Category: لاڑکانہ

پیپلزپارٹی کے چیئرمین بلاول زرداری نے ایڈز کے حوالہ سے اجلاس کے بعد لاڑکانہ کے رتو ڈیرو ہسپتال کا دورہ کیا

باغی ٹی وی کی رپورٹ کے مطابق بلاول زرداری نے سندھ میں ایڈز کے بڑھتے ہوئے مریضوں پر تشویش کا اظہار کرتے ہوئے اجلاس طلب کیا تھا جس میں ڈاکٹروں نے بریفنگ دیتے ہوئے بتایا کہ 32 دنوں میں رتو دیرو تعلقہ اسپتال میں 22ہزار سے زائد افراد کی ایچ آئی وی اسکریننگ کی گئی ہے. بلاول زرداری نے ایچ آئی وی سے متاثرہ بچوں سے ملاقات کی، ان کے والدین کو حوصلہ دیا ،کیمپ میں ایڈز کے مریضوں سے ملاقات کی. بلاول بھٹو زرداری نے ایچ آئی وی سے متاثرہ بچوں کے نئے قائم کیےگئے وارڈ کا بھی دورہ کیا. اس موقع پر بلاول زرداری نے کہا کہ ایچ آئی وی سے متاثرہ افراد کو تنہا نہیں چھوڑیں گے .

واضح رہے کہ سندھ میں ایڈز کے مریضوں میں اضافہ ہونے پر شیخ رشید و دیگر نے بلاول پر تنقید کی تھی،

شیخ رشید کی جانب سے سندھ کو ایڈزستان کہنے پر بلاول نے کیا کام کیا؟

پیپلز پارٹی کے چیئرمین بلاول زرداری نے نوڈیرو ہاوس لاڑکانہ میں اہم اجلاس طلب کر لیا ہے.

باغی ٹی وی کی رپورٹ کے مطابق بلاول زرداری کی زیر صدارت ہونے والے اجلاس میں صوبائی وزیرصحت،لاڑکانہ سےمنتخب ایم این ایز،ایم پی ایزشریک ہوں گے ،اجلاس میں ایچ آئی وائرس اورروک تھام پربلاول بھٹوزرداری کوبریفنگ دی جائے گی

واضح رہے کہ اس سے قبل بلاول ہاوس کراچی میں ہونے والے اجلاس میں بلاول زرداری نے سندھ ایڈز کنٹرول پروگرام کی کارکردگی پر تشویش ظاہر کی تھی، تین گھنٹے تک جاری اجلاس میں بلاول نے سیکرٹری صحت سے بھی بریفنگ لی. اجلاس میں وزیراعلیٰ سندھ مراد علی شاہ، وزیر صحت عذرا پیچوہو، مشیراطلاعات مرتضی وہاب، سیکریٹری صحت ڈاکٹر سعید اعوان، اسپیشل سیکریٹری صحت پبلک ہیلتھ ڈاکٹر حفیط اللہ عباسی و دیگر حکام نے شرکت کی .سیکرٹری صحت نے اجلاس میں بلاول زرداری کو بریفنگ دیتے ہوئے بتایاکہ 9082 افرادکے ٹیسٹ کیے گئے جن میں سے393 افرادایچ آئی وی پازیٹو نکلے جن میں312 بچے اور81افراد شامل ہیں۔ بلاول نے حکام پر شدید برہمی کا اظہار کیا.

وفاقی وزیر ریلوے شیخ رشید احمد کا کہنا ہے کہ دنیامیں اتنے ایڈز کے مریض کہیں نہیں جتنے سندھ میں ہیں،سندھ حکومت نے صوبے کو ایڈستان بنادیا ہے، دنیا میں ایڈز کے اتنے مریض کہیں نہیں ہوں گے جتنے لاڑکانہ میں ہیں. ایک دن سندھ کے ویزے پر پابندی لگ جائے گی.

واضح رہے کہ پیپلز پارٹی کے چیئرمین بلاول زرداری کے حلقہ رتوڈیرو میں 617 افراد میں ایڈز کی تشخیص ہوئی .

سوشل میڈیا پر بلیک میلنگ کی وجہ سے سندھ کی طالبہ نے خود کشی کر لی

باغی ٹی وی کی رپورٹ کے مطابق سندھ کے علاقہ بدین کے علاقے ٹنڈو غلام علی میں ایف اے کی طالبہ کی تصاویر کو سوشل میڈیا پرایڈیٹ کر کے لگائی گئیں اور اسے بلیک میل کیا گیا جس پر طالبہ نے خود کشی کر لی ،طالبہ نے زہر پی کر خود کشی کی. طالبہ کے سامان سے ملنے والے خط میں انکشاف ہوا ہے کہ سوشل میڈیا کے ذریعے بلیک میل کرنے والے نے اس کی ایڈیٹ شدہ تصویر اس کے منگیتر کو بھیجی جس کی وجہ سے منگنی ٹوٹ گئ، بلیک میلر کو پچاس ہزار روپے دئیے گئے اس کے باوجود وہ مزید پیسے مانگتے رہے. پولیس کے مطابق حید رآباد میں مقیم ملزمان کی گرفتاری کے لئے چھاپے مارنے شروع کر دئیے ہیں

پیپلز پارٹی کے چیئرمین بلاول زرداری نے لاڑکانہ میں ایڈز کے بڑھتے ہوئے مریضوں پر نوٹس لیتے ہوئے وزارت صحت پر سخت برہمی کا اظہار کیا ہے.

باغی ٹی وی کی رپورٹ کے مطابق بلاول ہاوس کراچی میں ہونے والے اجلاس میں بلاول زرداری نے سندھ ایڈز کنٹرول پروگرام کی کارکردگی پر تشویش ظاہر کی، تین گھنٹے تک جاری اجلاس میں بلاول نے سیکرٹری صحت سے بھی بریفنگ لی. اجلاس میں وزیراعلیٰ سندھ مراد علی شاہ، وزیر صحت عذرا پیچوہو، مشیراطلاعات مرتضی وہاب، سیکریٹری صحت ڈاکٹر سعید اعوان، اسپیشل سیکریٹری صحت پبلک ہیلتھ ڈاکٹر حفیط اللہ عباسی و دیگر حکام نے شرکت کی .سیکرٹری صحت نے اجلاس میں بلاول زرداری کو بریفنگ دیتے ہوئے بتایاکہ 9082 افرادکے ٹیسٹ کیے گئے جن میں سے393 افرادایچ آئی وی پازیٹو نکلے جن میں312 بچے اور81افراد شامل ہیں۔ بلاول نے حکام پر شدید برہمی کا اظہار کیا.

واضح رہے کہ سندھ بھر میں ایچ آئی وی ایڈز کے مریضوں کی تعداد میں دن بدن اضافہ ہورہا ہے، سندھ بھر سے ساڑھے 10 ہزار ایچ آئی وی ایڈز میں مبتلا رجسٹرڈ مریضوں کے علاوہ سندھ میں ہزاروں کیسز ایسے ہیں جو رجسٹرڈ نہیں ہوئے.

بچوں میں مبینہ طور پر ایڈز پھیلانے والے ڈاکٹر کا پولیس نے تین روزہ ریمانڈ لے لیا ہے

باغی ٹی وی کی رپورٹ کے مطابق صوبہ سندھ کے شہر لاڑکانہ میں پولیس نے ایک ڈاکٹر کو گرفتار کیا ہے جس کے بارے میں پولیس کا دعویٰ ہے کہ اس نے پندرہ بچوں کو ایک ہی سرنج سے انجکش لگایا، جس کی وجہ سے بچون کو ایڈز ہوا، ڈسٹرکٹ مینیجر ڈاکٹر ہولا رام کے مطابق ایڈز سے متاثرہ بچوں کی عمریں آٹھ ماہ سے آٹھ سال تک کی ہے۔ ڈپٹی کمشنر نے جب ڈاکٹر کا ٹیسٹ کروایا تو اسے خود ایڈز نکلا ،پولیس نے ڈاکٹر مظفر کو گرفتار کر لیا ہے ،پولیس کا کہنا ہے کہ ڈاکٹر کا کلینک بھی رجسٹرڈ نہیں ہے۔ ڈاکٹر کے خلاف تھانہ رتوڈیرو میں مقدمہ درج کر لیا گیا ہے۔گرفتار ڈاکٹر مظفر کا کہنا ہے کہ سندھ ہیلتھ کمیشن میرےخلاف سازش کررہاہے،اگر مجھے ایڈز کا پتا ہوتا تو میں اپناعلاج کراتا،مجھے کسی قسم کی تکلیف نہیں تھی۔ پولیس نے ڈاکٹر کو مقامی عدالت میں پیش کیا جس پر عدالت نے تین روز کا ریمانڈ دے دیا ہے۔