Category: ننکانہ

ننکانہ صاحب: رپورٹ بائے عبدالرحمان یوسف
باغی ٹی وی کی رپورٹ کے مطابق ننکانہ پولیس کے ایک اور جوان نے فرائض کی ادائیگی کے دوران اپنی جان کی قربانی دے دی۔ ٹریفک حادثے میں زخمی ہونے والا ایلیٹ پولیس کا جوان محمد یسین جان کی بازی ہار گیا۔شہید محمدیسین میو ہسپتال لاہور میں زیر علاج تھا۔ شہید کی نماز جنازہ ڈسٹرکٹ پولیس لائن ننکانہ میں ادا کی گئی۔نماز جنازہ میں ڈی پی او اسماعیل کھاڑک ،ضلعی پولیس کے افسران و جوانوں اور اہل علاقہ نے شرکت کی۔ضلعی پولیس کے چاق و چوبند دستے نے شہید کو سلامی پیش کی۔
شہید ہونیوالے کنسٹیبل ایلیٹ ٹیم شاہکوٹ میں تعینات تھا۔ شہید کنسٹیبل دوران ڈیوٹی پنواں شاہکوٹ فیصل آباد روڈ پر حادثے کا شکار ہوا تھا۔
حادثہ میں ایلیٹ کے دو جوان فخر اور خضر بھی جام شہادت نوش کر چکے ہیں۔ ڈی پی او اسماعیل کھاڑک کا کہنا تھا شہید محمد یسین کے لواحقین کے ساتھ غم میں برابر کے شریک ہیں۔شہید کے اہل خانہ کے ساتھ تمام ممکنہ تعاون یقینی بنائیں گے۔
فرض کی ادائیگی کے دوران شہید ہونے والے کنسٹیبل محکمہ کے لیے قابل رشک ہیں۔بطور کمانڈر ایسی فورس پہ فخر ہے جس نے عوامی جان و مال کے تحفظ کے لیے قربانیاں دیں۔ شہید ہونے والے افسران و جوان ہمارا قیمتی اثاثہ ہیں۔
ترجمان ننکانہ پولیس

ننکانہ صاحب: رپورٹ بائے عبدالرحمان یوسف
باغی ٹی وی کی رپورٹ کے مطابق وزیر اعلی پنجاب سردار عثمان کی خصوصی ہدایت پر ضلعی انتظامیہ کے زیر اہتمام صوبہ بھر کی طرح ضلع ننکانہ صاحب میں بھی ہفتہ شان رحمت العالمین ﷺبڑی عقیدت و احترم سے منایا جارہا ہے جس کے تحت ضلعی انتطامیہ ،محکمہ صحت ،تعلیم ،بہبودآبادی ودیگر محکموں کی زیر اہتمام محافل میلادمصطفیﷺ،کانفرنس ،نعتیہ مقابلوں و تقریری مقابلوں کا اہتمام کیا جارہا ہے، آمد پیغمبر اکرم ﷺ سے جہالت ،گمراہی اور گناہوں کی پستیوں میں ڈوبے انسانوں کو سچائی ، علم،نیکی،امن و محبت اور طہارت و پاکیزگی کا راستہ ملا۔ان خیالات کا اظہار ڈپٹی کمشنر ننکانہ صاحب راجہ منصور احمد نے ہفتہ شان رحمت اللعالمین ﷺ کے حوالے سے بات کرتے ہوئے کیا۔تفصیلات کے مطابق حکومت پنجاب کی ہدایت پرضلعی انتطامیہ کے زیراہتمام ہفتہ شان رحمت اللعالمینﷺکے سلسلے میں گورنمنٹ ڈگری کالج برائے خواتین واربرٹن میں محفلِ میلاد مصطفیﷺکا انعقاد کیا گیاجبکہ ڈسٹرکٹ پاپولیشن ویلفئیرکے ضلعی دفتر میں شان رحمت اللعالمین ﷺ کانفرنس کا انعقاد کیا گیا۔گورنمنٹ ڈگری کالج برائے خواتین واربرٹن میںمنعقدہ محفل میلادمصطفیٰ میں قرآن خوانی، ہدیہ درودوسلام اور سرکار دوعالم ﷺ کی بارگاہ میں ہدیہ نعت کے گلدستے پیش کیے گئے۔اس موقع پر کالج پرنسپل بلقیس اخترنے خصوصی شرکت کی۔ہفتہ شان رحمت العالمین ﷺ کے تحت منعقدہ محفل میلاد مصطفیٰ ﷺ میں کالج ہذا کی طالبات، اور کالج اسٹاف سمیت ٹیچرز کی بڑی تعداد نے عقیدت و احترام سے شرکت کی۔ پرنسپل گورنمنٹ ڈگری کالج برائے خواتین بلقیس اختر اور دیگر مقررین نے خطاب کرتے ہوئے کہا کہ طالبات اپنی زندگیوں کو سیرت البنی ﷺ کی تعلیمات کے مطابق گزاریں کامیاب زندگی گزارنے کا ایک سنہری اصول یہ ہے کہ ہم اپنے تمام امور میں رسول اکرم ﷺ کی حیات طیبہ کی پیروی کریں ،اس سے ہی دنیا و آخرت میں سرخروئی ممکن ہے۔ انہوں نے کہا کہ حضور ﷺ نے رنگ و نسل کی تمیز اور برتری کا معیارختم کر کے معاشرے میں عدل و انصاف کو رواج دیا اور عورتوں اور بچوں کو عزت دی جس سے ایک فلاحی معاشرے کا قیام ممکن ہوسکا حضور اکرم ﷺسے محبت دین حق کی شرط اول ہے ، حضور نبی کریم ﷺ کودونوں جہانوں کیلئے رحمت بنا کر بھیجا گیا۔ کالج پرنسپل بلقیس اختر نے خطاب کرتے ہوئے اساتذہ پر زور دیا کہ وہ طالبات کی کردار سازی پر پوری توجہ دیں اور انہیں مفید شہری بنانے میں اپنی تمام صلاحیتیں وقف کریں کیونکہ اساتذہ ہی معاشرے میں مثبت تبدیلی لانے میں مدد و معاون ہو سکتے ہیں۔اس موقع پر مقررین نے آزادی اظہار کے نام پر کی جانے والی گستاخی کی مذموم حرکت کو ناقابل معافی ،ناقابل برداشت قرار دیتے ہوئے اس کی شدید مذمت کی۔ محفلِ میلاد مصطفیٰ ﷺ کا اختتام پاکستان کی ترقی و خوشحالی،شہدا کے درجات کی بلندی مسلم امہ کے اتفاق و اتحاد دردوسلام اور خصوصی دعا سے ہوا۔

ننکانہ صاحب: رپورٹ بائے عبدالرحمان یوسف
باغی ٹی وی کی رپورٹ کے مطابق ڈپٹی کمشنر ننکانہ صاحب راجا منصور احمد نے کہا ہے کہ ضلع بھر میں سموگ کنٹرول پروگرام کی خلاف ورزی کرنے پر42اینٹوں کے بھٹوں کو سیل کیا گیا جبکہ 22افراد کے خلاف ایف آئی آر کا اندراج ہو چکا ہے،سموگ سے بچاؤ کی احتیاطی تدابیر کو اپنا کر اس سے محفوظ رہا جاسکتا ہے،عوام الناس فصلوں کی باقیات،کوڑاکرکٹ، چمڑا اور ہسپتال کے فضلہ جات کو جلانے سے پرہیز کریں،خلاف ورزی کرنے والوں کے خلاف سخت قانونی کاروائی عمل میں لائی جائے گی۔ان خیالا ت کا اظہار ڈپٹی کمشنر ننکانہ راجہ منصور احمد نے انٹی سموگ کنٹرول پروگرام کےاجلاس کی صدارت کی۔ اجلاس میں اسسٹنٹ ڈائریکٹر ماحولیات عبدالقیوم،بھٹہ مالکان سمیت ضلعی افسران نے شرکت کی۔ڈپٹی کمشنر راجہ منصور احمد نے کہا کہ حکومت پنجا ب کی جانب سے جن اشیاء کے جلانے پرپابندی عائد کی گئی ہے وہ حالیہ موسم میں سموگ پیدا کرنے کا باعث بنتی ہیں، عوام کو سموگ کے خطرہ سے بچانے کے لیے پرانے ڈیزائن کے بھٹوں کو بند رکھا جائیگا صرف زگ زیگ ٹیکنالوجی استعمال کرنے والے بھٹوں کو کام جاری رکھنے کی اجازت ہوگی۔اس موقع پر اسسٹنٹ ڈائریکٹر ماحولیات عبدالقیوم نے ڈپٹی کمشنر راجہ منصور احمد کو اینٹی سموگ کنٹرول پروگرام کے حوالے سے بریفنگ دیتے ہوئے بتایا کہ اب تک ضلع بھر میں سموگ ایکٹ کی خلاف ورزی کرنے والے 42سے زائد بھٹوں کو سیل کردیا گیا ہے جبکہ 22بھٹہ مالکان کے خلاف متعلقہ تھانوں میں ایف آئی آرز کا اندراج کروایا جاچکا ہے،ضلع بھر میں زگ زیگ ٹیکنالوجی کا ستعمال نہ کرنے والے اینٹوں کے بھٹوں کے خلاف کریک ڈاؤن کا سلسلہ جاری ہے۔

رپورٹ بائے عبدالرحمان یوسف
باغی ٹی وی کی رپورٹ کے مطابق انسداد اینٹی سموگ کریک ڈاﺅن مزید سخت کیا جارہا ہے،زیرو ٹالرنس پالیسی ہے اور کوئی غفلت کسی سطح پر ناقابل قبول ہے،پرانی ٹیکنالوجی والے 36اینٹوں کے بھٹوں کو سیل کردیا گیا ہے جبکہ 19بھٹہ مالکان کے خلاف ایف آئی آرز کا
اندراج کروایا جاچکا ہے جن میں سے 3افراد کو حراست میں لے لیا گیا۔حکومت پنجاب کی خصوصی ہدایت کے مطابق سموگ سے بچاﺅ کی احتیاطی تدابیر کو اپنا کر اس سے محفوظ رہا جاسکتا ہے ،عوام الناس فصلوں کی باقیات،کوڑاکرکٹ، چمڑا اور ہسپتال کے فضلہ جات کو جلانے سے پرہیز کریں ،خلاف ورزی کرنے والوں کے خلاف سخت قانونی کاروائی عمل میں لائی جائے گی۔ان خیالا ت کا اظہار ڈپٹی کمشنر ننکانہ راجہ منصور احمد نے انٹی سموگ کنٹرول پروگرام کے حوالے سے بات کرتے ہوئے کیا۔ڈپٹی کمشنر راجہ منصور احمد نے کہا ہے کہ انسداداینٹی سموگ کریک ڈاﺅن کو روزانہ کی بنیاد پر مزید سخت کیا جارہا ہے سموگ کے حوالے سے زیرو ٹالرنس پالیسی ہے اور کوئی غفلت کسی سطح پر ناقابل قبول ہے ۔اس موقع پرڈپٹی کمشنر ننکانہ صاحب راجہ منصور احمد نے بتایاکہ پورے ضلع میں مجموعی طور پر 116اینٹوں کے بھٹے موجود ہیںجن میں سے ابھی تک صرف 38بھٹوں پر زگ زیگ ٹیکنالوجی کا استعمال کیا جارہا ہے باقی 9بھٹوں پر زگ زیگ ٹیکنالوجی پر عمل درآمد کیا جارہا ہے ۔ڈپٹی کمشنر نے بتایا کہ اسسٹنٹ ڈائریکٹر ماحولیات عبدالقیوم سمیت دیگر متعلقہ محکموں کی جانب سے اینٹی سموگ کنٹرول پروگرام کے تحت کاروائی کے دوران زگ زیگ ٹیکنالوجی کا استعمال نہ کرنے والے 36بھٹوں کو سیل کردیا گیا ہے اور حکومتی احکامات نظر انداز کرنے والے 19بھٹہ مالکان کے خلاف ایف آئی آرز درج کروادی گئی ہیں جن میں سے 3افراد کو حراست میں لے لیا گیا ہے۔انہوں نے بتایا کہ بھٹہ مالکان نے یقین دہانی کروائی ہے کہ وہ جلد از جلد اپنے بھٹوں کو زگ زیگ ٹیکنالوجی پر منتقل کرلیں گے ۔ڈپٹی کمشنر ننکانہ راجہ منصور احمد نے اسسٹنٹ ڈائریکٹر ماحولیات عبدالقیوم کو ہدایات جاری کرتے ہوئے کہا کہ اینٹی سموگ کنٹرول پروگرام کے تحت قانون کی خلاف ورزی کرنے والوں کے خلاف آہنی ہاتھوں سے نمٹا جائے ٹائر ،ربڑ کی مصنوعات اور فصلوں کی باقیات جلانے والوں کے خلاف ایف آئی آرز درج کروائی جائیں سموگ کے خاتمے کے لیے ہر ممکن کوشش کی جائے تاکہ ضلع بھر کی عوام کو بہتر اور صاف ستھرا ماحول مہیا کیا جاسکے۔