Category: لاہور

لاہور ہائیکورٹ میں سموگ تدارک سے متعلق کیس کی سماعت ہوئی

عدالت نے سموگ تدارک سے متعلق بڑے احکامات جاری کر دیئے ،عدالت نے ٹریفک پولیس اور ایل ڈی اے کو اتوار کو مین بلیوارڈ گلبرگ پر سائیکلنگ کرانے کا حکم دے دیا جسٹس شاہد کریم نے حکم دیتے ہوئے کہا کہ پرنسپل ایم اے او کالج اس سائیکلنگ کی قیادت کریں ،عدالت کی جانب سے لاہور کی سڑکوں پر ٹریفک جام کی صورت حال پر سخت اظہار برہمی کیا گیا عدالت کی جانب سے ٹریفک پولیس کو ہیلمٹ نہ پہننے والوں کو 5 ہزار روپے جرمانہ کرنیکی ہدایت کی گئی، ٹریفک رولز میں ترمیم کرنے ، ہیلمنٹ کی خلاف ورزی کرنیوالوں کیخلاف بھی کارروائی کی ہدایت کی گئی

عدالت نے دوران سماعت ریمارکس دیتے ہوئے کہا کہ آپ 5 ہزار روپے جرمانہ کریں خلاف ورزی کرنے والے خود ٹھیک ہو جائیں گے پہلے دس دن ہیلمٹ کی تشہیرکریں اور شہریوں کو آگاہی دیں ،عدالت سی بی ڈی کے انڈر پاس میں بارش کا پانی کھڑا ہونے پر سخت برہم ہو گئی اور سی ای او عمران امین اور سیکرٹری ہاؤسنگ سے جواب طلب کرلیا عدالت نے کہا کہ چیف انجینئر کو مستعفی ہونا چاہئے تھا انڈر پاس پہلی بارش بھی برداشت نہیں کر سکا

دوسری جانب لاہو رکی سڑکوں پر پولیس نے ناکے لگا لئے جس نے بھی ہیلمٹ نہیں پہنا اسکا چالان کیا جا رہا ہے، شہر میں ہیلمٹ کی قیمتوں میں بھی اضافہ ہو چکا ہے، 300 والا ہیلمٹ آٹھ سو، 1000 کا ہو چکا ہے، شہریوں کا کہنا ہے کہ آٹا خریدیں یا ہیلمٹ، سمجھ نہیں آ رہی، چالان ہو جائے تو وہ جمع کروائیں یا پٹرول ڈلوائیں،دکانداروں کا کہنا ہے کہ ہیلمٹ کا ریٹ ہم نے خود سے مہنگا نہیں کیا، ہمیں بھی مہنگا مل رہا، مجبور ہو کر قیمتیں بڑھائی ہیں،

ہیلمٹ کا استعمال کرنے کا پیغام دینے کیلئے لاہور پولیس نے کرکٹ میچز کی ویڈیو شیئر 

بغیر ہیلمٹ 7 لاکھ 44 ہزار موٹرسائیکلسٹ کے خلاف کارروائی

قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش

نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی، 

11 دنوں میں 2 لاکھ بغیر ہیلمٹ موٹرسائیکلسٹ کے خلاف کارروائی کی گئی ،گذشتہ روز 28 ہزار 666 موٹرسائیکلوں کےخلاف کارروائی کی گئی، 41 ہزار 441 موٹرسائیکلوں کو مختلف سیکٹرز میں بند کروایا گیا، 99 ہزار 110 موٹرسائیکلوں کے کاغذات قبضہ میں لئے گئے،بغیر ہیلمٹ موٹرسائیکل سواروں کا لائسنس بھی چیک کیا جارہا ہے، لائسنس نہ ہونے پر لائسنس اور ہیلمٹ دونوں کا جرمانہ کیا جارہا ہے،

سی ٹی او لاہور کیپٹن(ر) مستنصر فیروز کا کہنا ہے کہ موٹرسائیکل چلانی ہے تو ہیلمٹ پہننا لازمی ہوگا،ہیلمٹ قوانین پر سختی کروانے سے ہیڈانجری کیسز کی شرح میں مزید واضح کمی ہوگی،ہیلمٹ قوانین پر سختی کروانے سے قیمتی جانوں کو محفوظ بنایا جاسکتا ہے، کینال روڈ، مال روڈ، جیل روڈز، مین بلیوارڈ روڈز سمیت اہم روڈز پر لین لائن کی سختی سے پابندی کروائی جارہی ہے، ہیلمٹ ہاتھ میں پکڑنے، ٹینکی پر رکھنے پر بھی کارروائی ہوگی، کریک ڈاؤن کا مقصد قیمتی جانوں کو محفوظ بنانا ہے، منظم ٹریفک کے حصول کیلئے قوانین کی پاسداری کروانے میں سختی کی جائے گی،

باغی ٹی وی کی رپورٹ کے مطابق لاہور ہائیکورٹ میں تحریک انصاف کے صدر اور سابق وزیراعلیٰ پنجاب پرویز الٰہی کی نظربندی کیخلاف درخواست پر سماعت ہوئی

دوران سماعت عدالت نے وکیل پنجاب حکومت سے مکالمہ کرتے ہوئے کہا کہ آپ جو کچھ کررہے ہیں، وہ اچھا نہیں کر رہے، آپ غلط روایت ڈال رہے ہیں ،جو ریاست کرتی ہے وہ بھگتتی بھی ہے،عدالت نے پرویز الہی کے وکیل سے استفسار کیا کہ کیا آپ نے ڈپٹی کمشنر کو درخواست دی ہے ہم پنجاب حکومت کو کہہ دیتے ہیں وہ آپکی درخواست کو سن کر فیصلہ کردیں ،عدالت نے سرکاری وکیل سے استفسار کیا کہ بتائیے آپ کتنے روز میں انکی اپیل پر فیصلہ کریں گے ،سرکاری وکیل نے کہا کہ ہم دس روز میں انکی درخواست کا فیصلہ کردیں گے ،جسٹس علی باقر نجفی نے ریمارکس دیتے ہوئے کہا کہ یعنی چوہدری صاحب رگڑا لگانا ہی لگانا ہے ابتدائی سماعت کے دوران ہی پرویز الہی کے وکلا نے درخواست واپس لے لی

اب پہلے نظربندی کیخلاف ڈپٹی کمشنر لاہور کو درخواست دیں گے

سابق وزیر اعلی پرویز الہی کی نظر بندی کے احکامات لاہور ہائیکورٹ میں چیلنج کر دیئے گئے ،وکیل عامر سعید راں نے لاہور ہائیکورٹ میں درخواست دائر کی ،درخواست گزار نے دائر درخواست میں کہا کہ پرویز الہی کو سیاسی انتقام کا نشانہ بنایا جا رہا ہے ۔پرویز الٰہی کی تمام مقدمات میں ضمانت منظور ہو چکی ہے عدالت دہشتگردی کے مقدمے میں بھی پرویز الہی کو حفاظتی ضمانت دے چکی ہے ۔ امید ہے ہائیکورٹ نظر بندی کے احکامات معطل کرے گی ۔

واضح رہے کہ چوہدری پرویز الہی کو 3 ایم پی او کے تحت نظر بند کر دیا گیا ڈپٹی کمشنر لاہور نے پرویز الہی کو ایک ماہ کے لیے تین ایم پی او کے تحت نظر بند کر دیا ڈپٹی کمشنر لاہور کی جانب سے نوٹیفکیشن بھی جاری کر دیا گیا ی،پولیس نے ڈپٹی کمشنر لاہور کو نظر بندی کے احکامات جاری کرنے کیلئے خط لکھا۔ پولیس کے مطابق دورانِ تفتیش یہ بات سامنے آئی کہ پرویز الٰہی نقصِ امن کیلئے خطرہ بن سکتے ہیں حکم نامہ کے مطابق چوہدری پرویز الہٰی ایک ماہ کے لیے کیمپ جیل لاہور میں ہی نظر بند رہیں گے

پی ٹی آئی کی اندرونی لڑائیاں۔ فواد چوہدری کا پرویز الٰہی پر طنز

خدشہ ہے کہ پرویز الٰہی کو گرفتار کر لیا جائیگا

پرویز الہیٰ کے خلاف ایک اور مقدمہ درج کر لیا گیا ،

پرویزالہٰی کی حفاظتی ضمانت پر تحریری فیصلہ 

زمان پارک سے اسلحہ ملنے کی ویڈیو

لاہور ہائیکورٹ سے تھانہ غالب مارکیٹ میں درج مقدمہ میں حفاظتی ضمانت ملنے کے بعد ہفتہ کی شام عدالتی عملے نے چوہدری پرویز الہٰی کی روبکار کیمپ جیل پہنچادی تھی لیکن ان کو رہا نہیں کیا گیا تھا

لاہور: وزیراعظم پاکستان شہباز شریف کا کہنا ہے کہ اگر نواز شریف کو موقع دیا تو وہ اور پوری ٹیم ملک کا نقشہ بدل دیں گے۔

باغی ٹی وی : لاہور میں وزیراعظم نے یوتھ بزنس اینڈ ایگری کلچر لون اسکیم کے تحت نوجوانوں میں چیکس تقسیم کئے وزیرِ اعظم لون اسکیم کا مقصد باصلاحیت نوجوانوں کو اپنا کاروبار شروع کرنے کیلئے آسان شرائط پر کم سود والے قرض کی فراہمی یقینی بنانا ہے۔

یوتھ بزنس اینڈ ایگری کلچر لون اسکیم کی تقریب سے خطاب کرتے ہوئے شہباز شریف نے کہا کہ آئی ایم ایف پروگرام نہ ہوا ہوتا تو روپے کی قدر نہ بڑھتی آئی ایم ایف کا پروگرام حلوہ یا لڈو پیڑے نہیں، آئی ایم ایف پروگرام ہمارے لئے چیلنج ہے، ہمیں اپنی معیشت کیلئےانقلابی اقدامات کرناہوں گے، انقلابی اقدامات سے ترقی ہمارے قدم چومے گی، جرات مندانہ فیصلوں سے معیشت مستحکم ہوگی۔

انہوں نے کہا کہ نواز شریف نے نوجوانوں کو قرضے اور لیپ ٹاپ دیئے تھے، نواز شریف چین سےسی پیک لایانواز شریف دور میں سڑکوں کا جال بچھایا گیا، نواز شریف دور میں بجلی کے کارخانے لگے، نواز شریف نے ہی نوجوانوں کو کلاشنکوف کے بجائے قلم دیا، لیکن سازش کے تحت نواز شریف کو پابند سلاسل کیا گیا، نواز شریف کا کارکن ہونے پر مجھے بھی جیل میں ڈالا گیا۔

چئیرمین پی ٹی آئی کیخلاف مبینہ کرپشن کےمقدمات پرعوام نے بھی اپنا فیصلہ سنا دیا

انہوں نے کہا کہ الیکشن میں عوام نے بہت سوچ سمجھ کر فیصلہ کرنا ہےجس کو بھی عوام آگے لائیں گے ہم تسلیم کریں گے، نواز شریف کو اگرموقع دیا تو وعدہ ہے کہ وہ پاکستان کو ترقی،خوشحالی کی طرف لےکرجائیں گے لوگ کہتے ہیں میں لیپ ٹاپ نہیں رشوت دے رہا ہوں، میں نے اپنے دور میں 10 لاکھ لیپ ٹاپ دیےتھے، کورونا کے دوران لیپ ٹاپ کی وجہ سے تعلیمی سلسلہ منقطع نہیں ہوا، لیپ ٹاپ کی وجہ سے آئی ٹی میں انقلاب آیا ہے، ایک لیپ ٹاپ بھی سفارش پرنہیں دیاگیا۔

گزشتہ دور حکومت پر تنقید کرتے ہوئے وزیر اعظم شہباز شریف کا کہنا تھا کہ ایک شخص کو فراڈ کرکے وزیراعظم بنایاگیا، وہ شخص 4 سال تک چور ڈاکو کی گردان کرتا رہااس شخص نے 4 سال تک ایک اینٹ نہیں لگائی4 سالہ دور میں جو تباہی بربادی ہوئی اس کو سامنے رکھیں، اربوں کے اسکینڈل چار سالوں کے دوران ہوئے، بی آر ٹی،مالم جبہ،چینی اسکینڈل،190 ملین پاؤنڈ اسکینڈل ،خانہ کعبہ کے ماڈل کی گھڑی کا اسکینڈل ہمارے زمانے میں تو نہیں ہوا، حقائق پر آپ نے فیصلہ کرنا ہے، پی ٹی آئی دور میں صرف4 فیصد مارک اپ پر 3 ارب ڈالر کے قرضے دیے گئے، سابق وزیراعظم کی اہلیہ مہنگے تحفے لیتی تھیں، مالم جبہ اسکینڈل میں خود کو کلین چٹ دی گئی۔

اسلام آباد: ٹریل تھری زیادتی کیس کا نامزد ملزم گرفتار

وزیر اعظم شہباز شریف کا مزید کہنا تھا کہ ملک کے خلاف سازشوں کو دفن کردیا گیا، چند دن قبل پاکستان کے خلاف اسرائیل کا بیان آیا تھا، اللہ تعالیٰ نےتمام سازشوں کو نیست و نابود کردیا، ملک کی قسمت کےلیے یکسو ہوجائیں تو کوئی راستہ نہیں روک سکتا۔

پاکستان تحریک انصاف (پی ٹی آئی) کے چئیرمین عمران خان کے خلاف مبینہ کرپشن کے مقدمات پر عوام نے بھی اپنا فیصلہ سنا دیا-

باغی ٹی وی : چئیرمین پی ٹی آئی کے خلاف مبینہ کرپشن اور 9 مئی کے مقدمات پر عوام کا کہنا ہے کہ انہیں اپنے کئے کی سزا ملنی چاہیے چئیرمین پی ٹی آئی کون ہیں کہ وہ سزا سے بچ جائیں، کرپٹ چیئرمین تحریک انصاف ہو یا کوئی اور سزا ملنی چاہیے بلا تفریق احتساب ہونا چاہیے اور سزا بھی دینی چاہیے-

دوسری جانب پی ٹی آئی کے سابق رہنما و سابق وزیر کے پی کے پرویز خٹک نے انکشاف کیا ہے کہ شہرام ترکی کے والد لیاقت ترکئ کو سینٹر بنانے کےلئے ان سے 50 کروڑ کا فنڈ شوکت خانم کے نام پر لیا جو عمران کے ذاتی اکاؤنٹ میں جمع ہواخیبر پختونخوا پر مصنوعی پراجیکٹ دس سال کے بعد احتتام پذیر ہوا خیبر پختونخوا صوبے کے وسائل کو بیدردی سے سے لوٹا گیا-

اسلام آباد: ٹریل تھری زیادتی کیس کا نامزد ملزم گرفتار

جب ھم کہتے تھے عمران ڈبل شاہ ھے شوکت خانم کا مال کھاتا ھے ٹھگ ھے تو ہتک عزت ھو جاتی تھی اب تو عمران تمہاری ساری کابینہ کہہ رہی کہ تم فراڈیے نو سر باز ھو کر مقدمے ان پر بھیج نوٹس انکو اگر جرات ھے لے جاؤ انکو عدالتوں میں ۔ کوئ شرم کر کوئ حیا کر ۔۔تمہاری تار تار ھو گئ ریپوٹیشن۔ https://t.co/UiMRmtmhnE

— Khawaja M. Asif (@KhawajaMAsif) July 15, 2023

پرویز خٹک نے مزید کہا کہ جعلی منصوبوں کی تشہیر کے لیے ہزارون سوشل میڈیا نوکر بھرتی کیے گٸے کے پی کے کے خزانے سے انھیں ماہانہ 80 کروڑ روپے دئیے جاتے تھے ان کا کام پی ٹی آئی کے مخالفین کو گالیاں دینا اورپی ٹی آئی کی پبلسٹی کرنا ہوتا تھا صوبے پر 987 ارب کا قرضہ چڑھایا گیا جو پچلھے 65 سالہ دور میں صرف 97 ارب روپے تھا-

پوٹھوہار، کشمیر، پنجاب، خیبرپختونخوا اور بلوچستان میں بارشوں کا نیا سلسلہ شروع

پرویز خٹک کے اس بیان پر ردعمل دیتے ہوئے وزیر دفاع اور لیگی رہنما خواجہ آصف نے کہا کہ جب ہم کہتے تھے عمران ڈبل شاہ ہے شوکت خانم کا مال کھاتا ہے ٹھگ ہے تو ہتک عزت ہو جاتی تھی اب تو عمران تمہاری ساری کابینہ کہہ رہی کہ تم فراڈیے نو سر باز ہو کر مقدمے ان پر، بھیج نوٹس ان کو اگر جرات ہے لے جاؤ ان کو عدالتوں میں ۔ کوئی شرم کر کوئی حیا کر ،تمہاری تار تار ہو گئی ریپوٹیشن۔

جب نہ ہو دل سے رابطہ دل کا ،ختم ہوگا نہ فاصلہ دل کا

لاہور: امیر جماعت اسلامی پاکستان سراج الحق نے کہا ہے کہ بجلی کی قیمتوں میں اضافہ غریب طبقہ کیلئے قیامت سے کم نہیں-

باغی ٹی وی: لاہور میں تقریب سے خطاب کے دوران سراج الحق نے کہا کہ بجلی کی قیمتوں میں اضافے کو مسترد کرتے ہیں، ٹیرف بڑھا کر عوام کی جیبوں پر 500 ارب کا ڈاکہ ڈالا گیا، ٹیکسز شامل کر کے فی یونٹ قیمت 56 روپے تک پہنچ گئی ہے بجلی کی قیمتوں میں اضافہ غریب طبقہ کیلئے قیامت سے کم نہیں حکومت عوام پر ظلم کی بجائے اپنی مراعات ختم کرے۔

سراج الحق نے کہا کہ عوام کے حق کے لیے ہر فورم پر آواز اٹھائیں گے، حکومت آئی ایم ایف معاہدہ قوم کے سامنے لائے، حکمران قرض خود ہڑپ کرتے ہیں، ادائیگی کے لیے عوام کو قربانی کا بکرا بنایا جاتا ہے پی ڈی ایم اور پیپلز پارٹی نے مہنگائی کے خلاف لانگ مارچز کیے لیکن اب مجرمانہ خاموشی اختیار کرلی ہے۔

توشہ خانہ کیس:عمران خان کی درخواست سماعت کیلئے مقرر

واضح رہے کہ حکومت نے آئی ایم ایف معاہدے کے بعد عوام پر بجلی بم گرا دیا ہے بجلی کی قیمتوں میں اضافے کے بعد فی یونٹ کا بنیادی ٹیرف 24 روپے 82 پیسے سے بڑھا کر 29 روپے 78 پیسے کر دیا گیا ہے بجلی کے 100 یونٹ استعمال کرنے پر 500 روپے بڑھائے گئے ہیں ، اگر پرانا بل 1340 روپے ہے تو نیا بل 1826 روپے ادا کرنا ہوگا ، 200 یونٹ استعمال کرنے پر ایک ہزار روپے اضافہ لگے گا، 200 یونٹ پر پرانا بل 3700 روپے ہونے کی صورت میں نیا بل 4700 روپے ادا کرنا پڑے گا۔

300 یونٹ استعمال کرنے والوں کیلئے 2 ہزار روپے کا اضافہ کر دیا گیا ہے، 300 یونٹ کا پرانا بل 6 ہزار ہے تو نیا بل 8 ہزار روپے ہوگا ، 400 یونٹ والے صارف کو 2300 روپے اضافی جمع کرانا پڑیں گے، پرانا بل 10 ہزار ہونے کی صورت میں نیا بل 12300 روپے آئے گا۔

جنوبی کوریا میں طوفانی بارشیں،24 افراد ہلاک، ہزاروں افراد کا انخلا

500 یونٹ خرچ کرنے والوں کیلئے 3 ہزار روپے بجلی مہنگی کر دی گئی ہے، اب وہ 13 ہزار کے بجائے 16 ہزار روپے کا بل جمع کرائیں گے، 700 یونٹ پر 4 ہزار روپے اضافہ لگایا گیا ہے، اگر پرانا بل 24 ہزار ہے تو نیا بل 28 ہزارروپے آئے گا۔