Category: کوئٹہ

بلوچستان کے صوبائی دارالحکومت کوئٹہ میں دھماکا ہوا ہے

دھماکے کے نتیجے میں تین افراد زخمی ہو گئے ہیں جن کو طبی امداد کے لئے ہسپتال منتقل کر دیا گیا، دھماکہ مشرقی بائی پاس کے قریب ہوا،اطلاع پر پولیس اور ریسکیو ادارے موقع پر پہنچ گئے، پولیس نے جائے وقوعہ کو گھیرے میں لے لیا،پولیس نے بتایا کہ دھماکے کے نتیجے میں زخمی ہونے والے افراد کو طبی امداد کے لئے ہسپتال منتقل کر دیا گیا ہے۔حکام نے بتایا کہ سکیورٹی فورسز نے جائے وقوعہ کو گھیرے میں لے کر سرچ آپریشن کا آغاز کر دیا ہے

پنجگور میں نیشنل پارٹی کے امیدوار کے گھرپر دستی بم سے حملہ، فائرنگ
دوسری جانب بلوچستان کے شہر پنجگورمیں بھی افسوسناک واقعہ پیش آیا ہے، چتکان میں نیشنل پارٹی کے امیدوار کے گھر کے باہر 2 دستی بم حملے کیے گئے ہیں، فائرنگ بھی کی گئی، پولیس موقع پر پہنچ گئی ،پولیس حکام کے مطابق حلقہ پی بی 30 سے امیدوار رحمت صالح بلوچ کے گھر پر حملہ کیا گیا ہے،حملہ آور دستی بم پھینک کر اور فائرنگ کر کے فرار ہو گئے ہیں، گھر میں موجود افراد نے جوابی فائرنگ بھی کی ہے، واقعے میں کسی قسم کا جانی نقصان نہیں ہوا،

واضح رہےکہ گزشتہ روز بھی کوئٹہ میں دھماکہ ہوا تھا،جس میں ایک شخص کی موت ہوئی تھی،ایس ایس پی آپریشنز طارق جواد نے جائے وقوعہ پر میڈیا سے گفتگو کرتے ہوئے کہا کہ سی پیک روڈ کے سڑک کنارے دھماکے میں ایک شخص جاں بحق ہوا ہے، دھماکے میں 8 سے 10 کلو دھماکہ خیز مواد استعمال کیا گیا ہے، جاں بحق شخص کی شناخت کے حوالے سے تحقیقات جاری ہیں، ابتدائی تفتیش میں جاں بحق شخص راہ گیر معلوم ہوتا ہے، جائے دھماکے کی حدود میں کو انتخابی پروگرام نہیں تھا،انتخابی گہما گہمی کے حوالے سے سیکورٹی ہائی الرٹ ہے.

 اسلامی شرعی احکامات کا مذاق اڑانے پر عمران نیازی کے خلاف راولپنڈی میں ریلی نکالی

ویڈیو آ نہیں رہی، ویڈیو آ چکی ہے،کپتان کا حجرہ، مرشد کی خوشگوار گھڑیاں

خاور مانیکا انٹرویو اور شاہ زیب خانزادہ کا کردار،مبشر لقمان نے اندرونی کہانی کھول دی

ریحام خان جب تک عمران خان کی بیوی تھی تو قوم کی ماں تھیں

خاور مانیکا کے انٹرویو پر نواز شریف کا ردعمل

غیر شرعی نکاح کیس،سابق وزیراعظم عمران خان اور بشری بی بی پر فرد جرم عائد

پیپلز پارٹی کے چیئرمین بلاول زرداری نے خضدار میں انتخابی جلسہ سے خطاب کرتے ہوئے کہا کہ آج ایک بار پھر بلوچستان کی سرزمین پر کھڑا ہوں،آج خضدار میں بلوچ بھائیوں اور بہنوں کے درمیان کھڑا ہوں

بلاول زرداری کا کہنا تھا کہ کچھ قوتیں پاکستان پیپلزپارٹی کو نشانہ بنائے ہوئےہیں ،وہ قوتیں نہیں چاہتیں کہ پیپلزپارٹی بلوچستان میں حکومت بنائے،وہ قوتیں نہیں چاہتیں کہ پیپلزپارٹی وفاق میں حکومت بنائے،وزیراعظم، وزیراعلیٰ بلوچستان جیالہ بنتا ہے تو ان کی سازشیں ناکام ہوں گی،وہ جانتے ہیں کہ میری رگوں میں بلوچ کا خون دوڑتا ہے،جس طرح میں بلوچستان کا دکھ درد سمجھتا ہوں یہ احساس کسی اور سیاستدان میں نہیں،وہ جانتے ہیں میں بینظیر کا بیٹا ہوں اور بلوچستان کے شہدا کا دکھ سمجھتا ہوں،وہ جانتے ہیں میں بلوچستان کے عوام کے مسائل جانتا ہوںموہ جانتے ہیں دہشت گردوں کا مقابلہ اور لاپتہ افراد کے مسئلے کا حل بھی نکال سکتا ہوں،بلوچ عوام، وفاق میں دراڑیں ڈالنے کی سازش بھی بلاول ناکام کرے گا،وہ جانتے ہیں ہم نفرت کی سیاست نہیں کرتے، بلاتفریق خدمت کرتے ہیں،تمام قوتوں کا مقابلہ کرنے کو تیار ہیں مگر عوام کے حق پر سودا نہیں کرسکتے،وہ جانتے ہیں پیپلزپارٹی واحد جماعت ہے جو بلوچستان کو حق دلا سکتی ہے،وہ جانتے ہیں پیپلزپارٹی بلوچستان میں غربت، بیروزگاری کا خاتمہ کرسکتی ہے،نفرت، تقسیم، دہشت گردی کی وجہ سے وہ سمجھتے ہیں یہ بچہ ہے ڈر جائے گا.

بلاول زرداری کا مزید کہنا تھا کہ دہشت گرد تنظیموں نے پیپلز پارٹی امیدواروں پر حملے کیے، مستونگ، بولان، تربت میں میرے امیدواروں پر حملے ہوئے،ہمارا کارکن شہید ہوا، کوئٹہ میں پی پی صوبائی صدر پر حملہ ہوا،خضدار میں بھی ہمارے امیدوار پر حملہ ہوا،ان کا خیال تھا پیپلزپارٹی کے جیالے اور ہم حملوں سے خوفزدہ ہوجائیں گے لیکن ہم ڈرنے والے نہیں،اگر صدر زرداری کی اٹھارویں ترمیم، این ایف سی ایوارڈ اور آغاز حقوق بلوچستان پر عمل ہوتا تو آج پکنے والی تمام سازشیں ختم ہو جاتیں،ہم عوام کی طاقت سے تمام قوتوں کا مقابلہ کرنے کے لئے تیار ہیں لیکن عوام کے حق پر سودا نہیں کریں گے۔ بندوق کے زور پر تمام مسئلے حل نہیں کر سکتے تمام مسائل کا حل خود نکال لوں گا،آپ اپنی سیاست کریں ،پر امن طریقے سے تحریکیں چلائیں ،وزیر اعظم بن کر بلوچستان کے لاپتا افراد کا مسئلہ حل کروں گا۔دہشت گردی کا سر اٹھ رہا ہے ،میں خود دہشت گردوں کا سر کاٹوں گا،ان کی حرکتوں کی وجہ سے سب کچھ مہنگا ہوچکا صرف عوام کا خون سستا ہے ،وزیر اعظم بنا تو بلوچستان کے عوام کو معلوم ہوگاکہ ان کا نمائندہ وزیر اعظم ہاؤس میں بیٹھا ہے ،8 فروری کو بلوچستان میں تیروں کی بارش ہو گی ،اگر میں لاہور سے الیکشن لڑ رہا ہوں تو آپ کا نمائندہ بن کر الیکشن لڑ رہا ہوں ،ہمارا سر کٹ تو سکتا ہے لیکن کسی دہشت گرد کے سامنے جھک نہیں سکتا ،

عمران خان کیخلاف بات کرنے پر پی ٹی آئی رہنما نے امام مسجد کو منافق کہہ دیا

میں وعدے کر کے یوٹرن نہیں لیتا تھا، نواز شریف

خیبر پختونخوا والو، آپ بھی جھوٹے شخص کے جھانسے میں آگئے؟ نواز شریف کا سوال

مریم نواز کے جلسے میں پارٹی پرچم پھاڑنے والے طالب علموں پر مقدمہ درج

 نواز شریف کے مخالف عبرت ناک انجام کو پہنچ رہے ہیں

پاکستان کو نواز دو کے سلوگن سے مسلم لیگ ن نے انتخابی منشور جاری 

ہم ووٹ مانگنے جاتے تو لوگ خواجہ سرا سمجھ کر 50 کا نوٹ دیتے، نایاب علی

 پرانے سیاستدان عوامی خدمت کے بجائے ذات کیلئے سیاست کررہے ہیں

مالاکنڈ: پیپلز پارٹی کا پاور شو، بلاول زرداری نے جلسے سے خطاب کرتے ہوئے کہا کہ آج کل لیول پلیئنگ فیلڈ کا رونا رویا جارہا ہے،پیپلز پارٹی کسی الیکشن میں لیو ل پلیئنگ فیلڈ نہیں ملی،

بلاول زرداری کا کہنا تھا کہ 2013 میں کہا گیا الیکشن مہم نہیں چلانے دیں گے،2008 کے الیکشن میں بے نظیر بھٹو کو شہید کیا گیا،دہشت گردی خطرے کے باوجودملاکنڈمیں جلسہ کررہاہوں ۔جان ہتھیلی پررکھ کرملاکنڈکے عوام کے پاس آیاہوں،عمران خان نے نوجوانوں کوروزگار کی امید دلادی مگر وزیر اعظم بن کر نفرت کی سیاست شروع کی۔جو مخالف تھے وہ چور اور جو ساتھ رہے وہ فرشتے تھے ۔عمران خان خود توبہ کریں چوری سے ۔جو دوسروں کو رلانے کے اعلانات کرتے وہ آج خود رورہا ہے ۔کیا میاں صاحب ووٹ کو عزت دلا سکے؟ میاں صاحب چوتھی بار وزیر اعظم بنے تو وہی پرانی سیاست کریں گے،

عمران کی سزا پر جشن نہیں، بشریٰ کے جیل جانے پر افسوس،شیر کا راستہ ہم ہی روک سکتے،بلاول
بلاول زرداری کا کہنا تھا کہ اگر ہماری حکومت بنی تو تمام سیاسی قیدیوں کو پہلے دن ہی رہا کرنے کا حکم دوں گا،ایک سابق وزیر اعظم کے الیکشن نہ لڑپانے پر اس کے مخالف جشن منا رہے تھے پیپلزپارٹی جمہوریت پسند ہے ،سابق وزیر اعظم کی سزا پر جشن نہیں منا سکتی ،بشریٰ بی بی کے جیل جانے پر دلی افسوس ہے،سیلاب متاثرین کو 30 لاکھ گھر بنا کر دونگا جن کی تعمیر شروع ہوچکی ہے،17 وزارتوں کو بند کرکے ان کے فنڈز عوام پر خرچ کرونگا، سیاسی جماعتیں طے کریں کہ سیاست کو دشمنی میں تبدیل نہیں کریں گی .آپ ہماری شکل پسند کریں یا نہ کریں، شیر کا راستہ ہم ہی روک سکتے ہیں،عوام فیصلہ کریں کہ ان کا وزیر اعظم کون ہوگا ،صرف تیر کا نشان ہے جو میاں صاحب کو چوتھی بار وزیراعظم بننے سے روک سکتا ہے۔میں جشن نہیں مناؤں گا بانی پی ٹی آئی کو توبہ کرنی چاہیے ،میں دائیں بائیں نہیں عوام کی طرف دیکھتا ہوں،بانی پی ٹی آئی اور نواز شریف مکافات عمل اس دنیا میں دیکھیں گے ،خان صاحب کو سمجھایا تھا کہ سیاسی مخالف کی عورتوں کے پیچھے مت پڑو ،آج خان صاحب کی بیوی کے جیل جانے پر مجھے بہت دکھ ہورہا ہے

اقتدار میں آیا تو تمام سیاسی قیدیوں کو رہا کردوں گا، بلاول
بلاول زرداری کا مزید کہنا تھا کہ میاں صاحب نے کہا تھا ووٹ کی عزت کرائیں گے،کیا (ن) لیگ والےووٹ کی عزت کررہےہیں؟میاں صاحب کو اپنی بیٹی کے ساتھ انتقام کی سیاست دیکھنا پڑی،سابق چیئرمین پی ٹی آئی مخالفین کی بہنوں،بیٹیوں کو گرفتارکرارہےتھے،دلی افسوس ہے کہ ان کی اپنی اہلیہ کو جیل جانا پڑ رہا ہے،آج سابق چیئرمین پی ٹی آئی کوبھی مکافات عمل کا سامنا ہے،میاں صاحب،سابق چیئرمین پی ٹی آئی کواحساس ہونا چاہیےجو کیاوہ دنیا میں دیکھنا پڑےگا،انتقام کی سیاست پریقین نہیں رکھتے،انتقامی سیاست سے ملکی معیشت تباہ ہوتی ہے،بہن بیٹیوں کو جیلوں میں گھسیٹنا مذہبی روایات کے خلاف ہے،ووٹ کی عزت کانعرہ لگا نے والے ووٹ کو عزت نہیں دیتے،حکومت میں آتے ہی سیاسی قیدیوں کو رہا کروں گا،وزیراعظم بن کر اشرافیہ کو تکلیف اور عوام کو ریلیف دلواؤں گا،

کوئٹہ میں پیپلز پارٹی کے دفتر پر دستی بم حملہ،بلاول کی مذمت،الیکشن کمیشن کا نوٹس
دوسری جانب کوئٹہ میں پیپلز پارٹی کے دفتر پر دستی بم سے حملہ کر دیا گیا،پیپلز پارٹی کے سریاب روڈ پر واقع دفتر پر نامعلوم افراد نے دستی بم پھینکا جس کے سبب 3 افراد زخمی ہو گئے,دستی بم حملے کی اطلاع پر پولیس کی بھاری نفری موقع پر پہنچ گئی اور زخمیوں کو ہسپتال منتقل کر دیا، پولیس نے جائے وقوعہ سے شواہد اکٹھے کر کے تفتیش شروع کر دی

بلاول بھٹو زرداری نے کوئٹہ میں پیپلزپارٹی کےانتخابی دفتر پر دستی بم حملے کی مذمت کی ہے،بلاول بھٹو زرداری نےبم حملے میں زخمی کارکنوں غلام اللہ ‘ نصراللہ ‘محمد جاوید ‘عبدالطیف اور عبید اللہ کی جلد صحت یابی کیلئے دعا کی، اور کہا کہ پیپلز پارٹی کے جیالے اس طرح کے بزدلانہ حملوں سے نہیں ڈرتے ،الیکشن کمیشن انتخابی دفاتر کی حفاظت کیلئے اقدامات کرے .

دوسری جانب الیکشن کمیشن نے کوئٹہ میں سیاسی جماعت کے الیکشن دفتر پر بم حملے کا نوٹس لے لیا، ترجمان الیکشن کمیشن کی جانب سے کہا گیا ہے کہ واقعے پر چیف سیکرٹری اور آئی جی بلوچستان سے رپورٹ طلب کرلی،ایسے واقعات میں ملوث افراد کے خلاف الیکشن قوانین کے تحت کاروائی کی جائے گی.

ہم ووٹ مانگنے جاتے تو لوگ خواجہ سرا سمجھ کر 50 کا نوٹ دیتے، نایاب علی

الیکشن کمیشن میں ڈیٹا سنٹر بارے بریفنگ،صحافیوں کا بائیکاٹ،احتجاج

چیف الیکشن کمشنر کا سخت رویہ، الیکشن کمیشن کے افسران بیمار ہونے لگے

بلوچستان کے نگران وزیر اطلاعات جان اچکزئی نے کہا ہے کہ ایران کی طرف سے پاکستانی خود مختاری کی خلاف ورزی تعلقات، اعتماد اور تجارتی روابط کو نقصان پہنچاتی ہے

کوئٹہ میں پریس کانفرنس کرتے ہوئے جان اچکزئی کا کہنا تھا کہ ہم انتہائی مایوس ہیں، دفتر خارجہ کہہ چکا کہ دہشت گردی تمام ممالک کے لئے خطرہ ہے اس طرح کی کاروائی پاکستان کے ساتھ قائم ہمسایہ تعلقات کو نقصان پہنچا سکتی ہے،دہشتگردی کے خطرے سے نمٹنے کےلیے مربوط کارروائی کی ضرورت ہے، ہم سیاسی کارکن ہیں اورہر قسم کی دہشتگردی کےخلاف ہیں۔پاکستان خصوصاً بلوچستان میں دشمن قوتیں بیرونی مداخلت کی کوشش کررہے ہیں، دشمن کبھی اپنی سازشوں میں کامیاب نہیں ہوں گے، ایران کےحملے میں دو بچیاں شہید ہوئیں اور تین زخمی ہیں، دفتر خارجہ نے اس واقعہ کی مذمت کی ہے، مزید تفصیلات جلد سامنے آئیں گی،پاکستان کے مستعد ادارے دہشتگردوں سے نمٹنا جانتے ہیں،

جان اچکزئی کا مزید کہنا تھا کہ شہدا کے کیمپ کا میں شکرگزار ہوں، شہدا کے کیمپ کے مطالبات مان لئے گئے ہیں،مزید علیحدگی پسند قومی دھارے میں آنے والے ہیں، ماہ رنگ پریشان ہے، آئینی اداروں کے اہم لوگوں کے خلاف میدان سجانے کی کوشش کی گئی،اسلام آباد میں بلوچوں سے لازوال محبت دیکھنے میں آئی، بھارت نواز ایجنڈہ لانے والی خواتین کی حقیقت عوام کے سامنے کھول گئی، پاکستان کے لئے قربانیاں دینے والے شہدا کی صورتحال دیکھ کر لوگوں کو حقیقت سامنے آئی، افغانستان کے حوالے سے ہمارا مؤقف واضح ہے، ہم ان سے باہمی تعلقات پریقین رکھتےہیں، دہشتگردی کے بہت سے واقعات میں افغانستان کےلوگ ملوث رہےہیں