راولپنڈی :امیرجماعت اسلامی پنجاب ڈاکٹرطارق سلیم نے کہاہے کہ مشکل چیلنج قبول کرنے کے دعوے کرنے والے اسمارٹ کپتان نے اپنے ہی وزیرخزانہ کی جانب سے آئی ایم ایف پروگرام کا متبادل پروگرام مستردکرکے اسدعمرکوگھربھیج دیا اور آئی ایم ایف کا وزیرخزانہ مقررکرکے غلامی اختیارکرلی،گرین پاسپورٹ کی عزت بحال کرنے کا نعرہ اچھا، لیکن ہرعمل اس کے برعکس ہے پوری دنیا سے بھیک مانگنے اورعوام پرقرضوں وٹیکسوں کا بوجھ لادنے کے باوجود ملکی معیشت بدترہے،مہنگائی اوربے روزگاری نے عوام کی زندگی اجیرن کررکھی ہے سرمایہ کارملک چھوڑکرجارہے ہیں۔کامیاب دورے کا جشن منانے اوراسے ورلڈ کپ جیسی کامیابی سے تعبیرکرنے والی تحریک انصاف کے وزیراعظم سے امریکہ،دورے کے دوران کئے وعدوں اور 48گھنٹوں کیلئے دئیے ٹاسک کی رپورٹ مانگ رہا ہے۔ان خیالات کااظہارانھوں نے اسلامک سنٹرمیں اجتماع سے خطاب اور وفود سے گفتگو کرتے ہوئے کیا۔ ڈاکٹر طارق سلیم نے کہاکہ ملک لوٹنے والوں کا بلاامتیازاورشفاف احتساب ضروری ہے اپوزیشن کے ساتھ حکومت میں بیٹھے لٹیروں کوبھی کٹہرے میں لایا جائے،ایک سال میں حکومت نے صرف چورڈاکوکا شورکیا لیکن اب تک ایک روپیہ بھی قومی خزانے میں واپس نہ لاسکی، قوم ملک لوٹنے والوں کوجیل میں ڈال کر اے سی اورٹی وی کی واپسی پرپوائنٹ اسکورنگ نہیں قومی دولت کی واپسی چاہتی ہے،حکومتی صفوں میں بھی کرپٹ،بددیانت اورقرضے معاف کروانے والے فیصلہ سازی میں کرداراداکررہے ہیں، لٹیروں کی جگہ ایوان اقتدارکی بجائے جیل کی کال کوٹھڑی ہونی چاہیے۔

پاک فوج کے ترجمان میجر جنرل آصف غفور نے کہا ہے کہ فوجی جوانوں کی شہادتیں خطہ میں امن کے لئے ہیں .

وزیرستان و بلوچستان، پاک فوج کے 10 جوان پاک سرزمین پر قربان

باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر ٹویٹ کرتے ہوئے ڈی جی آئی ایس پی آر میجر جنرل آصف غفور نے کہا کہ ڈی جی آئی ایس پی آر میجر جنرل آصف غفور کا کہنا ہے کہ فوجی جوانوں کی شہادتیں خطہ میں امن کے لئے ہیں، قبائلی علاقوں کی‌ صورتحال بہتر ہو رہی ہے.پاک افغان سرحدکومحفوظ بنانے پرتوجہ مرکوزہے،

بلوچستان، دہشت گردوں کی فائرنگ سے کیپٹن سمیت چار جوان شہید

شمالی وزیرستان، سرحد پار سے فائرنگ،پاک فوج کے چھ جوان شہید

میجر جنرل آصف غفور کا مزید کہنا تھا کہ دشمن عناصر بلوچستان میں بدامنی پھیلانے کی کوشش کر رہے ہیں اور بلوچستان کو غیر مستحکم کرنا چاہتے ہیں، دشمنوں کی تمام سازشیں ناکام بنائیں گے. ان شاء اللہ

پاک فوج نے آواران میں ایسا کام کیا جو حکومت بھی نہ کر سکی

جے ایف 17 تھنڈر بلاک 3 نئے ریڈار کیساتھ مارچ 2020ء تک آپریشنل ہوگا،سربراہ پاک فضائیہ

راولپنڈی: ڈسٹرکٹ کرکٹ ایسوسی ایشن راولپنڈی کے زیر اہتمام انٹر کلب ڈسٹرکٹ کرکٹ چیمپئن شپ کا ناک آؤٹ مرحلہ بارشوں کے باعث منسوخ کر دیا گیا۔ ڈسٹرکٹ کرکٹ ایسوسی ایشن راولپنڈی کے ممبر کرنل (ر) راجہ وسیم احمد نے خبر رساں ادارے اے پی پی کو بتایا کہ حالیہ بارشوں کے باعث ٹورنامنٹ کے ناک آؤٹ مرحلے کے بقیہ میچز منسوخ کر دیئے گئے ہیں جن میں کوارٹر فائنل، سیمی فائنلز اور فائنل شامل ہیں۔ انہوں نے بتایا کہ موسم کی صورتحال بہتر ہوتے ہی ان میچز کا نیا شیڈول جاری کر دیا جائے گا۔

راولپنڈی: تعلیمی بورڈ راولپنڈی کے زیر انتظام انٹر بورڈز کمیٹی کے 15 ویں قومی سمر کیمپ کی اختتامی تقریب (کل) ہفتہ کو فیڈرل بورڈ اسلام آباد کے آڈیٹوریم میں ہوگی۔ ترجمان تعلیمی بورڈ راولپنڈی ارسلان چیمہ نے ”اے پی پی“ کو بتایا کہ چھ روزہ سمر کیمپ کا آغاز 22 جولائی کو ہوا جس کی افتتاحی تقریب پاکستان سپورٹس بورڈ اسلام آباد کے رودہم ہال میں منعقد ہوئی، انہوں نے بتایا کہ سمر کیمپ میں ملک بھر کے 28 تعلیمی بورڈز کے پوزیشن ہولڈر طلباء نے شرکت کی، وفاقی وزیر تعلیم شفقت محمود بطور مہمان خصوصی تقریب میں شرکت کریں گے۔ اس موقع پر تمام تعلیمی بورڈز کے سربراہان موجود ہوں گے۔ انہوں نے بتایا کہ سمر کیمپ کے انعقاد کی روایت کو 14 سال قبل شروع کیا گیا تھا جس کا مقصد شریک طلباء کو ملک کے بارے میں مفید معلومات اور جدید سائنسی و تکنیکی علوم سے آگاہ کرنا ہے کیونکہ انہی طلباء نے مستقبل میں ملک کی باگ ڈور سنبھالنی ہے۔

راولپنڈی :‏سی پی او راولپنڈی محمد فیصل رانا کے احکامات کے مطابق نماز جمعہ کے حوالے سے مساجد و امام بارگاہوں پر سیکورٹی کے سخت انتظامات کئےگئے تھے ۔ ایلیٹ اورڈولفن فورس خصوصی طورپرگشت ڈیوٹی سرانجام دی. سئینر افسران اور ایس ایچ اوز تعنیات اہلکاروں کوچیک کر کےڈیوٹی کے متعلق بریف کیا

اسلام آباد : امیر جماعت اسلامی اسلام آباد نصراللہ رندھاوا نے کہاکہ پی ٹی آئی حکو مت کا ایک سال بد انتظامی اور ناکامیوں سے عبارت ہے ، عمران خان نے الیکشن مہم کے دوران جو وعدے کیے تھے ان میںسے کو ئی بھی پورا نہیں کیا ، تعلیم ، علاج اور انصاف ہر شہری کی ضرورت ہے مگر حکومت اس حوالے سے اپنا کوئی وعدہ پورا نہیں کرسکی ۔انھوں نے کہا حکومت نے سب سے زیادہ بے روزگار نوجوانوں کو مایوس کیاہے ۔ ایک کروڑ نوکریوں کا وعدہ کر کے کسی ایک نوجوان کو نوکری نہیں دی بلکہ پانچ لاکھ سے زائد لوگوں کو روزگار سے محروم کیا۔ کسان اور مزدور کا کوئی پرسان حال نہیں جس کی وجہ سے زراعت اور صنعت زبوں حالی کا شکار ہیں اور مہنگائی نے کاروبار زندگی کو مفلوج کر کے رکھ دیاہے ۔ان خیالات کا اظہار انھوں نے لوہی بھیر ، ترامڑی اور علی پور کے دورے کے موقع پر ارکان وکارکنان کے اجتماع سے خطاب کر تے ہو ئے کیا ۔
ٍٍٍ نصراللہ رندھاوا نے کہا جماعت اسلامی کی کرپشن سے پاک محب وطن قیادت ہی ملک و قوم کے مسائل حل کر سکتی ہے، تبدیلی کا نعرہ محض دھوکہ اور فریب ثابت ہواہے ، قوم کو مہنگائی ، غربت اور بے روزگاری و بدامنی جیسے مسائل سے صرف جماعت اسلامی ہی نجات دلاسکتی ہے ۔ انہوںنے کہاکہ ملک کی جغرافیائی اور نظریاتی سرحدوں کی حفاظت کے لیے جماعت اسلامی نے جو قربانیاں پیش کی ہیں ، وہ رائیگاں نہیں جائیں گی ۔ وہ وقت دور نہیں جب پاکستان میں اسلامی انقلاب کا سورج طلوع ہو گا اور پاکستان نظام مصطفےٰ کا گہوارہ بنے گا ۔

راولپنڈی :پولیس کی طرف سے عوام الناس کو خدمت مرکزلیاقت باغ میں تمام سہولیات ایک چھت تلے فراہم کرنے کا سلسلہ جاری ہے، گزشتہ روز188 افراد کو راولپنڈی پولیس نے خدمت مرکز لیاقت باغ میں سہولیات فراہم کیں، راولپنڈی پولیس انسپکٹر جنر ل آف پولیس پنجاب کیپٹن (ر) عارف نواز خان کے ویژن اور سٹی پولیس آفیسر راولپنڈی کیپٹن (ر) محمد فیصل راناکے احکامات کے پیش نظر عوام الناس کے جان و مال کے تحفظ کے ساتھ ساتھ سہولیات بھی فراہم کر رہی ہے۔

راولپنڈی: سی پی او ڈی آئی جی محمد فیصل رانا نے تمام ڈویژن سے کرائم رپورٹ طلب کر لی،گزشتہ روز ایس پی صدر رائے مظہر اقبال نے سی پی او کو بریفنگ دیتے ہوئے بتایا کہ میری تعیناتی کے5ماہ کے دوران صدر ڈویژن میں رابری کے45مقدمات کے گرفتاراور چالان46ملزمان سے ایک کروڑ 43لاکھ80ہزار روپے مالیت کا چھینا جانے والا مال بر آمد کیا،جو ایک ریکارڈ ہے،ڈکیتی کے درج5مقدمات کے9گرفتار اور چالان ملزمان سے2لاکھ25ہزار روپے کی ریکوری ہوئی،انہوں نے بتایا کہ اس دورانیہ میں خواتین سے زیادتی کے12مقدمات کے23ملزمان گرفتار کر کے میرٹ پر تفتیش یکسو کی گئی اور ملزمان کو چالان کیا گیا،اغواء کے3مقدمات کے8ملزمان گرفتار کر کے چالان کیا گیا،ایس پی صدر نے بریفنگ دیتے ہوئے کہا کہ اس مدت میں خطرناک ڈاکوؤں کے13گینگ گرفتار ہوئے ان گینگوں کے54ملزمان گرفتار کر کے ان کی تفتیش کی گئی،ملزمان سے17لاکھ55ہزار نقدی 14موٹر سائیکل اور دیگر 3وہیکل کو بر آمد کیا گیا،صدر ڈویژن میں منشیات کے خلاف مہم قابل رشک حد تک کامیاب رہی،ڈویژن کے ان تمام مقامات پر منشیات فروشوں کے خلاف آپریشن کیا گیا جو اس حوالے سے بدنام تھیں،اس آپریشن کے دوران منشیات فروشوں کے خلاف درج مقدمات میں 432ملزمان گرفتار کئے گئے جن سے 5کلو965گرام ہیروئن بر آمد کی گئی عالمی مارکیٹ میں اس کی قیمت کروڑوں روپے بتائی جاتی ہے،ملزمان سے5کلو24گرام افیون بر آمد کی گئی اس کی قیمت بھی لاکھوں میں بتائی جاتی ہے،منشیات فروشوں سے لاکھوں روپے مالیت کی4من9سو گرام چرس بر آمد کی گئی،سی پی او نے ایس پی صدر کو شاباش دیتے ہوئے کہا کہ اس کارکردگی کا تسلسل جاری رہنا چاہیے،پولیس پر عوام کی جو توقعات ہیں انہیں ہر صورت قانون کے دائرے میں پورا کرنا ہے،سی پی او نے کہا کہ راولپنڈی پولیس ایک فیملی ہے میں عہدے کے لحاظ سے اسکا سربراہ ہوں،پولیس افسران اور ملازمین اپنے مسائل کے حوالے سے مجھ سے براہ راست خود رابطہ کریں میں خاندان کے سربراہ کی حیثیت سے تمام مسائل قانونی انداز میں دیکھ کر اسے حل کروں گا تاہم اگر کوئی پولیس آفیسر یا ملازم کریمنلز کے ساتھ مکس اپ ہوا،جرائم پیشہ افراد کا سہولت کار بنا،یا پروفیشنل پولیسنگ میں غفلت یا کوتاہی کا مرتکب ہوا تو اس کے خلاف نہ صرف سخت محکمانہ احتساب ہو گا،اور قانون شکنی پر مقدمات بھی درج ہوں گے۔