Category: کوئٹہ

بلوچستان کے ضلع خضدار میں سیکیورٹی اداروں نے ایک اہم کارروائی کرتے ہوئے مبینہ طور پر خودکش حملے کی تیاری میں ملوث 19 سالہ لڑکی کو حراست میں لے لیا۔ حکام کے مطابق یہ کارروائی خضدار کے علاقے گزگی میں خفیہ اطلاع کی بنیاد پر کی گئی۔

سیکیورٹی ذرائع کا کہنا ہے کہ زیرِ حراست لڑکی پر شبہ ہے کہ وہ ایک ممکنہ خودکش حملہ آور کے طور پر استعمال کی جا سکتی تھی۔ انٹیلی جنس حکام کے مطابق اس کے روابط ایک ایسے شدت پسند کمانڈر سے تھے جو کالعدم تنظیم بلوچ لبریشن آرمی (بی ایل اے) سے منسلک بتایا جاتا ہے۔ابتدائی تفتیش کے دوران حکام نے انکشاف کیا کہ ملزمہ مستقبل قریب میں خودکش حملہ کرنے کے لیے آمادہ تھی، تاہم بروقت کارروائی کے ذریعے ایک ممکنہ بڑے سانحے کو ٹال دیا گیا۔

ذرائع کے مطابق لڑکی نے دورانِ تفتیش اعتراف کیا کہ اس کا تعارف اس کے ایک قریبی رشتہ دار (کزن) نے ایک مقامی شدت پسند کمانڈر سے کروایا، جس کے بعد اسے بتدریج شدت پسندی کی جانب مائل کیا گیا۔ اس نے یہ بھی بتایا کہ نومبر 2025 کے تیسرے ہفتے میں اس نے ایک مبینہ تربیتی کیمپ کا دورہ کیا تھا۔پس منظر کے حوالے سے حکام نے بتایا کہ ملزمہ ایف اے تک تعلیم یافتہ ہے۔ اس کے والد 2007 سے متحدہ عرب امارات میں مقیم ہیں جبکہ خاندان کے معاملات اس کا چچا سنبھالتا رہا ہے۔ رپورٹس کے مطابق اس کی شادی اپریل 2024 میں ایک عمر میں بڑے شخص سے بطور دوسری بیوی ہوئی تھی۔سیکیورٹی حکام کے مطابق ملزمہ نے خود کو "ممکنہ خودکش حملہ آور” قرار دیا ہے، تاہم اس نے دیگر شدت پسند سرگرمیوں میں براہ راست ملوث ہونے کی تردید کی ہے۔حکام کا کہنا ہے کہ واقعے کی مزید تحقیقات جاری ہیں اور اس نیٹ ورک سے جڑے دیگر افراد کی تلاش بھی شروع کر دی گئی ہے۔

ایف سی بلوچستان (ساؤتھ) ٹریننگ سینٹر خضدار میں اسپیشل آپریشن ونگ کی آٹھویں پاسنگ آؤٹ پریڈ ہوئی

ایف سی بلوچستان (ساؤتھ) ٹریننگ سنٹر خضدار میں ایف سی اسپیشل آپریشن ونگ کی شاندار پاسنگ آؤٹ پریڈ کا انعقاد کیا گیا ،پاسنگ آؤٹ میں 172 ریکروٹس اسپیشل آپریشن کی ٹریننگ مکمل کر کے فارغ التحصیل ہوئے، آئی جی ایف سی بلوچستان (ساؤتھ) نے تقریب میں بطور مہمان خصوصی شرکت کی ،اسپیشل آپریشن ونگ جدید جنگی ٹیکٹکس اور گوریلا وارفیئر مہارتوں سے لیس ایف سی بلوچستان (ساؤتھ) کی اسپیشل فورس ہے ،آئی جی ایف سی بلوچستان (ساؤتھ) نے پریڈ کے اعلیٰ معیار کو سراہتے ہوئے تربیت مکمل کرنے پر ریکروٹس کو مبارکباد پیش کی،ریکروٹس نے ایف سی بلوچستان (ساؤتھ) میں شامل ہو کر بلوچستان کی خدمت، امن اور دہشتگردی کے خاتمے کے عزم کا اعادہ کیا،تقریب میں پاس آؤٹ ہونے والے ریکروٹس نے اپنی تربیت اور مہارتوں کا عملی مظاہرہ بھی پیش کیا،تقریب کے اختتام پر آئی جی بلوچستان (ساؤتھ) نے نمایاں کارکردگی دکھانےوالے ریکروٹس میں انعامات تقسیم کیے

بلوچستان کے ضلع خاران میں سکیورٹی فورسز نے خفیہ اطلاعات کی بنیاد پر کارروائی کرتے ہوئے کالعدم تنظیم سے تعلق رکھنے والے 6 دہشتگردوں کو ہلاک کر دیا۔

سکیورٹی ذرائع کے مطابق خاران کے علاقے گروپ میں دہشتگردوں کی موجودگی کی اطلاع پر فورسز نے انٹیلیجنس بیسڈ آپریشن (آئی بی او) کیا۔ آپریشن کے دوران فورسز نے دہشتگردوں کے ٹھکانوں کو مؤثر انداز میں نشانہ بنایا جس کے نتیجے میں شدید فائرنگ کا تبادلہ ہوا۔ابتدائی اطلاعات کے مطابق کارروائی میں فتنہ الہندوستان سے وابستہ 6 دہشتگرد مارے گئے۔ سکیورٹی حکام کا کہنا ہے کہ علاقے میں مزید دہشتگردوں کی موجودگی کے خدشے کے پیش نظر کلیئرنس آپریشن جاری ہے۔ذرائع کے مطابق ہلاک ہونے والے دہشتگرد سکیورٹی فورسز اور عوامی تنصیبات پر حملوں میں ملوث تھے۔ سکیورٹی فورسز نے اس عزم کا اظہار کیا ہے کہ بلوچستان میں امن کو خراب کرنے کی کسی بھی کوشش کو ناکام بنایا جائے گا اور دہشتگردوں کے خلاف کارروائیاں جاری رہیں گی۔

کمانڈر 12 کور لیفٹیننٹ جنرل راحت نسیم خان نے آئی جی ایف سی بلوچستان (نارتھ) میجر جنرل عاطف مجتبیٰ کے ہمراہ پاک افغان سرحدی علاقوں کا جائزہ لیا

کمانڈر 12 کور نے آئی جی ایف سی بلوچستان (نارتھ) کے ہمراہ پاک افغان سرحدی علاقوں کا جائزہ لیا،کور کمانڈر 12 کور نے ژوب سمبازہ ایریا میں بارڈر سکیورٹی اور اہم مقامات پر سکیورٹی انتظامات کا تفصیلی معائنہ کیا،کور کمانڈر کی افغان بارڈر پر موجود جوانوں سے ملاقات، ٹی ٹی اے کے خلاف ان کے جرآت مندانہ اقدام کی تعریف کی،دہشت گرد عناصر کے خلاف مؤثر کارروائیاں جاری رکھنے کے عزم کا اعادہ کیا،ژوب اور سمبازہ میں امن و استحکام برقرار رکھنے کے لیے سکیورٹی فورسز کی مؤثر موجودگی برقرار رہے گی

بلوچستان کے مختلف اضلاع میں پاک فوج سے اظہار یکجہتی کے لئے سینکڑوں عوام سڑکوں پر نکل آئے

جھل مگسی ،قمردین کاریز، کوہلو اور چمن میں پاک فوج سے اظہارِ یکجہتی کیلئے ریلیاں نکالی گئیں،ریلی کے شرکا نے افغان طالبان کی جارحیت کی شدید مذمت کی اور ملکی سلامتی کیلئے پاک فوج کی مکمل حمایت کا اعلان کر دیا،چمن اور کوہلو پاک فوج زندہ باد اور پاکستان پائندہ باد کے نعروں سے گونجتے رہے ،ریلیوں کے شرکا کاکہنا تھا کہ افغان طالبان کی جارحیت کا افواج پاکستان نے منہ توڑ اور بھرپور انداز میں جواب دیا،افغان طالبان کی جارحیت کا منہ توڑ جواب دینے پر پوری قوم افواج پاکستان کو خراج تحسین پیش کرتے ہیں دہشت گردی کے خلاف پاک فوج کے ساتھ ہیں، ملکی دفاع پر کوئی سمجھوتہ نہیں ہوگا،پاک فوج نے قوم کی حمایت سے دشمن کا غرور خاک میں ملا کر اپنی طاقت کا لوہا منوالیا،پاک فوج سرحدوں کا دفاع کررہی ہے اور قوم اس کی پشت پر کھڑی ہے ،ریلی کے شرکا نے عسکری قیادت قدم بڑھاؤ، ہم تمہارے ساتھ ہیں کے نعرے بھی لگائے،بلوچستان میں اظہار یکجہتی کی ریلیاں بلوچ عوام کی طرف سے پاک فوج کی مکمل حمایت کا واضح ثبوت ہیں

جنگ اور امن کے معاملات میں ہر ذمہ دار ریاست کے لیے اصول و قواعد متعین ہوتے ہیں، مگر افغانستان کی جانب سے بعض شدت پسند اور دہشت گرد عناصر کی غیر ذمہ دارانہ حرکتیں نہ تو پشتون روایات کے مطابق ہیں اور نہ ہی اسلامی تعلیمات سے ہم آہنگ۔

اس کے برعکس، پاکستان نے ٹی ٹی اے کے ہلاک شدہ جنگجوؤں کی لاشوں کو پوری عزت کے ساتھ افغانستان کے حوالے کیا اور زندہ گرفتار دہشت گردوں کے ساتھ بین الاقوامی قوانین کے مطابق پیش آیا، جو جنگی اصولوں کی پاسداری کا واضح ثبوت ہے۔جبکہ ٹی ٹی اے کے کارندے اسلامی تعلیمات اور پشتون روایات کی صریح خلاف ورزی کرتے ہوئے غیر انسانی اور وحشیانہ رویے کا مظاہرہ کرتے ہیں۔

ایف سی بلوچستان نارتھ کی بلوچستان کے گڈوانہ سیکٹر، ژوب میں افغان طالبان کے خلاف مؤثر اور بھرپور جوابی کارروائیاں کامیابی سے جاری ہیں۔

ایف سی بلوچستان نارتھ نے دشمن کی ایک اہم ابو طاہر پوسٹ پر مکمل کنٹرول حاصل کر لیا ہے،کارروائی کے دوران دشمن کو بھاری جانی اور مالی نقصان پہنچا ہے۔ جبکہ دشمن کی پوسٹ پر قبضے سے سیکیورٹی فورسز کی پوزیشن ایریا میں مزید مستحکم ہوئی ہے۔ پاک فوج نے پیشہ ورانہ مہارت، جدید ٹیکنالوجی اور بروقت حکمتِ عملی کے ذریعے سرحدی سلامتی کو یقینی بنایا،سیکیورٹی فورسز ہر قسم کی دراندازی اور جارحیت کا منہ توڑ جواب دینے کے لیے پوری طرح مستعد ہیں۔ پاکستان اپنی خودمختاری، سرحدوں کے تحفظ اور قومی سلامتی پر کسی قسم کا سمجھوتہ نہیں کرے گا۔

چوری، ڈکیتی اور بھتہ خوری کے مذموم عزائم کے ساتھ آنے والے فتنہ الہندوستان کے دہشت گردوں نے رمضان المبارک کے مقدس مہینے کا تقدس پامال کرتے ہوئے بلیدہ میناز میں عبدالحمید نامی شخص کے گھر پر حملہ کیا۔

جہاں حملہ آوروں نے اندھادھند فائرنگ کے ساتھ مارٹر گولے بھی فائر کیے۔اس سفاکانہ حملے کے نتیجے میں 6 معصوم بلوچ جن میں مسلم ولد چار شمبے، مولانا یوسف ولد محمد شریف، گل نازبنت عبدالغفار، ایک سالہ۔چنگیز ولد عبدالغفار، چار سالہ فضیلہ زوجہ عبدالغفار،اور چھ سالہ زہرہ بنت عبدالغفار شامل تھے شہید ہو گئے،جبکہ تین بچے زخمی ہوئے۔حملے کے باعث گھر کا سامان جل کر خاکستر ہو گیا اور گاڑیوں کو بھی شدید نقصان پہنچا۔

یہ المناک سانحہ دہشت گردوں کی بزدلی، سفاکیت اور ان کے مذموم مقاصد کی واضح عکاسی کرتا ہے اور بلوچ نسل کشی کی بدترین مثال ہے۔ نام نہاد آزادی کی جنگ کے دعوے سے شروع ہونے والا یہ فتنہ اب کھلے عام چوری، ڈکیتی اور بھتہ خوری جیسے جرائم تک پہنچ چکا ہے۔سیکیورٹی فورسز کی جانب سے علاقے میں سرچ آپریشن جاری ہے، جو آخری دہشت گرد کے خاتمے تک جاری رہے گا۔

حوصلے کی مثال، عزم کی پہچان، دوسروں کیلئے مشعل راہ، بلوچستان کی بیٹی شازیہ بتول

کوئٹہ سے تعلق رکھنے والی شازیہ بتول نے معذوری کو شکست دیکر تعلیمی اور سماجی میدان میں اپنا نمایاں اور باوقار مقام بنایا،فخر پاکستان شازیہ بتول ( تمغہ امتیاز ) کہتی ہیں کہ ہمیشہ مشکلات کو کمزوری نہیں بلکہ ہمیشہ اپنی طاقت سمجھا ہے ،عزم، صبر اور مستقل مزاجی وہ اوصاف ہیں جن سے ہی ناممکن کو ممکن بنایاجاسکتا ہے، حکومت پاکستان کی جانب سے “پرائیڈ آف آنر”ملنا ان کی نمایاں خدمات کا قومی سطح پر اعتراف ہے، اگر ہمت جواں ہو تو جسمانی رکاوٹیں خوابوں کی تکمیل میں رکاوٹ نہیں بن سکتیں،میری کامیابی ہر اس فرد کیلئے پیغام ہے جو مشکلات کا بہادری سے سامنا کر رہا ہے اور ہمت نہیں ہارتا، مشکلات کو بالائے طاق رکھ کر ہمت، ایمان اور محنت کے ذریعے ہر منزل حاصل کی جا سکتی ہے،

حکومت کی جانب سے نمایاں افراد کی حوصلہ افزائی باصلاحیت لوگوں کو مواقع اور اعتراف فراہم کرنے کے عزم کا اعادہ ہے