Category: مظفرگڑھ

مظفرگڑھ میں شادی شدہ خاتون سے 7 افراد کی اجتماعی زیادتی کی خبر باغی ٹی وی پر چلنے کے بعد پولیس حرکت میں آگئی۔رات گئے پولیس نے مختلف علاقوں میں چھاپوں کے دوران مزید 3 افراد کو گرفتار کرلیا.مظفرگڑھ کے علاقے میرحاجی میں ریحانہ بی بی نامی خاتون کو اسکے 2 سالہ بچے سمیت مبینہ طور پر اغواء کرلیاگیاتھا۔خاتون نے الزام عائد کیا تھا کہ بعدازاں اسے شکار گاہ لیجاکر 7 افراد نے مبینہ طور پر اجتماعی زیادتی کا نشانہ بنایا.واقعے کی خبر باغی ٹی وی پر چلی تو پولیس نے رات گئے مختلف مقامات پر چھاپے مار کر کیس کے مرکزی ملزم افضل سمیت مزید 3 افراد کو گرفتار کرلیا۔پولیس ذرائع کیمطابق اجتماعی زیادتی کیس میں گرفتار ہونے والے افراد کی تعداد 4 ہوگئی ہے اور مفرور ملزمان کی گرفتاری کیلئے چھاپے مارے جارہے ہیں.دوسری جانب زیادتی کا شکار بننے والی خاتون کو فرانزک ٹیسٹ کے لیے لاہور روانہ کردیاگیا.

ضلع مظفرگڑھ میں مختاراں مائی زیادتی کیس کے بعد اجتماعی زیادتی کا ایک اور بڑا واقعہ پیش آیا ہے،7 افراد نے شادی شدہ خاتون کو بچے سمیت اغواء کرنے کے بعد شکار گاہ میں لے جاکر مبینہ طور پر اجتماعی زیادتی کا نشانہ بناڈالا،پولیس نے ایک ملزم کو گرفتار کرلیا.مظفرگڑھ کے علاقے میر حاجی میں شادی شدہ خاتون ریحانہ بی بی کو اسکے 2 سالہ بچے کے ہمراہ مبینہ طور پر اغواء کیاگیا،متاثرہ خاتون کیمطابق اسکے بچے کو مارنے کی دھمکی دیکر اسے شکار گاہ لیجایاگیا،جہاں ساتوں افراد نے اسے مبینہ طور پر زبردستی اجتماعی زیادتی کا نشانہ بنایا.اہل علاقہ کیمطابق خاتون بیہوشی کی حالت میں انھیں شکارگاہ میں پڑی ملی جبکہ انھوں نے ملزمان کو فرار ہوتے بھی دیکھا ہے.متاثرہ خاتون ریحانہ بی بی نے الزام عائد کیا ہے کہ تھانہ شاہجمال پولیس کے اہلکاروں نے اسے گالیاں نکالیں اور خودکشی کی دھمکی دینے پر پولیس نے واقعہ کا مقدمہ درج کیا۔دوسری جانب پولیس ترجمان وسیم خان گوپانگ کیمطابق اجتماعی زیادتی کا مقدمہ درج کرکے ایک ملزم بلال کو گرفتارکر لیا گیاہے.پولیس ترجمان کیمطابق خاتون کامیڈیکل کرالیا گیا ہے جبکہ مفرورملزمان کی گرفتاری کے لئے چھاپے مارے جارہے ہیں۔

مظفرگڑھ کی تحصیل علی پور میں تیزرفتار گاڑی بے قابو ہوکر الٹ گئی۔حادثے میں مقامی صحافی جاں بحق اور اسکی بیوی شدید زخمی ہوگئی.مظفرگڑھ کی تحصیل علی پور میں چوک پرمٹ کے قریب تیزرفتار پیجارو گاڑی الٹ گئی.ریسکیو کیمطابق حادثے میں مقامی اخبار نیااخبار سے تعلق رکھنے والا صحافی صفدر زیدی جاں بحق ہوگیاجبکہ انکی بیوی شدید زخمی ہوئیں.ریسکیو کیمطابق حادثے میں متاثرہ خاندان کے 2 بچے خوش قسمتی سے محفوظ رہے.زخمی خاتون کو ٹی ایچ کیو ہسپتال علی پور منتقل کردیاگیا ہے.ریسکیو کیمطابق حادثہ راستے میں آنےوالے کتے کو بچاتے ہوئے پیش آیا جبکہ متاثرہ خاندان ملتان سے علی پور واپس جارہا تھا.

مظفرگڑھ میں 12 سالہ لڑکی سے زیادتی کے الزام میں پولیس نے تین کم سن دوستوں کو گرفتار کرلیا۔تھانہ سول لائن پولیس موضع دین پور سے تینوں کم سن دوستوں محمد زمان، سفیان اور اللہ بچایاکو گرفتار کرکے عمر کا تعین کئے بغیر عدالت میں پیش کیا تو سیشن جج برہم ہوگئے اور عدالت نے چوبیس گھنٹے کے اندر گرفتار بچوں کی عمر کا تعین کرکے دوبارہ عدالت میں پیش کرنے کا حکم دے دیا۔ پولیس آج ڈسٹرکٹ ہیڈ کوارٹر ہسپتال مظفرگڑھ سے بچوں کی عمر کا تعین کے لیے میڈیکل رپورٹ تیار کرانے کے بعد عدالت پیش کریگی۔پولیس کے مطابق گرفتار تین کم سن لڑکوں کے خلاف لڑکی شبانہ سے زیادتی کا مقدمہ درج ہے جس تحقیقات جاری ہیں۔

مظفرگڑھ میں تیزرفتاری کے باعث زائرین کی بس الٹ گئی۔حادثے میں بس میں سوار 12 زائرین زخمی ہوگئے.مظفرگڑھ میں ڈیرہ غازیخان روڈ پر تھرمل بائی پاس کے قریب زائرین کی بس الٹ گئی.ریسکیو ذرائع کیمطابق حادثے میں 12 زائرین زخمی ہوئےجنہیں ڈسٹرکٹ ہیڈکوارٹر ہسپتال مظفرگڑھ منتقل کردیا گیا.ڈاکٹرز کے مطابق زخمی ہونے والے 5 افراد کی حالت تشویشناک ہے.ریسکیو کیمطابق حادثہ تیزرفتاری سے اوورٹیکنگ کرنے کے باعث پیش آیا.زائرین ڈیرہ غازیخان میں دربار سخی سرور پر حاضری کے بعد سیالکوٹ واپس جارہے تھے.

ڈی پی او مظفرگڑھ صادق علی ڈوگر نے کہا ہے کہ ضلع مظفرگڑھ میں 9 اور 10 محرم الحرام کے دن چند حساس مقامات پر موبائل فون سروس بند رہے گی.سکیورٹی انتظامات کو حتمی شکل دیدی گئی ہے.مظفرگڑھ میں پریس کانفرنس کرتے ہوئے ڈی پی او صادق علی ڈوگر کا کہنا تھا کہ محرم الحرام میں ضلع کے 22 علماء و ذاکرین کی زبان بندی اور 27 علماء و ذاکرین کی ضلع بدری کی گئی.ڈی پی او صادق علی ڈوگر کا کہنا تھا کہ امن وامان کی صورتحال کے پیش نظر فوج اور رینجرز کی نفری بھی ضلع میں پہنچ گئی ہے جبکہ پنجاب کانسٹیبلری کے 700 سے زائد اضافی اہلکار بھی ضلع بھر کے تھانوں میں تعینات کردئیے گئے ہیں.ڈی پی او مظفرگڑھ کا کہنا تھا کہ ضلع کے داخلی و خارجی راستوں پر نگرانی کے لیےTravel Eye (ٹریول آئی) سسٹم نصب کردیا گیا ہے جبکہ شرپسندوں اور دہشتگردوں کے سہولت کاروں کے حوالے سے زیرو ٹالرنس پالیسی اپنائی گئی ہے.