Category: راولپنڈی

راولپنڈی :عوامی مارچ کے موقع پر ق لیگ سے تعلق رکھنے والے نوجوان مظہر عباس نے جماعت اسلامی میں شامل ہونے کا اعلان کردیا جس کا اعلان امیر جماعت اسلامی پنجاب طارق سلیم نے کیا اور نعروں کی گونج میں ان کا استقبال کیا اس موقع پر مظہر عباس نے کہا کہ آپ سب کو جماعت اسلامی کو آگے لانا ہوگا

راولپنڈی :صوبائی سیکرٹری اطلاعات جماعت اسلامی پنجاب انعام الحق اعوان کے مطابق مہنگائی،بے روزگاری اور آئی ایم ایف کی غلامی کے خلاف جماعت اسلامی کا عظیم الشان عوامی مارچ آج (جمعہ)4بجے لیاقت باغ سے فوارچوک ہوگاجس کی قیادت امیرجماعت سینیٹرسراج الحق،مرکزی سیکرٹری جنرل امیرالعظیم،امیرصوبہ ڈاکٹرطارق سلیم صوبائی سیکرٹری جنرل اقبال خان،امرائے اضلاع ودیگرقائدین کریں گے۔صوبائی ترجمان کے مطابق عوامی مارچ میں مردوخواتین کے علاوہ بچے،نوجوان اوربزرگ بھی بڑی تعداد میں شریک ہوں گے اورحکومتی پالیسیوں کے خلاف احتجاج کریں گے،ترجمان کے مطابق آج 10بجے لیاقت باغ میں مرکزی استقبالیہ کیمپ قائم کردیا جائے گا جہاں راولپنڈی واسلام آباد کے علاوہ گوجرخان،کہوٹہ،مری،ٹیکسلا،واہ کینٹ،چونترہ سمیت دیگرعلاقوں سے جلوس پہنچیں گے۔ترجمان کے مطابق فوارہ چوک میں سٹیج لگادیا گیا جبکہ خواتین کیلئے الگ پنڈال میں کرسیاں لگائی گئی ہیں۔

راولپنڈی :سی پی او نے وزیر اعظم اور وزیر اعلیٰ پورٹل پر آنے والی شکایات پر48گھنٹوں میں کارروائی کرنے کی ہدائت کر دی، تھانوں میں اس حوالے سے مکمل ریکارڈ مرتب کیا جائے،پورٹل کی شکایات پر کارروائی کا ریمائنڈر نہیں بلکہ متعلقہ آفیسر کو تاخیر کرنے پر اظہار وجوہ کا نوٹس اور چارج شیٹ بھجوائی جائے گی،ان خیالات کا اظہار سٹی پولیس آفیسر ڈی آئی جی محمد فیصل رانانے پولیس افسران کے ایک اجلاس کی صدارت کرتے ہوئے کیا،انہوں نے کہا کہ حکومت نے عوام کی شکایات کے حل کے لئے ہر سطح پر جومنصوبے شروع کئے ہیں ان کو کامیاب بنانے کے لئے راولپنڈی پولیس نے ایک مربوط حکمت عملی ترتیب دی ہے،جس کے تحت وزیر اعظم اور وزیر اعلیٰ پنجاب کے پورٹل پر عوام کی طرف سے پولیس کے متعلقہ جتنی شکایات آئیں گی انہیں زیادہ سے زیادہ48گھنٹوں میں حل کیا جائے گا،شکایات پر میرٹ اور صرف میرٹ کے تحت اٹھائے گئے اقدامات اس طرح ہونے چاہییں کہ انصاف ہوتا نظر آئے اور شکائت کرنے والے کو اطمینان ہو کہ اس کی دادرسی میرٹ پر کر دی گئی ہے،انہوں نے کہا کہ کمیونٹی پولیسنگ کو جس قدر مستحکم کیا جائے گا عوام اور پولیس کے مابین اس قدر ہی خلیج کم ہو گی،کمیونٹی پولیسنگ سے ہی قانون پسند عوام کے ساتھ فرینڈلی پولیسنگ جنم لیتی ہے،انہوں نے کہا کہ پولیس افسران کا رویہ قانون پسند اور میرٹ پرست عوام کے ساتھ انتہائی خوشگوار ہونا چاہیے اور قانون شکنوں کے ساتھ انتہائی سخت ہونا چاہیے،سی پی او نے کہا کہ پولیس رویوں میں تبدیلی زبانی کلامی نہیں ہونی چاہیے بلکہ اس کا اظہار عملی طور پر بھی کیا جانا ضروری ہے،اگر پولیس افسران کے رویوں میں قانون پسند عوام کے لئے دوستانہ روش ہو گی تو عوام سب سے پہلے اپنی شکائت تھانہ میں لے کر آنے کو ترجیح دیں گے،سی پی او نے کہا کہ وزیر اعظم اور وزیر اعلیٰ کے پورٹل پر آنے والی شکایات فوری اقدامات کے متقاضی ہوتے ہیں سوشل میڈیا کو مانیٹر کرنے کے لئے بھی پولیس کو ایک کاؤنٹر بنانا چاہیے کیوں کہ زیادہ تر شکایات کاتعلق سوشل میڈیا پر وائرل ہونے والے واقعات سے ہوتا ہے،انہوں نے کہا کہ پولیس میں خود احتسابی کا سسٹم 24/7چلتا رہتا ہے،میں بار بار یہ بات کرتا ہوں کہ قانون ہی سب سے زیادہ طاقتور ہے قانون سے طاقتور کوئی نہیں،سی پی او نے کہا کہ میں روزانہ کی بنیاد پر راولپنڈی پولیس کے تمام ڈویژنز کے ایس پیز سے وزیر اعظم اور وزیر اعلیٰ کے پورٹل پر آنے والی شکایات اور ان پر کئے گئے فوری اقدامات کے حوالے سے فالو اپ لوں گا،

راولپنڈی: نوبیاہتا جوڑوں سے نقدی اور طلائی زیورات چھیننے والا بین الصوبائی عرفانی ڈکیت گینگ کا سرغنہ 3ساتھیوں سمیت گرفتار،ملزمان سے وہ ”کٹر“ بھی بر آمد جس سے وہ لڑکیوں کے ہاتھوں میں پہنے طلائی کڑے کاٹ لیتے تھے،ملزمان کو پڑھے لکھے ہونے کا انکشاف،ملزمان سے درجنوں وارداتیں اور کروڑوں روپے کے مسروقہ زیورات بر آمد ہونے کا امکان،تفصیلات کے مطابق راولپنڈی کے مختلف علاقوں میں خواتین سے طلائی زیورات چھیننے،”کٹر“ سے طلائی کڑے کاٹنے اور نقدی چھیننے کی وارداتوں میں اضافہ ہو گیا تھا،سٹی پولیس آفیسر ڈی آئی جی محمد فیصل رانا نے ایس پی صدر رائے مظہر اقبال کو اس گینگ کی گرفتاری کا خصوصی ٹاسک دیا،جنہوں نے اس کام کے لئے ایک خصوصی ٹیم تشکیل دی،جس نے جدید سائنسی ٹیکنالوجی سے استفادہ کرتے ہوئے شہر کے مختلف بازاروں میں خصوصی طور پران دوکانوں پر سی سی ٹی وی کیمروں کو فنگشنل کروایا جہاں پر خواتین بڑی تعداد میں خریداری کے لئے آتی تھیں،سی پی او فیصل رانا ان اقدامات کی براہ راست نگرانی کر رہے تھے،پولیس نے منظم منصوبہ بندی سے بدنام زمانہ عرفانی گینگ کے سرغنہ عرفان عرف عرفانی اس کے ساتھیوں فرحان،فیضان اور فرحان نصیر کو گرفتار کر لیا،ملزمان سے موٹر سائیکل،اسلحہ کے علاوہ وہ ”کٹر“ بھی بر آمد کر لیا جو خواتین کے ہاتھوں میں پہنے ہوئے طلائی کڑے کاٹنے کے لئے استعمال ہوتا تھا،بتایا جاتا ہے کہ ملزمان نو بیاہتا جوڑوں کو اسلحہ کے زور پر روکتے،نقدی اور طلائی زیورات چھینتے ملزمان لڑکیوں کے ہاتھوں میں پہنے طلائی کڑے دیکھتے جو جلدی میں نہ اترے جانے کے باعث ”کٹر“ سے کاٹ لیتے،ملزمان کے حوالے سے یہ بھی انکشاف ہوا ہے کہ وہ پڑھے لکھے ہیں،وہ دیکھنے میں بظاہر معزز دکھائی دیتے ہیں،پولیس نے جب ملزمان کو گرفتار کیا تو ملزمان نے انگلش زبان میں بڑی روانی سے گفتگو کی،ان ملزمان کی گرفتاری سی سی ٹی وی فوٹیج کی مدد سے عمل میں آئی،سی پی او فیصل رانا نے اس طرح کی وارداتوں کے بعد حکم دے رکھا تھا کہ جائے وقوعہ پر لگے سی سی ٹی وی کیمروں کو چیک کیا جائے،اس نوعیت کی واردات کے بعد سی پی او خود متحرک ہوتے اور ڈویژنل ایس پیز سے ہر گھنٹے کے بعد وراداتوں کے ٹریس ہونے سے متعلق پوچھتے،ایس پی صدر رائے مظہر اقبال کا کہنا ہے کہ ملزمان کی تفتیش سے راولپنڈی میں ہونے والی درجنوں وارداتیں ٹریس ہوں گی جن میں ملزمان نے خواتین سے طلائی زیوارات چھینے،کڑے کاٹے،سی پی او فیصل رانا نے پولیس افسران کو ہدائت کی کہ وہ ان سہولت کاروں کو بھی گرفتار کریں جن کے پاس ملزمان مسروقہ طلائی زیور ات فروخت کرتے تھے،سی پی او نے کہا کہ مسروقہ مال بر آمد کر کے قانونی کارروائی مکمل کرنے کے بعد اسے اصل مالکان تک پہنچایا جائے،سی پی او نے بدنام زمانہ گینگ گرفتار کرنے والے ایس پی صدر رائے مظہر اقبال و دیگر افسران کو دفتر بلا کر شاباش دی،انہوں نے کہا کہ اس گینگ سے تفتیش کے تمام مراحل سے مجھے روزانہ کی بنیاد پر آگاہ رکھا جائے۔

راولپنڈی:امیرجماعت اسلامی پنجاب ڈاکٹرطارق سلیم نے کہاکہ وفاق سمیت صوبوں کے حکمران مزاحیہ کردارہیں اپنی نااہلی کو کریڈٹ بناکرپیش کرنے والوں کی عقل پرماتم ہی کیا جاسکتا ہے،موسم برسات سے قبل نشیبی علاقوں میں سیلاب کے سدباب کیلئے اقدامات کی بجائے پانی میں ڈوبی لاہورکی سڑکوں پرکیمرہ سیشن اور خواتین کوٹیکسی سروس دینا وزیراعلی پنجاب عثمان بزدارکی ذمہ داری نہیں،حکمرانوں نے پاکستان کوپوری دنیا میں مذاق بنادیا۔ کپتان عوام کوریلیف دینے کی بجائے عذاب بن گئے جماعت اسلامی 19جولائی کولیاقت باغ راولپنڈی میں عظیم الشان اورتاریخی عوامی مارچ منعقد کرے گی جس میں مردوخواتین،نوجوان اوربچے شریک ہوں گے۔ عوامی مارچ کی تیاریوں کے سلسلے میں منعقدہ ورکرزکنونشن سے خطاب کرتے ہوئے امیرصوبہ نے کہاکہ قوم نے بھٹوکی بیٹی اور دامادناکام ہوتے دیکھا،نوازشریف اورپرویزمشرف ناکام ہوئے اوراب قوم کوٹرک کی بتی کے پیچھے لگا کرانھیں گھٹاٹوپ اندھیروں میں دھکیلنے والے،نوازوزرداری اورپرویزمشرف کے وزراء اورممبران اسمبلی کو ساتھ ملاکرحکومت بنانے والے کپتان عوام کوریلیف دینے کی بجائے ان کیلئے عذاب بن چکے،قوم کے مسائل اوردکھوں کاعلاج صرف اسلامی نظام میں ہے جس کے نفاذ کی صلاحیت جماعت اسلامی کی دیانتداراوراہل قیادت کے پاس ہے،قوم نے سب کوآزما لیا لیکن سانپوں نے ہمیشہ عوام کوڈسااب قوم کے پاس جماعت اسلامی کے علاوہ کوئی آپشن نہیں،راولپنڈی واسلام آباد کے عوام 19جولائی کوگھروں سے نکلیں اور عوام پر مہنگائی وبے روزگاری مسلط کرنے والے آئی ایم ایف کی غلامی میں جکڑے حکمرانوں کے خلاف امیرجماعت اسلامی سینیٹرسراج الحق کی شانہ بشانہ اپنا احتجاجی مارچ میں حصہ لیں

راولپنڈی : محکمہ شہری دفاع نے آتشزدگی کے آلات کی تنصیب نے کرنے والے ہوٹلز مالکان کے خلاف کریک ڈاون کرتے ہوئے 19افراد کو بھاری جرمانے اور اظہاروجوہ کے نوٹسز جاری کئے ہیں۔
باغی ٹی وی کی تفصیلات کے مطابق گذشتہ روز راولپنڈی کے تھانہ صدر بیرونی اور تھانہ مورگاہ کی حدود میں واقع ہوٹلز،بیکرز اور دیگر ریفرشمنٹ سنٹر میں سول ڈیفنس کے افسران نے پولیس کے ہمراہ انسپیکشن کی جس دوران 19افراد کو ہزاروں روپے جرمانہ کیا ہے اور متنبہ کیا گیا کہ اپنے ہوٹلز میں آتشزدگی پر قابوپانے والے آلات کی فوری تنصیب کی جائے ،طالب حسین نے بتایا ہے کہ نوٹسز کی مدت پوری ہونے کے بعد فائرسیفٹی آلات کی تنصیب نہ کرنے والے عمارتوں اور تجارتی مراکز کو سربمہر کر دیا جائے گا