Category: رحیم یارخان

رحیم یارخان( )،جمناسٹک چیمپئن درشن منگھی مرحوم کی برسی کے موقع پر چولستان میں تقریب کا اہتمام،تقریب میں ڈاکٹر ماجد، قیصر غفور چوہدری سابق صدر ڈسٹرکٹ پریس کلب رحیم یار خان، جبار واصف، سمیت، اسلام باد، لاہور، سندھ،سمیت دیگر علاقوں سے لوگوں نے بھر پور شرکت صوفی نائٹ کا اہتمام کیا گیا،

رحیم یار خان ( )پولیس کانسٹیبلان شاکر 2551/C متعینہ پولیس چوکی مجاہد شہید اور محمد ہاشم 2549/C متعینہ پولیس چوکی گدھ پور موٹر سائیکل CD/70 بلا نمبری پر خان پور سے واپس اپنے گھر بستی جوئیہ جا رہے تھے۔ جب بحد بستی جوئیہ پہنچے تو آگے سے 3 کس نا معلوم الاسم اشخاص بسواری موٹر سائیکل 125/CG بلا نمبری برنگ سیاہ آگئے اور پولیس ملازمان سے موٹر سائیکل اور نقدی چھیننے لگے۔ جس پرکانسٹیبل محمد شاکر ملزمان پر جھپٹ پڑا تو ملزمان نے پسٹل 30 بور سے پولیس ملازمان پر فائرنگ کر دی۔ جس سے ایک فائر محمد شاکر کے سینے پر دائیں جانب لگا اور موقع پر شہید ہو گیا۔ اور ملزمان موٹر سائیکل چھین کر فرار ہو گئے۔

رحیم یار خان ( )وزیراعظم کے معاون خصوصی برائے اقلیتی امور و ایم این اے ڈاکٹر رمیش کمار صاحب ڈسٹرکٹ پریس کلب رحیم یارخان میں پریس کانفرنس کر رہے ہیں،ان کا کہنا ہے کہ وہ پاکستان کے تمام صوبوں‌بشمول آزاد کشمیر میں پریس کانفرنس کریں گے اور کشمیر میں ہونے والی بھارتی دہشت گردی کو بے نقاب کریں گے.

ظاہرپیر تا خانپور روڈ جو تقربیاً 20 کلو میٹر ہے محکمہ ہائی وے نے اس کا نام کشمیر ہائی وے رکھ دیا ہے وزیراعلٰی پنجاب سردار عثمان بزدار کے حکم پر ہر ضلع میں ایک روڈ کا نام کشمیر سے منسوب کیا جائے تاہم اسی حکم پر عمل کرتے ہوئے محکمہ ہائی نے ظاہرپیر تا خان پور روڈ کا نام کشمیر ہائی وے رکھ دیا ہے ظاہرپیر اور خان پور کی عوام کیلئے محکمہ ہائی وے نے احسن قدم اٹھایا کیونکہ یہاں کے مکین اپنے کشمیری بھائیوں سے والہانہ محبت کرتے ہیں

رحیم یار خان ( )پاکستان پیپلز پارٹی جنوبی پنجاب کے صدر و سابق گورنر پنجاب مخدوم سید احمد محمود کا اپنی رہاٸیش گاہ مخدوم ھاوس لاہور میں برطانوی ہائی کمیشن کی پاکستان میں تعینات پولیٹیکل کونسلر مس لونا تھامس کے اعزاز میں ظہرانہ دیا اس موقع پر انہوں نے ملک کی سیاسی اقتصادی معاشی صورتحال سمیت مسٸلہ کشمیر لاٸن أف کنٹرول پر بھارتی جنگی جارحیت کی سنگینی پر تفصیلی گفتگو کی۔ اس موقع پر رکن قومی اسمبلی مخدوم سید مرتضے محمود اور مخدوم سید مصطفے محمود سمیت پیپلز پارٹی کی فیڈرل کونسل کے رکن و چیف کوواڈٸینیڑ جنوبی پنجاب عبدالقادرشاھین بھی موجود تھے۔

رحیم یارخان( ) نمز سکول سسٹم نے نویں کلاس کے رزلٹ میں بہاولپور بورڈ میں میدان مار لیا اور پوزیشنز حاصل کرنے والی سابقہ روایت کو بھی برقرار رکھا نویں کلاس کی طالبہ نبیہا نعیم نے 501نمبر حاصل کرکے بہاولپور بورڈ میں پہلی پوزیشن حاصل کرلی۔چیئرمین نمز سکول سسٹم محمدندیم مسعود کی پہلی پوزیشن حاصل کرنے والی طالبہ نبیہا نعیم اسکی ٹیچرز اور والدین کو مبارکباد۔گذشتہ روز سکول ہذا میں پوزیشن حاصل کرنے والے طلباء وطالبات کے اعزاز میں چیئرمین ادارہ کی جانب سے ایک پروقار تقریب کا اہتمام کیا گیا۔ جس میں پوزیشن حاصل کرنے والے طلباء وطالبات انکے اساتذہ نے بھرپورشرکت کی۔تقریب سے خطاب کرتے ہوئے محمدندیم مسعود نے کہاکہ الحمدللہ اس دفعہ بھی بورڈ میں ہمارے ذہین طلباء وطالبات نے بہترین پوزیشنز حاصل کرکے یہ ثابت کردیا ہے کہ نمز سکول سسٹم میں تعلیم کا معیارقابل تقلید ہے اس کا سارا کریڈٹ ہمارے اساتذہ کو جاتاہے جنہوں نے دن رات محنت کرکے ان طلباء وطالبات کو پوزیشنز حاصل کرنے کے قابل بنایا جس پر میں تمام اساتذہ کو مبارکباد پیش کرتاہوں۔انہوں نے کہاکہ دیگر طلباء وطالبات جن میں زہرہ خالد نے 490نمبر لیکر سکول میں دوسری، اور سعود مقبول نے 489لیکرسکول میں تیسری پوزیشن حاصل کی،جبکہ ایمن اشرف نے 488بہترین نمبر حاصل کئے۔انہوں نے کہاکہ کل116طلباء وطالبات نے نویں کلاس بورڈ کا امتحان دیا جن میں سے 55بچوں نے اے پلس، جبکہ 61بچوں نے اے گریڈ وفرسٹ پوزیشن حاصل کی۔چیئرمین ادارہ نے اس عزم کااظہار کیاکہ طلباء وطالبات کی تعلیم وتربیت میں کوئی کمی نہیں چھوڑی جائیگی اوراپنے تعلیمی سفر کو جاری رکھے گا۔ہمارے ادارہ کے طلباء وطالبات اپنی الگ پہچان رکھتے ہیں مجھے اپنے ان بچوں پر اورانکے اساتذہ پر فخر ہے۔انہوں نے کہاکہ بہت جلد ان بچوں اور انکے اساتذہ کے اعزاز میں ایک بڑی تقریب منعقدکی جائیگی جس میں والدین کو بھی مدعو کیاجائے گا۔اس موقع پر گرلز کیمپس ہیڈ مسزساجدہ نور، بوائز کیمپس ہیڈ مسز سعدیہ عتیق،افتخار غازی ودیگر سٹاف موجود تھا۔

2.jpg

رحیم یارخان( ) شیخ زید پبلک سکول نویں کلاس کے بورڈ کارزلٹ 100فیصد رہا، محمدحنظلہ خان عباسی نے 496نمبر لیکر پہلی،آمنہ درانی نے 495نمبر لیکر دوسری اور مائرہ ریاض نے 494نمبر لیکر تیسری پوزیشن حاصل کرلی۔ نویں کلاس کے کل129طلباء وطالبات نے بورڈ کا امتحان دیا، جن میں 94طلباء وطالبات نے Aپلس گریڈ، 35طلباء نے Aگریڈ جبکہ 50طلباء وطالبات نے 90فیصد سے زائدنمبر لیکر سکول کا نام روشن کیا۔ گذشتہ روز پرنسپل محمد نجیب اللہ نے پوزیشن حاصل کرنے والے طلباء وطالبات اور انکے اساتذہ کی حوصلہ افزائی کے لیے ایک سادہ تقریب کا اہتمام کیا جس میں تمام سٹاف نے شرکت کی۔ اس موقع پر خطاب کرتے ہوئے پرنسپل محمد نجیب اللہ نے کہاکہ شیخ زید پبلک سکول نے ہرسال کی طرح اس دفعہ بھی بہاولپور بورڈ میں پوزیشنزحاصل کرنے کی روایت برقرار رکھی ہے، جس پر تمام طلباء وطالبات اور انکے اساتذہ مبارکباد کے مستحق ہیں۔انہوں نے کہاکہ چیئرمین بورڈ آف گورنر ڈپٹی کمشنر جمیل احمد جمیل کو بھی مبارکباد پیش کرتاہوں جنکی خصوصی توجہ اور تعاون سے شیخ زید پبلک سکول ترقی کی منازل طے کررہا ہے اور رحیم یارخان شہر کا تعلیمی کارکردگی اور کوالٹی آف ایجوکیشن کے حساب سے سب سے بہترین سکول ہے جہاں تعلیم کے ساتھ ساتھ طلباء وطالبات کی تربیت اور کردار سازی بھی کی جاتی ہے۔انہوں نے کہا کہ جو طلباء وطالبات پوزیشن حاصل نہیں کرسکے وہ مایوس نہ ہوں وہ بھی محنت کرکے وکٹری سٹینڈ پر کھڑے ہوسکتے ہیں۔انہوں نے کہا کہ ہم آج اس بات کا عزم کرتے ہیں کہ طلباء وطالبات کی تعلیم وتربیت میں کوئی کسر نہیں چھوڑیں گے اور شیخ زید پبلک سکول کو بہاولپورڈویژن میں ایک مثالی سکول بنائیں گے،انہوں نے تمام اساتذہ کو بھی شاندارالفاظ میں خراج تحسین پیش کیا اوربچوں کی تعلیم وتربیت پر مزیدمحنت کی ضرورت پر زوردیا۔ اس موقع پر ہیڈماسٹر بوائز سیکشن محمدطارق، ہیڈمسٹریس گرلزسیکشن مسز نصرت خالد ودیگر موجودتھے۔

تفصیلات کے مطابق رحیم یارخان میں لڑکیوں کو اغواءکےبعد منشیات کا عادی بناکر مکروہ دھندہ کرواکر فروخت کرنے والے گروہ کاانکشاف ہوا ہے۔ پولیس نے گروہ کے چنگل سے ایک لڑکی کو بازیاب کرواکرسرغنہ خاتون کوگرفتارکرلیا ہے۔

پولیس کا کہنا ہے کہ ملزمہ میڈم تانیہ سے منشیات اور دیگرسامان برآمد کیا گیا ہے جبکہ گروہ کے دیگر ارکان فرار ہوگئے ہیں۔ متاثرہ لڑکی کا کہنا ہے کہ مجھے اغواء کے بعد پیسوں کے عوض سندھ میں فروخت کیاگیا