بستی ملوک (نمائندہ باغی ٹی وی) تاجر برادری کے انفارمیشن سیکرٹری راؤ شکیل کے ڈیرے سے دن دیہاڑے پچاس ہزار مالیت کے دو بکرے چوری ہوگئے

تفصیلات کے مطابق پولیس کاغذی کاروائی تک محدود شہری پریشان تاجر برادری کا RPOملتان سے عید تک پولیس گشت موثر بنانے کا مطالبہ
تھانہ بستی ملوک چوروں ڈاکیتوں کے نرغے میں عید سیزن کی وجہ سے تاجر برادری چوری، ڈکیتی، راہ زنی کی وارداتوں سے پریشان تو تھی ہی اب علاقہ میں بکرا چور گروہ بھی متحرک ہوگیا شہریوں کے کئی قیمتی بکرے چور لے اڑے صدر انجمن تاجران راؤ مقیم انجم نے صحافیوں کو بتایا کہ دن دیہاڑے ڈاکیتی کی وارداتوں کی وجہ سے تاجر خوف کے سائے میں کاروبار کر رہے ہیں جبکہ پولیس کاغذی کاروائی میں اپنی کارکردگی شو کرنے کے علاوہ کچھ نہیں کررہی

پولیس گشت نہ ہونے کی وجہ سے جرائم پیشہ افراد لوٹ مار میں مصروف ہیں تاجربرادی کے انفارمیشن سیکرٹری راؤ شکیل کے ڈیرے سے دن دیہاڑے پچاس ہزار مالیت کے دو بکرے چوری ہوگئے ہمارا RPO ملتان سے مطالبہ ہے کم ازکم عید تک علاقہ میں دن رات پولیس گشت کو موثر بنایا جائے تاکہ تاجر برادری بلاخوف کاروباری کرسکیں

بستی ملوک (نمائندہ باغی ٹی وی) سپشل برانچ انٹیلیجنس ونگ کی رپورٹ پر پر مہنگائی کے خلاف محکمہ فوڈ اور پرائس کنٹرول مجسٹریٹ کی تھانہ بستی ملوک کے علاقہ اڈا بصیرہ،اسلام پور،قادرپور لاڑ وغیرہ میں اچانک چھاپہ

تفصیلات کے مطابق اپنی ٹیم کے آدمیوں کو مارکیٹ میں بھیج کر مختلف دکانداروں سے خریداری کروائی اور زائد قیمتیں وصول کرنے پر کئی دکانداروں کو موقع پر جرمانہ کیا گیا اڈا بصیر کے ایک دکانداررانا ضیاء کریانہ سٹور سے اشیاء مہنگی فروخت کرنے پر ریٹ لسٹ دیکھا نے کو کہا گیا جس پردکاندارنے بد تمیزی کا مظاہرہ کیا اورمجسٹریٹ ودیگر اہلکاروں کو سنگین نتائج کی دھمکیں دی جس پر پرائس کنٹرول مجسٹریٹ نے 15 پر کال کرتے ہوئے پولیس کو موقع پر بلوایا اور دکاندار کو 3دن کیلئے جیل بھیج دیا اسی طرح دیگر دکاندار جن میں رانا خلیل،راؤ عباد کریانہ سٹور تارے والا،رانا خالد اسلام پور،صمد رحمان قادر پور اور عمیر جو کہ اشیاء خوردنوش مہنگے داموں پر فروخت کرتے تھے فوری دوکانیں بند کر کے فرار ہوگئے

ذرائع کے مطابق مجسٹریٹ کی طرف سے ان کے نمبرز پر کالز کرکے بلوایا گیا لیکن یہ لوگ غائب ہی رہے جس پر مجسٹریٹ کے ان کے خلاف بھی کاروائی کیلئے پولیس کو تحریر لکھ دی ہے۔

ملتان (نمائندہ باغی ٹی وی) آل پنجاب ہاکی ٹورنامنٹ۔ ملتان ٹیم کے ٹرائلز 02 اگست کو ہونگے

تفصیلات کے مطابق ننکانہ صاحب میں 06 اگست سے شروع ہونے والے آل پنجاب ہاکی ٹورنامنٹ میں شرکت کے لئے ملتان ہاکی ٹیم کے ٹرائلز 02 اگست کو منعقد ہوں گے۔ہاکی کے ٹرائلز ہاکی سٹیڈیم سپورٹس کمپلیکس میں ہوں گے جبکہ مختلف اداروں سے دو کھلاڑیوں کاانتخاب کیا جائے گا۔ڈسٹرکٹ سپورٹس آفیسر محمد جمیل کامران نے ڈویژنل سپورٹس آفیسر راناندیم، صدر ضلعی ہاکی ایسوسی ایشن حامد چوہدری اور صوبائی کوچ گلزار پاشا کے ہمراہ ہاکی ٹرائلز کیلئے سلیکشن کمیٹی کا اعلان کریں گے۔ملتان ہاکی ٹیم آل پنجاب ہاکی ٹورنامنٹ میں شرکت کیلئے 5اگست کو ننکانہ صاحب جائے گی۔

ملتان (نمائندہ باغی ٹی وی) ایڈیشنل ڈپٹی کمشنرہیڈکوارٹرکا واٹرفلٹریشن پلانٹس کا معائنہ، رپورٹ ڈپٹی کمشنر کو پیش

تفصیلات کے مطابق ڈپٹی کمشنر عامر خٹک کی ہدایت پر ضلعی انتظامیہ کے افسران کی مختلف محکموں کی مانیٹرنگ جاری ہے۔ ایڈیشنل ڈپٹی کمشنر ہیڈکوارٹر سید محمد عباس شاہ کا ضلع کونسل کے واٹر فلٹریشن پلانٹس کا وزٹ کیا ہے اور متعدد واٹر پلانٹس کی بندش بارے رپورٹ ڈپٹی کمشنر کو پیش کردی ہے۔ رپورٹ میں کہا گیا ہے کہ واٹر فلٹریشن پلانٹس کو فعال رکھنے کا مناسب میکانزم نہیں ہے اور بجلی کی ڈس کنکشن پلانٹس کی بندش کی اہم وجہ ہے۔ اس کے علاوہ واٹر فلٹریشن پلانٹس کی اونرشپ نہیں ہے۔انہوں نے تجویز دی ہے کہ واٹر فلٹریشن پلانٹس کو فعال رکھنے کے لیے صارفین پر مشتمل کمیٹیاں تشکیل دی جائیں۔ ایڈیشنل ڈپٹی کمشنر ہیڈکوارٹر نے بستی درانہ لنگانہ، 5 مرلہ سکیم، حاجی پور، شریف پورہ،قادر آباد،راجہ پور،تاجپور سندیلہ،صالح مہے، بستی نانڈلہ،سردارپور اور بستی عنایت پور کے پلانٹس کاوزٹ کیا۔ اسی طرح اسسٹنٹ کمشنر شجاع آباد عابدہ فرید نے ٹی ایچ کیو ہسپتال شجاع آباد کی ایمرجنسی کا اچانک معائنہ کیا اور ہسپتال میں داخل مریضوں سے طبی سہولیات کی فراہمی بارے گفتگو کی۔ہسپتال میں ڈاکٹرزاورسٹاف موجود تھا،ادویات دستیاب تھیں اور لیب فعال تھی۔ اے سی شجاع آباد نے محرم کے روٹس کا بھی معائنہ کیا۔ دوسری طرف سیکرٹری آر ٹی اے کامران بخاری نے سیلاب زدگان کے ریلیف کا تمام سامان گودام میں شفٹ کرنے کی رپورٹ دے دی ہے۔ یہ سامان مسلم ہائی سکول سے پی ڈی ایم اے کے شمس آباد میں واقع گودام میں شفٹ کر دیا گیا ہے۔