Category: لاڑکانہ

خاتون اول آصفہ بھٹوزرداری نے کہا ہےکہ نو جوان خواتین کو بااختیار بنانا پاکستان کے روشن مستقبل کی ضمانت ہے۔

خاتون اول عکس بینظیر بی بی آصفہ بھٹو زرداری نے بختاور کیڈٹ کالج برائے طالبات کی پانچویں پاسنگ آؤٹ پریڈ اور سالانہ پیرنٹس ڈے کی تقریب میں شرکت کی۔ اس موقع پر کیڈٹس نے انہیں گارڈ آف آنر پیش کیا اور بی بی آصفہ نے طالبات کی محنت، لگن اور نمایاں کارکردگی کو سراہا۔ شہید بے نظیر آبادمیں بختاورکیڈٹ کالج برائے طالبات میں یوم والدین اور پانچویں پاسنگ آوٹ کی تقریب سے خطاب کرتے ہوئے خاتون اول نے کہا کہ طلبا کو نظم وضبط ،احترام اور استقامت کو اپنائیں،پورے ملک کی طرح سندھ کی بیٹیاں بھی مسلسل امتیاز کے ساتھ آگے بڑھ رہی ہیں،بے پناہ چیلنجز سے عبارت شہید بے نظیر بھٹو کی زندگی ہمارے لیے مشعل راہ ہے۔

اس سے قبل خاتون اول آصفہ بھٹو زرداری نے بختاور کیڈٹ کالج میں جمنازیم اور سوئمنگ پول کا افتتاح کیا۔ انہوں نے کالج میں آرٹ اور سائنس کی نمائش کا بھی باضابطہ افتتاح کیا،آصفہ بھٹو زرداری نے مختلف شعبوں میں نمایاں کارکردگی کا مظاہرہ کرنے والی کیڈٹس میں انعامات تقسیم کیے۔

سابقہ ایم پی اے خاتون پر مبینہ پولیس تشدد کا معاملہ،ڈی آئی جی آپریشنز نےمبینہ واقعہ کا نوٹس لے لیا اور انکوائری کا حکم دے دیا
ڈی آئی جی آپریشنز فیصل کامران نے انکوائری 48 گھنٹے میں مکمل کرنے کا حکم دیا،مبینہ واقعہ کی تمام شواہد بشمول ویڈیوز سے انکوائری کرنے کا حکم دیا گیا،ترجمان کے مطابق مبینہ تشدد کی انکوائری شروع، دیگر تمام الزامات حقائق کے منافی ہیں،خاتون ایم پی اے کا بیٹا سنوکر کلب میں جوا کھیلتے گرفتار ہوا،ارسلان دو روز قبل 90 سنوکر کلب میں 12 دیگر ملزمان کے ساتھ رنگے ہاتھوں گرفتار ہوا، مذکورہ سنوکر کلب اور گرفتار دیگر ملزمان سابقہ جوئے میں ریکارڈ یافتہ ہیں،خاتون کا ایک بیٹا گزشہ ماہ موٹر سائیکل سے گر کر جاں بحق ہوا جس کا مقدمہ درج ہے، سنوکر کلب سے دوسرے بیٹے کی گرفتاری کو پہلے بیٹے کے مقدمہ قتل پر دباو سے جوڑنا بے بنیاد ہےخاتون ایم پی اے نے بیٹے کو چھڑوانے کے لیے دباو ڈالنے کی کوشش کی،سابق ایم پی اے اور اس کے شوہر نے بیٹے کو چھڑوانے کے لیے پولیس والوں سے شدید بدسلوکی کی، وزیر اعلی پنجاب کی ہدایت کے مطابق قانون سب کے لیے برابر ہے،بغیر تصدیق الزام تراشی پر مبنی یک طرفہ خبر چلانا افسوسناک ہے

قبل ازیں سابق رکن اسمبلی سمیرا کومل کے بیٹے پر مزنگ پولیس نے جوا کھیلنے کا مقدمہ درج کر لیا،سمیرا کومل نے دعویٰ کیا تھا کہ میرے بیٹے کو جھوٹے مقدمے میں نامز د کیا گیا ،بیٹا ارسلان گھر کے باہر کھڑا تھا، پولیس پکڑ کر لے گئی۔شوہر کے ساتھ تھانے گئی تو پولیس نے دونوں پر تشدد کیا۔ایک ماہ پہلے دوسرے بیٹے کو قتل کر دیا گیا، انصاف نہیں ملا

میر مرتضیٰ بھٹو کے صاحبزادے اور شہید ذوالفقار علی بھٹو کے پوتے، ذوالفقار علی بھٹو جونیئر نے اپنی سیاسی جدوجہد کا باقاعدہ آغاز کرتے ہوئے لاڑکانہ سے اپنا پہلا انتخاب لڑنے کا اعلان کر دیا ہے۔ وہ کسی سیاسی اتحاد یا جماعت کا حصہ بنے بغیر عوامی طاقت سے اقتدار میں آنے کے خواہاں ہیں۔

دادو میں میڈیا سے گفتگو کرتے ہوئے ذوالفقار جونیئر نے کہا "ہمیں امیروں کی طرح سیاست نہیں کرنی چاہیے، ہم شہید مرتضیٰ بھٹو کے نظریے کو نئی سوچ کے ساتھ آگے بڑھا رہے ہیں۔ سندھ کی زمینوں اور قدرتی وسائل پر جو لوٹ مار اور قبضے ہو رہے ہیں، انہیں کسی صورت برداشت نہیں کیا جائے گا۔”انہوں نے واضح الفاظ میں کہا کہ وہ کسی روایتی سیاسی اتحاد کا حصہ نہیں بنیں گے، بلکہ عوامی حمایت اور قوت کے ذریعے نظام کو بدلنے کا عزم رکھتے ہیں۔ ان کا کہنا تھا "ہم نئی نسل کو ایک نیا سیاسی وژن دینا چاہتے ہیں۔ ہمیں پرانی اور فرسودہ سیاست سے آگے بڑھنا ہوگا۔”

ذوالفقار جونیئر نے لاڑکانہ سے الیکشن لڑنے کا باقاعدہ اعلان کیا، تاہم انہوں نے یہ وضاحت نہیں کی کہ وہ قومی اسمبلی یا صوبائی اسمبلی کی کس مخصوص نشست سے الیکشن میں حصہ لیں گے۔

لاڑکانہ بھٹو خاندان کا گڑھ رہا ہے۔یہاں سے ماضی میں ذوالفقار علی بھٹو، بینظیر بھٹو، اور حالیہ انتخابات 2024 میں بلاول بھٹو زرداری بھی کامیاب ہو چکے ہیں۔لاڑکانہ میں قومی اسمبلی کی 2 نشستیں،صوبائی اسمبلی کی 4 نشستیں ہیں۔

لاڑکانہ: خیرپور روڈ پر سیشن جج لاڑکانہ کے اسکواڈ پر نامعلوم حملہ آوروں نے فائرنگ کر دی، جس کے نتیجے میں ایک پولیس اہلکار جاں بحق اور دو دیگر زخمی ہوگئے ہیں۔

پولیس کے مطابق یہ واقعہ اس وقت پیش آیا جب سیشن جج لاڑکانہ سکھر سے واپس لاڑکانہ جا رہے تھے۔ واقعہ ٹنڈو مستی تھانے کی حدود میں پیش آیا، جہاں راستے میں اچانک حملہ آوروں نے ان پر فائرنگ شروع کر دی۔ فائرنگ کے باعث اسکواڈ میں شامل تین پولیس اہلکاروں کو گولیاں لگیں، جن میں سے ایک موقع پر ہی جاں بحق ہوگیا جبکہ دو زخمیوں کو فوری طور پر قریبی اسپتال منتقل کیا گیا ہے۔

واقعے کے فوری بعد پولیس نے جائے وقوعہ کو گھیرے میں لے کر تفتیش شروع کردی ہے۔ علاقہ میں سرچ آپریشن جاری ہے اور ملزمان کی گرفتاری کے لیے چھاپے مارے جا رہے ہیں۔ سیشن جج اور ان کے اسکواڈ کی حفاظت کو یقینی بنانے کے لیے مزید سیکورٹی انتظامات کیے جا رہے ہیں۔پولیس حکام کا کہنا ہے کہ اس واقعے کی وجوہات معلوم کرنے کے لیے شواہد اکٹھے کیے جا رہے ہیں اور جلد ہی ملزمان کو گرفتار کر کے قانون کے کٹہرے میں لایا جائے گا۔

شہید بینظیر آباد: خاتون اول آصفہ بھٹو زرداری اور وزیراعلیٰ سندھ مراد علی شاہ نے ورلڈ بینک کے وفد کے ہمراہ دورہ کیا،

نظر محمد لغاری گوٹھ میں سیلاب متاثرین کے لیے تعمیر شدہ گھروں کا معائنہ کیا،آصفہ بھٹو اور ایم ڈی ورلڈ بینک نے متاثرہ خواتین میں گھروں کی ملکیت کی اسناد تقسیم کیں،ایم ڈی ورلڈ بینک کی خواتین سے ملاقات، دستکاری کا کام بھی دکھایا گیا،وفد کو بریفنگ میں بتایا گیا کہ نظر محمد لغاری گوٹھ میں سیلاب سے تباہ 32 گھروں کی نوتعمیر کی گئی ہے، آصفہ بھٹو کا کہنا تھا کہ یہ منصوبہ خواتین کو مالکانہ حقوق دینے والا پاکستان کا سب سے بڑا پروگرام ہے، سندھ حکومت دیہی خواتین کو با اختیار بنانے کے لیے پرعزم ہے،

وزیراعلیٰ سندھ سید مراد علی شاہ کا کہنا تھا کہ سنہ 2022ء کے سیلاب میں سندھ میں 21 لاکھ مکانات تباہ ہوئے، ورلڈ بینک کی 500 ملین ڈالر کی ابتدائی امداد سے گھروں کی بروقت تعمیر ممکن ہوئی، ورلڈ بینک نے امداد میں مزید 450 ملین ڈالر کا اضافہ کیا ہے، یہ رقم 7 لاکھ 78 ہزار گھروں کی تعمیر میں مددگار ثابت ہوئی، 450 ملین ڈالر میں سے 54.92 ملین ڈالر پانی، صفائی اور صحت عامہ کے لیے مختص کی ہے،واش منصوبے سے ایک ہزار دیہاتوں کے 66691 گھرانے مستفید ہوں گے،ایم ڈی ورلڈ بینک نے سندھ حکومت کی قیادت اور وژن کو سراہا،ورلڈ بینک نے سندھ حکومت کے ساتھ تعاون جاری رکھنے کا عزم کیا

علاوہ ازیں خاتون اول آصفہ بھٹو زردای اور وزیراعلیٰ سندھ مراد علی شاہ نے ضلع شہید بینظیر آباد کا دورہ کیا،وزیراعلیٰ سندھ اور ورلڈ بینک وفد نے بیسک ہیلتھ یونٹ (بی ایچ یو) جام صاحب کا معائنہ کیا،دورے کے دوران ہیلتھ ورکرز اور مریضوں سے ملاقات کی،وزیر صحت ڈاکٹر عذرا پیچوہو و پی پی ایچ آئی سی ای او جاوید جاگیرانی نے بریفنگ دی، وفد نے مختلف شعبوں میں خدمات اور کارکردگی کا جائزہ لیا ،بی ایچ یو جام صاحب میں ماہانہ 20,310 مریض مستفید ہوتے ہیں،وزیراعلیٰ سندھ نے مختلف شعبہ جات اور سہولیات کو تسلی بخش قرار دیا

گڑھی خدابخش: خاتون اول اور رکن قومی اسمبلی بی بی آصفہ بھٹو زرداری نے آج گڑھی خدابخش کا دورہ کیا، جہاں انہوں نے اپنے خاندان کے عظیم رہنماؤں کے مزارات پر حاضری دی اور فاتحہ خوانی کی۔

بی بی آصفہ بھٹو زرداری نے سب سے پہلے اپنی والدہ، پاکستان کی پہلی خاتون وزیر اعظم اور جمہوریت کی علمبردار شہید محترمہ بینظیر بھٹو کے مزار پر حاضری دی۔ انہوں نے مزار پر پھول چڑھائے اور اپنی والدہ کے درجات کی بلندی کے لیے فاتحہ خوانی کی۔بعد ازاں، بی بی آصفہ بھٹو زرداری نے پاکستان کے سابق وزیر اعظم اور پاکستان پیپلز پارٹی کے بانی، قائدِ عوام شہید ذوالفقار علی بھٹو کے مزار پر بھی حاضری دی۔ انہوں نے اپنے نانا کے مزار پر عقیدت کا اظہار کیا اور ان کی جمہوریت کے لیے دی گئی قربانیوں کو خراجِ عقیدت پیش کیا۔بی بی آصفہ بھٹو زرداری نے اپنے شہید چچا، میر مرتضیٰ بھٹو اور شہید شاہنواز بھٹو کے مزاروں پر بھی پھول چڑھائے اور ان کے ایصالِ ثواب کے لیے فاتحہ خوانی کی۔

اس موقع پر، بی بی آصفہ بھٹو زرداری نے شہید محترمہ بینظیر بھٹو سمیت تمام شہداء کے ایصالِ ثواب کے لیے قرآن خوانی کی اور دعا کی۔ بی بی آصفہ بھٹو زرداری کا یہ دورہ بھٹو خاندان کی سیاسی و جمہوری جدوجہد کی یاد کو تازہ کرنے کا مظہر تھا، جس میں انہوں نے پارٹی ورکرز اور عقیدت مندوں کے جذبات کو بھی سراہا۔

نواب شاہ: صدر مملکت آصف علی زرداری نے عید الفطر کی نماز زرداری ہاؤس نواب شاہ میں ادا کی۔ اس موقع پر عوام کی بڑی تعداد نے صدر مملکت کے ساتھ نماز عید الفطر میں شرکت کی۔ نماز کے دوران لوگوں نے دعائیں کیں اور ملک کی ترقی، خوشحالی اور امن کے لیے اللہ تعالیٰ سے خصوصی طلب کی۔

نماز عید الفطر میں سیاسی، سماجی رہنما اور پاکستان پیپلز پارٹی کے کارکنان بھی بڑی تعداد میں شریک ہوئے، جنہوں نے صدر آصف علی زرداری کے ساتھ عید کی خوشیوں میں حصہ لیا۔ نماز کے بعد، صدر مملکت نے تمام حاضرین سے ملاقات کی اور انہیں عید کی خوشیوں کے موقع پر مبارک باد دی۔اس موقع پر ڈپٹی اسپیکر قومی اسمبلی سید غلام مصطفیٰ شاہ، صوبائی وزیر علی حسن زرداری، ضیاء الحسن لنجار اور پاکستان پیپلز پارٹی کے دیگر رہنما بھی موجود تھے۔ یہ اجتماع زرداری ہاؤس نواب شاہ میں ایک بھرپور اور خوشگوار ماحول میں منعقد ہوا، جہاں تمام شرکاء نے ایک دوسرے کو عید کی خوشیوں میں شریک کرنے کے ساتھ ساتھ ملک کی فلاح و بہبود کے لیے دعا کی۔

صدر آصف علی زرداری نے اس موقع پر ملک کی سلامتی اور خوشحالی کے لیے دعا کی اور پاکستان کے عوام کے لیے بہتر مستقبل کی خواہش ظاہر کی۔ اس موقع پر ایک روحانی اور قومی یکجہتی کا جذبہ بھی محسوس کیا گیا۔

پیپلزپارٹی کے چیئرمین بلاول بھٹو زرداری کی نماز عید کی ادائیگی کے لئے گڑھی خدا بخش آمد
لاڑکانہ: پاکستان پیپلزپارٹی کے چیئرمین بلاول بھٹو زرداری نے عید الفطر کے موقع پر گڑھی خدا بخش آ کر شہدائے جمہوریت کے مزار پر نماز عید ادا کی۔ ان کے ہمراہ وزیراعلی سندھ سید مراد علی شاہ، سید قائم علی شاہ، نثار کھوڑو، آغا سراج درانی، خورشید جونیجو، سہیل انور سیال، جمیل سومرو، غلام مصطفی لغاری، اعجاز لغاری، خیرمحمد شیخ سمیت دیگر رہنما بھی موجود تھے۔نماز عید کی ادائیگی کے بعد چیئرمین بلاول بھٹو زرداری نے ملکی سلامتی اور عوام کی خوشحالی کے لئے دعا کی۔ انہوں نے کہا کہ دعا گو ہیں کہ اللہ تعالی پاکستان کو ترقی کی راہوں پر گامزن کرے اور عوام کی زندگیوں میں سکون و خوشحالی لے کر آئے۔نماز عید کے بعد بلاول بھٹو زرداری نے گڑھی خدا بخش میں موجود شہریوں سے ملاقات کی اور انہیں عید کی مبارکباد دی۔ اس دوران انہوں نے شہریوں سے مصافحہ اور معانقہ بھی کیا، جس سے ان کی خوشی دوگنا ہوگئی۔ بلاول بھٹو زرداری نے عوام کے ساتھ عید کی خوشیوں میں شریک ہو کر ایک بار پھر اپنے عوامی جذبات اور حمایت کا اظہار کیا۔چیئرمین بلاول بھٹو زرداری کی اس عید کی تقریب نے عوام کے دلوں میں مزید محبت اور عقیدت پیدا کی، اور ان کے عوامی تعلقات کو مزید مضبوط کیا۔