باغی ٹی وی : ڈیرہ غازیخان – ریجنل پولیس آفیسر ڈی جی خان سید خرم علی کا تھانہ بیٹ میرہزار کی حدود میں سترہ سالہ لڑکی کی جلی ہوئی نعش ملنے کے واقعہ کا نوٹس۔ڈی پی او مظفر گڑھ سے واقعہ کی فوری رپورٹ طلب ۔ تفتیش کے لیے سپیشل انوسٹی گیشن ٹیم تشکیل دینے کا حکم۔ تمام پہلووں سے تفتیش کرکے حقائق سامنے لائے جائیں انصاف کی فراہمی کو ہرصورت یقینی بنایا جائے ۔ آر پی او
تفصیلات کے مطابق ریجنل پولیس آفیسر ڈی جی خان سید خرم علی نے ضلع مظفرگڑھ ، تحصیل جتوئی تھانہ بیٹ میر ہزار کی حدود میں سترہ سالہ لڑکی کی جلی ہوئی نعش ملنے کے واقعہ کا نوٹس لیتے ہوئے ڈی پی او مظفر گڑھ سے واقعہ کی رپورٹ طلب کرلی ۔آر پی او نے واقعہ کی تفتیش کے لیے فوری طور پر سپیشل انوسٹی گیشن ٹیم تشکیل دینے کے احکامات جاری کردیئے ۔آر پی او نے ڈی پی اومظفر گڑھ کو فوری طور پر جائے وقوعہ پر پہنچنے اور واقعہ کی جدید سائنسی بنیادوں پر فرانزک ٹیموں کی مدد سے تمام پہلووں سے تفتیش کرانے کی ہدایات جاری کیں ۔آر پی او نے مزید ہدایات جاری کیں کہ واقعہ میں ملوث ملزمان کی فوری گرفتاری عمل میں لائی جائے ۔ انصاف کی فراہمی کو ہرصورت یقینی بنایا جائے۔ قبل ازیں جائے وقوعہ کی اطلاع ملتے ہی پولیس کی بھاری نفری موقع پر پہنچ گئی۔
Category: مظفرگڑھ
آر پی او ڈی جی خان سید خرم علی کا تھانہ بیٹ میرہزار کی حدود میں17 سالہ لڑکی کی جلی ہوئی نعش ملنے کے واقعہ کا نوٹس
کامیاب شخص بننا چاہتے ہیں تو اپنے اندر خود اعتمادی پیدا کریں
چوک قریشی ( نامہ نگار ) پریس کلب کرمداد قریشی میں انقلابی سوچ کے حوالے سے نوجوان لیڈر کالم نگار و موٹیویشنل سپیکر محمد شاہد اقبال نے باغی ٹی وی کے نامہ نگار جمشید سہرانی کو انٹرویو دیتے ہوۓ کہا کہ اگر نوجوان زندگی میں کامیاب شخص بننا چاہتے ہیں تو اپنے اندر خود اعتمادی پیدا کریں اور اپنے اندر کا خوف ،احساس کمتری کو ختم کر دیں۔اور ہمیشہ بڑا خواب اور بڑی سوچ کے ساتھ ساتھ معاشرے کے اندر مثبت پہلو پر اچھا کردار ادا کریں۔اور مزید ان کا کہنا ہے کہ اگر نوجوانوں کے اندر مثبت پہلو پر انقلابی سوچ کا جزبہ پیدا کروایا جائے تو ہمارا معاشرہ ترقی کی طرف گامزن ہو سکتا ہے ۔مزید جانتے ہیں جمشید سہرانی کے اس انٹر ویو میں ۔
چوک قریشی :سہرانی بائی پاس پرہرجمعہ کو ون ویلنگ،حادثات معمول
باغی ٹی وی : چوک قریشی مظفر گڑھ سے جمشید سہرانی کی رپورٹ .سہرانی باٸی پاس ڈنگہ نالہ پر ون ویلنگ کرتے ھوۓ دو موٹر ساٸیکل سواروں میں تصادم ون ویلنگ کا شوق زندگیاں نگلنے لگا ہر جمعہ کے دن ڈی جی خان سے 30سے25 موٹرساٸیکلوں پر آنے والے نوجوان سہرانی بائی پاس پر ون ویلنگ کرتے ہیں جس سے پورے علاقے میں خوف و حراس کی فضاء قائم ھو جاتی ھے اس سے پہلے بھی کئ مرتبہ ون ویلنگ سے روڈ ایکسیڈنٹ ھوے ھیں اور قیمتی جانوں کا نقصان ھوا ھے غازی گھاٹ پٹرولنگ پولیس اور تھانہ قریشی کی پولیس ان کے خلاف کاروائی کرے علاقے والوں کا احتجاج اور علاقہ کے لوگوں نے ڈی پی او مظفرگڑھ آر پی او ڈیرہ غازیخان سے فوری نوٹس لینے کا مطالبہ کیا ھے۔
کوٹ ادو،سیلاب متاثرین کی 8 سالہ بچی ٹرین کی زد میں آکر جاں بحق
کوٹ ادو کے نواحی علاقہ دائرہ دین پناہ میں تیز رفتار ٹرین مہر ایکسپریس نے آٹھ سالہ بچی کو کچل ڈالا
باغی ٹی وی رپورٹ.کوٹ ادو کے نواحی علاقہ دائرہ دین پناہ میں تیز رفتار ٹرین مہر ایکسپریس نے آٹھ سالہ بچی کو کچل ڈالا جس سے بچی جاں بحق ہوگئی،سیلاب متاثرین جوکہ ریلوے لائن کے ساتھ رہائش پذیر تھے ان کی آٹھ سالا بچی کھیلتے ہو ٹرین کی زد میں آگئی ،اطلاع ملتے ہی پولیس موقع پر پہنچ گئی اور بچی کی نعش کو آر ایچ سی دائرہ دین پناہ منتقل کردیا ،ٹرین ملتان سے راولپنڈی جارہی تھی،ٹرین کی زد میں آکر جاں بحق ہونے والی بچی کے والدین غم سے نڈھال ہوگئے.
مظفرگڑھ کے سیلاب متاثرین بے یارومددگار ،پنجاب حکومت عمران خان کو خوش کرنے میں مصروف
شدید بارشوں اور سیلابی ریلوں نے ملک بھر میں تباہی مچارکھی ہے، لاکھوں گھر تباہ ہونے کے لوگ پریشان حال ہیں، ہزاروں افراد زخمی اور لاکھوں افراد کھلے آسمان تلے زندگی گزارنے پر مجبور ہیں سیلاب کے باعث وبائی امرایض پھوٹ پڑے ہیں پینے کے لئے صاف پانی دستیاب نہیں-
باغی ٹی وی : سندھ اور بلوچستان کے علاوہ جنوبی پنجاب میں بھی سیلاب نے تباہی مچائی ہے جہاں سیلاب متاثرین بے یارومددگار امداد کے منتظر ہیں، لیکن محکمہ صحت کے افسر نے ایک ہفتے تک کسی سیلابی کیمپ کا دورہ تک نہ کیا۔
عمران خان کا کل گجرات میں جلسہ،پرویزالہیٰ اور مونس انتظامات کا جائزہ لینے پہنچ گئے
دوسری جانب پنجاب حکومت سیلاب متاثرین کی فکرچھوڑ کرعمران خان کے جلسوں میں مصروف ہے، اور جنوبی پنجاب جہاں سیلاب نے تباہی مچادی ہے، مظفرگڑھ میں قائم کیا گیا فلڈ کنٹرول سیل فعال نہ ہونے کاانکشاف ہوا ہے۔
محکمہ صحت نے اس حوالے سے جاری کئے گئے مراسلے میں انکشاف کیا ہے کہ مظفر گڑھ میں فلڈ کنٹرول سیل میں کوئی ڈاکٹر ڈیوٹی پرموجود نہیں ہے، اور نہ ہی محکمہ صحت کے کسی ایک افسر نے ایک ہفتے تک کسی سیلابی کیمپ کا دور کیا اور سیلاب میں کام کرنے کے لیے کسی کو گائیڈلائنز جاری ہی نہیں کی گئیں۔
مراسلے میں بتایا گیا ہے کہ محکمہ صحت کے افسر نے ایک ہفتے تک کسی سیلابی کیمپ کا دورہ تک نہ کیا، سیلاب زدگان کے لیے ادویات کے اسٹاک کا کسی کو معلوم نہیں،نہ ادویات کو درست سٹور کیا گیا ہےافسران کی غلطی نے انسانی زندگیاں خطرے میں ڈال دی ہیں۔
محکمہ صحت نے مظفرگڑھ کے افسران کو شوکاز نوٹس جاری کردیا ہے، اور معاملے پر تحقیقات شروع کردی گئی ہے۔
سکھربیراج پر اونچےدرجےکا سیلاب،کوٹری بیراج کی طرف بڑھنے لگا
واضح رہے کہ حالیہ بارشوں اور سیلاب نے ملک بھر میں تباہی مچا رکھی ہے بارشوں اور سیلاب کے باعث ملک میں24 گھنٹے کے دوران مزید 57 افراد جان کی بازی ہار گئے رپورٹ کے مطابق سیلاب اور بارشوں کے باعث 14 جون سے اب تک ایک ہزار 265 ا موات ہوئیں 12 ہزار 577 افراد زخمی ہوئے ہیں۔
بارشوں اورسیلاب کےباعث آزاد کشمیرمیں 42،گلگت بلتستان میں 22 افراد جان کی بازی ہارگئے، بلوچستان میں 257،سندھ میں 470،پنجاب میں 188 اور خیبر پختونخوا میں 285 افراد جاں بحق ہوئے 7 لاکھ 35 ہزار 584 مویشی مر چکے ہیں،اب تک بارشوں اور سیلاب سے 14 لاکھ 27 ہزار 39 مکانات کو مکمل اور جزوی نقصان پہنچا،
رپورٹ کے مطابق گلگت بلتستان میں 16 کلومیٹر شاہراہ اور 65 پلوں کو نقصان پہنچا،پنجاب میں 130 کلومیٹر،خیبر پختونخوا میں ایک ہزار 589 کلومیٹر شاہرائیں متاثر ہوئیں ،سندھ میں 2 ہزار 328 کلومیٹر شاہرائیں متاثر،60 پلوں کو نقصان پہنچا،بلوچستان میں ایک ہزار 500 کلومیٹر شاہرائیں متاثر،18 پلوں کو نقصان پہنچا-
سیلاب متاثرہ علاقوں میں پاک فضائیہ کا ریسکیو اور ریلیف آپریشن جاری
یونیسیف پاکستان کا کہنا ہے کہ بارشوں اور سیلاب نے ایک صدی کاریکارڈ توڑ دیا ہے،ملک کے کچھ صوبوں میں 30 سال کی اوسط سے 5 گناہ زیادہ بارش ہوئی بارشوں اور سیلاب سے 400 بچوں سمیت ایک ہزار 200 افراد جاں بحق ہوئے پاکستان میں بارشوں اور سیلاب سے 11 لاکھ سے زائد مکانات کو نقصان پہنچا، پانی سے پیدا ہونے والی مہلک بیماریوں کے مزید تیزی سے پھیلنے کا خدشہ ہے ڈائریا ،ہیضہ، ڈینگی،ملیریاپھیلنے کے زیادہ خدشات ہیں-
بس بہت ہوگیا،یہاں سے نکل جاؤ،تمہاری کرپشن سے ہمارے علاقے ڈوبے ہیں۔رضاربانی کھر
بس بہت ہوگیا،یہاں سے نکل جائو،تمہاری کرپشن سے ہمارے علاقے ڈوبے ہیں۔ رضاربانی کھر چیف انجینئرپربرس پڑے
باغی ٹی وی رپورٹ۔ گذشتہ روز چیف انجینئرمحکمہ انہار ڈیرہ غازیخان ڈویژن ساجد رضوی جب مظفرگڑھ کے علاقے میں گئے تو ان کاآمناسامناپیپلزپارٹی کےایم این اے قومی حلقہ این اے 183 مظفرگڑھ رضاربانی سے ہوگیاتو انہوں نے چیف انجینئرساجدرضوی سے کہا تم یہاں کیا کرنے آئے ہوتمہاری کرپشن کی وجہ ہمارے علاقے سیلاب میں ڈوب گئے ،تمہیں رانالیاقت کے علاوہ اور کوئی ٹھیکیدارنہیں ملتا،بس بہت ہوگیا،مزیدڈرامے بازیاں بندکرو،یہاں سے نکل جائو،مظفرگڑھ میں سیلاب پررضاربانی کھر چیف انجینئرساجدرضوی اور ایکسئن امیر تیمور سے شدید ناراضگی کااظہارکیا اوران پرغصہ ہوئے اورانہیں علاقے سے نکل جانے کاکہا۔
ویڈیو میں دیکھاجاسکتا ہے کہ وہ کس طرح غصہ کا اظہارکررہے ہیں
دوسری طرف گذشتہ روز ہفتہ کے دن ڈیرہ غازیخان میں رانا لیاقت ٹھیکیدار نے چیف انجینئرساجدرضوی سے ان کے آفس میں ملاقت کی ،ذرائع کاکہنا ہے کہ ایک بار پھرایمرجنسی ورک کے نام پر رانالیاقت کوایڈوانس میں بھاری رقم جاری کرنے کیلئے ایکسئن اورایس ڈی او زین شکیل کوکہہ دیاہے،راناٹریڈرزکامالک ٹھیکیدار رانا لیاقت وہی ہے جس کی کرپشن کی سپربندلنک نمبرآرڈی 138اور آرڈی 165کودریائے سندھ نے واش کردیا ہے ،جس کے خلاف آج تک کوئی کارروائی نہیں ہوئی .
جتوئی میں دوخواتین اور بچے پر تیزاب پھینکنے کے واقعہ پر آر پی اوکا نوٹس,ملزم گرفتار
ریجنل پولیس آفیسر ڈیرہ غازی خان محمد سلیم کا ضلع مظفر گڑھ جتوئی میں دوخواتین اور بچے پر تیزاب پھینکنے کے واقعہ کا نوٹس۔ڈی پی او سے رپورٹ طلب ۔ ڈی پی او مظفر گڑھ کا فوری ایکشن ۔ مقدمہ درج کرکے ملزم کوجدید ٹیکنالوجی کی مدد سے فوری گرفتار کرلیا گیا ۔
باغی ٹی وی رپورٹ.تفصیلات کے مطابق ریجنل پولیس آفیسر ڈیرہ غازی خان محمد سلیم نے ضلع مظفر گڑھ تحصیل جتوئی تھانہ جتوئی کی حددود میں دوخواتین اورایک ڈیڑھ سال کے بچے پر تیزاب پھینکنے کے واقعہ جس میں خواتین اور بچے کاچہرہ ،بازو اور ہاتھ بری طرح سے جھلس گئے کا نوٹس لیتے ہوئے واقعہ کی رپورٹ طلب کرلی اور ڈی پی او مظفرگڑھ کو ملزم کی فوری گرفتاری اور متاثرین کی فوری دادرسی کرنے کے احکامات جاری کیے ۔آر پی او نے ہدایات جاری کیں کہ فرانزک ٹیموں کی مدد سے واقعہ کی تحقیقات عمل میں لائی جائیں ۔
ملزم کی گرفتاری کےلیے فوری طور پر ٹیمیں تشکیل دے کر ریڈ کرکے ملزم کی گرفتاری عمل میں لائی جائے ۔متاثرین کو انصاف کی فراہمی یقینی بنانے کے لئے ترجیحی بنیادوں پر اقدامات اٹھائے جائیں ۔ڈی پی او مظفر گڑھ نے آر پی او کے نوٹس پرفوری ایکشن لیتے ہوئے مقدمہ درج کرکے تحقیقات کےلیے ٹیم تشکیل دے دی ۔ تفتیشی ٹیم نے جدید سائنسی بنیادوں پر واقعہ کی تحقیقات کرتے ہوئے ملزم محمد اصغر پہلوان کو فوری طور پر گرفتار کرلیا ملزم سے مزید تفتیش جاری ہے ۔ملزم کو خلاف ٹھوس شواہد کے ساتھ چالان عدالت کرکے قرار واقعی سزا دلوائی جائے گی ۔
علی پور۔ زہریلی شراب پینے سے 11افراد ہلاک 4 کی حالت تشویشناک،شراب فروش گرفتار
علی پور۔ زہریلی شراب پینے سے 11 افراد ہلاک 4 کی حالت تشویشناک، ہلاک ہونے والوں میں ایک عورت بھی شامل ہے۔تھانہ صدرکی حدود موضع ٹبی ارائیں کا شراب فروش گرفتار،اس سے قبل شراب فروش پر 100سے زائد ایف آئی آر درج ہیں ۔ذرائع
باغی ٹی وی رپورٹ۔ضلع مظفرگڑھ کی تحصیل علی پورمیں زہریلی شراب پینے سے 11 افراد ہلاک ہوگئے ہیں اور 4 افرادکی حالت خطرے میں بتائی جارہی ہے ،تشویشناک حالت کے باعث تحصیل ہیڈکوارٹرہسپتال علی پور نے ان فراد کونشترہسپتال ملتان اور بہاولپورہسپتال ریفرکردیاہے ۔شراب سے جاں بحق ہونے والا علی پورسٹی کے رہائشی شیخ سانول نے اپنے آخری بیان میں شراب بیچنے والے شخص کی نشاندہی کی تھی۔اس نے عالم نزع میں بتایا کہ ٹبی ارائیں کے رہائشی سلطان عرف سلطانہ ارائیں سے شراب خریدی تھی ،موضع ٹبی ارائیں سیت پوررودڈ پر علی پور شہر سے 4/5کلومیٹر کے فاصلے پر تھانہ صدرکے حدود میں واقع ہے ،جبکہ شراب سے ہلاک ہونے والے تمام افراد کا تعلق علی پور سٹی تھانہ سٹی کی حدود میں ہے ،شراب سے ہلاک ہونے والوں میں ایک عورت بھی شامل ہے۔ڈسٹرکٹ پولیس آفیسر مظفرگڑھ احمد نواز شاہ نے واقعہ کا نوٹس لیتے ہوتے ہوئے ایس ایچ او تھانہ سٹی علی پور جہاں زیب لغاری اورایس ایچ او تھانہ صدر علی پور سجاد حیدر کو معطل کرکے کلوز ٹو لائن کردیا۔ایس پی انویسٹی گیشن کی سربراہی میں انکوائری کمیٹی تشکیل دے دی گئی ہے ۔شراب فروش سلطان عرف سلطانہ ارائیں کوتھانہ سٹی پولیس علی پور نے گرفتارکرلیاہے۔
دوسری طرف ریجنل پولیس آفیسر ڈیرہ غازی خان محمد سلیم نےمظفرگڑھ کی تحصیل علی پور میں ذہریلی شراب پینے سے ہلاکتوں کے واقعہ کا نوٹس لے لیا ہے۔ ڈسٹرکٹ پولیس آفیسر مظفرگڑھ سے رپورٹ طلب کرلی ہے اور واقعہ میں ملوث تمام ملزمان کی فوری گرفتاری کا حکم۔ چاروں اضلاع میں شراب فروشوں کے خلاف سخت کریک ڈائون کا حکم بھی جاری کردیا ہے۔
ڈکیتی کے دوران خاتون کو اجتماعی زیادتی کا نشانہ بنانیوالا گینگ گرفتار
مظفر گڑھ: پولیس نے دوران ڈکیتی خواتین کو اجتماعی زیادتی کا نشانہ بنانے والے 5 رکنی گینگ کو گرفتار کرلیا۔
باغی ٹی وی : ڈی پی او کے مطابق 4 ملزمان نے 13 جون کو دوران ڈکیتی خاتون کو اجتماعی زیادتی کا نشانہ بنایا تھا اور 14 جون کو ہی خان گڑھ میں ملزمان نے ایک لڑکی کو ہراساں کرنے کی کوشش کی ملزمان نے زیادتی کے دوران مزاحمت پر لڑکی کے بھائی کو قتل اور والد کو زخمی کردیا۔
ستر سالہ خاتون کے ساتھ زیادتی
ڈی پی او کا کہنا ہےکہ ملزمان نےخواتین کے ساتھ اجتماعی زیادتی کا اعتراف کیا ہے جب کہ ان کے قبضے سے اسلحہ اور ڈکیتی کے دوران لوٹا ہوا سامان بھی برآمد کیا گیا ہے۔
قبل ازیں پنجاب کے شہر اوکاڑہ میں ستر سالہ خاتون کے ساتھ زیادتی کی گئی تھی ستر سالہ خاتون کو گھر چھوڑنے کے بہانے نامعلوم ملزمان نے موٹر سائیکل پر بٹھایا اور ویرانے میں لے جا کر نہ صرف زیادتی کی نشانہ بنایا بلکہ اس سے پیسے بھی چھین لئے تھے-
خاتون نے ارشد نامی شخص پر شبہ ظاہر کیا تھا کہ اس نے زیادتی کی ہے،ملزم کا تعلق بہاولنگر سے ہے اور ملزم ایک پولیس مقابلے کے دوران اپنے ہی ساتھیوں کی فائرنگ سے ہلاک ہو چکا ہے-
جبکہ اوکاڑہ میں ہی ایک ستر سالہ شخص نے پانچ سالہ بچی کو زیادتی کا نشانہ بنا ڈالا تھا ملزم نے بچی کو چیز لانے کے بہانے زیادتی کا نشانہ بنایا، ملزم کے خلاف پہلے بھی مقدمہ درج ہے، پولیس کا کہنا تھا کہ ملزم بچی کا پڑوسی تھا، جس نے بچی کو چیز کے بہانے بلا کر گھناؤنا کام کیا-
کوٹلی: ڈکیتوں نے سیاحوں کو گن پوائنٹ پر لوٹ لیا
عثمان بزدار کاجنوبی پنجاب سے مبینہ فرنٹ مین اینٹی کرپشن کے ہتھے چڑھ گیا
عثمان بزدار کاجنوبی پنجاب سے مبینہ فرنٹ مین اینٹی کرپشن کے ہتھے چڑھ گیا
مظفرگڑھ۔ سابق وزیراعلیٰ پنجاب عثمان احمدخان بزدار کے مبینہ فرنٹ مین کو اینٹی کرپشن مظفرگڑھ نے گرفتار کرلیاہے۔
باغی ٹی وی۔تفصیلات کے مطابق اینٹی کرپشن مظفرگڑھ نے سابق وزیراعلیٰ پنجاب عثمان احمدخان بزدار کے جنوبی پنجاب سے مبینہ فرنٹ مین ایس ای لوکل گورنمنٹ خرم عباس کو اینٹی کرپشن مظفرگڑھ نے گرفتار کرلیاہے۔ایس ای لوکل گورنمنٹ خرم عباس ڈیرہ غازیخان میں تعیناتی کے دوران بڑے پیمانے پر کرپشن میں ملوث رہا ہے جہاں پراس نے اس حد تک کرپشن کی کہ کاغذات میں کروڑوں روپے کی سکیمں مکمل ہیں لیکن فزیکلی طورپران سکیموں کا زمین پر کہیں بھی وجود نہیں ہے اور اِدھر مظفرگڑھ میں 134 ترقیاتی اسکیموں کی جانچ پڑتال کے دوران بے ضابطگیاں ثابت ہونے پر مقدمات درج کیے گئے ،جسے آج اینٹی کرپشن مظفرگڑھ نے گرفتارکیا ہے۔
