Baaghi TV

Category: کوئٹہ

  • بلوچستان لیویز میں بڑی کارروائی: 18 اضلاع کے 62 اہلکار معطل

    بلوچستان لیویز میں بڑی کارروائی: 18 اضلاع کے 62 اہلکار معطل

    ڈائریکٹر جنرل بلوچستان لیویز عبدالغفار مگسی نے بدعنوانی اور چیک پوسٹوں پر رشوت لینے میں ملوث پائے جانے والے 62 لیویز اہلکاروں کو معطل کر دیا۔

    ڈی جی لیویز کی جانب سے جاری کردہ بیان کے مطابق یہ اہلکار صوبے کے 18 مختلف اضلاع سے تعلق رکھتے ہیں۔
    ان اہلکاروں کے خلاف کارروائی شفاف تحقیقات کے بعد کی گئی ہے۔ انہوں نے کہا کہ لیویز فورس میں کرپشن کسی صورت برداشت نہیں کی جائے گی اور احتساب کا عمل ہر سطح پر جاری رہے گا۔

    بیان میں مزید کہا گیا کہ اس معاملے کی مکمل چھان بین کے لیے ڈائریکٹر ایڈمن لیویز فورس میر واعظ خان کو انکوائری افسر مقرر کر دیا گیا ہے، جو پندرہ روز کے اندر اپنی رپورٹ پیش کریں گے۔واضح رہے کہ حالیہ دنوں بلوچستان میں لیویز فورس کے مستقبل سے متعلق کئی اہم فیصلے سامنے آئے ہیں، جن میں تین اضلاع کی لیویز فورس کو پولیس میں ضم کرنے کا اعلان بھی شامل ہے۔

    ایران پر حملہ نہ کریں، ہم جنگ نہیں، نتیجہ چاہتے ہیں،ٹرمپ کا نیتن یاہو کو پیغام

    آزادکشمیر: تولی پیر میں پولیس وین کھائی میں گرنے سے 5 اہلکار جاں بحق

    چترال: نوجوان نے ایک ہی وقت میں دو لڑکیوں سے نکاح کر کے نئی مثال قائم کر دی

    چترال: نوجوان نے ایک ہی وقت میں دو لڑکیوں سے نکاح کر کے نئی مثال قائم کر دی

    مانع حمل انجیکشن اور خواتین کی صحت ،ایک اہم وارننگ

  • سکیورٹی فورسز کی کارروائی؛موسیٰ خیل میں کالعدم تنظیم کے 4 دہشتگرد ہلاک

    سکیورٹی فورسز کی کارروائی؛موسیٰ خیل میں کالعدم تنظیم کے 4 دہشتگرد ہلاک

    کوئٹہ:بلوچستان میں سکیورٹی فورسز کی ایک بڑی کارروائی کے دوران کالعدم تنظیم کے 4 مسلح دہشتگرد ہلاک ہوگئے۔

    ضلع موسیٰ خیل کے علاقے راڑہ شم کے علاقے میں سکیورٹی فورسز نے ایک اہم کارروائی کی، جس کے دوران فائرنگ کے تبادلے میں کالعدم تنظیم کے 4 مسلح دہشت گرد ہلاک ہو گئے ہلاک دہشت گرد راڑہ شم میں ہائی وے پر بم نصب کررہے تھے ہلاک ہونے والے ان دہشت گردوں اسلحہ اور بم بھی برآمد ہوئے ہیں، ہلاک دہشت گرد راڑہ شم اور رڑکن کے علاقوں میں مسافر بسوں پر حملوں میں ملوث تھے ، سکیورٹی ذرائع کا مزید کہنا ہے کہ چاروں ہلاک دہشت گرد مختلف واقعات میں ملوث تھے۔

  • سانحہ خضدار: بلوچستان اسمبلی میں دہشتگردی کے خلاف مشترکہ مذمتی قرارداد منظور

    سانحہ خضدار: بلوچستان اسمبلی میں دہشتگردی کے خلاف مشترکہ مذمتی قرارداد منظور

    بلوچستان اسمبلی نے سانحہ خضدار میں اسکول بس پر ہونے والے خودکش حملے کی شدید مذمت کرتے ہوئے ایک مشترکہ قرارداد منظور کر لی۔

    باغی ٹی وی کے مطابق قرارداد میں 21 مئی کے المناک واقعے کو "بزدلانہ، انسانیت سوز اور سفاکانہ” قرار دیا گیا ہے۔یہ قرارداد رکن اسمبلی رحمت صالح بلوچ نے پیش کی، جس میں کہا گیا کہ 21 مئی 2025 کو آرمی پبلک اسکول خضدار کے بچوں کی بس پر خودکش حملے میں 8 نہتے اور معصوم طلبہ شہید جبکہ متعدد افراد زخمی ہوئے۔ ایوان اس بہیمانہ حملے کی شدید الفاظ میں مذمت کرتا ہے اور شہدا کے اہل خانہ سے اظہار یکجہتی کرتا ہے۔”

    زرک مندوخیل نے کہا کہ یہ حملہ نہ صرف ظلم و بربریت کی انتہا ہے بلکہ پاکستان کے روشن مستقبل، نئی نسل اور علم کے نور پر حملہ ہے۔”فرح عظیم شاہ نے دعویٰ کیا کہ "اب ثبوت کے ساتھ واضح ہو چکا ہے کہ المناک واقعے کو "بزدلانہ، انسانیت سوز اور سفاکانہ” قرار کرنے والے بھارت کے آلہ کار ہیں۔سلیم کھوسہ (مسلم لیگ ن) نے کہا کہ "بچوں کی شہادت نے بلوچستان کو توڑنے کے خواب دیکھنے والوں کے عزائم خاک میں ملا دیے ہیں۔ ان کے چپٹر کو بند کر دیا گیا ہے۔”

    یاد رہے کہ 21 مئی کو خضدار میں آرمی پبلک اسکول کی بس کو نشانہ بنایا گیا، جس میں ابتدائی طور پر 5 افراد شہید ہوئے تھے، تاہم بعد ازاں مزید دو طالبات زخموں کی تاب نہ لاتے ہوئے دم توڑ گئیں۔بلوچستان اسمبلی نے متفقہ طور پر قرارداد منظور کرتے ہوئے عالمی برادری سے مطالبہ کیا کہ وہ پاکستان، خصوصاً بلوچستان میں بیرونی مداخلت اور دہشتگردی کا نوٹس لے۔

    تجزیہ کاروں کے مطابق یہ قرارداد بلوچستان میں امن کے قیام کے لیے عوامی نمائندوں کے اتفاق رائے اور دشمن قوتوں کے خلاف قومی بیانیے کی عکاس ہے۔

    نوشکی آئل ٹینکر حادثہ، جاں بحق افراد کی تعداد 34 ہوگئی

    بھارت، لالو پرساد یادیو نے بیٹے کو خاندان اور پارٹی سے نکال دیا

    بھارت، لالو پرساد یادیو نے بیٹے کو خاندان اور پارٹی سے نکال دیا

    مورو احتجاج: شرجیل میمن نے مظاہرین کے تشدد اور جلاؤ گھیراؤ کی ویڈیوز پیش کردیں

    وزیراعظم کی ایران کے سپریم لیڈر آیت اللہ خامنہ ای سے ملاقات

  • نوشکی آئل ٹینکر حادثہ، جاں بحق افراد کی تعداد 34 ہوگئی

    نوشکی آئل ٹینکر حادثہ، جاں بحق افراد کی تعداد 34 ہوگئی

    بلوچستان کے ضلع نوشکی میں 28 اپریل کو پیش آنے والے افسوسناک آئل ٹینکر آتشزدگی واقعے میں ایک اور زخمی کی ہلاکت کے بعد جاں بحق افراد کی تعداد 34 تک پہنچ گئی ہے۔

    باغی ٹی وی کے مطابق واقعے میں 80 سے زائد افراد جھلس کر زخمی ہوئے تھے، جن میں سے کئی تاحال کوئٹہ اور کراچی کے اسپتالوں میں زیر علاج ہیں۔28 اپریل کو نوشکی کے ٹرک اڈے میں ایک آئل ٹینکر کی وائرنگ درست کرتے ہوئے اچانک آگ بھڑک اٹھی۔آگ نے دیکھتے ہی دیکھتے پورے ٹینکر کو لپیٹ میں لے لیا۔

    ڈرائیور نے ہمت کا مظاہرہ کرتے ہوئے جلتے ہوئے ٹینکر کو قریبی کھیت کی طرف لے جانے کی کوشش کی تاکہ انسانی جانوں کو بچایا جا سکے۔تاہم وہاں موجود شہریوں کی بڑی تعداد ٹینکر کے پھٹنے سے شدید جھلس گئی۔متاثرین میں علاقہ مکین، مزدور اور راہگیر شامل ہیں جو حادثے کے وقت جائے وقوعہ پر موجود تھے۔

    جھلسنے والے افراد کو شدید نوعیت کے زخم آئے، جن میں سے متعدد کی حالت تشویشناک رہی۔جاں بحق افراد کی مسلسل بڑھتی ہوئی تعداد نے واقعے کو بلوچستان کی حالیہ تاریخ کے المناک ترین حادثات میں شامل کر دیا ہے۔ضلعی انتظامیہ اور ریسکیو اداروں نے فوری کارروائی کرتے ہوئے زخمیوں کو اسپتال منتقل کیا تھا۔

    واضح رہے کہ سوشل میڈیا اور مقامی ذرائع ابلاغ میں واقعے کو ناقص حفاظتی انتظامات اور تربیت کے فقدان کا شاخسانہ قرار دیا جا رہا ہے۔یہ واقعہ نہ صرف ریاستی مشینری کی کارکردگی پر سوالیہ نشان ہے بلکہ عوامی آگاہی اور ہنگامی حالات میں تربیت کی اشد ضرورت کو بھی اجاگر کرتا ہے۔

    نوشکی آئل ٹینکر حادثہ، جاں بحق افراد کی تعداد 34 ہوگئی

    بھارت، لالو پرساد یادیو نے بیٹے کو خاندان اور پارٹی سے نکال دیا

    بھارت، لالو پرساد یادیو نے بیٹے کو خاندان اور پارٹی سے نکال دیا

    مورو احتجاج: شرجیل میمن نے مظاہرین کے تشدد اور جلاؤ گھیراؤ کی ویڈیوز پیش کردیں

  • کوئٹہ سے تونسہ شریف جانے والی مسافر بس مسلح افراد لے گئے، مسافر محفوظ

    کوئٹہ سے تونسہ شریف جانے والی مسافر بس مسلح افراد لے گئے، مسافر محفوظ

    کوئٹہ سے تونسہ شریف جانے والی ایک مسافر بس کو مسلح افراد اپنے ساتھ لے گئے۔

    لیویز حکام کے مطابق مسلح افراد نے مسافروں کو بس سے اتار کر انہیں محفوظ مقام پر چھوڑ دیا، جبکہ خالی بس کو ساتھ لے گئے۔حکام کے مطابق ابتدائی تحقیقات میں یہ معاملہ لین دین کا تنازع معلوم ہوتا ہے، تاہم واقعے کی مزید تفتیش جاری ہے۔

    لیویز فورس نے بتایا کہ بس اور عملے کی تلاش کے لیے کارروائی شروع کر دی گئی ہے اور معاملے کے تمام پہلوؤں کا جائزہ لیا جا رہا ہے۔ ابھی تک کسی گروہ نے واقعے کی ذمہ داری قبول نہیں کی۔

    ماہرہ خان کو لندن میں فلم کی تشہیر کے دوران ہراسانی کا سامنا، ویڈیو وائرل

    کراچی میں پانی اور بجلی کی بندش پر شہریوں کا شدید احتجاج، اہم سڑکیں بند

    پی ایس ایل 10، کوئٹہ گلیڈی ایٹرز کا ٹاس جیت کر بیٹنگ کا فیصلہ

    وزیراعظم شہباز شریف 2 روزہ دورے پر ترکیہ پہنچ گئے

  • بلوچستان میں دہشت گردی کی سرگرمیوں میں بھارت براہ راست ملوث ہے،عطاتارڑ

    بلوچستان میں دہشت گردی کی سرگرمیوں میں بھارت براہ راست ملوث ہے،عطاتارڑ

    کوئٹہ ۔ وفاقی وزیر اطلاعات و نشریات عطاء اللہ تارڑ نے خضدار واقعہ میں زخمی ہونے والے بچوں کی عیادت اور لواحقین سے ملاقات کے بعد میڈیا سے گفتگو کی ہے

    عطا تارڑ کا کہنا تھا کہ خضدار بس کے دلخراش واقعہ میں ہمارے بچوں نے عظیم قربانی دی،پاکستانی قوم کے جذبے کو کوئی شکست نہیں دے سکتا، خضدار واقعہ میں متاثر ہونے والے بچوں کا عزم اور جذبہ بلند ہے، صوبیدار سلیم نے اپنی دو بیٹیوں کی تدفین کی، تیسرا بیٹا شدید زخمی ہے، صوبیدار سلیم اپنے بچوں کی شہادت اور زخمی ہونے کے باوجود ایمبولینس کے آگے پاکستان کے حق میں نعرے لگاتے رہے،ایک شخص کے چار بچے شدید زخمی ہوئے لیکن ان کے حوصلے بلند ہیں، آج انٹرنیشنل اور نیشنل میڈیا کو خضدار میں اصل صورتحال سے آگاہ کرنے کے لئے لایا گیا ہے، بھارت معرکہ حق آپریشن بنیان مرصوص میں شکست کے بعد سافٹ ٹارگٹ پر اتر آ یا ہے، کلبھوشن یادیو کی بلوچستان سے گرفتاری ہمارے پاس بھارت کے دہشت گردی میں ملوث ہونے کا واضح ثبوت ہے، عسکریت پسندوں گلزار امام شمبے اور سرفراز بنگلزئی نے بھارتی سرپرستی کا خود اعتراف کیا، بھارت اپنی پراکسیز کے ذریعے بلوچستان کو عدم استحکام کا شکار کرنا چاہتا ہے، آپریشن معرکہ حق کے دوران بھی بلوچستان میں 33 حملے ہوئے،وزیراعظم شہباز شریف اور فیلڈ مارشل عاصم منیر کا عزم ہے کہ دہشت گردی کو جڑ سے اکھاڑ پھینکا جائے گا اور بلوچستان کو امن کا گہوارہ بنائیں گے، ڈی جی آئی ایس پی آر نے بھی بھارت کے دہشت گردی کی کارروائیوں میں ملوث ہونے کے شواہد پئش کئے، پاکستانی قوم متحد ہے، افواج پاکستان مکمل طور پر دہشت گردی سے نمٹںے کے لئے تیار ہے،

    عطاتارڑ کا مزید کہنا تھا کہ فتنہ الہندوستان کو ہر جگہ بے نقاب کریں گے، یہ بات سمجھ سے بالاتر ہے کہ مودی کی حکومت کا بلوچستان کے واقعات سے کیا تعلق ہے؟ فتنہ الہندوستان کے دہشت گردوں کو انڈین میڈیا پر دیکھا گیا، جعفر ایکسپریس واقعہ کی ویڈیو ان دہشت گردوں نے انڈین میڈیا کو فراہم کی، بلوچستان میں دہشت گردی کی سرگرمیوں میں بھارت براہ راست ملوث ہے، یہ واضح کر دینا چاہتے ہیں کہ ہمارے حوصلے اور عزم بلند ہیں، روایتی جنگ میں بھارت کو منہ کی کھانا پڑی، ان کے چھ جہاز گرائے، بھارت نے خود تسلیم کیا کہ ان کا بڑا نقصان ہوا ہے، ہماری مسلح افواج، وزیراعظم شہباز شریف، فیلڈ مارشل عاصم منیر، ایئر چیف ظہیر احمد بابر، نیول چیف نوید اشرف کا بھارتی جارحیت کا منہ توڑ جواب دینے میں مثالی کردار رہا ہے، تمام سیاسی جماعتیں اور ادارے مل کر بلوچستان میں امن بحال کریں گے، ہماری بہادر افواج نے دہشت گردوں کو جہنم واصل کیا،کسی بھی دہشت گرد کو ہر صورت سزا یقینی بنانے کے لئے کام کرنا ہوگا، گجرات کے قصائی شکست خوردہ وزیراعظم کو بہت بڑی شکست کا سامنا کرنا پڑا ہے، جب پاکستان میں فتح کا جشن منایا جا رہا تھا، اس وقت بھارت میں مودی حکومت سے سوال اٹھائے جا رہے تھے، بھارت نے رات کی تاریکی میں بزدلانہ حملہ کیا جس کا منہ توڑ جواب دیا گیا، بھارت اپنی خفت اور شرمندگی مٹانے کی کوشش کر رہا ہے، بھارت کے پاس اب صرف دھمکی آمیز رویہ باقی رہ گیا ہے، بھارتی دہشت گردی کی سرگرمیوں کو ہر صورت بے نقاب کریں گے،پاکستان کی کامیابی ہے کہ کشمیر ایک مرتبہ پھر عالمی سطح پر اجاگر ہوا ہے، بلوچستان کے حوالے سے حکومتی اپروچ ہر جگہ موجود ہے، ہم تسلسل کے ساتھ بلوچستان کے مسائل کو حل کرتے رہیں گے،وفاقی وزیر اطلاعات نے اس موقع پر بچوں کے لواحقین سے بھی گفتگو کی اور ان کے عزم اور حوصلے کو سراہا

  • خضدار: اسکول بس پر خودکش حملہ، وزیراعظم اور آرمی چیف کا دورہ

    خضدار: اسکول بس پر خودکش حملہ، وزیراعظم اور آرمی چیف کا دورہ

    بلوچستان کے ضلع خضدار میں اسکول بس پر ہونے والے بزدلانہ خودکش حملے کے بعد وزیراعظم شہباز شریف اور آرمی چیف جنرل عاصم منیر نے کوئٹہ کا ہنگامی دورہ کیا، جہاں انہوں نے زخمی بچوں کی عیادت کی اور دہشت گردی کے خلاف دوٹوک موقف اپنایا۔

    باغی ٹی وی کے مطابق وزیراعظم نے میڈیا سے گفتگو میں کہا کہ حملے میں زخمی آٹھ بچوں کی حالت تشویشناک ہے۔ انہوں نے واضح طور پر کہا کہ بھارتی پراکسیز کے ذریعے پاکستان کو غیر مستحکم کرنے کی سازش کبھی کامیاب نہیں ہوگی۔ "پوری قوم اپنی سیکیورٹی فورسز کے شانہ بشانہ کھڑی ہے.شہباز شریف نے کہا کہ بلوچ اور پشتون عوام نے دہشتگردی کو مسترد کر دیا ہے۔ اب وقت آ گیا ہے کہ دہشتگردوں کے خلاف فیصلہ کن جنگ لڑی جائے اور انہیں انجام تک پہنچایا جائے۔

    آرمی چیف جنرل عاصم منیر نے حملے کو "بھارتی سرپرستی میں ہونے والی کارروائی” قرار دیا اور کہا کہ بھارت ریاستی پالیسی کے تحت پراکسیز کا استعمال کر رہا ہے، جو قابل مذمت ہے۔اس موقع پر موجود وفاقی وزرا نے بھی بھارت کو آڑے ہاتھوں لیا اور کہا کہ "بھارت خطے میں عدم استحکام کا مرکز بن چکا ہے، اور اب اس کا اصل چہرہ دنیا کے سامنے بے نقاب ہو چکا ہے۔” ان کا کہنا تھا کہ دہشتگردوں کے سہولت کاروں کو انصاف کے کٹہرے میں لایا جائے گا۔

    واضح رہے کہ خضدار میں آج صبح اسکول بچوں کو لے جانے والی بس پر خودکش حملے میں 3 طالبات سمیت 5 افراد شہید اور متعدد زخمی ہوئے۔
    ڈپٹی کمشنر کے مطابق حملہ آور نے خود کو بس کے قریب دھماکے سے اڑا لیا۔ شہید ہونے والی طالبات میں ثانیہ سومرو (چھٹی جماعت)،حفظہ کوثر (ساتویں جماعت) اور عیشا سلیم (دسویں جماعت) شامل ہیں۔ذرائع کے مطابق متعدد زخمی بچوں کی حالت نازک ہے، اور ہسپتال میں ایمرجنسی نافذ کر دی گئی ہے۔

    چین کا دورہ کامیاب ، پاک چین تعلقات مزید مضبوط ہو رہے ہیں: اسحاق ڈار

    کالعدم بی ایل اے کا گرفتار کارندہ ریمانڈٍ پر پولیس کے حوالے

    پی ایس ایل 10: کوئٹہ گلیڈی ایٹرز کا اسلام آباد کو 210 رنز کا پہاڑ جیسا ہدف

    سپریم کورٹ کی بڑی پیش رفت: سزائے موت کی تمام اپیلیں نمٹا دی گئیں

    کراچی ایئرپورٹ پر بڑی کارروائی، 37 کروڑ روپے کی ممنوعہ ادویات ضبط

  • وزیراعظم ہنگامی دورے پر کوئٹہ پہنچ گئے

    وزیراعظم ہنگامی دورے پر کوئٹہ پہنچ گئے

    وزیراعظم شہباز شریف ہنگامی دورے پر بلوچستان کے دارالحکومت کوئٹہ پہنچ گئے، جہاں امان و امان سے متعلق اعلیٰ سطح کا اجلاس متوقع ہے۔

    وزیراعظم کے ہمراہ وزیر دفاع خواجہ آصف، وزیر داخلہ محسن نقوی اور وزیر اطلاعات عطااللہ تارڑ بھی موجود ہیں وزیراعلیٰ بلوچستان میر سرفراز بگٹی نے کابینہ اراکین کے ہمراہ وزیراعظم اور وفاقی وزرا کا استقبال کیا وزیراعظم کی آمد خضدار واقعے کے تناظر میں انتہائی اہم ہے، شہباز شریف اہم ملاقاتوں اور بریفنگز میں شرکت کریں گے، اس کے علاوہ وزیراعظم شہبازشریف اعلیٰ سطح اجلاس کی صدارت کریں گے، شہباز شریف کو امن وامان کی صورتحال پربریفنگ دی جائے گی۔

    اس سے قل سینئر صحافیوں سے گفتگو کرتے ہوئے شہباز شریف کا کہنا تھا کہ جنگ میں کسی کی جیت ہوتی ہے تو ایک کی ہار ہوتی ہے، جنگ مستقل حل نہیں دیرپا امن ہی محفوظ مستقبل کی ضمانت ہے ، پاکستان اور بھارت زمانہ امن کی پوزیشن پر واپس آ رہے ہیں،جنگ کے دوران اسرائیل نے بھارت کی خوب مدد کی۔ سری نگر اور دیگر مقامات پر بھارت نے اسرائیلی ہتھیار استعمال کیے، بھارت سے جب بھی مذاکرات ہوئے تو کشمیر، پانی، تجارت اور دہشتگردی کے حوالے سے بات ہو گی۔

    انہوں نے کہا کہ بھارت کیساتھ مذاکرات کے لیے اگر کوئی تیسرا ملک کردار ادا کرتا ہے تو ہم تیار ہیں، پاکستان ہمیشہ امن کی ہی بات کرتا ہے اپنا پانی کا حق ہرصورت میں لے کر رہیں گے خضدار میں افسوسناک واقعہ پیش آیا، دہشتگردی کا قلع قمع کریں گے، پاکستان معاشی اہداف حاصل کر رہا ہے، بجٹ میں عوام کو ریلیف دینے کے لیے اقدامات کریں گے۔

  • وزیر اعظم اور فیلڈ مارشل آج کوئٹہ کا دورہ کریں گے

    وزیر اعظم اور فیلڈ مارشل آج کوئٹہ کا دورہ کریں گے

    وزیراعظم شہباز شریف اور فیلڈ مارشل سید عاصم منیر آج کوئٹہ کا دورہ کریں گے۔

    وزیراعظم آفس کے مطابق وزیراعظم شہباز شریف کو بلوچستان میں امن و امان کی صورتحال پربریفنگ دی جائے گی ، وزیراعظم اور فیلڈ مارشل عاصم منیر خضدار بس دھماکے کے زخمیوں کی عیادت بھی کریں گے۔

    وزیراعظم آفس کے اعلامیے میں کہا گیا ہے کہ فیلڈ مارشل سید عاصم منیر کے اعزاز میں آج شام ہونے والی تقریب مؤخر کی گئی ہے، تقر یب خضدار بس حملے کی وجہ سے فیلڈ مارشل کی درخواست پر مؤخر کی گئی۔

  • ہم بھارت کےبزدلانہ حملوں پر خاموش تماشائی نہیں بن سکتے، سرفراز بگٹی

    ہم بھارت کےبزدلانہ حملوں پر خاموش تماشائی نہیں بن سکتے، سرفراز بگٹی

    وزیراعلیٰ بلوچستان سرفراز بگٹی نے خضدار میں اسکول بس پر دہشتگرد حملے کی شدید مذمت کرتے ہوئے کہا ہے کہ معصوم بچوں کا مقدس خون ہرگز رائیگاں نہیں جائے گا اور دہشتگردوں کی نہ کوئی قوم ہے نہ قبیلہ، وہ صرف دہشتگرد ہیں، جنہیں عبرت کا نشان بنایا جائے گا-

    وزیراعلیٰ بلوچستان نے کوئٹہ میں پریس کانفرنس کرتے ہوئے بتایا کہ آج صبح خضدار میں اسکول بس پر حملہ کیا گیا جس میں 47 بچے سوار تھے اور اس افسوسناک واقعے میں 4 بچے شہید ہو گئےاطلاعات تھیں کہ بھارت کے قومی سلامتی کے مشیر اجیت دوول بزدلانہ حملے کی منصوبہ بندی کر رہے ہیں، تاہم یہ اندازہ نہیں تھا کہ معصوم بچوں کو نشانہ بنایا جائے گا،ہم بزدلانہ حملوں پر خاموش تماشائی نہیں بن سکتے-

    انہوں نے کہا کہ بھارت اپنی جنگی شکست چھپانے کے لیے ایسے اقدامات پر اتر آیا ہے اور بی ایل اے اور بی ایل ایف جیسے گروہ ہمیشہ سافٹ ٹارگٹ کو نشانہ بناتے ہیں بھارت دہشت گردوں کو پیسہ اور ٹریننگ فراہم کرتا ہے،کسی بلوچ نے پنجاب کو نشانہ نہیں بنایا، دہشتگردوں نے پاکستانیوں کو شہید کیا ہے اور اب جب بات بچوں تک پہنچ چکی ہے، دہشتگردوں سے بدلہ لیا جائے گا اور ان بزدل عنا صر کو جہنم واصل کیا جائے گا،معصوم بچوں کا مقدس خون ہرگز رائیگاں نہیں جائے گا اور دہشتگردوں کی نہ کوئی قوم ہے نہ قبیلہ، وہ صرف دہشتگرد ہیں، جنہیں عبرت کا نشان بنایا جائے گا-