Category: لاہور

لاہور:پنجاب حکومت اور ایشین ڈویلپمنٹ بینک (اے ڈی بی) کے درمیان بلیولائن انڈر گراؤنڈ پراجیکٹ کے حوالے سے تعاون پر اصولی اتفاق کر لیا گیا۔

وزیراعلیٰ چودھری پرویز الٰہی اور سابق وفاقی وزیر آبی وسائل مونس الٰہی سے ایشین ڈویلپمنٹ بینک (اے ڈی بی) کے کنٹری ڈائریکٹر یونگ یی کی قیادت میں وفد نے ملاقات کی۔ملاقات کے دوران پنجاب میں اے ڈی بی کے تعاون سے جاری منصوبوں پر پیشرفت اور لاہور میں بلیو لائن انڈر گراؤنڈپراجیکٹ شروع کرنے پر تبادلہ خیال کیا گیا۔

اس موقع پر وزیراعلیٰ پنجاب پرویز الٰہی کا کہنا تھا کہ ایشین ڈویلپمنٹ بینک پنجاب حکومت کا اہم پارٹنر، سابق دور میں اے ڈی بی کے تعاون سے انڈر گراؤنڈ ٹرین چلانے کا منصوبہ بنایا، مسلم لیگ (ن) کی حکومت نے میرے منصوبے کو سیاسی تعصب کی نذ رکردیا۔

انہوں نے کہا کہ میٹروبس سروس شروع کر کے لاہور شہر کا حسن تباہ کیا، ہماری حکومت نے عوام کو ٹرانسپورٹ کی جدیدسہولتیں فراہم کرنے کیلئے بلیو لائن پراجیکٹ شروع کرنے کا فیصلہ کیا ہے۔

کنٹری ڈائریکٹر اے ڈی بی کا کہنا ہے کہ لاہور کو انڈر گراؤنڈ ٹرانسپورٹ سسٹم کی ضرورت ہے، خوشی ہوگی اے ڈی بی بلیو لائن پراجیکٹ کیلئے تکنیکی معاونت فراہم کرے، وزیراعلی پرویز الٰہی کی قیادت میں پنجاب حکومت کی ترجیحات درست ہیں، تعاون مزید بڑھائینگے۔

عمران خان کے صاحبزادوں قاسم اور سلیمان کی زمان پارک آمد 

شوکت خانم کے باہر سے مشکوک شخص گرفتار

جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

لاہور:سعودی ولی عہد محمد بن سلمان نےپاکستان سمیت دیگرکئی ممالک کا دورہ منسوخ کیا:پراپیگنڈہ نہ کیا جائے،ذرائع کے مطابق اس حوالے سے طاہراشرفی کا کہنا تھا کہ محمدبن سلمان نے اپنی ذاتی وجوہات کی بنا پر یہ دورہ ملتوی کیا ہے

طاہر اشرفی نے اس حوالے سے ایک ویڈیو پیغام جاری کرتےہوئے کہا ہے کہ سعودی ولی عہد پاکستان کے مہمان تھے اور ہیں انہوں نے پاکستان کے سیاسی حالات کی وجہ سے یہ دورہ منسوخ نہیں کیا بلکہ انہوں نے ذاتی وجوہات کی بناپرپاکستان سمیت دیگرکئی ملکوں کا دورہ ملتوی کردیا ہے

طاہر اشرفی کا کہنا تھا کہ محمد بن سلمان خادم الحرمین الشریفین ہیں پاکستان کا سعودی عرب سے دین کا رشتہ ہے اور یہ رہے تھا ، اس لیے جو احباب پاکستان کے داخلی معاملات سے اس دورے کی منسوخی کو جوڑ رہےہیں وہ درست نہیں کررہے

یاد رہے کہ سعودی ولی عہد محمد بن سلمان کا دورۂ پاکستان ملتوی کردیا گیا۔ ذرائع کے مطابق جی 20 سمٹ کے باعث محمد بن سلمان کے دورے کا شیڈول تبدیل کیا جائے گا۔

سعودی ولی عہد محمد بن سلمان کو 21 نومبر کو پاکستان کے دورے پر آنا تھا، جس میں وزیراعظم شہباز شریف سمیت دیگر اہم شخصیات سے ملاقاتیں شیڈول تھیں۔ سعودی وفد میں کاروباری شخصیات اور سرمایہ کار بھی شامل ہیں۔

ذرائع کا کہنا ہے کہ سعودی ولی عہد محمد بن سلمان کا دورہ پاکستان کچھ وقت کیلئے ملتوی کردیا گیا ہے، جی 20 سمٹ کے باعث اب ان کا دورہ پاکستان کا شیڈول تبدیل کیا جائے گا۔ذرائع کے مطابق سعودی وزیراعظم محمد بن سلمان اور ان کے وفد کے دورے کی نئی تاریخ کے تعین کیلئے ہوم ورک جاری ہے۔

عمران خان کے صاحبزادوں قاسم اور سلیمان کی زمان پارک آمد 

شوکت خانم کے باہر سے مشکوک شخص گرفتار

جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

وزیراعلیٰ پنجاب چودھری پرویز الٰہی نے کہا ہے کہ لاہور کے شہریوں کو بہترین بنیادی سہولتیں فراہم کی جائیں گی اور ایل ڈی اے کی سکیموں میں شہری سہولتوں کی بہتری کیلئے ہر ممکن وسائل فراہم کریں گے۔ ایل ڈی اے گورننگ باڈی کے چھٹے اجلاس کی صدارت کرتے ہوئے وزیراعلیٰ چودھری پرویز الٰہی نے واسا کو کارکردگی بہتر بنانے کی ہدایت کی اور کہا کہ شہریوں کے مسائل کے حل کیلئے واسا کو روایتی انداز ترک کرکے جدید تقاضوں سے ہم آہنگ ہونا ہوگا۔واسا کو صحیح معنوں میں عوامی خدمت کا ادارہ بنائیں گے۔ شہریوں کو سہولیات کی فراہمی پر کوئی سمجھوتہ نہیں ہوگا۔صاف پانی اور سیوریج سسٹم کی بہتری عوام کا بنیادی حق ہے۔ صاف پانی کی فراہمی او رسیوریج پائپ لائن کی تنصیب میں کوتاہی برداشت نہیں کی جائے گی۔

وزیراعلیٰ نے واسا کو مساجد سے سیوریج چارجز وصول کرنے سے روک دیا۔اجلاس میں نئے سکولوں کی تعمیر کیلئے قواعد و ضوابط میں ضروری رد و بدل کی منظوری دی گئی۔ نئے سکولوں کے لئے ورٹیکل ہائیٹ 48 فٹ مقرر کی گئی اور سکول 30 فٹ سے کم روڈ پر نہیں بنائے جا سکیں گے۔ اجلاس میں واسا کے لئے لیگل ایڈوائزر ،کنسلٹنٹ او رلاء فرم کے لئے قوانین میں ترمیم کی منظوری دی گئی۔ وزیراعلیٰ نے ایل ڈی اے کے انجینئرزکے الاؤنس سے متعلقہ ایشو طے کرنے کی ہدایت کی۔ اجلاس میں ایل ڈی اے کے ٹیوب ویل آپریٹرز کی پوسٹوں کو اپ گریڈ کرنے کی منظوری دی گئی۔ گریڈ 2 سے گریڈ 7 میں کام کرنے والے ٹیوب ویل آپریٹرز کو گریڈ5 سے گریڈ 8ملے گا۔ اجلاس میں ڈائریکٹر لیگل، ریکوری، ریونیو، فنانس او راسسٹنٹ ڈائریکٹر ایڈمن کی پروموشن کا طریقہ کار طے کرنے اور ایل ڈی اے کے ڈاکٹرز کو پروفیشنل او رنان پریکٹسنگ الاؤنس دینے کی منظوری دی گئی۔ اجلاس میں فیصلہ کیا گیا کہ پرائیویٹ رہائشی سکیموں سے نئی شرح سے سیوریج چارجز لئے جائیں گے۔ اپارٹمنٹس میں پارکنگ اور روف گارڈننگ کے قوانین پر عملدرآمد لازمی قرار دے دیا گیا۔ ایل ڈی اے ایونیوون کے ترمیم شدہ لے آؤٹ پلان کی منظوری دی گئی اور ایل ڈی اے سکیموں میں متنازع امور طے کرنے کیلئے سیٹلمنٹ کمیٹی تشکیل دینے کی ہدایت کی گئی۔

گورننگ باڈی کے اجلاس میں صوبائی مشیر عامر سعید راں،ایم پی اے ملک مختار احمد،پرنسپل سیکرٹری وزیراعلیٰ محمد خان بھٹی، سابق پرنسپل سیکرٹری وزیراعلیٰ جی ایم سکندر، ایل ڈی اے گورننگ باڈی کے اراکین عامرریاض قریشی،طارق ثناء باجوہ، کمشنر لاہور ڈویژن، سیکرٹری لوکل گورنمنٹ، ڈی جی ایل ڈی اے اورمتعلقہ حکام نے شرکت کی۔

طالبہ کے ساتھ جنسی تعلق،حمل ہونے پر پرنسپل نے اسقاط حمل کروا دیا

ویڈیو بنا کر ہراساں کرنے کے ملزم کی درخواست ضمانت پر فیصلہ محفوظ

ناکے پر کیوں نہیں رکے؟ پولیس اہلکار نے شہری پر گولیاں چلا دیں

بارہ سالہ بچی کی نازیبا ویڈیو بنانے والا ملزم گرفتار

خواتین کے خلاف تشدد سے تحفظ کا ترمیمی بل گورنر پنجاب نے واپس بھجوا دیا

گورنر پنجاب محمد بلیغ الرحمان نے عوامی مفاد میں دو بلوں کی منظوری دے دی۔

ترجمان گورنر ہاؤس کے مطابق گورنر پنجاب نے پنجاب احساس پروگرام بل 2022 کی منظوری دے دی۔گورنر پنجاب نے پنجاب انڈسٹریز (کنٹرول آن ایسٹیبلشمنٹ اینڈ اینلارجمنٹ ) (امینڈمنٹ) بل 2022 کی بھی منظوری دے دی۔گورنر پنجاب نے خواتین کے خلاف تشدد سے تحفظ کا ترمیمی بل 2022 بہتری کی تجاویز کے ساتھ پنجاب اسمبلی کو واپس بھیج دیا۔ گورنر پنجاب نے بل میں تشدد کی تعریف وسیع کرنے کی تجویز دی جبکہ موجودہ بل میں  تعریف محدود تھی۔ تشدد کی تعریف وسیع کرنے سے خواتین کو تشدد کے خلاف بہتر طور پر انصاف دیا جا سکتا ہے۔

گورنر سیکرٹریٹ میں پنجاب اسمبلی کی جانب سے بل ایک طے کردہ طریقہ کار کے مطابق ایک پراپر چینل اختیار کیے بغیر براہ راست بھیجے جا رہے ہیں۔اس کے باوجود گورنر سیکرٹریٹ میں عوامی مفاد میں ان بلوں پر عرق ریزی سے کام کیا جاتا ہے۔ گورنر پنجاب اب تک عوامی مفاد میں بیسیوں بلوں کی فوری منظوری دے چکے ہیں۔

گورنر پنجاب بلیغ الرحمان کا کہنا ہے کہ اعلیٰ تعلیم مسلم لیگ (ن) کی حکومت کی اوّلین ترجیح ہے اور اس نے اعلیٰ تعلیم کے فروغ کے لئے فنڈز میں خاطر خواہ اضافہ کیا ہے ہم نے ملک کو معاشی بحران سے بچانے کے لئے اپنے اتحادیوں کے ساتھ حکومت سنبھالنے کا مشکل فیصلہ کیا ،پاکستان بہتری کی طرف جائے گا،

ویڈیو بنا کر ہراساں کرنے کے ملزم کی درخواست ضمانت پر فیصلہ محفوظ

ناکے پر کیوں نہیں رکے؟ پولیس اہلکار نے شہری پر گولیاں چلا دیں

بارہ سالہ بچی کی نازیبا ویڈیو بنانے والا ملزم گرفتار