وفاقی وزیر دفاع پرویز خٹک بھی مولانا کے آزادی مارچ کو دیکھ کر میدان میں آ گئے، کیا کہا؟

پشاور۔13 اکتوبر(اے پی پی)وفاقی وزیربرائے دفاع پرویزخٹک نے کہاہے کہ وزیر اعظم عمران خان نے مولانا فضل الرحمان کے ساتھ مذاکرات کےلئے وزراءکی کوئی کمیٹی تشکیل نہیں دی اور نہ ہی کسی کو یہ ٹاسک سونپا ہے،

وہ اتوار کے روز ویلج ناظم نواز خان کے اپنے خاندان اور ساتھیوں سمیت پی ٹی آئی میں شمولیت‘ عراق آباد میں استقبالیے سے خطاب اور ایڈیشنل ایڈوکیٹ جنرل محمد ریاض خان ایڈوکیٹ کے صاحبزادوں حسن ریاض اور حسین ریاض کی دعوت ولیمہ کے موقع پرمیڈیا سے بات چیت کرتے ہوئے کیا۔ اس موقع پر صوبائی وزیر لیاقت خان خٹک،چیئرمین مجلس قائمہ برائے توانائی و قدرتی وسائل ڈاکٹر عمران خٹک، ڈیڈک کے چیئرمین ادریس خٹک، ایم پی اے میاں جمشید الدین کا کاخیل اور دیگر بھی موجود تھے۔

آزادی مارچ کا قصہ ہوا تمام، مولانا فضل الرحمان 27 اکتوبرکو ہوں گے پاکستان سے فرار

مولانا وزیراعظم کی خواہش پر اسلام آباد آ رہے ہیں، خبر نے کھلبلی مچا دی

مولانا کے آزادی مارچ کو فنڈنگ کون کر رہا ہے؟ ایسا انکشاف ہوا کہ سب حیران رہ گئے

مریم نواز کی تاریخ پیدائش کیا ہے؟ عدالت نے پوچھا تو مریم نے کیا جواب دیا؟

پرویز خٹک کا کہنا تھا کہ بعض اپوزیشن جماعتیں اس حوالے میڈیا پربے پرکیاں اڑارہے ہیں ،مولانا 31 اکتوبر کو اسلام آباد پہنچے گے تو پھر دیکھیں گے، جمہوریت کے دعویداروں کا اصل چہرہ بے نقاب ہوچکا ہے،

وفاقی وزیر دفاع نے مزید کہا کہ سب سن لیں پی ٹی آئی کی حکومت پانچ سال کی آئینی مدت پوری کرے گی اور 2023 کے انتخابات میں ایک بار پھر عوام کے ووٹوں سے پی ٹی آئی بھاری اکثریت سے کامیاب ہوں گی، ملک میں مڈٹرم انتخابات بالکل نظر نہیں آتے‘ ملک پہلے سے معاشی بحران کا شکار ہے‘ عمران خان معیشت کو سنھبالا دینے اور بحران کے خاتمے کےلئے کوشاں ہے‘ بھارت کچھ بھی کرلے کشمیر بنے گا پاکستان۔

آزادی مارچ، خواجہ سراؤں نے یکجہتی کشمیر پروگرام میں ایسا اعلان کیا کہ مولانا …………

وزیراعلیٰ خیبرپختونخوا محمود خان کی زیر صدارت خیبرپختونخوا ہائی ویز کونسل کے اجلاس میں اہم فیصلے کئے گئے ہیں،

لاک ڈاؤن کرنے والوں‌ کو خیبر پی کے سے گزرنے ہی نہیں دیں گے، وزیراعلیٰ خیبر پختونخواہ کا اعلان

باغی ٹی وی کی رپورٹ‌ کے مطابق اے پی پی نے تفصیلات جاری کرتے ہوئے بتایا ہے کہ اجلاس میں مزید چھ مختلف صوبائی شاہراہوں کی پراونشلائزیشن کی منظوری دی گئی ہے، اجلاس میں‌ پختونخوا ہائی وے اتھارٹی کے بجٹ برائے مالی سال 2019-20 کی منظوری دی گئی، بجٹ کا تخمینہ.360 4693 ملین روپے ہے ۔اجلاس میں پختونخوا ہائی ویز اتھارٹی کے، سڑکوں کی بحالی کے پلان برائے 2019-20 کی بھی منظوری دی گئی جس کا تخمینہ 2032.80 ملین روپے ہے وزیراعلیٰ نے صوبے میں انفراسٹرکچر کی بہتری و بحالی کیلئے مجوزہ منصوبوں کی بروقت اور معیاری تکمیل کی ضرورت پر زور دیا ہے، اُنہوں نے ضم شدہ قبائلی اضلاع اور دیگر پسماندہ علاقوں کی مصروف اور بڑی شاہراہوں پر خصوصی توجہ مرکوز کرنے کی ہدایت کی ہے، وزیراعلیٰ نے کہا کہ صوبے میں ذرائع آمد ورفت کی مطلوبہ معیار کے مطابق بہتری حتمی مقصد ہونا چاہیئے جس سے نہ صرف عوام کو بہتر سفری سہولیات میسر ہوں گی بلکہ سیاحت کے فروغ اور صنعت و سرمایہ کاری کی بحالی میں بھی خاطر خواہ مدد ملے گی،

شیخ رشید کا اپوزیشن سے معاملات طے پانے کا دعویٰ، آزادی مارچ سے متعلق بھی بڑی بات کہہ دی

کشمیر ہماری شہ رگ ہے، بھارتی جارحیت کا بھرپور جواب دیں گے، کور کمانڈرز کانفرنس میں عزم

خیبرپختونخوا ہائی ویز کونسل کا 17 واں اجلاس وزیراعلیٰ کی زیر صدارت وزیراعلیٰ ہاﺅس پشاور میں منعقد ہوا، صوبائی وزیر مواصلات و تعمیرات اکبر ایوب خان، وزیرزراعت و لائیو سٹاک محب اﷲ خان ، ایڈیشنل چیف سیکرٹری شہزاد بنگش، محکمہ خزانہ اور مواصلات کے انتظامی سیکرٹریز ، ایم ڈی پختونخوا ہائی وے اتھارٹی اور دیگر متعلقہ حکام نے اجلاس میں شرکت کی ۔اجلاس کو کونسل کے سابقہ اجلاس کے فیصلوں پر عمل درآمد سے آگاہ کیا گیا،

وزیراطلاعات خیبرپختونخوا شوکت یوسفزئی نے کہا ہے کہ مولانا صاحب حکومت کےخلاف بے بنیاد مہم چلانا چاہتے ہیں،

وزیراعظم دومسلم برادرملکوں کی صلح کروانے گئے ہیں ، فردوس عاشق اعوان

باغی‌ ٹی وی کی رپورٹ‌کے مطابق پشاور میں پریس کانفرنس کرتے ہوئے ان کا کہنا تھا کہ ہمیں پتہ ہے مولانافضل الرحمان کے پیچھے کون ہے؟ کسی کوریاست کی رٹ چینلج کرنےنہیں دیں گے، مولانا فضل الرحمن اداروں کودھمکیاں دے رہے ہیں ، ان کے ہر غیر قانونی کام کے خلاف ایکشن ہوگا،مولانافضل الرحمان ریاستی رٹ کوچیلنج کرنےسے دور رہیں، اگرہماری حکومت گئی توکیامولاناوزیراعظم بن سکیں گے؟ انہوں نے کہا کہ مولانا فضل الرحمان کے پیچھے صرف پیسہ ہے ۔ وہ اداروں کودھمکیاں دے رہے ہیں، وزیر اعظم عمران خان ملکی ترقی کے لئے کوشاں ہیں ، ملک بہتری کی جانب گامزن ہے اور حکومتی اخراجات میں 36فیصد کمی آچکی ہے ، ملک کاتجارتی خسارہ 35فیصد کم کردیا ہے،

شاہد خاقان عباسی نے پروڈکشن آرڈر کے لئے سپیکر کو خط میں شرط عائد کر دی

وزیراعظم کا ویژن نواز شریف کا اے سی بند کرنا ہے ،مریم اورنگزیب

شوکت یوسف زئی نے کہا کہ امن و امان کا قیام حکومت کی اولین ترجیح ہے ، مولانا کو سیاسی نظام کو تلپٹ کرنے کی اجازت نہیں دیں گے۔ انہوں نے کہا کہ کوئی اپنی خواہشات کےمطابق نظام کوچلاناچاہتا ہےتواس کی اجازت نہیں دیں گے، احتجاج کرنیکاحق ہے،مگراحتجاج کےنام پرخون خرابےکی اجازت نہیں دیں گے، مولانا فضل الرحمان بدعنوان عناصر کوجیلوں سے باہرنکالنے کے خواہاں ہیں، ہم احتساب کا عمل روک دیں تو سارا معاملہ ٹھیک ہوجائے گا، شوکت یوسف زئی نے کہا کہ ڈنڈا بردارلوگوں کوسڑکوں پرلانےکی اجازت نہیں دیں گے،

محکمہ تعلیم نے اساتذہ پر بڑی پابندی عائد کر دی ہے،

مولانا کو سو ارب کی فنڈنگ کون کرے گا؟ معروف اینکر مبشر لقمان نے سوال ٹھا دیا

باغی ٹی وی کی رپورٹ کے مطابق خیبر پختون خواہ کے اسکولوں میں جعلی اساتذہ کا انکشاف ہوا ہے جس پر محکمہ تعلیم نے اس حوالہ سے حکمت عملی تیار کرلی ہے او ر ڈائریکٹر ایجوکیشن کو مراسلہ ارسال کیا گیا ہے، ڈیوٹی کے دوران اساتذہ کرام کے پاس اصل شاختی کاڈز کا ہونا لازمی قرار دیا گیا ہے، مراسلہ میں محکمہ تعلیم کی اساتذہ کو پابند کیا ہے کہ وہ دوران ڈیوٹی ہر صورت اپنا شناختی کارڈ پاس رکھیں،

مولانا کے آزادی مارچ کو فنڈنگ کون کر رہا ہے؟ ایسا انکشاف ہوا کہ سب حیران رہ گئے

مریم نواز کی تاریخ پیدائش کیا ہے؟ عدالت نے پوچھا تو مریم نے کیا جواب دیا؟

محکمہ تعلیم کی جانب سے کہا گیا ہے کہ آئی ایم یو کا عملہ کسی بھی وقت اسٹاف سے شناختی کارڈ طلب کرسکتا ہے ، واضح‌ رہے کہ اس سے قبل بھی گھوسٹ‌ اسکولوں کی طرح جعلی اساتذہ کا انکشاف ہوتا رہا ہے جس پر محکمہ تعلیم کی جانب سے اب سخت ایکشن لیا جارہا ہے تاکہ کسی بھی قسم کی جعلسازی سے بچا جا سکے اور تعلیمی نظام کو برباد ہونے سے بچایا جاسکے،

پشاور۔(اے پی پی)شہید بے نظیر بھٹو ویمن یونیورسٹی نے بی اے بی ایس سی نتائج کا اعلان کردیا۔ ابتدائی تین پوزیشنیں گورنمنٹ گرلز ڈگری کالج تنگی چارسدہ کی طالبات لے گئیں۔ امتحان میں 3973 طالبات نے حصہ لیا جن میں 2697 نے کامیابی حاصل کی نتیجہ 68 فیصد رہا۔ نتائج کا اعلان کنٹرولر امتحانات ڈاکٹر روبی بلال نے پوزیشن ہولڈرز طالبات کے اعزاز میں منعقدہ تقریب میں کیا۔گورنمنٹ گرلز ڈگری کالج تنگی چارسدہ کی طالبات سیدہ معیزہ شاہ نے463 نمبرز لیکر پہلی،ادیبہ خان نے 458 نمبر لیکر دوسری اور غزالہ منظورنے 454 نمبرز لیکر تیسری،آرٹس میں اقرا ڈگری کالج کی طالبہ حافظہ فاطمہ ارشد نے 402نمبرز لیکر پہلی، گورنمنٹ گرلز ڈگری کالج حیات آباد نمبر2 کی ماریہ اور شمائلہ زاہد نے399، 399 نمبر لیکر دوسری او ر رداخان نے 392نمبرز کیساتھ تیسری پوزیشن حاصل کی۔ وائس چانسلر ڈاکٹر رضیہ سلطانہ نے پوزیشن لینے والی طالبات میں انعامات تقسیم کئے۔

ملاکنڈ۔ (اے پی پی) کشمیری مسلمانوں کے لئے مدرسہ حدیقۃ القرآن پڑنگے میں سخاب فاؤنڈیشن جرگہ پڑنگے کی جانب سے ختم قرآن کا اہتمام کیا گیا جس کے دوران کشمیری مسلمانوں کے لئے خصوصی دعائیں مانگے گئے۔ اس موقع پر ممتاز عالم دین قاری افتخار منصور، مفتی فضل صابق، سخاب فاؤنڈیشن کے صدر محمد عالم اورجنرل سیکرٹری حمید الرحمان سمیت تنظیم کے دیگر عہدیداروں اور مقررین نے خطاب کیا۔مقررین نے کہا کہ کشمیری بہن بھائیوں کو مصیبت اور غم کے اس گھڑی میں اکیلا نہیں چھوڑیں گے۔ سب مسلمان ایک جسم کے مانند ہیں اور جب جسم کے ایک حصے میں تکلیف ہوتی تو پورا جسم درد محسوس کرتا ہے۔ انہوں نے کہا کہ گذشتہ ستر سالوں سے کشمیر ی مسلمان آزادی کے لئے لڑ رہے ہیں جبکہ اقوام متحد ہ سمیت پورے دُنیاکے ممالک نے بھارتی مظالم پر آنکھیں بند کئے ہیں۔ انہوں نے کہا کہ بھارتی جنگی جنون سے خطے میں جنگ کے آثار بڑھ گئے ہیں اور بھارتی تنظیم آر ایس ایس مسلمانوں کی قتل عام کر رہی ہے جو ظلم و بربریت کی مثال بن گئی ہے۔ انہوں نے اقوام متحدہ، او آئی سی سمیت انسانی حقوق کے لئے کام کرنے والے اداروں سے مطالبہ کیا کہ کشمیری مسلمانوں کو حق خودارادیت دیکر کشمیر کو کشمیر ی عوام کے منشاء کے مطابق حل کیا۔ دریں تحصیل درگئی کے مختلف سکولوں کے طلباء اور آساتذہ نے کشمیری مسلمانوں کیساتھ اظہار یکجہتی کے طور پر ریلیاں نکالیں اور بھارت کے خلاف شدید نعرہ بازی کی۔

چترال۔ (اے پی پی) گیس سلنڈر دھماکے میں جلنے والے متاثرین میں سے ایک اور بچہ اور خاتون بھی جاں بحق ہو گئے، تعداد پانچ ہو گئی۔ تفصیل کے مطابق آیون گاؤں میں گیس سلنڈر دھماکے کی وجہ سے جو آگ لگی تھی اس میں تین بچوں، تین خواتین سمیت آٹھ افراد بری طرح جھلس گئے تھے، جن کو برن اینڈ پلاسٹک سرجری سنٹر حیات آباد پشاور لایا گیا تھا،جہاں وہ تشویش ناک حالت میں زیر علاج ہیں۔ان زحمیوں میں تین پہلے وفات پاچکے تھے،جبکہ ایک شخص منظور کا بیٹا ایان اور اس کی بیوی گلشن بی بی جاں بحق ہوگئی،اس طرح جاں بحق ہونے والوں کی تعداد پانچ ہوگئی۔

پشاور۔(اے پی پی)خیبرپختونخوا فوڈ اتھارٹی پشاور نے حیات آبادرنگ روڈ پرکارروائی کرتے ہوئے صفائی کی ابترصورتحال اورسی او پیز کی خلاف ورزی پرتین فیکٹریاں سیل کردیں جبکہ پشاوررنگ روڈ پرناکہ بندی کے دوران دودھ لے جانے والی گاڑیوں کی چیکنگ سے 12سوکلوگرام مضرصحت دودھ برآمد ہوا جسے تلف کردیا گیا ہے۔