھرا تو چھ ماہ مزید قید کی سزاسنائی جائے گی عمران خان کمرہ عدالت میں فیصلے کے وقت موجود نہیں تھے ،آئی جی اسلام آباد کو عمران خان کو گرفتار کرنے کا حکم دیا جاتا ہے ،
دوسری جانب راولپنڈی میں سیکورٹی ہائی الرٹ کر دی گئی، پی ٹی آئی کے ممکنہ احتجاج کی صورت پولیس کو خصوصی احکامات جاری، کر دیئے گئے،اڈیالہ جیل کے اندر اور باہر سیکورٹی کو الرٹ کردیا گیا، راولپنڈی کی اہم شاہراؤں پر پولیس کی نفری تعینات کردی گئی،پولیس کے اعلٰی افسران نے ماتحت افسران کو صورت حال پر نظر رکھنے کی ہدایت کی، گرفتاری کے بعد چئیرمین پی ٹی آئی کو ممکنہ طور اڈیالہ جیل منتقل کیا جائے گا،
واضح رہے کہ عمران خان کو عدالتی فیصلے کے بعد گرفتار کر لیا گیا ہے، توشہ خانہ کیس ،عمران خان کو نااہل کردیا گیا عدالت نے عمران خان کو تین سال قید ہی سزا سنا دی عدالت نے ایک لاکھ جرمانہ بھی کر دیا، عدالت نے فیصلے میں کہا کہ ملزم نے جان بوجھ کر الیکشن کمیشن میں جھوٹی تفصیلات دیں، ملزم کو الیکشن ایکٹ کی سیکشن 174 کے تحت 3 سال قید کی سزا سنائی جاتی ہے
تحریک انصاف کے چیئرمین عمران خان کی گرفتاری کے بعد پی ٹی آئی کارکنان کو بھی گرفتار کرنے کی تیاریاں شروع ہو چکی ہیں
عمران خان کی گرفتاری کے بعد تحریک انصاف کے متحرک کارکنان کو گرفتار کیا جائے گا، اس ضمن میں پولیس نے فہرستیں بنا لی ہیں ، کئی شہرون میں پولیس کی بھاری نفری تعینات کر دی گئی ہے، پنڈی ، اسلام آباد میں پولیس کا گشت بڑھا دیا گیاہے، لاہور میں بھی پولیس کی بھاری نفری گشت کر رہی ہے، تحریک انصاف کے ممکنہ احتجاج کے پیش نظر بڑا کریک ڈاون شروع کر دیا جائے گا
دوسری جانب زمان پارک سے اویس نیازی کو بھی گرفتار کیا گیا ہے جس کے بارے میں کہا جا رہاہے کہ وہ زمان پارک کے معاملات دیکھتا تھا، پولیس ابھی بھی زمان پارک موجود ہے، عمران خان کو جب گرفتار کیا گیا تو بشریٰ بی بی بھی زمان پارک میں موجود تھیں، بشریٰ بی بی کو بھی گرفتار کئے جانے کا امکان ہے،
واضح رہے کہ عمران خان کو عدالتی فیصلے کے بعد گرفتار کر لیا گیا ہے، توشہ خانہ کیس ،عمران خان کو نااہل کردیا گیا عدالت نے عمران خان کو تین سال قید ہی سزا سنا دی عدالت نے ایک لاکھ جرمانہ بھی کر دیا، عدالت نے فیصلے میں کہا کہ ملزم نے جان بوجھ کر الیکشن کمیشن میں جھوٹی تفصیلات دیں، ملزم کو الیکشن ایکٹ کی سیکشن 174 کے تحت 3 سال قید کی سزا سنائی جاتی ہے
تحریک انصاف کی جانب سے عمران خان کی گرفتاری کو اعلیٰ عدالت میں چیلنج کرنے کا اعلان کیا گیا ہے، عمران خان کو سزا اور گرفتاری کے بعد ترجمان تحریک انصاف کا ردعمل سامنے آیا ہے
پاکستان تحریک انصاف نے جج ہمایوں دلاور کا متعصبانہ فیصلہ مسترد کردیا ،فیصلے کو اعلیٰ عدالت کے روبرو چیلنج کرنے کا اعلان کر دیا، ترجمان پی ٹی آئی نے کہا ہے کہ توشہ خانہ مقدمے کے ذریعے نظامِ عدل کی پیشانی پر ایک اور سیاہ دھبّہ لگایا گیا، جج ہمایوں دلاور کی جانب سے تاریخ میں بیہودہ ترین انداز میں ٹرائل چلایا گیا، تاریخ کے اس بدترین ٹرائل میں جج کے ہاتھوں انصاف کے قتل کی کوشش کی گئی، تعصب کی سیاہ پٹیاں آنکھوں پر باندھ کر ٹرائل چلانے والے جج نے مقدمے کے حقائق کو مخصوص ایجنڈے کی بھینٹ چڑھایا،سیشن عدالت کا فیصلہ سیاسی انتقام اور انجینئرنگ کی بدترین مثال ہے،
ترجمان تحریک انصاف کا کہنا تھا کہ ناقص، مضحکہ خیز اور ٹھوس قانونی بنیادوں سے محروم فیصلے کے ذریعے جمہور اور جمہوریت کیخلاف شرمناک یلغار کی گئی،ہمایوں دلاور کا فیصلہ لندن پلان کے تحت لیول پلیئنگ فیلڈ جیسے شرمناک اہداف کے حصول کی مایوس کن کوشش ہے، قوم کے مقبول اور معتبر ترین سیاسی قائد کیخلاف سازش اور انتقام کی ایسی بھونڈی کوشش قوم ہرگز قبول نہیں کرے گی، فسطائیت کو میسّر عدالتی پناہ اور بدترین ریاستی جبر کے سامنے ہرگز سرنگوں نہیں ہوں گے،
مشاروت کے بعد آئندہ کا لائحہ عمل طے کیا جائے گا،شاہ محمود قریشی
تحریک انصاف کے رہنما شاہ محمود قریشی کا کہنا ہے کہ چیئرمین پی ٹی آئی کیخلاف فیصلہ عجلت میں کیا گیا ، قانونی ٹیم کی مشاروت کے بعد آئندہ کا لائحہ عمل طے کیا جائے گا
پی ڈی ایم کے سازشی ٹولہ کو عوام کبھی معاف نہیں کریں گے،مونس الٰہی
عمران خان کی گرفتاری کے بعد مونس الٰہی کا ردعمل بھی سامنے آ گیا ہے، مونس الہیٰ نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ تماشہ خانہ کیس کا پہلے سے طےشدہ فیصلہ آج سنا دیا گیا پاکستان میں ایک دفعہ پھر قانون کا خون ہو گیا قوم کے مقبول ترین لیڈر عمران خان کو گرفتار کر لیا گیا پی ڈی ایم کے سازشی ٹولہ کو عوام کبھی معاف نہیں کریں گے
اعلٰی عدالت میں یہ فیصلہ کھڑا نہیں ہو گا،اسد عمر
عمران خان کی گرفتاری پر اسد عمر کا بھی ردعمل سامنے آیا ہے، اسد عمر کا کہنا تھا کہ آج کا فیصلہ قانون کے بنیادی اصول پر ہی پورا نہیں اترتا کہ انصاف ہوتا ہوا نظر آنا چاہیے،اعلٰی عدالت میں یہ فیصلہ کھڑا نہیں ہو گا ،اور سیاست دانوں کے بارے میں معنی خیز فیصلے عوام کے دلوں میں ہوتے ہیں، عدالتوں میں نہیں،
واضح رہے کہ عمران خان کو عدالتی فیصلے کے بعد گرفتار کر لیا گیا ہے، توشہ خانہ کیس ،عمران خان کو نااہل کردیا گیا عدالت نے عمران خان کو تین سال قید ہی سزا سنا دی عدالت نے ایک لاکھ جرمانہ بھی کر دیا، عدالت نے فیصلے میں کہا کہ ملزم نے جان بوجھ کر الیکشن کمیشن میں جھوٹی تفصیلات دیں، ملزم کو الیکشن ایکٹ کی سیکشن 174 کے تحت 3 سال قید کی سزا سنائی جاتی ہے
چیئرمین تحریک انصاف عمران خان کو پولیس براستہ سڑک لے کر اسلام آباد روانہ ہو گئی ، موسم خراب ہونے کے سبب سابق وزیراعظم عمران خان کو بذریعہ موٹروے اسلام آباد منتقل کرنے کا فیصلہ کیا گیا ، اس سے پہلے ان کو ایئرپورٹ لے جایا گیا تھا جہاں اسلام آباد لے جانے کیلئے ہیلی کاپٹر پر لے جانے کی تیاریاں کی گئی تھیں تا ہم موسم کی خرابی کی وجہ سے عمران خان کو بذریعہ موٹروے اسلام آباد منتقل کیا جا رہا ہے،، اس موقع پر سکیورٹی کے سخت انتظامات کئے گئے ہیں۔
پولیس عمران خان کو آدھا گھنٹہ میں گرفتار کرکے کوٹ لکھپت جیل پہنچی وہاں سے عمران خان کو ایئر پورٹْ لایا گیا تا کہ انہیں اسلام آباد منتقل کیا جا سکے، عمران خان کو سخت سیکورٹی میں جیل لے جایاگیا، پولیس کی بھاری نفری ہمراہ ہے، عمران خان کی گرفتاری عدالتی فیصلے کے 20 منٹ بعد ہو گئی، عمران خان نے گرفتاری کے لئے کسی قسم کی مزاحمت نہیں کی،عمران خان کو لاہور پولیس نے جب زمان پارک سے گرفتار کیا تو پولیس اتنی جلدی میں تھی کہ انہیں کوئی سامان ساتھ رکھنے نہیں دیا گیا تاہم جب انہیں اسلام آباد ہیلی کاپٹر کے ذریعے منتقل کرنے کا فیصلہ کیا گیا تو انہیں لاہور کے پرانے ایئرپورٹ منتقل کیا گیا عمران خان نے وہاں انتظار کے دوران گھر سے کپڑے اور قرآن پاک منگوایا دیگر سامان میں کتابیں، شیونگ کٹ سمیت ضروری اشیا بھی طلب کیں.
چیئرمین پاکستان تحریک انصاف عمران خان کی جانب سے ٹویٹر پر جاری ایک ویڈیو پیغام میں کہا گیا ہے کہمیری گرفتاری متوقّع تھی چنانچہ میں نے یہ پیغام اپنی گرفتاری سے قبل ریکارڈ کروایا۔ یہ لندن پلان پر عملدرآمد کی جانب ایک اور قدم ہے مگر میں چاہتا ہوں کہ میرے کارکنان پرامن، ثابت قدم اور مضبوط رہیں۔ ہم رب العزّت کے سوا کسی کے سامنے نہیں جھکتے جو ”الحق“ ہے۔ لاالٰہ الّا اللہ ہی ہمارا ایمان ہے۔
نگران وزیر اطلاعات پنجاب عامر میر کا کہنا ہے کہ عمران خان کو اسلام آباد بھیجا جا رہا ہے۔ جیل کا انتخاب آئی جی اسلام آباد کریں گے،
ترجمان پی ٹی آئی نے تصدیق کی ہے کہ چیئرمین پاکستان تحریکِ انصاف عمران خان کو زمان پارک سے گرفتار کر لیا گیا۔ شاہ محمود قریشی نےگرفتاری کی تصدیق کر دی، عمران خان کی گرفتاری کے بعد اب شاہ محمود قریشی تحریک انصاف کے معاملات دیکھیں گے،
چیئرمین تحریک انصاف کی گرفتاری کے بعد ممکنہ احتجاج کے پیش نظر شہر میں سیکورٹی ہائے الرٹ کر دی گئی ہے،
سینئر صحافی و اینکر پرسن مبشر لقمان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ عمران خان کی گرفتاری کے لیے زمان پارک کو چاروں اطراف سے سیل کر دیا گیا۔ عمران خان کی بہنوں نے تصدیق کی ہے کہ عمران خان کو گرفتار کر لیا گیا ہے۔
Police are expecting some other PTI leaders to be hiding in Zaman Park as well. Let's see if they search for them also or not?
ایک اور ٹویٹ میں مبشر لقمان کا کہنا تھا کہ پولیس کو توقع ہے کہ تحریک انصاف کے کچھ دیگر رہنما بھی زمان پارک میں چھپے ہوئے ہیں دیکھتے ہیں ان کو بھی ڈھونڈتے ہیں یا نہیں؟
چیئرمین تحریک انصاف عمران خان کو سزا سنائے جانے کے بعد پولیس کی بھاری نفری عمران خان کی رہائشگاہ زمان پارک پہنچی زمان پارک کی اطراف کی سڑکوں کو بند کیا گیا، پولیس نے مال سے دھرم پورہ جانے والے کینال روڈ کو ٹریفک کے لیے بند کر دیا تھاایس پی سول لائن حسن جاوید بھٹی بھی زمان پارک میں موجود تھے
دوسری جانب سیینئر صحافی و اینکر حامد میر کہتے ہیں کہ ایک اور سابق وزیراعظم کو سزا سنا دی گئی آج تک کسی ڈکٹیٹر کو سزا نہیں ملی کیونکہ وزیراعظم جب حکومت نیں ہوتا ہے تو ڈکٹیٹروں کے خلاف فیصلے سنانے والے ججوں کو پاگل قرار دے دیتا ہے
ایک اور سابق وزیراعظم کو سزا سنا دی گئی آج تک کسی ڈکٹیٹر کو سزا نہیں ملی کیونکہ وزیراعظم جب حکومت نیں ہوتا ہے تو ڈکٹیٹروں کے خلاف فیصلے سنانے والے ججوں کو پاگل قرار دے دیتا ہے pic.twitter.com/oLdjuO7RTd
چیئرمین تحریک انصاف کو ڈسٹرکٹ اینڈ سیشن کورٹ سے سزا ،الیکشن کمیشن عدالت کے تفصیلی فیصلے کا منتظر ہے، تفصیلی فیصلہ آنے کے بعد الیکشن کمیشن کا اہم اجلاس بلایا جائے گا، چیف الیکشن کمشنر کی زیر صدارت اجلاس میں تفصیلی فیصلے کا جائزہ لیا جائے گا،تفصیلی فیصلے کی روشنی میں عمران خان کو پارٹی صدارت سے ہٹانے سے متعلق فیصلہ کیا جائے گا،
واضح رہے کہ توشہ خانہ کیس ،عمران خان کو نااہل کردیا گیا عدالت نے عمران خان کو تین سال قید ہی سزا سنا دی عدالت نے ایک لاکھ جرمانہ بھی کر دیا، عدالت نے فیصلے میں کہا کہ ملزم نے جان بوجھ کر الیکشن کمیشن میں جھوٹی تفصیلات دیں، ملزم کو الیکشن ایکٹ کی سیکشن 174 کے تحت 3 سال قید کی سزا سنائی جاتی ہے،ملزم آج عدالت میں پیش نہیں ہیں، فیصلے کی کاپی آئی جی اسلام آباد کو عملدرآمد کیلئے بھجوائی جائے، عدالت نے چیئرمین پی ٹی آئی کے وارنٹ گرفتاری جاری کردیئے ،عدالت نے آئی جی اسلام آباد کو وارنٹ گرفتاری پر تعمیل کرانے کا حکم دے دیا،سزا یافتہ ہونے کی وجہ سے چیئرمین پی ٹی آئی 5 سال کیلئے نااہل قراردے دیئے گئے،
لاہور:سپیشل کورٹ سنٹرل، چودھری پرویز الٰہی و دیگر کیخلاف منی لانڈرنگ کیس کی سماعت ہوئی
ایف آئی اے نے پرویز الہٰی کے شریک ملزموں کو اشتہاری قرار دینے کی کارروائی غیر قانونی تسلیم کر لی ،عدالت نے مونس الٰہی کو بھی اشتہاری قراردینے کی کارروائی کالعدم کر دی ،عدالت نے آئندہ سماعت پر ایف آئی اے سے ملزموں کی طلبی کے نوٹسز پر عمل کی رپورٹ بھی طلب کر لی
سپیشل جج سنٹرل بخت فخر بہزاد نے کیس کی سماعت کی ،عدالت نے استفسار کیا کہ چالان کدھر ہے؟ پراسکیوٹر نے کہا کہ 2 ملزم اشتہاری ہیں انکے ایڈریس پیش کرر ہے ہیں، ماتحت عدالت سے 2 ملزموں کے وارنٹ گرفتاری لئے گئے تھے، عدالت نے ریمارکس دیتے ہوئے کہا کہ ماتحت عدالت کا کیا تعلق ہے؟ چالان یہاں اور اشتہاری ماتحت عدالت سے کروا رہے ہو، مقدمہ کب درج ہوا؟ تفتیشی افسر نے کہا کہ ملزموں کیخلاف 5 جون کو مقدمہ درج کیا گیا،جج بخت فخر بہزاد نے ریمارکس دیتے ہوئے کہا کہ آج کیا تاریخ ہو گئی ہے، تاخیر کا ذمہ دار کون ہے؟ پراسکیوٹر نے کہا کہ بیرون ملک فرار ملزموں کے غیر ملکی ایڈریس پیش کر دیئے ہیں، نوٹس جاری کر دیں،عدالت نے ریمارکس دیتے ہوئے کہا کہ پہلے بھی ملزموں کو طلب نہیں کیا گیا، نہ وارنٹ گرفتاری جاری ہوئے اور اشتہاری کر کے چالان لے آئے ہو، مونس الٰہی کیس میں اشتہاری قرار دینے کی ساری کارروائی غیر قانونی کی گئی،
فاضل جج نے پراسکیوٹر سے استفسارکیا کہ بینکنگ جرائم عدالت سے عبوری ضمانتوں کو ہائیکورٹ چیلنج کرنے کا آپ نے کہا تھا،پراسکیوٹر نے کہا کہ شریک ملزموں کی عبوری ضمانتوں کو ابھی چیلنج کرنے کا عمل جاری ہے، فاضل جج نے کہا کہ آپ لوگوں کو پتہ ہی نہیں ہے، بس پرویز الٰہی کی فکر ہے، آپ لوگوں کو بس یہی ہے کہ پرویز الٰہی کو یہاں سے راولپنڈی بھیج دیں اور پریس کانفرنس کروا دیں، عدالت نے استفسارکیا کہ جس طرح ملزموں کو اشتہاری قرار دیا گیا کیا وہ عمل قابل وضاحت ہے؟ پراسکیوٹر نے کہا کہ ایف آئی اے نے ملزموں کو قانونی طور پر اشتہاری نہیں کروایا، عدالت نے پراسکیوٹر سے استفسار کیا کہ تو پھر انکے خلاف آپ کیا سفارش کریں گے؟ پراسکیوٹر نے کہا کہ میں تو عدالت سے رحم کرنے کی سفارش کروں گا،عدالت نے استفسار کیا کہ قانون میں کہاں رحم کا لکھا ہے؟
عدالت نے ڈی ایس پی لیگل سے استفسارکیا کہ پرویز الٰہی کو پیش کرنے کی منظوری ہوئی تھی کیا بنا؟ ڈی ایس پی لیگل نے کہا کہ سر جیل حکام نے پیش کرنا تھا، پولیس نے تو پیش نہیں کرنا تھا،جج سپیشل کورٹ سنٹرل نے ریمارکس دیتے ہوئے کہا کہ جو بھی یہاں آتا ہے، جھوٹ ہی بولنے آتا ہے، اس ساری کارروائی پر مناسب حکم جاری کروں گا،
پرویز الہیٰ کو سیکورٹی خدشات کی وجہ سے اڈیالہ جیل منتقل کیا گیا ہے ، پرویز الہیٰ کو عدالت نے رہا کرنے کا حکم دیا تھا تا ہم ڈی سی لاہور کے حکم پر پرویز الہیٰ کو نظر بند کر دیا گیا، پرویز الٰہی کو ہائی پروفائل کیس کی وجہ سے حکومت کی منظوری سے اڈیالہ جیل منتقل کیا گیا ہے
لاہور ایف آئی اے سائبر کرائم کی کارروائی ،آن لائن لون ایپ کے ذریعے فراڈ کرنے والے غیرملکی باشندے کو گرفتار کرلیا
ملزم کو گلبرگ لاہور سے گرفتار کیا گیا ،ملزم کا نام جیان لی یانگ ہے اور پاکستان میں آن لائن لون ایپ کے ذریعے فراڈ کرنے والوں کا سربراہ ہے ،ملزم نے دوران تفتییش سینکڑوں لوگوں سے فراڈ کا اعتراف کیا ،ملزم نے بہت سے پاکستانی شہریوں اپنے پاس اس کام کے لیے ملازم رکھا ہوا تھا ملزم دس ماہ سے پاکستان میں یہ کام کر رہا تھا آن لائن لون ایپ کے ذریعے شہری کے ڈیٹا تک رسائی حاصل کرکے انہیں بلیک میل بھی کرتا تھا ایف آئی اے نے مقدمہ درج کرکے تفتیش شروع کردی ہے
دوسری جانب قرضہ ایپلی کیشن اسکینڈل .وفاقی وزیر آئی ٹی و ٹیلی کمیونیکیشن امین الحق نے کہا ہے کہ غیر قانونی قرض ایپلی کیشن کے خلاف سخت کارروائی کا آغاز کردیا گیا ہے۔ امین الحق کا کہنا تھا کہ چیئرمین پی ٹی اے میجرجنرل حفیظ الرحمان کو ایسی ایپلی کیشنز کے خلاف فوری کارروائی کی ہدایت کی گئی،ہدایات پر فوری عملدرآمد کے تحت اب تک 43 ایپلی کیشنز کو بلاک کردیا گیا ہے،اس طرح کی کمپنیاں سیکیورٹیز اینڈ ایکسچینج کمیشن میں رجسٹرڈ ہوتی ہیں،پی ٹی اے کے اقدامات میں ایس ای سی پی سے بھی مشاورت و معاونت شامل ہے،فیس بک، اوردیگرسوشل میڈیا پلیٹ فارمز کےذریعے قرضہ دینے والی مافیا سادہ لوح افراد کو بلیک میل کررہی ہیں،صارفین کی آگاہی کیلئے مہم بھی چلائی جائے کہ وہ اس طرح سے بلیک میلنگ مافیا کا شکار نہ بن سکیں، عوام بھی ایسی ایپلی کیشنز کی شکایت، پی ٹی اے، ایف آئی اے سائبر کرائم اور مقامی پولیس کے پاس درج کرائیں،
