Category: پشاور

پاک فوج نےجانی خیل میں امن و امان کے قیام کیلئے جرگہ کا انعقادکیا،

پاک فوج اور ضلعی انتظامیہ کے زیرِ انتظام جرگہ میں جانی خیل کے قبائلی عمائدین اور مشران نے بڑی تعداد میں شرکت کی،جنرل آفیسر کمانڈنگ میرانشاہ نے علاقہ میں قیام امن کیلئے قبائلی عمائدین کے کردار کا خیرمقدم کیا،جنرل آفیسر کمانڈنگ میرانشاہ نے کہا کہ "عوام کے تعاون سے علاقہ میں امن و ترقی کا سفر کامیابی سے جاری ہے”جرگے میں جانی خیل قبائل اور نواحی علاقوں میں سیکیورٹی صورتحال، دہشتگردی کی روک تھام اور فلاحی کاموں پر بات چیت کی گئی،قبائلی رہنماؤں نے امن و امان کے حوالے سے اپنی تجاویز بھی پیش کیں،عمائدین اور جرگہ کے شرکاء نے حکومت، انتظامیہ اور سیکیورٹی فورسز کیساتھ بھرپور تعاون کا اعادہ کیا،پاک فوج اور سکیورٹی ادارے ملک سے دہشتگردی کے ناسور کو عوام کے تعاون سے ختم کرنے کے لیے پر عزم ہیں

بنوں ، جانی خیل کے ملک و مشران اور قبائلی عمائدین کا اہم جرگہ ہوا
پاک فوج اور ضلعی انتظامیہ کے زیرِ انتظام میرانشاہ میں جانی خیل کے ملک و مشران اور قبائلی عمائدین کا اہم جرگہ منعقد ہوا ۔جنرل آفیسر کمانڈنگ میرانشاہ نے شرکاء کا خیرمقدم کیا اور علاقے میں امن کے قیام میں قبائلی عمائدین کے کردار کو سراہا ۔جرگے میں جانی خیل اور نواحی علاقوں میں سیکیورٹی صورتحال، دہشتگردی کی روک تھام اور فلاحی کاموں پر تفصیلی بات چیت ہوئی ۔ قبائلی رہنماؤں نے امن و امان کے حوالے سے اپنی تجاویز پیش کیں اور ریاستی اداروں کے ساتھ مکمل تعاون کا یقین دلایا ۔جی او سی نے کہا کہ عوام کے تعاون سے علاقے میں امن اور ترقی کا سفر کامیابی سے جاری ہے ۔جرگے کا اختتام قومی یکجہتی اور سلامتی کی دعاؤں کے ساتھ کیا گیا ۔

پروونشل ڈیزاسٹر مینجمنٹ اتھارٹی (پی ڈی ایم اے) خیبرپختونخوا نے صوبے کے مختلف علاقوں میں آج سے بارشوں اور برفباری کے امکانات کے پیشِ نظر الرٹ جاری کردیا ہے۔ پی ڈی ایم اے کے مطابق 5 نومبر تک صوبے کے مختلف اضلاع میں وقفے وقفے سے ہلکی اور درمیانی شدت کی بارشوں کے ساتھ بالائی پہاڑی علاقوں میں برفباری کا امکان ہے۔

محکمہ موسمیات کی پیشگوئی کے بعد پی ڈی ایم اے نے تمام ضلعی انتظامیہ کو ہدایت کی ہے کہ کسی بھی ہنگامی صورتحال سے نمٹنے کے لیے پیشگی اقدامات کیے جائیں۔ متعلقہ محکموں کو مشینری، ریسکیو ٹیموں اور ایمرجنسی اسٹاف کو ہمہ وقت تیار رکھنے کی ہدایت دی گئی ہے تاکہ کسی بھی ناخوشگوار واقعے کی صورت میں فوری کارروائی کی جاسکے۔ادارے نے خبردار کیا ہے کہ پہاڑی علاقوں میں بارشوں اور برفباری کے باعث لینڈ سلائیڈنگ کا خطرہ موجود ہے، جس کے نتیجے میں بعض مقامات پر سڑکوں کی بندش کا امکان ہے۔ عوام سے اپیل کی گئی ہے کہ غیر ضروری سفر سے گریز کریں اور محکمہ موسمیات و ضلعی انتظامیہ کی جانب سے جاری کردہ ہدایات پر عمل کریں۔پی ڈی ایم اے کے مطابق تمام متعلقہ ادارے اور ریسکیو ٹیمیں کسی بھی ممکنہ ہنگامی صورتحال کے لیے الرٹ پر ہیں، جبکہ عوام کو یقین دلایا گیا ہے کہ کسی بھی مشکل کی صورت میں فوری امدادی کارروائیاں کی جائیں گی۔

شمالی وزیرستان میں پولیس کے اعلیٰ افسر کے قافلے پر دہشت گردوں کی بزدلانہ کارروائی کے نتیجے میں 5 پولیس اہلکار زخمی ہوگئے، تاہم ڈسٹرکٹ پولیس آفیسر (ڈی پی او) وقار احمد خوش قسمتی سے محفوظ رہے۔

پولیس ذرائع کے مطابق حملہ بنوں،میران شاہ روڈ پر واقع ممش خیل کے علاقے میں اس وقت کیا گیا جب ڈی پی او وقار احمد کا اسکواڈ گزر رہا تھا۔ اچانک نامعلوم مسلح افراد نے پولیس کے قافلے پر اندھا دھند فائرنگ کردی جس کے نتیجے میں پانچ اہلکار زخمی ہوگئے،حملے کے بعد پولیس کی جوابی کارروائی پر حملہ آور فرار ہونے میں کامیاب ہوگئے۔ زخمی اہلکاروں کو فوری طور پر قریبی اسپتال منتقل کردیا گیا جہاں انہیں طبی امداد فراہم کی جارہی ہے۔ اسپتال ذرائع کے مطابق تمام زخمیوں کی حالت خطرے سے باہر بتائی جارہی ہے۔

پولیس حکام کا کہنا ہے کہ واقعے کے فوراً بعد علاقے کو گھیرے میں لے لیا گیا اور سرچ آپریشن شروع کردیا گیا ہے تاکہ حملہ آوروں کو گرفتار کیا جا سکے۔ سیکیورٹی فورسز بھی جائے وقوعہ پر پہنچ گئی ہیں اور شواہد اکٹھے کیے جا رہے ہیں۔

خیبرپختونخوا بار کونسل کے انتخابات میں پشاور کی 7 نشستوں پر ووٹنگ کے غیر حتمی نتائج سامنے آگئے ہیں جن کے مطابق ملگری وکیلان گروپ نے سبقت حاصل کرتے ہوئے چار نشستیں اپنے نام کر لی ہیں، جب کہ انصاف لائرز فورم نے دو نشستیں جیتیں اور ایک نشست آزاد امیدوار کے حصے میں آئی۔

انتخابات میں وکلاء کی بڑی تعداد نے بھرپور شرکت کی اور پولنگ کا عمل پُرامن ماحول میں مکمل ہوا۔ غیر حتمی نتائج کے مطابق ملگری وکیلان کے امیدوار خضر حیات سب سے زیادہ 926 ووٹ لے کر کامیاب قرار پائے، جبکہ اسی گروپ کے فضل واحد نے 893، رفیق مہمند نے 861 اور بابر خان یوسفزئی نے 792 ووٹ حاصل کیے۔دوسری جانب انصاف لائرز فورم کی امیدوار صوفیہ نورین نے 880 ووٹ حاصل کر کے کامیابی اپنے نام کی، جب کہ علی زمان نے 875 ووٹ لے کر اپنی نشست جیت لی۔آزاد امیدوار محمد سعید نے بھی زبردست مقابلہ کرتے ہوئے 828 ووٹ حاصل کیے اور کامیاب قرار پائے۔

انتخابی نتائج کے بعد ملگری وکیلان کے رہنماؤں اور حامیوں نے اپنی کامیابی پر خوشی کا اظہار کیا اور کہا کہ یہ کامیابی وکلاء کے اعتماد کا مظہر ہے۔

پشاور کے علاقے میراکچھوڑی مہرگل کلے میں پولیس مقابلے کے دوران 4 ڈاکو ہلاک ہو گئے

پولیس کے مطابق ڈاکوؤں کی موجودگی کی اطلاع پر پولیس پہنچی تو ملزمان نے فائرنگ کر دی، جوابی فائرنگ سے گینگ کےچاروں ڈاکو ہلاک ہوگئے. ہلاک ملزمان 2003 سے پولیس کی وردی میں وارداتیں کرتے تھے، ڈاکوؤں نے ڈاکٹر کےگھر سےکروڑوں روپے اور زیورات بھی لوٹے تھے۔

ایس ایس پی آپریشنز پشاور مسعود احمد بنگش نے اس حوالے سے بتایا کہ ہلاک چاروں ڈاکووں کی شناخت ہوگئی ہے، 3 ڈاکوؤں کا تعلق افغانستان سے ہے،ہلاک ڈاکوپشاور، راولپنڈی، نوشہرہ اور دیگراضلاع کی پولیس کو انتہائی مطلوب تھے، ڈاکووں نےحالیہ دنوں میں دو بڑی وارداتیں کی تھیں، ڈاکوؤں سے کلاشنکوف، رائفل ، 2 پستول اور موٹر سائیکلیں برآمد ہوئیں۔

پشاور ، تھانہ فقیر آباد چوکی قاضی کلے چوکی کے حدود میں تہرے قتل کا افسوسناک واقعہ پیش آیا۔

ابتدائی تفصیلات کے مطابق نامعلوم ملزم یا ملزمان نے رات کے وقت تیز دھار آلے کے وار سے تین افراد کو قتل کیا، جن کی شناخت درج ذیل ہے عبدالرحمان ولد دلآور عمر تقریباً 30/31 سال، مسماۃ (ن) زوجہ دلآور عمر تقریباً 60 سال، مسماۃ (س) زوجہ عبدالرحمان عمر تقریباً 26/27 سال،واقعہ کی اطلاع ملتے ہی ایس پی فقیر آباد ڈویژن محمد ارشد خان، ڈی ایس پی فقیر آباد سرکل عمر آفریدی، ایس ایچ او تھانہ فقیر آباد بلال حسین ، تفتیشی افسر کامران مروت بمعہ تفتیشی ٹیم فوری طور پر موقع پر پہنچ کر نعشوں کو پوسٹ مارٹم کیلئے منتقل کیا گیا۔پولیس ٹیم نے جائے وقوعہ کامختلف پہلوؤں پر جائزہ لیا اور جامع تفتیش کا آغاز کر دیا ہے تاکہ واقعہ کے اصل حقائق سامنے لائے جا سکیں اور ملوث ملزم یا ملزمان کا سراغ لگا کر جلد از جلد گرفتار کیا جا سکے۔

پاک فوج کے زیرِ انتظام جامعہ پشاور کی طالبات کا پاک فوج کے ساتھ خصوصی دن مختص کیا گیا

ایونٹ کا مقصد طالبات کو پاک فوج کی پیشہ ورانہ صلاحیتوں اور ذمہ داریوں سےآگاہ کرنا تھا،طالبات نے یادگار شہدا پر پھولوں کی چادر چڑھائی، فاتحہ خوانی کی اور شہداء کو خراج عقیدت پیش کیا،کور کمانڈر پشاور نے خصوصی نشست میں طالبات کےمختلف سوالات کے تفصیلی جوابات دیے،پاک فوج کے جدید ہیلی کاپٹرز، جہازوں کے مواصلاتی آلات،ہتھیاروں کی نمائش اورکاؤنٹر ٹیررزم شو طالبات کی دلچسپی کا مرکز رہے،طالبات نے امید اسپیشل سکول کے بچوں سے ملاقات کے ساتھ ساتھ سی ایم ایچ پشاور میں زخمیوں کی عیادت بھی کی

طالبات نے اس موقع پراپنےخیالات کا اظہار کرتے ہوئے کہا:پاک فوج اور وطن عزیز کے لیے جان کا نذرانہ پیش کرنے والے شہدا ء ہمارا فخر ہیں.پاک فوج کے خلاف بے بنیاد پروپیگنڈاکیاجاتا ہے،افواج پاکستان ملکی دفاع کی مکمل صلاحیت رکھتی ہیں اسی لئےہماری فوج ہمارا افتخار ہے،