Category: مظفرآباد

آزاد کشمیر: وادی نیلم کے علاقے دودگئی میں برفانی تودے تلے دب کر جاں بحق ہونے والے تیسرے نوجوان کی لاش چار ماہ بعد نکال لی گئی ہے۔ آزاد کشمیر پولیس کے مطابق جاں بحق نوجوانوں میں سے پہلے دو کی لاشیں پہلے ہی ورثاء کے حوالے کی جا چکی ہیں۔

پولیس کے مطابق یہ نوجوان 24 فروری کو برفانی تودے کے نیچے دب گئے تھے اور ان میں سے تیسرے نوجوان کی لاش اب تک برف کے نیچے دبی رہی تھی، جسے محنت اور مسلسل کوششوں کے بعد نکالا گیا ہے۔جان بحق ہونے والے تینوں نوجوان پھلاوائی گریس ویلی کے رہائشی تھے اور وہ ایک دوسرے کے قریبی دوست تھے۔ اس المناک واقعے نے آزاد کشمیر کے علاقے میں غم کی لہر دوڑا دی ہے اور مقامی لوگوں نے متاثرہ خاندانوں سے ہمدردی کا اظہار کیا ہے۔پولیس اور ریسکیو ٹیموں نے برفانی تودے کے خطرناک اور مشکل علاقے میں بازیابی کے لیے خصوصی اقدامات کیے اور موسمی حالات کی بہتری کے ساتھ لاش نکالنے میں کامیابی حاصل کی۔

واقعے کے بعد علاقے میں برفانی تودے کی حفاظتی تدابیر پر بھی زور دیا جا رہا ہے تاکہ مستقبل میں ایسے حادثات سے بچا جا سکے۔

لاہور(خالدمحمودخالد) بھارتی مقبوضہ کشمیر میں رہنے والے بچوں کے دلوں میں یہ بات گھر کر چکی ہے کہ مقبوضہ کشمیر بھارت کا نہیں بلکہ پاکستان کا حصہ ہے۔ بھارت کی معروف خاتون صحافی ادیتی تیاگی کو اس وقت سخت شرمندگی کا سامنا کرنا پڑا جب ان کے بھارتی مقبوضہ کشمیر کے دورہ کے موقعہ پر ایک چھوٹے سے بچے نے انہیں صاف الفاظ میں بتا دیا کہ مقبوضہ کشمیر دراصل پاکستان ہے۔

ادیتی تیاگی نے مقبوضہ کشمیر کے علاقے لولاب ویلی میں ایک بچے برہان سے پوچھا کہ کیا اس کی پسندیدہ کرکٹ ٹیم آرسی بی ہے۔ جواب میں برہان کا کہنا تھا نہیں اس کی پسندیدہ ٹیم پاکستان کی ہے۔ بھارتی صحافی نے کہا کہ پاکستانی ٹیم تو ہارتی رہتی ہے تمہیں کیوں پسند ہے۔ برہان نے جواب دیا کہ ہارجیت تو ہوتی رہتی ہے پاکستان تو ہمارا ملک ہے اس لیے مجھے پسند ہے۔ ادیتی نے کہا کہ تم تو بھارت میں رہتے ہو تمہیں کس نے پڑھایا ہے کس نے سکھایا ہے کہ تم پاکستان میں رہتے ہو۔ جب  برہان نے جواب دیا کہ اس نے خود سے سیکھا ہے وہ پاکستان میں رہتا ہے بھارت میں نہیں تو اس پر ادیتی اپنا سا منہ لے کر وہاں سے چلی گئی۔

پاکستان کے شمالی علاقوں میں 8 اکتوبر 2005 کو آنے والے زلزلے کے 20 سال بعد حالیہ کھدائی کے دوران دو افراد کی لاشیں برآمد ہوئی ہیں۔ یہ زلزلہ ایک تباہ کن قدرتی آفات کے طور پر تاریخ میں درج ہے، جس میں ہزاروں افراد کی جانیں ضائع ہوئیں اور لاکھوں مکانات تباہ ہوگئے۔

ضلعی انتظامیہ کے مطابق، یہ لاشیں پلیٹ کے مقام پر لینڈ سلائیڈنگ کے دوران ملبے سے نکالی گئیں۔ ملبہ ہٹانے کے دوران یہ لاشیں سامنے آئیں، اور مزید لاشوں کی موجودگی کا امکان ظاہر کیا جا رہا ہے، جس کے باعث کھدائی کو عارضی طور پر روک دیا گیا ہے۔کونسلر محمود بیگ نے اس واقعہ کے حوالے سے بتایا کہ پلیٹ کے علاقے میں ایک بڑی عمارت تھی جو زلزلہ کی شدت کے باعث منہدم ہو گئی تھی۔ اس عمارت میں کئی طلبا رہائش پذیر تھے جو ملبے تلے دب گئے تھے اور ان کی تلاش جاری تھی۔ ان کا کہنا تھا کہ مزید لاشوں کے ملنے کی توقع ہے کیونکہ اس مقام پر متعدد مکانات ملبے میں دبے ہوئے ہیں۔

ڈی این اے کے نمونوں کی بنیاد پر لاشوں کی شناخت کی جائے گی، اور ان کو ورثا کے حوالے کرنے کا عمل شروع کیا جائے گا۔ اس عمل کو یقینی بنانے کے لیے تمام ضروری اقدامات کیے جائیں گے تاکہ متاثرہ خاندانوں کو ان کے پیاروں کی میت مل سکے۔ڈیزاسٹر مینجمنٹ ریڈ کریسنٹ کے یاسر جوش نے اس مقام پر مزید تفصیلات فراہم کرتے ہوئے بتایا کہ اس علاقے میں ریڈ کراس نے بہت سی لاشوں کو دفنایا تھا، اور یہ حقیقت بھی سامنے آئی کہ اس علاقے میں مزید ممکنہ طور پر لاشیں دفن ہو سکتی ہیں۔

یہ واقعہ نہ صرف اس تباہ کن زلزلے کی یاد دلاتا ہے بلکہ یہ بھی ظاہر کرتا ہے کہ قدرتی آفات کے بعد کے اثرات طویل عرصے تک جاری رہ سکتے ہیں اور ان کے نشانات کبھی کبھار وقت کے ساتھ ساتھ سامنے آتے رہتے ہیں۔ اس وقت متاثرہ علاقوں میں امدادی کارروائیاں اور کھدائی کا عمل جاری ہے تاکہ دیگر ملبے تلے دبے افراد کو نکالا جا سکے۔

آزاد کشمیر سپریم کورٹ نے سابق وزیر اعظم سردار تنویر الیاس کی نااہلی ختم کر دی،

آزاد کشمیر ہائیکورٹ کی طرف سے نااہل قرار دیے جانے والے سابق وزیر اعظم آزادکشمیر سردار تنویر الیاس نے توہین عدالت کیس میں سپریم کورٹ سے معافی مانگ لی،سپریم کورٹ آزادکشمیر میں سابق وزیر اعظم سردار تنویر الیاس کے خلاف توہین عدالت کی کاروائی ختم کر دی گئی.سپریم کورٹ نے سردار تنویر الیاس کے خلاف آزادکشمیر ہائی کورٹ سے نا اہلی کے خلاف اپیل بھی نمٹا دی.

2023 میں آزاد کشمیر ہائیکورٹ نے سردار تنویر الیاس کو دو سال کے لیے نااہل قرار دیا تھا، جس کے نتیجے میں ان کی حکومت بھی ختم ہو گئی تھی۔ تاہم، انہوں نے اس فیصلے کے خلاف سپریم کورٹ میں اپیل دائر کر رکھی تھی۔

سابق وزیراعظم آزاد کشمیر تنویر الیاس کا بیٹا شراب کیس میں گرفتار

تنویر الیاس نے سپریم کورٹ میں دائر اپیل میں خود کو” وزیراعظم” لکھ دیا،اپیل خارج

تنویر الیاس کے بیٹے کا آزاد کشمیر پولیس و مسلح ملزمان کے ہمراہ سینٹورس پر دھاوا، مقدمہ درج

،وزیر اعظم آزاد کشمیر کو اگر بلایا نہیں گیا تو انہیں جانا نہیں چاہیے تھا،

سردار تنویر الیاس کی نااہلی ، غفلت ، غیر سنجیدگی اور ناتجربہ کاری کھل کر سامنے آگئی 

تنویر الیاس مشکل میں پھنس گئے،سیکرٹ فنڈز کا غیر قانونی استعمال، انکوائری شروع

ڈپلومیٹک پاسپورٹ کا غیرقانونی استعمال،تنویر الیاس کا جسمانی ریمانڈ منظور