Category: کوئٹہ

پاک فوج اور کوئٹہ ڈسٹرکٹ سائیکلنگ ایسوسی ایشن کے اشتراک سے شولا اسپورٹس کمپلیکس کوئٹہ میں سائیکل ریس کا انعقاد کیا گیا

کوئٹہ میں 5.9 کلومیٹر کی سائیکل ریس میں خواتین کی بڑی تعداد نے شرکت کی ،سائیکل ریس میں خواتین شرکاء نے پُرکشش اور چیلنجنگ راستے پر اپنی صلاحیتوں کا مظاہرہ کیا،تقریب کے اختتام پر پوزیشن ہولڈرز کو نقد انعامات، تمغے اور سرٹیفکیٹس تقسیم کیے گئے،سائیکل ریس میں سب سے کم عمر اور معمر شرکاء کو بھی حوصلہ افزائی کیلئے انعامات دیے گئے،شرکاء نے بلوچستان میں صحت مند اور تعمیری سرگرمیوں کے انعقاد پر پاک فوج کو خراج تحسین پیش کیا

سائیکل ریس میں شرکاء کا کہنا تھا کہ سائیکل ریس میں خواتین کی بڑی تعداد نے شرکت کی ہے جو کہ خوش آئند ہے،اس طرح کے ایونٹس خواتین کیلئے بہت ضروری ہیں، بلوچستان میں مزید ایونٹس کرائے جائیں،بلوچستان میں خواتین کی صلاحیتوں کے اظہار کیلئے اس طرح کے مزید ایونٹس بہت ضروری ہیں،

پاک فوج قومی ترقی میں بلوچ خواتین کی شمولیت اور ان کو بااختیار بنانے کے لیے پرعزم ہے

ایف سی ہیڈکوارٹر کوہلو میں آئی جی ایف سی بلوچستان (نارتھ) میجر جنرل محمد عاطف مجتبیٰ کی سربراہی میں کھلی کچہری کا انعقاد کیا گیا، جس میں ڈپٹی کمشنر کوہلو، ضلعی انتظامیہ کے افسران اور کثیر تعداد میں قبائلی عمائدین نے شرکت کی۔

کھلی کچہری میں کوھلو کے علاقے میں عوام کو درپیش مسائل کے بروقت حل، امن و استحکام کے قیام، ترقی اور عوامی فلاح و بہبود کے لیے مشترکہ حکمتِ عملی مرتب کرنے پر غور کیا گیا۔

آئی جی ایف سی بلوچستان نارتھ کا کہنا تھا کہ بلوچستان کی ترقی اور خوشحالی کا راستہ امن و اتحاد سے وابستہ ہے اور عوامی مسائل کا بروقت اور فوری حل ہماری اولین ترجیح ہے, بلوچستان کی عوام نے دہشت گردوں کے عزائم کو ناکام بنانا ہے، اور ہم سب نے مل کر وطن کو دشمن عناصر کے ناپاک عزائم اور سازشوں سے نجات دلانی ہے ۔ علاقے میں امن قائم رکھنے میں قبائلی عمائدین کا کردار نہایت اہم ہے۔

اس موقع پر قبائلی عمائدن کا کہنا تھا کہ کھلی کچہری عوامی مسائل کے حل کا ایک اہم جزو ہے۔ ہم نے اپنے مسائل بیان کیے ہیں اور ہمیں امید ہے کہ حکومت بلوچستان ان کے حل کے لیے عملی اقدامات اٹھائے گی۔شرکاء نے اس عزم کا ا اعادہ کیا کہ بلوچستان کی خوشحالی اور امن کے لیے بلوچستان حکومت، سیکیورٹی فورسز ، ضلعی انتظامیہ اور قبائلی عمائدین کا باہمی تعاون ناگزیر ہے۔

آئی جی ایف سی بلوچستان (نارتھ) میجر جنرل محمد عاطف مجتبیٰ نے کوہلو بازار کا بغیر کسی پیشگی اطلاع کے اچانک دورہ کیا۔ ان کے اس دورے کا مقصد علاقے کی مجموعی سیکیورٹی صورتحال کا جائزہ لینا، عوامی مسائل سے آگاہی حاصل کرنا اور مقامی لوگوں سے براہِ راست رابطہ قائم کرنا تھا۔

دورے کے دوران آئی جی ایف سی نے بازار میں موجود دکانداروں، مقامی شہریوں اور نوجوانوں سے غیر رسمی گفتگو کی۔ انہوں نے لوگوں سے علاقے میں امن و امان، کاروباری ماحول اور دیگر عوامی سہولیات کے متعلق دریافت کیا۔ شہریوں نے انہیں مختلف مسائل سے آگاہ کیا، جنہیں میجر جنرل محمد عاطف مجتبیٰ نے توجہ سے سنا اور متعلقہ اداروں تک پہنچانے کی یقین دہانی کرائی۔عوام نے ایف سی بلوچستان اور پاک فوج کی جانب سے کوہلو سمیت پورے بلوچستان میں امن کے قیام کے لیے کی جانے والی کوششوں کو بھرپور انداز میں سراہا۔ شہریوں کا کہنا تھا کہ ایف سی کی موجودگی سے علاقے میں نہ صرف امن بہتر ہوا ہے بلکہ کاروباری سرگرمیوں میں بھی نمایاں بہتری آئی ہے۔

مقامی لوگوں نے آئی جی ایف سی کو اپنے درمیان پا کر خوشی کا اظہار کیا اور ان کے ساتھ یادگاری تصاویر بھی بنوائیں۔ بازار میں موجود ضعیف شہریوں اور نوجوانوں نے ان سے مصافحہ کیا اور اپنے محبت بھرے جذبات کا اظہار کیا۔میجر جنرل محمد عاطف مجتبیٰ کا یہ دورہ عوام کے ساتھ قریبی رابطے، زمینی حقائق سے آگاہی اور بلوچستان میں پائیدار امن کے قیام کے لیے ایف سی کے مضبوط عزم کی واضح مثال سمجھا جا رہا ہے۔ مقامی لوگوں نے امید ظاہر کی کہ اس طرح کے دورے عوام اور سیکیورٹی اداروں کے درمیان فاصلے مزید کم کریں گے اور علاقے میں امن و ترقی کے سفر کو مزید تقویت بخشیں گے۔

ایف سی ہیڈکوارٹر سوئی میں کھلی کچہری کا انعقاد کیا گیا، جس میں آئی جی ایف سی بلوچستان (نارتھ) میجر جنرل محمد عاطف مجتبٰی، ڈپٹی کمشنر ڈیرہ بگٹی، ضلعی انتظامیہ کے افسران اور کثیر تعداد میں قبائلی عمائدین نے شرکت کی۔

کھلی کچہری میں ڈیرہ بگٹی کے علاقے میں درپیش مسائل کے حل، امن و استحکام کے قیام، ترقی اور عوامی فلاح و بہبود کے لیے مشترکہ حکمتِ عملی مرتب کرنے پر غور کیا گیا۔آئی جی ایف سی بلوچستان نارتھ کا کہنا تھا کہ بلوچستان کی ترقی اور خوشحالی کا راستہ امن و اتحاد سے وابستہ ہے۔ عوام نے دہشت گردوں کے عزائم کو ناکام بنانا ہے اور ہم سب نے مل کر وطن دشمن عناصر کی سازشوں کو شکست دینی ہے۔ علاقے میں امن قائم رکھنے میں قبائلی عمائدین کا کردار نہایت اہم ہے۔

قبائلی عمائدین کا کہنا تھا کہ کھلی کچہری عوامی مسائل کے حل کا ایک اہم جزو ہے۔ ہم نے اپنے مسائل بیان کیے ہیں اور ہمیں امید ہے کہ حکومت بلوچستان ان کے حل کے لیے عملی اقدامات اٹھائے گی۔

کھلی کچہری کے دوران مقامی عمائدین نے تعلیم وصحت اور ڈیر بگٹی و کشمور روڈ کی حالتِ زار اور سیکورٹی صورتحال پر بھی تبادلہ خیال کیا گیا، جو علاقے کی معاشی اور سماجی ترقی میں مددگار ثابت ہوگا۔شرکاء نے اس عزم کا ا اعادہ کیا کہ بلوچستان کی خوشحالی اور امن کے لیے بلوچستان حکومت، سیکیورٹی فورسز ، ضلعی انتظامیہ اور قبائلی عمائدین کا باہمی تعاون ناگزیر ہے۔

کوئٹہ: مرکزی مسلم لیگ شعبہ خدمت خلق نے خواتین کو باعزت روزگار اور بنیادی سہولیات فراہم کرنے کے لیے شہر بھر میں ایک بڑے فلاحی پروگرام کا اعلان کیا ہے۔ پارٹی کی جانب سے نہ صرف 20 نئے سلائی سنٹرز قائم کیے جائیں گے بلکہ 10 مفت ڈسپنسریوں کا آغاز بھی کیا جا رہا ہے۔

مشترکہ پریس کانفرنس سے خطاب کرتے ہوئے صدر مرکزی مسلم لیگ کوئٹہ ڈویژن حافظ ادریس، صدر شعبہ خدمتِ خلق بلوچستان ڈاکٹر احسان، اور دیگر رہنماؤں ڈاکٹر ہارون، میر شاہجہان گرگناڑی، بخت خلجی، میر شکر خان رئیسانی، خدائے دوست کاکڑ، ملک اسلم بازئی، حاجی جمعہ گل اور ملک فہیم بڑیچ نے اس اقدام کو خواتین کی خود مختاری اور معاشی استحکام کے لیے ایک سنگِ میل قرار دیا۔ حافظ ادریس نے کہا کہ بلوچستان کے حالات انتہائی مخدوش ہیں، ایسے حالات میں لوگوں کو روزگار فراہم کرنا امن کے قیام کے لیے بھی ایک اہم کڑی ہے۔ انہوں نے بتایا کہ مرکزی مسلم لیگ پہلے ہی خواتین کے لیے سلائی اور بیوٹیشن سنٹرز چلا رہی ہے، جن میں سینکڑوں خواتین ہنر سیکھ رہی ہیں۔

پارٹی رہنماؤں نے بتایا کہ اب شہر کے 10 سے زائد علاقوں میں نئے سلائی سنٹرز کا قیام عمل میں لایا جا رہا ہے جہاں خواتین کو نہ صرف سلائی سکھائی جائے گی بلکہ مستحق خواتین کو تربیت کے بعد سلائی مشینیں بھی فراہم کی جائیں گی۔ یہ سنٹرز خواتین کو اپنے گھروں میں باعزت روزگار کمانے کے قابل بنائیں گے۔ مزید برآں، خواتین کے مدارس میں بھی سلائی سنٹرز قائم کیے جا رہے ہیں تاکہ طالبات دینی تعلیم کے ساتھ ہنر بھی سیکھ سکیں۔ رہنماؤں نے کہا کہ یہ اقدامات معاشی بہتری، خواتین کے بااختیار ہونے اور بلوچستان میں ایک خوشحال اور پُرامن معاشرے کی بنیاد رکھیں گے۔