Baaghi TV

Category: لاہور

  • ملک میں بارشیں اور سیلاب کی تباہ کاریاں،این ڈی ایم اے نے تازہ اعدادو شمار جاری کردئیے

    ملک میں بارشیں اور سیلاب کی تباہ کاریاں،این ڈی ایم اے نے تازہ اعدادو شمار جاری کردئیے

    ملک میں بارشیں اور سیلاب کی تباہ کاریاں،نیشنل ڈیزاسٹرمینجمنٹ (این ڈی ایم اے) نے تازہ اعدادو شمار جاری کردئیے-

    باغی ٹی وی: این ڈی ایم اے کے مطابق گزشتہ 24 گھنٹوں میں 75 افراد جاں بحق اور 59زخمی ہوئے ،ملک بھر میں مجموعی طور پر اب تک ایک ہزار136 افراد جاں بحق جبکہ ایک ہزار634 افراد زخمی ہوئے بلوچستان میں 244 سندھ میں 402،پنجاب میں 168، افراد جاں بحق ہوئے-

    دریائےسندھ میں چاچڑاں شریف کے مقام پر اونچے درجے کا سیلاب ،وزیر خارجہ بلاول کی سیلاب متاثرین کیلئے اقدامات کی اپیل

    رپورٹ کے مطابق خیبر پختونخوامیں 258،آزاد کشمیر میں 41،گلگت بلتستان میں 22 افراد جان سے گئے،بارش اور سیلاب سے 10 لاکھ 51 ہزار 570 مکانات کو مکمل اور جزوی نقصان پہنچا،ملک بھر میں 7 لاکھ 35 ہزار 375 مویشی ہلاک ہوئے،ملک بھر میں بارشوں اور سیلاب سے شاہراہیں بھی متاثر ہوئیں-

    نیشنل ڈیزاسٹرمینجمنٹ کے مطابق ملک بھر میں بارشوں اور سیلاب سے شاہراہیں متاثر ہوئیں،بلوچستان میں ایک ہزارکلومیٹر شاہراہیں متاثر ہوئیں جبکہ 18 پلوں کو بھی نقصان پہنچا، سندھ میں 2 ہزار328 کلو میٹر شاہراہیں متاثر ہوئیں ،پنجاب میں 121 کلومیٹر،خیبر پختونخوا میں 6 اعشاریہ کلومیٹر سٹرکیں متاثر ہوئیں جبکہ 60 پلوں کو نقصان پہنچا،گلگت بلتستان میں 16 کلومیٹر شاہراہ اور65 پلوں کو نقصان پہنچا-

    نیشنل فلڈ رسپانس اینڈ کوآرڈینیشن سینٹر قائم کیا جائے،حکومتی اتحادی جماعتوں کا اعلامیہ

    سیلاب اور بارشوں کے باعث تباہ کاریاں ،خیبر پختونخوا ا سکول داخلہ مہم میں 10 ستمبر تک توسیع کر دی گئی ،وزارت تعلیم خیبر پختونخوا کے افسران اور ملازمین کا سیلاب زدگان کی امداد کا اعلان کیا-

    سیکریٹری ایجوکیشن کے پی کے مطابق وزیر تعلیم خیبر پختونخوا شہرام خان نے ایک ماہ کی تنخواہ سیلاب زدگان کے نام کردی محکمہ تعلیم سیکریٹریٹ ا سٹاف 5 دن کی تنخواہ متاثرین کو دیں گے،ٹیچنگ ا سٹاف، ٹیکسٹ بک بورڈ اور دیگر ملازمین رضاکارانہ طور پر ایک دن کی تنخواہ دیں گے-

    دریائے سندھ میں تونسہ کے مقام پر اونچے درجے کاسیلاب،الرٹ جاری

  • منظور جونیئر کی لاش اسپتال انتظامیہ نے بل کی عدم ادائیگی پر2 گھنٹے تک روکے رکھی

    منظور جونیئر کی لاش اسپتال انتظامیہ نے بل کی عدم ادائیگی پر2 گھنٹے تک روکے رکھی

    ہاکی اولمپیئن منظور جونیئر کی میت نجی اسپتال انتظامیہ نے بل کی ادائیگی نہ ہونے پر لواحقین کے حوالے کرنے سے انکار کردیا اور دو گھنٹے تک میت کو روکے رکھا۔ اسپتال انتظامیہ پانچ گھنٹے کی ٹریٹمنٹ پر چار لاکھ روپے کا بل مانگ رہی تھی، انتظامیہ کا موقف تھا کہ منظور جونیئر کو اسٹنٹ ڈالے گئے تھے۔

    بعد میں پاکستان ہاکی فیڈریشن کی مداخلت پر اسپتال انتظامیہ نے منظور جونیئر کی ڈیڈ باڈی لواحقین کے حوالے کردی۔ منظور جونیئر کو آج صبح دل کا دورہ پڑا، انہیں فوری طور پر مقامی اسپتال لایا گیا تھامگر وہ نجی اسپتال میں انتقال کرگئے، ڈاکٹروں کے مطابق منظورجونیئرکو تین اسٹنٹ ڈالے گئے تھے۔

    وزیر اعظم شہباز شریف کا کہنا تھا کہ ہاکی کی دنیا کے لیجنڈ، اولمپیئن منظور حسین جونیئر کے انتقال پر گہرا دکھ اور افسوس ہوا۔شہباز شریف کا کہنا تھا کہ اللّٰہ تعالیٰ مرحوم کے درجات بلند کرے اور سوگواران کو صبرِ جمیل عطا کرے۔

    وزیر اعظم کا کہنا تھا کہ گولڈ میڈلسٹ منظور حسین جونیئر قوم کا سرمایہ تھے، پاکستان ہاکی کیلئے ان کی خدمات نا قابلِ فراموش رہیں گی۔

    منظور جونیئر کی وفات پر آرمی چیف جنرل قمرجاوید باجوہ نے بھی اظہار تعزیت کیا۔پاکستان کرکٹ ٹیم کے سابق کپتان اور ٹیسٹ کرکٹرو وسیم اکرم نے بھی منظور جونیئر کی وفات پر دکھ کا اظہار کیا۔اولمپیئن منظور حسین جونیئر پاکستان ہاکی کا سرمایہ تھے۔ ان کو اپنے زمانے میں گولڈن پلیئر کے خطاب سے نوازا گیا۔

    منظور حسین جونیئر کی قیادت میں پاکستان نے واحد جونیئر ورلڈ کپ 1979ء میں جیتا۔انہوں نے قومی ٹیم کی نمائندگی کرتے ہوئے 1984 کے لاس اینجلس اولمپکس میں گول میڈل کا اعزاز حاصل کیا۔منظور جونیئر نے بارسلونا اور لاس اینجلس اولمپکس میں بالترتیب کانسی اور سونے کے تمغےجیتے، وہ لاس اینجلس اولمپکس میں قومی ہاکی ٹیم کے کپتان بھی رہے۔

    1978 اور 1982 کی فاتح قومی ہاکی ٹیم کا بھی حصہ رہے۔ 1982 کے ورلڈ کپ فائنل کے ہیرو کے طور پر دنیائے ہاکی آج بھی پہچانتی ہے.منظور جونیئر کو 1984ء میں صدارتی تمغہ برائے حسن کارکردگی سے بھی نوازا گیا۔

    تحریک منہاج القرآن کے قائد شیخ الاسلام ڈاکٹر محمد طاہر القادری نے ہاکی کے عظیم کھلاڑی،اولمپئین منظور حسین جونئیر کے انتقال پر افسوس کا اظہار کرتے ہوئے اپنے تعزیتی پیغام میں کہا ہے کہ اللہ تعالیٰ مرحوم منظور حسین جونئیر کی بخشش و مغفرت فرمائے جملہ پسماندگان کو صبر جمیل کی توفیق دے۔ڈاکٹر طاہر القادری نے کہا کہ منظور حسین جونئیر پاکستان ہاکی کے ایک بڑے کھلاڑی اور عظیم انسان سے محروم ہو گیا ہے۔

  • پنجاب کابنیہ نے ایک ماہ کی تنخواہ اور پرویزالہیٰ نے ہیلی کاپٹر سیلاب ذدگان کیلئے وقف کر دیا

    پنجاب کابنیہ نے ایک ماہ کی تنخواہ اور پرویزالہیٰ نے ہیلی کاپٹر سیلاب ذدگان کیلئے وقف کر دیا

    وزیر اعلی پنجاب چودھری پرویزالٰہی کی زیر صدارت صوبائی کابینہ کا دوسرا اجلاس منعقد ہوا.پنجاب کابینہ نے سیلاب متاثرین سے مکمل یکجہتی کا اظہار کیا. پنجاب کابینہ کا ایک ماہ کی تنخواہ متاثرین سیلاب کی مدد کے لیے دینے کا اعلان کیا ہے جبکہ وزیراعلیٰ چودھری پرویز الہٰی کا اپنا ہیلی کاپٹر سیلاب متاثرین کے لئے وقف کرنے کا اعلان کر دیا.
    چودھری پرویزالٰہی نے کہا کہ میرا ہیلی کاپٹر مصیبت زدہ بہن بھائیوں کو ریلیف دینے کے لئے استعمال کیا جائے۔

    وزیر اعلی پنجاب چودھری پرویزالٰہی کی زیر صدارت کابینہ اجلاس میں سیلاب سے متاثرہ دیگر صوبوں کی ضروریات پوری کرنے کا فیصلہ کیا گیا .

    چودھری پرویزالٰہی کا کہنا تھا کہ پنجاب حکومت بلوچستان، سندھ اور خیبر پختونخوا کے سیلاب متاثرین کیلئے ادویات اور میڈیکل سٹاف بھجوائے گی۔ بلوچستان، سندھ اور خیبرپختونخواکے سیلاب متاثرہ بہن بھائیوں کے ساتھ ہیں۔پنجاب حکومت دیگر صوبوں کے ساتھ کھڑی ہے۔

    پنجاب کابینہ نے راجن پور، ڈیرہ غازی خان اور میانوالی کے سیلاب متاثرہ علاقوں کو آفت زدہ قرار دینے کے فیصلے کی توثیق کردی،وزیراعلیٰ چودھری پرویز الہٰی نے ریلیف کی سرگرمیو ں کو منظم انداز میں مزید تیز کرنے کی ہدایت کی.

    چودھری پرویزالٰہی نے کہا کہ متاثرہ علاقوں میں ضرورت کے مطابق ٹینٹ،فوڈ ہیمپرز او ردیگر ضروری سامان مہیا کیاجائے گا۔ گھروں،فصلوں او رلائیوسٹاک کو پہنچنے والے نقصانات کا بھی ازالہ کریں گے۔ہر حقدار کو اس کا حق دیاجائے گا،کسی کی حق تلفی نہیں ہونی چاہیے۔

    پنجاب کابینہ نے بارشوں او رسیلاب سے آبپاشی کے انفراسٹرکچر کو پہنچنے وا لے نقصانات کی تعمیر و مرمت کے لئے 4ارب روپے کے خصوصی فنڈز کے اجراء کی منظوری دے دی
    ڈیرہ غازی خان ضلع میں سرکاری اراضی کی نیلامی کے عمل کو کابینہ سٹینڈنگ کمیٹی برائے پرائیوٹائزیشن کے سپرد کرنے کا فیصلہ کیا ہے.کمیٹی تمام امور کاجائز ہ لے کر اپنی حتمی سفارشات پیش کرے گی

    کابینہ نے نکلسن روڈ کو سینئر سیاستدان نوابزادہ نصر اللہ مرحوم کے نام سے منسوب کرنے کی منظوری دے دی ،پی ایس ڈی پی / اے ڈی پی فنڈڈ پروگرام برائے اصلاح کھالا جات کے فیز ٹو کے سٹاف کا معاملہ کمیٹی کے سپرد کر دیئے.ایل ڈی اے ٹربیونل کے صدر منصور احمد خان کے عہدے میں توسیع کی منظوری بھی دی گئی،سرکاری جامعات کے وائس چانسلرز کی تقرری کے لئے نئی سرچ کمیٹی کی تشکیل کی منظوری بھی دی گئی،سرچ کمیٹی کے کنونئر شفقت محمود ہوں گے .

    پنجاب کابینہ نے پنجاب ریونیو اتھارٹی کے ایپلٹ ٹربیونل کی چیئرپرسن اور جوڈیشل ممبر ز کی تعیناتی کی منظوری دی،پنجاب اسمبلی کے 5 ویں پارلیمانی سال2022-23 کے سالانہ کیلنڈ اور پنجاب پبلک سروس کمیشن برائے سال 2021کی سالانہ رپورٹ کی بھی منظوری دے دی. اجلاس میں صوبائی محتسب پنجاب کی سالانہ رپورٹ 2021 ء کی منظوری دی گئی
    اجلاس میں کابینہ کے پہلے اجلاس میں تشکیل دی جانے والی کابینہ سٹینڈنگ کمیٹیوں کی ازسرنو تشکیل کی منظوری دی گئی.اجلاس میں کابینہ کے پہلے اجلاس کے فیصلو ں کی توثیق کی گئی،کا بینہ کو سیلاب سے ہونے والے جانی ومالی نقصانا ت اورامدادی سرگرمیوں کے بارے میں تفصیلی بریفنگ دی گئی،صوبائی وزراء، مشیران، معاونین خصوصی،چیف سیکرٹری اور اعلی حکام نے اجلاس میں شرکت کی.

  • پی ٹی آئی کی مکروہ سازش کا پردہ چاک ہو گیا، حمزہ شہباز

    پی ٹی آئی کی مکروہ سازش کا پردہ چاک ہو گیا، حمزہ شہباز

    سابق وزیراعلی پنجاب اور مسلم لیگ ن کے رہنما حمزہ شہباز کا کہنا ہے کہ شوکت ترین کی تیمور جھگڑا اور محسن لغاری کی گفتگو نے مکروہ سازش کا پردہ چاک کر دیا ہے۔ فارن فنڈنگ پر پلنے والی جماعت پاکستان کی جڑوں کو کھوکھلا کرنے میں مصروف ہے۔ آئی ایم ایف پروگرام پاکستان کی معیشت کے لئے اشد ضروری ہے۔

    حمزہ شہباز نے کہا کہ اس کے خلاف سازشیں کرنے والے پاکستان سے مخلص نہیں ۔عمران نیازی ریاست پاکستان کے اندر انارکی، فتنہ اور فساد چاہتا ہے۔ عمران نیازی کے دور اقتدار میں پاکستان کے سارے دوست ممالک سے تعلقات بدترین ہو گئے۔ سیلاب جیسے قومی سانحے پر بھی عمران نیازی نے سیاست کی۔

    حمزہ شہباز نے کہا کہ عمران نیازی اور اس کے چیلے پاکستان کو سری لنکا جیسے حالات سے دوچار کروانا چاہتے ہیں۔ عمران نیازی تو کہتا ہے کہ اگر وہ اقتدار میں نہیں تو ملک پر ایٹم بم مار دو۔عمران نیازی کے ارد گرد لوگوں کو بھی سوچنا چاہئے کہ وہ پاکستان مخالف کھیل کا حصہ کیوں بن رہے ہیں۔

  • ہاکی اولمپیئن منظور حسین جونیئر انتقال کر گئے

    ہاکی اولمپیئن منظور حسین جونیئر انتقال کر گئے

    پاکستان ہاکی کا درخشاں ستارہ لیجنڈ اولمپیئن منظور حسین جونیئر انتقال کر گئے-

    باغی ٹی وی : پاکستان ہاکی فیڈریشن کے صدر بریگیڈیئر (ر) خالد سجاد کھوکھر اور سیکریٹری جنرل حیدر حسین نے پی ایچ ایف چیئرمین سیلیکشن کمیٹی و ہاکی لیجنڈ اولمپیئن منظور حسین جونیئر کے انتقال پر انتہائی گہرے رنج کا اظہار کرتے ہوئے ان کی مغفرت اور لواحقین سے تعزیت کا اظہار کیا ہے-

    ڈیپارٹمنٹل سپورٹس کی بحالی، پاکستان ہاکی فیڈریشن کا خیر مقدم

    اعلامیے میں کہا گیا ہے ہاکی لیجنڈ منظور حسین جونیئر پاکستان ہاکی کا سرمایہ تھے ان کی پاکستان ہاکی کیلئے دی جانے والی خدمات کو کبھی فراموش نہیں کیا جاسکے گا –

    ان کے لواحقین ہم سب ہاکی فیملی انتہائی دکھ کی کیفیت میں ہیں- اللہ سے دعا ہے انکے لواحقین سمیت پوری ہاکی کو بڑے سانحے کو سہنے کاحوصلہ عطا فرمائے پی ایچ ایف صدر بریگیڈیئر (ر) خالد سجاد کھوکھراورسیکریٹری جنرل حیدر حسین سے پوری قوم سے دعائے مغفرت کی اپیل کی ہے-

    شعیب ملک کا کے پی ایل کی اپنی انعامی رقم سیلاب متاثرین کو عطیہ کرنے کا اعلان

    اولمپیئن منظورحسین جونیئرجو کہ پاکستان ہاکی کا سرمایہ تھےانہوں نے قومی ٹیم کی نمائندگی کرتےہوئے 1984 کے لاس اینجلس اولمپکس میں گول میڈل کا اعزاز حاصل کیا.1978 اور 1982 کی ونر قومی ہاکی ٹیم کا بھی حصہ رہے-

    1982 کے ورلڈ کپ فائنل کے ہیرو کے طور پر دنیائے ہاکی آج بھی پہچانتی ہے ہاکی لیجنڈ اولمپیئن منظور حسین جونیئر جو دل کے دورے کے باعث لاہورکے مقامی اسپتال میں زیر علاج تھے جہاں وہ جانبر نہ ہوسکےان کے لواحقین کی جانب سے تدفین کے وقت کا باقاعدہ اعلان کیا جائے-

    برطانیہ کے اینڈی مرے نے سنسناٹی ماسٹرز ٹینس ٹورنامنٹ میں پہلا میچ جیت لیا

  • امریکی خلائی کمپنی نے پاکستان میں سیٹلائٹ سے لی گئیں سیلاب کی تصاویر جاری کردیں

    امریکی خلائی کمپنی نے پاکستان میں سیٹلائٹ سے لی گئیں سیلاب کی تصاویر جاری کردیں

    امریکی خلائی کمپنی نے پاکستان میں سیلاب کی سیٹلائٹ سے لی گئیں تصاویر جاری کردیں۔

    باغی ٹی وی : پاکستان میں سیلاب نے تباہی مچا دی، امریکی خلائی کمپنی نے پاکستان میں سیلاب کی سیٹلائٹ سے لی گئیں تصاویر جاری کردیں۔

    تصاویر میں پہلے اور بعد کی صورتحال دکھائی گئی ہے۔ تصاویر میں دریائے سندھ کے ساتھ ساتھ صوبہ پنجاب کے راجن پور اور روجھان کے شہروں میں بھی سیلاب کی صورتحال دکھائی گئی ہے۔

    بلوچستان کو دوبارہ اپنے پاؤں پر کھڑا ہونے میں 25 سال لگ جائیں گے،عبدالقدوس بزنجو


    واضح رہے کہ بارشوں اور سیلاب نے ملک بھر تباہی مچا رکھی ہے۔ ملک بھر میں حالیہ بارشوں اور سيلاب سےاب تک جانبحق ہونے والے افراد کى تعداد 1061 ہوگئی ہےلاکھوں کی تعداد میں مال مویشی سیلاب کے نذر ہو گئے۔ ہزاروں کلو میٹر شاہراہیں اور اہم پل بھی پانی بہا لے گیا۔ چاول ، کپاس اور پیاز سمیت کئی فصلیں تباہ ہو گَئیں ہیں۔

    سندھ میں ایک اور سیلاب،زمیں دارہ بند ٹوٹنے سے سیلابی پانی بکھری میں داخل

    سندھ، بلوچستان، خیبر پختونخوا اور جنوبی پنجاب میں ہرطرف بربادی کا منظر، دوردراز علاقوں تک رسائی ناممکن ہوگئی، انسانی المیہ جنم لینے لگا ہ بپھری موجوں سے بچ نکلنے والوں کو نئے امتحان کا سامنا ہے، خوراک اور پینے کا پانی نایاب ہوگیا، سر ڈھانپنے کوبھی ٹھکانہ نہیں ہے، مچھروں اور دیگر حشرات کی بھرمارسے بیماریاں پھوٹنے لگی ہیں۔

    سیلاب سے ہونے والی تباہی کو 2010 کے سیلاب سے کئی گنا زیادہ قراردیا جا رہا ہے۔ ماہرین کا کہنا ہےکہ متاثرین کی بحالی میں کئی سال لگ سکتے ہیں۔

    سیلاب کی تباہ کاریاں جاری: مزید 28 اموات، مجموعی تعداد 1061، 8 لاکھ مویشی ہلاک

  • ایشیا کپ: سنسنی خیز مقابلے میں پاکستان بھارت سے میچ ہارگیا

    ایشیا کپ: سنسنی خیز مقابلے میں پاکستان بھارت سے میچ ہارگیا

    دبئی : ایشیا کپ ٹی 20 میں سب سے بڑے ٹاکرے میں سنسنی خیز مقابلے کے بعد بھارت نے پاکستان کو 5 وکٹ سے شکست دے دی۔

    بھارت اننگز

    148 رنز ہدف کے تعاقب میں بھارت کی پہلے ہی اوور میں وکٹ گر گئی، کے ایل راہول نسیم شاہ کی پہلی ہی گیند پر کلین بولڈ ہوگئے، نسیم شاہ کو ایک اور وکٹ مل جانی تھی مگر بدقسمتی سے فخر زمان نے نسیم شاہ کی گیند پر ویرات کوہلی کا کیچ چھوڑ دیا۔

    بھارت کے دوسرے آؤٹ ہونے والے بلے باز کپتان روہت شرما تھے جو کہ 12 رنز بناکر محمد نواز کی گیند پر افتخار احمد کو کیچ دے بیٹھے جبکہ ویرات کوہلی بھی محمد نواز کی ہی گیند پر افتخار احمد کے ہاتھوں 35 سکور بناکر کیچ آؤٹ ہوئے۔

    ایشیا کپ ٹی 20 میں سب سے بڑے ٹاکرے میں بھارت کے خلاف پاکستانی بیٹنگ لائن ریت کی دیوار ثابت ہوئی، 147 سکور پر 5-19 اوورز میں ساری ٹیم آوٹ ہو گئی ہے

    دبئی انٹرنیشنل کرکٹ سٹیڈیم میں پاکستان اور بھارت کے مابین ایشیا کپ کا ٹی 20 میچ کھیلا جارہا ہے، بھارت کے کپتان روہت شرما نے ٹاس جیت کر پاکستانی قائد بابر اعظم کو پہلے بیٹنگ کی دعوت دی، سیلاب زدگان سے یکجہتی کے اظہار کے لئے کھلاڑی سیاہ پٹیاں باندھ کر میدان میں اترے۔

    پاکستان اننگز

    بھارت کے خلاف میچ میں پاکستان کی جانب سے کپتان بابر اعظم اور محمد رضوان نے اننگز کا آغاز کیا، تاہم پہلے ہی اوور میں بھارتی ٹیم اپنے دونوں ریویو ضائع کر بیٹھی۔

    قومی ٹیم کے کپتان بابراعظم لمبی اننگز نہ کھیل سکے اور 10 رنز بناکر بھوونیشور کمار کی گیند پر ارشدیپ سنگھ کو کیچ دے بیٹھے، پاکستان کی جانب سے دوسرے آؤٹ ہونے والے بیٹر فخر زمان تھے جو کہ اویش خان کی گیند پر 10 سکور بناکر وکٹ کیپر دنیش کارتک کے ہاتھوں کیچ آؤٹ ہوئے، افتحار احمد نے 28 رنز بنائے اور ہاردیک پانڈیا کی گیند پر وکٹوں کے پیچھے کیچ دیکر پویلین لوٹ گئے۔

    محمد رضوان 1 چھکے اور 4 چوکوں کی مدد سے 42 گیندوں پر 43 رنز کی اننگز کھیل کر ہاردیک پانڈیا کی گیند پر اویش خان کو باؤنڈری لائن پر کیچ تھما بیٹھے، خوشدل شاہ بھی خاطر خواہ کارکرگی کا مظاہرہ نہ کر سکے اور پانڈیا کی گیند پر صرف 2 رنز بناکر جدیجا کے ہاتھوں کیچ آؤٹ ہوگئے، آصف علی بھی اپنی جارحانہ بلے بازی کا جادو نہ نہ چلا سکے اور 9 رنز بناکر بھوونیشور کمار کی گیند پویلین لوٹ گئے۔

    محمد نواز صرف ایک رنز بناکر ارشدیپ سنگھ کی گیند پر دنیش کارتک کے ہاتھوں کیچ آؤٹ ہوگئے، نائب کپتان شاداب خان 10 اور نسیم شاہ صفر پر بھوونیشور کمار کی مسلسل دو گیندوں پر وکٹیں گنوا بیٹھے۔

     

    پاکستان اور بھارت آخری بار گزشتہ برس متحدہ عرب امارات ہی میں کھیلے گئے ٹی 20 ورلڈ کپ میں مدمقابل آئے تھے، جس میں شاہینوں نے بھارتی سورماؤں کو 10 وکٹوں سے دھول چٹوائی تھی۔

    کم و بیش 10 ماہ بعد ٹی 20 ایشیا کپ میں آج دونوں روایتی حریف ایک مرتبہ پھر مدمقابل ہیں۔ پاکستان کے معیاری وقت کے مطابق پاک بھارت ٹاکرا شام 7 بجے شروع ہوگا۔

     

    ٹی 20 ورللڈ کپ میں بھارت کی بیٹنگ لائن کو تہس نہس کرنے والے شاہین شاہ آفریدی فٹنس مسائل کی وجہ سے قومی اسکواڈ سے باہر ہیں جب کہ بھارت کو بھی اپنے سب سے اہم ہتھیار جسپریت بمرا کی خدمات حاصل نہیں۔

  • آریانہ,دامانہ,درب شاہ گرام ,ڈپو,چیل،مدین تحصیل بحرین میں سیلاب سے100سےزائدگھرمکمل طورتباہ

    آریانہ,دامانہ,درب شاہ گرام ,ڈپو,چیل،مدین تحصیل بحرین میں سیلاب سے100سےزائدگھرمکمل طورتباہ

    :لاہور:آریانہ,دامانہ,درب شاہ گرام ,ڈپو,چیل،مدین تحصیل بحرین میں سیلاب سے100سےزائدگھرمکمل طورتباہ ،اطلاعات کے مطابق کے پی میں آنے والے سیلاب کے نقصانات کی تفصیلات آنا شروع ہوگئی ہیں اور تازہ ترین ابتدائی اطلاعات میں کہا جارہا ہےکہ آریانہ،دامانہ،درب شاہ گرام ،ڈپو،چیل ، مدین اور تحصیل بحرین کے دیگرعلاقوں میں 100 سے زائد گھر مکمل طور پرتباہ ہوگئے ہیں

     

    یہ بھی معلوم ہوا ہے کہ جزوی طور پر تقریبا ہرگھر کو نقصان پہنچا ہے اور یہ کہا جارہا ہےکہ بڑی تعداد میں مویشی بھی ہلاک ہوئے ہیں ،

     

     

    دوسری طرف وزیراعلٰی کے پی نے اس علاقے میں امدادی سرگرمیاں تیز کرنے کی ہدایات جاری کرتےہوئے متاثرین کو فی الفور امداد دینے کا بھی اعلان کیا اور اس ضمن میں امدادی رقم بھی بڑھا دی ہے

     

    ڈیرہ اللہ یار ، بلوچستان میں نئے ریلے کے بعد خیمہ بستیاں بھی ڈوب گئیں ہیں، اس سلسلے میں ڈیرہ اللہ یار سے تازہ ترین اطلاعات میں بتایا گیا ہےکہ اس وقت پانی پورے علاقے میں پھیل چکاہے اوراب تو محفوظ مقامات بھی غیرمحفوظ ہوگئے ہیں اور خیمہ بستیاں تک اس سیلابی ریلے میں ڈوب گئی ہیں،

    اس سلسلے میں ملنے اطلاعات میں بتایا گیا ہے کہ اسلامی فلاحی تنظیمیں سیلاب متاثرین کی مدد کررہے ہیں،اور یہ بھی معلوم ہوا ہے کہ جونہی شام کا وقت ہونے کو ہورہا ہے ، اندھیری رات میں پانی کے ریلے میں لوگوں کی پریشانیوں میں مسلسل اضافہ بھی ہورہا ہے

     

    کے پی کے ایک بڑے شہر کو سیلاب کے تازے ریلے کا سامنا ہے یہ شہرجہاں پہلے ہی ڈیرہ اسماعیل خان ایئر پورٹ شدید متاثر ہوا ہے، ایئر پورٹ پانی میں ڈوب گیا، جس کی وجہ سے فلائٹ آپریشن بھی معطل ہوگیا۔

    ڈی آئی خان ایئرپورٹ ٹرمنل بلڈنگ، رن وے، ایپرن سائیڈ دریا کا منظر پیش کرنے لگا، جبکہ ڈیرہ اسماعیل خان میں اے ایس ایف کیمپ بھی پانی سے بھرگیا۔سول ایوی ایشن ملازمین، اے ایس ایف اور ایئرپورٹ کا عملہ شدید مشکلات کا شکار ہے۔

    دوسری طرف تحصیل پروا سے اطلاعات کے مطابق سیلاب کا تازہ اور بڑا ریلہ گزر رہا ہے جس نے شہرکی رہی سہی کسر بھی نکال دی ہے ،

    اس حوالے سے سوشل میڈیا پر وائرل ایک ویڈیو میں دیکھاجاسکتا ہے کہ کس طرح پانی کا ریلہ تحصیل پروا کوویران کرتے ہوئے گزررہا ہے ،

     

     

    اطلاعات کے مطابق شدید طوفانی بارشوں کے باعث ضلع ڈیرہ اسماعیل خان میں سیلاب کی تباہ کاریوں میں مسلسل اضافہ ہو رہا ہے ابتک درجن سے زائد افراد جاں بحق اور 25 سے زائد زخمی ہو چکے ہیں. 160 سے زیادہ دیہات صفحہ ہستی سے مٹ گئے ہیں.

    ملک بھر کی طرح ضلع ڈیرہ اسماعیل خان میں بھی شدید طوفانی بارشوں کے باعث سیلاب کی تباہ کاریوں میں بتدریج
    اضافہ ہوتا جا رہا ہے۔ سرکاری ذرائع کے مطابق حالیہ سیلاب میں اب تک 9000 سے زیادہ گھر متاثر ہوئے ہیں، سیکروں مال مویشی بھی ہلاک ہو چکے ہیں

     

    پروآ اور ملحقہ علاقوں میں ہزاروں لوگ سیلابی پانی میں پھنسے ہوئے ہیں. ادھر تحصیل کلاچی کے مضافات گاوں کوٹ ولی داد سمیت ملحقہ علاقوں میں سیلابی ریلا داخل ہو گیا ہے، لونی نالہ میں طغیانی کی وجہ سے سگو پل ٹوٹنے سے بین الصوبائی رابطہ کی ڈیرہ ژوب روڈ بند ہو گئی۔ بڈھ میں سیلابی ریلہ داخل ہونے سے ڈیرہ ٹانک روڈ بھی بند ہے۔اور ایک جگہ سے ٹوٹ گیا ہے جہاں لوگ بانسوں کا پل بناکرگزرنے کا راستہ بنا رہے ہیں ،ادھر  ہزارہ پکہ ڈرین سے اس وقت انتہائی اونچے درجے کا سیلابی ریلہ گزر رہا ہے

  • پنجاب حکومت کا سینیئر صحافی پر مذہب کے نام پر مقدمہ درج،صحافی برادری کی جانب سے تشویش کا اظہار

    پنجاب حکومت کا سینیئر صحافی پر مذہب کے نام پر مقدمہ درج،صحافی برادری کی جانب سے تشویش کا اظہار

    مذہب کارڈ کے مخالف دعویداروں کا اصل چہرہ بے نقاب،پنجاب حکومت صحافی وقار ستی پر مقدمہ درج کر کے نئی تاریخ رقم کردی۔

    باغی ٹی وی : تفصیلات کے مطابق عمران خان کی سیاست پر تنقید کی وجہ سے مذہبی کارڈ کا استعمال کیا گیا، سینیئر صحافی پر مذہب کے نام پر مقدمہ درج ہونے پر صحافی برادری کی جانب سے تشویش کا اظہار کیا جا رہا ہے-

    عمران خان کے خلاف ٹویٹ،صحافی وقار ستی کیخلاف مقدمہ درج

    مذہبی ٹچ سے مذہب کارڈ کا سفر سابق وزیر اعظم کے چہرہ پر سیاہ دھبہ قرار دیا جا رہا ہے صحافی برادری کی جانب سے وقار ستی کے ساتھ بھرپور اظہار یکجہتی کا عظم کیا گیا ہے-

    صحافی برادری نے عمران خان اور چوہدری پرویز الہی کے اقدامات پر بھرپور جواب دینے کا فیصلہ کیا ہے-

    واضح رہے کہ پاکستان تحریک انصاف کے چیئرمین اور سابق وزیراعظم عمران خان کے خلاف ٹویٹر پر ویڈیو اپ لوڈ کرنے پر سینئر صحافی وقار ستی کے خلاف جعلی ایف آئی آر درج کی گئی ہے-

    مریم اورنگزیب کی صدرلاہور پریس کلب اعظم چوہدری کو دھمکی کی مزمت

    ایف آئی آر راولپنڈی کے آر اے بازار تھانہ میں کیبل آپریٹر چوہدری ناصر قیوم کی مدیت میں درج کی گئی ہے ، ایف آئی آر میں چوہدری ناصر قیوم کا کہنا ہے کہ وقار ستی نے سابق وزیراعظم عمران خان کے خلاف کئی باتیں کی ہیں جن کا عمران خان کے خطاب سے کوئی تعلق نہیں ہے –

    درخواست گزار کا مذید کہنا تھا کہ عمران خان سے منسوب وقار ستی کی باتیں حقائق کے منافی ہیں اور ان کی باتوں سے میرے مزہبی جزبات کو شدید ٹھیس پہنچی ہے-

    صحافیوں کی جانب سے وقار ستی کے خلاف مقدمہ کے اندراج کی مزمت کی گئی ہےصحافی اسد علی طور نے وقار ستی کے خلاف درج ایف آئی آر کی کاپی بھی اپنے ٹویٹر اکاونٹ پر شائع کی اور کہا کہ وقار ستی کے خلاف مقدمے کا اندراج قابل مزمت ہے.

    آرمی چیف آج سندھ کے سیلاب زدہ علاقوں کا دورہ کریں گے

  • شاہی دسترخوان اورشاہی محلات میں رہنےوالوں نےعوام کودھوکہ ہی دیا:جماعت اسلامی نےقربانیاں دیں:سراج الحق

    شاہی دسترخوان اورشاہی محلات میں رہنےوالوں نےعوام کودھوکہ ہی دیا:جماعت اسلامی نےقربانیاں دیں:سراج الحق

    اسلام آباد (رپورٹ شہزاد قریشی) الخدمت فائونڈیشن اپنے سیلاب زدگان بہن بھائیوں کی مدد کیلئے پیش پیش ہے جمات اسلامی نے سیلاب زدگان کے لئے ملک بھر میں چندہ مہم شروع کی ہے۔ عوام کی بڑی تعداد جماعت اسلامی پر اعتماد کرتی ہے شاہی دسترخوان اور شاہی محلات میں رہنے والوں نے عوام کو دھوکہ ہی دیا ہے۔ سیاست کو تجارت بنانے والوں نے اس ملک کو معاشی کنگال بنادیا ہے۔ ان خیالات کا اظہار امیر جماعت اسلامی سراج الحق نے اوصاف سے گفتگو کرتے ہوئے کیا۔ پارلیمنٹ کی بالادستی آئین اور قانون کی حکمرانی کا نعرہ لگانے والے جب خود قانون شکن بن جائیں احتساب کا نعرہ لگانے والے احتساب سے بھاگیں۔ 75 سالوں سے اشرافیہ نے اس ملک اور عوام کے لئے کچھ نہیں کیا۔

    انہوں نے کہا کہ آزادی حاصل کرنے کے بعد انگریزوں کے مخبروں نے اس ملک کا حلیہ بگاڑ کے رکھ دیا ہے عوام کو مسائل کی دلدل میں پھنسا دیا ہے ملکی اداروں کو تباہ کر دیا گیا ہے سراج الحق نے کہا کہ سیاست کاروبار کا روپ دھار چکی ہے الیکشن سے پہلے ٹکٹ فروخت کرتے ہیں جو ٹکٹ خرید کر پارلیمنٹ ہائوس آتا ہے پھر وہ اپنے اثاثے بناتا ہے ان حالات میں ملک و قوم کی تقدیر بدلے تو کیسے بدلے،

    ایک سوال کے جواب میں انہوں نے کہا کہ ہم ملک کو کرپشن سے نجات کرپٹ سیاستدانوں سے نجات چاہتے ہیں۔ وقت آ پہنچا عوام قابض ٹولے سے ملک اور خود کو آزاد کروائیں کرپشن سے پاک قیادت ہی اس ملک کو ترقی کی راہ پر گامزن کر سکتی ہے اسلامی اصولوں کے مطابق ہی زندگی گزار کر دنیا میں اپنا مقام بنا سکتے ہیں تاریخ گواہ ہے کہ جماعت اسلامی نے ہر فورم پر اسلامی نظام کے لئے بھرپور کردار ادا کیا ہے کرپٹ سیاستدانوں نے رکاوٹ ڈالی ہے،

    ایک سوال کے جواب میں سراج الحق نے کہا کہ انگریزوں کے ذہنی غلاموں سے نجات حاصل کرنے کا واحد حل جماعت اسلامی کے پاس ہے ملک کو مقروض در مقروض کرنے ملکی معیشت کو تباہ کرنے والے کرپٹ سیاستدانوں سے اگر عوام نجات چاہتے ہیں تو جماعت اسلامی کا ساتھ دینا ہوگا انہوں نے کہا کہ اج ان کرپٹ سیاستدانوں نے ملک و قوم کو جس نہج پر پہنچایا ہے اندرونی اور بیرونی مسائل کا پاکستان کو سامنا ہے عوام جماعت اسلامی کو مضبوط کرنے اور آمدہ قومی انتخابات میں جماعت کے امیدواروں کو کامیاب کرانے میں اپنا بھرپور کردار ادا کرے جماعت اسلامی منظم اور دیانتدار لوگوں کی جماعت ہے انہوں نے کہا کہ کتنے افسوس کا مقام ہے سیلاب کی بروقت اطلاع کے باوجود ظالم اور بے حس حکمرانوں نے عوام کے لئے کچھ نہیں کیا۔ جس کی جتنی مذمت کی جائے وہ کم ہے۔