Category: ننکانہ

ننکانہ صاحب ،باغی ٹی وی( نامہ نگار احسان اللہ ایاز)تحفظ ختم نبوت کونسل کا اجلاس جس کی صدارت خالد متین،اورحبیب احمد نے کی جس میں سالانہ انعام گھر کے پروگرام کو حتمی شکل دی گئی بسلسلہ تحفظ ختم نبوت کونسل ننکانہ صاحب میں پاکستان کے سب سے منفرد اور یاد گار پروگرام "انعام گھر” 26 اپریل 2024 کو بعداز نماز مغرب خالد ایونٹ مارکی نزد جنرل بس اسٹینڈ ننکانہ صاحب میں انعقاد کافیصلہ کیاگیا،

پروگرام میں آسان سوالات کے جوابات پر قیمتی انعامات کے علاوہ صرف ایک سوال کے درست جواب پر نئی موٹر سائیکل انعام میں دی جائے گی اس پروگرام میں پاکستان بھر سے تمام شعبہ ہائے زندگی سے تعلق رکھنے والے افراد علماء کرام، وکلاء، تاجر، صحافی، سیاسی و سماجی شخصیات سکول، کالج و مدارس کے اساتذہ اور طلباء شرکت کریں گے۔

پروگرام کے آخر میں شرکاء میں مٹھائی تقسیم کی جائے گی،تحفظ ختم نبوت کونسل کے اجلاس میں انعام گھر کے انتظامات کو حتمی شکل دے دی گئی ہے

ننکانہ صاحب ،باغی ٹی وی (نامہ نگار احسان اللہ ایاز )بیساکھی تہوار کی تین روزہ تقریبات گوردوارہ جنم استھان میں اختتام پزیر ہوگئیں، بھارت سے 2475سکھ یاتریوں نے شرکت کی اور ننکانہ صاحب میں تین روز قیام کرنے کےدوران اپنی مذہبی رسوامات کی ادائیگی کے بعد خصوصی بسوں اور ٹرینوں کے ذریعے کرتار پور کیلئے روانہ ہوگئے جن کو پولیس کے سخت حصار میں روانہ کیا گیا

بیساکھی تہوار کی تین روزہ تقریبات جو گوردواہ حسن ابدال پنجہ صاحب میں جاری تھیں جس میں جرمنی، امریکہ، کینیڈا، انگلینڈ، نیوزی لینڈ اور بھارت سے 2475سکھ یاتریوں نے شرکت کی تھیں، پنجہ صاحب میں بیساکھی کی تین روزہ تقریبات اختتام پذیر ہونے پر بھارتی سکھ یاتریوں کو تین خصوصی ٹرینوں کے ذریعے ننکانہ صاحب پہنچایا گیا تھا ،سکھ یاتریوں کا گوردواہ جنم استھان پہنچنے پر ڈپٹی کمشنر چوہدری محمد ارشد، ڈسٹرکٹ پولیس آفیسر صاعد عزیز اور محکمہ متروکہ وقف املاک بورڈ کے افسران نے پھولوں کی پتیاں نچھاور کرکے اور گلاب کے پھولوں کے ہار پہنا کر ان کا شاندار استقبال کیا تھا

حکومت پاکستان کی جانب سے سکھ یاتریوں کی رہائش، لنگر اور ٹرانسپورٹ کا بہترین انتظام کیا گیا تھاجس پر سکھ یاتری بہت خوش دکھائی دیے اور ننکانہ میں تمام گوردوارہ جات میں سی سی ٹی وی کمرے، واک تھرو گیٹ اور سکینر لگاے تھے ،جس میں سکھ یاتریوں کو گزار کر گوردواروں میں داخل کیا جاتا تھااور گوردوارہ جات سے ملحقہ تما م راستوں کو خار دار تاریں اور بیرئیرز لگا کر عام افراد کا داخلہ بند کیا گیا تھا

سیکیورٹی کے لئے 1600سے زائد پنجاب پولیس، ایلیٹ فورس اور ٹریفک کے اہلکار تعینات تھے،

سکھ یاتریوں کو سچا سودا فاروق آباد بھی یاترا کیلئے لیجا یا گیا جہاں پر یاتریوں نے اپنی مذہبی رسومات ادا کیں اور دوبارہ گوردوارہ جنم استھان آئے، سکھ یاتریوں نے گورد وارہ جنم استھان میں اپنی مذہبی رسومات ماتھا ٹیکی، اشنان، شبد کیرتن اور ارداس سمیت اپنی دیگر مذہبی رسومات ادا کرنے کے بعد آج یاتریوں کو خصوصی بسوں، کوچز اور بھارتی سکھ یاتریوں کو تین خصوصی ٹرینوں کے ذریعے کرتار پور روانہ کردیا گیا ہے جہاں پر وہ اپنی مذہبی رسومات ادا کریں گے.

ننکانہ صاحب، باغی ٹی وی (نامہ نگار احسان اللہ ایاز)ڈسٹرکٹ انتطامیہ کے زیر اہتمام وساکھی تہوار پرصوفی نائٹ کا انعقاد, صوفی ناٸٹ کا مقصددنیا بھر میں امن اور محبت کا پیغام دینا ہے۔ کمشنر لاہور ڈویژن محمد علی رندھاوا

تفصیلات کےمطابق ڈسٹرکٹ انتطامیہ ننکانہ صاحب کے زیر اہتمام وساکھی تہوار کے موقع پر اندرون و بیرون ملک سے آنے والے سکھ یاتریوں کے اعزاز میں گذشتہ روز سپورٹس آفیسر کلب کے خوبصورت لان میں صوفی نائٹ کا انعقاد کیا گیا ۔جس میں کمشنر لاہور ڈویژن محمد علی رندھاوا اور آر پی او شیخوپورہ رینج اطہر اسماعیل نے بطور مہمان خصوصی شرکت کی ،

ڈپٹی کمشنر ننکانہ چوہدری محمد ارشد,ڈسٹرکٹ پولیس آفیسر صاعد عزیز,ڈی سی شیخوپورہ ڈاکٹروقارخان ,پاکستان مسلم لیگ ن کے رہنما سردار سرجیت سنگھ اوردیگر ضلعی افسران سمیت دنیا بھر سے آنے والے سکھ یاتری بھی صوفی نائٹ کی تقریب میں شریک تھے۔

اس موقع پر لوک فنکاروں نے بابا بلھےشاہ،پیر وارث شاہ ،میاں محمد بخش اور بابا فرید شکرگنج و دیگر صوفیا کرام کے صوفیانہ کلام پیش کرکے خوب داد سمیٹی ، سکھ یاتریوں نے بھنگڑے ڈالے اور جھومتے ہوئے نوٹ نچھاورکیے۔

کمشنر لاہور ڈویژن محمد علی رندھاوا نے اس موقع پر گفتگو کرتے ہوئے کہا کہ بیساکھی میلے کی تقریبات میں شرکت کے لیے اندرون و بیرون ملک سے آنے والے یاتریوں کو بہترین سہولیات کی فراہمی اور فول پروف سیکورٹی فراہم کرنا ضلعی انتظامیہ کی اولین ترجیح ہے،صوفی نائٹ کا مقصد دنیا بھر میں امن اور محبت کا پیغام دینا ہے

ننکانہ صاحب، باغی ٹی وی( نامہ نگار احسان اللہ ایاز)تیکھےسوالات کاخوف چیئرمین متروکہ وقف املاک بورڈصحافیوں کودیکھ کرگوردوارہ جنم استھان کے دروازے سے بھاگ گئے

وساکھی تہوار,چیئرمین متروکہ وقف املاک گوردوارہ جنم استھان کے دروازے سے واپس لوٹ گۓ,گوردوارہ جنم استھان کے مرکزی دروازہ پر ایڈمنسٹریٹر زون ننکانہ,ڈپٹی ایڈمنسٹریٹر ,انچارج اینٹی انکروچمنٹ سیل اور کیئرٹیکر جنم استھان کے استقبال کے انتظامات دھرے کے دھرے رہ گۓ,

زونل آفس میں چیئرمین متروکہ وقف املاک کی سیکرٹری بورڈ سمیت ننکانہ صاحب زون میں تعینات افسران سے خصوصی میٹنگ ناجائز تعمیرات پر سخت سرزنش,بند کمرہ میں میٹنگ کے بعد چیئرمین صحافیوں کا سامنا نہ ہو جاۓ واپس لاہور روانہ ہوگۓ صحافی گوردوارہ جنم استھان میں انتظار کرتے رہ گۓ

متروکہ وقف املاک زونل آفس ننکانہ صاحب کے ذرائع نے بتایا کہ چیئرمین متروکہ وقف املاک بورڈ ارشد فرید خان نے غیر قانونی تعمیرات کا جائزہ لینے کے لیےسیکرٹری بورڈ فرید خان کے ہمراہ اچانک دورہ کا پروگرام بنایا بورڈ آفس سے نکلنے کے ساتھ کی خبر ننکانہ صاحب زونل آفس میں تعینات ایڈمنسٹریٹر زون ننکانہ صاحب چوہدری تنویر احمد ,ڈپٹی ایڈمنسٹریٹر ننکانہ صاحب فضل الرحمن بٹ ,انچارچ اینٹی انکروچمنٹ سیل ملک زاہد امجد تک پہچی تو تمام افسران گوردوارہ جنم استھان کے گیٹ پر پہنچ گۓ جبکہ کیئرٹیکر گوردوارہ جنم استھان میں جاری وساکھی تہوار کو مدنظر رکھتے ہوۓ استقبال کی تیاری مکمل کی جو دھری کی دھری رہ گئیں

جب چیئرمین متروکہ وقف املاک بورڈ ارشد فرید خان نے گاڑی میں موجود رہتے ہوۓ زونل آفس آنے کا حکم صادر کیا جس کے بعد انچارج اینٹی انکروچمنٹ سیل ملک زاہد امجد چیئرمین کے پیچھے موجود گاڑی اور باقی افسران اپنی گاڑی میں زونل آفس روانہ ہوگۓ ,ذرائع نے بتایا کہ چیئرمین متروکہ وقف املاک بورڈ کو بائی پاس روڈ پر موجود شہریوں نے ناجائز تعمیرات اور جھوٹے اور بے بنیاد مقدمات کے حوالے سے بتایا جس پر افسران زون ننکانہ صاحب سیکورٹی گارڈز کا بتا کر اپنی جان خلاصی کروانے کی کوشش میں مصروف رہے

ذرائع کے مطابق جس پر چیئرمین متروکہ وقف املاک بورڈ نے سخت سرزنش کی اور بعد میں زونل آفس کے بند کمرہ میں میٹنگ کی گئی

ذرائع نے انکشاف کرتے ہوۓ بتایا کہ سیکرٹری بورڈ کی بریفنگ کے بعدچیئرمین واپس لاہور روانہ ہوگۓ ،سیکرٹری بورڈ نے زونل آفس میں تلاش چیئرمین میں آنے والے صحافیوں کو بتایا کہ ناجائز تعمیرات کے حوالے سے کیے جانے والے اقدامات کے بارے میں چیئرمین کو آگاہ کر دیا گیا تھا جس پر وہ اطمینان کا اظہار کرتے ہوۓ واپس چلے گۓ ہیں,

معتبر ذرائع کا کہنا تھا کہ مبینہ طور پر سیکرٹری بورڈ اور زونل آفس میں تعینات افسران کی کوشش تھی کہ چیئرمین متروکہ وقف املاک بورڈ کو صحافیوں کے سوالات کا سامنا نہ کرنا پڑے اسی لئے چیئرمین متروکہ وقف املاک بورڈصحافیوں کودیکھ کرگوردوارہ جنم استھان کے دروازے سے ہی بھاگ جانے میں عافیت جانی

ننکانہ صاحب، باغی ٹی وی( نامہ نگار احسان اللہ ایاز)ننکانہ صاحب میلے کی تین روزہ تقریبات کا آغاز ہو چکا ہےحسن ابدال سے پہلی ٹرین جتھہ لیڈر کلونت سنگھ کی قیادت میں 860بھارتی سکھ یاتریوں کو لے کر ننکانہ صاحب ریلوے اسٹیشن پہنچ گئی

ریلوے اسٹیشن پر بھارتی سکھ یاتریوں کا ڈپٹی کمشنر ننکانہ ڈی پی او ننکانہ اور ڈپٹی سیکرٹری متروکہ وقف املاک بورڈ عملہ نے شاندار استقبال کیا سکھ یاتریوں کو پھولوں کے گلدستے پیش کیے گئے اور ہار پہنائے گئے

ننکانہ صاحب آمد پر سکھ یاتری بہت خوش دکھائی دے رہے ہیں سکھ یاتریوں کو ننکانہ ریلوے اسٹیشن سے خصوصی بسوں کے ذریعے گوردوارہ جنم استھان لے جایا گیا

بیساکھی میلہ کی تقریبات کے لئے ضلعی انتظامیہ نے سیکیورٹی کے فول پروف انتظامات کیے ہیں، سکھ یاتری دو روزہ قیام اور اپنی مذہبی رسومات ادا کریں گے،بیساکھی فیسٹیول میں سکھ یاتری سات گوردوارں کی یاترا بھی کریں گے

بیساکھی میلے میں شرکت کے لیے پاکستان آے والے سکھ یاتری مذہبی رسم اکھنڈ پا ٹھ کی رسم ادا کرنے کےبعدسپیشل بسوں کے ذریعے سچا سودا فاروق آباد میں متھا ٹیکی کی رسم ادا کریں گے

حکومت پاکستان نے یاتریوں کے لیے قیام و طعام اور ٹرانسپورٹ کے بہترین انتظام کئے ہیں،صحافیوں سے بات چیت کرتے ہوئے سکھ یاتریوں نے کہا پاکستان آ کر بڑی خوشی ہوئی، پاکستانی حکومت نے ہمارے لیے بڑے اچھے انتظامات کیے ،بھارت سے 2475 سے زائد سکھ یاتری بیساکھی میلے میں شرکت کے لیے پاکستان پہنچے.

ننکانہ صاحب ،باغی ٹی وی( نامہ نگار احسان اللہ ایاز)خالصہ جنم دن اور بیساکھی میلہ تقریبات میں شرکت کے لیے 2400 بھارتی سکھ یاتری پاکستان پہنچ گئے

خالصہ جنم دن اور وساکھی میلہ کی تقریبات میں شرکت کے لیے2400 بھارتی سکھ یاتری پاکستان پہنچ گئے واہگہ بارڈر پر پردھان سردار رامیش سنگھ اروڑا ، ایڈ یشنل سیکرٹری شرائنز رانا شاہد, سردار ممپال سنگھ ،سردار تارا سنگھ،ستونت کور ،صوبائی وزیر ٹرانسپورٹ ،سمیت دیگر سکھ ہنماوں نے مہمانوں کا استقبال کیا اور چیئرمین بورڈ کی طرف سے پھولوں کے گلدستے پیش کیے ۔

واہگہ بارڈر پر میڈیا سے گفتگو کرتے ہوئے بھارتی جتھ لیڈر کلونت سنگھ اور ڈپٹی پارٹی لیڈر امرجیت سنگھ نے حکومت پاکستان اور متروک وقف املاک بورڈ کا شکریہ ادا کرتے ہوئے کہا کہ پاکستان آ کر بہت خوشی محسوس ہو رہی ہے ۔پاکستان میں مقدس استھان ہیں جنکی یاترا کے لیے لاکھوں سکھ بے تاب ہیں ۔

رانا شاہد نے کہا کہ چئیر مین بورڈ ارشد فرید خان کے احکامات کے مطابق سیکورٹی رہائش،ٹرانسپورٹ،میڈیکل و دیگر سہولیات کے لیے تمام تر انتظامات مکمل ہیں ۔

ترجمان بورڈ کے مطابق بورڈ کی ٹیکنیکل برانچ نےگوردوارہ پنجہ صاحب کو نئے رنگ و روغن،تزئین وآرائش اور برقی قمقموں سے سجایا ہے۔جبکہ گورو دوارہ جنم استھان ننکانہ صاحب و دیگر گوردواروں میں بھی تمام انتظامات مکمل ہیں ۔

متروکہ وقف املاک بورڈ کے افسران اور سیکیورٹی عملہ دن رات یاتریوں کی خدمت میں مصروف رہیں گے،میڈیا کوریج کے لیے صحافیوں کے لیے بھی بہتر ین انتظامات کیے گئے ہیں۔

ویساکھی میلہ کی مرکزی تقریب مورخہ 14اپریل بروز اتوار کو گورودوارہ پنجہ صاحب حسن ابدال میں منعقد ہو گی، سکھ یاتری 22اپریل کو اپنی 10روزہ یاترا مکمل کرنے کے بعد واپس بھارت روانہ ہو جائیں گے

ننکانہ صاحب باغی ٹی وی( نامہ نگار احسان اللہ ایاز)صوبائی وزیر مذہبی امور پنجاب و چئیرمین پاکستان سکھ گوردوارہ پربندھک کمیٹی سردار رمیش سنگھ اروڑہ نے نیوز کانفرنس میں بتایا کہ حکومت پاکستان نے بیساکھی تہوارمیں شرکت کے لئے تین ہزار بھارتی سکھ یاتریوں کو ویزے جاری کئے ہیں

بھارتی سکھ یاتری آج واہگہ باڈر کے راستے پاکستان پہنچیں گےسکھ یاتریوں کو بذریعہ ٹرین گوردوارہ پنجہ صاحب حسن ابدال پہنچایا جائے گا،سکھ یاتریوں کو بذریعہ ٹرین تمام گوردواروں کی یاترا کروائی جائے گی

وزیراعلیٰ پنجاب مریم نواز 18 اکتوبر کو گوردوارہ کرتار پور جائیں گی ،بھارت سکھ یاتریوں کو اپنے ملک سے بذریعہ ٹرین آنے کی اجازت دے پاکستان نے ہمیشہ بھارت کی طرف سے دوستانہ قدم بڑھائے ہیں

بھارت میں پاکستانی زائرین کے ساتھ امتیازی سلوک کیا جاتا ہے،ملک بھر میں شرپسند عناصر کی سرکوبی کی جائے گی ،کسی کو ملکی امن تباہ کرنے کی اجازت نہیں دی جائے گی

پاکستان آنے والے سکھ یاتری امن اور محبت کا پیغام لے کر جائیں گے،سکھ یاتریوں کے لئے ہر ممکن بہترین انتظامات کو یقینی بنایا جائے گا

سردار رمیش سنگھ اروڑہ نے کہا کہ پاکستان تمام اقلیتوں کے لئے محفوظ ترین ملک ہےمحکمہ اوقاف کی اراضی پر قبضہ گروپوں کے خلاف کارروائی کی جائے گی ،محکمہ اوقاف میں موجود کالی بھیڑوں کے خلاف بھی کارروائی کی جائے گی،

سکھ یاتریوں کو کمروں کی الاٹمنٹ کے لئےٹیکنالوجی کا استعمال کیا جائے گا

ننکانہ صاحب، باغی ٹی وی (نامہ نگار احسان اللہ ایاز )مرکزی جامع مسجد مدینہ میں ختم ألقرآن کی پروقار تقریب کا انعقاد کیا گیا,ختم القرآن کی تقریب کے مہمان خصوصی ڈپٹی کمشنر ننکانہ چوہدری محمد ارشد تھے,ختم القرآن کی تقریب زیر صدارت چوہدری محمد اکرم رحمانی منعقد ہوٸی جس مسجد ہذا کے نمازیوں سمیت شہریوں کی ایک بڑی تعداد نے شرکت کی

تفصیلات کے مطابق گزشتہ روز شہر کی معروف اور انتہائی خوبصورت مرکزی جامع مسجد مدینہ میں زیر صدرات صدر مسجد ہذا چوہدری محمد اکرم رحمانی تقریب منعقد ہوئی، جس کے مہمان خصوصی ڈپٹی کمشنر چوہدری محمد ارشد تھے ختم القرآن کی تقریب سے خطاب کرتے ہوۓ ملک کے نامور اور معروف عالم دین صاحبزادہ علامہ انعام اللہ اشرفی نے قرآن مجید کے رمضان المبارک میں شان نزول اور اس کی فضیلت وبرکت کے حوالے سے مفصل خطاب کیا ,

علامہ انعام اشرفی کا کہنا تھا کہ قرآن مجید وہ واحد آسمانی کتاب ہے جس کی حفاظت کا ذمہ مالک کائنات نے خود اپنے سر لیا ہے یہی وجہ ہے کہ سواۓ قرآن مجید کے جتنی بھی آسمانی کتب ہیں ان میں وقت کے ساتھ ساتھ ان کے ماننے والوں نے تبدیلی کی ہے ,

علامہ انعام اللہ اشرفی نے خطاب کرتے ہوۓ کہا کہ یہ رمضان المبارک مہینہ ایمان اور اعمال کو تازہ کرنے کے لیے آتا ہے۔ روزہ اور قرآن کریم دونوں بندے کی شفاعت کریں گے اور بندے کے حق میں دونوں کی شفاعت قبول کی جائے گی

ڈپٹی کمشنر چوہدری محمد ارشد نے خطاب کرتے ہوۓ کہا کہ قرآن مجید پڑھنا اور سمجھنا کسی دن کا محتاج نہیں ہر روز ہی یہ اپنے قاری کیلئے ہدایت کا ذریعہ بنتا ہے لیکن رمضان المبارک میں تلاوت قرآن کی ایک منفرد اہمیت ہے۔ کوئی شک نہیں کہ ماہِ رمضان اور قرآنِ حکیم کا ایک گہرا تعلق ہے۔ یہ دونوں ابد تک ایک دوسرے سے جدا نہیں ہو سکتے۔ قرآن مجید کتابِ رحمت ہے جو رمضان یعنی ماہِ رحمت میں نازل ہوئی ہے,

صدر مسجد ہذا چوہدری محمد اکرم رحمانی نے تقریب میں موجد حاضرین کو بتایا کہ ہم انتظامیہ نے کوشش کی ہے کہ استاذ مدرسہ ھذا قاری ساجد اور دیگر حفاظ اکرام کے جن کی بدولت ہم نے قرآن مجید کو سماعت کیا ہے ان کی خدمت زیادہ سے زیادہ کر سکیں حق تو یہ ہے کہ حق ادا نہ ہوا ,

تقریب کے آخر پر ڈپٹی کمشنر ننکانہ چوہدری محمد ارشد نے علامہ انعام اللہ اشرفی سمیت حفاظ اکرام کو دستار پہنائیں اور خطیب مسجد ہذا علامہ انعام اللہ اشرفی اور صدر مسجد ہذا چوہدری محمد اکرم نے ڈپٹی کمشنر چوہدری محمد ارشد کو بھی دستار پہنائی خصوصی دعا کے بعد حاضرین تقریب میں مٹھائی بھی تقسیم کی گئی.