Category: اوکاڑہ

اوکاڑہ(علی حسین) صدرگوگیرہ میں جندراکہ روڈ پر دن دیہاڑے دو مسلح ڈاکووں نے گن پوائنٹ پر دکاندار سے تیس ہزار روپے چھین لیے۔ جندراکہ روڈ پر عرفان چکن شاپ کے مالک عدنان سے دو نامعلوم مسلح ڈاکووں نے گن پوائنٹ پر تیس ہزار روپے چھین لیے جبکہ اس وقت سامنے مسجد میں لوگ جمعہ کی نماز ادا کررہے تھے۔ اطلاع ملنے پر گوگیرہ پولیس موقع پر پہنچ گئی۔ ملزمان موقع پر فرار ہوگئے۔

اوکاڑہ(علی حسین) رشتے سے انکار کرنے پر ایک شخص نے سترہ سالہ لڑکی پر تیزاب پھینک دیا۔ اکرم نامی شخص نے اوکاڑہ بازار میں سترہ سالہ اقراء پر رشتے سے انکار کیوجہ سے تیزاب پھینک دیا جس سے اسکا چہرہ اور بازو متاثر ہوا۔ خدشہ ظاہر کیا جارہا ہے کہ اقراء کی آنکھ بھی متاثر ہوئی ہے۔ ملزم کے خلاف مقدمہ درج کرلیا گیا ہے۔

اوکاڑہ(علی حسین) ایک شخص کی 10 بھینسیں لوئر باری دوآب میں ڈوب گئیں جبکہ 9 بھینسوں کو بچا لیا گیا۔ اوکاڑہ کینٹ گیمبر کے قریب نہر لوئرباری دوآب میں 55 فائیو ایل کا ایک رہائشی محمد ارشد اپنی 19 بھینسوں کو نہر کے کنارے نہلا رہا تھا کہ اچانک بھینسیں نہر کے گہرے پانی میں اتر گئیں اور توازن کھو بیٹھیں جسکی وجہ سے نہر کا تیز پانی بھینسوں کو بہا لے گیا جبکہ نو عدد بھینسوں کو بمشکل بچایا گیا۔ بھینسوں کا مالک محمد ارشد لوگوں کو مدد کے لیے دہائی دیتا رہا لیکن کسی نے مدد نہیں کی بلکہ موقع پر موجود لوگ اس سارے واقعے کی ویڈیوز بناتے رہے۔

اوکاڑہ(علی حسین) امیر جماعت اسلامی پی پی 190 اوکاڑہ چوہدری رب نوازثاقب ایڈووکیٹ نے بتایا کہ حکومت کی کسی ادارے پر رٹ نظر نہیں آتی جب پٹرول کی قیمت کم کی تو عوام تک رسائی یقینی بنانا بھی حکومت کا کام تھا اب پٹرول بحران کے بعد اسٹام پیپرز بحران جاری ہے عوام پریشانی کے عالم میں دربدر دھکے کھانے پر مجبور اور 50روپے قیمت والا اسٹام پیپر 500سے1000روپے تک بلیک میں فروخت ہو رہا ہے کوئی پوچھنے والا نہیں ڈپٹی کمشنر عثمان علی سے نوٹس لینے کا مطالبہ کیا ہے۔

اوکاڑہ(علی حسین) اوکاڑہ کے قریب تھانہ ستگھرہ کی حدود میں ایک موٹر سائیکل سوار پر نامعلوم افراد نے فائرنگ کرکے زخمی کردیا۔ تنویر ولد منظور موٹر سائیکل پر 28/2R جارہا تھا۔ نامعلوم موٹر سائیکل مسلح افراد فائرنگ کرکے زخمی دیا۔ زخمی ہونیوالے شخص کا تعلق 19/1R سے ہے۔ پولیس مصروف تفتیش ہے۔

فتح پور گاوں میں عورت زاہدہ بی بی نے گھریلو حالات سے دلبرداشتہ ہوکر گلے میں پھندا ڈال کر اپنی زندگی کا خاتمہ کرلیا۔ گزشتہ روز ایک عورت نے خودکشی کی تھی۔