Category: پشاور

محکمہ صحت خیبر پختونخوا نے کل سے عاشورہ تک تمام اسپتالوں کے عملے کی چھٹیاں منسوخ کردیں۔مشیر صحت خیبر پختونخوا ڈاکٹر ریاض انور نے عاشورہ محرم کے دوران اسپتالوں میں عملے کی چھٹیوں کے حوالے سے خصوصی ہدایات جاری کیں۔انہوں نے کہا کہ کل سے عاشورہ تک تمام اسپتالوں کے عملہ کی چھٹیاں منسوخ کر دی ہیں، یہ فیصلہ محرم الحرام میں سیکیورٹی کے بڑھتے واقعات کے مطابق کیا گیا ہے۔مشیر صحت نے مزید کہا کہ عزاداروں کو بروقت طبی امداد کی فراہمی یقینی بنائی جائے اور طبی عملہ اپنی حاضری کو یقینی بنائے، بصورت دیگر کوتاہی پر قانونی کارروائی ہوگی۔
ڈاکٹر ریاض انور نے یہ بھی کہا کہ اسپتالوں کے سربراہان اسٹاک میں ادویات کی وافر مقدار میں فراہمی یقینی بنائیں، عاشورہ پر تمام اسپتالوں کے انتظامات کی مانیٹرنگ خود کروں گا، دوسری جانب ایل آر ایچ انتظامیہ نے محرم الحرام کے حوالے سے ایمرجنسی مینیجمنٹ پلان جاری کر دیا ہے۔
ہسپتال ترجمان محمد عاصم کے مطابق میڈیکل ڈائریکٹر ڈاکٹر حامد شہزاد کی سربراہی میں محرم الحرام سے متعلق انتظامات کو حتمی شکل دے دی گئی ہے جبکہ ایمرجنسی میں عزاداروں کو بروقت علاج کی فراہمی کے لئےمختلف زونز قائم کر دئے گئے ہیں اور ایمرجنسی میں تقریباً 200 کیٹس بھی تیار کر دیئے گئے ہیں،
نویں اور دسویں محرم الحرام کو ڈاکٹرز، پیرامیڈیکل سٹاف اور نرسز کی ڈیوٹیاں لگا دی گئ ہے تاکہ عذاداروں کو بر وقت طبی امداد مہیا کی جا سکے اس کے علاوہ سیکیورٹی خدشات کے پیش نظر سیکیورٹی کو بھی چوکس کر دیا گیا ہے۔
ترجمان ایل آر ایچ نے بتایا کہ عذاداروں کے بر وقت علاج کے لیے ایل آر ایچ ایمرجنسی کو ہر قسم کی ادویات کی وافر مقدار فراہم کی گئ ہے تاکہ کسی بھی ہنگامی صورت حال سے بغیر کسی رکاوٹ کے نمٹایا جا سکے جبکہ بلڈ بینک اور دیگر متعلقہ ڈیپارٹمنٹس کو بھی تیار رہنے کو کہا گیا ہے۔
ترجمان نے مزید کہا کہ ہمیشہ کی طرح اس بار بھی عزاداروں کو کسی مشکل کا سامنا نہیں کرنا پڑے گا اور سب کو بروقت طبی امداد فراہم کی جائے گی، انہوں نے مزید کہا کہ حالات کے پیش نظر ڈین، ہسپتال ڈائریکٹر، میڈیکل ڈائریکٹر نے متعلقہ ڈیپارٹمنٹس کو ہر قسم کی سپورٹ مہیا کی ہے۔

پشاور شہر میں ساتویں محرم الحرام کے حوالے سے جلوسوں کی نگرانی اور سکیورٹی صورتحال کا جائزہ لینے کی خاطر ایس ایس پی آپریشن ہارون الرشید خان نے اندرون شہر امام بارگاہوں، حساس مقامات اور مختلف روٹس کا دورہ کیا ہے، ساتویں محرم الحرام کے ماتمی جلوسوں کے پرامن انعقاد کیلئے پشاور شہر کو فول پروف سکیورٹی فراہم کرنے سمیت سکیورٹی مزید سخت کردی گئی ہے، ایس ایس پی اپریشنز کے مطابق ضلع بھر میں داخلی وخارجی راستوں کی سخت نگرانی کرنے سمیت محرم الحرام کیلئے تیرا ہزار پانچ سو پولیس افسران واہلکار تعینات ہیں، اسکے علاوہ پشاور اندرون شہر کے تمام داخلی راستوں کو سیل کرکے خار دار تاریں، رکاوٹیں اور قنات لگا کر بند کردیا گیا ہے،ہارون الرشید کے مطابق ماتمی جلوسوں کی تمام روٹس کی بی ڈی یو اور سنیفر ڈاگ کے زریعے بار بار سویپنگ کی جارہی ہے،
ماتمی جلوس کے فرنٹ اور رئیر پر خصوصی دستے لگانے کیساتھ ساتھ سکیورٹی مزید فل پروف بنانے کیلئے سفید لباس میں بھی پولیس اہلکار ڈیوٹی کے فرائض سرانجام دیں رہے ہے،ایس ایس پی آپریشنز ہارون الرشید خان نے مزید کہا کہ ماتمی جلوسوں کے اطراف میں جیمرز ٹیم کیساتھ ساتھ سرویلینس سسٹم کیمرہ موبائل بھی موجود
اور ساتویں محرم الحرام کے ماتمی جلوسوں کی جدید سی سی ٹی وی کیمروں کے ذریعے مانیٹرنگ کی جا رہی ہے اسکے علاوہ عزاداروں کو تھری لئیر سکیورٹی حصار سے گزار کر جلوسوں اور مجالس میں شامل کیا جارہا ہے،
ایس ایس پی آپریشنز کے مطابق پشاور شہر کی سکیورٹی بہتر بنانے اور امن وامان کی صورتحال برقرار رکھنے کیلئے ہمہ وقت چیکنگ اور مانیٹرنگ کا سلسلہ جاری ہے،

پشاور ہائیکورٹ میں سابق وفاقی وزیر شہریار آفریدی کی مقدمات کی تفصیلات فراہم کرنے کے لئے دائر درخواست پر سماعت ہوئی، سماعت جسٹس وقار احمد اور جسٹس فہیم ولی پر مشتمل دو رکنی بنچ نے کی،سماعت کے شروع ہی اے اے جی بیرسٹر یاسین رضا نے بتایا کہ محرم الحرام سیکیورٹی کی وجہ سےڈپٹی کمشنر کوہاٹ آج پیش نہیں ہوئے۔لہذا اے ڈی سی کوہاٹ پیش ہوئے ہیں,کیس کی تفصیلات فراہم کئے ہیں۔ اے اے جی بیرسٹر یاسین رضا نے مزید کہا کہ
شہریار آفریدی کے خلاف کوئی ایف آئی آر نہیں ہے،اسکے بعد وکیل درخواست گزار ارشد علی ایڈوکیٹ نے اپنے اپنے موکل کی طرف سے دلائل پیش کرتے ہوئے کہا کہ شہریار آفریدی کے خلاف ایف آئی آر نہیں ہے لیکن ان کے خلاف انٹی کرپشن کے کیس بنائے ہیں۔ وکیل نے مزید کہا کہ میرے موکل ایک کیس میں رہا ہوجاتے ہیں تو یہ اسی دن نئے کیسز بناتے ہیں۔ جس پر جسٹس وقار احمد نے ریمارکس دیتے ہوئے کہا کہ ہم انٹی کرپشن کو نوٹس جاری کرتے ہیں ان سے جواب طلب کرتے ہیں۔اگر شہریار آفریدی کے خلاف انٹی کرپشن کی کوئی انکوائری ہے تو تفصیل فراہم کریں۔ عدالت نے انٹی کرپشن حکام کو نوٹس جاری کرتے ہوئے 3 اگست تک جواب طلب کرلیا،

پشاور ہائیکورٹ میں سابق وفاقی وزیر مملکت علی محمد خان کی درخواست ضمانت پر سماعت ہوئی، سماعت جسٹس اعجاز انور اور جسٹس فضل سبحان پر مشتمل دو رکنی بنچ نے کی،سماعت کے دوران وکیل درخواست گزار علی زمان ایڈوکیٹ نے عدالت سے استدعا کی کہ علی محمد خان کو کل پھر گرفتار کیا گیا۔ 76 دن ہوگئےضمانت ہوجاتی ہے تو کبھی ایک کیس کبھی دوسرے میں گرفتار کرتے ہیں۔ علی زمان ایڈوکیٹ نے کہا کہ حکومت نے کہا تھا کہ ان کے خلاف صرف ایک کیس ہے۔ لیکن بار بار گرفتاری کر کے علی محمد خان کو سیاسی انتقام کا نشانہ بنایا جا رہا ہے ،اس جسٹس اعجاز انور نے کہا کہ یہ تو میں نے کہا تھا کہ علی محمد خان کے خلاف کوئی نہ کوئی کیس نکل آئے گا۔جسٹس اعجاز انور نے علی محمد خان کو مخاطب کرتے ہوئے کہا کہ یہ آپ کا نبض چیک کرتے ہیں کہ آپ کتنا برداشت کرتے ہیں۔ عدالت نے
حکومت کو نوٹس جاری کرتے ہوئے کیس کو کل تک کے لئے ملتوی کر دیا،واضح رہے کہ علی محمد خان گزشتہ روز آٹھویں مرتبہ گرفتار ہوئےہے،

نویں اور دسویں محرم الحرام کو خیبر پختونخوا کے14 اضلاع میں سیکیورٹی کے پیش نظر موبائل سروس بند رہیگی۔ ملک کے دیگر صوبوں کی طرح خیبر پختونخوا میں بھی نویں اور دسویں محرم الحرام کو کئی اضلاع میں موبائل سروس بند کرنے کا فیصلہ کیا گیا ہے۔ محکمہ داخلہ خیبر پختونخوا نے 14 اضلاع میں سروس بند کرنے کے لئے متعلقہ اداروں کو اگاہ کردیا ہے۔ محکمہ داخلہ خیبر پختوںخوا کے مطابق نو محرم کو پشاور صدر ، اندرون شہر، پشتخرہ، نوتھیہ، حسن گھڑی، تہکال اور پچگی روڈ پر صبح آٹھ بجے سے رات نو بجے تک موبائل سگنلز بند ہونگے۔ دس محرم کو اندرون شہر پشاور اور وڈپگہ میں صبحے آٹھ سے رات بارہ بجے تک موبائل سروس معطل رہے گی۔ اسطرح مردان شہر میں دس محرم کو صبح آٹھ سے رات دس بجے تک موبائل سروس بند رہیگی۔ نوشہرہ کینٹ میں نویں اور دسویں محرم الحرام کو سگنلز بند رہیں گے۔

سوشل میڈیا پر دوستی، پھر پیار اور پھر شادی، چینی لڑکی بھی پاکستانی لڑکے کو دل دے بیٹھی اور شادی کے لئے پاکستان پہنچ گئی

چینی لڑکی پاکستانی نوجوان سے شادی کے لئے خیبر پختونخوا کے علاقے لوئر دیر پہنچ گئی، پولیس حکام کے مطابق لڑکی اور لڑکا تین برسوں سے آپس میں رابطے میں تھے، دوستی ہوئی جو پیار میں بدل گئی،باجوڑ کے جاوید کے ہاں چینی لڑکی پہنچی اور وہ اس سے شادی کرنا چاہتی ہے،پولیس حکام کے مطابق لڑکی تین ماہ کے وزٹ ویزے پر پاکستان آئی ہے، سنیپ چیٹ کی وجہ سے دونوں‌ کی دوستی ہوئی،

پولیس حکام کے مطابق جاوید ثمر باغ میں اپنے ماموں عزت اللہ کے گھر ٹھیرا ہوا ہے، چینی لڑکی تین دن پہلے اسلام آباد پہنچی جہان سے جاوید اسے لے کر ثمر باغ آیا، چینی لڑکی کو مکمل سیکورٹی فراہم کی گئی ہے

واضح رہے کہ اس سے قبل بھارتی لڑکی انجو پاکستان آئی تھی جس نے اپنا نام بدل کر فاطمہ رکھ لیا اور شادی کر لی،جس کے بعد فاطمہ کے والد نے ردعمل دیتے ہوئے کہا کہ ہماری بیٹی آج سے ہمارے لئے مر گئی

سیما کو گرفتاری کے بعد ضمانت مل گئی 

ضمانت ملی تو ملک کے بعد مذہب بھی بدل لیا،

سیما کو واپس نہ بھیجا تو ممبئی طرز کے حملے ہونگے،کال کے بعد ہائی الرٹ

 سیما حیدر کے بھارت میں گرفتاری کے ایک بار امکانات

پب جی پارٹنر ، سیما اور سچن ایک بار پھر جدا ہوا گئے

جسم فروش خواتین اسی طریقے سے نیپال سرحد عبور کر کے بھارت آتی ہیں،

بھارتی لڑکی کا پاکستان میں نکاح، حق مہر کتنا رکھا گیا؟

باغی ٹی وی کی رپورٹ کے مطابق بھارت کی انجو پاکستان میں آ کر فاطمہ بن گئی اور شادی کر لی، جس کے بعد فاطمہ کے والد نے ردعمل دیتے ہوئے کہا کہ ہماری بیٹی آج سے ہمارے لئے مر گئی

انجو 22 جولائی کو واہگہ سے پاکستان آئی تھی اور دیر کے علاقے میں نصراللہ سے جا کر ملی، دونوں کی دوستی فیس بک پر ہوئی تھی، انجو نے کل اسلام قبول کیا، فاطمہ نام رکھا اور نصراللہ سے شادی کر لی، بھارتی میڈیا کو دیئے گئے ایک انٹرویو میں انجو (فاطمہ) کے والد گایا پرساد تھامس کا کہنا تھا کہ جس طرح سے وہ اپنے دو بچوں اور شوہر کو پیچھے چھوڑ کر بھاگی ہے اس نے تو اپنے بچوں تک کا نہیں سوچا اگر انجو کو یہی کرنا تھا تو پہلے اپنے شوہر سے طلاق لیتی اب وہ ہمارے لیے مر گئی بھارتی حکومت سے بیٹی کو واپس لانے کی اپیل بھی نہیں کریں گے اس کے بچوں کا کیا ہو گا،شوہر کا کیا ہو گا؟ اس کی 13 برس کی بیٹی اور پانچ برس کے بیٹے کا کیا ہو گا؟ اس نے اپنے بچوں کا اور شوہر کا مستقبل برباد کر دیا۔

بھارتی لڑکی کا پاکستان میں نکاح، حق مہر کتنا رکھا گیا؟
بھارت سے آنیوالی سابق انجو اور نو مسلم فاطمہ کا حق مہردس تولے سونا طے کیا گیا ہے، نکاح نامہ باغی ٹی وی کو موصول ہوا ہے، نکاح نامے میں دلہن کا نام فاطمہ اور نو مسلم لکھا گیا ہے ،شادی کے گواہ فرید اللہ خان اور محمد رحیم ہیں،قاری شمروز خان نے فاطمہ اور نصراللہ کا نکاح پڑھایا،

پاکستان کے شمالی علاقے دیر بالا کے رہائشی نصراللہ کی محبت میں پاکستان پہنچنے والی انجو نے امرتسر شہر میں بھارتی سرحد عبور کی۔ نصراللہ سے 2019 فیس بک پر دوستی کے بعد پاکستان آنے والی انجو اپنے شوہر کو بتا کرآئی تھی کہ وہ جے پور جارہی ہے۔

سیما کو گرفتاری کے بعد ضمانت مل گئی 

ضمانت ملی تو ملک کے بعد مذہب بھی بدل لیا،

سیما کو واپس نہ بھیجا تو ممبئی طرز کے حملے ہونگے،کال کے بعد ہائی الرٹ

 سیما حیدر کے بھارت میں گرفتاری کے ایک بار امکانات

پب جی پارٹنر ، سیما اور سچن ایک بار پھر جدا ہوا گئے

جسم فروش خواتین اسی طریقے سے نیپال سرحد عبور کر کے بھارت آتی ہیں،

گورنر خیبرپختونخوا غلام علی نے نگران وزیر شاہد خٹک کے استعفے کی سمری پر دستخط کر کے استعفی منطور کر لیا، محکمہ ایڈمنسٹریشن کی سمری کے مطابق نگران وزیراعلیٰ نے گورنر کو نگران وزیر شاہد خٹک کا استعفیٰ منظور کرنے کی سمری بھیجی تھی جس کے پیش نظر گورنر خیبرپختونخوا غلام علی نے نگران وزیر شاہد خٹک کے استعفی کی سمری پر دستخط کردیے۔ محکمہ ایڈمنسٹریشن کی سمری میں بتایا گیا ہے کہ نگران وزیراعلیٰ اعظم خان نے الیکشن کمیشن کے حکم پر نگران وزیر شاہد خٹک کو کابینہ سے نہیں ہٹایا۔سیاسی جلسےمیں شرکت پر الیکشن کمیشن نے وزیراعلیٰ کو 22 جولائی کو متعلقہ وزیر کو ہٹانے کا حکم دیا تھا۔نگراں وزیراعلیٰ اعظم خان نے شاہد خٹک کو کابینہ سے ہٹانے کی دو سمریاں گورنر کو بھیجی تھیں، ایک سمری الیکشن کمیشن کے حکم کے مطابق کابینہ سے ہٹانے کے حوالے سے تھی، دوسری سمری شاہد خٹک کے استعفی کو قبول کرنے سے متعلق تھی۔ گورنر نے وزیراعلیٰ کو ایک سمری بھیجنے کی درخواست کی ہے، وزیراعلیٰ نے الیکشن کمیشن کی سمری کی بجائے استعفے منظور کرنے کی سمری بھیج دی تھی،

خیبر پختونخوا میں طوفانی بارش اور سیلاب کی وجہ سےجاں حق افراد کے لواحقین کو حکومت کی جانب سے 10 لاکھ روپے دیے جائیں گے۔خیبرپختونخوا میں گزشتہ 4 دنوں میں تیز بارشوں اور لینڈسلائیڈنگ سے حادثات کے نتیجے میں 15 افراد جاں حق اور 14 زخمی ہوئے پرووینشل ڈیزاسٹر منیجمنٹ اتھارٹی (پی ڈی ایم اے ) کی رپورٹ کے مطابق صوبہ بھر میں سیلاب اور بارشوں سے83 گھروں کو جزوی جبکہ 12 گھروں کو مکمل نقصان پہنچا۔
سیکرٹری ریلیف عبدالباسط نے متاثرین کو پالیسی کے مطابق ریلیف کمپنسیشن فوری طور پر ادا کرنے کی ہدایت کردی۔ترجمان پی ڈی ایم اے کے مطابق قدرتی آفات میں 2 یا 2 سے زیادہ کمروں پر مشتمل تباہ شدہ گھر کو 2 لاکھ روپے دیے جائیں گےجبکہ ایک کمرے والے تباہ شدہ گھر کو ایک لاکھ روپے دیے جائیں گے۔
انہوں نے کہا کہ جس گھر کا صرف ایک کمرہ تباہ ہوا ان کو 80 ہزار روپے دیے جائیں گے جبکہ قدرتی حادثات میں اگر کسی گھر کی چار دیواری گری ہو تو ان کو 50 ہزار روپے دیے جائیں گے۔