خیبر پختونخوا نگران صوبائی وزیر آبپاشی حاجی فضل الہٰی کا کمشنر مالاکنڈ ڈویژن شاہد اللہ سے ٹیلیفونک رابطہ کر کے سیلاب و بارشوں سے مالاکنڈ ڈویژن میں ہونے مالی و جانی نقصانات پر تبادلہ خیال کیا ہے، صوبائی وزیر آبپاشی حاجی فضل الہٰی نے مالاکنڈ ڈویژن میں بارشوں اور سیلاب سے ہونے جانی و مالی نقصانات پر افسوس کا اظہار کیا ہے، بارشوں اور سیلاب سے ہونے والے نقصانات کا ضلع کے لحاظ تفصیلی جائزہ لے کر جامع رپورٹ پیش کرنے کی ہدایت کی ہے ،۔صوبائی وزیر آبپاشی نے عزم ظاہر کیا ہے کہ نگران صوبائی حکومت متاثرین کی ہر ممکن امداد کریں گی۔ متاثرین کو ہر گز تنہا نہیں چھوڑ جائے گا۔ نقصانات کا ازالہ کیا جائے گا۔
مشکل کی اس گھڑی میں متاثرہ عوام کے ساتھ ہیں۔ حاجی فضل الہٰی نے کمشنر مالاکنڈ ڈویژن نے صوبائی وزیر آبپاشی کو مالاکنڈ ڈویژن کے اضلاع سوات ، اپر و لوئر چترال میں بارشوں اور سیلاب سے ہونے والے جانی و مالی نقصانات سے آگاہ کیا۔

بھارت اور چین سے سوشل میڈیا پر دوستی اور محبت کے بعد ساؤتھ امریکا کے ملک چلی سے پاکستان کے شہر چارسدہ آنے والی خاتون نے اسلام قبول کرکے پاکستانی نوجوان سے شادی کرلی۔

باغی ٹی وی: 36 سالہ نیکولی آنار اگلسالوس اسپینش نزاد امریکن نیشنلٹی ہولڈر ہیں، مذکورہ خاتون کا تعلق چلی سے ہے اور ان کی شہریت امریکی ہے، خاتون ایپل کمپنی میں مینیجر کے عہدے پر ہیں نے نے اسلام قبول کرنے کے بعد چارسدہ کے رہائشی اکرام اللہ سے شادی کرلی ہے قبول اسلام کے بعد نیکولی کا نیا نام نورین رکھا گیا ہے، جبکہ 27 سالہ اکرام اللہ عمر میں اپنی اہلیہ سے 9 سال چھوٹے ہیں-

بھارت کے بعد چینی لڑکی شادی کیلئے لوئر دیر پہنچ گئی

اکرام اللہ نے کہا ہماری دوستی سوشل میڈیا پر رابطے کے دوران ہوئی تھی، میں ٹک ٹاک بنا کر سوشل میڈیا پر اپلوڈ کرتا تھا، نورین اسپینش زبان بولتی ہے اور مجھے اپنے ساتھ امریکا لے کرجانا چاہتی ہے نورین کہتی ہےکہ اگر تم ساتھ نہیں جاؤگے تو میں یہاں رکتی ہوں ہم دونوں کو ایک دوسرے کی زبان سمجھ نہیں آتی، ہم گوگل ٹرانسلیٹ سے ایک دوسرے سے بات چیت کرتے ہیں نورین دو ماہ کے ویزہ پر پاکستان کے شہر چارسدہ میں اپنے سسرال میں مقیم ہیں، جس کےبعد وہ اکرام اللہ خان کو اپنےساتھ امریکا لے جانا چاہتی ہیں نورین اسلام قبول کرنے اور اکرام اللہ خان کے ساتھ شادی کے بعد اب باقاعدہ پشتو ثقافت کے مطابق برقہ پہنتی ہیں۔

سیما کو گرفتاری کے بعد ضمانت مل گئی 

ضمانت ملی تو ملک کے بعد مذہب بھی بدل لیا،

سیما کو واپس نہ بھیجا تو ممبئی طرز کے حملے ہونگے،کال کے بعد ہائی الرٹ

 سیما حیدر کے بھارت میں گرفتاری کے ایک بار امکانات

پب جی پارٹنر ، سیما اور سچن ایک بار پھر جدا ہوا گئے

جسم فروش خواتین اسی طریقے سے نیپال سرحد عبور کر کے بھارت آتی ہیں،

بھارتی لڑکی کا پاکستان میں نکاح، حق مہر کتنا رکھا گیا؟

ضلع خیبر مسجد میں ہوئے خودکش دھماکے سے متعلق تحقیقاتی کمیٹی کی تحقیقات جاری ہیں۔تحقیقاتی ٹیم کے مطابق خودکش حملہ آور کے سہولت کار کو موقع سے گرفتار کیا گیا۔ خودکش حملہ آور کے سہولت کار کے موبائل سے کال ڈیٹا حاصل کرلیا گیا۔ پولیس حکام کے مطابق خودکش حملہ آور کا تعلق افغانستان سے تھا اور اس کا ٹارگٹ اسٹیشن ہاؤس آفیسر (ایس ایچ او) کی گاڑی تھی۔پولیس حکام کا کہنا ہے کہ خودکش حملہ آور 20 جولائی کو پاکستان میں داخل ہوا تھا۔واضح رہے کہ گزشتہ روز خیبر پختونخوا کے ضلع خیبر کے تھانہ علی مسجد کی حدود میں دھماکا ہوا تھا جس کے نتیجے میں ایڈیشنل ایس ایچ او شہید ہوگئے۔ دوسری جانب سیکورٹی فورسیز کی جانب سے گھر گھر تلاشی کے دوران ایک خودکش جیکٹ بھی برآمد ہوئی ہے، جس کو بی ڈی ٰیو اہلکاروں نے ناکارہ بنا دیا، سی سی پی او پشاور کے مطابق مشکوک افراد کی اطلاع پر ایڈیشنل ایس ایچ او نے گزشتہ روز چند افراد کو تلاشی کے لیے آواز دی، تلاشی دینے کے بجائے خودکش حملہ آور مسجد کی جانب بھاگا۔انہوں نے بتایا کہ ایڈیشنل ایس ایچ او خودکش حملہ آور کے پیچھے بھاگا تو اس نے خود کو دھماکے سے اڑادیا۔

بی آر ٹی پشاور کی بس سروس 9 اور 10 محرم الحرام کو بند رہےگی۔ ترجمان ٹرانس پشاور کے مطابق تمام روٹس بشمول فیڈر روٹس پر بی آر ٹی کی سروس معطل رہے گی ،ترجمان ترانس کے مطابق بی آر ٹی بند کرنے کا فیصلہ سیکورٹی خدشات کے پیش نظر کیا ہے،اس طرح زو بائیسکل شیئرنگ سسٹم کی سروس بھی 9 محرم الحرام کو معطل رہے گی جبکہ بائیسکل سروس 10 محرم الحرام کو فعال رہے گی۔واضح رہے کہ پشاور شہر میں محرم الحرام کے موقع پر ہر ممکن سیکورٹی فراہم کرنے کی کوشش جاری ہے،اور شہر میں تمام امام بارگاہوں پر اضافی سیکیورٹی مامور جبکہ جلوسوں کو مکمل نگرانی میں انجام دیا جا رہا ہے،شہر میں پولیس اور سیکورٹی ادارے کسی بھی ناخوشگوار واقع سے نمٹنے کے لئے بھر پور تیار ہے،

گورنر خیبر پختونخوا نے پشاور شہر کا دورہ کرکے محرم الحرام کے حوالے سے کئے گئے تمام انتظامات کا جائزہ لیا،اس دوران میڈیا سے گفتگو کرتے ہوئے کہا آج فرض سمجھا کہ پورے شہر کا دورہ کروں تمام شہری پولیس کے انتظامات سے خوش اور مطمئن ہیں،غلام علی نے کہا شہر کا امن قائم رکھنا ہم سب کی زمہ داری ہے،محرم الحرام میں ہر قسم کے تنازعات کا خاتمہ ضروری ہے،گورنر خیبرپختونخوا غلام علی نے مزید کہا کہ اس وقت ملک دہشتگردی کے الیمنٹس کا سامنا کررہا ہے ،
لہذا کوشش ہے کہ تمام مکاتب فکر کے لوگ اختلافی بیانات سے پرہیز کریں،انہوں نے مزید کہا کہ اللہ کرے محرم کا مہینے پر امن گزرے،ایک سوال کے جواب میں کہا کہ غلط فہمیوں سے ہمسایہ ممالک کے ساتھ تعلقات خراب نہیں کرسکتے،گورنر خیبرپختونخوا نے اس بات پر زور دیا کہ اللہ نا کریں کہ ہمسایہ ممالک کے ساتھ تعلقات خراب ہو،غلام علی نے کہا کہ دہشتگرد کہاں سے آئے؟ اس پر کچھ بھی کہنا قبل از وقت ہوگا،گورنر کے پی کے کہا کہ پولیس کی قربانیوں کو خراج تحسین پیش کرتا ہوں،کل بھی جمرود میں ایک پولیس جوان نے جان کی قربانی دی،جس کو ہم خراج تحسین پیش کرتے ہے،دہشتگردی کے واقعات کو روکنے کے لئے شہری بھی اپنے ارد گرد نظر رکھیں،اور کسی بھی مشکوک واقع کی اطلاع فوری طور پر پولیس اور سیکیورٹی اداروں کو دے،

محکمہ صحت خیبر پختونخوا نے کل سے عاشورہ تک تمام اسپتالوں کے عملے کی چھٹیاں منسوخ کردیں۔مشیر صحت خیبر پختونخوا ڈاکٹر ریاض انور نے عاشورہ محرم کے دوران اسپتالوں میں عملے کی چھٹیوں کے حوالے سے خصوصی ہدایات جاری کیں۔انہوں نے کہا کہ کل سے عاشورہ تک تمام اسپتالوں کے عملہ کی چھٹیاں منسوخ کر دی ہیں، یہ فیصلہ محرم الحرام میں سیکیورٹی کے بڑھتے واقعات کے مطابق کیا گیا ہے۔مشیر صحت نے مزید کہا کہ عزاداروں کو بروقت طبی امداد کی فراہمی یقینی بنائی جائے اور طبی عملہ اپنی حاضری کو یقینی بنائے، بصورت دیگر کوتاہی پر قانونی کارروائی ہوگی۔
ڈاکٹر ریاض انور نے یہ بھی کہا کہ اسپتالوں کے سربراہان اسٹاک میں ادویات کی وافر مقدار میں فراہمی یقینی بنائیں، عاشورہ پر تمام اسپتالوں کے انتظامات کی مانیٹرنگ خود کروں گا، دوسری جانب ایل آر ایچ انتظامیہ نے محرم الحرام کے حوالے سے ایمرجنسی مینیجمنٹ پلان جاری کر دیا ہے۔
ہسپتال ترجمان محمد عاصم کے مطابق میڈیکل ڈائریکٹر ڈاکٹر حامد شہزاد کی سربراہی میں محرم الحرام سے متعلق انتظامات کو حتمی شکل دے دی گئی ہے جبکہ ایمرجنسی میں عزاداروں کو بروقت علاج کی فراہمی کے لئےمختلف زونز قائم کر دئے گئے ہیں اور ایمرجنسی میں تقریباً 200 کیٹس بھی تیار کر دیئے گئے ہیں،
نویں اور دسویں محرم الحرام کو ڈاکٹرز، پیرامیڈیکل سٹاف اور نرسز کی ڈیوٹیاں لگا دی گئ ہے تاکہ عذاداروں کو بر وقت طبی امداد مہیا کی جا سکے اس کے علاوہ سیکیورٹی خدشات کے پیش نظر سیکیورٹی کو بھی چوکس کر دیا گیا ہے۔
ترجمان ایل آر ایچ نے بتایا کہ عذاداروں کے بر وقت علاج کے لیے ایل آر ایچ ایمرجنسی کو ہر قسم کی ادویات کی وافر مقدار فراہم کی گئ ہے تاکہ کسی بھی ہنگامی صورت حال سے بغیر کسی رکاوٹ کے نمٹایا جا سکے جبکہ بلڈ بینک اور دیگر متعلقہ ڈیپارٹمنٹس کو بھی تیار رہنے کو کہا گیا ہے۔
ترجمان نے مزید کہا کہ ہمیشہ کی طرح اس بار بھی عزاداروں کو کسی مشکل کا سامنا نہیں کرنا پڑے گا اور سب کو بروقت طبی امداد فراہم کی جائے گی، انہوں نے مزید کہا کہ حالات کے پیش نظر ڈین، ہسپتال ڈائریکٹر، میڈیکل ڈائریکٹر نے متعلقہ ڈیپارٹمنٹس کو ہر قسم کی سپورٹ مہیا کی ہے۔

پشاور شہر میں ساتویں محرم الحرام کے حوالے سے جلوسوں کی نگرانی اور سکیورٹی صورتحال کا جائزہ لینے کی خاطر ایس ایس پی آپریشن ہارون الرشید خان نے اندرون شہر امام بارگاہوں، حساس مقامات اور مختلف روٹس کا دورہ کیا ہے، ساتویں محرم الحرام کے ماتمی جلوسوں کے پرامن انعقاد کیلئے پشاور شہر کو فول پروف سکیورٹی فراہم کرنے سمیت سکیورٹی مزید سخت کردی گئی ہے، ایس ایس پی اپریشنز کے مطابق ضلع بھر میں داخلی وخارجی راستوں کی سخت نگرانی کرنے سمیت محرم الحرام کیلئے تیرا ہزار پانچ سو پولیس افسران واہلکار تعینات ہیں، اسکے علاوہ پشاور اندرون شہر کے تمام داخلی راستوں کو سیل کرکے خار دار تاریں، رکاوٹیں اور قنات لگا کر بند کردیا گیا ہے،ہارون الرشید کے مطابق ماتمی جلوسوں کی تمام روٹس کی بی ڈی یو اور سنیفر ڈاگ کے زریعے بار بار سویپنگ کی جارہی ہے،
ماتمی جلوس کے فرنٹ اور رئیر پر خصوصی دستے لگانے کیساتھ ساتھ سکیورٹی مزید فل پروف بنانے کیلئے سفید لباس میں بھی پولیس اہلکار ڈیوٹی کے فرائض سرانجام دیں رہے ہے،ایس ایس پی آپریشنز ہارون الرشید خان نے مزید کہا کہ ماتمی جلوسوں کے اطراف میں جیمرز ٹیم کیساتھ ساتھ سرویلینس سسٹم کیمرہ موبائل بھی موجود
اور ساتویں محرم الحرام کے ماتمی جلوسوں کی جدید سی سی ٹی وی کیمروں کے ذریعے مانیٹرنگ کی جا رہی ہے اسکے علاوہ عزاداروں کو تھری لئیر سکیورٹی حصار سے گزار کر جلوسوں اور مجالس میں شامل کیا جارہا ہے،
ایس ایس پی آپریشنز کے مطابق پشاور شہر کی سکیورٹی بہتر بنانے اور امن وامان کی صورتحال برقرار رکھنے کیلئے ہمہ وقت چیکنگ اور مانیٹرنگ کا سلسلہ جاری ہے،

پشاور ہائیکورٹ میں سابق وفاقی وزیر شہریار آفریدی کی مقدمات کی تفصیلات فراہم کرنے کے لئے دائر درخواست پر سماعت ہوئی، سماعت جسٹس وقار احمد اور جسٹس فہیم ولی پر مشتمل دو رکنی بنچ نے کی،سماعت کے شروع ہی اے اے جی بیرسٹر یاسین رضا نے بتایا کہ محرم الحرام سیکیورٹی کی وجہ سےڈپٹی کمشنر کوہاٹ آج پیش نہیں ہوئے۔لہذا اے ڈی سی کوہاٹ پیش ہوئے ہیں,کیس کی تفصیلات فراہم کئے ہیں۔ اے اے جی بیرسٹر یاسین رضا نے مزید کہا کہ
شہریار آفریدی کے خلاف کوئی ایف آئی آر نہیں ہے،اسکے بعد وکیل درخواست گزار ارشد علی ایڈوکیٹ نے اپنے اپنے موکل کی طرف سے دلائل پیش کرتے ہوئے کہا کہ شہریار آفریدی کے خلاف ایف آئی آر نہیں ہے لیکن ان کے خلاف انٹی کرپشن کے کیس بنائے ہیں۔ وکیل نے مزید کہا کہ میرے موکل ایک کیس میں رہا ہوجاتے ہیں تو یہ اسی دن نئے کیسز بناتے ہیں۔ جس پر جسٹس وقار احمد نے ریمارکس دیتے ہوئے کہا کہ ہم انٹی کرپشن کو نوٹس جاری کرتے ہیں ان سے جواب طلب کرتے ہیں۔اگر شہریار آفریدی کے خلاف انٹی کرپشن کی کوئی انکوائری ہے تو تفصیل فراہم کریں۔ عدالت نے انٹی کرپشن حکام کو نوٹس جاری کرتے ہوئے 3 اگست تک جواب طلب کرلیا،