Category: کوئٹہ

نگران وزیر اعلیٰ بلوچستان کی نامزدگی ، پارلیمانی کمیٹی نےعلی مردان ڈومکی کو نگران وزیراعلی بلوچستان بنانے کے نام پر اتفاق کرلیا عبدالقدوس بزنجو نے علی مردان ڈومکی کو نگران وزیراعلی بلوچستان بنانے کی توثیق کردی ،گورنر بلوچستان آج علی مردان ڈومکی کی بطور نگران وزیراعلی نامزدگی کی سمری پر باضابطہ دستخط کرینگے۔ نامزد نگران وزیراعلٰی بلوچستان آج شام عہدے کا حلف اٹھائیں گے۔

12 اگست کو بلوچستان اسمبلی کو تحلیل کیا گیا تھا بلوچستان اسمبلی کی تحلیل کے ساتھ کابینہ بھی ختم ہو گئی تھی نگران وزیراعلٰی بلوچستان کے تقرر کیلئے وزیراعلٰی عبدالقدوس بزنجو اور اپوزیشن لیڈر کے درمیان اتفاق نہیں ہو سکا تھا۔ وزیر اعلیٰ بلوچستان سے ملک سکندر خان ایڈوکیٹ نے نگران وزیر اعلیٰ کے نام پر مشاورت کے حوالے سے پیر کو اسلام آباد میں ملاقات کی تھی۔ وزیراعلٰی اور اپوزیشن کے درمیان اتفاق رائے نہ ہونے کے بعد نگران وزیراعلٰی کی نامزدگی کا معاملہ پارلیمانی کمیٹی کو بھیجا گیا تھا. آج کمیٹی میں اتفاق ہو گیا ہے

نگران وزیرِ اعظم انوار الحق کاکڑ سے بلوچستان کے نامزد نگران وزیرِاعلیٰ علی مردان ڈومکی کی ملاقات ہوئی ہے، ملاقات میں وزیرِ اعظم نے علی مردان ڈومکی کو نگران وزیرِاعلیٰ بلوچستان نامزد ہونے پر مبارکباد پیش کی اور نیک خواہشات کا اظہار کیا۔

پائلٹس کے لائسنس سے متعلق وفاق کے بیان کے مقاصد کی عدالتی تحقیقات ہونی چاہیے، رضا ربانی

کراچی طیارہ حادثہ کی رپورٹ قومی اسمبلی میں پیش، مبشر لقمان کی باتیں 100 فیصد سچ ثابت

ایئر انڈیا: کرو ممبرزکیلیے نئی گائیڈ لائن ’لپ اسٹک‘ ’ناخن پالش‘ خواتین کے لیے اہم ہدایات

مسافر طیارے کا پچھلا حصہ زمین سے ٹکرا گیا جس کے بعد کیپٹن کا لائسنس معطل کر دیا گیا ہے

ڈیرہ مراد جمالی (منصور مگسی) ملک بھر کی طرح نصیر آباد میں بھی پاکستان کی جشن آزادی تقریبات کا انعقاد کیا گیا اور ریلیاں نکالی گئیں سب سے بڑی تقریب کمشنر نصیر آباد کے دفتر ڈیرہ مراد جمالی میں ڈپٹی کمشنر نصیر آباد محترمہ عائشہ زہری کے زیر صدارت منعقد ہوئی اس سے قبل ڈی آئی جی نصیر آباد منیر احمد شیخ نے قومی پرچم کشائی کی رسم ادا کی، گارڈ آف آنر پیش کیا گیا اور قومی ترانہ بجایا گیا اس موقع پر ایس ایس پی نصیر آباد میر حسین احمد لہڑی ، ایڈیشنل کمشنر علی محمد ہانبھی، اسسٹنٹ کمشنر ڈیرہ مراد جمالی اسد اللہ خان سمالانی اور اسسٹنٹ کمشنر چھتر خادم حسین کھوسہ بھی موجود تھے ۔

تقریب کا باقائدہ آغاز تلاوت کلام پاک سے کیا گیا جس کے بعد نعتیہ کلام اور ملی نغمے پیش کیے گئے۔ ڈپٹی کمشنر نصیر آباد محترمہ عائشہ زہری نے تقریب سے خطاب کرتے ہوئے کہا کہ قدرت کی طرف سے انسانوں کیلئے سب سے بڑی نعمت غلامی سے آزادی ہے پاکستان کی آزادی کیلئے برصغیر کے مسلمانوں نے قائد اعظم محمد علی جناح کی قیادت میں تاریخی جدوجہد کی مرد و خواتین ، جوان، بچوں اور بزرگوں نے لازوال قربانیاں دیں انہوں نے کہا کہ پاکستانی قوم پر الله تعالیٰ کے بےشمار احسانات ہیں جس نے ہمیں ایک بہت بڑا ملک عطا کیا جس کا جتنا بھی شکر ادا کیا جائے کم ہے دنیا میں پاکستان کی بہت بڑی اہمیت ہے اور اس کا الگ قومی پرچم اور الگ پہچان ہے

اپنے خطاب میں انہوں نے 2022 میں طوفانی بارشوں اور تباہ کن سیلاب کے دوران بہتر کارکردگی کا مظاہرہ کرنے والے سرکاری افسران اور اہلکاروں کو ضلع نصیر آباد کا ہیرو قرار دیا جن میں ڈی ایچ او نصیر آباد ڈاکٹر عبدالمنان لاکٹی کو سرفہرست قرار دیا تقریب کے اختتام پر ڈپٹی کمشنر نصیر آباد ، ایس ایس پی نصیر آباد ، ایڈیشنل کمشنر نصیر آباد اور اسسٹنٹ کمشنر ڈیرہ مراد جمالی اسد اللہ خان سمالانی نے زندگی کے مختلف شعبوں سے تعلق رکھنے والے اور نمایاں کارکردگی کا مظاہرہ کرنے والے افراد میں انعامات انعامات تقسیم کئے جن میں ڈی ایچ او نصیر آباد ڈاکٹر عبدالمنان لاکٹی ، لیڈی اے ایس آئی عائشہ، میونسپل کمیٹی ڈیرہ مراد جمالی کے سینیئر اہلکار اصغر علی رند، انفار میشن ڈپارٹمنٹ نصیر آباد کے اختر منگی ، حافظ سعید احمد بنگلزئی و دیگر شخصیات اور طلبہ و طالبات شامل ہیں ۔ تقریب میں ممتاز قبائلی شخصیت سخی میر عبدالرئوف لہڑی ، ٹیچنگ ہسپتال کے ایم ایس ڈاکٹر اکبر علی کھوسہ ، محمد یعقوب مینگل ، آئی سرجن ڈاکٹر حماد الله زہری ، ڈی ایس پی گلاب خان شیخ ، شمن علی سولنگی ایس ایچ او سٹی و صدر ڈیرہ مراد جمالی سکندر سعید عمرانی، جاوید احمد کھوسہ ، نائب تحصیلدار قائم دین بنگلزئی ،_صدورا خان ابڑو، مولانا نواب الدین ڈومکی، نذیر احمد ڈومکی، محمد صادق عمرانی، سیٹھ تارا چند، کیئر نصیر آباد کے صدر و سابق صدر پریس کلب آغا نیاز مگسی و دیگر موجود تھے ۔

کوئٹہ ، غازی یونیورسٹی میں ثناءارشاد بلوچ کیساتھ جنسی زیادتی کی بھرپور مذمت کرتے ہیں۔ بلوچ وومن فورم کے مرکزی بیان میں کہا گیا ہے کہ ڈیرہ غازی خان میں غازی یونیورسٹی کے فزکس ڈیپارٹمنٹ کی طلبہ ثناءارشاد مغلانی کی حراسمنٹ، بلیک میلنگ اور اسکے ساتھ ہونے والی جنسی زیادتی کی پرزور الفاظ میں مذمت کرتے ہیں اور اس سنگین مسئلے کو ہم ریاستی غیر سنجیدگی اور غفلت سمجھتے ہیں۔

ترجمان نے مزید کہا کہ ماضی میں ایسے کئی واقعات بلوچستان اور ملک کے دیگر تعلیمی اداروں میں پیش آئے جن میں بلوچستان یونیورسٹی اسکینڈل اہم سرخیوں میں رہا، جہاں طالبات کو وڈیوز اور مختلف حربوں کے ذریعے بلیک میل کیا گیا۔ حال ہی میں اسلامیہ یونیورسٹی آف بہاولپور میں بھی اسی نوعیت کا ایک اور حادثہ پیش آیا، جہاں طالبات کو اساتذہ نے اپنے وحشی پن کا مظاہرہ کرکے انہیں اپنی ہوس کا نشانہ بنایا لیکن کئی مظاہروں کے بعد بھی اس واقعے میں ملوث افراد کو کسی بھی قسم کی سزا نہیں ہوئی اور نہ متاثرہ بچیوں کی شنوائی ہوئی۔

ترجمان نے کہا کہ غازی یونیورسٹی میں ثناءارشاد مغلانی کے ساتھ پیش آنے والے واقعے کی فی الفور تحقیقات کی جائے، واقعے میں ملوث ڈیپارٹمنٹ اساتذہ اور کسی بھی شریک جرم شخص کو کیفرِکرادر تک پہنچایا جائے بصورت دیگر بھرپور احتجاج کیا جائے گا