Category: پشاور

خیبر پختونخوا میں سینی ٹیشن کمپنیاں مالی بحران کی زد میں آگئیں،،ملازمین کی جانب سے ہڑتال کاامکان-

باغی ٹی وی : ذرائع محکمہ بلدیات خیبر پختونخوا کے مطابق پشاور،بنوں،کوہاٹ،مردان، ایبٹ آباد میں سینی ٹیشن ملازمین کی تنخواہ ادائیگی کے پیسے نہیں ہیں ،گرانٹ جاری نہ ہوئی تو میونسپل ملازمین ہڑتال پر جاسکتے ہیں-

ذرائع محکمہ بلدیاخیبر پختونخوا کے مطابق سینی ٹیشن کمپنیوں کو سالانہ 4 ارب کی گرانٹ دی جاتی ہے ،ملازمین کی جانب سے کچرا اٹھانے کا بائیکاٹ کیا جاسکتا ہے-

ذرائع محکمہ بلدیات خیبر پختونخوا کے مطابق بنوں سینی ٹیشن کمپنی نے ملازمین کی 3 ماہ سے تنخواہ نہیں دی-

دوسری جانب صدر کسان بورڈ پشاور کا کہنا ہے کہ سیلاب سے متاثرہ کسانوں کو ایک ایکڑ اراضی پر ایک لاکھ امداد دی جائے محکمہ زراعت توسیع پروگرام کی جانب سے کسانوں کو گندم فراہمی شروع نہیں کی گئی-

بھارتی کرکٹ بورڈ نے غلطی مان لی؟

صدر کسان بورڈ رضوان اللہ کا کہنا ہے کہ بارانی علاقوں میں 15اور نہری میں 25 اکتوبر سے گندم کی بوائی شروع ہوتی ہے، حکومت خیبرپختونخوا نے کاشتکاروں سے مانگ طلب نہیں کی،بیج نہ ملنے پر خیبر پختونخوا میں گندم کی بوائی تاخیر کا شکار ،فصل متاثر ہونے کا خدشہ ہے-

ٹی ٹوئنٹی ورلڈکپ:پاکستان کرکٹ ٹیم برسبین سے میلبرن روانہ

بنوں:سیکیورٹی فورسز نے دہشت گردوں کی موجودگی کی اطلاع پر بنوں کے علاقے جانی خیل میں انٹیلی جنس کی بنیاد پر آپریشن کیا۔

شدید فائرنگ کے تبادلے میں 1 دہشت گرد مارا گیا۔ ہلاک دہشت گرد سے اسلحہ اور گولہ بارود بھی برآمد ہوا ہے۔ہلاک دہشت گرد سیکورٹی فورسز کے خلاف دہشت گردی کی کارروائیوں میں سرگرم رہا۔

یاد رہے کہ چند د قبل متنی میں سیکیورٹی فورسز کے آپریشن کے دوران دہشت گردوں سے مقابلے میں ایک دہشت گرد ہلاک ہوگیاتھا، جبکہ سیکیورٹی فورسز کا کوئی نقصان نہیں ہوا ،

آئی ایس پی آر کے مطابق سیکیورٹی فورسز نے دہشت گردوں کی موجودگی سے متعلق خفیہ اطلاعات کی بنیاد پر پشاور کےعلاقے متنی میں آپریشن کیا ،،دہشت گردوں اور فورسز کے جوانوں کے درمیان فائرنگ کے تبادلےمیں ایک دہشت گرد مارا گیا ۔

آئی ایس پی آر کے مطابق دہشت گرد کے قبضے سے اسلحہ اور گولہ بارود برآمد کرلیا گیا ،ہلاک دہشت گرد معصوم شہریوں کے قتل اور سیکیورٹی فورسز کے خلاف دہشت گردی کی کارروائیوں میں ملوث تھا ۔

پشاور : این اے 31 پشاور میں ہونے والے ضمنی انتخاب میں چیئرمین پی ٹی آئی عمران خان نے اے این پی کے رہنما غلام احمد بلور کو شکست دے دی۔

تفصیلات کے مطابق قومی اسمبلی کی 8 اور پنجاب اسمبلی کی 3 نشستوں پر ہونے والے ضمنی انتخابات میں پولنگ کا وقت ختم ہونے کے بعد غیر حتمی اور غیر سرکاری نتائج آنے کا سلسلہ تاحال جاری ہے۔

اکیلے عمران خان نے سارے ن لیگ،جمعیت،نیشنل، پی پی والوں کو شکست دی اج۔۔ غیر سرکاری نتیجہ۔
شکریہ پشاور۔ #عوام_کی_جیت #بلے_پہ_ٹھپہ pic.twitter.com/2Jib1QYKhx

— PTI Khyber Pakhtunkhwa (@PTIKPOfficial) October 16, 2022

این اے 31 پشاور کے تمام 265 پولنگ اسٹیشنز کا غیر حتمی غیر سرکاری نتیجے کے مطابق این اے31پشاور میں عمران خان پہلے اور غلام بلور دوسرے نمبر پر ہیں۔

غیرحتمی نتیجہ کے مطابق چیئرمین تحریک انصاف عمران خان 57ہزار824ووٹ لیکر کامیاب جبکہ اے این پی کے غلام احمد بلور32ہزار253ووٹ لے سکے۔

دوسری طعوامی نیشنل پارٹی (اے این پی) کے رہنما اور قومی اسمبلی کے حلقے این اے 31 کے ضمنی انتخابات میں پاکستان تحریک انصاف کے چیئرمین عمران خان کے مدمقابل امیدوار غلام احمد بلور نے شکست تسلیم کرنے سے انکار کردیا۔

ڈیرہ اسماعیل خان: امین برادران کا ایک اور چھکا،پنیالہ کو تحصیل کا درجہ مل گیا، دہائیوں سے سابقہ سیاسیوں کی نااہلیوں کا شکار جنوبی پختونخوا کا علاقہ پنیالہ کو وزیراعلی صوبہ خیبرپختونخواہ محمود خان نے تحصیل کا درجہ دے دیا۔تفصیلات کے مطابق سابق وفاقی وزیرسردار علی امین خان گنڈہ پور اور وزیر بلدیات سردار فیصل امین خان گنڈہ پور کی کاوشوں سے پنیالہ کو تحصیل کی حیثیت مل گئی جس پرڈیرہ کے عوامی سماجی مذہبی حلقوں کی عوام نے پاکستان تحریک انصاف پختونخواہ کی صوبائی حکومت کو خراج تحسین پیش کیاہے۔انہوں نے کہاکہ پسماندہ علاقوں کی قسمت بدلنے کا وقت آگیا ہے اور انشاء اللہ تحصیل پنیالہ شیخ بدین کے پہاڑی سلسلہ اور سی پیک ڈیرہ اسماعیل خان سے جڑا اپنی جزوی حیثیت رکھتا ہے اور تحصیل بننے کے بعد اس علاقہ کی پسماندگیاں ختم ہوں گی اورعلاقے میں ترقیاتی کاموں کا دوردورہ ہوگااورعوام کی محرومیوں کاازالہ ہوگا۔ ڈیرہ کے عوامی سماجی مذہبی حلقوں کی عوام نے پاکستان تحریک انصاف پختونخواہ کی صوبائی حکومت، سابق وفاقی وزیرسردار علی امین خان گنڈہ پور اور وزیر بلدیات سردار فیصل امین خان گنڈہ پور کی کاوشوں سے پنیالہ کو تحصیل کی حیثیت ملنے پر تہہ دل سے شکریہ اداکیاہے۔

گزشتہ روزبذریعہ نوٹس ہذاعامرفرید سدوزئی ایڈووکیٹ جنرل سیکرٹری ڈسٹرکٹ بار ایسوسی ایشن ڈیرہ اسماعیل خان کے جاری اعلامیے میں تمام معززوکاء ڈسٹرکٹ بار ڈیرہ اسماعیل خان کو مطلع کیاگیاتھاکہ بمطابق صوبہ خیبرپختونخواہ بار کونسل اعلامیہ مورخہ14-10-2022کوڈسٹرکٹ بار ڈیرہ اسماعیل خان میں مکمل ہڑتال ہوگی جس کی وجہ سے کوئی وکیل عدالتوں میں پیش نہ ہوا۔تفصیلات کے مطابق گزشتہ روزبذریعہ نوٹس ہذاعامرفرید سدوزئی ایڈووکیٹ جنرل سیکرٹری ڈسٹرکٹ بار ایسوسی ایشن ڈیرہ اسماعیل خان کے جاری اعلامیے میں تمام معززوکاء ڈسٹرکٹ بار ڈیرہ اسماعیل خان کو مطلع کیاگیاتھاکہ بمطابق صوبہ خیبرپختونخواہ بار کونسل اعلامیہ مورخہ14-10-2022کوڈسٹرکٹ بار ڈیرہ اسماعیل خان میں سمکمل ہڑتال ہوگی جس کی وجہ سے کوئی وکیل عدالتوں میں پیش نہ ہو اجس کی وجہ سے دوردراز سے آنے والے سائلین کو مشکلات کاسامناکرناپڑا۔

معروف سیاسی سماجی شخصیت سردار حیدر خان میانخیل، معراج خان شیرانی اورسینئرصحافی شیراز مغل کی میاں خیل ہاؤس ڈیرہ میں چیئرمین موچی وال حافظ یاسین سے ملاقات، ملاقات میں علاقہ کے مسائل پر بات چیت اورحل کرنے کے حوالے سے اہم امورپر تبادلہ خیال۔ تفصیلات کے مطابق گزشتہ روزمعروف سیاسی سماجی شخصیت سردار حیدر خان میانخیل، معراج خان شیرانی اورسینئرصحافی شیراز مغل سے میا ں خیل ہاؤس ڈیرہ میں چیئرمین موچی وال حافظ یاسین کی ملاقات ہوئی۔ملاقات کے دوران معروف سیاسی سماجی شخصیت سردار حیدر خان میانخیل، معراج خان شیرانی اورسینئرصحافی شیراز کوعلاقے میں درپیش مسائل سے آگاہ کیاگیا جس پرفوری اقدامات اٹھانے کافیصلہ کیاگیا۔واضح رہے کہ معروف سیاسی سماجی شخصیت سردار حیدر خان میانخیل، معراج خان شیرانی اورسینئرصحافی شیرازنے سیلاب کے دنوں میں متاثرین سیلاب کی بڑھ چڑھ کر مددکی تھی اورانہیں کھاناودیگرامدادی سامان مہیاکیاتھاجس کی وجہ سے سیلاب زدگان کی مشکلات میں خاطرخواہ کمی واقع ہوئی تھی۔

مفتی محمود اسپتال کے ڈینگی وارڈ میں نرسز غائب، مریض رل گئے، عوام کا اعلیٰ حکام سے سخت نوٹس لینے کا مطالبہ۔ تفصیلات کے مطابق مفتی محمود میموریل اسپتال کے ڈینگی وارڈ میں نرسز غائب مریض رل گئے۔ مریضوں کے لواحقین کا کہنا ہے کہ ہمارے مریض بے یارو مددگار پڑے ہیں اور کوئی نرسز یا اسپتال انتظامیہ کا بندہ نہیں ہے کہ وہ ہمارے مریضوں کو ڈرپس لگائے۔مریضوں کے لواحقین کا کہنا ہے کہ جب ہم نے اسپتال انتظامیہ سے نرسز کے حوالے سے پتہ کیا تو بتایا گیا کہ ہمارے پاس ایک نرس ہے اور وہ سب کو ڈیل کرتی ہے اس لیے آپ لوگ باری کا انتظار کریں۔ عوام نے صوبائی وزیر صحت، سیکرٹری صحت، چیف سیکرٹری خیبرپختونخواہ، کمشنر ڈیرہ عامرآفاق اور ڈپٹی کمشنر ڈیرہ نصراللہ خان اور اعلیٰ حکام سے اسپتال انتظامیہ کی غفلت پر سخت نوٹس لینے کا مطالبہ کیا ہے۔انہوں نے کہاکہ مفتی محموداسپتال میں مریضوں کے مطابق سٹاف کی تعدادمیں اضافہ کیاجائے تاکہ مریضوں کو بروقت علاج کی سہولت میسرآسکے اوران کی تکلیفوں کا مداواکیاجاسکے۔

ڈیرہ اسماعیل خان:ناکام سیوریج منصوبے کی پائپ لائن کی صفائی کے لیے گرلز ڈگری کالج نمبر1 کے قریب مین سڑک پر کھودے جانے والے کنویں نما گہرے کھڈے میں گر کر موٹرسائیکل سوار بچے سمیت زخمی ہو گیا۔ متعلقہ محکمہ کی جانب سے حفاظتی باڑ نہ ہونے اور اندھیرے کے باعث حادثہ پیش آیا۔ راہگیروں نے بچے کو باہر نکالنے میں کردار ادا کیا اس موقع پر لوگوں نے متعلقہ محکمہ کی غفلت پر سخت برہمی کا اظہار کیا۔واضح رہے کہ روڈ پر کروڑوں مالیت کی لاگت سے نصب ہونے والی تمام سولر لائٹس بھی خراب ہو چکی ہیں۔

تفصیلات کے مطابق ناکام سیوریج منصوبے کی پائپ لائن کی صفائی کے لیے گرلز ڈگری کالج نمبر1 کے قریب مین سڑک پر کھودے جانے والے کنویں نما گہرے کھڈے میں گر کر موٹرسائیکل سوار بچے سمیت زخمی ہو گیا۔ متعلقہ محکمہ کی جانب سے حفاظتی باڑ نہ ہونے اور اندھیرے کے باعث حادثہ پیش آیا۔ راہگیروں نے بچے کو باہر نکالنے میں کردار ادا کیا اس موقع پر لوگوں نے متعلقہ محکمہ کی غفلت پر سخت برہمی کا اظہار کیا۔واضح رہے کہ روڈ پر کروڑوں مالیت کی لاگت سے نصب ہونے والی تمام سولر لائٹس بھی خراب ہو چکی ہیں اورشہرمیں اندھیروں کا راج ہے اورکئی ناخوشگوارواقعات رونماہوچکے ہیں۔

پاکستان میں مہنگائی، بیروزگاری میں خطرناک حد تک اضافہ:معاملات مزید خراب ہوسکتے…

دوسری طرف نوابزادہ سمیع اللہ علیزئی نے دھوکہ دہی کی سیاست میں سب کوپیچھے چھوڑدیا،پاکستان تحریک انصاف سے بغاوت کے بعدنوابزادہ سمیع اللہ علیزئی کوپارٹی سے فارغ کردیاگیاتھا،اب سمیع اللہ علیزئی نے جمعیت علماء اسلام کے پلیٹ فارم سے سٹی ٹومیں اپنی سیاسی اننگ کھیلناشروع کردی ہے،جمعیت علماء اسلام کی جانب سے سیلاب متاثرین کیلئے کی جانے والی کوششوں اورکارناموں پر فوٹوسیشن کراکرعوامی حمایت حاصل کرنے کی بھونڈی کوششوں پر عوام نے ناراضگی کااظہارکردیا،حلقہ سٹی ٹو کے عوام کاقائد جمعیت مولانافضل الرحمن سے آئندہ عام انتخابات میں مخلص قیادت کوپارٹی ٹکٹ دینے کامطالبہ۔تفصیلات کے مطابق پاکستان تحریک انصاف سے بغاوت کرنے کے واضح ثبوتوں پر سمیع اللہ علیزئی کو بے عزت ہوکر پارٹی سے نکال دیاگیاتھا۔

سمیع اللہ علیزئی نے اپنے سابقہ دورمیں سٹی ٹو کاکروڑوں روپے کافنڈزہڑپ کرلیاتھااورمن پسند افرادپر نوازشات کی بھرمارکی تھیں جس کی وجہ سے حلقے میں کوئی ترقیاتی کام نہیں ہوئے اورعوام کی مشکلات کا کوئی ازالہ نہ ہوسکا۔اب سمیع اللہ علیزئی نے اپنی بچی کچھی سیاست بچانے کیلئے جمعیت کی آڑلے لی ہے اورجمعیت کی ٹکٹ پر حلقہ سٹی ٹو سے الیکشن لڑنے کیلئے کمر کس لی ہے۔سٹی ٹو کی عوام نے سمیع اللہ علیزئی کااصل چہرہ پہچان لیا ہے اوراسے دھوکہ دہی کاچمپئن قرار دے دیاہے۔ انہوں نے قائد جمعیت مولانافضل الرحمان کوپیغام دیا ہے کہ آئندہ انتخابات میں کسی مخلص نمائندے کو پارٹی ٹکٹ جاری کرے۔سٹی ٹو کی عوام نے واضح کیاہے کہ اگرمولانافضل الرحمان نے سمیع اللہ علیزئی کوٹکٹ جاری کیا تو جمعیت کابائیکاٹ کریں گے اورمخالف پارٹی کے امیدوارکوبھاری اکثریت سے کامیاب کراکرجمعیت کی ہارمیں اپناکرداراداکریں گے۔

میری قوم کے بچوں کو اسکولوں میں سیرت النبیﷺ پڑھانے کی ضرورت ہے،عمران خان

ادھر سیوریج منصوبہ مکمل ناکام پائپ لائن پھر بند ہوگئی، پبلک ہیلتھ کے ماہر ترین انجینئرز اور انتہائی ایماندار تعریفی سند یافتہ ٹھیکیداروں کی شبانہ روز کوششوں سے پایہ تکمیل تک پہنچنے والی سیوریج پائپ لائن آخری ہچکیاں لینے لگی، پانی نکاسی کی بجائے رسنے لگا، سرکلر روڈ بالمقابل گرلز ڈگری کالج نمبر1 کے قریب پائپ لائن سلٹ اور گندگی کے باعث مکمل طور پربند ہوگئی،نکاسی نالے کی صفائی کے لیے پبلک ہیلتھ نے رات کے اندھیرے میں سڑک کی کھدائی شروع کردی،پائپ لائن کی صفائی کے لیے متعلقہ محکمہ نے ڈبلیو ایس ایس سی اہلکاروں سے مدد مانگ لی۔

تفصیلات کے مطابق چند عرصہ قبل محکمہ پبلک ہیلتھ نے کروڑوں روپے مالیت کی لاگت سے تعمیر ہونے والی سیوریج پائپ لائن کے ٹینڈرز جاری کیے تھے جو کہ مبینہ طور پر سیاسی اثرو رسوخ کی بناء پر مقابلے کے بعد رنگ سسٹم کے تحت مخصوص ٹھیکیداروں کو جاری کیے گئے تھے۔ محکمہ پبلک ہیلتھ انجینئرز نے کئی کلو میٹرز پر محیط نکاسی پائپوں کی صفائی کے لیے مین ہولز نقشہ ڈیزائن میں شامل نہ کیے تھے جبکہ ٹھیکیداروں نے بھی اس منصوبے میں محکمہ اہلکاروں کی پشت پناہی کے سبب معیارمطابق کام نہ کیا تھا تعمیر کے چند ماہ بعد ہی روڈ مختلف مقامات پر زمین میں دھنسنا شروع ہو گیا تھا۔بعد میں میڈیا کے دباؤ اور عوامی رد عمل کے باعث روڈ کو دوبارہ تعمیر کرایا گیا تھا۔ایک مرتبہ پھر زیر زمین نکاسی پائپ لائن بند ہو چکی ہے جو کسی وقت بڑے حادثہ کا سبب بن سکتی ہے۔اس حوالے سے ریٹائرڈ انجینئرز کا کہنا ہے کہ نکاسی منصوبے میں معیار کا کوئی خیال نہیں رکھا گیا ہے چند سال بعد شہر میں سیم پھیلنے کا قوی امکان ہے۔ واضح رہے کہ کرپشن کی روک تھام کے لیے قائم ادارے بھی اس میگا کرپشن سکینڈل پر خاموشی اختیار رکھے ہوئے ہیں۔