Category: مظفرگڑھ

اوچ شریف،باغی ٹی وی (نامہ نگار حبیب خان )ہیڈ پنجند کے قریب بند سے نوجوان کی لاش برآمد

تفصیل کے مطابق تھانہ صدر علی پور کی حدود ہیڈ پنجند کے قریب بند سے نوجوان کی لاش برآمد ہوئی ہے ،نوجوان کی لاش کوراہگیروں نے دیکھ کر پولیس کو اطلاع دی

اطلاع ملتے ہی تھانہ صدرعلی پور پولیس موقع پر پہنچ گئی ،جنہوں نے لاش کو قبضہ میں لے لیا ہے اور تحقیقات کا آغازکردیا ہے اور لاش کو علی پورہسپتال منتقل کردیا ہے

لاش کی شناخت عاصم ولد عبد الغفار قوم گھلو کے نام سے ہوئی جس کاتعلق موضع بیٹ سیال بتایا گیا ہے.

پولیس کے مطابق مذکورہ شخص کراچی سے واپس نوتک اتراتوپیچھے سے آنیوالی کارکی زدمیں آگیا،کاروالے نےزخمی حالت میں اٹھاکرہسپتال لیکرجارہے تھے راستے میں اسکی موت واقع ہوگئی ،جس پرکاروالے ہیڈ پنجند کے قریب لاش کوچھوڑکرفرار ہوگئے،

دوسری طرف میرہزارخان پولیس بھی موقع پرپہنچ گئی ہے.

اوچ شریف باغی ٹی وی (نامہ نگار حبیب خان):خاتون پر سرعام سڑک پربہیمانہ تشدد کی ویڈیو وائرل

تفصیل کے مطابق ضلع مظفر گڑھ کی تحصیل علی پور تھانہ سٹی کی حدود میں ایک خاتون مسماة نیشا بی بی زوجہ محمدعامر گوپانگ پرسرعام سڑک پربہیمانہ تشدد کی ویڈیوسوشل میڈیا پر وائرل ہوئی ہے جس میں دیکھاجاسکتا ہے کہ خاتون پر دوآدمی بیچ راستے کے بہمانہ تشدد کررہے ہیں

ذرائع کے مطابق خاتون نیشابی بی چکی پر گندم کا آٹا پسوانے کیلئے گئی ہوئی تھی ،اس نے چکی مالک ظفر حسین سے کئی بار اپنی گندم پیسنے کیلئے کہا لیکن چکی مالک دوسرے لوگوں کی گندم پیستا رہا اور اس خاتون کوانتظار کرنے کا کہتا رہا جب سب لوگ چلے گئے تو چکی مالک ظفرحسین نے خاتون سے چھیڑچھاڑ شروع کردی اور اسے حرام کاری کیلئے کہتا رہا توخاتون نے اسے جوتے ماردئے اور چکی کے کمرے سے باہر زبردستی بھاگنے لگی ،اس دوران ذرائع کامزید کہنا ہے کہ باہر چکی مالک کے رشتہ دار موجود تھے تو چکی مالک ظفرحسین نے انہیں بلاکر خاتون کوتشددکانشانہ بنایا اور سڑک پر پھینک دیا

دوسری طرف پولیس تھانہ سٹی علی پور میں درج ایف آئی آر کے مطابق نیشابی بی نے بیان دیا ہے وہ ایک گھریلو کام کرنے والی عورت ہے ،تقریباََدن 2/3 بجے کے قریب وہ مسجد والی گلی میں جا رہی تھیں۔آٹا چکی کے قریب انہوں نے چکی کے مالک سے پوچھا کہ کیا انہوں نے ایک لال کپڑے پہنے ہوئے آدمی کو دیکھا ہے؟چکی کے مالک نے جواب دیا کہ نہیں دیکھا دوبارہ پوچھنے پرچکی کا مالک ظفر حسین غصے میں آ گیا اور گالیاں دینے لگا۔

سڑک پر دھوپ تیز ہونے کی وجہ سے میں چکی والے کے کمرے کے اندر چلی گئیں۔چکی والے نے چکی کا پٹا اٹھا کر ان کی کمر پر مارا۔ان کے سر پر اینٹ بھی ماری جس سے سر سے خون بہہ نکلا۔پھر چاروں آدمیوں نے انہیں تھپڑ مارے، ان کے بال پکڑے، گھسیٹا اور سڑک پر پھینک دیا۔گلی میں ان کے ہاتھ بھی مروڑے اور مارپیٹ کی۔ان سے موبائل فون اورنقدی 50,000 روپے بھی جو ظفر حسین چکی والے اٹھالئے ۔مارپیٹ کی وجہ سے علاقے کے لوگ جمع ہو گئے۔

اس دوران محمد حسین ولد اللہ دتہ قوم گوپانگ اور نوید ولد غلام شبیر قوم لنگاہ آ کرانہوں نے منت سماجت کرکے ان کی جان بچائی۔اس دوران نیشا بی بی نے نوید کے فون نمبر سے 15 پر کال کی۔پولیس آئی تو چکی والا چکی بند کر کے بھاگ گیا۔پولیس کارروائی کرتے ہوئے مقدمہ نمبر 393/24زیر دفعہ 354/34 کے تحت درج کرکے تحقیقات کا آغازکردیا ہے

اوچ شریف ،باغی ٹی وی (نامہ نگار حبیب خان )علی پور میں وحشی سکول پرنسپل نے دوسری جماعت کے معصوم طالب علم کو وحشیانہ لاٹھی چارج کرتے ہوئے پشت سمیت دیگر نازک اعضا زخمی کردیئے، معصوم طالب علم خدا رسول کے واسطے دیتا رہا مگر اس کو ترس نہ آیا، پولیس تھانہ صدر علی پور نے وحشی پرنسپل کے خلاف قانونی کارروائی شروع کردی

تفصیل کے مطابق گزشتہ روز نواحی علاقے موضع فتح پور جنوبی اول کی بستی حضرت والا کا رہائشی سات سالہ محمد حسنین ولد عبدالرحمن قوم حجانہ جوکہ بستی بصیرہ میں واقع پیف سکول الکریم پبلک سکول میں زیر تعلیم ہے اس کی کلاس میں ایک بچی کا سوروپے کا نوٹ گم ہو گیا ،جس پر کلاس انچارج ٹیچر نے تمام بچوں اور بیگز کی تلاشی لی لیکن سو کا نوٹ نہ ملا

سکول پرنسپل اصغر گبول کو مطلع کیا گیا جس نے کلاس میں سے محمد حسنین اور اس کے ساتھ دیگر دوبچوں کو سکول گراؤنڈ میں بلوا کر انہیں بہیمانہ انداز میں تشدد کا نشانہ بنانا شروع کر دیا ،دوطالب علموں کو مرغا بنا کر محمد حسنین کو الٹا لٹا کر اس کی پشت اور نازک حصے پر صفائی والے برش سے وحشیانہ تشدد کیا

معصوم بچہ چیختا چلاتا رہا لیکن اس کو کوئی ترس نہیں آیا کہا کہ جب تک چوری تسلیم نہیں کرتے نہیں چھوڑوں گا ۔

محمد حسنین کے والد عبدالرحمن نے صحافیوں کو بتایا ہے کہ میرے بیٹے پر اتنا تشدد کیا گیا ہے کہ وہ چلنے کے قابل نہیں رہا اس کے ہم جماعت بچے اسے میرے گھر لائے ،میں مستری کا کام کرتا ہوں جب گھر پہنچا تو حقیقت حال پتہ چلی تو اصغر گبول پرنسپل سے رابطہ کیا تو وہ شرمسار ہونے کی بجائے الٹا کہنے لگا کہ جو کرنا ہے کر لو میں بھگت لوں گا

عبدالرحمن حجانہ نے اعلی حکام سے مطالبہ کیا ہے کہ تشدد کرنے والے پرنسپل کے خلاف سخت کارروائی کی جائے، دریں اثنا تھانہ صدر علی پور نے مضروب محمد حسنین کے والد کی درخواست پر اندراج مقدمہ کی کارروائی شروع کر دی ہے ۔

اوچ شریف،باغی ٹی وی (نامہ نگارحبیب خان)شادی کاجھانسہ بااثر اوباش کی بی ایس سی کی طالبہ سے زیادتی،ویڈیو وائرل ،مقدمہ درج

بااثر نوجوان اپنے ساتھیوں کی مدد سے بی ایس سی کی طالبہ کو شادی کا جھانسہ دے کر مسلسل ایک سال تک زیادتی کا نشانہ بناتا رہا، نازیبا ویڈیوز بھی بناتا رہا، کہا ناں ماننے پر ویڈیو وائرل کردی طالبہ کی مدعیت تھانہ سٹی علی پور نے مقدمہ درج کر لیا

آئی جی پنجاب ڈاکٹر عثمان انور کا علی پور میں شادی کاجھانسہ دے کر طالبہ سے زیادتی کے واقعہ کا نوٹس آر پی او ڈی جی خان سے واقعہ کی رپورٹ طلب کر لی

آئی جی پنجاب کا ڈی پی او مظفر گڑھ کو ملزمان کی فوری گرفتاری کیلئے سپیشل ٹیم تشکیل دینے کا حکم بھی دیدیا ہے انہوں نے حکم دیا کہ متاثرہ طالبہ کو انصاف کی فراہمی ترجیحی بنیادوں پر یقینی بنائی جائے ۔

علی پور شہر کے محلہ القادر کالونی کی رہائشی بی ایس سی کی طالبہ ایمان فاطمہ دختر مجاہد حسین تھہیم نے تھانہ سٹی علی پور کو بتایا ہے کہ ایک سال قبل ابوبکر رضا ولد صابر رضا راجپوت سکنہ گوشت مارکیٹ علی پور میرے کالج جاتے ہوئے میرا پیچھا کرتا تھا تعلقات بنانے پر مجبور کرتا اور دوستوں کے ہمراہ بلیک میل کرتارہا

شادی کا جھانسہ دے کر مسلسل زناء حرام کرتا رہا اور فحش ویڈیوز بھی بناتا رہا اور دھمکی دیتا کہ کسی کو بتایا تو ویڈیوز وائرل کردوں گا ،گذشتہ روز اس نے میرے کہا نہ ماننے پر ویڈیو وائرل کردی پولیس تھانہ سٹی علی پور نے ابوبکر رضا اور اس کے دو نامعلوم ساتھیوں کے خلاف مقدمہ درج کر کے کارروائی شروع کردی ہے ۔

اوچ شریف ،باغی ٹی وی (نامہ نگار حبیب خان )پنجاب کے شہر مظفرگڑھ کی تحصیل علی پور کے علاقے مڈ والا میں شوہر نے بیوی اور 7 بچوں کو قتل کردیا۔

پولیس کے مطابق ملزم سجاد نے گھریلو ناچاقی پر تیز دھار آلے سے اپنی بیوی اور 7 بچوں کو قتل کیا جبکہ قتل ہونے والے تمام افراد کی میتیں سول ہسپتال علی پور منتقل کر دی گئی ہیں۔

پولیس کا کہنا ہے کہ واقعے کے بعد ملزم سجاد فرار ہونے کی کوشش کی، اہل علاقہ کی اطلاع پر پولیس موقع پر پہنچ گئی، پولیس تھانہ صدر نے ملزم سے آلہ قتل برآمد کرکے گرفتار کر لیا۔

پولیس کے مطابق قتل کی وجوہات جاننے کی کوشش کی جارہی ہے، بچوں کی عمریں 6 ماہ سے 8 سال کے درمیان ہیں، ملزم ایک ٹانگ سے معذور اور درزی کا کام کرتا ہے۔

اہل علاقہ کا کہنا تھا کہ ملزم سجاد بے روزگار تھا اور گھر میں جھگڑا رہتا تھا، گزشتہ روز لڑائی جھگڑے میں اضافہ ہوا جس کے بعد ملزم نے بیوی اور بچوں کو قتل کردیا۔

قتل ہونے والوں میں کوثرمائی زوجہ سجادحسین عمر تقریباََ 35،40 سال،انسہ مائی بعمر7،8سال،کنزا مائی،رمشہ مائی ،مہنازعرف منو مائی،محمدانس عمر 2،3سال،محمدسبحان اور منزہ مائی بعمر6 ماہ شامل ہیں جنہیں بے دردی سے وحشی شخص نےمارڈالا.

واقعہ کی اطلاع پر ڈی ایس پی علی پور ایس ایچ او تھانہ صدر علی پور عصمت عباس پولیس کی بھاری نفری کے ہمراہ موقع پر پہنچ گئے اور فرانزک ٹیمیں بھی پہنچ گئیں، تھانہ صدر علی پور پولیس کی طرف سے کاروائی کا آغاز کر دیا گیا۔

وزیراعلیٰ پنجاب مریم نواز کا نوٹس
دوسری جانب وزیر اعلیٰ پنجاب مریم نواز نے شوہر کے ہاتھوں بیوی سمیت 7 بچوں کے مبینہ قتل کے واقعے کا نوٹس لے لیا۔

وزیر اعلیٰ پنجاب نے علی پور مظفرگڑھ میں ہونے والے افسوسناک واقعے پرانسپکٹر جنرل (آئی جی) پولیس سے رپورٹ طلب کرلی۔

مریم نواز شریف نے 7 بچوں کے جاں بحق ہونے پر گہرے دکھ کا اظہار کرتے ہوئے مکمل تحقیقات اور ملزم کو کیفر کردار تک پہنچانے کا حکم دے دیا۔

آر پی او ڈیرہ غازی خان کیپٹن (ر) سجاد حسن خان کا واقعہ کا فوری نوٹس لیکر ڈی پی او مظفرگڑھ سے واقعہ کی رپورٹ طلب کرلی او رڈی پی اومظفرگڑھ کو فوری طور پر جائے وقوعہ پر پہنچنے کا حکم۔

پولیس ترجمان کے آر پی او کیپٹن (ر) سجاد حسن خان نے کہا ہے کہ واقعہ میں ملوث سفاک مجرم کسے رعایت کا مستحق نہیں ،ٹھوس شواہد کے ساتھ مجرم کو عدالت سے سخت سے سزا دلوائیں گے۔

علی پور کے علاقے مڈ والا درزی کا کام کرنے والے سجاد نامی درندہ صفت شخص نے اپنے بچوں اور بیوی کا قتل کیا۔

واقعہ کی اطلاع پر پولیس ٹیمز موقع پر پہنچ گئیں اور مجرم کو گرفتار کر لیا گیا ہے۔